كل عضو ينسأل 3 اسأله و لازم يجاوب صدك عليها ....

[جنة بغداد]

السلام عليكم يا شباب و يا بنات
شلونكم شخباركم ياربي تكونون بخير
هذا الموضوع حيكون عن الاعضاء ... بأختصار شديد راح نختار فد عضو معين و نسأله اي سؤال يخطر على بال اي عضو اخر بالمنتدى و يجاوب على الاسئله وهذي الاسئله حيكون عددها 3 و بعدين وره ما يجاوب على ال3 اسئله راح يخرج هو ويدخل بمكانه عضو ثاني وهذا العضو هم راح ينسأل 3 اسئله من قبل بقيت الاعضاء و وره ميجاوب على ال3 اسئله يخرج ويدخل عضو غيره بمكانه وهكذا ...
ياربي تكونون فهمتوا البرنامج و نبدأ الان و اني راح اختار العضو والي هو اخويه الغالي الامير الساهر راح اسأله سؤال و لازم يجاوبني و بعدين يدخل احد غيري هم يسأله الى ان تصير 3 اسئله و بعدين هو يطلع من البرنامج و يخلي عضو ثاني بمكانه يدخل للبرنامج,, اوووووووووووكي جاهزين ياله
أبدأ

اسألك اخويه الامير الساهر
شنيه المواقف الي تخليك تبجي من كل قلبك ؟؟؟

[امير الساهر]

اولا مشكورة على الموضوع
بس شنو السالفة
شكو واحد يسوي مسايقة لو اسئلة يبلش بية ليش ::55::

اني الموقف الوحيد الي صدك بجيت بي طبعا بجيت بجي مال معزايات
من انكتل اخوية وحبيب روحي صديقي سيف كبل شهر تقريبا
وابجي دووووووووووووم على بغداد من اشوف الوضع
هية هاي الصراحة الي ردتيهة
والله فضحتنا

[جنة بغداد]

والله العفو اني شمدريني هيج سالفتك عبالي حتكول غير شي
العمر الطويل الك ان شاء الله

[امير الساهر]

لا عادي اذا تريدين كملي
مابيهة شي الصراحة حلوة
يعني اذا اكو دوشك مال طلايب هوة اني وين ماكو مصيبة تجي علية
الطلايب سووهة على مودي

[جنة بغداد]

هههههههههههههههههههههه والله ضحكتني

[White ♥ Heart]

هوة امير (( بكل عزة لطامة))
اريد من عندك موقف محرج صار بيك وشوكت ووين ...
تحياتي...

[حــ،،،ــور الــ،،،ــعين]

جنه عاشت ايدج على الموضوع بس اريد اتاكد من شئ واحد
يعني ال3 اسئله نفس العضو يسالها
لو كل عضو يسال سؤال للعضو المختار
تحياتي لك

[عمو هارون]

مشكورة جنة على المسابقه الحلوة
وسؤالي الى اخ العزيز امير
هو كم مره حبيت بحياتك؟؟؟؟؟؟؟؟؟
وطبعا هذا اخر سؤال لان امير صار عنده ثلاث اسئلة بعد سؤال جنه وسؤال راقية الفلوجة وسؤالي وبعد الاجابه عنهم راح يختار هو عضو ونبدي انساله حسب ما خططت الاخت جنة للعبه

[امير الساهر]

هوة امير (( بكل عزة لطامة))
اريد من عندك موقف محرج صار بيك وشوكت ووين ...
تحياتي...

طبعا اكو هواية مواقف محرجة صارت بية ::55::
بس اكو واحد ابد ما انساااااا
فديوم بالكلية وحدة انكسر كعبهة وكعت علية بالنادي وجن دا اشرب كبتشينو ::26::
لتكيفون منجب علية ::39::
بس البنية وكعت بحظني ::39::

[امير الساهر]

مشكورة جنة على المسابقه الحلوة
وسؤالي الى اخ العزيز امير
هو كم مره حبيت بحياتك؟؟؟؟؟؟؟؟؟
وطبعا هذا اخر سؤال لان امير صار عنده ثلاث اسئلة بعد سؤال جنه وسؤال راقية الفلوجة وسؤالي وبعد الاجابه عنهم راح يختار هو عضو ونبدي انساله حسب ما خططت الاخت جنة للعبه

شلون بيك هارون عفت الاسئلة كلهة ملكيت الا هذا السؤال ::21::
طبعا بصراحة مرتين وثنيناتهن ازوجن
بس اكثر وحدة حبيتهة الاخيرة وانكلبت السالفة مناحة وما اريد اذكر اصلا لان حظي مكاعد وية النسوان ::38::
وهاي مو صراحة هاي فضيحة ::237::

[امير الساهر]

هسة اني كمل سراية ورح اختار عضو هههههههه

منو













منو















منو











::26:: هارون ::26::


بس شنو عليك الله اريد الصراحة احنة متفقين

[امير الساهر]

راح اسئلك نفس السؤال
جم مرة حبيت بحياتك
هااااااااااااااااااااااا
احنا متفقين على الصراحة بدون كلاوات

[عمو هارون]

شلون بيك هارون عفت الاسئلة كلهة ملكيت الا هذا السؤال ::21::
طبعا بصراحة مرتين وثنيناتهن ازوجن
بس اكثر وحدة حبيتهة الاخيرة وانكلبت السالفة مناحة وما اريد اذكر اصلا لان حظي مكاعد وية النسوان ::38::
وهاي مو صراحة هاي فضيحة ::237::


بعد شتريد رجلك خضره على النسوان الي تتعرف عليه تزوج::2:: ::2:: ::2:: ::2::
بس امير خلصن الاسئله مالتك ولازم هسه انته تختار عضو حتى نبدي انبلش نسال::26:: ::26::

[عمو هارون]

راح اسئلك نفس السؤال
جم مرة حبيت بحياتك
هااااااااااااااااااااااا
احنا متفقين على الصراحة بدون كلاوات
والله عمي صراحه ما اذكر كم مرة حبيت بحياتي لان انته اتكول حياتي يعني من اول ما صرت بالدنيا::26:: ::26:: والله حسبت ذاكرتي الي حبيتهم يمكن 10 لو 11 والله مو شقه لان قلبي قلب والدة وعمك دائما عنده حنان وما يخبل على احد اذا طلب من حنان.
بس حاليا عمك شيب وعاكد وساكت بلا حب ماأخذ اجازة::51:: ::51:: ::51:: ::51::

[امير الساهر]

والله عمي صراحه ما اذكر كم مرة حبيت بحياتي لان انته اتكول حياتي يعني من اول ما صرت بالدنيا::26:: ::26:: والله حسبت ذاكرتي الي حبيتهم يمكن 10 لو 11 والله مو شقه لان قلبي قلب والدة وعمك دائما عنده حنان وما يخبل على احد اذا طلب من حنان.
بس حاليا عمك شيب وعاكد وساكت بلا حب ماأخذ اجازة::51:: ::51:: ::51:: ::51::

اي عمي عاشت ايدك على الصراحة
بس عليك الله التحديق مو ارقة شغلة

[عمو هارون]

اي عمي عاشت ايدك على الصراحة
بس عليك الله التحديق مو ارقة شغلة

اكيد الحديقة عمي ارقى شغله لان بالك يكون صافي ماكو وجع راس ولا دوخه::55:: ::55::

[White ♥ Heart]

نفس السؤال اللي سالته لامير اريد موقف محرج
لان ناوية اسوي كتاب((( الماقف المحرجة)))للكاتبة راقية الفلوجية...
عمو اريد تحجيه بالتفصيل...

