محمد العتابي
02-14-2007, 02:12 AM
آسف الخط إﻧﮕطع
ألو ..
ألو ..
ألو ..
وطني .. حبيبي .. عمري ..
أرجوك ماأسمعك
بلكي تعلي الصوت
أسمع رصاص وﺒﭼﻲ
وعبر الأسلاك الدمع
يوصل وريحة موت
أسمع صياح ولغط
ومناده يا هَل الربع
خل نرفع التابوت
أسمع عياط ولطم
وأم تنعه يا هلَ الولد
يلغربت بسكوت
ﻴﻟﭼﻧﺖ وكت المسه
بيدك ﺘﮕﻮد اﻟﮕمر
وتصيرله زاتوت
وﻴﻟﭼﻧﺖ شمعة عرس
من تنطفي الكهربة
خدك يضوي بيوت
وﭼﺎن الدرب يستحي
ويلوذ من خطوتك
لو ردت مره تفوت
مـاخـاف لـيل اﻟﻴﭼﻲ
مادام في معصمي
يوليدي تضوي بتوت .
ألو ..
ألو ..
ألو ..
مــاأســمعـك يـاوطـن
بالخط إجت وشوشه
وإرتفع صوت القصف
وصوت أَبو ﻴﮕِﻞ للولد
شـد روحـك بعـتبتك
يـولـيدي لا تنخـطـف
البارحه أعلِنَوا:
مجموعه ذبحت شمس
والصبح شفنه الصور
نشرتها كل الصحف
وأنباء أخرى إﭼﺖ
عن إغتيال النهر
من سَيَّرْ إعله الجرف
والثالثه عن حقل
حرﮔﻮا ثيابه ومشِوا
والحال ما تنوصف
ومن ﮔﺒﻞ أول أمس
طَوقوا بيت اللغه
وباﮔﻮا بقايا الحرف
شدينه إيد الشرف
والطيب والمرجله
وأطلقنه إيد العنف
ألو ..
ألو ..
ألو ..
يمكن الخط إﻧﮕطع
مَيْؤَوسْ من هل الوضع
ماينصلِح هل الظرف .
ألو ..
ألو ..
ألو ..
آسف ولا ينسمع
والصوت مو الأولي
الصوت أحس مرتبك
ذبـلان ورد اﻟﺤﭼﻲ
بشفافك ومنكتل
من حقي لو ﮔﻣﺖ أشك
آني عـرفـتك ﮔﺒﻞ
من تحجي ينزل رطب
والدنيا تمطر ضحك
وبكلشي أشوفك تهل
حتى الصبح من ﻴﭼﻲ
ويه الشمس تشترك
وماﭼﺎن واحـد ﮔﺒﻞ
ياخذ رﮔﺒﺘﻙ غفل
لو صار وكت العرك
وما بالَغِت لو ﮔﻟﺖ
ﭼﻧﺖ أويه موت النِزَلْ
لو زامطك تشتبك
والآن ياوطني:
دﻧﮕﺖ لأصغر قزم
واﻟﭼﺎن يحلم ﮔﺒﻞ
يوصل الحَد الورك
معقوله ياوطني
إتخلي اﻟﮕﻤﺮ ينذبح
وسِتْر الشمس ينهتك؟ .
ألو ..
ألو ..
ألو ..
وطني .. حبيبي .. عمري
ﭼَﻦ بلهاتك جَرِحْ
من ﺘﺤﭼﻲ أحِسْ ﻤﺧﺘﻨﮓ
شــايل ﺑﭼﻓﻙ نــهـر
مـيت ونخله إنكـتل
مـــــــابـين إديـهـا اﻠﻌﺛﮓ
شايـل ﺑﭼﻓﻙ وطــن
مذبوح من كل كتر
وبثوبـه ريحة حــرﮒ
مـن ﭼﻨﺕ أبـوسك ﮔﺑﻝ
خـدك يوَرِد هـوى
ومـثل اﻠﮔﻣﺮ ﺗﻌﺗﻠــــﮓ
والآن ياموطني
دم بلبِل براحِتك :
يابس وريحة كتل
توصلني كلما تمر
نسمه إعله جثة
اﻠﻌﺷﮓ
هم شفت ﮔﺑﻠﻙ وطن
كتاله شعبه وزرَع
بثيابه مِيَتْ ﻓﺗﮓ ؟
إﺤْﭼﻲ أريدْ أسْمَعَك
مايسوه باقي العمر
لوما ﺗﮔﻮل الصدﮒ
يلنعشَك إعله اﻠﭼﺗﻒ
شلته بعد ماشفت
ﮔﻄﻌﻮك من العِرِﮒ
ألو..
ألو ..
ألو ..
وطني .. حبيبي .. عمري
الليله كاس الحزن
أرد أشربه بصحتك
مرت سنه من قهر
وسنين راحت ﺗﭼﻲ
وأنت على حـالتــك
دورت بين الصور
ﮔﻠﺖ أﻠﮔﻪ بلكت ولو
شي باقي من ضحكتك
وفجأة:
إتفَجِرَتْ قنبله
مزروعه وسط الصور
والدم ترَسْ راحِتك
ودخان عالي إرتفع
ماﮔﻤﺖ أمَيّـز بعد
رجليك من هامِتك
كتلوك ياوطني
أهل الوجوه الصفر
واللي ﮔﺮط ملحِتك
ﮔﺎبلني شيل النعش
أرد آني أدفنك وأرد
أحجيلهــــــم قصِتك
لكن غريب الأمر:
إشلون أدفن ضوه
وياﮔﺎع ﺗﮔﺪر تلم
ياموطني جثتك؟.
