حبيبة الامس والم الحاضر ونهاية المستقبل

[Witness]

أني مريض بحبك , نعم أني مريض لأني لا أرى أو أسمع أوأحس إلا بك
على الرغم من المسافات التي بيننا .

كنت اظن أني أعيش في زمن المعجزات في زمن سيجعلك تنجذب إلي رغم المسافات الشاسعة.

حاولت أن أجذبك نحوي وأن أحول نظرة عينيك لي ولكنك كنت دائماً تحول حتى أذنيك عن
سماع صوتي وتغلق عينيك حتى لاتراني.

أشعرتني بأنك جامدة كا لصخرة . باردة كا لثلج . فوددت لو أهرب من نفسي التي احبتك.

فأنا معذب ومجروح والوحدة التي فرضتها أنتي علي جعلتني أعيش تحت سماء
مبلدة بالغيوم والرعد والصواعق.

والحيره التي عشت بداخلها بسببك جعلتني وكأني أطفو فوق سطح المحيط ولا من مجيب

فلم تكتف بالأيام التي كانت ضدي بل ساعدتها بزيادة جرعات القسوه والهجرة.

إن كلماتك الدامية وأسلوبك الجارح وتصرفاتك المؤلمة وإهمالك جعلوني أتمنى أن
أراك تتعذبين وتبكين عل ذلك يشفي ألم السنين وان تعيشين في قمة الحرمان الذي ذوقتني ياه.

والآن أظلمت الدنيا في عيني وتبخرت أفكاري وعرفت كم كنت ضعية وكم كنت أنت قاسية .

ولكني وأقولها بصوت مرتفع لن أسمح لنفسي بأن تضعف أكثر من ذلك فلا انت ولا غيرك يستطيع
أن يشعرني بالذل والإهانة .

نعم وللأسف لقد كنت كل شيء في حياتي والآن أصبحت لا شيء سوى مصدر عذابي وشقائي فأنا
أدمنت شقائي معك وهذا دليل عقابي لقلبي لأنه ارتكب خطأ باختياره لك.

لقد صبحت اليوم شبحاً بالنسبة لي ولم تعد إنساناً خيالاً وليس حقيقة .

هكذا صبحت ياحبيبة الامس وآلم الحاضر ونهاية هذا المستقبل الذي كنت أنت
من المتواجدين به.

[زكي]

ياهههه دة السكة طويلة بشكل .......

لا و الله كلش حلو النص ...........

حتى ذكرتني بفلم انت عمري لهاني سلامة و نلي كريم ......

أكو فد حوار بينهم يكول بي هاني ( انه الشخص المظلوم بالدنيا من قبل الاخرين يكدر عن طريق الحب يعيش حياته بسعادة لانه اجمل احساس بالكون على كولة اليسا ........ )

بس هية تكلة مرات الحب يخلي الشخص يعيش بتعاسة ابدية اذا كان الحب من جهة وحدة او اكو معوقات توكف بوجهة .......

[بغـــــداد لا تتألمـــــي]

هاي شنو وتنس انت واصل مرحلة ..( الله يشافيك )..
بابة خيرهة بغيرهة الميريدني ما اريدة.. صح الحب صعب والنسيان اصعب بس لازم تعود نفسك وتنسى ..
وتشغل روحك بكومة سوالف .. او تبدي بتجربة ثانية بس كون تدرسهة الاول .. حتى متنعاد الكرة..
ثانيا هي وين تلكة مثلك ( حلو ومهندس وملتزم ).. لو شتكول انت؟
عاشت ايدك على التعبير وترتيب الكلمات..

[lady in red]

يخبببببببببببببببببببل كلش حلو الحجي وتنس بس اريد اسأل وين جانت مواهبك هاي صارلنا 5 سنين مامكتشفيها اشو؟؟؟والله طلعتوا من جوة جوة ::2::
زكي ويلكم باك نورت المنتدى وين هل الغيبة؟؟؟انشاء الله خير

[نسمة عراقية]

نعم وللأسف لقد كنت كل شيء في حياتي والآن أصبحت لا شيء سوى مصدر عذابي وشقائي فأنا
أدمنت شقائي معك وهذا دليل عقابي لقلبي لأنه ارتكب خطأ باختياره لك.