[عمو هارون]

اول السلام عليكم
والله الموقف المحرج ولو طويل بس احجي لان انتم طلبتوا هذا الشي
طبعا كنت بالجامعة ثاني سنة وكان جيراني بالمنطقه ايضا بنفس جامعتي وجيرانه هم بالجامعه اني كنت كيمياوي وهو ميكانيك حايط على حايط بالجامعه كنه وكنه ماخذي اني وولد صديقي اشبه بالخط مرات من اتصادف محاضراتنه الصبح نطلع سويه.
وباحد الايام طلعت ورحت للولد للبيت واتوكلنه للجامعة هو دخل محاضرة واني كانت محاضراتي بعد وكت عليه كلت خلي اروح اتريك لان اني من اكعد الصبح ما اكل كلشي بس اشرب شاي وخلص وبعد ساعتين اقل شي ياله اكل....والله قررت اكل لحم بعجين لان كان بشارع الصناعة ابو لحم بعجين كلش طيب رحت طلبت لحم بعجين دبل بالبيض خصلت نصه تقريبا كلت خلي اوصي وحده ثانية وطبعا مديت ايدي على المحفظة ماكو بجيبي بالجيب الثاني هم ماكو امد ايدي الى اي جيب ولا فلس ما احجيلكم كمت اشوف النص الثاني من اللحم بعجين زقوم اتلفت بالمطعم ماكو ولا واحد اعرفه بس كم طالب من قسمي وكان بوكته صف رابع وماعندي اي علاقه بيهم حتى سلام ماكو.....والله كملت اللحم بعجين وكمت لابو المطعم نزعتله الساعة وكتله ناسي فلوسي عمي خليه يمك هسه اجيبلك افلوس والرجال مقبل طبعا وكال يابه عادي....ورحت لسكن مال طلبة اصدقائي كان قريبين على الجامعة واول ما دخلت لكيتهم يتريكون كالوا يله هارون بوجهك اتفضل كتلهم اكلت قلبكم ويا ريت ما اكلت...واخذت منهم فلوس مال الاكل لابو اللحم بعجين ومصرف الي بالجامعة وهذا موقف ما انساه طول حياتي....لان اني ما ويوم طلعت من البيت اذا ما متاكد انه محفظتي وساعتي وكلي اوراقي موجودة معي بس صدفت بذاك اليوم....ههههههههه

[امير الساهر]

ماكو بحيبي بالجيب الثاني هم ماكو امد ايدي الى اي جيب ولا فلس ما احجيلكم كمت اشوف النص الثاني من اللحم بعجين زقوم اتلفت بالمطعم ماكو ولا واحد اعرفه::237::
ههههههههههههههههههههههه
هاي شنو عمي هارون جنت مجزررررررررررررررررر::39::
ماكو احلى من هيج موقف والله خربت ضحك
ودا اتصور شلون صار شكلك وانتة تتلفت يمنة ويسرة ههههههههههه

::36:: ::36:: ::36:: ::36:: ::36:: ::36:: ::36::
::36:: ::36:: ::36:: ::36:: ::36:: ::36:: ::36:: ::55::

[عمو هارون]

ماكو بحيبي بالجيب الثاني هم ماكو امد ايدي الى اي جيب ولا فلس ما احجيلكم كمت اشوف النص الثاني من اللحم بعجين زقوم اتلفت بالمطعم ماكو ولا واحد اعرفه::237::
ههههههههههههههههههههههه
هاي شنو عمي هارون جنت مجزررررررررررررررررر::39::
ماكو احلى من هيج موقف والله خربت ضحك
ودا اتصور شلون صار شكلك وانتة تتلفت يمنة ويسرة ههههههههههه

::36:: ::36:: ::36:: ::36:: ::36:: ::36:: ::36::
::36:: ::36:: ::36:: ::36:: ::36:: ::36:: ::36:: ::55::
والله عمي ماكو هيج موقف وكلما اذكره اموت من الضحك::2:: ::2:: ::2:: ::2::

[White ♥ Heart]

ههههههههههههههههههههه
ههههههههههههه
ههههههههههه
هههههههههههههههههه
ههههههههههههههههههه
::39:: ::39:: ::39:: ::39:: ::39:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36::

[جنة بغداد]

هههههههههههههههههههههههههههههههههههههههههههههههههه
عاشت ايدك هارون والله ضحكت من كل قلبي
بس انت هم حاجيلنا على موقف ثاني صاير بيك بالكليه من جنت دتلعب كرة سلة و ههههههههههههههههههههههه انشك البنطرون مالتك هههههههههههههههههههههههه ولبست الصدريه نص ونص هههههههههه اكمل ؟؟؟
زين اسألك اخر سؤال
اذكرلي اسم عضو واحد بس تفضله اكثر شي بالمنتدى ؟؟؟{ واحد }

[عمو هارون]

اذكرلي اسم عضو واحد بس تفضله اكثر شي بالمنتدى ؟؟؟{ واحد }
اني الاعضاء عندي كلهم افضلهم صراحة وبما انه الاعضاء كلهم واحد ان شاء الله اذن اني افضلهم كلهم

[امير الساهر]

هسة هارون خلصت الاسئلة مالتة

السرة لجنة

[امير الساهر]

عندي سؤال الج

جم مرة كاتلج ابوج من جنتي زغيرة
اريد اطلع القهر مالتني

[جنة بغداد]

هههههههههههههههههههههههههههههههه انت شعليك حيـــــــــــــــــــــل لازم اكعد احسبهن ؟؟؟

بس هو المفروض عمو هارون يختار العضو لانه هو جان اخر واحد

من هارون يختارني يالله اجاوبك هههههههههههههه

[امير الساهر]

يعني شلون اني اريد انتي بالاسئلة
ماماماماماماماماماماماماماماماما::1:: ::237::

[جنة بغداد]

روح اتوسط عد عمو هارون خلي يختارني
ههههههههههه هارون صير حباب ولا تختارني

[امير الساهر]

روح اتوسط عد عمو هارون خلي يختارني
ههههههههههه هارون صير حباب ولا تختارني

هذا تحيز ::22::
واني ادري هارون مو متحيز ::56::

[ندووو]

اني اايدك امير الساهر على سؤالك
يلة حياتي جوابي

[حــ،،،ــور الــ،،،ــعين]

وينه هارون خل يختار عضو
جنه حضري نفسك ههههه

[عمو هارون]

روح اتوسط عد عمو هارون خلي يختارني
ههههههههههه هارون صير حباب ولا تختارني
جنه بالتاكيد هو انتي الي راح اختارج::26:: ::26:: ::26::
يله عمي جاوبي على سؤال امير حتى البقيه يسالون::39:: ::39:: ::39:: ::39::

[جنة بغداد]

بسيطه عمو هارون قابل وين تروح اني وانت والزمن طويه هههههههه

ما اعرف كم مره مكتوله من ابويه همه اكيد هوايه بس والله صدكوني محاسبتهم ههههههه

[عمو هارون]

بسيطه عمو هارون قابل وين تروح اني وانت والزمن طويه هههههههه


طويه::237:: ::237:: ::237:: هاي مو طويه اخت حمديه::55:: ::55::
بس صدك قويه::26:: ::26:: ::26::

[عمو هارون]

