شلش البغدادي
02-20-2007, 01:15 AM
الفقراء والجامعة التكنلوجيا
السلام عليكم فقير فقيرة مصطلح يستخدم كثير في الجامعة لا اقصد هنا بكلمة فقير هو المتسول او السائل الذي يجلس بباب الجامعة ولكن اقصد نوع ثاني من الفقراء نوع نحن ابتكرناه الفقير بمعنى المؤدب جدا
كم مرة وردت هذه الكلمة خطية فقير لا تتشاقون وياه لا فلان فقير عوفوه بحاله او فلان فقير ميعرف بنات مو لو مومو
وبصراحة من فكرت بهذا المصطلح صارت عندي مجموعة افكار ممكن نشاركها
خلال هذه الأيام صار حادث معي خلاني اعيد التفكير بهذه الكلمة جديا ً
مثلاً اذا اتشقينا وتمزحنا معه وهذا الشخص اخذ مزحنا بمحمل الجد وتصور انه صحيح من نستغرب ونتسائل كيف هذا الشخص صدك الشقه واخذه على محمل الجد يجيب احد الاشخاص مدافعا وبسرعة ( مو خطية فلان فقير )
يا اخي اني اتعجب نحن كمجتمع بشري نتميز بعقل يميز بين الصح والخطاء والجد والهزل شنو علاقت شخص ميفتهم الشقى والمزاح بكونه مؤدب جدا او كما يحب ان يسميه الاخرين فقير
او نكون نحن بجلسة نتكلم وهناك شخص ساكت طوال الوقت متفرج فقط
من نستفسر ليش فلان ساكت وميشارك بالحديث يكون الجواب كسابقه لان فلان فقير .
طريقة التحدث والمهارات الاجتماعية هي ليست حكر على غير المؤدبين
بالعكس خالي لزم الفقير هو اللي يحجي لان لكونه حباب و مؤدب جدا اكيد ميسوي مثلنا ويصرف كل وكته على روتنا ويقضي وقت كبير بتثقيف نفسة ومتابعة اخر الاخبار فلهذا لزم هو يتصدر الحديث مو يكون مجرد متفرج
زين فلان ليش ميحجي ويا البنات او منعزل عن أي مجموعة بيها بنات
اكيد تعرفون ليش لان فلان فقير خطية فقير
ادري رحمة لوالديكم هاي الشغله شعليها بعقد الشرق في التعامل مع النساء
شنو علاقتها بالحبابين الفقره يابة فلانة ليش منعزله ومتعرف بس طيدقة وحدة طوال الفترة الجامعية اكيد كلكم راح تكولون مو خطية فلانة فقيرة
هسا اني شلش من اخجل واستحي ان احجي ويا البنات عادي وطبيعي لان اني فقير
فلهذا اعتقد كلمة فقير ليس في مكنها الصحيح
الانسان الذي لا يميز بين المزاح والجد ليس بفقير ولكن عليه ان يعيد حسابته
الانسان الذي يقضي طوال الوقت ساكت هو ليس فقير ولكن ببساطة ليس لديه شيء مهم يقوله
والشخص المنعزل عن البقية الجنس الاخر هو ليس فقير ولكن شخص يفتقد الى المهارات الاجتماعية
مو لو مومو
واذا كنت أنت احد الفقره فلا تزعل ولا ضوج لان اني شلش عمرك شفت واحد اسمه شلش يفتهم بالعلاقات الاجتماعية
مع تحيات شلش افقر ولد في القسم من تحت النبكة الوكيل المعتمد للحصة التموينية لقسم علوم الحاسبات
السلام عليكم فقير فقيرة مصطلح يستخدم كثير في الجامعة لا اقصد هنا بكلمة فقير هو المتسول او السائل الذي يجلس بباب الجامعة ولكن اقصد نوع ثاني من الفقراء نوع نحن ابتكرناه الفقير بمعنى المؤدب جدا
كم مرة وردت هذه الكلمة خطية فقير لا تتشاقون وياه لا فلان فقير عوفوه بحاله او فلان فقير ميعرف بنات مو لو مومو
وبصراحة من فكرت بهذا المصطلح صارت عندي مجموعة افكار ممكن نشاركها
خلال هذه الأيام صار حادث معي خلاني اعيد التفكير بهذه الكلمة جديا ً
مثلاً اذا اتشقينا وتمزحنا معه وهذا الشخص اخذ مزحنا بمحمل الجد وتصور انه صحيح من نستغرب ونتسائل كيف هذا الشخص صدك الشقه واخذه على محمل الجد يجيب احد الاشخاص مدافعا وبسرعة ( مو خطية فلان فقير )
يا اخي اني اتعجب نحن كمجتمع بشري نتميز بعقل يميز بين الصح والخطاء والجد والهزل شنو علاقت شخص ميفتهم الشقى والمزاح بكونه مؤدب جدا او كما يحب ان يسميه الاخرين فقير
او نكون نحن بجلسة نتكلم وهناك شخص ساكت طوال الوقت متفرج فقط
من نستفسر ليش فلان ساكت وميشارك بالحديث يكون الجواب كسابقه لان فلان فقير .
طريقة التحدث والمهارات الاجتماعية هي ليست حكر على غير المؤدبين
بالعكس خالي لزم الفقير هو اللي يحجي لان لكونه حباب و مؤدب جدا اكيد ميسوي مثلنا ويصرف كل وكته على روتنا ويقضي وقت كبير بتثقيف نفسة ومتابعة اخر الاخبار فلهذا لزم هو يتصدر الحديث مو يكون مجرد متفرج
زين فلان ليش ميحجي ويا البنات او منعزل عن أي مجموعة بيها بنات
اكيد تعرفون ليش لان فلان فقير خطية فقير
ادري رحمة لوالديكم هاي الشغله شعليها بعقد الشرق في التعامل مع النساء
شنو علاقتها بالحبابين الفقره يابة فلانة ليش منعزله ومتعرف بس طيدقة وحدة طوال الفترة الجامعية اكيد كلكم راح تكولون مو خطية فلانة فقيرة
هسا اني شلش من اخجل واستحي ان احجي ويا البنات عادي وطبيعي لان اني فقير
فلهذا اعتقد كلمة فقير ليس في مكنها الصحيح
الانسان الذي لا يميز بين المزاح والجد ليس بفقير ولكن عليه ان يعيد حسابته
الانسان الذي يقضي طوال الوقت ساكت هو ليس فقير ولكن ببساطة ليس لديه شيء مهم يقوله
والشخص المنعزل عن البقية الجنس الاخر هو ليس فقير ولكن شخص يفتقد الى المهارات الاجتماعية
مو لو مومو
واذا كنت أنت احد الفقره فلا تزعل ولا ضوج لان اني شلش عمرك شفت واحد اسمه شلش يفتهم بالعلاقات الاجتماعية
مع تحيات شلش افقر ولد في القسم من تحت النبكة الوكيل المعتمد للحصة التموينية لقسم علوم الحاسبات