المساعد الشخصي الرقمي

مشاهدة النسخة كاملة : موسوعة معلومات و اسعار ps3 ... /حصري دجلة نت/


DELTA logo

تتبع العربات والاشخاص عبر نظام GPS

خصم 20% احمي سيارتك وتابع لحظة بلحظة

www.dijlh.com


الصفحات : [1] 2 3 4 5 6 7 8 9 10 11 12 13 14

سلام البطل
02-01-2011, 08:47 PM
السلام عليكم ::51::::51::::51::::51::::51::قد يكون الموضوع فيه بعض التكرار لكن طلب مني احد الاصدقاء معلومات تفصيلية عن ps3 ::31::وارجو منكم طول البال معي لاني لا اعلاف اي شي عن ال ps3 ::29::فارجو الاجابة عن التساؤلات التالية ::28:: 1- من هو الافضل في ال ps3 السليم ام الفات2- ماهو اكبر حجم هارد وعلى كم لعبة يحتوي في ps3 3- ماهو الكاميرا موف وهل هو للالعاب التفاعلية 4- ال ps3 يحتوي على بلوراي فهل يمكن تشغيل افلام الd3 فيه5-هل توجد نظارات تدعم الd3 6- ماهو الدنكل الخاص بال ps3 7- كيف يتم التمييز بين موديلاته واي موديل افضل8- اسعار كل مادة من المواد المذكورةطبعا اخوان راح تكولون هو امتحان ههههههههههههههههه ::45::اي نعم امتحان لان صدقو كلشي ما عرف عن البلي واريد اتعلم عنه الكثير بفضل عمالقة منتدانا العزيزولكي تعم الفائدة على بقية الاعضاءوكل التقدير والاعتزاز بالجابات مقدما



http://img705.imageshack.us/img705/9198/11b3qbt.gif
تحية طيبة اخواني الاعزاء اود اعلام الاخوان لأخر الاسعار الموجودة في باب الشرجي وحسب معاملت واود ان انوه ربما تلكون فرق زيادة اونقصان من 5 الى 10 دولار... نبدأ
PS3 80Ghttp://imagehost.vendio.com/a/35107450/aview/80_GB_FAT_002.jpgبلي ستيشن 3 80 غيغا ريفيربش اب 290 دولارPS3 SLIM 120 Ghttp://ecx.images-amazon.com/images/I/41kgA1GTDcL._AA300_.jpgبلي ستيشن 3 سليم 120 غيغا ريفيربش اب 385 دولارPS3 SLIM 160 Ghttp://sclick.net/cool gadgets/funny-top-newest-high-tech-electronic-gadget/03/cool-latest-new-best-gadgets-Sony-PS3-160GB-system-front-view-493x493.jpgبلي 3 160 غيغا ب450 دولار PS3 SLIM 320 Ghttp://cdn.slashgear.com/wp-content/uploads/2010/10/Sony-PS3-320GB.jpgبلي ستيشن 3 سليم 320 غيغا اب 485 دولارDualShock 3 Wireless Controllerhttp://ecx.images-amazon.com/images/I/41qJtNz4HuL._AA300_.jpgجوستك بلي3 اصلي ب45 دولارPS3AC EX-01 Wireless Headsethttp://ecx.images-amazon.com/images/I/4154WDOo5WL._SL500_AA300_.jpgسماعة بلوتوث للبلي3 ب 45 دولارPlayStation Movehttp://ecx.images-amazon.com/images/I/51sAIVmCCaL._AA300_.jpgالموف للبلي3 يتكون العلبة من قطعة الموف والكاميرا بدون قرص ب 85 دولارواما مع القرص ب100 دولارXBOX 360 J 120GBhttp://www.blogcdn.com/www.engadget.com/media/2007/03/xbox-360-elite-header.jpg اكس بوكس 360 جي اسود هارد 120 غيغا ريفيربش بالة انكليزي اب 400دولارXBOX 360 SLIM 250 GB with Kinecthttp://ecx.images-amazon.com/images/I/41Gbxv16x0L._AA300_.jpgاكس بوكس 360 سليم هارد 250 غيغا مع كينيكت ب600 دولار الجهاز محور ويشغل العاب كوبي من محل القرش2XBOX 360 60 GB free fergeenhttp://ecx.images-amazon.com/images/I/414ZSWP603L._SL500_AA300_.jpgاكس بوكس 360.. 60 غيغا يشغل كافة الانظمة ب 600 دولارKinecthttp://ecx.images-amazon.com/images/I/31OsjQpA0mL._AA300_.jpgالكنيكت الخاص بالاكس بوكس 360 ب 160 دولارXbox 360 250GB HardDrive - Xbox Slim Onlyhttp://ecx.images-amazon.com/images/I/61CorVCnuPL._AA300_.jpg (http://www.amazon.com/gp/customer-media/product-gallery/B002I0JDC6/ref=cm_ciu_pdp_images_0?ie=UTF8&index=0)هارد خارجي للأكس بوكس 360 السليم فقط حجم الهارد 250 غيغا ب55 دولارWiihttp://ecx.images-amazon.com/images/I/41xM31QiwdL._SL500_AA300_.jpgجهاز الوي ب 230 دولار PSP 3000http://cdn.slashgear.com/wp-content/uploads/2008/10/sony_ratchet__clank_psp-3000_bundle-374x480.jpgpsp 3000 اب 185 دولارPSP GOhttp://www.afjv.com/press0906/090603_sony_psp_go.jpgpsp go اب 195 واكو اب 185 دولارPSP 2000http://img103.herosh.com/2010/02/16/96504299.jpgpsp 2000 اب 170 دولارPSP 1000http://allenhuang.net/wp-content/uploads/2011/01/sony-psp-3000-gaming1.jpgpsp 1000 اب 135 واكو اب 140 دولارPSP Component AV Cablehttp://ecx.images-amazon.com/images/I/412U%2Brsu09L._SL500_AA300_.jpgكيبل لربط البي اس بي بالشاشة البلازما ب 15000 الف دينار16GB Memory Stick for PSPhttp://images03.olx.com.pk/ui/11/60/16/1300693611_179445416_1-Pictures-of--8GB-and-16GB-SONY-PRO-DUO-MEMORY-CARD-FOR-SALE-at-very-GOOD-PRICE.jpgرام سوني للبي اس بي 16 غيغا ب 40000 الف دينار8GB Memory Stick for PSPhttp://ecx.images-amazon.com/images/I/31Iw8pK1DiL._SL500_AA300_.jpgرام سوني للبي اس بي 8 غيغا ب 30000 الف دينار

واخيرا وليس اخرا اتمنى ان تكون الاسعار لفائدة الجميع شكري واعتزازي لكل الموجودين تحياتي اخواني الاعزاء



السلام عليكم اخواني
هاي اخر الاسعار بواسطة الاخ nightd
بتاريخ 6/2/2012



السلام عليكم اخواني طبعا اني البارحه جنت اباب الشرجي ف سألت اكثر المحلات الموجوده على جهاز البلي ستيشن 3 السليم هارد 120 و 160 و 320

وهاي الاسعار

محل احمد سيكا ايبيع جهاز بلي 3 سليم هارد 160 بسعر 380 $
وابصف محل احمد سيكا على تقريبا اكثر المحلات ايبيعون جهاز البلي 3 سليم 160 بسعر من 380 الى 400 دولار

محل القرش ابيبع جهاز بلي 3 سليم هارد 160 بسعر 400 $ وايكول مال باله مو جديد
وجهاز بلي 3 سليم هارد 320 بسهر 420 - 430 $

محل القرش 2 ايبيع جهاز البلي ستيشن 3 سليم هارد 160 بسعر 390 $
وجهاز البلي 3 سليم هارد 320 بسعر 420 $

محل ليزايبيع جهاز بلي 3 سليم هارد 160 بسهر 410 $

محل الشمس ايبيع جهاز البلي 3 السليم هارد 160 بسعر 390 - 400 $
وجهاز البلي 3 سليم هارد 320 بسعر 420 $

طبعا اكثر المحلات ايبيعون البلي 3 السليم هارد 160 بسعر من 380 الى 410 $ حسب كل محل بعد
وسعر جهاز البلي 3 السليم هارد 320 كيكا تقريبا ثابت اكثرها اتبيع بسعر 420 دولار

محل الحوت عنده بس بلي 3 سليم حجم الهارد 120 كيكا وايبيعه بسعر 320 دولار

تقريبا فرق جهاز البلي 3 سليم هارد 160 عن جهاز بلي 3 سليم هارد 320 حوالي 30 دولار
وكل الالوان اسود

طبعا كل المحلات اتحدث الجهاز على التحديث 3.55 واكو محلات اينزلون 3 العاب هديه واكو اينزلون لعبه واكو لعبتين حسب الواهس هههههههههههههه

والجهاز يجي جوستك واحد واير ليس وواير كهرباء وفيشه AV
والكارتونه

والسعر يختلف اذا واحد ياخذ اكثر من جهاز

سعر الدنكل الازرق

لكيته يم محل القرش 2 ابيبعه كامل مع نصب البرامج بسعر 75 $
ويم مكتب سرمد للصيانه فوك بالطابق الثالث سعره 80 $ بس اعتقد جان امخلص
طبعا هو شبه مفقود من السوك
وسعر شاشه كوبي copy lcd حجم 32 ==== 280 $
وحجم 57 ==== 700 $

