خمس نصائح للتخلص من آلام المعدة

[بشوري]

السلام عليكم اخواني واخواتي الحلوات
يابة هاي فد نصائح اخاف فد يوم يصير بيكم الم مال معدة ويارب ما يصير بيكم ابد، بس اني مو مسؤول عنكم إذا سويتوها وصار بيكم شي ههههه
في دراسة طبية حديثة عن اضطرابات المعدة وتجنبها ... طرح الأطباء خمس نصائح لو التزم بها الإنسان لأصبح وضع صحي متميز وهي :

1_ احذر الأطعمة الزائدة التتبيل أو أي شيء اخر يثير اضطراب معدتك .

2_ تجنب الحليب ... فرغم أنه يوصى باستخدامه لعلاج القرحة واضطراب المعدة إلاأن الطب الحديث اكتشف أنه قد يؤدي بالفعل إلى جعل المشكلة أسوأ ويأتي بنتائج عكسية يكون ضحيتها الإنسان .

3_ تجنب التوتر والإجهاد... فالتوتر يؤدي إلى إفراز العصارات المعوية مما يجعل مشكلة المعدة أشد وأسوأ .


4_ تناول الزبادي فقد ثبت أن تناوله يوميا يؤدي إلى قتل البكتريا التي تؤدي إلى أن تكون أحماض المعدة الزائدة .

5 _ هنالك علاج سحري لسوء الهضم يمكن الحصول علية بخلط نصف كوب من عصير التفاح مع ملعقتين من العسل ... تناول ملعقتين من هذا الخليط عند الحاجة للقضاء على الام المعدة .
وفي النهاية تقبلوا تحياتي وتمنياتي لكم بالصحة الدائمة والعمر الطويل

[Swordsman]

مشكور بشوررري على المعلومات المفيده
موضوع يستحق الصحه
تقبل مروري

[بشوري]

حبيبي الغالي مرورك مقبول وان شاء الله تستفاد من النصائح
بيني وبينك لا تسويهن الشغلة تخوف هههههه

[كارثة الترجمة]

شنو هاي بشوووووري ... شنو هالمواضيع الحلوة ..

على كيفك ويانا ... أحنا هم أخوتك ... هههههههههههههههههه

مشكوووور حبي على المعلومات ...

تقبل مروري .

[بشوري]

هلو ابو الكوارث شلونك حبيبي
اكلك انت تكول علكيفيك ويانا علساس انت مقصر بمواضعيك الي تجنن
حبيبي مشكوووور على المرور الغالي

[طـيـبـة]

بشوري مشكور عالمعلومات الي منكدر نطبقها كلها .. اولاً ما اكدر اعوف التوابل وخصوصاً الطرشي والعمبه !! وشلون ابتعد عن التوتر اذا اني حياتي كلها توتر واعصاب مشدوده والعسل ما اجرعه !! والزبادي او اللبن بس اكله بالصيف !! بقى بس تجنب الحليب هي هاي الشغله الوحيدة الاكدر عليها والحمد لله .. تقبل مروري

[بشوري]

مرورك مقبول يا طيبة واني كتلج لا تسويهن لان ماكو احد يكدر يسويهن واصلا الشغلة ما مضمونة هههههههه تحياتي الك

[طـيـبـة]

لا على بختك لا تخاف ما اسويهن هو شباقي بالعمر !!

[بشوري]

لا عمرك طويل ان شاء الله شنو دا احجي وية عجوز ههههههههه
اشاقة

[الحب الابدي]

تسلم بشوري على هذا الموضوع الجميل تسلم بشوري ان شاء الله تقدم بالنصائح اكثر واكثر

[بشوري]

لا يابة هاي النصائح ورطة بعد ما اقدم نصائح ليروح واحد يسويهن ويروح بيها ههههههه
مشكور على مشاركتك الحب الابدي او مشاركتج
تحياتي الك

[سيف الدين المالكي]

رووووووووووووووووووعه خيو

[Swordsman]

بشوري شدعيلك سويت النصائح مالتك واليوم اتمرضت
ههههههههههههههههههههه اخ يمه لحكيلي الدكتور انطاني ابر
بشوري الدكتور نطاني ابر تعرف يعني شنو الابره بالنسبه الي
اضربني طلقه ولا تضربني ابره هههههههههههههههههههههه
يمه اريد امي اريد امي

[نهر الحب]

بارك الله بيك نصائح كلش مفيده
تحياتي

[طـيـبـة]

لا عمرك طويل ان شاء الله شنو دا احجي وية عجوز ههههههههه
اشاقة

كشفتني بيشو اني صح عمري صغير بس الزمن كبرني قبل وكت اووووووووووووووووووووووف اووووووووف كلبت عليه المواجع .......

[بشوري]

يمعودة طيبة اي مواجع اخذيلها براسيتول واموكسسيلين واذا عندك حساسية من البنسلين اخذي كفلكس ههههههههههههه

[بشوري]

بشوري شدعيلك سويت النصائح مالتك واليوم اتمرضت
ههههههههههههههههههههه اخ يمه لحكيلي الدكتور انطاني ابر
بشوري الدكتور نطاني ابر تعرف يعني شنو الابره بالنسبه الي
اضربني طلقه ولا تضربني ابره هههههههههههههههههههههه
يمه اريد امي اريد امي

حبيبي عموري اخوك بشوري اشتغل بصيدلية كلي شنو الابر وعلى حسابي وبعد التوبة ما انطي نصائح ابد لان راح ادفع من جيبي ::38:: ::38::

[طـيـبـة]

يمعودة طيبة اي مواجع اخذيلها براسيتول واموكسسيلين واذا عندك حساسية من البنسلين اخذي كفلكس ههههههههههههه

ها بشوري بدت نصائح الصيدله تره اذا اسويها ويصير بيه شي انت المسؤول

[زوزك]

عاشة الايادي روعة

[بشوري]

طبعا طيبة اني المسؤوول لان الحمد لله متأكد من هي السالفة بس السالفة الما متأكد من عدها رأسا اكول ما عندي او خلصت هههههههههههههههه مشكور زوزك اغاتي

[طـيـبـة]

بشوري عيني باردة عليك

[Swordsman]

بشوري بما انك صرت صيدلي بيت جيرانه مات اتوفه
فشتكول ندفنه لو انعرضه على طبيب ههههههههههههههههههه
انيطني نصيحه ولك الاجر والثواب هههههههههههههههههههه
تحياتي الك مستر كفلكس