siffien
02-26-2007, 12:57 AM
القيامة
الحيطان منخل والدروب حفور
والبيبان صرخة بلا صدى ولا صوت صفنة گمبرة بوحشة مسية گبور
وجوه الصغار الحاضنة الشباچ باگة ورد ذابل بالحزن محصور
والنظرة متاهة وخوف يرضع خوف من يهتز قفل حسبالهم شاجور
من يهتز قفل حتى الطيور تطير مرعوبة الجنح وبلا وعيها تدور
ماظل لا ملاذ يلوذ بيه الخوف بس حسرة مرارة بحشرجة مصدور
قامت والجراد اسراب تتلي اسراب من تسكن الريح يعشعش الممذور
قامت والمناير تختل وي الناس وتخاوي الرصاصة الصگر والعصفور
قامت والبشر مو بشر غابة زور يحصدها العصف ويلوچها التنور
حتى الماي ورث والتوى الصفصاف شاحب والنهر من كثر غيضه يفور
والموت بصلافة يدگ على البيبان ويوزع عليها السدر والكافور
قامت والدقايق ترضع من الموت كل لحظة بطبگ كل ثانية بعاشور
حتى الماي ورث والتوى الصفصاف شاحب والنهر من كثر غيضه يفور
قامت والدقايق ترضع من الموت صفنت رحى الگاع ورحى الموت تدور
قامت من دخيلك ياعلي الكرار مو هاي القيامة المن بعد متقوم
.
.
.
للشاعر عريان السيد خلف
.
.
.
الحيطان منخل والدروب حفور
والبيبان صرخة بلا صدى ولا صوت صفنة گمبرة بوحشة مسية گبور
وجوه الصغار الحاضنة الشباچ باگة ورد ذابل بالحزن محصور
والنظرة متاهة وخوف يرضع خوف من يهتز قفل حسبالهم شاجور
من يهتز قفل حتى الطيور تطير مرعوبة الجنح وبلا وعيها تدور
ماظل لا ملاذ يلوذ بيه الخوف بس حسرة مرارة بحشرجة مصدور
قامت والجراد اسراب تتلي اسراب من تسكن الريح يعشعش الممذور
قامت والمناير تختل وي الناس وتخاوي الرصاصة الصگر والعصفور
قامت والبشر مو بشر غابة زور يحصدها العصف ويلوچها التنور
حتى الماي ورث والتوى الصفصاف شاحب والنهر من كثر غيضه يفور
والموت بصلافة يدگ على البيبان ويوزع عليها السدر والكافور
قامت والدقايق ترضع من الموت كل لحظة بطبگ كل ثانية بعاشور
حتى الماي ورث والتوى الصفصاف شاحب والنهر من كثر غيضه يفور
قامت والدقايق ترضع من الموت صفنت رحى الگاع ورحى الموت تدور
قامت من دخيلك ياعلي الكرار مو هاي القيامة المن بعد متقوم
.
.
.
للشاعر عريان السيد خلف
.
.
.