واخيرا تقبلوا تحياتي


وان شاء الله الموضوع ينال اعجابكم

ghasssan
02-01-2011, 09:05 PM
- من هو الافضل في ال ps3 السليم ام الفات
نفس الشي من ناحية التجسيم و اللعب
2- ماهو اكبر حجم هارد وعلى كم لعبة يحتوي في ps3
يوجد عدة احجام لكن انت اشتري هارد خارجي حتى اتنزل علية العاب و ربطة على البلي
3- ماهو الكاميرا موف وهل هو للالعاب التفاعلية
هوة للالعاب و للفديو جات و للصور
4- ال ps3 يحتوي على بلوراي فهل يمكن تشغيل افلام الd3 فيه
نعم لكن يجب وجود تلفزيون 3 دي
5-هل توجد نظارات تدعم الd3
نعم يوجد الرخصية و الغالية
6- ماهو الدنكل الخاص بال ps3
هوة سوفت وير لكسر الحماية لكن يوجد الان تحديث للبلي يكسر الحماية لتشغل الالعاب من الهارد الخارجي
7- كيف يتم التمييز بين موديلاته واي موديل افضل
بلي 3 شكلة موجود بالنت و تكدر تشوفة السلم و العادي ماكو غيرهم
8- اسعار كل مادة من المواد المذكورة
بلي 3 سعرة 220 دولار و كسر الحماية ب 30 دولار و هارد خارجي 500 كيكا ب 90 دولار مع االعاب و تكدر تنزلة العاب ب 5000 دينار
هاي المعلومات مال بلي 3

سلام البطل
02-01-2011, 10:35 PM
- من هو الافضل في ال ps3 السليم ام الفات
نفس الشي من ناحية التجسيم و اللعب
2- ماهو اكبر حجم هارد وعلى كم لعبة يحتوي في ps3
يوجد عدة احجام لكن انت اشتري هارد خارجي حتى اتنزل علية العاب و ربطة على البلي
3- ماهو الكاميرا موف وهل هو للالعاب التفاعلية
هوة للالعاب و للفديو جات و للصور
4- ال ps3 يحتوي على بلوراي فهل يمكن تشغيل افلام الd3 فيه
نعم لكن يجب وجود تلفزيون 3 دي
5-هل توجد نظارات تدعم الd3
نعم يوجد الرخصية و الغالية
6- ماهو الدنكل الخاص بال ps3
هوة سوفت وير لكسر الحماية لكن يوجد الان تحديث للبلي يكسر الحماية لتشغل الالعاب من الهارد الخارجي
7- كيف يتم التمييز بين موديلاته واي موديل افضل
بلي 3 شكلة موجود بالنت و تكدر تشوفة السلم و العادي ماكو غيرهم
8- اسعار كل مادة من المواد المذكورة
بلي 3 سعرة 220 دولار و كسر الحماية ب 30 دولار و هارد خارجي 500 كيكا ب 90 دولار مع االعاب و تكدر تنزلة العاب ب 5000 دينار
هاي المعلومات مال بلي 3


كفيت وفيت
تحياتي الك يا ورد
وكل التقدير والاعتزاز باجابتك
وننتظر المزيد

مع الاعتزاز

XX The Sniper XX
02-02-2011, 06:14 PM
1- من هو الافضل في ال ps3 السليم ام الفات

والله الافضل هو السليم لان المعالج مالتة اقوى بقليل


2- ماهو اكبر حجم هارد وعلى كم لعبة يحتوي في ps3

هناك نوعين خارجي او داخلي
الخارجي اقصى شي 1 تيرا بايت
الداخلي 500 جيجا ويمكن اكو 1 تيرا
وبالنسبة لاستيعاب الالعاب حسب حجم اللعبة يعني اكو لعبة حجمها 40 جيجا واكو جيجا وحدة

3- ماهو الكاميرا موف وهل هو للالعاب التفاعلية
طبعا الكامرة والموف للالعاب التفاعيلة والعاب هاردكور مثل socom 4 , killzone 3 ورزدنت ايفل وغيرها من الالعاب القوية


4- ال ps3 يحتوي على بلوراي فهل يمكن تشغيل افلام الd3 فيه

طبعا ويمكن تشغل حتى العاب 3d وافلام ولكن يوجد لديك شاشة 3d

-هل توجد نظارات تدعم الd3

طبعا يوجد


6- ماهو الدنكل الخاص بال ps3

الدنكل صار شي قديم التحوير الجديد بدون دنكل ولا شي هو مجرد تحديث سحبة من الانترنيت ونصبة على البلي 3
لا 30 دولار ولاشي

7- كيف يتم التمييز بين موديلاته واي موديل افضل

مبين من الشكل بس تذكر السليم اقوى

8- اسعار كل مادة من المواد المذكورة

الاسعار حسب حجم الهارد ونوع الموديل بس السليم اغلى من الفات

سلام البطل
02-02-2011, 07:10 PM
1- من هو الافضل في ال ps3 السليم ام الفات

والله الافضل هو السليم لان المعالج مالتة اقوى بقليل


2- ماهو اكبر حجم هارد وعلى كم لعبة يحتوي في ps3

هناك نوعين خارجي او داخلي
الخارجي اقصى شي 1 تيرا بايت
الداخلي 500 جيجا ويمكن اكو 1 تيرا
وبالنسبة لاستيعاب الالعاب حسب حجم اللعبة يعني اكو لعبة حجمها 40 جيجا واكو جيجا وحدة

3- ماهو الكاميرا موف وهل هو للالعاب التفاعلية
طبعا الكامرة والموف للالعاب التفاعيلة والعاب هاردكور مثل socom 4 , killzone 3 ورزدنت ايفل وغيرها من الالعاب القوية


4- ال ps3 يحتوي على بلوراي فهل يمكن تشغيل افلام الd3 فيه

طبعا ويمكن تشغل حتى العاب 3d وافلام ولكن يوجد لديك شاشة 3d

-هل توجد نظارات تدعم الd3

طبعا يوجد


6- ماهو الدنكل الخاص بال ps3

الدنكل صار شي قديم التحوير الجديد بدون دنكل ولا شي هو مجرد تحديث سحبة من الانترنيت ونصبة على البلي 3
لا 30 دولار ولاشي

7- كيف يتم التمييز بين موديلاته واي موديل افضل

مبين من الشكل بس تذكر السليم اقوى

8- اسعار كل مادة من المواد المذكورة

الاسعار حسب حجم الهارد ونوع الموديل بس السليم اغلى من الفات

مبدع كلمة قليلة بحقك
تسلم ياتاج راسي
كل الشكر والتقدير لحضرتك

الظبع
02-02-2011, 08:31 PM
السلام عليكم
شكرا على الموضوع ومن رخصة صاحب الموضوع ياريت من الاخوة معلومات اكثر
بس حبيت اعرف من الاخ غسان والاخ قناص اي اجد محل يبيع باسعار مناسبة يعني في باب الشرقي وهل يوجد مكان اخر؟ وباي محل يكون اسعاره مناسبة؟
وسؤال اخر بالنسبة اذا مثلا ردت احمل لعبة وحدة شلون الامر يتم؟
وشكرا

XX The Sniper XX
02-03-2011, 07:25 PM
وعليكم السلام
اخي روح لمجمع النجاح في باب الشرقي وهناك اكو هواية محلات وروح افترهن وشوف الاسعار
وهو افضل مكان لشراء البلي واعتقد محل القرش وقائد افضل المحلات

الظبع
02-03-2011, 07:56 PM
وعليكم السلام
اخي روح لمجمع النجاح في باب الشرقي وهناك اكو هواية محلات وروح افترهن وشوف الاسعار
وهو افضل مكان لشراء البلي واعتقد محل القرش وقائد افضل المحلات

اشكرك اخي على الرد والتوضيح
طيب يعني السعر الان بالضبط شكد ؟ هل عندك فكرة عن الاسعار الان لكل احجام الهارد؟ وهل اكو فرق بالاجهزة يعني شلون اعرف الاصلي لان اني ماعندي خبرة ومااريد اتورط
وشتنصحني باي حجم هارد اخذ؟؟
وبالنسبة لسؤالي الثاني مارديت حضرتك شلون انزل عليه العاب ؟ اقصد مثلا لعبة وحدة شلون احملهة على الهارد

وشكرا

سلام البطل
02-03-2011, 08:00 PM
اشكرك اخي على الرد والتوضيح
طيب يعني السعر الان بالضبط شكد ؟ هل عندك فكرة عن الاسعار الان لكل احجام الهارد؟ وهل اكو فرق بالاجهزة يعني شلون اعرف الاصلي لان اني ماعندي خبرة ومااريد اتورط
وشتنصحني باي حجم هارد اخذ؟؟
وبالنسبة لسؤالي الثاني مارديت حضرتك شلون انزل عليه العاب ؟ اقصد مثلا لعبة وحدة شلون احملهة على الهارد

وشكرا

مشكور حبي على المتابعة
هذا السؤال جان يدور بذهني وسبقتني
تحياتي

سلام البطل
02-03-2011, 08:03 PM
XX The Sniper XX (http://www.dijlh.net/showthread.php/member.php/169126-XX-The-Sniper-XX)
شكرا على تامتابعة حبي
ونامل منك المزيد من المعلومات وخصوصا الاسعار ومكاتب البيع
وماهي العلامات الفارقة في معرفة الجهاز اصلي ام تقليد
تحياتي

