المساعد الشخصي الرقمي

مشاهدة النسخة كاملة : يابة تعالوا مناقشة بين البنات والولد معليكم راح تكب

Black_Evil
02-22-2007, 11:30 PM
هلة والله
طبعا حبيت مشاركتي الالف تنزل بموضوع
وراح انزل هذا الموضوع بلجن يعجبكم

اليوم الموضوع ما اريد اطول عليكم
هوة الولد رح يسئلون البنات والبنات يسئلون البنات
اوكي ونريد اجوبة صريحة ام الريحة

طبعا بالبداية اني راح اسئل البنات لاءن اني ولد
ياله
راح اسئلكم يا بنات اذا كنتي مرتبطة بواحد هم تباعين علة غيرج وليش
ولتكولون لاع لاءن صارت بية اربع مرات
يالة البنات خلي يجاوبون
واريد همتكم يا ولد بالاسئلة






ها نسيت اكوللكم ميصير تجاوز بالاسئلة اوكي
دلوعة المدني
02-22-2007, 11:42 PM
هلا ببلاكي خوش موضوع ....
واني عن نفسي مستحيل اسوي هيج شي لان من اختار شخص وارتبط بي راح يكون عن قناعة تامة وبعد ماشفت هو الي يلائمني ونكدر نكمل سوى...
دلوعة المدني
02-22-2007, 11:42 PM
وسؤالي للولد هو نفس سؤالك حتى نشوف رأبكم بس بصراحة ...
Black_Evil
02-22-2007, 11:51 PM
والله يا دلوعة بالنسبة الية
اني اذا ارتبطت ماكو مثلي يعني ما اباوع علة غيرهة ابد
بس اكو ولد يباعون
واني ما اكدر اجاوب نيابة عن الكل
وانتي هم متكدرين تجاوبين عن الكل فراح يبقة سؤالي وسؤالج اوكي
ثانكس علة المشاركة بالموضوع علمود يصير حركة مو عركة بيههههههههههههاهاه
دلوعة المدني
02-23-2007, 12:09 AM
اي اكيد لكل واحد رأي خاص بي ....وان شاء الله ماكو عركة....
Black_Evil
02-23-2007, 12:17 AM
اي اكيد لكل واحد رأي خاص بي ....وان شاء الله ماكو عركة....


لا ماكو عركة بس ليش بس انتي دتتناقشين
نونة القلب
02-23-2007, 12:25 AM
هلوووووووو بلاكي
والله هنا رايي مثل راي دلوعه
لانه على شنو أني حبيته لعد أذا بنيتي
أباوع على غيره
لا طبعاً أهم شي بالحب هو الوفاء والاخلاص
اللي بلا حدوووووووووووووووووووووووووووووود
يسلمو وو بلاكي عالموضوع الحلو
وياريت تستمر الاسئله::13::
Black_Evil
02-23-2007, 12:30 AM
هلوووووووو بلاكي
والله هنا رايي مثل راي دلوعه
لانه على شنو أني حبيته لعد أذا بنيتي
أباوع على غيره
لا طبعاً أهم شي بالحب هو الوفاء والاخلاص
اللي بلا حدوووووووووووووووووووووووووووووود
يسلمو وو بلاكي عالموضوع الحلو
وياريت تستمر الاسئله::13::

هلة والله
والله يا نونة الاسئلة راح تستمر واني عندي علاكة سودة مليانة اسئلة
بس اريد الكل تجاوب علة سؤالي بالبداية وانتي تدللين يا ورردة بس ااشو انتي مساءلتي الولد
دلوعة المدني
02-23-2007, 01:03 AM
بلا هاي العلاكة من يا نوعية حتى اشتري من عدها.....
Black_Evil
02-23-2007, 01:16 AM
بلا هاي العلاكة من يا نوعية حتى اشتري من عدها.....


علاكة ام المية
حلوة دبل قوية بيهههههههههههههههاهاها


علاكة هاي الكتوب عليهة اهلا وسهلا شايفتة لو لاع
حسام دوبه
02-23-2007, 01:26 AM
هله والله

هاي شنو بلاكي صاير مبدع
عاشت ايدك خوش موضوع
وهاذا سؤال للبنات بس اريد جواب واضح(بس لتكولون بلاكي)
اكثر عضو يعجبج بل منتدى
::51::
الاميــن
02-23-2007, 01:35 AM
هلووووووووووو علاوي
شكرا على هاي الفكره الحلوه كلشششششششششش
بالنسبه للسؤال
الاجابه هي انو اذا ارتبطت بشخص عن قناعه تامه اكيدر راح انطي كل الي عندي من احساس وترابط روحي وعقلي فما ممكن ان اسوي علاقه ثانيه او ارتبط بشخص ثاني بحياتي
تقبل مروري
((الاميـــــــــن))
دلوعة المدني
02-23-2007, 01:40 AM
هواية اعضاء....
Black_Evil
02-23-2007, 01:48 AM
هلة والله

طبعا دوبة سؤالك موجه بس للبنات
مراح اجاوب


حبي الامين تسلم علة المشاركة بس اشو مسئلت البنات


هلة والله بدلوعة اشو دا اصبغ اني ها مو راح تصير بحزبي هلة والله
الطـ الجريح ـائر
02-23-2007, 01:58 AM
تحياتي بلاكي عالموضوع الحو والفكرة الاجمل .. هاي انت شنوووووووو .. صاير خطييييييييييير .. ::39::

المهم .. شنو يباوع ومنو ما يباوع .. اكلكم احنا شنسوي بالعيون غير نباوع بيها .. وشكو بيها اذا باوعت على غير وحده مثلا .. ليش تفسروها غير شي .. مجرد نظرة .. الا اذا جانت النظرة بيها غير قصد .. ::52::
دلوعة المدني
02-23-2007, 02:06 AM
هلو بلاكي منوكلك راح اسجل بحزبك .... تريد تضمني لحزبك حتى ما احشش عيلك...
Black_Evil
02-23-2007, 02:09 AM
تحياتي بلاكي عالموضوع الحو والفكرة الاجمل .. هاي انت شنوووووووو .. صاير خطييييييييييير .. ::39::

المهم .. شنو يباوع ومنو ما يباوع .. اكلكم احنا شنسوي بالعيون غير نباوع بيها .. وشكو بيها اذا باوعت على غير وحده مثلا .. ليش تفسروها غير شي .. مجرد نظرة .. الا اذا جانت النظرة بيها غير قصد .. ::52::

حبي الطائر منور
واهنيك والله جوابك كولش صريح اذن هذا الولد جاوب جواب حلو
وينكم بنات نريد اجوبة صريحة باله
حبي اشو مسئلت البنات
الطـ الجريح ـائر
02-23-2007, 02:26 AM
حبي الطائر منور
واهنيك والله جوابك كولش صريح اذن هذا الولد جاوب جواب حلو
وينكم بنات نريد اجوبة صريحة باله
حبي اشو مسئلت البنات

حبيبي بلاك .. اشللللللللللللونك ان شاء الله زين .. عندي سؤال للبنات بس اتمنى يجاوبون بكل صراحة ..

ليش كل بنيه نتعرف بيها او نحبها .. تجي بعد كم يوم وتكول " اجوني خطابه " ؟؟ !!! .. ::26:: اذا تحبني صدك تعال واخطبني .. واذا لا والله خلي كل واحد يروح بطريق .. ::1::

اي يابه والله احبج .. فد دقيقة خل نتفاهم .. ادري شنو جانوا مخطميلي ذولا الخطابة لو جانوا ينتظروني .. زين صارلي 20 سنة اعرفج ما سمعت فد يوم اجوج خطابة .. ::237:: لو هذا حظي العاثر .. ::39::
يلا بنات جاوبوا عالسؤال .. والباقي اعتبروه شقه بس .. ::51::
دلوعة المدني
02-23-2007, 02:30 AM
والله هاي تبقى يم الي تكولكم هيج اني عن نفسي ما مارة بهيج موقف...
دلوعة المدني
02-23-2007, 02:32 AM
سؤالي ليش دائماً من تشوفون بينة تمشي وي ولد بالجامعة تكولون هذوله كبل وهذا الشي شفته بالجامعة ومريت بي... اريد الجواب ليش نيتكم مو صافية يعني اي اثنين وكفوا سوى لو تمشوا شوية ها هي انختموا كبلات...
الطـ الجريح ـائر
02-23-2007, 02:45 AM
سؤالي ليش دائماً من تشوفون بينة تمشي وي ولد بالجامعة تكولون هذوله كبل وهذا الشي شفته بالجامعة ومريت بي... اريد الجواب ليش نيتكم مو صافية يعني اي اثنين وكفوا سوى لو تمشوا شوية ها هي انختموا كبلات...



هلو دلوعة شللللللونك .. لا عادي مو دائما .. يعني مو شرط ان يكونوا " كبل " .. بس تعرفين مرات نار الغيرة تلعب دور .. او ما عدنا فد شي نحجي بيه .. فنظل نكص بالناس .. ::13::
دلوعة المدني
02-23-2007, 02:51 AM
لا بلا هي قصة تحجي بيها على الناس شنو سبب الغيرة شغلة عادية بس انتوا تكبروها وتنطوها حجم اكبر من حجمها ...
دلوعة المدني
02-23-2007, 02:52 AM
واني زينة انت شلونك وسؤالي .......
ليش تحبون النريكيلة والجكاير؟؟؟؟؟؟؟؟؟؟
Black_Evil
02-23-2007, 02:58 AM
المشاركة الأصلية كتبت بواسطة دلوعة المدني http://www.dijlh.net/forums/images/style1/buttons/viewpost.gif (http://www.dijlh.net/forums/showthread.php?p=1505646#post1505646)
سؤالي ليش دائماً من تشوفون بينة تمشي وي ولد بالجامعة تكولون هذوله كبل وهذا الشي شفته بالجامعة ومريت بي... اريد الجواب ليش نيتكم مو صافية يعني اي اثنين وكفوا سوى لو تمشوا شوية ها هي انختموا كبلات...