حلو وتنس وعاشت ايدك على هل كلام .........
بس صدكني حتى ماكو داعي اتعاقب نفسك لانه ايجوز هذا الشخص ميستاهل وحتى لو يستاهل انت كول عليه ميستاهل , لانه الضاهر او اكيد هو ميستاهلك ...

عاشت ايدك وسلمت ...

[نسمة عراقية]

هلة بيك زكي ...........

صدك وين هل غيبة ... مشتاقين ...
ومن صدك مو شقة ترة .........

اختك نسمة ...

[Witness]

شسوي يله بدفتر الذكريات صارت

لك هلو حبي زكي وينك مشتاقلك موت والله

[Miss. Arch]

اي صدك ذكريات ....
الله كريم

[نسمة عراقية]

يمكن احسن ...

[شمس المعماري 23]

عاشت ايدك وتنس على الكلمات الرائعة
بس خليها بدفتر الذكريات احسن
و اللي ميريدنه منريده

[Witness]

والله يا شمس هي هاي النصيحة الي ماشي عليها
يله شنسوي الجاي احسن من الرايح
وشكرا على المرور تسلمون

[النجم الساهر]

قسما بجرحي لن تري دمعا يسيل سترين معنى الصبر في جسدي النحيل ......
عاشت ايدك ويتنس ........

[Witness]

تسلم حبي نجم

[Unity of iraq above all]

ولكني وأقولها بصوت مرتفع لن أسمح لنفسي بأن تضعف أكثر من ذلك فلا انت ولا غيرك يستطيع
أن يشعرني بالذل والإهانة .


اي والله اني هيج قرار اني مرة متخذته ::2::


نعم وللأسف لقد كنت كل شيء في حياتي والآن أصبحت لا شيء سوى مصدر عذابي وشقائي فأنا
أدمنت شقائي معك وهذا دليل عقابي لقلبي لأنه ارتكب خطأ باختياره لك.

الله احلة مقطع

جديات حلووووووو
حلو كلش
وموثر كلش
وعاشت ايدك
وتنس
::51::

[نسمة عراقية]

مو بلة يونتي ....؟؟

اني هم عجبني كلش آخر مقطع ...

[مستقيل]

شكرا يا witnees كلك ذوق مشكوووووووور

[Witness]

حبي مستقيل تسلم على المرور
وشكرا يايونتي ونسمة

[الناصر79]

ما اعرف شكلك وتنس .......يعني رائعه و حركتني من الداخل ....
وتنس هاي انت كاتبه .....اذا اي فانت انسان فنان و حساس ....
رائعه ....ومؤثره ...اه ه ه...
وهذا الجزء رائع....:
أشعرتني بأنك جامدة كا لصخرة . باردة كا لثلج . فوددت لو أهرب من نفسي التي احبتك.

فأنا معذب ومجروح والوحدة التي فرضتها أنتي علي جعلتني أعيش تحت سماء
مبلدة بالغيوم والرعد والصواعق.

والحيره التي عشت بداخلها بسببك جعلتني وكأني أطفو فوق سطح المحيط ولا من مجيب

وتنس نورتنه ...

[حارس الارض]

هذا شنو هالصبغ عيني ناصر صدك جذب يمعود ادري ..... الشعر حلو بس شبيك ؟

[مستقيل]

شنو هل الكلام الحلو يا witness روعة روعة روعة بال اكثر من روعة

[Witness]

مشكورين كلكم ذوق والله
اي حبي ناصر اني كاتبه
واشكركم على المرور

[نونة القلب]

يسلمووووووووووووووووووووو وتنس حقيقه كلام معبر جدا

[نونة القلب]

نسومه حبيبتي صح هوة لازم ينسى بس يكلج (القلب ومايهوى )لعلمك ساعات تلكين السعاده في قمة مامتعذبه انتي
وبغداد كلامك صح بس لاحياة لمن تنادي واهنيك وتنس كلامك حلو جدا

[الناصر79]

هاااا ....ليش هيج حارس الارض ...
ماشي ....يابه وتنس جاوبه ايكول دا اصبغ

[نسمة عراقية]

نسومه حبيبتي صح هوة لازم ينسى بس يكلج (القلب ومايهوى )لعلمك ساعات تلكين السعاده في قمة مامتعذبه انتي ....

يمكن صح اختي نونة القلب وما اكدر اناقش بهل شي او اكول لا ماكو هيجي شي لانه كل شخص يلكة سعادتة بطريقة الخاصة ...

سلام ...