XX The Sniper XX
02-03-2011, 08:50 PM
اشكرك اخي على الرد والتوضيح
طيب يعني السعر الان بالضبط شكد ؟ هل عندك فكرة عن الاسعار الان لكل احجام الهارد؟ وهل اكو فرق بالاجهزة يعني شلون اعرف الاصلي لان اني ماعندي خبرة ومااريد اتورط
وشتنصحني باي حجم هارد اخذ؟؟
وبالنسبة لسؤالي الثاني مارديت حضرتك شلون انزل عليه العاب ؟ اقصد مثلا لعبة وحدة شلون احملهة على الهارد

وشكرا


والله اني بالنسبة الي جهازي القديم انضرب وضل معي اربع سنوات واشتريت فات 40 جيجا مستعمل بس نضيف
فنصيحتي الك اشتري جهاز الفات 40 جيجا لان كلش كافية واشتري هارد خارجي ونزل الالعاب على الهارد الخرجي اشتري 500 جيجا بسعر 70 دولار
وبالنسبة لاسعار البلي والله اعذرني ما اعرف بالضبط بس يمكن الجديد الفات 40 جيجا 220 دولار
واني كلت السلم اقوى بقليل ولكن سيعمل بدون اي مشاكل وعلى مسؤليتي وستوفر الكثير من السعر لان السلم اعتقد يوصل الى 340 دولار يعني فرق تقريبا 120 دولار ميسوى
لذا اخذ الفات اقل هارد يعني 40 ونزل الالعاب على هارد خارجي

XX The Sniper XX
02-03-2011, 08:52 PM
وبالنسبة للنوع اصلي لو لا
البلي ما نزل صيني ابد
نزل 3 انواع ياباني واوربي وامريكي
وكلها نفس الجودة
ولكن الافضل لنا الاوربي لاننا بالشرق الاوسط ونعتبر من اوربا وبسبب التحديثات وغيرها

دون زيزو
02-03-2011, 10:23 PM
شباب بس توضيح للمعلومات لان اني من مستخدمين البلي 3 و قبل ما اشتري ظليت اسبوع كامل استفسر واشوف الفروق بمواقع اجنبية وحتى عربية حتى اخاف شي مفهمتة صح

اول شي سالفت السلم البروسيسور اقوى هذا مو صحيح ابد .. السلم البروسيسور مالتة بتقنية 45 نانو و الفات 65 و الفرق بينهم انو السلم يسحب طاقة اقل علمود الحرارة يعني اذا تحط البلي بمكان حار بالصيف اخذ السلم لان الفات ميرهملة هيجي

شغلة لخ سالفت كامرة الموف .. هي مو كامرة الموف هي تجميعة كاملة اسمها بليستيشن موف وهي اول شي كامرة وحالها حال الاقدم والي هي بلي سيشن ااي وثاني شغلة جهاز مثل المقبض او تشبه ايد التنس اسمها موف او موف ستك هي الي تحرك بيها .. يعني اذا تريد وحدة بس من الثنين اخذ الموف ستك

سالفت البلي ما نزل صيني ابد ... اول شي حبي الصيني ما الة علاقة بالتقليد لان اصلا الشركات فتحت فروع هناك يعني ترة هو بلي اصلي
وحاليا بالعراق ماكو غير صيني و اصلا بالخليج كلة ومو بس البلي اغلب الاجهزة الالكترونية اكثر شي صيني كتلك لان الشركات فتحت فروع وصار سعر ارخص

و اخر شي ترة السلم اامن من الفات بشغلة الحرارة و الفات احلة بهواااية من السلم يعني اصلا ميتقارنون بالشكل

بالنسبة الي جهازي فات لان اروع شغلة من اشوفة قبالي وكتوب علية بليستيشن 3 d:

والتشكيلة الي انطاكياها علي مال الفات و الهارد الخارجي ال 500 كلش حلوة

ومو تروح تدفع 20 الف حتى يسوولك جل بريك .. اكو بالنت و بالعربي همين شرح شلون تسوي بدون دنكل

XX The Sniper XX
02-03-2011, 11:32 PM
شباب بس توضيح للمعلومات لان اني من مستخدمين البلي 3 و قبل ما اشتري ظليت اسبوع كامل استفسر واشوف الفروق بمواقع اجنبية وحتى عربية حتى اخاف شي مفهمتة صح

اول شي سالفت السلم البروسيسور اقوى هذا مو صحيح ابد .. السلم البروسيسور مالتة بتقنية 45 نانو و الفات 65 و الفرق بينهم انو السلم يسحب طاقة اقل علمود الحرارة يعني اذا تحط البلي بمكان حار بالصيف اخذ السلم لان الفات ميرهملة هيجي

شغلة لخ سالفت كامرة الموف .. هي مو كامرة الموف هي تجميعة كاملة اسمها بليستيشن موف وهي اول شي كامرة وحالها حال الاقدم والي هي بلي سيشن ااي وثاني شغلة جهاز مثل المقبض او تشبه ايد التنس اسمها موف او موف ستك هي الي تحرك بيها .. يعني اذا تريد وحدة بس من الثنين اخذ الموف ستك

سالفت البلي ما نزل صيني ابد ... اول شي حبي الصيني ما الة علاقة بالتقليد لان اصلا الشركات فتحت فروع هناك يعني ترة هو بلي اصلي
وحاليا بالعراق ماكو غير صيني و اصلا بالخليج كلة ومو بس البلي اغلب الاجهزة الالكترونية اكثر شي صيني كتلك لان الشركات فتحت فروع وصار سعر ارخص

و اخر شي ترة السلم اامن من الفات بشغلة الحرارة و الفات احلة بهواااية من السلم يعني اصلا ميتقارنون بالشكل

بالنسبة الي جهازي فات لان اروع شغلة من اشوفة قبالي وكتوب علية بليستيشن 3 d:

والتشكيلة الي انطاكياها علي مال الفات و الهارد الخارجي ال 500 كلش حلوة

ومو تروح تدفع 20 الف حتى يسوولك جل بريك .. اكو بالنت و بالعربي همين شرح شلون تسوي بدون دنكل



شكرا اخي دون على المعلومات
وبالنسبة للموف والكامرة اكو العاب تستخدم بس كامرة مثل جران ترايسمو 5 واي بيت وغيرها واكو الكامرة والموف
وبالنسبة للحرارة اني البلي مالتي اربع سنوات ومن الصبح لليل العب مثل المخبل وماكو لا تهوية ولا برودة ولا شي
عكس الاكس بوكس يحمة بساع
البلي يتحمل حرارة عالية لو اضل تلعب 10 ساعات متواصلة الفات او السلم ( عن تجربة شخصية )
يعني اكو سباق بالـ gt5 سباق سيارات يكول لازم تلعب 6 ساعات متواصلة وكملت تقريبا ب 10 ساعات لان كل شوية ادوس ستارت واخذ راحة

الظبع
02-04-2011, 12:30 AM
مشكور حبي على المتابعة
هذا السؤال جان يدور بذهني وسبقتني
تحياتي

تسلم واشكرك اخي سلام وان شاء الله الاخوة مايقصرون بالمعلومات حتى تكون عدنة فكرة كاملة
تحياتي

الظبع
02-04-2011, 12:39 AM
والله اني بالنسبة الي جهازي القديم انضرب وضل معي اربع سنوات واشتريت فات 40 جيجا مستعمل بس نضيف
فنصيحتي الك اشتري جهاز الفات 40 جيجا لان كلش كافية واشتري هارد خارجي ونزل الالعاب على الهارد الخرجي اشتري 500 جيجا بسعر 70 دولار
وبالنسبة لاسعار البلي والله اعذرني ما اعرف بالضبط بس يمكن الجديد الفات 40 جيجا 220 دولار
واني كلت السلم اقوى بقليل ولكن سيعمل بدون اي مشاكل وعلى مسؤليتي وستوفر الكثير من السعر لان السلم اعتقد يوصل الى 340 دولار يعني فرق تقريبا 120 دولار ميسوى
لذا اخذ الفات اقل هارد يعني 40 ونزل الالعاب على هارد خارجي


اشكرك اخي على الرد والتوضيح واتمنى ماتضايق من كثرة الاسئلة نمون عليكم
نرجع للاسئلة
- ماعرفت بالضبط بالنسبة لسؤالي اذا ردت انزل لعبة واحدة فقط شلون؟
- بالنسبة للسعر بين السلم والفات ليش هذا الفرق بينهم؟ هل السبب بمواد الصنع ام شنو السبب ؟ اذا عندك معلومات اوحتى الاخ الفاضل دون عنده معلومات لان فرق 120 دولار اكيد لسبب معين ليس فقط البروسسر



وبالنسبة للنوع اصلي لو لا
البلي ما نزل صيني ابد
نزل 3 انواع ياباني واوربي وامريكي
وكلها نفس الجودة
ولكن الافضل لنا الاوربي لاننا بالشرق الاوسط ونعتبر من اوربا وبسبب التحديثات وغيرها

بالنسبة للانواع الثلاث هل يوجد فرق ؟ يعني هل يوجد فرق في النظام ام كيف الامر ؟ يعني عند الشراء كيف اعرف الفرق اذا كان الفرق مهم؟

