اخوان والله مشكله تدوخ ومسألة حياة او موت فأنصحوني لو هيج لو هيج بس بسرعه هسه

[IGI]

السلام عليكم اولا:
2):اريد احجيلكم قصتي اول شي راح اعرفكم على نفسي اني طالب مرحله ثانويه :خامس علمي يعني ضلت سنه وحده واوصل للسادس مو؟ مو هنا الاشكال
الاشكال:دا اتعرض يوميا فتره لمن اطلع من البيت لجماعه يكولولي اشتغل ويانه بمنطقتك بس كولنه فلان سني وفلان شيعي واحنه ننطيك فلوس؟؟؟؟؟؟؟؟والله وهاي تحت تهديد السلاح بس شنو علمود اخلص كلتلهم اي......وراها رحت لبغداد ملفيت بالمنطقه مالتي ابد هاي الحجي ببدايه العطله هسه مال نص السنه...فكوللولي شسوي ويين انطي وجهيلان تره هاي شغله موت او حياة اخوكمigi::27::

[sermed]

السلام عليكم اخي العزيز ارجو منك ان لا تتعاون مع هؤلاء الانذال مهما كان الثمن
وابقى في بغداد و انقل نفسك هناك او شوفلك غير حل و لكن ابدا لا تفكر ان تساعدهم ارجوك

[Adv Honey]

اخي الكريم ..
لا تتعاون مع هؤلاء ابداً ..
واذا هددوك بالقتل فالافضل ان تترك المنطقة وتقيم عند اقاربك او معارفك في منطقة اخرى ولو لفترة الدراسة فقط...
حفظك الله ..

[حورية البراءة]

والله اخي هاي مشكلتك مشكلة انت اهم شي للتعاون وياهم

وما ادري انهزم لغير مكان ميندلوك بيه المهم دير بالك على تفسك وعلى حياتك والله الحافظ بعد

[ابراهيم العنزي]

السلام عليكم اخي العزيز والله اطفر لسوريا والله كريم كل احنه على هل الطريق و مشكلتك كلش سهله بس حط عينك بعين الله وسوريا بغداد الثانيه والله هنانه متحس بغربه وين متروح تلكه عراقين وتعال وبيك خير ودلل والله مو شقه وراسلني على الايميل وانطيك رقم جوالي واشغلك والله كريم راسلني على ibrahem_almalek and erite_tiger_911@hotmail.com والله كريم وسكنك موجود

[LARAH]

أخويَ العزيز شكراً لشهامتك وغيرتك على بلدك
وشكراً لأنك طرحت مثل هذي المشكلة وأتمنى من الرب أن لايصيبك أي مكروه
وندعوه أن يحفظ أبناء وطنا الأشراف من امثالك ..

هذي المشكلة فعلاً صعبة لكن ليكن أيمانك بالله أكبر من كل شي
ولا تخاف إطلاقاً لأنك مع الحق وربي يحرسك من كل مكروه

برأيي أنك تخبر الشرطة وإذا شفت أي أشكال بهذي المسألة
فياريت تخبر أي جهة تضمن لك ولبلدك السلامة

وان شاء الله تنجلي هذه الغمة بأذنهِ تعالى.

أمنياتي ودعائي لكَ بالسلامة ولأبناء بلدي الحبيب.

بكل معاني التقدير والاحترام لكَ تحياتي.

[ريحانة الحب]

الله يساعدك اخي مشكله كبيرة جدا
ولكن مشكور على هذه الشهامة والغيرة العراقيه على بلدك واهلك
ونصيحتي مثل مكال الاخ ابراهيم اخرج خارج العراق واستر على نفسك
اتمنى لك الموفقيه

[mafia_baghdad]

اخويه اول شيء لتسئلنه ادعي من ربك ايحله
و ثاني شيء اطلع من المنطقه وروح يم كرايبك لان اول شيء تفكر بي حط بمكانك مكان هذا السني او الشيعي الي ايروح بيه و انشاء الله تفرج و نرجع احسن من قبل

[C.T.U]

اتصل بيه واني ما اقصر وياك .........على الياهو واشرحلي اوكي

[Wolf Of Ma'Moon]

اتصل 130 والله كريم لان كلهم علاسه بس بلكت يفيدوك بشي

[فلاح بالمنطقة الخضراء]

طبعا لا تتعاون ويا هيج اشكال

[وردة الموصل]

والله الله يساعدكم

[محمد اسبرو]

اطلع من المنطقه وروح يم كرايبك لان اول شيء تفكر بي حط بمكانك مكان هذا السني او الشيعي الي ايروح بيه و انشاء الله تفرج و نرجع احسن من قبل

[نوره الحب]

اني اشوف لو تغير منطقتك و تتلافى الشر

[الخياااال]

سهلة ولتفكر بيه افلت بدون محد يحس بيك لتروح تنعلس

اذا متمكن اطلع خارج العراق واذا لا
المحافظات موجودة وامان افلت بيه وتدلل اخوية بس المهم متساعدهم باي معلومة
ولا تنجرف لكلامهم

سمعنا اخبار حلوةة من تنحل المشكلة
تحياتي ..