يله جنة سؤالي هو .........من هو العضو الي لما ادخلين للمنتدى واتشوفين كاتب موضوع جديد تذهبين الى موضوعه مباشرة وتتركين بقيه المواضيع؟؟؟؟؟؟؟؟
ما اريد اتكوليلي كل الاعضاء::1:: ::1:: ::1:: لازم تختارين واحد::55:: ::55::

[White ♥ Heart]

جنة سؤالي يبقى نفسة اريد موقف محرج...
اوكي؟؟؟؟
شو متفتحين الايميل؟؟؟؟

[عمو هارون]

شو متفتحين الايميل؟؟؟؟
صار بيه اميل اذا على اميل جنة الي اني الوحيدة الي اعرف اميله بالمنتدى لان بنت جامعتي ايسي من عده راقية بالسنه حسنه اشوفه اون لاين::55:: ::55:: ::55::

[جنة بغداد]

بسيطه هارون اشو انت ماخذني حاصل فاصل ::1::
بالنسبه لسؤال عمو هارون ... يمكن الشعر مال اخويه الغالي ابن صلاح الدين من يكتب رئسا اروح اقراها و اجاوب عليها

[جنة بغداد]

اما بالنسبه لسؤال رقية الفلوجيه .... اني صايره ويايه هوايه مواقف محرجه بس اضبطها
مره كنا دنسافر لعمان اني والاهل وجنا واكفين على الحدود دننتضر الجوازات تطلع وانتوا تعرفون البهذله هناك المهم فاني متت من الجوع و رحت دا اجيب من الكافتريا الي على الحدود اي شي اكله المهم جنت لابسه بوكتها مناضر و دا امشي و حيل واثقه من نفسي اشو كل واحد يمر من يمي يضل يباوع عليه و يصفن بوجهي واني مدا اعرف شنو السالفه يعني معقوله اني هلكد جميله هلي الكل ديباوع عليه !!!
واني هم مشيت الموضوع عادي و رجعت للسياره اكلت وكملت اخر شي استلمنا الجوازات و رجعوا اهلي للسياره اشو ما اشوف غير اخويه الصغير يضحك عليه ومدا اعرف ليش تالي تتطلع الجامه مال المناضر الي لابستها وحده واكعه و الثانيه موجوده واني ممنتبها عليه وتخيلوا عاد انتوا شنو الفشله الي صرت بيها ...

[جنة بغداد]

خلصت الاسئله مالتي واختار اختي الغاليه رقية الفلوجيه
و سؤالي يا رقيه؟؟؟
انتي شنو اقوى موقف محرج صاير وياج ؟؟؟ ::2:: ::2:: ::2::

[White ♥ Heart]

::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36:: ::36::
::36:: ::36:: ::36:: ::36:: ::36:: ::36::
::36:: ::36::
::36::
والله اختي جنة ضحكتيني بشكل مو طبيعي بس كوليلي شلون تشوفين دنيا سودة من جهة ودنيا ملونة من الجهة الثانية ممصدكة انت ما حاسة بالنظارات ماتج....

[White ♥ Heart]

مرة جنت راجعة من بيت صديقتي بنفس المنطقة مالتنا
تدرون كعبي عالي عثرت ردت اوكع باوعت منا منا ماكو احد بس سيارة بعيدة كلت همزين محد شافني تدرون الولد من يشوفون هيج موقف ينصبون علية المهم ماكو احد بس السيارة البعيدة كملت مشيتي وصلت للبيت دكيت الباب بعد اهلي ما فتحوالباب سمعت واحد من بعيد يصيح:::
(((الله الله خوما تعورتي)))ويضحك باوعت عليه لاكيته ابو السيارة....
هذا الموقف على تفاهته اكثر المواقف احراج لان ما عندي مواقف محرجة بعدني بعمر الزهور::27:: ::27:: ::27:: ::27::
الله كريم عالكلية ومواقفها...

[جنة بغداد]

والله اختي راقيه ولا حاسه بيها ابد تعيشين بس شنو الجامات مالتها بيضه شفافه فلذلك ماحسيت عليها
هههههههههههههههه والله شلون موقف تعبان

[عمو هارون]

هههههههههه
شنو انتم والله مواقف جنه وراقيه
متت من الضحك

[عمو هارون]

ما عندي مواقف محرجة بعدني بعمر الزهور::27:: ::27:: ::27:: ::27::


عمر الزهور راقية
اشكد عمرج هذا سؤالي::14:: ::14:: ::14::

[ابن صلاح الدين]

السلام عليكم

شلونكم شلون الصحة

الموضوع حلووووووووو ( ابو الفضايح ) وبصراحة يستاهل تثبيت

[حــ،،،ــور الــ،،،ــعين]

رقو حبي اريدج تذكريلي اكثر امنيه بحياتك وما تحققت الج

[حاجز يا قطار الشوك]

امير وتالي يعني انت هسه عندك جفاف عاطفي يا مسكين يا خويه

الله ايعوضك ما دام كلب::14:: ك وسع لاثنين ان شالله يوسع للثالثه ويتفوق حضك وياها::55::

[محمد الطيب]

فعلا سوال محرج راح احجي الصراحة ما بية شي ان شاء الله مرة وحدة حبيت بس المشكلة البنية مو مسلمة واهلها طبعا ما يقبلون وبعد ما اظن احب مثل حبها واقول ذرني بحالي وخلني ارتاح يكفيني منك الم واجراح مو بدينة وحبنة وية الريح طار وراح

[ذكراك جرحي]

هلو شباب لو بنات مرسي جنه على الموضوع الحلو بس هسه ما فهمنا المن السره حتى نسئله

[جنة بغداد]

مشكور اسد على المرور وان شاء الله تكون انت ضيف الحلقة عن قريب
هسه المفروض راقية الفلوجية تجاوب على الاسئله وبعدين تختار واحد من الاعضاء حتى يدخل البرنامج ونساله

يالله راقية جاوبي وين صرتي اشو من اجه دورج طفرتي

[White ♥ Heart]

هلو شباب وبنات ...
اني عمري 16 سنة عمو هارون...
بعدين اكلج عالايميل....
اوكي؟؟؟؟
يلا السؤال الاخير حتى اختار عضو..

[White ♥ Heart]

اقصد حور بعدين اكلج عالايميل اوكي؟؟؟

[حــ،،،ــور الــ،،،ــعين]

اقصد حور بعدين اكلج عالايميل اوكي؟؟؟


اوووكي حبي رقووو
تحياتي لك
حور العين

[جنة بغداد]

هههههه راقية ميصير هذا زغل حور العين سألتج
رقو حبي اريدج تذكريلي اكثر امنيه بحياتك وما تحققت الج
ولازم تجاوبين انتي وبكل صراحه و بعدين تختارين العضو الي بعدج

[White ♥ Heart]

اني ما عندي امنية جبيرة حتى تحققت او متحققت مثلا الكلية اللي اريدها وهي الطب بعد ما راحت مني او اي امنية ثانية الحمد لله....
بس اني ببالي شي ثاني اريد اكولة لحور وانتي همات اكلج لتخافين بس مو بالمنتدى..
اوكي؟؟؟؟
تحياتي
اريد غير سؤال..