واكرر اعتذاري على كثرة الاسئلة واتمنى ماكو ازعاج
وشكرا لك

الظبع
02-04-2011, 12:44 AM
شباب بس توضيح للمعلومات لان اني من مستخدمين البلي 3 و قبل ما اشتري ظليت اسبوع كامل استفسر واشوف الفروق بمواقع اجنبية وحتى عربية حتى اخاف شي مفهمتة صح

اول شي سالفت السلم البروسيسور اقوى هذا مو صحيح ابد .. السلم البروسيسور مالتة بتقنية 45 نانو و الفات 65 و الفرق بينهم انو السلم يسحب طاقة اقل علمود الحرارة يعني اذا تحط البلي بمكان حار بالصيف اخذ السلم لان الفات ميرهملة هيجي

شغلة لخ سالفت كامرة الموف .. هي مو كامرة الموف هي تجميعة كاملة اسمها بليستيشن موف وهي اول شي كامرة وحالها حال الاقدم والي هي بلي سيشن ااي وثاني شغلة جهاز مثل المقبض او تشبه ايد التنس اسمها موف او موف ستك هي الي تحرك بيها .. يعني اذا تريد وحدة بس من الثنين اخذ الموف ستك

سالفت البلي ما نزل صيني ابد ... اول شي حبي الصيني ما الة علاقة بالتقليد لان اصلا الشركات فتحت فروع هناك يعني ترة هو بلي اصلي
وحاليا بالعراق ماكو غير صيني و اصلا بالخليج كلة ومو بس البلي اغلب الاجهزة الالكترونية اكثر شي صيني كتلك لان الشركات فتحت فروع وصار سعر ارخص

و اخر شي ترة السلم اامن من الفات بشغلة الحرارة و الفات احلة بهواااية من السلم يعني اصلا ميتقارنون بالشكل

بالنسبة الي جهازي فات لان اروع شغلة من اشوفة قبالي وكتوب علية بليستيشن 3 d:

والتشكيلة الي انطاكياها علي مال الفات و الهارد الخارجي ال 500 كلش حلوة

ومو تروح تدفع 20 الف حتى يسوولك جل بريك .. اكو بالنت و بالعربي همين شرح شلون تسوي بدون دنكل


تسلم اخي على التوضيح لكن حبيت اسالك تقول (لفات احلة بهواااية من السلم يعني اصلا ميتقارنون بالشكل) تقصد مسالة الشكل فقط؟
وايضا انتة تؤيد التشكيلة مال هارد 40 وهارد خارجي؟ طيب هي افضل من اي ناحية برايك؟

اخيرا مافتهمت كلامك عن (جل بريك) ياريت تتكرم وتوضح اكثر الله يخليك هذا شنو ينفع

واكرر شكري لك والى كل الاخوة الي يقدمون مساعدة والى الاخ صاحب الموضوع
::57::

mhmod
02-04-2011, 12:59 AM
السلام عليكم
اخي العزيز اني راح اوضح شي من خلال متابعتي للموضوع
الشيء الاول البلي حاليا ايشغل افلام بلوري فقط او العاب 3d يعني تلعب ثري دي بس افلام لا المفروض ينزل تحديث جديد يدعم الافلام
اكو نوعية مواصله الي هسه بيه خاصيه ثري دي ردي هاي اشغل الافلام حاليا هاي بالنسبة للثري دي اني دا احجي وياك على الثري دي لان اني صاحب تجربة او عندي شاشة اثري دي
الشغلة الثانية المعلومات الي كالوها قبلي صحيحه بس اوضحلك شيء انت تلعب اون لاين لو لا لان لو تلعب اون لاين ميفيد الهارد الخارجي او الالعاب على الهارد
الشغلة الاخيرة سؤالي الى المختصين اللعب في فيفا 11 هل يطلب كود ام مجاني
لان اني بلاكس بوكس انطاني اسبوع مجاني او طلب كود بلبلي مجربت لان ما عندي فيفا 11
وشكرا

XX The Sniper XX
02-04-2011, 01:04 AM
شباب عداي اطرحوا اسئلوا و ماكو اي مضايقة
وبالنسبة لتنزيل الالعاب اكو هواي العاب بالنت اسحبها او نزلها من اي محل بهارد خارجي
واعمل ملف بالهارد وسمي الملف gamez او games وخلي بيه الملف السحبتة من الانترنيت ويتراوح احجام الالعاب من 1 جيجا ال 45 جيجا بس اكثر الالعاب ما يتعدى 8 جيجا
وبالنسبة للفرق بالسعر لان السلم يجي بي اكو هارد 240 و 120 والشكل اصغر و الوزن اقل بتقريبا بـكيلوين
واذا تريد تفرق بين الاوربي والامريكي والياباني مكتوب على الكارتونة وعلى الجهاز وهي :-


pal = أوروبي

ntsc = أمريكي

ntsc/j= ياباني

وقلت سابقا ماكو اي فرق بينهم
بس اتوقع اختلاف في اللغات فقط وليس هناك اي اختلاف والبلي فري ريجون
يعني اذا البلي امريكي ايصير اشغل لعبة ياباني وهكذا
عكس الاكس بوكس 360 مو فري ريجون اذا الجهاز امريكي الالعاب الا امريكي

وصحيح كلام الدون زيزو الفات شكلو حلو وتحسه صدك وحش هههه

ومسالة الجيلبريك اكو بباب الشرقي فلاش اسمة جيلبريك يكسر حماية البلي علمود تنزل العاب على الهارد
وتقربا ب 30 دولار لا تشتريها ابد ابد ابد
لان اكو طريقة على الانترنيت تسويها ببلاش وتنزل العاب لا فلاش جيلبريك ولا شي مجرد تحديث و تخلي

XX The Sniper XX
02-04-2011, 01:14 AM
هلو اخي بالنسبة للفيفا من تشتري الفيفا 11 يجي داخل الغلاف كود او رقم سري
فقط اذا اللعبة اشتريتها جديدة مو مستعملة
هذا الرقم السري تخلي بالبلاي 3 وتصير اللعبة كاملة يعني ينفتح الانترنيت وهذه الطريقة استعملتها شركة ea في معظم العابها مثل فيفا و نيد فور سبيد هوت برسوت
وكل الالعاب القادمة من شركتها للحد من ظاهرة الالعاب المستعملة
واتوقع راح تستخدمها كل شركات الالعاب وعلى الاكس بوكس اتوقع الاصلي هم يجي وياه كود ( الرقم السري )

سلام البطل
02-04-2011, 11:26 AM
وبالنسبة للنوع اصلي لو لا
البلي ما نزل صيني ابد
نزل 3 انواع ياباني واوربي وامريكي
وكلها نفس الجودة
ولكن الافضل لنا الاوربي لاننا بالشرق الاوسط ونعتبر من اوربا وبسبب التحديثات وغيرها

حبي
جيد جدا
افتهمنا انه الاوربي الي يعمل بنظام pal
هو الاقرب النا والافضل باشراء

سلام البطل
02-04-2011, 12:12 PM
شباب بس توضيح للمعلومات لان اني من مستخدمين البلي 3 و قبل ما اشتري ظليت اسبوع كامل استفسر واشوف الفروق بمواقع اجنبية وحتى عربية حتى اخاف شي مفهمتة صح




حبيبي دون زيرو
جيدا جدا بمانه انت مسوي بحث مفصل وهو هذا الي نريدة
فراح تفيدنة بمعلومات مثل بقية الاخوان الي ماقصرو بالاجابات




اول شي سالفت السلم البروسيسور اقوى هذا مو صحيح ابد .. السلم البروسيسور مالتة بتقنية 45 نانو و الفات 65 و الفرق بينهم انو السلم يسحب طاقة اقل علمود الحرارة يعني اذا تحط البلي بمكان حار بالصيف اخذ السلم لان الفات ميرهملة هيجي



هذة ميزة تحسب للسلم لان تقنية ال 45 نانو قليله في درجات الحرارة واستهلاك الطاقة





شغلة لخ سالفت كامرة الموف .. هي مو كامرة الموف هي تجميعة كاملة اسمها بليستيشن موف وهي اول شي كامرة وحالها حال الاقدم والي هي بلي سيشن ااي وثاني شغلة جهاز مثل المقبض او تشبه ايد التنس اسمها موف او موف ستك هي الي تحرك بيها .. يعني اذا تريد وحدة بس من الثنين اخذ الموف ستك



دقيقة اريدك وياية تاج راسي
اني اصلا اقتنعت بالبلي 3 بسبب هذة التقنية التفاعلية
فهل حضرتك تقصد انه مو كل الالعاب تعمل بهذة التقنية
و ايضا مو شرط توفر الكاميرا والمقبض بنفس الوقت
حبي اريد توضيح دقيق عن هذة الميزة رجاء





سالفت البلي ما نزل صيني ابد ... اول شي حبي الصيني ما الة علاقة بالتقليد لان اصلا الشركات فتحت فروع هناك يعني ترة هو بلي اصلي
وحاليا بالعراق ماكو غير صيني و اصلا بالخليج كلة ومو بس البلي اغلب الاجهزة الالكترونية اكثر شي صيني كتلك لان الشركات فتحت فروع وصار سعر ارخص



نعم اقتنعنا بهذة الفكرة بدون اي نقاش
لكن السؤال هل توجد فيه موديلات تسمح بلعب اون لان ام توجد موديلات عليها بلوك
هنا مطلوب التوضيح