مع تحياتي الكم
اخوكم
محمد العتابي
ألو ..
ألو ..
ألو ..
وطني .. حبيبي .. عمري ..
أرجوك ماأسمعك
بلكي تعلي الصوت
أسمع رصاص وﺒﭼﻲ
وعبر الأسلاك الدمع
يوصل وريحة موت
أسمع صياح ولغط
ومناده يا هَل الربع
خل نرفع التابوت
أسمع عياط ولطم
وأم تنعه يا هلَ الولد
يلغربت بسكوت
ﻴﻟﭼﻧﺖ وكت المسه
بيدك ﺘﮕﻮد اﻟﮕمر
وتصيرله زاتوت
وﻴﻟﭼﻧﺖ شمعة عرس
من تنطفي الكهربة
خدك يضوي بيوت
وﭼﺎن الدرب يستحي
ويلوذ من خطوتك
لو ردت مره تفوت
مـاخـاف لـيل اﻟﻴﭼﻲ
مادام في معصمي
يوليدي تضوي بتوت .
ألو ..
ألو ..
ألو ..
مــاأســمعـك يـاوطـن
بالخط إجت وشوشه
وإرتفع صوت القصف
وصوت أَبو ﻴﮕِﻞ للولد
شـد روحـك بعـتبتك
يـولـيدي لا تنخـطـف
البارحه أعلِنَوا:
مجموعه ذبحت شمس
والصبح شفنه الصور
نشرتها كل الصحف
وأنباء أخرى إﭼﺖ
عن إغتيال النهر
من سَيَّرْ إعله الجرف
والثالثه عن حقل
حرﮔﻮا ثيابه ومشِوا
والحال ما تنوصف
ومن ﮔﺒﻞ أول أمس
طَوقوا بيت اللغه
وباﮔﻮا بقايا الحرف
شدينه إيد الشرف
والطيب والمرجله
وأطلقنه إيد العنف
ألو ..
ألو ..
ألو ..
يمكن الخط إﻧﮕطع
مَيْؤَوسْ من هل الوضع
ماينصلِح هل الظرف .
ألو ..
ألو ..
ألو ..
آسف ولا ينسمع
والصوت مو الأولي
الصوت أحس مرتبك
ذبـلان ورد اﻟﺤﭼﻲ
بشفافك ومنكتل
من حقي لو ﮔﻣﺖ أشك
آني عـرفـتك ﮔﺒﻞ
من تحجي ينزل رطب
والدنيا تمطر ضحك
وبكلشي أشوفك تهل
حتى الصبح من ﻴﭼﻲ
ويه الشمس تشترك
وماﭼﺎن واحـد ﮔﺒﻞ
ياخذ رﮔﺒﺘﻙ غفل
لو صار وكت العرك
وما بالَغِت لو ﮔﻟﺖ
ﭼﻧﺖ أويه موت النِزَلْ
لو زامطك تشتبك
والآن ياوطني:
دﻧﮕﺖ لأصغر قزم
واﻟﭼﺎن يحلم ﮔﺒﻞ
يوصل الحَد الورك
معقوله ياوطني
إتخلي اﻟﮕﻤﺮ ينذبح
وسِتْر الشمس ينهتك؟ .
ألو ..
ألو ..
ألو ..
وطني .. حبيبي .. عمري
ﭼَﻦ بلهاتك جَرِحْ
من ﺘﺤﭼﻲ أحِسْ ﻤﺧﺘﻨﮓ
شــايل ﺑﭼﻓﻙ نــهـر
مـيت ونخله إنكـتل
مـــــــابـين إديـهـا اﻠﻌﺛﮓ
شايـل ﺑﭼﻓﻙ وطــن
مذبوح من كل كتر
وبثوبـه ريحة حــرﮒ
مـن ﭼﻨﺕ أبـوسك ﮔﺑﻝ
خـدك يوَرِد هـوى
ومـثل اﻠﮔﻣﺮ ﺗﻌﺗﻠــــﮓ
والآن ياموطني
دم بلبِل براحِتك :
يابس وريحة كتل
توصلني كلما تمر
نسمه إعله جثة
اﻠﻌﺷﮓ
هم شفت ﮔﺑﻠﻙ وطن
كتاله شعبه وزرَع
بثيابه مِيَتْ ﻓﺗﮓ ؟
إﺤْﭼﻲ أريدْ أسْمَعَك
مايسوه باقي العمر
لوما ﺗﮔﻮل الصدﮒ
يلنعشَك إعله اﻠﭼﺗﻒ
شلته بعد ماشفت
ﮔﻄﻌﻮك من العِرِﮒ
ألو..
ألو ..
ألو ..
وطني .. حبيبي .. عمري
الليله كاس الحزن
أرد أشربه بصحتك
مرت سنه من قهر
وسنين راحت ﺗﭼﻲ
وأنت على حـالتــك
دورت بين الصور
ﮔﻠﺖ أﻠﮔﻪ بلكت ولو
شي باقي من ضحكتك
وفجأة:
إتفَجِرَتْ قنبله
مزروعه وسط الصور
والدم ترَسْ راحِتك
ودخان عالي إرتفع
ماﮔﻤﺖ أمَيّـز بعد
رجليك من هامِتك
كتلوك ياوطني
أهل الوجوه الصفر
واللي ﮔﺮط ملحِتك
ﮔﺎبلني شيل النعش
أرد آني أدفنك وأرد
أحجيلهــــــم قصِتك
لكن غريب الأمر:
إشلون أدفن ضوه
وياﮔﺎع ﺗﮔﺪر تلم
ياموطني جثتك؟.
مع تحياتي الكم
اخوكم
محمد العتابي