اي صحيح كلامج دلوعة
والله صحيح
ما ادري ليش اكو هواية ولد يسون هاي الشغلات وميخافون علة سمعة البينة
بس ذولة الي ما عدهم شغل وعمل وحدايق


بس ترة انتوا هم نفس الحالة اني لاحضتهة هاي السالفة والله وكولش تعبانة
يالة سؤال دلوعة نفسة موجة للبنات
Black_Evil
02-23-2007, 03:01 AM
واني زينة انت شلونك وسؤالي .......
ليش تحبون النريكيلة والجكاير؟؟؟؟؟؟؟؟؟؟


بالنسبة الية ما احب الجكارة
بس النركيلة اموت عليهة واني عايش علة البخاخ لاءن بية ربو بس احبهة
وراح اخطبهة بيههههههههههههههههاهاها

بس اني اعرف هواية بنات يموتون علة النركيلة
شوفي هية واهس
وبالنسبة الية اكضي وكت بيهة
الطـ الجريح ـائر
02-23-2007, 03:01 AM
لا بلا هي قصة تحجي بيها على الناس شنو سبب الغيرة شغلة عادية بس انتوا تكبروها وتنطوها حجم اكبر من حجمها ...

اني بالنسبة الي تره المسألة كلش عادية ولد يحجي وي بنية بنية تحجي وي ولد .. اكو هواي علاقات غير " الكبل " .. الصداقة الاخوة ... وغيرها ..

بس حقج والله دلوعة .. واني شكو مخلي نفسي بوجه المدفع ومن كل عقلي دا احجي نيابة عن الباقين ..
uiiioiiio_bmw
02-23-2007, 03:03 AM
والله يا دلوعه حسب مشفت حتى البنات هيج اذا الولد وقف ويه بنيه وشافته البنيه الي حاط عينه عليه راسن تقول هاي الكبل مالته اذا فانتوا هم هيج
بس الولد الي اقول هاي البنيه مكبله ويه هذا الولد من مجرد مشيته وياه هذا ولد ............ انتوا كملوا الباقي ........زين بس طبعا اقول هيج اذا شايفه وياه دائما طبعا اقول هذا الكبل مالته
ولتزعلين دلوعه لان اني هم مريت بهيج مواقف اني ما عندي اي شي ويه البنيه بس علاقة( يعني اهلي اصدقاء اهله ) عوائل والشباب اقولولي مكبل وياه ههههههههههههههههههه
EMinem_civil_eng
02-23-2007, 05:28 AM
هلا ...والله الموضوع يرادلة كعدة و باكيت جكاير ..............
راح اجاوب بس بصورة عشوائية عن الاسئلة مو بالسرة ...شنو قابل عدنا فرن صمون .....

بالنسبة لسؤال دلوعة عن(( الولد اذا يشوف البنية ويوة ولد ثاني..فراح يحجي ومدري شنو...........الخ))
شوفي دلوعة...اني تعلمت من اني صغير اذا تصير هوسات بمكان او اذا امراة تصرخ او عركة في بيت من البيوت ...فاسكت واكول استر يا رب ..وما اسوي مثل بقية العالم واروح اركض بدافع الفضول ...بس يريد يعرف شنو اللي صار وليش ...بس علمود يحجي كدام العالم ,,,,واذا شفت بنية وية ولد فابلنسبة الية كلش عادي...و مو بس اذا يمشي وياها ...حتى لو جان اكثر ...ما ادير بال ,,وادير وجهي واسكت ..وما احجي كدام احد بان اني شفت فلان وية فلانة ((استر يا رب))....بس هذا شغل العاطلين والفاصلين من الرئيسي ...كل شغلهم كص الناس والتشهير بفلانة وعلانة ....ونفس الشي عند البنات ......والسبب الاغلب هو الغيرة العقل الباطني للولد يكوم يفكر بهل الطريقة ((ليش هذا يمشي وية هاية ...هو بشنو احسن مني .....اكيد هية مو خوش بنية ....هية انسانة سطحية وتدور بس شكل ....اي صحيح ...خل احجي عليها ...هاية حلال بيها الكص))

وبالنسبة لسؤال الطائر ...اخوية الطائر ..هذا الموضوع دائما يصير مو بس وياك وانما وية كل شخص في بداية علاقة حب مع بنت ....الامر يتناقل من بنت لبنت ثانية ... جيل النسوان يعلم الجيل اللي ياتي بعدة ...((يا بنات مو تكولون ماكو هيج حجي ...هذا الشي حتى بالجامعة موجود ..ام الصف الثاني تعلم ام الاول ..والثالث يعلم بالثاني ..وهكذا دواليك ...منتبهتوا يا ولد ليش دائما البنات بالصف الاول عدهن علاقات كلش قوية مع البنات الاكبر منهن !!!!! ))........والامر لمجرد كشف الولد هل هو صدك يريدها للبنية او لا ((وهذا الشي من حقهن طبعا ))....مع العلم ان هذا الاسلوب صار مكشوف والولد كلهم يعرفوا ...ويعرفون كيف التعامل وياه ...بس البنات يبقن بعقلهم الصغير ....ميغيرون اسلوبهم ....


وبالنسبة لسؤال بلاكي عن النظرات ..... بلاكي البنية هم من البشر واذا حبت واحد ....فمن الممكن ان تنظر لغير شخص ...بس ميكون مثل الشخص اللي تحبة .....ونظرتها للشخص اللي تحبة تختلف عن اي شئ ثاني ...حتى اكثر من نظرة الام لابنها ..........
البنية اذا حبت من كل جوارحها ...فصدكني ماكو شئ بالدنيا يكدر يوكف هذا الشي ...بس اذا حبت تلعب ....فبس الله اللي يستر منهن ........والله يساعد الولد القشمر اللي راح تضحك عليه ....

دلوعة اني ما احب الجكاير بس انغصبت عليها ........والموضوع طويل واذا تحبين اوضح ميخالف اوضحلج ليش ...........

اني عندي هواية اسئلة للبنات ....بس اولا ما اريد احرج وحدة منهن ...وثانيا اني اعرف الاجابة مسبقا ...فراح اتابع الموضوع وبس اجاوب عليكم .......
Black_Evil
02-23-2007, 05:59 AM
هلة والله
هاي شنو امنم صاير مو طبيعي بالاجوبة بس اسئل لاءن من حقك ترة
EMinem_civil_eng
02-23-2007, 06:29 AM
هلة والله
هاي شنو امنم صاير مو طبيعي بالاجوبة بس اسئل لاءن من حقك ترة


لا طبيعي ..حبي قابل اجيبة من المصنع ......ومراح اسأل ...خليها تعلك ..واني بس اباوع ...لان مثل مكلت اني اصلا اعرف الاجابات ...واذا تريد ارسلك السؤال وياة الاجابة ...وانتة احكم ...هسة تطلع الاجابة مثل ما اني كلت .....::2:: ::2:: ::2::
Black_Evil
02-23-2007, 06:38 AM
لا طبيعي ..حبي قابل اجيبة من المصنع ......ومراح اسأل ...خليها تعلك ..واني بس اباوع ...لان مثل مكلت اني اصلا اعرف الاجابات ...واذا تريد ارسلك السؤال وياة الاجابة ...وانتة احكم ...هسة تطلع الاجابة مثل ما اني كلت .....::2:: ::2:: ::2::

اكولك ايمنم والله اني هم اعرف ويجوز اكثر منك اقل منك
بس اني اريد تصير مناقشة بالموضوع مو فد شي
EMinem_civil_eng
02-23-2007, 08:48 AM
بلاكي بيها احراجات هواية .....انتة روح اسأل ومن تكب اني اجاوب ....بالمناسبة الساعة بالخمسة الفجر ...وهذا مديعوف النت ....لك روح خليني انام
Chieftain
02-23-2007, 09:41 AM
هلو شباب بنات هاي شنو بعد مكبت على كولة بلاكي
دلوعة الوردة بالنسبة للجكاير والاركيلة مو بس الولد يدخنوه اني اعرف هواي بنات يدخنون جكاير غير الاركيلة ضعف
اما بالنسبة الي فاني ادخن واكدر اتركه وتاركهة فترات طويلة بس ارجع يعني اما موقف او فد حجة الكي النفسي وارجع ادخن والاركيلة اني احبه بس مو يوميا ااركل بالمناسبات
سؤالي للبنات تحبون الولد الي يدخن ؟؟؟؟او الي يشرب اركيلة ؟؟؟؟
محمد زعتر
02-23-2007, 12:10 PM
::13:: هلة والله اشلونك علي بخصوص الموضوع والله كلش حلو بس بصراحه بهذا الوكت ماكو حب بصدق وذا أكو فشي قليل
محمد زعتر
02-23-2007, 12:32 PM
هلة والله علي سؤالي للبنات هو (اذا البنت اتحب شخص وأهلها عرضو عليها السفر فشراح تختار الحب لو السفر وراح اتكول الحبيبها على السفر لو تتركه وتسافر وبي طريقه راح اتواجه بالموضوع) مع تحيات نائب حزب هلة والله ::13::
اراميس
02-23-2007, 01:41 PM
سؤالي للبنات تحبون الولد الي يدخن ؟؟؟؟او الي يشرب اركيلة ؟؟؟؟

لاااااااااااااااااااااء نهائيا...اصلا من اشوف ولد يدخن اتجنب اوكف يمة
::1:: ::1::
uiiioiiio_bmw
02-24-2007, 12:26 AM
حبيبي السيد انت تعرف واحد اشوكت يشر ب الجكاره من يضوج لو من تطفر روحه بس اني اشربه بس مو دائما اما الاركيله فد شي مو طبيعي خصوصا اذا انت تسويه بالبيت ولتلح بالاسئله
س/ للبنات اذا اجاج ولد اكثر من مره وانت ضربتي بوري وجان رايد يجي ال بيتكم يعني خطوبه بعدين زواج
شتكولين على هذا الولد .......(12) مره جاي ومضروب بوري واذا اجه بعد تقبلين بيه لو لا ؟؟؟؟؟؟؟؟؟؟؟؟؟؟؟؟
Black_Evil
02-24-2007, 12:43 AM
سؤالي للبنات تحبون الولد الي يدخن ؟؟؟؟او الي يشرب اركيلة ؟؟؟؟

لاااااااااااااااااااااء نهائيا...اصلا من اشوف ولد يدخن اتجنب اوكف يمة
::1:: ::1::


بيههههههههههههههههههههههههههاهاهاها
هلة والله بالتجنب
اراميس انتي متحبين الي يدخنون زين الي ينركلون هم متحبيهم


زين شباب اشو البنات مديسئلونة شنو السالفة
دلوعة المدني
02-24-2007, 12:44 AM
اي صحيح كلامج دلوعة
والله صحيح
ما ادري ليش اكو هواية ولد يسون هاي الشغلات وميخافون علة سمعة البينة
بس ذولة الي ما عدهم شغل وعمل وحدايق


بس ترة انتوا هم نفس الحالة اني لاحضتهة هاي السالفة والله وكولش تعبانة
يالة سؤال دلوعة نفسة موجة للبنات
والله اني عن نفسي ما عندي هيج طبيعة انه احجي على احد لان ما احب هيج شي

اني بالنسبة الي تره المسألة كلش عادية ولد يحجي وي بنية بنية تحجي وي ولد .. اكو هواي علاقات غير " الكبل " .. الصداقة الاخوة ... وغيرها ..