و اخر شي ترة السلم اامن من الفات بشغلة الحرارة و الفات احلة بهواااية من السلم يعني اصلا ميتقارنون بالشكل


بالنسبة الي جهازي فات لان اروع شغلة من اشوفة قبالي وكتوب علية بليستيشن 3 d:



اكيد حبي ماكو داعي ادفع 120$ على الشكل فقط
واذا استعمالي مو متوصل الحرارة ايضا مراح تاثر






والتشكيلة الي انطاكياها علي مال الفات و الهارد الخارجي ال 500 كلش حلوة


ومو تروح تدفع 20 الف حتى يسوولك جل بريك .. اكو بالنت و بالعربي همين شرح شلون تسوي بدون دنكل


هذا الجل بريك والي اعتقد هو يسموه الدونكل
وصلت الصورة ما نحتاجة بعد والحمد لله وفره شوية فلوس
هههههههههههههههههههههههههههههههه

واعذرني اذا طولته عليك

سلام البطل
02-04-2011, 12:14 PM
شباب بس توضيح للمعلومات لان اني من مستخدمين البلي 3 و قبل ما اشتري ظليت اسبوع كامل استفسر واشوف الفروق بمواقع اجنبية وحتى عربية حتى اخاف شي مفهمتة صح

اول شي سالفت السلم البروسيسور اقوى هذا مو صحيح ابد .. السلم البروسيسور مالتة بتقنية 45 نانو و الفات 65 و الفرق بينهم انو السلم يسحب طاقة اقل علمود الحرارة يعني اذا تحط البلي بمكان حار بالصيف اخذ السلم لان الفات ميرهملة هيجي

شغلة لخ سالفت كامرة الموف .. هي مو كامرة الموف هي تجميعة كاملة اسمها بليستيشن موف وهي اول شي كامرة وحالها حال الاقدم والي هي بلي سيشن ااي وثاني شغلة جهاز مثل المقبض او تشبه ايد التنس اسمها موف او موف ستك هي الي تحرك بيها .. يعني اذا تريد وحدة بس من الثنين اخذ الموف ستك

سالفت البلي ما نزل صيني ابد ... اول شي حبي الصيني ما الة علاقة بالتقليد لان اصلا الشركات فتحت فروع هناك يعني ترة هو بلي اصلي
وحاليا بالعراق ماكو غير صيني و اصلا بالخليج كلة ومو بس البلي اغلب الاجهزة الالكترونية اكثر شي صيني كتلك لان الشركات فتحت فروع وصار سعر ارخص

و اخر شي ترة السلم اامن من الفات بشغلة الحرارة و الفات احلة بهواااية من السلم يعني اصلا ميتقارنون بالشكل

بالنسبة الي جهازي فات لان اروع شغلة من اشوفة قبالي وكتوب علية بليستيشن 3 d:

والتشكيلة الي انطاكياها علي مال الفات و الهارد الخارجي ال 500 كلش حلوة

ومو تروح تدفع 20 الف حتى يسوولك جل بريك .. اكو بالنت و بالعربي همين شرح شلون تسوي بدون دنكل



شكرا اخي دون على المعلومات
وبالنسبة للموف والكامرة اكو العاب تستخدم بس كامرة مثل جران ترايسمو 5 واي بيت وغيرها واكو الكامرة والموف
وبالنسبة للحرارة اني البلي مالتي اربع سنوات ومن الصبح لليل العب مثل المخبل وماكو لا تهوية ولا برودة ولا شي
عكس الاكس بوكس يحمة بساع
البلي يتحمل حرارة عالية لو اضل تلعب 10 ساعات متواصلة الفات او السلم ( عن تجربة شخصية )
يعني اكو سباق بالـ gt5 سباق سيارات يكول لازم تلعب 6 ساعات متواصلة وكملت تقريبا ب 10 ساعات لان كل شوية ادوس ستارت واخذ راحة

حلوة هاي مال 10 ساعات جرة وحدة الله يساعدك
تحياتي

دون زيزو
02-04-2011, 10:12 PM
تسلم اخي على التوضيح لكن حبيت اسالك تقول (لفات احلة بهواااية من السلم يعني اصلا ميتقارنون بالشكل) تقصد مسالة الشكل فقط؟
وايضا انتة تؤيد التشكيلة مال هارد 40 وهارد خارجي؟ طيب هي افضل من اي ناحية برايك؟

اخيرا مافتهمت كلامك عن (جل بريك) ياريت تتكرم وتوضح اكثر الله يخليك هذا شنو ينفع

واكرر شكري لك والى كل الاخوة الي يقدمون مساعدة والى الاخ صاحب الموضوع
::57::

اي مسألت الشكل الخارجي وحتى المادة المستخدمة للغلاف على كولة علاوي الفات تحسة صدك وحش وشوف صورهم بالنت و طبعا بالواقع يبين الفرق كلش

من ناحية فرق السعر .. بس اذا مكان اكو مشكلة بزايدة 40 دولار اخذت 80 ولو ما اتوقع تحتاجة بس في حال لو حولت على الاصدار الرسمي علمود تلعب اون لاين و تنزل ديموات رح تفيدك لان تنتهي وضيفة الهارد بالنسبة للالعاب

هذا حتى تنزل الالعاب على الهارد (سواء الهارد مال بلي او تشتري هارد خارجي ) يمكن اللعبة ينزلوها ب3 الاف اللعبة او تنزلها انت من النت و تلعبها بدون ما تشتري لعبة اصلية غالية

بالبداية جان شي مثل اليو اس بي امسة دنكل هسه لا بس شي تنزلة للبلي بدون اي اضافة هو يهكرة
واكو شرح على الجل بريك شلون تسوي بالمواقع العربية بس لازم ينقرة بتركيز بس ترة كلش سهلة الشغلة مو مال تدفعلهم 20 الف حتى ينزلولكيا

بس اذا خط مال انترنيت سرعتة زينة و مفكر تلعب اون لاين و تكتفي بكم لعبة علمود السعر (الجديد من 50 الى 65 دولار و المستعملات من 20 او 15 الى 30 الف ) (طبعا تكدر بعدين تراوسها اباب الشرجي)
بهل حالة ماكو جل بريك لان التحديث الاخير الي تنزلة حتى تدخل اونلاين لحد الاان ما علية جل بريك وهو نزل قبل اسبوع بس احتمال يصيرلة


السلام عليكم
اخي العزيز اني راح اوضح شي من خلال متابعتي للموضوع
الشيء الاول البلي حاليا ايشغل افلام بلوري فقط او العاب 3d يعني تلعب ثري دي بس افلام لا المفروض ينزل تحديث جديد يدعم الافلام
اكو نوعية مواصله الي هسه بيه خاصيه ثري دي ردي هاي اشغل الافلام حاليا هاي بالنسبة للثري دي اني دا احجي وياك على الثري دي لان اني صاحب تجربة او عندي شاشة اثري دي
الشغلة الثانية المعلومات الي كالوها قبلي صحيحه بس اوضحلك شيء انت تلعب اون لاين لو لا لان لو تلعب اون لاين ميفيد الهارد الخارجي او الالعاب على الهارد
الشغلة الاخيرة سؤالي الى المختصين اللعب في فيفا 11 هل يطلب كود ام مجاني
لان اني بلاكس بوكس انطاني اسبوع مجاني او طلب كود بلبلي مجربت لان ما عندي فيفا 11
وشكرا

لا حبي يشغل ثري دي من التحديث 3.50 و هسه التحديث الي علية الجل بريك 3.55 يعني يشغل ثريدي افلام و العاب

صحيح لازم واحد يعرف شيريد اون لاين لو مجرد العاب

حبي اني ما اعرف بالاكس بوكس علمود شغلة انو مو مجاني بس بالبلي تسوي حسابات بكيفك لان مجانية فتكدر كل ما تخلص تسوي حساب اذا ما عندك الكود
او تكدر تشتري ب9 دولارات .. يعني يمكن اذا توصي غسان او اي احد عندة بطاقة ماستر كارد او فيزا و يعبيلك 10 دولارات بحسابك و تشتري بيها او تكون مشتري اللعبة جديد علمود الكود او تكون محضوض ولعبة قديمة بس ما مستخدمين الكود لان بس مرة وحدة


حبيبي دون زيرو
جيدا جدا بمانه انت مسوي بحث مفصل وهو هذا الي نريدة
فراح تفيدنة بمعلومات مثل بقية الاخوان الي ماقصرو بالاجابات

هذة ميزة تحسب للسلم لان تقنية ال 45 نانو قليله في درجات الحرارة واستهلاك الطاقة

دقيقة اريدك وياية تاج راسي
اني اصلا اقتنعت بالبلي 3 بسبب هذة التقنية التفاعلية
فهل حضرتك تقصد انه مو كل الالعاب تعمل بهذة التقنية
و ايضا مو شرط توفر الكاميرا والمقبض بنفس الوقت
حبي اريد توضيح دقيق عن هذة الميزة رجاء

نعم اقتنعنا بهذة الفكرة بدون اي نقاش
لكن السؤال هل توجد فيه موديلات تسمح بلعب اون لان ام توجد موديلات عليها بلوك
هنا مطلوب التوضيح


اكيد حبي ماكو داعي ادفع 120$ على الشكل فقط
واذا استعمالي مو متوصل الحرارة ايضا مراح تاثر

