ابو درعم

[Swordsman]

السلام عليكم شباب بنات
اليوم اقدملكم شخصيه اسمها ابو درعم هذا ابو درعم راح اكون دوره هو سوالف ماادري امنين اجيبها اولا وثاني شي راح اعلق على اي حاله بالمجتمع سواء بالكليه ابو بالشارع او بالمدرسه او بدائره والشغله الثالثه راح تكون عن طريقكم انتو ..
يعني اي مقترح اتحبون اتوجهو للجامعه (كلية الاداب والتربيه والعلوم ) وجميع اقسامها
او اي شكوه اتحبون اتوجهوها على استاذ او على ايه حاله سلبيه بالجامعه المستنصريه ابو درعم راح اكون بدوره اعالج هاي المشكله او يرفع هاي المشكله
الى الجهات المعنيه ...
وابو درعم شخصيه راح تعجبكم واونسكم واحششكم وفركشكم ...
فاي مقترح او شكو اتحبون اتوجهوها هذا ايميل ابو درعم الخاص ...abu_dar3am@yahoo.com (...abu_dar3am@yahoo.com)
ورقم الموبايل مالته 130 هههههههههههههه لحد ادك ترى تنعلسون بس هو حاطه هيج فيكه
مع الشكر
عمكم ابو درعم
ابو درعم وين متخلي يرهم ::13::

[بشوري]

هههههههههه حلوة والله يوفقك يابو درعم واول مشكلة وظاهرة سلبية هية اكوام الاوساخ الي بداخل الجامعة وحتى الجهات المعنية مجاي توفر فد كم (تنكة) مال اوساخ بكل مكان علمود الطلاب ما تشمر بالكاع مثل السنتر مال العلوم بي فد تنكة لو تنكتين وواحد لازم ياخذ تكسي علمود يوصللهن وتعرف البانزين غالي هههههههه ياريت لو تشوفنا حل يا ابودرعم اذا انت صدك وين ما يحطوك ترهم

[Swordsman]

شكرا بشوري على مرورك وراح ابدرعم اوصل هذا الشي الى ادارة الجامعه الخدميه
وابو درعم وين متحطه يرهم
ابو درعم للاعلانات الضوئيه

[IRAQIA_SOUL]

مشكووووووووووووور ابو درعم عل موضوع
واني من راي بشوري اهواي اكو زبل بالجامعة
وعلى دكر تنكات سنتر العلوم فوك ما هنه اثنين ازغار وتاخذ تكسي يلة توصل
هم توصل تلكة الولد واكفين يمهن يعني البنية متكدر اذب بيهن لو بس اعرف شسالفة هالوكفة
ومشكووووووووووووووووور
تقبل مروري

[النورس الابيض]

يا خويه يابو درعم اكو واحد دايس بمصاريني تدري منو ....بس عليك الله سويله جاره ..يعني تروح تحجي ويا
تدري منو
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.





















ابو اللفات مال الاداب كلش بطيء ساعه يله يمشي واحد فدوه عود كله .....اي والله صدك ....هههههه
تحياتي الك

[سيف الدين المالكي]

هلو هلو هلو عمي أبو درعم تحياتنه الك وتحياتنه لدرعم ولدرعومه ولام درعم ولكل دراعم العائله
ههههههههههههههههههههههههههههههههههههههههه

[Swordsman]

ان شاء الله كل الي كلتو يتغير بزود ابو درعم الي وين متخلو يرهم
تقبلو تحيات ابو درعم
رقم ابو درعم الخاص 130 هههههههههههههههههههه
والارضي مالتهم مضروب الكيبل حاليا ههههههههههههههههههه

[طـيـبـة]

ابو درعم الله يخليك النه وميحرمنه من خدماتك اني اكو شي مضوجني بالجامعه (ما عدا شغلة الموبايل ابو الكاميرا) من اريد اطلع للبيت وطبعاً اكون مستعجله الله يسلمهم الولد حاجزين الممر طول بعرض بوكفتهم واذا قرروا يمشون فيفتون افادي واني بس اريد اطلع ماكو مجال مع احترامي الهم ولو اكيد هسه الكل يكب بوجهي بس ميخالف عذروني مع تحياتي الك يا ابو درعم الورد ودمت للنضال

[بشوري]

والله انتوا البنات هم تفتون الروح من تمشون بالممر وصحيح الولد هم يعني اني ولد طويل ورجلي طولها مترتين لمن امشي البنات يمشن علكيفهن واني كل شبخة اطير بيها بنية شسوي هاهية تحياتي لابو درعم وسويلنا جارة يمعود مو انذبحنا

[Swordsman]