بس حقج والله دلوعة .. واني شكو مخلي نفسي بوجه المدفع ومن كل عقلي دا احجي نيابة عن الباقين ..


ههههههههههه هو سؤال ومطروح على الكل وانت جنت اول واحد جاوبت عادي لا مدفع ولا شي
دلوعة المدني
02-24-2007, 12:51 AM
والله يا دلوعه حسب مشفت حتى البنات هيج اذا الولد وقف ويه بنيه وشافته البنيه الي حاط عينه عليه راسن تقول هاي الكبل مالته اذا فانتوا هم هيج
بس الولد الي اقول هاي البنيه مكبله ويه هذا الولد من مجرد مشيته وياه هذا ولد ............ انتوا كملوا الباقي ........زين بس طبعا اقول هيج اذا شايفه وياه دائما طبعا اقول هذا الكبل مالته
ولتزعلين دلوعه لان اني هم مريت بهيج مواقف اني ما عندي اي شي ويه البنيه بس علاقة( يعني اهلي اصدقاء اهله ) عوائل والشباب اقولولي مكبل وياه ههههههههههههههههههه

لا اني ما زعلانة لان واثقة من نفسي وما يهمني كلام احد وخصوصاً اذا مو صحيح والغاية منه بس كثرت حجي وغيرة واحياناً حقد..وهي هذي السالفة موجودة عند البنات والولد..
شوفي دلوعة...اني تعلمت من اني صغير اذا تصير هوسات بمكان او اذا امراة تصرخ او عركة في بيت من البيوت ...فاسكت واكول استر يا رب ..وما اسوي مثل بقية العالم واروح اركض بدافع الفضول ...بس يريد يعرف شنو اللي صار وليش ...بس علمود يحجي كدام العالم ,,,,واذا شفت بنية وية ولد فابلنسبة الية كلش عادي...و مو بس اذا يمشي وياها ...حتى لو جان اكثر ...ما ادير بال ,,وادير وجهي واسكت ..وما احجي كدام احد بان اني شفت فلان وية فلانة ((استر يا رب))....بس هذا شغل العاطلين والفاصلين من الرئيسي ...كل شغلهم كص الناس والتشهير بفلانة وعلانة ....ونفس الشي عند البنات ......والسبب الاغلب هو الغيرة العقل الباطني للولد يكوم يفكر بهل الطريقة ((ليش هذا يمشي وية هاية ...هو بشنو احسن مني .....اكيد هية مو خوش بنية ....هية انسانة سطحية وتدور بس شكل ....اي صحيح ...خل احجي عليها ...هاية حلال بيها الكص))

هلو انيمي وكلامك صحيح لو كل الناس تكول اني شعليه وما تتدخل جان صرنا بحال ثاني
دلوعة اني ما احب الجكاير بس انغصبت عليها ........والموضوع طويل واذا تحبين اوضح ميخالف اوضحلج ليش ...........

اني عندي هواية اسئلة للبنات ....بس اولا ما اريد احرج وحدة منهن ...وثانيا اني اعرف الاجابة مسبقا ...فراح اتابع الموضوع وبس اجاوب عليكم .......
اولاً بالنسبة للجكارة سالفة انغصبت عليها ماكو احد يغصب على نفسه شي ما يريد يسويه واذا تكولي هي تريحني وتحرك نفسها على مودي هاي سالفة ما اقتنع بيها
ثانياً .. اسال ولا تصير متفرج لان اساس الموضوع مناقشة وما بيها اي احراج اذا ما عجبني ما اجاوب عادي...
دلوعة المدني
02-24-2007, 12:55 AM
بالنسبة لسؤال دلوعة عن(( الولد اذا يشوف البنية ويوة ولد ثاني..فراح يحجي ومدري شنو...........الخ))
شوفي دلوعة...اني تعلمت من اني صغير اذا تصير هوسات بمكان او اذا امراة تصرخ او عركة في بيت من البيوت ...فاسكت واكول استر يا رب ..وما اسوي مثل بقية العالم واروح اركض بدافع الفضول ...بس يريد يعرف شنو اللي صار وليش ...بس علمود يحجي كدام العالم ,,,,واذا شفت بنية وية ولد فابلنسبة الية كلش عادي...و مو بس اذا يمشي وياها ...حتى لو جان اكثر ...ما ادير بال ,,وادير وجهي واسكت ..وما احجي كدام احد بان اني شفت فلان وية فلانة ((استر يا رب))....بس هذا شغل العاطلين والفاصلين من الرئيسي ...كل شغلهم كص الناس والتشهير بفلانة وعلانة ....ونفس الشي عند البنات ......والسبب الاغلب هو الغيرة العقل الباطني للولد يكوم يفكر بهل الطريقة ((ليش هذا يمشي وية هاية ...هو بشنو احسن مني .....اكيد هية مو خوش بنية ....هية انسانة سطحية وتدور بس شكل ....اي صحيح ...خل احجي عليها ...هاية حلال بيها الكص))

هلو انيمي وكلامك صحيح ول كل واحد كال اني شعليه وما يدخل بشي ما يخصه جان صرنا بحال ثاني..
دلوعة اني ما احب الجكاير بس انغصبت عليها ........والموضوع طويل واذا تحبين اوضح ميخالف اوضحلج ليش ...........

اني عندي هواية اسئلة للبنات ....بس اولا ما اريد احرج وحدة منهن ...وثانيا اني اعرف الاجابة مسبقا ...فراح اتابع الموضوع وبس اجاوب عليكم .......
اولاً :: سالفة انغصبت هاي ما مقنعة ماكو احد يغصب نفسه على شي م مقتنع بي و تكول هي تريحني ومن هاي السوالف هي اتذيك اكثر من ما تفيدك ونصيحة لكل يا رب تسمعوها ترى والله هي تسرع بموتكم وصحيح هو كل واحد ويمه بس ليش يجيبون الاذية لتفسكم..
وثانياً: اسال ولا تصيرعضو متفرج لان اساس الموضوع المناقشة واذا سؤالك بي احراج عادي ما حد مجبور يجاوب.
Black_Evil
02-24-2007, 01:00 AM
اولاً :: سالفة انغصبت هاي ما مقنعة ماكو احد يغصب نفسه على شي م مقتنع بي و تكول هي تريحني ومن هاي السوالف هي اتذيك اكثر من ما تفيدك ونصيحة لكل يا رب تسمعوها ترى والله هي تسرع بموتكم وصحيح هو كل واحد ويمه بس ليش يجيبون الاذية لتفسكم..
وثانياً: اسال ولا تصيرعضو متفرج لان اساس الموضوع المناقشة واذا سؤالك بي احراج عادي ما حد مجبور يجاوب.
__________________


هلة والله
ثانكس دلوعة والله عمي تخاف علينة ثانكس وردة
والله ذاك اليوم ردت اموت من ورة النركيلة


ونجي علة الاسئلة صدك اشو محد مديسال شنو خلصت الاسئلة يمعودين


الووووووووووووووووووووو
هلة والله










هااااااااااااااااا
وينكم
دلوعة المدني
02-24-2007, 01:04 AM
اني ما احب الي يشرب جكارة لان اني عندي حساسية من عدها وكروبي اسم الله عليه اكو بيهم يدخنون وبهذا الوكت جنت اروح بعيد حتى ما اختنك من دخانها...
دلوعة المدني
02-24-2007, 01:07 AM
هلة والله
ثانكس دلوعة والله عمي تخاف علينة ثانكس وردة
والله ذاك اليوم ردت اموت من ورة النركيلة


ونجي علة الاسئلة صدك اشو محد مديسال شنو خلصت الاسئلة يمعودين


الووووووووووووووووووووو
هلة والله



هلو بلاكي هو غير هذا الشي لمصلحتكم لان اني دائما من اشوف احد يدخن واعرفه اكوله هذا الشي لان بصراحة اتذى من عدها جدي هواية وكانت احد الاسباب الي عجلت بموتها فمن يومها هذه السالفة ما تفاركني واتمنى منكم تتركوها والله احسن الكم لان تخسر صحتك وفلوسك...
واذا على الاسئلة هسه اسأل...
Black_Evil
02-24-2007, 01:08 AM
اني ما احب الي يشرب جكارة لان اني عندي حساسية من عدها وكروبي اسم الله عليه اكو بيهم يدخنون وبهذا الوكت جنت اروح بعيد حتى ما اختنك من دخانها...