هذا الجل بريك والي اعتقد هو يسموه الدونكل
وصلت الصورة ما نحتاجة بعد والحمد لله وفره شوية فلوس
هههههههههههههههههههههههههههههههه

واعذرني اذا طولته عليك

وردة اول شي بالنسبة للموف اي مو كل الالعاب وحاليا دا يحاولون يوفروها باغلب الالعاب القادمة
يعني لحد هسه ممشكلة شي اساسي
اي مو الة و مثل مكال ذا سنايبر انو اكو العاب تستخدم بس الكامرا واكو بس الستيك
واكو بكيفك اذا عندك الثنين تكون تجربة كاملة و اذا وحدة تكدر تستعملها وعلى الاغلب الستك رح تحتاجها اكثر
فاذا مجانت اكو مشكلة بالسعر اكو تركيبة كاملة تلكيها يم مكتب قائد بيها الستيك و الكامرا و وياها بلوراي بي لعبات تستعمل بيها الموف

لحد هسه ماكو اي بلوك بالبليستيشن يعني ماكو خوف انو هذا مستعمل ويمكن علية بلوك بس الاهم تكون محدثة باخر تحديث وتدخل عادي اون لاين (يعني لازم تترك الجل بريك )

كلش ممتاز وهذا رأيي انو الفات افضل

و سالفت فرق السعر بين الفات و السليم هو بالدرجة الاساس انو الفات وقف انتاجة من سنة ونص و حاليا الي عدنة اغلبها اجهزة رفيربشد (يعني جان بيها فد خلل ورجعت لسوني و عدلوه وعادو بيعة ) لا تخافون من هل شغلة لان يعني رجع للمصنع و تكادو منة يدويا يلة رجعو باعو بهل حالة يكون أأمن بس لازم تجيكون الغلاف الخراجي احتمال يكون بي شخط لان سوني بي تبدل اشياء بداخلة و تبقي الغلاف نفسة
و الشغلة اللخ مثل مكال علاوي انو اكبر بالهارد واقل وزن

بس بقت شغلة سالفت الريجون ما الها ولا شوية تاثير بكلشي حتى من تفتح حساب بالبليستيشن نيتورك تكدر تسوي كل الحسابات (امريكي , اوربي , اسيوي ) باي ريجون ..
وغالبا الي عدنة كلة بال

و تدللون ورود اني و ذا سنايبر موجودين وان شاء الله ما نقصر وياكم ::51::

الظبع
02-05-2011, 11:59 PM
السلام عليكم
اخي العزيز اني راح اوضح شي من خلال متابعتي للموضوع
الشيء الاول البلي حاليا ايشغل افلام بلوري فقط او العاب 3d يعني تلعب ثري دي بس افلام لا المفروض ينزل تحديث جديد يدعم الافلام
اكو نوعية مواصله الي هسه بيه خاصيه ثري دي ردي هاي اشغل الافلام حاليا هاي بالنسبة للثري دي اني دا احجي وياك على الثري دي لان اني صاحب تجربة او عندي شاشة اثري دي
الشغلة الثانية المعلومات الي كالوها قبلي صحيحه بس اوضحلك شيء انت تلعب اون لاين لو لا لان لو تلعب اون لاين ميفيد الهارد الخارجي او الالعاب على الهارد
الشغلة الاخيرة سؤالي الى المختصين اللعب في فيفا 11 هل يطلب كود ام مجاني
لان اني بلاكس بوكس انطاني اسبوع مجاني او طلب كود بلبلي مجربت لان ما عندي فيفا 11
وشكرا

عليكم السلام
شكرا لك على المعلومات واثراء الموضع بارك الله فيك
بالنسبة الي اني ماافكر حاليا العب اون لاين



شباب عداي اطرحوا اسئلوا و ماكو اي مضايقة
وبالنسبة لتنزيل الالعاب اكو هواي العاب بالنت اسحبها او نزلها من اي محل بهارد خارجي
واعمل ملف بالهارد وسمي الملف gamez او games وخلي بيه الملف السحبتة من الانترنيت ويتراوح احجام الالعاب من 1 جيجا ال 45 جيجا بس اكثر الالعاب ما يتعدى 8 جيجا
وبالنسبة للفرق بالسعر لان السلم يجي بي اكو هارد 240 و 120 والشكل اصغر و الوزن اقل بتقريبا بـكيلوين
واذا تريد تفرق بين الاوربي والامريكي والياباني مكتوب على الكارتونة وعلى الجهاز وهي :-

pal = أوروبي

ntsc = أمريكي

ntsc/j= ياباني

وقلت سابقا ماكو اي فرق بينهم
بس اتوقع اختلاف في اللغات فقط وليس هناك اي اختلاف والبلي فري ريجون
يعني اذا البلي امريكي ايصير اشغل لعبة ياباني وهكذا
عكس الاكس بوكس 360 مو فري ريجون اذا الجهاز امريكي الالعاب الا امريكي

وصحيح كلام الدون زيزو الفات شكلو حلو وتحسه صدك وحش هههه

ومسالة الجيلبريك اكو بباب الشرقي فلاش اسمة جيلبريك يكسر حماية البلي علمود تنزل العاب على الهارد
وتقربا ب 30 دولار لا تشتريها ابد ابد ابد
لان اكو طريقة على الانترنيت تسويها ببلاش وتنزل العاب لا فلاش جيلبريك ولا شي مجرد تحديث و تخلي

تسلم
بالنسبة لسحب الالعاب من النت على هذه السعة شوي صعب لان اتصالي مال هالة سات وموذاك القوي
معلومات رائعة شكرا لك يابطل تسلم والله
فقط بالنسبة الجيلبريك يعني اربط الجهاز بالنت واحدث؟ وممكن رابط الموقع والشرح؟

الظبع
02-06-2011, 12:26 AM
اي مسألت الشكل الخارجي وحتى المادة المستخدمة للغلاف على كولة علاوي الفات تحسة صدك وحش وشوف صورهم بالنت و طبعا بالواقع يبين الفرق كلش

من ناحية فرق السعر .. بس اذا مكان اكو مشكلة بزايدة 40 دولار اخذت 80 ولو ما اتوقع تحتاجة بس في حال لو حولت على الاصدار الرسمي علمود تلعب اون لاين و تنزل ديموات رح تفيدك لان تنتهي وضيفة الهارد بالنسبة للالعاب

هذا حتى تنزل الالعاب على الهارد (سواء الهارد مال بلي او تشتري هارد خارجي ) يمكن اللعبة ينزلوها ب3 الاف اللعبة او تنزلها انت من النت و تلعبها بدون ما تشتري لعبة اصلية غالية

بالبداية جان شي مثل اليو اس بي امسة دنكل هسه لا بس شي تنزلة للبلي بدون اي اضافة هو يهكرة
واكو شرح على الجل بريك شلون تسوي بالمواقع العربية بس لازم ينقرة بتركيز بس ترة كلش سهلة الشغلة مو مال تدفعلهم 20 الف حتى ينزلولكيا

بس اذا خط مال انترنيت سرعتة زينة و مفكر تلعب اون لاين و تكتفي بكم لعبة علمود السعر (الجديد من 50 الى 65 دولار و المستعملات من 20 او 15 الى 30 الف ) (طبعا تكدر بعدين تراوسها اباب الشرجي)
بهل حالة ماكو جل بريك لان التحديث الاخير الي تنزلة حتى تدخل اونلاين لحد الاان ما علية جل بريك وهو نزل قبل اسبوع بس احتمال يصيرلة


و تدللون ورود اني و ذا سنايبر موجودين وان شاء الله ما نقصر وياكم ::51::

اخي علمود الجل بريك ممكن رابط الشرح
وهل يتم التحديث يعني بربط الجهاز على النت؟
اذا ممنوع وضع روابط هنا ياريت على الخاص بلاامر عليك اوتضع الشرح هنا للافادة
اني حاليا مافكر العب اون لاين فشلون اقدر اعمل الجل بريك

وتسلم ياورد فعلا انت والاخ القناص ماقصرتو واصبح الموضوع مرجع لعشاق البلي ::50::
::45::

آسف عـ الأزعــــــــاج
02-06-2011, 12:41 AM
ممكن الطريقة مال كسر الحماية وتشغيل الالعاب من الهارد الخارجي

واكون ممنون

سلام البطل
02-06-2011, 01:50 PM
شباب عداي اطرحوا اسئلوا و ماكو اي مضايقة
وبالنسبة لتنزيل الالعاب اكو هواي العاب بالنت اسحبها او نزلها من اي محل بهارد خارجي
واعمل ملف بالهارد وسمي الملف gamez او games وخلي بيه الملف السحبتة من الانترنيت ويتراوح احجام الالعاب من 1 جيجا ال 45 جيجا بس اكثر الالعاب ما يتعدى 8 جيجا
وبالنسبة للفرق بالسعر لان السلم يجي بي اكو هارد 240 و 120 والشكل اصغر و الوزن اقل بتقريبا بـكيلوين
واذا تريد تفرق بين الاوربي والامريكي والياباني مكتوب على الكارتونة وعلى الجهاز وهي :-


pal = أوروبي

ntsc = أمريكي

ntsc/j= ياباني

وقلت سابقا ماكو اي فرق بينهم
بس اتوقع اختلاف في اللغات فقط وليس هناك اي اختلاف والبلي فري ريجون
يعني اذا البلي امريكي ايصير اشغل لعبة ياباني وهكذا
عكس الاكس بوكس 360 مو فري ريجون اذا الجهاز امريكي الالعاب الا امريكي

