انتحاري يقتل 40 أمام كلية ببغداد منو وراها ؟

[سماء البصرة]

السلام عليكم ..

طبعا سمعتم بآخر مجزرة لشبابنا وطلابنا في كلية الادارة والاقتصاد بجامعة المستنصرية ..40 طالب وطالبة انتهت حياتهم بدقيقة وحدة بس !

حسب اقوال وكالات الانباء انه انتحاري فجر نفسه ..مو سيارة مفخخة انتركت علي وانفجرت ..بل انتحاري

هسه ..اريد افتهم .انتم كولولي ..منو هالانتحاري ؟؟ هل هو امريكي من السي آي ايه ؟ من الموساد ؟ ادري هل اكو امريكي لو يهودي يفجر نفسه ؟؟ ..زين فد مرتزقة ؟ ادري شنو راح يستفيد من الفلوس اذا فجر نفسه ومات ؟؟ ..لعد اكو اختيار واحد حسب ما اشوف ..فد انتحاري تكفيري مخبل ..فد واحد من اخواننا العرب يمكن ؟؟ اللي ما يريد العراق يتعمر ؟؟ لو عراقي مغسول مخه ؟؟ انا ما اعرف ..منو هذا ..

انتم كولولي ..ليش تم استهداف هالطلبة ؟؟ وليش لهسه الكه احد يدافع عن هذوله الارهابيين ويزعل اذا حجينا عليهم ..لا احد يكلي فرقي بين المقاومة والارهاب ..لانه نفسهم اللي جاي يستهدفون الامريكان جاي يستهدفون شبابنا وطلابنا ..فهم بعيني ارهابيين ...

مو آن الاوان ..انه نتحد ؟؟ انه ما ادافع عن هذا المجرم او غيره فقط لانه من طائفتي ؟ ..مو آن الاوان احط ثقتي بالحكومة وقواتها ؟؟ ..انا تعبت من مجرد متابعة الاخبار علي التلفزيون ..الله يساعدكم يا اهالي الشهداء ..الله يساعدكم يا الامهات ..الله يساعدكم يا عراقيين الداخل ..الله يساعدكم ..بس بشرط ساعدوا انفسكم واطردوا هالارهابيين من مدنكم من بيوتكم من شوارعكم ..طلعوا مظاهرات صيحوا ..طردوهم من بلدنا ..طردوووووووووووووووووووهم حتي لو جان عراقيين مثلنا مجرمين ..طردوووووهم ...لخاطير هالشباب اللي جاي تموت بدون سبب ..لخاطير شبابنا ..مو علمود الحكومة ولا علمود الائتلاف ولا علمود القاعدة ولا علمود صدام ولا علمود الضاري ولا علمود الصدر ..علمود شبابنا ..علمود شبابنا

حسبنا الله ونعم الوكيل ..حسبنا الله ونعم الوكيل ..

[صقر ااالبياع]

اختي منو يكول هذولة مو نفسهم المقاومة (المزعومة) نفس الاساليب التي يستخدمونها للهجوم على الامريكان يستخدمونها على المدنيين ومازال الجيش الاسلامي الارهابي والجماعات الارهابية التي تحت قيادته يقتلون بأبنائنا الطلبة بعد تهديدهم قبل فترة بترك الكليات والجامعات لتصفيتها من من اسموهم بالصفويين مع الاسف نرى البعض يدافع عن هؤلاء ويسميهم بمقاومة خسأت هكذا مقاومة وخسأوا مناصري هذه المقاومة التي تريد ايقاف التقدم العلمي في البلاد والرجوع بنا الى ما قبل 1000 عام الى زمن الحمير امثالهم .

شكرا اخت بسمة وطن
تحياتي

[شبعاد العراقية]

الله ينتقم منهم ومن كل شخص اساء للعراق

[ابو تراب اللامي]

اللة يرحم شهدائنا الابرار

[princess al_maammon]

رحم الله جميع من كان هناك ,ونحن كُلنا نعرف من الذي باع العراق
للمقاومة الشـــــــــــــــــريفة المغطاة بدم الأبرياء.

[شروق]

شكرا حبيبة عمري سماء هولاء نفسهم الي يسموهم مقاومه لقيطه
حيوانات بشريه تاتينا من دول الجوار نواصب

شروق

[انا عراقي فقط]

رحم الله شهداء العراق

[ورد جوري]

أي مقاومة هذه التي تقتل الأبرياء؟

وأي مقاوم شريف يفجر نفسه بين طلاب العلم ؟

هل هذه مقاومة؟

حسبنا الله ونعم الوكيل

اللهم ارحم شهدائنا الأبرار

شكرااااا سماء البصرة على الطرح والتساؤل