اني هم عندي حساسية من الجكاير بس اذا فد يوم كولش اختنكتي اكو بخاخ فنتولين اوكي
دكتور علاوي بلاك وياج بيهههههههههههاهاها
دلوعة المدني
02-24-2007, 01:09 AM
ما اعرف شسأل اخذ فرة وارجع...ههههههههههه
دلوعة المدني
02-24-2007, 01:10 AM
هي ما وصلت لدرجة بخاخ ... وشكراً دكتور بلاكي....
Black_Evil
02-24-2007, 02:01 AM
ما اعرف شسأل اخذ فرة وارجع...ههههههههههه



دياله بسرعة ولو يمكن راح تتاخرين لاءن شمرتج بيهههههههههههههههاهاها من الناطحة مال سحاب
لو دكم بيههههههههههههههاهاها
Black_Evil
02-24-2007, 02:03 AM
هي ما وصلت لدرجة بخاخ ... وشكراً دكتور بلاكي....


هلة والله عيني دلوعة
هاي شنو هاي وين فلوس المراجعة يمعودة هية مال تغليس باكلة بيههههههههههاهاها
EMinem_civil_eng
02-24-2007, 05:56 AM
اولاً :: سالفة انغصبت هاي ما مقنعة ماكو احد يغصب نفسه على شي م مقتنع بي و تكول هي تريحني ومن هاي السوالف هي اتذيك اكثر من ما تفيدك ونصيحة لكل يا رب تسمعوها ترى والله هي تسرع بموتكم وصحيح هو كل واحد ويمه بس ليش يجيبون الاذية لتفسكم..
وثانياً: اسال ولا تصيرعضو متفرج لان اساس الموضوع المناقشة واذا سؤالك بي احراج عادي ما حد مجبور يجاوب.



شوفي دلوعة
....خائف من المجهول ...مصير غير معلوم مع العشرات من المعتقلين ...اناس لا يعرف وجوهم...او من اي نوع من البشر هم .......اضاع الطريق غصبا عن انفه ...مقتاد الى الزنزانة .....
نظر الى جواز السفر وقلبه بصورة عشوائية ...حاول ان يظهر انه يعرف ما يفعل....
شو اسمك ؟؟؟؟
ابتسم ابتسامة خفيفة ولعن في سرة الغباء المحشوم في داخل الراس الحجري.,اسمي (.......) مكتوب على الجواز...
-شو اللي جابك لهون ؟؟؟؟
-ما اعرف هم جابوني غصبا علية ...بدون اي سبب
-بدك تعمل تحريض على الحكومة ؟؟؟قالها بعصبة
-لا والله ...اني جنت في المكان الخطأ في الوقت الخطأ
بعد عدة اسئلة استفزازية ....اتى السؤال التالي
-شكلك مش اكل اي شي ...شو ما يعجبك اكلنا ؟؟؟
-لا ... ما اشتهي ..
-وعلى شو انتة عايش؟؟
-الماء...وبعض الخبز من واحد معي .......
-جوعان ....؟؟؟؟
-لا .
-خذ هذا دخان ...
-على راسي ...بس ما اكدر ادخن
-شو ؟؟؟
-من تفرغ معدتي ما اكدر ادخن
-انتة مو قلت انتة مش جوعان ؟؟؟..بتضحك عليتا
-.........!!!!!
-خوذ دخان ...وان شاء الله تهون يا زلمة

واحدة ...فاثنين ...ثم ثلاثة .....
فعلبة سكائر كاملة ...........فعلبتين ...الجوع نبي الكفار ...والتدخين مساعد السجناء ...
الماء والسكائر هم كل ما تقدر على تحصيله هنا ......فما الجوع حتى الاعياء ..واما التدخين حتى الادمان ...والقرار ليس بيدنا
uiiioiiio_bmw
02-24-2007, 06:26 AM
اولاً :: سالفة انغصبت هاي ما مقنعة ماكو احد يغصب نفسه على شي م مقتنع بي و تكول هي تريحني ومن هاي السوالف هي اتذيك اكثر من ما تفيدك ونصيحة لكل يا رب تسمعوها ترى والله هي تسرع بموتكم وصحيح هو كل واحد ويمه بس ليش يجيبون الاذية لتفسكم..
وثانياً: اسال ولا تصيرعضو متفرج لان اساس الموضوع المناقشة واذا سؤالك بي احراج عادي ما حد مجبور يجاوب.

تسلمين دلوعه وعاشت الايادي خو ما ايدج بعده مكسوره يله عادي اطيب وتصير احسن من اول بس اشو مشمرتيني باي
دلوعة المدني
02-24-2007, 07:36 PM
شوفي دلوعة
....خائف من المجهول ...مصير غير معلوم مع العشرات من المعتقلين ...اناس لا يعرف وجوهم...او من اي نوع من البشر هم .......اضاع الطريق غصبا عن انفه ...مقتاد الى الزنزانة .....
نظر الى جواز السفر وقلبه بصورة عشوائية ...حاول ان يظهر انه يعرف ما يفعل....
شو اسمك ؟؟؟؟
ابتسم ابتسامة خفيفة ولعن في سرة الغباء المحشوم في داخل الراس الحجري.,اسمي (.......) مكتوب على الجواز...
-شو اللي جابك لهون ؟؟؟؟
-ما اعرف هم جابوني غصبا علية ...بدون اي سبب
-بدك تعمل تحريض على الحكومة ؟؟؟قالها بعصبة
-لا والله ...اني جنت في المكان الخطأ في الوقت الخطأ
بعد عدة اسئلة استفزازية ....اتى السؤال التالي
-شكلك مش اكل اي شي ...شو ما يعجبك اكلنا ؟؟؟
-لا ... ما اشتهي ..
-وعلى شو انتة عايش؟؟
-الماء...وبعض الخبز من واحد معي .......
-جوعان ....؟؟؟؟
-لا .
-خذ هذا دخان ...
-على راسي ...بس ما اكدر ادخن
-شو ؟؟؟
-من تفرغ معدتي ما اكدر ادخن
-انتة مو قلت انتة مش جوعان ؟؟؟..بتضحك عليتا
-.........!!!!!
-خوذ دخان ...وان شاء الله تهون يا زلمة

واحدة ...فاثنين ...ثم ثلاثة .....
فعلبة سكائر كاملة ...........فعلبتين ...الجوع نبي الكفار ...والتدخين مساعد السجناء ...
الماء والسكائر هم كل ما تقدر على تحصيله هنا ......فما الجوع حتى الاعياء ..واما التدخين حتى الادمان ...والقرار ليس بيدنا

الله يساعدك انيمي ما اعرف شاكولك بس اتاثرت من قريت الي كاتبه..
Unity of iraq above all
02-25-2007, 12:00 AM
بلاكي موضوعك مو طبيعي و الله
يخبل يجنن
كلش حلوو
وكلش مفيد
لانه احنا هواية شغلات منفهمها بالولد
وهمة هم هواية شغلات ميفتهموها عنا
راح اجاوب علة سؤوال مشمش



س/ للبنات اذا اجاج ولد اكثر من مره وانت ضربتي بوري وجان رايد يجي ال بيتكم يعني خطوبه بعدين زواج
شتكولين على هذا الولد .......(12) مره جاي ومضروب بوري واذا اجه بعد تقبلين بيه لو لا ؟؟؟؟؟؟؟؟؟؟؟؟؟؟؟؟

اكلك يعني اني لو جنت احب متتصور جنت راح اقبل بيه من اول مرة
يعني رافضته هواية
وخطبني وسوو يعني
ليش هية اني ادور زواج وخلص
غير اني لازم احبه وراضيه بيه ؟؟؟


سؤالي للشباب ؟؟
انتوا ليش لمن تعجبكم بنية
اصدقائكم هم يباعون عليها
ومرات صديق واحد من عدكم ومرات الكل ؟؟
زين شلون راح ينعرف المعجب من الي ديباوع لصديقه
ممكن شرح مفصل من جميع الشباب؟؟؟؟؟؟
تحياتي ::13::
professional_evilxXx
02-25-2007, 12:11 AM
يعني شلون ممكن توضيح
عمي اعتبروني غبي ممكن توضيح لان ما افتهمت
EMinem_civil_eng
02-25-2007, 04:55 AM
الله يساعدك انيمي ما اعرف شاكولك بس اتاثرت من قريت الي كاتبه..


واقع وانفرض علية ...تعودت عل البهذلة بكل مكان ...شسوي دلوعة ..........

بس خوما بجيتي ؟؟؟::38::

الله كريم لتكولين اي شي ..بس اساليني وارح اجاوب بالشي الصحيح بدون اخفاء وما اتحيز للشباب او اتحيز الكم
EMinem_civil_eng
02-25-2007, 05:37 AM
سؤالي للشباب ؟؟
انتوا ليش لمن تعجبكم بنية
اصدقائكم هم يباعون عليها
ومرات صديق واحد من عدكم ومرات الكل ؟؟
زين شلون راح ينعرف المعجب من الي ديباوع لصديقه
ممكن شرح مفصل من جميع الشباب؟؟؟؟؟؟