[غصن البان]

السلام عليكم اولا:
2):اريد احجيلكم قصتي اول شي راح اعرفكم على نفسي اني طالب مرحله ثانويه :خامس علمي يعني ضلت سنه وحده واوصل للسادس مو؟ مو هنا الاشكال
الاشكال:دا اتعرض يوميا فتره لمن اطلع من البيت لجماعه يكولولي اشتغل ويانه بمنطقتك بس كولنه فلان سني وفلان شيعي واحنه ننطيك فلوس؟؟؟؟؟؟؟؟والله وهاي تحت تهديد السلاح بس شنو علمود اخلص كلتلهم اي......وراها رحت لبغداد ملفيت بالمنطقه مالتي ابد هاي الحجي ببدايه العطله هسه مال نص السنه...فكوللولي شسوي ويين انطي وجهيلان تره هاي شغله موت او حياة اخوكمigi::27::


نصيحتي الك تغيرون منطقتكم وتشيلون منها

والله يكون بعونك

[الزعفراني البغدادي]

الله يحل مشكتلتك يا اخي
بس اهم شي لا تسوي الي يردون لو توصل للقتل تر اذا وافقت بهذا الشي راح تكون قاتل
اما اذا عندك جرة وتكدر توكعهم بفخ يعني تجيب اخبارهم قبل ما تنطيهم اي شي وتخبر الجهات الامنية
بهذا الشي واذا ما كدرت ياما تظل ببغداد او تسافر ولا تخاف على دراستك تكدر ترجع بس اذا كنت سبب قتل اي احد تر راح تفقد كل شي بحياتك
تحياتي الك ولكل عراقي شريف

[زين الدين زيدان]

شكرا على الموضوع

[اسيرة ولكن]

خلي الله بين عيونك واتعوذ من الشيطان
والله يخلصك منم

[بمبش المدنفش]

والله السالفه تدوخ

[جنه جنه يا عراق]

الله يساعدك هاي مشكله صعبه بس اكو حلين لو تطلع من البيت الساكن بيه لو تسافر مثل مسوه ملاين من العراقين اذا تتعاون وياهم راح اتسبب مشاكل هواي وراح اكيد هما الارهابين راح يكتلون الشخص الكلت عليه وتغضب ربك اول شي خل هذه العتبار بوجهت نضرك استر على نفسك وعلى الناس اليمك وسافر او تنقل من المنطقه الساكن بيها بس الحل الفضل تسافر والله يكون بعونك وقبل متسافر خابر الداخليه بلكت يفيدوك

[عـاشـق الـرمـادي]

والله ياخي حاول تفلت

وشوفلك مكان

واهنيك على شجاعتك

[مجنونه بس حنونه]

الله يحفظك اخوووي
اشتغل بضميرك ولربك وناسك لاتتعاون ويا هيج جماعات مهما صار لان هاي شغله تأأذي هواي ناس مالها ذنب وانت الله يوفقك بحياتك وتكمل دراستك اذا تكدر سافر لغير بلد
تقبل مروري

[حيدر لنك]

اخوية اتصل ب130 وحاول تساعدهم حتى تخلص العالم وتخلص روحك

[سارةالمعمارية]

مدام انت ممتعاون وياهم رب العالمين حيحميك واني مثل مكالوا البقيه رايي وياهم غير مكانك بصورة دائميه والص من هالبلوة
والله يحفظك من كل شر
ومدام انت بالطريق الصح اعرف انه وياك شي اكبر منهم كلهم هو حمايه رب العالمين ورضاه عنك

[المياسه]

الله يساعدك
انت اذا تعاونت وياهم رح تكون سبب قتل واستشهاد الابرياء
اني اقترح تطلع من منطقتك او من محافظتك كلهه بهدوء وتتصل على 130

[ارجوانة البصره]

استغفر الله ولا حول ولاقوة الا بالله العلي العظيم هذا شلون زمن قذر وشلون نفوس مريظه!!!!
اخويه لا تتعاون وياهم وسوي مثل البقيه الي عندهم غيره على بلدهم ومثل ما كلولك روح هاجر لغير بلد والله مراح ينساك لانو الي مثلك الله يعينهم ويساعدهم لانو مقبلت انو تساعد على قتل انسان بريئ بغض النظر عن كونه سني او شيعي لان بالنهايه هاي نفس من خلق الله ونفس بريئه وحرام قتلها والله يعينك وييحميك من كل سؤ
تقبل مروري

[بنـــت الفرات]

اخوية اني الي افضلة الك تطلع خارج العراق رو لسوريا ولو فترة محددة لانو سوريا كلهة عراقيين متحس بغربة والدراسة اجللهة شوية لانو حياتك اهم والله يحفظك من اي مكروه ويحفظ ابناء العراق جميعهم

[حرامي نت]

السلام عليكم
اخويه العزيز اول شيء تسويه اجمع كل اسمائهم وعناوينهم اذا تكدر وروح بكل سريه الى اقرب قاعده امريكيه بخفيه وكللهم الي صار اني اعتقد انته بهذا العمل راح اولا اتحافظ على نفسك وثانيا راح اتخلص المجتمع من هيجي حثالات هذي من ناحيه
من ناحيه اخرى اذا تعرف واحد بلجيش من اقربائك فقط او من معارف اهلك اذا اضطريت كله بسريه تامه على هذا الموضوع ونشاء الله راح يلكيلك الحل ويه هذوله الاوباش واني ما انصحك ان تتصل بلشرطه لانهم نصهم علاسه وصكاكه اخاف يصكوك
تدري اني ليش كتلك بابدايه روح للامريكان لانه على الاقل ما اعتقد راح يعلسوك مثل جماعتنه اني مو ادافع عنهم يجوز همه ممولين هذوله الجلاب الي ديعترضون طريقك !!!!!!!!!!!!!!!
على كلا الله يساعدك ولاتسكت على هذا الموضوع ولا تتعاون وياهم تره تندم بعد وقت قريب جداااااااااا

[مهندسه كليه دجله]

عيني مشكلتك ان شا الله حلها بسيط اترك المنطقه وروح يم اقاربك ولتكول لاحد مكانك