بالنسبه لسالفت النفايات فاخوان وصلنه الموضوع للعماده نفسها
وراح ابو درعم اتابع الموضوع بنفسه
وشغلت الممرات عيني طيبه اذا انتي مستعجله اطلع من يم الاداب ومن يم المكتبه المركزيه
هذا طريق سريع اطلع راسن على باب الجامعه من يم النافرات
احسن من طريق الممر الي بي ازدحامات وسيطرات وهميه ههههههههههههههههههههههههه
تقبلو تحياتي

[طـيـبـة]

مشكور ابو درعم بس هم رح اضطر بالنهايه اسلك طريق الممر !! اخاف تشوف فد يوم وحدة تركض مثل المخبله وتدفع بالطلاب بالممر بين ساعة 1 و1ونص فهاي اكيد اني !! تحياتي ودمت للنضال

[Swordsman]

يابه تردين الصدك يمكن بس انتي من بنات الجامعه تمشين سريع وتردين
تطلعين بسرعه .
شايف البنات اشلون يمشون كل وحده يمكن تمشي ساعه الممرر
على كيفها وتفيك واتكول عبالك بس هي بنيه هههههههههههههههههههه
تقبلي تحياتي

[طـيـبـة]

ههههههههههههه صدك والله اني طالعه على ابويه امشي سريع واكمز حتى البنات صديقاتي يقلدون عليه !! بس اريد افتهم يعني البنيه متصير بنيه الا اذا تتمندل وتتعيقل !! تحياتي الك

[Swordsman]

اني كتلج البنيه لازم تتعيقل وتتمندل كتلج بنات الجامعه
من تمشي عبالك بس هي وبس مكتلج لازم اصير هيجي وتحياتي الج
يا طيبه

[بشوري]

اتوقع طيبة من جماعة خالف تعرف لان صدك البنات كلهن يتمندلن بالمشي فاذا انتي صدك هيج او احتمال على ابوج بس منا وغاد راح اظل اباوع اذا شفت وحدة تكمز مثل الارنب فهاي طيبة

[مونا]

ابو درعم خوش فكرة هاي عندي شكوة على ابو الاستنساخ مالت الاندر بالعلوم كلش كلش بطيء ومرات ميقبل يستنسخ يا ريت تشتريلنا جهاز استنساخ اهووووو وين رحت ههههههههههههه قصدي تكولة يستنسخ بسرعة
وبالنسبة للممر يا عيني هو لو بس محد يوكف هناك جان مصار ازدحام وجمالة معلكين لافتات ممنوع الوقوف بالممر وميفيد شنسويلهم يعني؟؟؟ وهم صدك على طريق الاداب اسهل
اما على شغلة السنتر ليش هيج مسوين بسنتر العلوم اشو خربطو الحديقة وعافوها تراب ليش هيج؟؟؟
بعد بعد؟؟؟
يلة عود لمن اتذكر الله كريم
مشكووووووووووووووور موضوع حلووووووووووووووووووووو

[بشوري]

حلوة مونا خوش حجي ياريت ابو درعم يسويلنا حل
ابو درعم حبيبي الغالي شاغل روحي شاغل بالي هههههههه

[Swordsman]

ههههههههههههههههههههههههه صار تدللون
بالنسبه لابو الاسنساخ مال علوم اني من جنت بالجامعه اضوج منه لانه بطي
وهم انشوفلج حل مونا علمود الاسنساخ
وسالفت الحديقه مال علوم هم راح نسعالكم بيها
لانه هاي جامعتنه ومنقبل اصير بيها هيج هيج لو دجاجه ههههههههههههههههههه
ويدلل الحلو
مع تحيات ابو درعم وين ماتحطه يرهم

[بشوري]

يلا يمعود لحد هسة كلشي ما بين من شغلك وينك وين عضلاتك شوفنا شي عندي استنساخ يم ابو الاندر يمكن صارلة سنة استعجلنا ابو درعم يمعود ترا اقطع عنك الادوية هههههههههه
تحياتي وتقبل مروري البسيط

[احمد حلمي]

حي الله ابو درعم كدة وكدود ابكل مكان موجود للمشاكل ايحط احدود

[Swordsman]

بشوري ترى انت لضوج ابو درعم ادري شسويله للرجال اضربه طلقه يله ترتاحون
لو ابطله وانجيب غير عامل شتكولون ؟؟هههههههههههههههههه
ميت هلا بيك زكي شان قصدي احمد حلمي هههههههههههههههه هلو ورده
مشكور على مرورك
تحياتي لكم جميعا يعني كلكم
ابو درعم وين متحطه يرهم
درعمو بحياتكم