يونتي ...والله عندج اسئلة خنافية ....شوفي يونتي
الشاب بطبيعتة شكد ميكون متواضع ..فعندة نوع من الغرور , ويحب يتباهة كدام جماعتة ...وهذا كله محور عالم الرجل ...عالم الرجال يعتمد على التنافس والوصول الى القمة ...وعالم النساء يعتمد على التعاون والوصول الى ما تقدر المرأة الوصول اليه .....ولهذا السبب الولد دائما متفوق على البنت.....
فالولد اللي يعجب بالبنية اولا يحب ان يعتقد بان هية هم معجبة بي....مجرد ان تنظر اليه ..خلاص هية تعتبر معجبة وكاتلة روحها علية ....فيحب ان يتباها كدام اصدقائة بان فلانة من الناس تمتلك جمال مو طبيعي وهي بنفس الوقت موتة روحها علة واختارتة من دون امة محمد كلها ... ومن ناحية ثانية ..مثل مكال اخونا ان الولد اذا جانوا جماعتة عينهم زايغة فلازم يكللهم ان فلانة محجوزة ولحد يباوع عليها .((وهاي طبعا دليل فشل الولد ..لان معناه ان البت اللي اختارها مجرد ما يباوع اي شخص ثاني عليها تنطي مجال))...ومن ناحية اخرى الامر يكون بهل الطريقة (( باوعلي على فلانة هية تباوع علية من ادير وجهي ؟؟؟...اي تباوع عليك .......))..((شوف هاية البنية ...شبيها .....بالله انتبه من اني اوخر تلحك وراية ..ومن اوخر تظل عينها علية ؟؟؟؟....)) ...يعني يريد يتاكد من الامر.....طبعا اللي يتبع هيج اسلوب فهذا نسمي حديقة ...يعني مأيس فد نوب ....او بس يريد واحد يكلة ((اي روح صارح ...صارح يمعود ...ولا تهتم ))..والاخ يروح كالبطل المغوار ويرجع مع البقشيش.....
يونتي الامر عادي ...انتي شعبالج الولد بالجامعة لمن يلتمون شيحجون ؟؟؟؟..((اليوم هاية بس تباوع علية ..اليوم مشيت ورة فلانة ..والاشوية واصارحها ..هية اشرتلي وكلتي تعال صارح بس صديقاتها مخلوها))
نصيحة لشباب المرحلة الاولى ....بالمرحلة الاولى ديرو بالكم ان تتورطون بعلاقة ...شكد متكون تحب البنية ..شكد متكون البنية حابتك ...لان مراح تقبل بيك ...وانتظر على الاقل بالثاني ...حتى تتعلم من اخطاء جماعتك ...وبالثاني شوية يقوى عودك ....واذا صارت الك علاقة بالاول..فراح تدمر..مها تكون الك علاقات سابقة ..لان العلاقة بالجامعة تختلف عن اي علاقة ثانية بغير مكان ....البنية بالجامعة تكدر تلعب بيك طوبة وانتة كلشي متكدر تسوي....واسأل مجرب ولا تسأل دكتور..ترة بعدين تظلون حدايق ..ها نسيت .. وماكو علاقة تجي عن طريق المصارحة

اما بالنسبة شلون راح تتاكدين ...فالامر واضح من النظرات .....((ترة انتو جنس البنات مو غشمى على هيج مواضيع مثل النظرات ))
الطـ الجريح ـائر
02-25-2007, 10:09 PM
سؤالي للشباب ؟؟
انتوا ليش لمن تعجبكم بنية
اصدقائكم هم يباعون عليها
ومرات صديق واحد من عدكم ومرات الكل ؟؟
زين شلون راح ينعرف المعجب من الي ديباوع لصديقه
ممكن شرح مفصل من جميع الشباب؟؟؟؟؟؟
تحياتي ::13::

والله يونتي راح اكلج الي اعرفه عن هذا الشي .. اني برأيي اكو خلل بالمسألة .. والا اني شنو الي يدفعني لحتى اباوع على الي صديقي معجب بيها .. الا اذا كنت اريد استميلها او اخطفها منه ..بدوافع انانية .. لان شنو مالكيت غير الي تعجب صديقي ..واذا كانت هي عاجبتني من صدك .. عالاقل انطي فرصة لصديقي يجرب حظه .. حتى ولو على حساب سعادتي .. واعتقد النظرات الي تقصديها بسؤالج .. هي النظرات المطولة الي الها دلائل غير النية السليمة .. مو نظرة انه يريد يشوفها ويعرفها بس .. وتحياتي يونتي لانج طلبتي رأي كل الاعضاء .. وهذا رأيي .. ::51::


مع تقديري واحترامي لرأي الاخ EMinem_civil_eng (http://www.dijlh.net/forums/member.php?u=18043) .. بس اعتقد انه ابتعد عن مضمون السؤال شوية .. لان السؤال كان عن البقية الي يباوعون .. مو على الولد المعجب نفسه .. هو معجب ماشي .. بس البقية ليش يباوعون ؟؟ .. تحياتي الك حبيبي .. ::51::
Black_Evil
02-25-2007, 10:45 PM
يابة الله بالخير
ترة اني لمن سويت الموضوع كلت خلي تكب عركات اشو صايرين حبابين بيههههههههههاها ترة دا اشتاقة

المهم اليوم جبت سؤال للبنات

وهوة باله اوكفو خلي اتذكر


ها ها اتذكرت اتذكرت اكعدوا بيههههههههههههاهاها

اذا واحد جعبلكم بس يباوع يباوع وانتوا معاجبكم يعني الولد ميعجبكم بس هوة مجلب شراح تسوون طرق حتة تتخلصون منه ::26:: ها شون سؤال كولة بعد اريد طرق ودروب ودواليغ بيهههههاها
دلوعة المدني
02-26-2007, 01:42 AM
واقع وانفرض علية ...تعودت عل البهذلة بكل مكان ...شسوي دلوعة ..........

بس خوما بجيتي ؟؟؟::38::

الله كريم لتكولين اي شي ..بس اساليني وارح اجاوب بالشي الصحيح بدون اخفاء وما اتحيز للشباب او اتحيز الكم
الله كريم وان شاء الله هاي اخر مرة ما بجيت بس دعمت عيني ...
واذا عالسؤال الله كريم من يجي بالي سؤال...
دلوعة المدني
02-26-2007, 01:44 AM
يابة الله بالخير
ترة اني لمن سويت الموضوع كلت خلي تكب عركات اشو صايرين حبابين بيههههههههههاها ترة دا اشتاقة

المهم اليوم جبت سؤال للبنات

وهوة باله اوكفو خلي اتذكر


ها ها اتذكرت اتذكرت اكعدوا بيههههههههههههاهاها

اذا واحد جعبلكم بس يباوع يباوع وانتوا معاجبكم يعني الولد ميعجبكم بس هوة مجلب شراح تسوون طرق حتة تتخلصون منه ::26:: ها شون سؤال كولة بعد اريد طرق ودروب ودواليغ بيهههههاها


تتونس من تلكى عركة ليش بلاكي مو موضوعك حلو ليش تريد تحركه بالعركات...
وعلى سؤالك احسن شي هو التغليس وما تعير لوجوده اي اهمية ....
EMinem_civil_eng
02-26-2007, 09:59 PM
زين هل المرة اني راح اسأل
سؤال ...لو فرضنا ان اكو بنية حبابة ..مو بس حبابة حبابة كلش ...وبيها كل المواصفات ..مال و ادب وجمال واخلاق وثقافة وهل السوالف كلها ....وهية تحب ولد ....مو بس تحبة ...مستعدة ان تعبدة ...تعبد التراب اللي يمشي عله ..ومستعدة ان تضحي بكل شي علمودة ..ومعارضة اهلها علمودة ومعارضة الدنيا كلها لان هية تموت عليه....ومستعدة تشتري شراية ..وبس تريدة يرضى
بس الولد ميحبها ...الحب من الله ...مو ميحبها بس ميحس وياها بشعور الحب...وميريد يقشمر عليها ..... ومجرد ان يلمحلها ان هو ميحبها تكلب الدنيا ومتكعدها شلون يخلص منها بطريقة بحيث متنجرح البنية ومتاذى.... هذا السؤال للبنات
Black_Evil
02-28-2007, 05:27 AM
زين هل المرة اني راح اسأل
سؤال ...لو فرضنا ان اكو بنية حبابة ..مو بس حبابة حبابة كلش ...وبيها كل المواصفات ..مال و ادب وجمال واخلاق وثقافة وهل السوالف كلها ....وهية تحب ولد ....مو بس تحبة ...مستعدة ان تعبدة ...تعبد التراب اللي يمشي عله ..ومستعدة ان تضحي بكل شي علمودة ..ومعارضة اهلها علمودة ومعارضة الدنيا كلها لان هية تموت عليه....ومستعدة تشتري شراية ..وبس تريدة يرضى
بس الولد ميحبها ...الحب من الله ...مو ميحبها بس ميحس وياها بشعور الحب...وميريد يقشمر عليها ..... ومجرد ان يلمحلها ان هو ميحبها تكلب الدنيا ومتكعدها شلون يخلص منها بطريقة بحيث متنجرح البنية ومتاذى.... هذا السؤال للبنات



هلة والله
حبي ايمنم راح اجاوبك علة سؤالك لاءن عجبني
انطيك نصيحة كولهة الحقيقة لاءن لمن تضل ساكت راح تتوقع البينة غير شي
وراح تكوم تحبك اكثر واكثر وهذا الشي بعدين راح ياءذي البنية ضعف لو اربعة تالاف الف تالاف جلبت الف
بيهههههههاهاها اوكي حب فلازم تكولللهة الحقيقة لو تحاول تكنك عليهة وتشوفهة اذا خوش بنية
وانتة اصلا ماكو وحدة بحياتك حاول تكنك واذا مكدرت احجيلهة الحقيقة من البداية ولا تخليهة تتعلق بيك
اكثر واكثر يوم ورة يوم