وصحيح كلام الدون زيزو الفات شكلو حلو وتحسه صدك وحش هههه

ومسالة الجيلبريك اكو بباب الشرقي فلاش اسمة جيلبريك يكسر حماية البلي علمود تنزل العاب على الهارد
وتقربا ب 30 دولار لا تشتريها ابد ابد ابد
لان اكو طريقة على الانترنيت تسويها ببلاش وتنزل العاب لا فلاش جيلبريك ولا شي مجرد تحديث و تخلي

تاج راسي
ماقرت انت والاخوان
اثريتنونا بمعبومات مفيدة
تشكرون عليها
بس سؤال اذا كان عندك معرفة
بسعر الكاميرا و الموف
يعني هي تشكيلة وحتى لو سعر تقريبي
لغرض معرفة الميزانية الي تطلبها التجميعة

مع الاعتزاز البالغ

XX The Sniper XX
02-06-2011, 07:55 PM
والله تكدر تشتري بس كامرة او بس موف او اذا ما عندك اي شي
احسلك اشتري كامرة وموف ودسك العاب اباكيت واحد بسعر تقريبا 85 دولار

XX The Sniper XX
02-06-2011, 07:57 PM
وبالنسبة للجيلبريك اكو منتدى اسمة king 4 news
هذا يختص بتهكير البلي3
وهذا الرابط ماله
http://www.king4news.net/vb/index.php

الظبع
02-09-2011, 11:24 PM
وبالنسبة للجيلبريك اكو منتدى اسمة king 4 news
هذا يختص بتهكير البلي3
وهذا الرابط ماله
http://www.king4news.net/vb/index.php

تسلم اخي
::45::

XX The Sniper XX
02-10-2011, 01:40 AM
تدلل واني بالخدمة واي شي ما مفتهمة كلي ....

سلام البطل
02-11-2011, 06:37 PM
شباب شلونكم
البارحة جنت بمجمع النجاح وشتريت بلي 3
والاسعار جانت كتالي
بلي ستيشن جديد 320 الهارد نوع السلم بسعر 335-345 $
بلي ستيشن رفربشد 40 الهارد نوع فات 210-215 $
بلي ستيشن رفربشد 80الهارد نوع فات 215-225 $
هارد خارجي 500 كيكا يحتوي على اكثر من 50 لعبة بسعر 80-85 $
موف مع كاميرا مع قرص يحتوي على 10 العاب بسعر 110$
موف مع كاميرا بدون قرص 85$
جويستك اصلي رجاج 40-45$
ملحقات خاصة بالكام والموف وهي مثل المسدسات ومظارب التنس تسمى 22 في 1 بسعر 20$

واني اخذت الفات ابو ال80 كيكا مع هارد خارجي وموف ومكام بدون قرص مع قرص اصلي واح
فقط بمبلغ اجمالي 415$ لان شلعت كلبهم بالعملة

واي استفسار عن الاسعار اني حاضر

تحياتي

XX The Sniper XX
02-11-2011, 10:14 PM
اولا مبروك على الجهاز
وممكن سؤال
اكو موف ينباع وحدة بدون كامرة ؟؟؟
لان اخر مرة رحت جان ماكو
مع العلم بكل الدول نزل بوحدة يعني قطعة وحدة بس الموف

jon_iraq
02-12-2011, 06:19 PM
تستاهل ياوردة والف مبروك
بس قلبي الفات ابو 80 وحدة شكد سعره
وايضا عزيزي الي عدنا بالنجف السيلم 320 (400$) فقط و الباقي ( تنزيل الالعاب والدنكل ومدري شنو بعد) يعني اني اتحمله مو ابو المكتب يعني دوخه ممكن فد طريقة سهلة من دون دوخة (المواصفات وافضل الانواع ) حتى بالمباشر نشتري ونلعب.
اخوية اخر تساؤل ( اذا اشتريت جهاز بالكارتونة اكدر انزل التحديث الاخير من دون ما اروح للمكتب لو احتاج اروح اله )
شكرااااااااااااا لجميع الاخوة الي كالو جميع المعلومات الي عدهم وماقصروا وعذراً لاني اني دوخني ابو المكتب
شسوي رجعت الكم حتى نستفسر اكثر
تحياتي للجميع

سلام البطل
02-12-2011, 11:54 PM
اولا مبروك على الجهاز
وممكن سؤال
اكو موف ينباع وحدة بدون كامرة ؟؟؟
لان اخر مرة رحت جان ماكو
مع العلم بكل الدول نزل بوحدة يعني قطعة وحدة بس الموف

والله يبارك بيك حبي
نعم موجود موف فقط بسعر 45 $ مع قرص ديمو
لكن مع الاسف غير متوفر حاليا
وحسب كلامهم يجي على الاسبوع الجاي وجبة

تحياتي الك حبي

سلام البطل
02-13-2011, 12:01 AM
تستاهل ياوردة والف مبروك
بس قلبي الفات ابو 80 وحدة شكد سعره
وايضا عزيزي الي عدنا بالنجف السيلم 320 (400$) فقط و الباقي ( تنزيل الالعاب والدنكل ومدري شنو بعد) يعني اني اتحمله مو ابو المكتب يعني دوخه ممكن فد طريقة سهلة من دون دوخة (المواصفات وافضل الانواع ) حتى بالمباشر نشتري ونلعب.
اخوية اخر تساؤل ( اذا اشتريت جهاز بالكارتونة اكدر انزل التحديث الاخير من دون ما اروح للمكتب لو احتاج اروح اله )
شكرااااااااااااا لجميع الاخوة الي كالو جميع المعلومات الي عدهم وماقصروا وعذراً لاني اني دوخني ابو المكتب
شسوي رجعت الكم حتى نستفسر اكثر
تحياتي للجميع

تاج راسي والله يبارك بيك ويرزقك بجهاز نظيف كلش
ههههههههههههههه
حبي مثل ما كلت افضل شي اخذ الفات لو ابو 40 او ال80 كيكا نفس الشي
وسعرهن بين 215-225 $
ولازم تاخذ وياه هارد خارجي للالعاب وسعره 85$
يعني الموجموع حيكون 300-310$
واكيد انت حتشتري محدث وجهاز
وحتى لو مو محدث تكدر تحدثة بكل سهولة واكو هواي مواقع تشرح الطريقة
راح ادزلك اياها على الخاص

وشتحتاج بعد الاخوان هنا ميقصرون
والله وكيلك كلشي ما عرف عن البلي بس بفضل الله والشباب صرت كلشي اعرف عنة
تحياتي

الظبع
02-13-2011, 07:20 PM
مبروك سلوم البلي شايف كل الخير
اشوفك مختفي ملتهي باللعب ::31::

سلام البطل
02-13-2011, 08:21 PM
مبروك سلوم البلي شايف كل الخير
اشوفك مختفي ملتهي باللعب ::31::

وانت من اهل الخير حبي
اي والله صدك بس ملتهي بلعب وناسي الانترنيت
تحياتي

XX The Sniper XX
02-13-2011, 09:00 PM
زين سلام
اني عندي موف وعندي كامرة وقرص ديمو اريد بس موف اخر بدون كلشي
هوه موجود بدون ديمو لو لا ؟؟ لان ما احتاجة

سلام البطل
02-14-2011, 01:45 PM
زين سلام
اني عندي موف وعندي كامرة وقرص ديمو اريد بس موف اخر بدون كلشي
هوه موجود بدون ديمو لو لا ؟؟ لان ما احتاجة

لا حبي ما يجي بدون ديمو
اله الديمو وياه
وليش ما يجيبونة بدون ديمو ما عرف
بس الظاهر فارق السعر اهم احسن
تجار بعد
تحياتي

coldfire
02-14-2011, 07:08 PM
بالعافية عليك اخوية..زين و شنو رايك بالبلي يسوة واحد يشتريه...ياهو الاحلى الحاسبة لو البلي بالالعاب؟؟؟؟

XX The Sniper XX
02-14-2011, 11:21 PM
ليش انت مسامع المثل شيكول
البلي ثم البلي ثم البلي ثم الحاسبة بالالعاب

jon_iraq
02-15-2011, 02:10 PM
تاج راسي والله يبارك بيك ويرزقك بجهاز نظيف كلش
ههههههههههههههه
حبي مثل ما كلت افضل شي اخذ الفات لو ابو 40 او ال80 كيكا نفس الشي
وسعرهن بين 215-225 $
ولازم تاخذ وياه هارد خارجي للالعاب وسعره 85$
يعني الموجموع حيكون 300-310$
واكيد انت حتشتري محدث وجهاز
وحتى لو مو محدث تكدر تحدثة بكل سهولة واكو هواي مواقع تشرح الطريقة
راح ادزلك اياها على الخاص

وشتحتاج بعد الاخوان هنا ميقصرون
والله وكيلك كلشي ما عرف عن البلي بس بفضل الله والشباب صرت كلشي اعرف عنة
تحياتي



شكراااااااااا اخ سلام ياوردة والصراحة الموضوع حلو بالمعلومات والتعليقات وايضاً بوجودكم
اذا ممكن ترسل المواقع الخاصة بالتحديثات على الخاص
شكراااا للجميع وبالتوفيق ان شاء الله