[*نـــور الـــروح*]

::57:: مساء الخير
عمو هارون اني جديده على المنتدى واتمنى ان تقبلون مشاركتي وياكم
واذا قبلتوني فعندي سؤال الك علمود يصير العدد 3 صح
احلى وحده من ذوله ال 10 او 11 الي حبيتهم جان شسمه
وشكرا للجميع
تقبل مروري نونة::57::

[*نـــور الـــروح*]

::57:: طبعا اني سألت عمو هارون عبالي السره اله لانه صايره هوسه يمكم
اوكي على العموم ممكن اسالج رايج بالحب لو بعدج اصغيره عليه حبي واذا امكن عمو هارون تكدر اجاوبني عن سؤالي::57:: ::12::

[جنة بغداد]

هههههههههههههههههه مشكورة على المشاركه الحلوه ومنوره المنتدى
يالله راقية جاوبي... اجاج خوش سؤال

عمو هارون انت هم اجاك سؤال صفح هههههههههه يالله جاوب

[شاشو]

صار بيه حب خلي افلت مابية حيل
اني معقد والمعقدين ميحبون ههههههه

[White ♥ Heart]

عمي حب بالعراق انسي..
ماكو حب بالعراق مثل الاوادم...


وهسة اختار حبي حور العين...
يلا شباب وبنات اسألو اني رح ابدي...
السؤال المعتاد موقف محرج خلي نضحك شوية مثل ما متت ضحك على اختي جنة وعمو هارون والساهر...

[حــ،،،ــور الــ،،،ــعين]

اويلي اني ما شاء الله حياتي كلها مواقف بس اكثر موقف احرجني
مرة جان عندي دوام بالكليه بس بذاك اليوم ابو الخط مالتي اسم الله عليكم ضربني بوري معدل وما اجه عليه
ليش مو اني اتخبلت وطبعا بذاك اليوم جان عندي امتحان المهم ما اريد اطول عليكم عاد اتصلت بصديقتي فكلت الها ترى اني راج اجي عليج على مود نطلع سوا لان ابو الخط اليوم ماكو
طبعا اني رحت عليها ووصلنا الحمد الله للكليه
والله اول ما دخلت للكليه اشوف الطلاب شباب وبنات الكل يباعون عليه عبالك شلون وحده ناسيه شئاو بيها شئ المهم وصلت للقسم والكل تباوع عليه اخر شئ جان بنيه تجي تكلي اكلج ترى تنورتج كلها وسخ والحظ اني بذاك الوكت لابسه تنورة بيضه
تعرفون شطلع ؟؟؟
طلع تنورتي كلها صاير بيها كاز ودهن من ورة السيارة الي صعدنا بيها وصايرة فلم هندي المهم بقيت بالقسم خاتله لحد ما الكليه فرغت يله طلعت اني اخر وحده ههههههههه

[ذكراك جرحي]

المهم بقيت بالقسم خاتله لحد ما الكليه فرغت يله طلعت اني اخر وحده ههههههههه[/quote]
ههههههههههه كله صوج السياره لان كاز لو بانزين كان ما صار الي صار
زين السؤال الثاني حور العين شنو هوايتج المفضله

[White ♥ Heart]

ههههههههههههههههههههههههههههه
ههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههه
هههههههههههههههههههههههههههه::36:: ::36:: ::36:: ::36:: ::36:: ::36:: ::36:: ::36:: ::36:: ::36::
::36:: ::36:: ::36:: ::36:: ::36:: ::36:: ::36::

::36:: ::36:: ::36:: ::36:: ::36:: ::36::

::36:: ::36:: ::36::

::36::
والله ضحكت من كل كلبي لذلك اني ما البس غير الجينز حتى ميبين بي شي من اصير بالكلية ما البس
غير الجينز وهذه نصيحة لكل البنات..

[حــ،،،ــور الــ،،،ــعين]

المهم بقيت بالقسم خاتله لحد ما الكليه فرغت يله طلعت اني اخر وحده ههههههههه
ههههههههههه كله صوج السياره لان كاز لو بانزين كان ما صار الي صار
زين السؤال الثاني حور العين شنو هوايتج المفضله[/quote]


ههههههههه مو بس صوج السيارة صوج ابو الخط وصوجي اني الي لابسه تنورة بيضه
وبالنسبه لسؤالك
هوايتي المفضله السفر كلش احب فقرة انو اسافر لفترة معينه لبلد وارجع
وهوايتي الثانيه اتمنى اسوق سيارة بس للاسف العراق مو مال بنيه تسوق سياة ::27:: ::27:: تحياتي لك

[حــ،،،ــور الــ،،،ــعين]

ههههههههههههههههههههههههههههه
ههههههههههههههههههههههههههههه
هههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههههه
هههههههههههههههههههههههههههههههه
هههههههههههههههههههههههههههه::36:: ::36:: ::36:: ::36:: ::36:: ::36:: ::36:: ::36:: ::36:: ::36::
::36:: ::36:: ::36:: ::36:: ::36:: ::36:: ::36::

::36:: ::36:: ::36:: ::36:: ::36:: ::36::

::36:: ::36:: ::36::

::36::
والله ضحكت من كل كلبي لذلك اني ما البس غير الجينز حتى ميبين بي شي من اصير بالكلية ما البس
غير الجينز وهذه نصيحة لكل البنات..


هههههههه اويلي عليج رقو تكيفين انتي على هيج مواقف
ولج حبي حتى الجينز ما يفيد من تصيرين بالكليه هسه تعرفين ليش ما يفيد

[جنة بغداد]

هههههههههههههه والله ضحكتيني
سؤالي الاخير منو اكثر عضو تحسين انه قريب منج ويفهم مواضيعج دائما بشكل صحيح

[حــ،،،ــور الــ،،،ــعين]

هههههههههههههه والله ضحكتيني
سؤالي الاخير منو اكثر عضو تحسين انه قريب منج ويفهم مواضيعج دائما بشكل صحيح

والله يا جوجو حبي اكثر عضو احسه يفهم مواضيعي ودائما اشوفه يتفاعل مع الموضوع
هو اخوي ناصر وانت هم

هسه اني خلصت وراح اختار اسد المستنصريه
وسؤالي الك راح يكون
شنو اكثر شئ تفتقدة بحياتك ؟

[ذكراك جرحي]

هههههههه اويلي عليج رقو تكيفين انتي على هيج مواقف
ولج حبي حتى الجينز ما يفيد من تصيرين بالكليه هسه تعرفين ليش ما يفيد

ان شاء الله تسافرين وتسوقين السياره بنفس البلد الي تسافرين بي لان صدك العراق مو مال بنت تسوق بي سياره وتتحقق امنيتج و هوايتج بنفس الوقت .

[جنة بغداد]

اسد يالله جاوب على سؤالك
واني اسألك كم مره بجيت بحياتك؟؟؟

[عمو هارون]

::57:: مساء الخير
عمو هارون اني جديده على المنتدى واتمنى ان تقبلون مشاركتي وياكم
واذا قبلتوني فعندي سؤال الك علمود يصير العدد 3 صح
احلى وحده من ذوله ال 10 او 11 الي حبيتهم جان شسمه
وشكرا للجميع
تقبل مروري نونة::57::
عمي نونه ولو اذا اجواب اخالف المسابقة بس طبعا من رخصت الاعضاء راج اجاوب واسمه ما اكدر اكوله عمي عيب اتحيhttp://forums.dijlh.net/images/icons/9.gifhttp://forums.dijlh.net/images/icons/9.gif بس هي اول وحده حبيته وما ناسيه لحد الان وحتى بتوقعي مخلي اول حرف من اسمه::51:: ::51:: ::51:: بس ها توقعي الشخصي مو الي بالمنتدى::26:: ::26:: بس وين هسه كلشي راح وهذا الكلام صار عليه اتراب مال 10 سنوات والله لو اكثر.