طبعا هاي صارت بية وبوكتهة كالولي سوي هجي والحمد له والشكر
تسلم علة طرحك للسؤال واني جمعتة لاءن انتة طرحتة بيهههههههاهاها
EMinem_civil_eng
02-28-2007, 02:12 PM
حبي بلاكي اني مكلت ان اني الشخص المعني ......بس ميخالف ...
حبيبي بلاكي
...البنية اللي تحجي عنها صاحبت مال والخلاق وجمال ...مال ..مال ....تدري ليش اني اكول مال.....لان هية عدها القابلية على ان تشتري اكبر مسؤول بالدولة ...البنية مو ابوها ....وابوها للبنية يا بعد عيني....عنده نفوذ كلش جبير بالدولة ...يعني باشارة وحدة من ايدة يلم الشرطة والحرس الوطني والغير الوطني والامريكان ووالغير امريكان ..ومدا ابالغ نهائيا ....البنية عدها قوة شخصية بحيث ولد عمها كلهم يرجفون منها ...ولما هية صاكرتهم جان هسة اني دا اتعذب بسجن بوكا العراقي...يعني وبدون مبالغة البنية تكدر تسوي كلشي اللي تريدة عدها المال..السلطة والنفوذ....ها وابوها قبل كم يوم طلع برنامج على العربية .....شفتة وكمت اكول.. هذا عمي ...انيالها لامي هذا عمي...
الامر لو بالسهولة الي انتة ذكرتة يا بلاكي جان سويتا من زمان ...بس اريد طريقة بحيث هية تبتعد عني وهية راضية ...لان ياويلي اذا تغضب مني ....
Chieftain
02-28-2007, 04:26 PM
هههههههههههههههههه
والله يا امينم ضحكتني حالتك مزرية وميؤوس منه حب
اطفر بجلدك اختفي اودزله شهادة الوفاة مالتك::237::
شوف عمي بصراحة انت حيرتني لان مثل هيج شخصية قوية مثل ما تكول لازم تتعامل وياهة بحذر حتى لا تخسرهة بس مهمى تكون الشخصية قوية اكيد بيه نقطة ضعف الو اني ما احبذ ان تتعامل وياهة بهذا الاسلوب بس على كلامك لا مفر وانت ادرى لان بصراحة ما اريد اورطك بشيء
لان اني ما اعرفه حتى اعرف اشلون اتعامل وياهة او احكم على مدى قوة شخصيته
او اسمع اراء البنات ممكن يفيدوك الو البنات اشو ماكو طافرات ولا يمهن لحد يزعل بس محتاجين رايكم وانتو ماكو
حبي تعذرني على التقصير
yousif_samir
02-28-2007, 07:08 PM
سؤال ...لو فرضنا ان اكو بنية حبابة ..مو بس حبابة حبابة كلش ...وبيها كل المواصفات ..مال و ادب وجمال واخلاق وثقافة وهل السوالف كلها ....

أخويه أمنم مو أنته بهيجي حاله ديصير تناقض بحجيك شلون هيه أدب و أخلاق وثقافه وشلون هيه متتفاهم وتكلب الدينه أذا تكللها أني ما عندي أي شعور تجاهج الأنسان المثقف لازم يتفهم هاي الشغلات بسهوله أصلا ً المفروض بدون متكللها لازم هيه تفتهم هذا الشي من تصرفاتك
و اني أسف لأنه محليتلك المشكله لأنه اني أصلا ً ماعندي حل لهيجي حالات مستعصيه بس أكلك شغله أحسنلك أتخابر على أبو علي الشيباني بقناة شهرزاد وهوه يشوفلك حل هههههههه
دلوعة المدني
02-28-2007, 08:00 PM
هلو انيمي ... سؤالك صعب الاجابة عليه لان اي حل اذا فكرت بي ما يفيد وي الشخصية الي دا تكول عليها واعذرني لان ما ساعدتك على ايجاد اي حل
EMinem_civil_eng
02-28-2007, 08:22 PM
والله يا امينم ضحكتني حالتك مزرية وميؤوس منه حب
اطفر بجلدك اختفي اودزله شهادة الوفاة مالتك::101::
بدون شقة اني هم مرة فكرت هيج...ههههه حبيبي انتة جفتين مرورك كلش كافي علية

يوسف:- أبو علي الشيباني بقناة شهرزاد وهوه يشوفلك حل هههههههه....
حبي يوسف ... اني اعرفة لابو علي معرفة شخصية من قبل ان يطلع بالتلفزيون ..من قبل اربع سنين تقريبا من جان ابو علي بالامارات .......وهو تقربيا سبب الورطة اللي "الولد " بيها
ولحد يكول ابو علي جذاب ..ترة سوالفة اغلبهن صدك ...وصايرة كدام عيني ...ولو اني ما اؤمن بهل السوالف بس ابو على اثبت هذا الشي ...وكذب المجمون ولو صدقوا

هلو انيمي ... سؤالك صعب الاجابة عليه لان اي حل اذا فكرت بي ما يفيد وي الشخصية الي دا تكول عليها واعذرني لان ما ساعدتك على ايجاد اي حل
دلوعة مو انتي بنية..اذا انتي متعرفين شلون الولد راح يعرف مشكورة الاهتمام ...
حسام دوبه
02-28-2007, 08:45 PM
هاي شنو امنم
شصاير بيك الله ايساعدك
يمعود كل جبير اكو الاكبر منه
وتره اكو اعذار هوايه
واحد منهن كلله ابويه مطلوب ثار
ويردون ينتقمون مني
لو كلله اني عمي منطيني بته اذا ما اخذه يكتلني خلاص
امنم انته حشاش شلون توكع ابهيج ورطه
::51:: ::51:: ::51::
الطـ الجريح ـائر
02-28-2007, 09:47 PM
زين هل المرة اني راح اسأل
سؤال ...لو فرضنا ان اكو بنية حبابة ..مو بس حبابة حبابة كلش ...وبيها كل المواصفات ..مال و ادب وجمال واخلاق وثقافة وهل السوالف كلها ....وهية تحب ولد ....مو بس تحبة ...مستعدة ان تعبدة ...تعبد التراب اللي يمشي عله ..ومستعدة ان تضحي بكل شي علمودة ..ومعارضة اهلها علمودة ومعارضة الدنيا كلها لان هية تموت عليه....ومستعدة تشتري شراية ..وبس تريدة يرضى
بس الولد ميحبها ...الحب من الله ...مو ميحبها بس ميحس وياها بشعور الحب...وميريد يقشمر عليها ..... ومجرد ان يلمحلها ان هو ميحبها تكلب الدنيا ومتكعدها شلون يخلص منها بطريقة بحيث متنجرح البنية ومتاذى.... هذا السؤال للبنات


والله برأيي الصراحة قبل ان تتعاظم الامور .. وتصير اصعب .. ويفهمها بطريقة سلسة .. ولايحسسها انه ما يحبها وانما يحب غيرها والحب هبه من الله .. اكو فرق .. لان بالاولى تحس اكو خلل او نقص بيها .. وياريت لو يحاول ان يبتعد عنها تدريجيا .. مو بشكل مفاجئ و نهائي .. ويمكن ينجر بمشاكل هو في غنى عنها .. او يخسر حياته ::2:: .. فلغيرة النسوان حد الخنجر ..::13:: تحياتي الك ..
EMinem_civil_eng
03-01-2007, 06:33 AM
والله برأيي الصراحة قبل ان تتعاظم الامور .. وتصير اصعب .. ويفهمها بطريقة سلسة .. ولايحسسها انه ما يحبها وانما يحب غيرها والحب هبه من الله .. اكو فرق .. لان بالاولى تحس اكو خلل او نقص بيها .. وياريت لو يحاول ان يبتعد عنها تدريجيا .. مو بشكل مفاجئ و نهائي .. ويمكن ينجر بمشاكل هو في غنى عنها .. او يخسر حياته ::50:: .. فلغيرة النسوان حد الخنجر ..::13:: تحياتي الك ..

__________________


والله يا طائر ..اني كايلك رائي بيك من زمان وماكو داعي اكرر....طبعا يمكن افكارنا متشابها ...لان اني صارلي فترة اسوي هيج شي ....ها والله تعبان ..بالشغل..ما اكدر...بعدين اني اخابر ....ومن هل السوالف...بس ما اعتقد هم تجيب نتيجة .....اني همي الاول ان ما اجرحها للبنية ...لان اتحدت العالم علمود الولد ....
عشت عشت عشت عشت عشت ويسلموا معليم على افكارك....
EMinem_civil_eng
03-01-2007, 06:38 AM
بالمناسبة اني مرة شوفتها صورة اني ماخذها بكلية الزراعة وية كروب متكون من 2 ولد و4 بنات ...كلتلها هاي البنية اللي يمي بيناتنا تفاهم وتشابه بالافكار ..بس مجرد تلميح كلت بلكت تحس.....
تدرون شسوت ...راحت جابت رقم البنية من جوة الكاع ...ومخابرتها وتكللها اذا تتقربين من الولد متلومين الا نفسج ....وخطية البنية ام الزراعة اصلا متعرفني...ومتذكرني ...ومتعرف السالفة شنو ....واني عرفت ان هية مخابرتها يمكن بعد 6 اشهر ...وصار الموضوع هوسة
كمت اخاف على المحيطين بية اكثر مما اخاف على نفسي....
Black_Evil
03-01-2007, 10:34 PM
ايمنم همزين مطاك وياك صورة جان حولت علية
واني شنو جان استلمتهة بيهههههههههههههههههههاهاهاهاها
جان هسة اني بالدولة بيهههههههههههههههههاهاها
EMinem_civil_eng
03-02-2007, 07:18 PM
ايمنم همزين مطاك وياك صورة جان حولت علية
واني شنو جان استلمتهة بيهههههههههههههههههههاهاهاهاها
جان هسة اني بالدولة بيهههههههههههههههههاهاها


تريد تصير عضو بالبرلمان ..وتخلي لحزبك اسم وسلطة واسلحة ...تعال ...اخذ صورة وياية ...ورة يومين عدل وكبل ..نشوفك تصيح عل التلفزيون ..
وانا اناشد الامم المتحدة ومنظمة حقوق الانسان الهلال الاحمر والاخضر وكل الالوان ..بس طلعوني .......اكللهم اني احب النركيلة ...طبعوا القمجي مال النركيلة على ظهري ....ههههههههههه

حبي بلاكي ..اشو الموضوع تمحور هنا ...
وين الاسئلة ...بلاكي اريد فد سؤال خنافي علمود يرجع الموضوع من جديد
الطـ الجريح ـائر
03-02-2007, 08:35 PM
والله برأيي الصراحة قبل ان تتعاظم الامور .. وتصير اصعب .. ويفهمها بطريقة سلسة .. ولايحسسها انه ما يحبها وانما يحب غيرها والحب هبه من الله .. اكو فرق .. لان بالاولى تحس اكو خلل او نقص بيها .. وياريت لو يحاول ان يبتعد عنها تدريجيا .. مو بشكل مفاجئ و نهائي .. ويمكن ينجر بمشاكل هو في غنى عنها .. او يخسر حياته ::50:: .. فلغيرة النسوان حد الخنجر ..::13:: تحياتي الك ..

