ماهو رأيك وتجاربك بالحب

[ملاك الليل]

هلو شباب وشابات الليزر وبصريات
شلونكم طبعا انتوا قريتوا اسم الموضوع واني احب اعرف رايكم وتجاربكم وبكل صراحه لان كل شخص اله تجارب ويمكن من خلال هاي التجارب نوصل الى معنى الحب ونكتشف شنو اخطائنا ونحاول نحل مشاكلنا لانه احنه مو بس قسم واح وانما احنه اخوه ويمكن اكثر صح احنه محد يعرف الاخر شخصيا بس عن طريق المنتدى بس لازم نساعد بعضنا ومنخلي احد محتار او عنده اي مشكله .
واتمنى يعجبك الموضوع وشكررررررررررررررررررررررا

[ملك الانتاج]

مشكور اخويه على الموضوع

والله ما ادري شأكلك

بس والله عمي الحب بهذله وشلعان قلب وابو ابو الواحد ينسمط

رغم الاشياء الحلوه بالحب بس اذيه والله ولازم تسمع هيثم على اليسا وشويه عبد الحليم مو هوايه ومو تروح زايد تره تنلاص بعدين

تقبل مروري ومشاركتي

[ملاك الليل]

شكرا على مشاركتك ورايك الحلو واني كلش معجبه بقسمك وتسلم يا ملك الانتاج

[SuPeRpLaYeR]

اولا اهلا وسهلا بيك بيناتنا يا ملاك الليل

الحب اني اكلك شنو

الحب هو ارقى واحلى مشاعر تتكون في الانسان الحب فد شعور يرتقي بينا الى ابعد حدود

يعني من اتحب شخص معين راح تحس بالدنيا غير تكوم تحب كل الناس

يعني يا وردة باختصار هنايله الي يحب وينحب

لانه احلى شي الحب يكون من طرفين اهنا راح يصير للحب طعم حلو وحتى لو تنجرح من الي تحبه تبقى

تحبه لانه تعرف انه هو يحبك

بس اويلي اذا كان من طرف واحد فهاي الي الله كتبه عليك

راح تشبع ضيم وقهر ودك اغاني بجي ومستبده وانا وليلي وبعد الليالي للصبح هذا الحجي يوميه

وبالنسبه للتجارب ما اعتقد اكو انسان بالدنيا ما حب

والي يكول ما حبيت كله انت كذاب لو شنو فرقك عن الحجر

وتحياااااااااااااااتي واعذرني لانه طولت عليكم::51:: ::51::

[ملاك الليل]

اخوي العزيز شكرا على مشاركتك هو صحيح الحب من طرف واحد بهذله بس اهون من انه تكون عندك علاقه حب وبعدين تنخدع بالشخص الي تحبه واحلى شي بالدنيا انه تحس اكو احد شاغلك وتفكر بي حتى لو هو ميدري والاحلى انه بعدين يصارحك بحبه الك وتكون نهايه حلوه للعلاقه وتسلم على مشاركتك

[SuPeRpLaYeR]

يا اخي العزيز
يا ورد
بس اذا هذا الي نحبه ما طلع حبنا
مو نشبع قهر اخوية
وصايره كدامي هذه الحاله الله يبعدك عن هيجي عذاب
بس هذه النهايه حلوة مال يجي بالاخير
احنا شنريد غير السعاده للجميع
تحيااااااااااتي