وطبعا اليوم اني كنت طالع من ال4 العصر للووحده باليل فاتتني اسال حور::1:: ::1::
بس يله غير بخيره::26:: ::26::

وعمي اسد سؤالي الك بسيط جدا انته باي كلية الجامعة المستنصرية::55:: ::55::

[حــ،،،ــور الــ،،،ــعين]

وطبعا اليوم اني كنت طالع من ال4 العصر للووحده باليل فاتتني اسال حور::1:: ::1::
بس يله غير بخيره::26:: ::26::

ههههههههههه هارون يله مثل ما كلت خيرها بغيرها

[عمو هارون]

ههههههههههه هارون يله مثل ما كلت خيرها بغيرها
ههههههه ان شاء الله حور العين واني منتظر الفرصة حتى اعلس الاسئلة الثلاثة::55:: ::55:: وكلهن اني اسالهن::26:: ::26:: ::26::

[§][©][§الامبــراطور §][©][§]

بارك الله بيكم على هذا الموضوع الجميل::237::

[ذكراك جرحي]

اسد يالله جاوب على سؤالك
واني اسألك كم مره بجيت بحياتك؟؟؟
والله يا جنه ما اذكر اني بكيت في يوم من الايام لان احس دمعتي غاليه عليه وما كو شي يسوه الواحد يبكي على موده . وحتى قبل فترى مات جدي وصدك انقهرت وحاولت بس اطلعها للدمعه ما طلعت مدري اني قلبي قاسي مدري صدك دمعتي غاليه .

[ذكراك جرحي]

وعمي اسد سؤالي الك بسيط جدا انته باي كلية الجامعة المستنصرية::55:: ::55:: [/quote]
اني قانون مستنصريه مرحله ثالثه يا عمو هارون

[*نـــور الـــروح*]

سلام عليكم::39::
شكرا عمو هاون على الرد والشكر لجميع الاعضاء
اسد انت مجاوبت على اول سؤال الك وراه اختار عضو نسأله
اوكي بسرعه يله جاوب::13::

[ذكراك جرحي]

هسه اني خلصت وراح اختار اسد المستنصريه
وسؤالي الك راح يكون
شنو اكثر شئ تفتقدة بحياتك ؟
[/quote]
اكثر شي افتقد بحياتي يا حور العين هوه دوامي بكليتي لان اجلت هاي السنه بسبب الضروف بس ان شاء الله يرجع العراق مثل ما كان واحسن ان شاء الله وارجع لدوامي .

[*نـــور الـــروح*]

::1:: ::1:: ::13:: هلو اسد
ادري انت خلصن اسالتك غير تختار واحد
هسه اني المن اسال الله عليك هاي صايره تالي وياك
مره تترك سؤال مره متتختتار شنو اظل اني وراك
يمهووووووووووووووووووووووووووووووووووووووووود
::1:: ::1:: ::1:: ::1:: ::1:: ::1:: ::1:: ::1::

[ذكراك جرحي]

بس اني ما ادري منو العضو الي بعدكم ما سئلتو اختارو انتو من عدكم واني اسئله .

[White ♥ Heart]

هلو اسد ممكن تختار عضو مختاريه من قبل
بس اختار نونة كوكو
اني حبيت انت تسألني السؤال الثالث بس يلا خيرها بغيرها
عالجايات

[عمو هارون]

بس اني ما ادري منو العضو الي بعدكم ما سئلتو اختارو انتو من عدكم واني اسئله .
يله شباب بما انه اخ اسد خيرنه نختار كوكو نونه هي العضو الي راح ينعلس بالاسئلة

[ذكراك جرحي]

هلو كوكو السؤال الاول شنو رائيج بالبيت الشعري الي يكول: نقل فؤادك حيث شئت من الهوى ... فمى الحب الا للحبيب الاولي . خلي نغير شباب من الاسئله المعتاده مو لو مومو ::13::

[*نـــور الـــروح*]

::51:: هلو كوكو السؤال الاول شنو رائيج بالبيت الشعري الي يكول: نقل فؤادك حيث شئت من الهوى ... فمى الحب الا للحبيب الاولي . خلي نغير شباب من الاسئله المعتاده مو لو مومو ::13::
::57:: مساء الخير
طبعا اني سؤالي شويه صعب مو لو مومو المهم راح اجاوب
اتحضروا للجواب
خلووووووووووووووووو بالكم يمي
اوكي اخوان لا اتروحون بعيد

هاي شنو وين رحتوووووووووووووو
والله الا اشلع كلبكم هههههههههه
مو احسن من ماكوووووووووووووو
لعد بس انتووووووووووووووووووووووووو
الدور الي العب لعب هههههههههههههه
بس هم اكيد ضجتو وووووووووووووووووووو
مو صح يله راح اجاوب ههههههههههههههه
هووووووووووووووووووو شنووووووووووووووووووو جان السؤال هااااااااااااااااااااااااااااااااااااااااااااااااا ااااااااا
اي عرفت داشاقه تره لحد يضوج اوكي.
بالنسبه الي عندي الحب الاول هو اهم حدث يكون في حياه البنت او الولد وحتى لو مجان اكو نصيب بينهم
فيبقه الحب للحبيب الاولي لانه اول من خطف نبضات القلب


مفارق وروحي يمك ويا جسد اليحيا بعدك القلب دقاته احرف
لو تجمعه اصير احبك.::51::
ارجوا اني ما طولت عليكم ولا ضوجت احد تقبلوا تحياتي نور::57::

[عمو هارون]

يله اليوم الاسئلة لنونه كوكو هم على الحب
سؤالي هو يالله
انتي الان تعيشين قصة حب؟؟؟؟؟؟؟؟؟؟

[امير الشوق]

الله يحفظكم يا اعزائي.صديقكم امير الشوق

انا همي جبل بس شلته وحدي
وانوح بلايه حس واون وحدي
اريد اتغرب من الناس وحدي
بهميمه ولا اثر يلگون بيه

[مس بايو]

::237:: طبعا عاشت ايدكم على هذا الموضوطع الحلو صدك فيكة بس مو خطية امير اشو وليتو ولية بس هوة شاطر جاوبهن كلهن ماشالله عليه
::237:: ::237:: ::237:: ::237::

[امير الساهر]

::237:: طبعا عاشت ايدكم على هذا الموضوطع الحلو صدك فيكة بس مو خطية امير اشو وليتو ولية بس هوة شاطر جاوبهن كلهن ماشالله عليه


::237:: ::237:: ::237:: ::237::



شفتو اني شلون خطية ههههههههه
صررررررررررررررريح مو بيدي
اعذروني على التاخير لان اني مكطوع عنجي الانترنت

[امير الساهر]

جنه بالتاكيد هو انتي الي راح اختارج::26:: ::26:: ::26::
يله عمي جاوبي على سؤال امير حتى البقيه يسالون::39:: ::39:: ::39:: ::39::

::39:: ::39:: ::39::
رحم الله والديك عمي هارون فرحتني
بردت افادي
::26:: ::26:: ::26:: ::26::

[*نـــور الـــروح*]

::21:: يله اليوم الاسئلة لنونه كوكو هم على الحب
سؤالي هو يالله
انتي الان تعيشين قصة حب؟؟؟؟؟؟؟؟؟؟

طبعا انتوا اتوليتوني شنوووووووووووووووووووو اسئلتكم الي كله على الحب

راح اجاوبك عموووووووووووووووووووووووووووو هارون

اني اكيد احب العراق واحب ماما واحب الشعب العراقي كله

تقبلوا تحياتي نونة::51::