__________________


والله يا طائر ..اني كايلك رائي بيك من زمان وماكو داعي اكرر....طبعا يمكن افكارنا متشابها ...لان اني صارلي فترة اسوي هيج شي ....ها والله تعبان ..بالشغل..ما اكدر...بعدين اني اخابر ....ومن هل السوالف...بس ما اعتقد هم تجيب نتيجة .....اني همي الاول ان ما اجرحها للبنية ...لان اتحدت العالم علمود الولد ....
عشت عشت عشت عشت عشت ويسلموا معليم على افكارك....

هلووو امـــ اميــ امينــ امينم .. ههههههههههه اسمك صعب شوية ::2:: .. تحياتي الك حبيبي .. ::51::
دلوعة المدني
03-03-2007, 04:51 AM
سؤالي لليوم هو عن موضوع قريته لسويتي وحبيت اشوف شنو رأيكم
كل ولد من يحب انسانة ويقرر يرتبط بيها ويختارها ان تكمل وياه المشوار راح يحجي وياها ويشوف رأيها
لكن اذا بنية احبت ولد ولكت بي كل المواصفات الي هي تريدها بشريك حياتها وطبعا ماتكدر تحجي وياها اولا لان كلش صبة على بنية تكول لشاب اني اجبك لو تكول اختاريتك انت ان تكون شريك حياتي وثانيا نظرة الولد للبنية راح تتغير راح يكول مثلما ماحجت ويايه راح تحجي وي غيري فشنو رأيكم؟؟!!!...
EMinem_civil_eng
03-03-2007, 07:18 AM
شوفي دلوعة ...اني اعرف ولد ..من قسم البناء والانشاءات ..صحية ...يحب وحدة ..على اساس يروح يصارحها ...بس تدرين شيكول..؟؟؟
كلي اني راح اروح اصارحها ..بس هية اذا قبلت بية ..اني راح اعوفها ..!!!!!
بربك ...
مو انتة تموت عليها وتريدها .....كلي اي ..بس اذا قبلتني بسرعة يعني هاي مو خوش بنية ....
فاكو هيج عقليات ...
بالنسبة اللي اني ما اكول لبنية اني اريدج واحبج .وهل الكلام الا اذا هية تكولي هذا الشي بالبداية ..وبالطريقة المباشرة ...يعني مو بس تلميح ومدري شنو ...ومراح تتغير نظرتي الها ..لان الامر طبيعي كلش بالنسبة الليه ,,,هي هم من البشر وهم عدها احساس ومشاعر واحتمال ان تكون مشاعرها قوية ..حالها حال اي ولد ...
واذا هية حاجية وية ولد ثاني ..فاني هم حاجي وية بنات ثانيات .....
الامر طبيعي جدا بالنسبة اللية

حلو موضوعج دلوعة .........عشت اختي العزيزة
Black_Evil
03-04-2007, 02:51 AM
يابة هم هلة والله
طبعا اجي لسؤالج دلوعة ترة اني اذا حبيت هاي البينة من كل كلبي وكالتلي راح اطير من الفرح
ومراح يتغير كولشي بالعكس راح ابادلهة المشاعر
بس شنو اكو انواع وعقليات مثل مكال اخوية امنم
اني واحد من الناس ما اكول لبينة احبج ولا ادر اكولهة اله هية تكولي بيهههههههههههههاها
الطـ الجريح ـائر
03-04-2007, 11:16 PM
هلو دلوعة سؤال حلو ..

رأيي ما ايختلف عن رأي الولد .. " بلاكي و امينيم " .. واعتقد هذا شي كلش اعتيادي ومن حقها .. اما اذا هذا الشخص اخذ عليها غير نظرة .. فبرأي تعوفه احسن وتعتبره اختبار اله .. لان راح يتعبها بعقليته .. وخاصة والكل يعرف ان البنية كتلة من العواطف والرقة والاحاسيس " طبعا مو كلهم - بس اغلبهم".. ليش نمنعها من كتم احساسها ..

بس بنفس الوقت .. انصح البنية ان تتأنى شوية .. وتفسح المجال للامور حتى تاخذ مجراها .. يعني لا تستعجل حتى تتأكد من الولد اكثر واكثر واذا كان يستحق .. ومن مشاعرها بنفس الوقت .. واكيد هي حبت انسان مو طابوكه !! .. يعني وخاصة البنية صعب تكدر تخفي احساسها .. واكيد هو راح يحس ويلاحظ .. وماكو اشكال اذا كانت " تلميحات " وانتو تعرفون الباقي ..

الخلاصة .. ما اكو اي مشكلة .. واذا اكو فالمشكلة بالولد مو بالبنية .. وتحياتي دلوعة ..::51::
دلوعة المدني
03-05-2007, 01:38 AM
شكرا على ردودكم وارائكم واكوا عقليات هواية للطرفين غريبة كلش تحلل نفسها اشياء وتحرمها على غيرها وبابا هاي شنو اله هي تكولك اني معجبة بيك لو احبك يلا انت تحجي ترى هاي مصايرة واذا صايرة قليلة كلش وعلى العموم شكرا الكم ..
وفين السؤال شو كلكم داخلين رادين على السؤال وماكو سؤال ؟؟؟!!!
Black_Evil
03-05-2007, 02:15 AM
شكرا على ردودكم وارائكم واكوا عقليات هواية للطرفين غريبة كلش تحلل نفسها اشياء وتحرمها على غيرها وبابا هاي شنو اله هي تكولك اني معجبة بيك لو احبك يلا انت تحجي ترى هاي مصايرة واذا صايرة قليلة كلش وعلى العموم شكرا الكم ..
وفين السؤال شو كلكم داخلين رادين على السؤال وماكو سؤال ؟؟؟!!!



هلة والله
دلوعة شنو عادي بالعكس اغلب البنات هيجي همة الي يبدون بالحجي واني صايرة بية اكثر من مرة
والله فعادي بالعكس قدرت الموقف وهمة هم قدروا موقفي


المهم اني جايب سؤال بس اريد الولد والبنات يجاوبون عليه اوكي

السؤال هوة هل انتوا يا ولد تحسون نفسكم الوت من البنات وليش
والسؤال نفسة موجه للبنات يعني اكلبوهة بكرك السؤال يا بنات اوكي
حشاش الكريعات
03-05-2007, 02:17 AM
الموضوع حلو والكلام بعد احلة
وانتوا احلى من الحلا

اني احب اسال هالمرة.....
شنو الشي الي يخلي البنية تهيم وتهتم بالرجل وشنو الي تخليهه تكرهه وتندم عله معرفتهه بيه من تصرفات وانطيني مثال لكل صفه جيدة وغير جيدة
حشاش الكريعات
03-05-2007, 02:20 AM
الظاهر نزلت السؤال ويه حبيبي بلاك
عذرا عيوني بلاك وتكدر تستمر
Black_Evil
03-05-2007, 02:29 AM
هلة والله
حبي الحشاش الموضوع منور بوجودك يا وردة

وعادي اذا سؤالك نزل وية سؤالي عادي حبي حتة اذا تريد تنزل مجموعة اسئلة للبنات وهمة يجون يجاوبون بالسرة لو علة الي يعجبهم
اوكي حبي عاشت ايدك سؤال خرافي
حشاش الكريعات
03-05-2007, 02:41 AM
تسلملي ياذهب صافي واني والله خجلان منك حبيبي بس شنسويله للنت فشلنه وياك
عندي هواية اسءله بس اشو العنصر النسائي ماكو
بس لا طفرن من سؤالي خخخخخخخخخخخخخ
الووووووووووو يمعودات وينكم؟؟؟؟؟؟؟؟؟ يمكن ديتعشون
Black_Evil
03-05-2007, 02:52 AM
تسلملي ياذهب صافي واني والله خجلان منك حبيبي بس شنسويله للنت فشلنه وياك
عندي هواية اسءله بس اشو العنصر النسائي ماكو
بس لا طفرن من سؤالي خخخخخخخخخخخخخ
الووووووووووو يمعودات وينكم؟؟؟؟؟؟؟؟؟ يمكن ديتعشون


لك حبي انتة والله انتتة ذهب تسلملي تاج راسي
اني هم النت يمي سكط شنسوي علة المغذي احنة بيههههههههههههههاهاها

همة يخافون يطبون الة يطوبون كولهم سوية بيهههههههههههههههههههاهاه
يابة عيب الولد سالكم ليش متجاوبون عليه يمعودات الووووووووووو
حشاش الكريعات
03-05-2007, 11:08 AM
وك هاي شون فشله من الوادم
جا عش ما تدخلن ؟؟؟؟؟؟؟؟؟؟
بوية..وينجن بعد شيبي
خخخخخخخخخخخخ
Black_Evil
03-05-2007, 10:30 PM
ههههههههههههههههههههههههههههههههههههههههه
ماكو يمكن اسئلتنة قوية بيههههههههههههههههاهاها
Black_Evil
03-07-2007, 03:09 AM
يعني صدك جذب ماكو بنية تجي تجاوب عمي تعالوا انتوا اسالوا لا تجاوبون
وحيد لأمي
03-07-2007, 02:27 PM
عاشت ايبدك علاوي عالموضوع
وحيد لأمي
03-07-2007, 02:30 PM
ممكن تقبلوني صديق جديد
دلوعة المدني
03-07-2007, 06:16 PM
بابا شبيكم شو مسويها هوسة هسه نزلتوا سؤال وماكو ولا بينة شنو بس براسي اجاوب ....
بالنسبة لسؤالك بلاكي ماكو احد الوت من الثاني لكن اكو نسب بالواتة .....
وسؤال حشاش بلا وين تهيم بالصحراء سوري حششت وياك شوية عادي
من وجهة نظري اخلاقه مواقفه وي الغير تصرفاته طريقة تفكيره هاي الشغلات الاكثر اهمية وبعد اكو بس مالي واهس اسطرها ....
وهسه جاوبت زين راضين ....
وماعندي سؤال....
Black_Evil
03-07-2007, 10:50 PM
عاشت ايبدك علاوي عالموضوع



