اريد حل لمشكلتي تعبت حييييل ساعدوني

[سهارى]

بسم الله الرحمن الرحيم
هذه اول مشاركة الي بالمنتدى وارجو انكم تقبلوني واريد اعرض هاي المشكلة عليكم واتمنى الكالها حل يمكم واني متاكدة انه هذه مشكلة هواي بنات مثلي خاصة بهاي الظروف .......... بداية اني حبيت شخص بسنة2003 واستمرت العلاقة بيننا وكان الشاب على خلق عالي وبيه صفات اي بنية تتمناها وعندما اراد خطبتي رفضو اهلي الموافقة على الموضوع لمجرد انه شيعي .وعانيت الكثير الكثير وجرعت المر من اهلي وتخيلو حتى كامو يعيروني لان اللي احبه شروكي واخوتي تخلو عني وخاصة اخي الجبير علما انه كانت عنده اولويات بالموضوع ومع هذا عافني
وتوالت الاحداث وتهجرو اهل الولد من المنطقة وفاركتة لاول مرة بحياتي وشفت العذاب بغيابة حيث تعرضت الى انهيار عصبي وهسة بعد هذا الفراك الولد يريد يرجع يخطبني من جديد بس خايف من اهلي واني هم خايفة
الله يخليكم ساعدوني وانطوني حل راح اتخبل
شفتو الطائفية شسوت بينا كلنا انجوينا منها
اختكم سهارى

[لينا البغداديه]

والله ياأختي هذي مشكله ايعانون منهه اهوايه خاصتا ابوقتنه هذا
يعني صدك الله ايساعدج عليهه اشلون متحملهه هل عذاب ماادري الله ايكون ابعونج حبيبتي
اني برأيي انو ييجون اهله ويكعدون ويه اهلج كعدة تفاهم بما وانتو اضاهر جيران مااعتقد اهلج راح يتصرفون وياهم تصرف مو حلووو
مابيهه شي يكعدون ويتفاهمون وانتي خلي وياج سند احد تثقين بيه ويكدر ايأثر عله اهلج حتى لو كان ممو من العائله
وانتي ابد لضعفين ضلي مصره على موقفج والله يكون وياج ان شاء الله
هذا رأيي الشخصي جوز الشباب ان شاء الله ايقدمولج حل افضل
بس انتي اتوكلي على الله ولتخافين واذا هو مكتوب من نصيبج لو الدنيا كلهه توكف ضدج هو الج وانتي اله
وياااااااااارب اسمع انج انخطبتي اله يااااااااااااااااااااااااااااااااااااااااااااااااا اااااااااااااارب

[صيدلاني البصرة]

والله هاايه حاله صعبه ومؤثره.............هوايه دنشوف منها هالايام...........بس اتمنى من اهلج يقبلون..
امج موافقه؟؟؟؟؟؟؟؟؟؟اذا اي فكلج مبروك من هسه .........واذا لا فالله كريم
اتقبلي مروري

[فتى بلاحبيبه]

والله بعض العراقييين يشكون من هكي
مواظيع بس نشالله ماكو واحد ما مشكلته محلوله

والله يفرجه على الجميع بجاه
الامام علي عليه السلام
تحياتي

[عـ ـ ـراقـ ـيـ ـة مغـ ـ ـتربـ ـ ـة]

اني اايد راي الاخت لينا انت محتاجة شخص ياثر على اهلج
وبصراحة اختي اني تقريبا عشت مثل قصتج بس كان الرفض مو لان شيعي بل بسبب اخر
واني تخليت عن الموضوع وهسة ندمانة فنصيحتي الج
ابد ابد لاتايسين ولاتتخلين عن الموضوع وحاولي بكل الطرق ان تخليهم يوافقون
وحاولي توصليلهم بطريقة ان هذا تخلف لان هو شيعي لان كلنا مسلمين وهو مو ذنبه انولد شيعي
لاتتخلين عن الموضوع ولا تخلين طريقة متجربيهة حتى لاتندمين
والله يساعدج اختي لان اني حاسة بيج ومريت بمثل هاي التجربة والى الان اعاني منهة ولا اكدر انساهة

[حورية البراءة]

ياربي منين جتينة هالطائفية مال فلان سني وفلان شيعي اختي ما اكدر اكول غير الله يكون بعونج ويصبرج ويفرج عنج

[ابو سموسة]