[جنة بغداد]

امير هاي شنو انت من غبت وصيتني لا تحجون عليه واني وعدتك محد يحجي عليك و وفيت بوعدي شنو انت جاي هسه تحجي عليه ها؟؟؟؟ ::1::
تكول لهارون برد قلبك بسيطه اني الك ::55::


سؤالي الاخير لنونه شنو اكثر موقف محرج انحطيتي بيه ؟؟؟

[امير الساهر]

امير هاي شنو انت من غبت وصيتني لا تحجون عليه واني وعدتك محد يحجي عليك و وفيت بوعدي شنو انت جاي هسه تحجي عليه ها؟؟؟؟ ::1::
تكول لهارون برد قلبك بسيطه اني الك ::55::


سؤالي الاخير لنونه شنو اكثر موقف محرج انحطيتي بيه ؟؟؟

اني محاجي عليج هذا اول شي ::55::
ثاني شي يعني هرون اختارج اني شعلية ::237::
واني محجيت عليج وانتي مموجودة ::51::

[*نـــور الـــروح*]

مساء الخير::51:: سؤالي الاخير لنونه شنو اكثر موقف محرج انحطيتي بيه ؟؟؟

هلو جنه كيفك اني طبعا ما عندي او ما استدكر اي مو قف اسفه لو تحبين سألي غير سؤال او اختار غير عضو اوكي تقبلو تحياتي
نورررررررررررررررررررررررررررررررررر::13::





انت التظل بالروح مطبوع اسمك




اسمي الثلاثي انساه وما انساه اسمك





وطني الغالي العراق






هدوله احناه العراقين

[امير الساهر]

زين اني اسئل بدلا من جنة

شوكت اول مرة شعرتي بالاحراج من صدك

[*نـــور الـــروح*]

زين اني اسئل بدلا من جنة

شوكت اول مرة شعرتي بالاحراج من صدك الضاهر انتو مصرين على الموقف المحرج::1::

امير خيييييييييييييييو شنو هايييييييييييييييييييييييييييييييييييييييي ::237::

صدك ما عند ي اي موقف محرج او احتمال مو محرج لدرجه انووووووو يظل بالي ::27::

ها تدري يمكن صارلي فد نص ساعه افكر ولو بأي موقف على العموم اجه بالي واحد

عصرت فكري كله بله شكلك.............................................. ::27::

عموما جنه معزومين بيت عمتي اني اول وحده كمت فعمتي المسكينه راحت طلعتلي من الكنتور خاولي جديد علمود انشف ايدي بيه وره ما غسلت ...........
الخاولي جان لونه ازرق طوخخخخخخخخخخخخخخ فمسحت بيه ورحت داتفرج تلفزيون
اشو يباوعون عليه ماما سألتني كالت هاي شبيه وجهج
كتله شكوووووووووو ماما
كالت ديكومي باوعي على وجهج بالمرايه
من باوعت اشوف وجهي كله ازرق اتاري الخاولي داب لون على وجهي ::237::
والكل كام يضحك ...... وظلو فتره يصيحوني نور الزركه بس الحمد لله اول ما غسلته راح بسرعه
ورجع لوني الطبيعي هههههههههههههههههههههه ::39::

خوش قصه مو لو مومو.::27::

والله رجعتونه لعمر فات الله يجازيكم بالخير

تقبلوووووووووووووووووو تحياتي نونة::51::

[*نـــور الـــروح*]

على فكره رشحونه عضو علمود نسأله ولو اني اريد أسال عضو بس مو من منتدى دردشه هاي عراق
من منتدى الشعر

جدو الشايب بس ما ادري اشلون شوفووووووووو انتو وبكيفكم اي شخص انتو توافقون عليه

اوكي بااااااااااااااااااااااااااااااااااااااي::13: :

[امير الساهر]

http://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gif
http://smileys.smileycentral.com/cat/4/4_1_72.gif (http://www.smileycentral.com/?partner=ZSzeb001_ZS)http://smileys.smileycentral.com/cat/4/4_1_72.gif (http://www.smileycentral.com/?partner=ZSzeb001_ZS)http://smileys.smileycentral.com/cat/4/4_1_72.gif (http://www.smileycentral.com/?partner=ZSzeb001_ZS)http://smileys.smileycentral.com/cat/4/4_1_72.gif (http://www.smileycentral.com/?partner=ZSzeb001_ZS) http://smileys.smileycentral.com/cat/4/4_1_72.gif (http://www.smileycentral.com/?partner=ZSzeb001_ZS)


هاي شنو الة ازرك يعني صرتي مثل هذا http://smileys.smileycentral.com/cat/4/4_1_72.gif




http://www.asmilies.com/smiliespic/3dsmilies/36_1_38[1].gif


يعني انصيحلج نونة الزركة

http://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gifhttp://smileys.smileycentral.com/cat/36/36_11_6.gif

لزعلين ترة دا اتشاقة

[امير الساهر]

هسة لازم انتي تختارين واحد من منتدى هاي عراق يلة

[*نـــور الـــروح*]

مساء الخير للجميع
اموري عيوني ما ازعل منك ::1::
المهم انت ضحكت هاي اهم شي ::237::
والمره الجايه لو صار بالي غير موقف الا لااكولك عليه علمود تضحك
هههههههههههههههههههههه واني ابجي ههههههههههه ::38::

شنو رايكم ب مس بايووووووووووو

واول سؤال اني اسأله اله

احجيلنه عيني عن موقف صار بيك مو شرط محرج اي موقف صعب انت مريت بيه

تقبلو تحياتي نونة الزركه اووووووووووووووووو لالالالالالالالالالالالا
اقصد نونة كوكو ههههههههههههههههه حلوه::13::

[امير الساهر]

اني هم اريد اسئل جم مرة ماكلة كتلة غسل ولبس من ابوج
اريد الجواب بصراخة

[امير الساهر]

صدك اشو هية ماكو وينهة ليش مجاوب

[*نـــور الـــروح*]

هلوووووووووووووووو امير شنو هاي السؤال هم الي
ليش اني مو خلصن اسئلتي لو سويتوه الاسئله 4 بس من يمي
ههههههههههههههههههههههه

اموري حباب ديربالك عليه عفيه الله يخليك::51::

[عمو هارون]

::21::

طبعا انتوا اتوليتوني شنوووووووووووووووووووو اسئلتكم الي كله على الحب

راح اجاوبك عموووووووووووووووووووووووووووو هارون

اني اكيد احب العراق واحب ماما واحب الشعب العراقي كله

تقبلوا تحياتي نونة::51::
اي نونه ادري بيج اتحبين ماما وبابا والوطن الغالي::51:: ::51::
اني قصدي الحب العاطفي::14:: ::14:: ::14::

[*نـــور الـــروح*]

هلووووووووووووووووووووو
اني جاوبت عمو هارون لازم جنت من الاول تحدد السؤال
الاجابه عليه راحت خلاص ف خيره بغيره ان شاء الله
تعيش وتسال عمو هارن
لاة لاة لاة لاة لاة لاة ههههههههههههههههههههه باي::2::

[عمو هارون]

هلووووووووووووووووووووو
اني جاوبت عمو هارون لازم جنت من الاول تحدد السؤال
الاجابه عليه راحت خلاص ف خيره بغيره ان شاء الله
تعيش وتسال عمو هارن
لاة لاة لاة لاة لاة لاة ههههههههههههههههههههه باي::2::
لا اني الاجابة مراحت عليه لاني اني اقصد الحب العاطفي من الاول::55:: ::55::