حبيبي وايدك العايشة وهلة والله بيك منور حبي واسمك خرافي
دلوعة المدني
03-14-2007, 09:06 PM
سؤالي للشباب شنو اصعب موقف يمر عليكم وشلون تتعاملون وياه؟؟؟؟؟
EMinem_civil_eng
03-15-2007, 02:45 AM
سؤالي للشباب شنو اصعب موقف يمر عليكم وشلون تتعاملون وياه؟؟؟؟؟

يعني شلون اصعب موقف ....من اي ناحية ...؟؟؟؟
وضحي اكثر دلوعة
Black_Evil
03-15-2007, 04:10 AM
هلة والله
دلوعة وين تريدين توصلين اني اوصلج ولا يهمج بيهههههههههههاهاها
لا والله لو توضحين احلة مو بالله
دلوعة المدني
03-15-2007, 09:09 PM
من كل النواحي
يعني كل ناحية تخلون الموقف وشلون تتعاملون وياه وضحت الفكرة
دلوعة المدني بغداد دجلة نت هههههههههههههه
Black_Evil
03-16-2007, 03:59 PM
والله ما ادري شكولج
دلوعة انتي انطينة ناحية ناحية واحنة نجاوبج
مثلا ناحية ابو غريب او المحاويل والخ اوكي
حسام دوبه
03-16-2007, 04:06 PM
هله والله
هاي اشبيكم ويه الدلوعه
جاوبو على السوال وفضوهه
بس دلوعه شنوه الموقف مال باصات بيهاهاهاهاهاهاهاهاي
باصات مال طوبه هم بيهاهاهاهاهاهاهاهاي
Unity of iraq above all
03-16-2007, 08:03 PM
همة غير لو يسالوون البنااااااااااات ؟؟؟

اكوول
جوابا علة سؤال بلاكي منو الالوت
هية احنا البنات بشكل عام
نشوف الولد يعني نسوي روحنا كلشي مندري وهوة اللوتي وهوة كلشي يفتهم
ههههههههههههههه
وتالي بعدين
تطلع الحقيقة المرة ::52::
انه احنا مو غشمة ::37::
ومفتحين بالتيزاب ::26::
بس انتوا الولد ماخذين نظرة علة نفسكم انتوا لوتية
ترة كلش غلط ::26::
دلوعة المدني
03-17-2007, 01:38 AM
هاي شنو سويتها باصات وموقف يمعودين شنو القضية ترى السؤال بسيط
اي شي مر عليك (موقف)كول عليه وشلون تصرفت بي
هاي السالفة ترى بعد ماسال
EMinem_civil_eng
03-17-2007, 04:06 AM
ماشي دلوعة ......
بالنسبة اللية ..وحدة من اصعب المواقف اللي مريت بيها ((مو اصعب وانما من اصعب المواقف ))
قبل ما اسافر
يمكن اذا قارين الموضوع مال بلاكي ((انتة من النوع اللي تقفل او لا ))...فانتوا قارين الرد مالتي عل الموضوع ...اني من اضوج من واحد فهاي هية ....
واحد من افراد عائلتي ..سوة شغلة وجنت مقرر ان بعد ما احجي وياه
وظلت على قراري لمدة سنتين ونص تقريبا ..اني وياه بنفس البيت و ما اتكلم بحرف وياة ....
بس قبل ما اسافر بكم ساعة ...يمكن بالستة الفجر ....
كعتة من النوم وحظنتة ...وظليت ابجي ..وتحسرت على الايام اللي ظيعتها بدون ما احجي ويا
جان من اصعب المواقف عندي ...لان اني بحياتي ممعتذر من احد ..حتى لو جنت اني الغلطان
Black_Evil
03-17-2007, 05:41 PM
والله يا دلوعة اصعب موقف صار بيه وهية اصلا مجموعة مواقف
واني كتبتهة لمن اجيت للمنتدى بموضوع مال شوف الصدمات من تجي سوية
واكيد قاريتة
وطبعا اكو تكملة صارت للموضوع وهية اصعب من الموضوع كولة
بس شكول غير الله كريم
دلوعة المدني
03-17-2007, 08:29 PM
اويلي هاي شنو انتوا
اسفة اذا رجعت الك ذكريات ما تريدون تتذكروها
الله كريم
EMinem_civil_eng
03-17-2007, 08:47 PM
الله كريم دلوعة ....هسة نفس السؤال الكم انتوا البنات
دلوعة المدني
03-17-2007, 08:54 PM
ما عندك غير سؤال اني اطلب الاستعانة بصديق سؤال صعب...
EMinem_civil_eng
03-17-2007, 10:34 PM
استعيني ..بس لازم تجاوبون
Black_Evil
03-17-2007, 10:51 PM
يالله استعيني علة راحتج بس لازم بسرعة لاءن اني مستعجل
دلوعة المدني
03-18-2007, 12:58 AM
لا اجاوب بس جنت اتشاقى
اصعب شي هو من فارقت اناسنة عزيزة على قلبي وجانت الي مثل امي ولحد هسه هذا الشي حاز بنفسي بس هذا امر الله مو بيدينا
والثاني هو فراق بس امر لان فراق شخص عايش كلش صعب
واكو موقف الثاني بعد اصعب هو اختطاف خالي والي لحد هسه مانعرف شنو مصيره وصار اله سنة
هذي اصعب المواقف الي مريت بيها واكو بعد بس كافي ...
سؤالي الكم شنو مواصفات المرأة الي اذا فكرت بيوم من الايام ان ترتبط بيها....
EMinem_civil_eng
03-18-2007, 08:08 PM
1-قوية كدام الناس ...ضعيفة كدامي ((لك هاي شلون رهمتها ))
لا ترهم ...يعني مو اني شحجي تجي وتعاند و تفتحلي مركز مناصرة المرأة ولازم تفرض وجودها وشخصيتها علية ...اني شكول هية تكول نعم ..بس اذا جنت على خطا ..فمسموحلها تناقش

2-تهتم بمظهرها دائما

3-تخلي عنصر المفاجئة شي اساسي بحياتها ...يعني ما اريد اعيش حياتي بروتين

4-تتقبل الافكار الجديدة مني ....يعني تغيير ديكور المنزل دائما ... مثلا تتعلم طبخات جديدة ..

5-تحب السفر ...مو والله اني ابقى يم اهلي وما اغير جيراني وهل السوالف التعبانة

6-اريدها راقية ....يعني تحب تتطلع على اخر الكتب اللي تنزل ...تحب تمارس الرياضة ((شنو انتة راح تتزوج هوار ملا محمد لو انيشتاين::14:: ))..

7-واهم من اي شي ...اريدها تعبدني عبادة ...مو شرط ان اني احبها ..بس اريدها تحبني اكثر مما اني احبها ::51::

لك انتة متكلي وين تلكا هيج وحدة ...شنو عايش بفلم ::2::

لا ...بس مجرد ما الكا وحدي مثل النقطة رقم سبعة ...اني اكدر اغيرها لكل النقاط اللي ذكرتها
هانسيت شغلة ..نهائيا الجمال عندي مو مهم ...لان هم اكدر اكلب خلفتها 180 درجة
دلوعة المدني
03-18-2007, 08:15 PM
هههههههههههههههههه
اتريدها تفصال وشنو نوعية القماش يمعود على كيفك
ترى ماكو هيج شي حتى بافلام كارتون .......
لا خلي نحجي عدل كل النقاط عادي ما بيها شي
بس نقطة 1 و7 لازم اتسوي توازن حتى تصير احلى
EMinem_civil_eng
03-18-2007, 09:46 PM
اني اهم شي عندي واحد وسبعة
شلون اغيرهن
وشلون اسوي توازن
Black_Evil
03-18-2007, 10:01 PM
هلة والله
هاي شنو اشو مكلوبة مواصفات الحاتة مال احلامك هلة والله

شوفوا خلي اسولف
طبعا الي اريدهة لازم تحبني بكد ما اني احبهة
وما اكدر اكول تحبني اكثر من ما اني احبهة لاءن اكيد متوصل لحبي الهة بس شنو اذا وصلت فهاي كولش توب
واريدهة اخلالالالالالالالالالالالالالالالالالاق ومؤدبة
وتحب الخير للكل هاي شنو اني ههههههههههههههههههههههههه
والشكل ما يهمني والله
بس افضل ان يكون شعرهة اصفر حتة لو مصبوغ هههههههههههه
دلوعة المدني
03-19-2007, 03:46 AM
انيمي لازم توزان شلون هي تسمع وتقبل رايك وانت لا
بلاكي خوش مواصفات
بعدين فين السؤال ليش ما عندكم اسئلة ....
Black_Evil
03-19-2007, 05:26 AM
اي اي اي اي يمعودة شبيج دتصيحين
نفسج سؤالج كلبيه بكرك
يعني نفس السؤال الي جاوبنة علية
انتوا يا بنات يا بنات لليش متغسلون هدوومي لك هاي وين رجعت اني بيههههههاها للدعبل وطنب شايل
دلوعة المدني
03-19-2007, 08:05 PM
ادري شنو ماعدكم اسئلة كلما اسأل سؤال تكلبوا علينا قحط خلصت الاسئلة
وراح اجاوب ولو هو هذا الموضوع ممفكرة بي حاليا
لكن اهم شي يكون ذا شخصية قوية ويكون النصف الثاني الي بكل شي يعني نكمل بعض متفاهم يحب المناقشة وسماع الراي بس مو رايه هو يمشي وعلى مواصفاته من اشوفه عود اكلكم
دلوعة المدني
03-19-2007, 08:08 PM
هسه سؤالي
شنو اكثر المواضيع الي تحجون بيها من تجتمعون سوا سواء بالجامعة لو باي مكان ثاني
Black_Evil
03-19-2007, 11:45 PM
هلة والله
خوش سؤال دلوعة
بالنسبة الية كل سوالفنة او اكثرهن تحشيش يعني مو تحشيش تحشيش