المساعد الشخصي الرقمي

مشاهدة النسخة كاملة : ليــــــــــــــش انـــــــــــموت ؟؟؟

عاصم الدليمي
02-23-2007, 12:19 AM
::37::
قصيدة ................... ليش انموت .. للشاعر الكبير ( عباس جيجان )



ليش انموت..
من دون البشر بسكوت..؟
ليش نموت..
غربه بلا كفن لا دمعه لاتابوت؟؟
لا أم إل تصيح بصوت..
لا اخت إل تبجي ببيوت
لابيرغ عراضه يجول ..لاخير علينه ايفوت؟؟.
ليش نموت...
ولحد من يظل
هذا الشعب مشحوت؟؟..
يوم الذيب ياكل بينه....
ويوم نصير حق الحوت.
ليش انموت..
ويموت الفرح بينه....ونتيه اسنين...؟؟؟؟
ليش نضيع...
كلنه بزحمة الماشين؟؟؟
ليش اطفالنا الحلوين جوعانين
ليش دموعنه إل تنزف قهر بالعين؟؟؟
ليش العيد.. مازار الوطن مره؟؟؟
نتاني الراح.. وين الراح. .يا هو إل يعرف بأمره؟؟؟
يا سفان... شعبي وياك.... ذمه توصله للعبره..
ياسفان..بحرك هاج... ودروب السفر خطره.. وانا بحسره.....
اخاف الروج ياخذهم... اخاف الليل يخنقهم...
اذا ماتوا بارض بعيده عن بغداد
ياهو يعزي البصره؟
ياسفان لو غرگوا اهلنا هناك...
ياهو يطلع الغرقان.. وياهو ايّزوره أرضه الخضره...
يوميه بحزنه انموت
ويردِنه القهر قوه ونرد انموت ياربي وبعدنه انموت..
موال الحزن رافق عمرنا دهور والخاطر ابد مكسور..
واحنه انموت من اول قصيده وفارقناه الصوت
ضل بس الصدى يدور عله ال مشحوت ليش اتموت..ليش اتموت
مو انته عراقي منيلك تابوت،.....
مو انته عراقي بحاجة التابوت؟
ليش اتموت
BLUEBIRD
02-23-2007, 01:31 AM
قصيدة حلوة عاشت ايدك
سيف الدين المالكي
02-23-2007, 02:41 AM
أحييك خيو عاصم على هالقصيده الجميله
أختيار موفق
شكرا خيو
شاعر المستنصريه
02-23-2007, 07:01 AM
تسلم حبي على هذه المشاركه الحميله
ღ♥ღابن الأعظمية ღ♥ღ
02-23-2007, 03:28 PM
يوميه بحزنه انموت

عاشت ايدك عاصم ع القصيدة حلوة اهواية واني نزلته يمي
Lιση σƒ ιяαq
02-23-2007, 08:21 PM
تسلم حبي على المشاركه الجميله
سلمت انملك
viola
02-23-2007, 11:12 PM
يسلمووووووووووووو اخي

وفعلا قصيده تحجي على واقعنا هسه