[*نـــور الـــروح*]

::45::

عمو هارون من فدوه انت شتريد اكولك مو اني جاوبتك

اني من سالتك عن اسم احلى وحده انت حبيته هم ما جاوبتني مو صح

منطيتنه اسم بس كلت اول وحده جانت احلى وحده

هسه نتفق بما انه احنه الاثنين جاوبنه على اسالتنه

اني راح اجوبك بس انت هم لازم اجاوبني عن سؤالي مو لو مومو

اوكي عمو هارون انتضر منك الجواب واني وعد مني اجاوبك على سؤالك العاطفي

مثل سيد عاطفي الحلوووووووووووووووووووووووووووو

انتضرك عموووووووووووووووووووووووووووووووووو هرون

مو مأجاوب اوكي يله اني بالانتضار ::26:: ::41::

[ذكراك جرحي]

[

انت التظل بالروح مطبوع اسمك



اسمي الثلاثي انساه وما انساه اسمك
ويسألها هارون عندج علاقه عاطفيه عمي هارون هيه هم يرادلها سؤال مو مبينه








وطني الغالي العراق






هدوله احناه العراقين[/quote]

[*نـــور الـــروح*]

::1:: هلو اسد عيني شو انت جاوب بمكاني ليش خيووووووووووووووو


اني اجاوب من عمو هارون يجاوب هو اتفاق


بس مادري ليش خي هارون لحد الان مجاوب


ليش عيني مو اني انتضرررررررررررررررررررر


منك الجاوب ::27:: ::27:: ::27:: ::27::

[ذكراك جرحي]

::1:: هلو اسد عيني شو انت جاوب بمكاني ليش خيووووووووووووووو


اني اجاوب من عمو هارون يجاوب هو اتفاق


بس مادري ليش خي هارون لحد الان مجاوب


ليش عيني مو اني انتضرررررررررررررررررررر


منك الجاوب ::27:: ::27:: ::27:: ::27::
هلو نونه اي مو هيه مبينه ما يرادلها روحه للقاضي على شنو تنتضرين جوابه وبعدين انت جاوبين فا ختصرتها من يمي يعني حتى اذا تنسين اسمج الثلاثي ما تنسين اسمه هنياله عمي

[عمو هارون]

بس مادري ليش خي هارون لحد الان مجاوب




ماكو داعي اجاوب عن سؤالج اني::26:: ::26:: ::26:: لان اني عرفت اجابتج الي كنت رايده منج::55:: ::55::
وصدك اختاري عضو غير مس بايو لان مس بايو مو الاعضاء الي تردد دائما على هذا المنتدى

[ذكراك جرحي]

هلوووو شنو السالفه اشو ساكتين لا سؤال لا جواب لو بعد محد يخدل لهنا .

[جنة بغداد]

هسه خلي يكون الدور على فوفو حتى لا يتوقف البرنامج ....
فوفو سؤالي هو شكد عمرج؟؟؟ يا مواليد؟؟؟

[امير الساهر]

والسؤال الثاني

موقف صار وياج جان محرج جدا ::55::
ها ترة الجواب بصراحة::13::

[*نـــور الـــروح*]

هلوووو شنو السالفه اشو ساكتين لا سؤال لا جواب لو بعد محد يخدل لهنا .
هلوووووووووووووووو ::51:: شلونكم ان شاء الله زينين

اسد اني جنت ساكته لانه البارحه كله مجنت موجوده والبقيه ما ادري بيهم


وعمو هارون بالنسبه الي اني مجاوبت عن سؤالك هذا ستنتاج منك ويتحمل الخطاء والصواب
مو لو مومو ::51:: ::13::


هلو جنه اشو انتي ولا سؤال سألتيني ليش وين جنتي::27::




عموما انتو اختاريتو فوفو واني اريد اسأله هم سؤؤؤؤؤؤؤؤؤؤؤؤؤؤؤؤال::2::



ازعج موقف وضعج بيه شخص عزيز عليج ::1::

تقبلوا تحياتي نونة كوكو::26::

[فــــوفــــو]

هسه خلي يكون الدور على فوفو حتى لا يتوقف البرنامج ....
فوفو سؤالي هو شكد عمرج؟؟؟ يا مواليد؟؟؟

ولكم غير احراااااجhttp://forums.dijlh.net/images/icons/9.gifhttp://forums.dijlh.net/images/icons/9.gif
انتو غير فضيحه اني مواليد 89 ::52:: ::52:: ::52:: يعني لازم اجاوب الصراحه ما اكدر اكذب وهاروش يعرف لان اخاف يكشفني هههههههههههه::16:: والكذاب بيروح النار وامير الساهر بيكذب ليل ونهار ::52:: ::52:: ::237::

[فــــوفــــو]

والسؤال الثاني

موقف صار وياج جان محرج جدا ::55::
ها ترة الجواب بصراحة::13::

طبعا مواقف هوايه محرجه صايرة بيه..بس فد موقف من المواقف الي هوة جنت بالمدرسه صف خامس اعدادي فه بالدرس كاعدين نسولف اني وصديقتي والمدرسه كاعده تشرح واني ولا بالي بالدرس فه المدرسه صاحتني فه كالتلي كملي شرح كتله ها ست وضليت اضحك اريد اسكت بعد ما اكدر وترزل بيه المدرسه واني اضحك مدا اكدر اسكت وجان توكفني قصاص ::237:: يم السبورة ودارت وجهي عالحايط ::27:: هههههههههههههههههه غير احراج يعني شكبرني ووكفوني قصاص ::27:: ::27:: ومع هذا واني ظليت اضحك ما ادري ليش اني من تلزمني الضحك بعد متهدني هعهعهعههع::52::
هذا اتعس موقف محرج مريت بي وراها رحت اعتذرت للمدرسه هههههههه::14::

[عمو هارون]

اسكت وجان توكفني قصاص ::237:: يم السبورة ودارت وجهي عالحايط ::27:: هههههههههههههههههه غير احراج يعني شكبرني ووكفوني قصاص ::27:: ::27:: ومع هذا واني ظليت اضحك ما ادري ليش اني من تلزمني الضحك بعد متهدني هعهعهعههع::52::
هذا اتعس موقف محرج مريت بي وراها رحت اعتذرت للمدرسه هههههههه::14::


::39:: ::39:: ::39:: ::39:: هاي شنو فوفو::55:: ::55:: ::55::

[عمو هارون]

لازم اجاوب الصراحه ما اكدر اكذب وهاروش يعرف لان اخاف يكشفني

::26:: ::26:: ::26:: اكشفج اكيد اذا متكولين الحقيقة غير بالسفره الي تجي اشمرج بالبحر وهذا عقاب الدنيا والنار عقاب االاخرة اذا كذبتي::1:: ::1:: ::1::

[امير الساهر]

كاعده تشرح واني ولا بالي ::39:: ::13:: بالدرس فه المدرسه صاحتني فه كالتلي كملي شرح كتله ها ست وضليت اضحك ::52:: اريد اسكت بعد ما اكدر وترزل بيه المدرسه واني اضحك::237:: مدا اكدر اسكت وجان توكفني قصاص ::237:: يم السبورة ودارت وجهي عالحايط ::27::((يعني على سلة الزبل)) هههههههههههههههههه غير احراج يعني شكبرني::237:: ووكفوني قصاص::237:: ::27:: ::27:: ::237:: ::52:: ومع هذا واني ظليت اضحك ما ادري ليش اني من تلزمني الضحك بعد متهدني هعهعهعههع::52::
هذا اتعس موقف محرج مريت بي وراها رحت اعتذرت للمدرسه ::1:: هههههههه::14::



