مع الاسف ...

[Swordsman]

مع الاسف ..... هذا حالنه
اول مره ادخل لمنتدى الشعر الشعبي بدجله نت واستغربت شنو هاي
هيج صار حال شبابنه
والله عيب كل الي ديصير يعني واحد كاتب قصيده ذاك يجي يحجي ليش كاتب هيج يااخي عوفه هو ايريد يكتب الي ايكتبه لا تعلق على الموضوع
يعني ماعدنه غير صدام بطل صدام مجرم صدام صدام .... والعدو والاحتلال يلعبون بكيفهم
مع الاسف انه هم طلاب ولانه والله اتفاجئت من دخلت هناك
الى متى راح يبقنى حالنه هيج واحد اسب بثاني واحد اكول انت سني واحد اكول انت شيعي
حتى غرفه الياهو ماسنجر وغرف البالتوك اتكول حرب ولا جنهم عراقيين
شربو من نفس الماي عايشين على بقعه وحده
والله مع الاسف ....
والشي الحلو وموقف عجبني انه ماكو هذا الشي بمنتدى الجامعه المستنصريه تحي لكم من القلب يا اعضاء منتدى الجامعه المستنصريه
لانه لازم واحد ميطي بالثاني لازم الاخوه موجوده .....
ويارب متصير عدنه هاي الحاله بمنتدى الجامعه ويارب يهدي جميع طلبة العراق الى ماهو صحيح والى ماهو في مصلحة العراق
لانه العراق احنه المسئولين عنه مو غير واحد ......
تحياتي لكم يا منتدى المستنصريه

[سيف الدين المالكي]

والله خيو هاي المسأله حيل ضوجتنه مثلك وعانينه منعدها هوايه بس الحمد لله أحنه هنا ماعنده أي من هاي المسائل التعبانه وأحنه كلنه أخوه وأصدقاء سواء أكنت من أي طائفه المهم عراقي وهذا الشي يعنيلنه الكثير
وشكرا الك خيو على هاي المشاعر النبيله
أخوك سيف الدين المالكي

[بشوري]

والله يا اخوان هاي السالفة مال السنة والشيعة مدري منين اجتيلنا والله احنا ماعدنا هذا الشي والسنة متزاوجين وية الشيعة والشيعة متزاوجين وية السنة لانه مثل ما كلت يا سيف احنا كلنا عراقيين وهذا يعني الكثير واني اول مرة اسمع من عندك هذا الحجي يا عمار انه اكو هيج شي بدجلة نت والمفروض المراقبين يطلعون كل واحد طائفي من الموقع لانه الطائفية ما جابتلنا غير الهم والقهر
والحمد لله ما عدنا هيج شي بمنتدى الجامعة المستنصرية ويا رب يبقى دوم هيج
تحياتي إلك عمار وتقبل مروري البسيط

[كارثة الترجمة]

تحياتي ألك يا عمار ..و أحنا لازم نشكر المراقبين على هاي النعمة ...

صحيح همة عراقيين ... بس أنغمروا بحجي الشارع ... مع الاسف والله

و أن شاء الله الطائفيين نارهم تأكل حطبهم ...

مشكوووور حبي .

[Swordsman]

يااخي والله مصيبه المشكله انه اكو مراقبين
ادري معقوله مراقب الغرفه مديشوف هذا الشي
شكرا لمروركم يا سيوفي وبشوري وكروثي هههههههههههههه هاي حلوه مال كروثي
ان شاء الله من شوف هيج سلبيات بعد

[شاعر القوافي]

موحزن لكن حزين

مثل ماتنكطع جوه المطر وردة ياسمين

موحزن لكن حزين

مثل بلبل كعد متاخر لكه البستان كله بلاية تين

موحزن لكن حزين

مثل صندوك العرس ينباع خردة عشك من تمضي السنين

موحزن لكن احبك من جنت يسمر جنين


تحياتي

[Swordsman]

حبيبي الورد شا عر القوافي
اشلونك حب واخيرا اجييت
واجماله كاتبلي القصيده الي احبها
تحياتي الك ورده

[مشتاق السلمان]

مشكور خيووووووووووووووو عمار اولا
وهذه المواضيع اللي تشوفها لا يتكلم بها ذو خبره في الحياة لانهم لم يروا واقع الحياة ولكن انا في قرارة نفسي ليس هناك فرق بين اي شخص في العراق فهو عراقي رغما عن كل شي ومشكورا خيووووووووووووو عمار على موضوعك الرائع

[Swordsman]

مشكور حبي مشتاق على مرورك الاروع

[شاعر القوافي]

شسولف والسوالف تشده البال جرة كل الامور وياي معكوسة

شسولف والسوالف صارة اتخجل وتعلمنه اليغمنه بكصته انبوسة

عدنه اكلوب طيبة وماتعرف الغيض ولو دنيانه ذيب مكشر ضروسة

شسولف والسوالف تشحط البلعوم ومن كثر القصر دم بطني متروسة

لجرعك ياصبر لو صرة موزقوم الزمن مني والك يتعلم دروسة

مع تحياتي واهديلكم اغنية كريم منصور (( بس تعالوا))

[Swordsman]

مشكور حبي نزار
واريد انشوف مشاركاتك يا ورده
تحياتي الك شاعر القوافي