اول شي كولي يا الله وصلي على النبي عليه افضل الصلاة والسلام

وثاني شي ترة عيب والله سوالف سنة وشيعه

والله مدام انتي تعترفين بنفسج سنية والولد يتعرف بنفسه شيعي هاي اكبر مشكلة

انتي استهدي بالرحمن وادعي من الله يبعد هالمشكلة عنج وعن العراقيين

شوفي الله شسوه بيج لان انتي معترفه بهاي الشغلة مال سنة وشيعه

الولد مسلم وجاي يخطبج انتي مسملة بعد شنو هالتسميات؟

وانتي احجي ويا ابوج بقوة الراي يعني خلي رائيج قوي وكوليله عيب هالحجي مال سنة وشيعه وحتى لو ابوج لو اخوج الجبير انتي دتحجين شي صح والغلط من اهلج ودائما احجي وياهم وفهميهم كولهم عيب والله هيجي تسون وحرام

وبدال متجمعون اثنين بالحلال كاعدين تفرقون اثنين بالحرام

وانتي ادعي من الله وخلي ايمانج قوي انتي والولد وكلشي ينحل والله

ويا رب تنحل مشكلتج ومشكلة العالم كله مال سنة وشيعه

[ابو سموسة]

مكررررررررررر

[ابو سموسة]

مكرررررررررررررر

[سجاد الربيعي]

و الله يا اختي هاااااااي مشكله صعبه
ما اعتقد كلامي او كلام غيري يأثر عليه
بس اكو حل واحد لا غير
الى في حالة اكو احد يكدر يأثر على اهلج
و يقنعهم بلولد هذا الحل الوحيد
تحياتي
سجاد الربيعي

[سجاد الربيعي]

و الله يا اختي هاااااااي مشكله صعبه
ما اعتقد كلامي او كلام غيري يأثر عليه
بس اكو حل واحد لا غير
الى في حالة اكو احد يكدر يأثر على اهلج
و يقنعهم بلولد هذا الحل الوحيد
تحياتي
سجاد الربيعي

[رامي الكبيسي]

حطي عين بعين الله وسوي استخاره

[.oO ( R o M a N c E ) Oo.]

ما شفت مشكلة للبنات غير انه .. احب هذا و تركني هذا و سافرنة و عفت هذاااااا

[نوره الحب]

حبيبتي اني اكول انه يجي مره و اثنين و 3 و 4 الى ان يشوفون اهلج تمسكه بيج و انه مارح تقبلين بغيره اكيد وكتها رح يقبلون و حتى لو مقبلو لتعوفيه و ظلو حاولو

[الزعفراني البغدادي]

اختي الله يكون بعونك والله الحال انو يجيب اهلة ويكعدون كعدة خير واما اذا دخلتو بيها اطراف فهاي شي زين يعني مثلا اشخاص ياثرون على اهلك
واذا انت تشوفين من اهل اهلك كل هذا الاشياء ولهذا الدرجة يظلموك والله انا من نفسي اعتقد اتعوفين بيت اهلك وتشوفين مستقبلك وي الي اتحبي هذا رايي بصراحة لئن اذا اهلك وهيج وياك اكيد ما راح يفيدوك بعيدن
تحياتي والله يعين الجميع

[هدى& ندى]

الله يكون بعونك يااختي و مشكلتك الكثير يعانون منها. بس الي اكدر اكولك حاولي تقنعين اهلك ودائما ارفضي اي واحد يتقدملك وحاولي تطلبين مساعده اي واحد من اقاربك او اصدقائكم يكون اهلك يحترموه وياخذون برايه وتطلبين مساعدته

[هدى& ندى]

تحيه للاخ الزعفراني البغدادي احب اقولك يااخي شلون يعني تترك بيت اهلها بس احب اذكرك احنه عرب وبالاخص عراقين يعني النه عاداتنا وتقاليدنه . اكو الف طريقه حتى تقنع اهلها وتبقى ترفض اي واحد يتقدملها يعني هذا مو حل ان تترك بيت اهلها

[حلوة كربلاء]

الله يكون بعونج وهاي حقيقة صرنا بيهة هسة الله كريم ويسهل والله يوفقج ما اعرف شنو الحل ..

[زين الدين زيدان]

مشكورررررررررررررر

[زين الدين زيدان]

...............مشكوررررررررررررررررررر

[زين الدين زيدان]

شكرا على الموظوع