هذي الزيادة مني
ليش متنتبهين على المدرسة ::1:: ::39:: يا كسلانة ::52::

[امير الساهر]

انتو غير فضيحه اني مواليد 89 ::237::
والكذاب بيروح النار وامير الساهر بيكذب ليل ونهار ::1:: ::1:: ::1::


ليش اني فوفو قابل علمود اكذب العالم كلهة تشهد اني صريح ::26:: هذا كافي علية ما احتاج رايج ::237::

ام الهلاهل ((::237:: ))

[White ♥ Heart]

اييييييييييه امير صرييييييح ليش هيج ليش؟؟؟؟
صارلي يومين مداخلة لان النت مالتي ضعف والشبكة صارت زفت
هيج اموووووري تدعي علية بس بسييييييييييييييطة
رح اركعك بدعوة تخلي النت مالتك ولا طكة




وفوفو فضيها عاد بسرعة جاوبي اختاري عضو

[امير الساهر]

اييييييييييه امير صرييييييح ليش هيج ليش؟؟؟؟
صارلي يومين مداخلة لان النت مالتي ضعف والشبكة صارت زفت
هيج اموووووري تدعي علية بس بسييييييييييييييطة
رح اركعك بدعوة تخلي النت مالتك ولا طكة






ادري بيج اسويهة بس انتي مو كدي وثاني شي متكدرين النوافذ مال الهكر مقفلهة كلهة واني شي اني عضو بهكر بغداد
ههههههههههههه
يعني متكدريلي::52::

[White ♥ Heart]

على كيفك داشاقة يا هكر يا بطيخ

[امير الساهر]

هههههههههه ((جريت بوشهة ))::237::

[فــــوفــــو]

::26:: ::26:: ::26:: اكشفج اكيد اذا متكولين الحقيقة غير بالسفره الي تجي اشمرج بالبحر وهذا عقاب الدنيا والنار عقاب االاخرة اذا كذبتي::1:: ::1:: ::1::


::27:: ::27:: هارووووش اني مرح اجي للسفرة ::38:: ::38:: ابويه ما يقبل::38:: ::38::

[فــــوفــــو]

عموما انتو اختاريتو فوفو واني اريد اسأله هم سؤؤؤؤؤؤؤؤؤؤؤؤؤؤؤؤال::2::



ازعج موقف وضعج بيه شخص عزيز عليج ::1::

تقبلوا تحياتي نونة كوكو::26::

بقى هذا السؤال مجاوبت عليه
مع الاسف ماصاير بيه هيجي شي واذا صاير فه ما اتذكر::27::

[امير الساهر]

ديلة فوفو اختاري عضو وفضينة خلي نسئلة يلة ::1::

[فــــوفــــو]

وفوفو فضيها عاد بسرعة جاوبي اختاري عضو

اي ولج مو النت ضعيف جان::1:: ::1::
رح اختاااااااااار ابن صلاح الدين
واسأله شنو اصعب موقف محرج مريت بي

[فــــوفــــو]

ديلة فوفو اختاري عضو وفضينة خلي نسئلة يلة ::1::

شبيــــــــــــــــــــــك مستعجل رح تموووووووووت::237::

[امير الساهر]

ادري عفتي امة محمد الة ابن صلاح الدين كل اسبوع يجي مرة
بس هوة عندة ضروف خاصة معذور الولد

اختاري غيرة http://69.93.45.220/cp/DoookVoice/34/smiles/sm12.gif

[فــــوفــــو]

ادري عفتي امة محمد الة ابن صلاح الدين كل اسبوع يجي مرة
بس هوة عندة ضروف خاصة معذور الولد

اختاري غيرة http://69.93.45.220/cp/DoookVoice/34/smiles/sm12.gif

ولك منو غيرة لعد
ايييييي شاااااااااااشوووووو

واسأله نفس السؤال .. الي هوة شنو اصعب موقف محرج مريت بي::14::

[امير الساهر]

السؤال الثاني جم مرة حبيت بحياتك

[White ♥ Heart]

هههههههههه ((جريت بوشهة ))::101::
لا مجريت بوشي بس انت اخذتها صدك اصلا اني هاي الشغلات مو يمي

[شاشو]

اول سؤال اسئلة لراقية فلوجية ليش اختاري اسمج المستعار راقية فلوجية؟؟؟؟

[فــــوفــــو]

اول سؤال اسئلة لراقية فلوجية ليش اختاري اسمج المستعار راقية فلوجية؟؟؟؟

شاشووووو ض16 ض16 ض16
لازم انت تجاوب على الاسئله ال 3 الي سالناكياها وراها انت تختار عضو وتساله سؤال

[White ♥ Heart]

شاشو سؤالي انت شسمك الحقيقي

[White ♥ Heart]

هسة انت تجاوب على الاسئلة الثلاثة وبعدين اذا تريد اختارني

[المساوم]

مشكورين اخوان على هاي المناقشه الحلوه

بس تره انا كاعد حضي ويا النسوان كلش طاك طك
تقبل مروري
اخوكم غوي مشاكل (المساوم)

[شاشو]

اني اسمي ابراهيم ههه همزين محتاجيت اتصال بصديق الهوية جانت بجيبي هاع هاع

[*نـــور الـــروح*]

ساشو اشووووووووووووووووو جاوبت بس على سؤاhttp://www.0sss0.com/up/gallery_files/DMd59342.gifل واحد جاوب يله بعدلك 2

[مهندسة اعمار العراق]

والله كلش حلو هذا الموضوع اريد اشارك بيه بس منو الي راح اسالون هسه

[امير الساهر]

شاشو عود من اجاوب على سؤال وسؤال فوفو يلة تكدر تختار واحد تسئلة
اوكي

[بحر الود]

هلو اني جديده وما اعرف شي

[سناري]

هاي شنو صاير بغيابي


اسفه علي الانقطاع

[جنة بغداد]

هاي شنو يمعودين هسه المن وصل الدور اشو ماكو احد البرنامج مشتغل وماكو لا المذيع ولا الضيف؟؟؟
دور منو هسه ؟؟؟ عمو شاشو جاوب ترى يروح دورك

[*نـــور الـــروح*]

الدور الساشوووووووووووووو بعدله سؤالين وينه ليش ميجاوب
بس كالنه اسمه وراح
اخاف ميعرف بس اسمه
::55:: ::55:: ::55:: ::51:: ::51:: ::51:: ::51:: ::55:: ::55:: ::55::

[شاشو]

مو جاوبت او كلت اسمي ابراهيم

[شاشو]

هسة السؤال الثاني شنو؟؟؟؟؟؟ حتة اسأل باقي الاعضاء

[*نـــور الـــروح*]

::55:: ::55:: السؤال الثاني لك من امير العاشق كم مره حبيت والسؤال الثالث من فوفو شنو اصعب موقف مريت بيه يله جاوب اقره بمكانك اني بس بقه اجاوب هم ابمكانك هههههههه http://www.0sss0.com/up/gallery_files/DMd59342.gif

[نـــونـــة]

عبالي اشارك بس الصراحة كلشي مفتهمت
بس يمكن قصدكم انتو تختارون يعني مو الواحد بكيفة يجي يشارك
مشكورة اخت جنة على هذه اللعبة الرائعة