Swordsman
02-24-2007, 03:11 PM
قصيده جميله للشاعر زهير هداد اتمنى ان تعجبكم
كبل ما ينكرط هيلك
جثيره اجفوف توميلك
كبل ما ينكرط هيلك
جثيره اشفاف غنتلك لحن فرحه بوجه ليلك
وبعد ما دارت الدنيا ويبس حناك
وارجت عل حزن سجة مواويلك
وبعد ماتاهت اسنينك بشاطي الاه
وبعد ما غرّب اهيلك
غدت ضحكات شماتك سهم مسموم
دارت بالسلف وتصيح يا ويلك
جنت تشري الفرح لشفاف المعيدين
هسا الدنيا بس اهات تشريلك
يمن ناغت ضحكتك فرحة الصحبان
وكت همك اشو محد بناغيلك
تكطف من بعد وعله البعد شتلوح
جفك والوكت كطّع محاجيلك
بالك من حيايه بخيمة الشمات
تدعي عليك يلضنتك تدعيلك
كلها نياب صفره وتشتفي ابّلواك
وكلها تريد تسمع منك00ادخيلك
ونه ادريبك جلد يلكابرت بسكوت
كابر علمكابر ربك يعينك
طلّك كل سفينه اتخاوت ويا السيل
وبالك تركب الهم لو وكف سيلك
طشّرها اعله صبرك فرحة الشمات
وشجّي اللي اجت من ظيم تشجيلك
وركص بالمزامط لو ركص مذبوح
وبذكرى السنين المضت شد حيلك
وحلم بالصبح لزم الليالي تشيل
وكوه بضي نجم خليها تضويلك
ترى اجفوف المذله تدوّر الخسران
وبس دمعة ندم00
بالتالي
تهديلك
كبل ما ينكرط هيلك
جثيره اجفوف توميلك
كبل ما ينكرط هيلك
جثيره اشفاف غنتلك لحن فرحه بوجه ليلك
وبعد ما دارت الدنيا ويبس حناك
وارجت عل حزن سجة مواويلك
وبعد ماتاهت اسنينك بشاطي الاه
وبعد ما غرّب اهيلك
غدت ضحكات شماتك سهم مسموم
دارت بالسلف وتصيح يا ويلك
جنت تشري الفرح لشفاف المعيدين
هسا الدنيا بس اهات تشريلك
يمن ناغت ضحكتك فرحة الصحبان
وكت همك اشو محد بناغيلك
تكطف من بعد وعله البعد شتلوح
جفك والوكت كطّع محاجيلك
بالك من حيايه بخيمة الشمات
تدعي عليك يلضنتك تدعيلك
كلها نياب صفره وتشتفي ابّلواك
وكلها تريد تسمع منك00ادخيلك
ونه ادريبك جلد يلكابرت بسكوت
كابر علمكابر ربك يعينك
طلّك كل سفينه اتخاوت ويا السيل
وبالك تركب الهم لو وكف سيلك
طشّرها اعله صبرك فرحة الشمات
وشجّي اللي اجت من ظيم تشجيلك
وركص بالمزامط لو ركص مذبوح
وبذكرى السنين المضت شد حيلك
وحلم بالصبح لزم الليالي تشيل
وكوه بضي نجم خليها تضويلك
ترى اجفوف المذله تدوّر الخسران
وبس دمعة ندم00
بالتالي
تهديلك