Code2Free
02-15-2011, 09:48 PM
السلام عليكم

اخوان لدي استفسار ومتعليق

الاستفسار الاول هو اني ذاهب الى بغداد يوم السبت ان شاء الى لاخذ جولة وبطريقي اشتري ps3 فماذا اختار سليم ام فات انا اخاف اخذ الفات والعب اربع ساعات جرة متواصلة وتصير بي لمبة صفرة بسبب الحرارة وعندها اقوم اضرب صفنات؟ ولكن المشكلة ان السليم اغلى وكم سعر السليم اي هل استطيع شراء سلسيم من دون هارد او باقل هارد ممكن لاحصل على اقل سعر ممكن

اما التعليق بالنسبة للاخ http://www.dijlh.net/image.php?u=169126&dateline=1284809472 (http://www.dijlh.net/member.php/169126-XX-The-Sniper-XX)XX The Sniper XX (http://www.dijlh.net/member.php/169126-XX-The-Sniper-XX)

بخصوص مقارنة الحاسوب بالبلي ستيشن 3 من ناحية الالعاب فيا اخ سنايبر اكيد الحاسوب افضل من دون مجامل حتى افضل من الاكسبوكس 360 ومن يؤيدني في كلامي هم خبراء موقع ign العالمي للالعاب فارجو ان لا ياتيني احد لديه بلي ستيشن3 لعب علية لعبة call of duty modarn warfare2 ولاندهش من الجرافكس لانه ايضا لديه حاسوب ببطاقة رسومات nvidia geforec 8400gt ورام ddr2 2gb ومعالج inter core2due فشغل اللعبة على دقة768-1024 فرئا ان الجرلافكس على الحاسوب متوسط ولا يقارن بالبلاي ستيشن 3

الرجاء لالاجايبة يا اخوان

XX The Sniper XX
02-16-2011, 02:20 AM
هلو اخي
بالنسبة لسؤالك مستحيل تشتري جهاز بدون هارد اصلا ما يشتغل الا هارد واقل شي موجد بالسلم 120 جيجا

وبالنسبة لتفسير بشان الحاسبة افضل من البلي
اخي انت مخطأ انا لدي حاسبة بس الكيس ب 800 دولار كارت شاشة من نوع ati hd 5850 بسعر 340 دولار و cpu amd x2 955 ثنائي النواة بسعر 220 دولار و مذربورد ورامات 4جيجا وغيرها والالعاب تشتغل عندي جيدة جدا وخاصة الالعاب الحديثة مثل كول اوف ديوتي السابعة و gta iv و assasin وغيرها بس ما تجي بجودة البلي او الاكس بوكس
واخالف كل من يقول عكس ذلك لان الحاسبات تتطلب بمرور الوقت تطويرها والبلي لا يطلب ذلك مثل لعبة metro 2033 بالرغم من قوة حاسبتي الا انها لا تعمل باقصى اعدادات او تعمل بفريم اقل ويلاحظ تقطعات اما الالعاب على الاجهزة فمن المستحيل ان ترى لعبة تقطع لانها مصصمة على مستوى الاجهزة وهناك العاب حصرية كثيرة جدا
مثل GOD OF WAR III و GRAN TURAISMO 5 و MGS و RED DEAD REDEMPTION و KILLZONE 3 والي هي اقوى تجسيم بالعالم ويتفوق على كرايسيس على الحاسب

XX The Sniper XX
02-16-2011, 02:24 AM
وعندما تريد ان تقول ان الحاسب اقوى فقط مع ميزانية 1000 دولار فما فوق امثال كارت شاشة انفيديا 480 وغيرها و معالج انتل i7 990 اكستريم وغيرها

XX The Sniper XX
02-16-2011, 02:35 AM
هلو اخي
بالنسبة لسؤالك مستحيل تشتري جهاز بدون هارد اصلا ما يشتغل الا هارد واقل شي موجد بالسلم 120 جيجا

وبالنسبة لتفسير بشان الحاسبة افضل من البلي
اخي انت مخطأ انا لدي حاسبة بس الكيس ب 800 دولار كارت شاشة من نوع ati hd 5850 بسعر 340 دولار و cpu amd x2 955 ثنائي النواة بسعر 220 دولار و مذربورد ورامات 4جيجا وغيرها والالعاب تشتغل عندي جيدة جدا وخاصة الالعاب الحديثة مثل كول اوف ديوتي السابعة و gta iv و assasin وغيرها بس ما تجي بجودة البلي او الاكس بوكس
واخالف كل من يقول عكس ذلك لان الحاسبات تتطلب بمرور الوقت تطويرها والبلي لا يطلب ذلك مثل لعبة metro 2033 بالرغم من قوة حاسبتي الا انها لا تعمل باقصى اعدادات او تعمل بفريم اقل ويلاحظ تقطعات اما الالعاب على الاجهزة فمن المستحيل ان ترى لعبة تقطع لانها مصصمة على مستوى الاجهزة وهناك العاب حصرية كثيرة جدا
مثل GOD OF WAR III و GRAN TURAISMO 5 و MGS و RED DEAD REDEMPTION و KILLZONE 3 والي هي اقوى تجسيم بالعالم ويتفوق على كرايسيس على الحاسب

اعتذر عن الخطا المعالج ليس amd x2 955 انه AMD Phenom II X4 955 رباعي النواة

سلام البطل
02-16-2011, 01:45 PM
بالعافية عليك اخوية..زين و شنو رايك بالبلي يسوة واحد يشتريه...ياهو الاحلى الحاسبة لو البلي بالالعاب؟؟؟؟

تاج راسي الله يعافيك
الاختيار جدا صعب
ولحد هاي اللحظة ابهرني البلاي ستيشن 3
بصورة وسلاسة اللعب
وقلة المشاكل
ولي عودة باذن الله بهذا الخصوص

تحياتي

سلام البطل
02-16-2011, 01:47 PM
ليش انت مسامع المثل شيكول
البلي ثم البلي ثم البلي ثم الحاسبة بالالعاب

تاج راسي شلونك
اعتقد راح اصير مثلك

تحياتي

سلام البطل
02-16-2011, 01:56 PM
السلام عليكم

اخوان لدي استفسار ومتعليق

الاستفسار الاول هو اني ذاهب الى بغداد يوم السبت ان شاء الى لاخذ جولة وبطريقي اشتري ps3 فماذا اختار سليم ام فات انا اخاف اخذ الفات والعب اربع ساعات جرة متواصلة وتصير بي لمبة صفرة بسبب الحرارة وعندها اقوم اضرب صفنات؟ ولكن المشكلة ان السليم اغلى وكم سعر السليم اي هل استطيع شراء سلسيم من دون هارد او باقل هارد ممكن لاحصل على اقل سعر ممكن

اما التعليق بالنسبة للاخ http://www.dijlh.net/image.php?u=169126&dateline=1284809472 (http://www.dijlh.net/member.php/169126-XX-The-Sniper-XX)XX The Sniper XX (http://www.dijlh.net/member.php/169126-XX-The-Sniper-XX)

بخصوص مقارنة الحاسوب بالبلي ستيشن 3 من ناحية الالعاب فيا اخ سنايبر اكيد الحاسوب افضل من دون مجامل حتى افضل من الاكسبوكس 360 ومن يؤيدني في كلامي هم خبراء موقع ign العالمي للالعاب فارجو ان لا ياتيني احد لديه بلي ستيشن3 لعب علية لعبة call of duty modarn warfare2 ولاندهش من الجرافكس لانه ايضا لديه حاسوب ببطاقة رسومات nvidia geforec 8400gt ورام ddr2 2gb ومعالج inter core2due فشغل اللعبة على دقة768-1024 فرئا ان الجرلافكس على الحاسوب متوسط ولا يقارن بالبلاي ستيشن 3

الرجاء لالاجايبة يا اخوان



اولا لا يمكن تشغيل البلي بدون هارد
ثانيا تاج راسي البلي افضل من الحاسبة اذا كانت الحاسبة بمواصفات ضعيفة او متوسط
لكن لا قطعا معا مزانية عالية كمعالجات CORE i7
VGA ATI HD 6780 or 6980
NIVEDA GTX 480 OR 570 OR 580
هنا تسقط جميع المقارنات
والسبب فارق السعر الخارفي
بلي مع كافة ملحقاته ميصصر ب 500 $
وبالحاسبة بس كرت الشاشة 350$ معالج 320$ هاي كمتوسط اسعار
اذن هنا الحكم هي الميزانية
وايضا البلاي تخصص العاب
الحاسبة مال كلشي وكلاشي
ما اعتقد توجد بيناتهم مقارنة عادلة

واجزم لهوا الالعاب البلي افضل بكثير

تحياتي

Code2Free
02-16-2011, 02:54 PM
السلام عليكم

اخوان انا لا اهتم حتى لو وصل سعر الحاسوب ب 12 الف دولار اي بسعر سيارة شيفروليت افيو 2011 يبقى الحاسوب اقوى من جميع المحاكيات واقوى لعبة عى الحاسوب بالجرافكس هي الوحش الكاسر Crysis 2 التي ستصدر قريبا من المستحيل مقارنة البلي ستيشن بالحاسوب اصلا المقارنة تافهة فالحاسوب متفوق بالجرافكس يعني اخذهة بالعقل ترضة بلي سعرة 300 دولار وكارت شاشة مال حاسوب سعرة 650 دولار والبلي 3 اقوى من الحاسوب بالجرافكس اخر كلامي ان البلي ستيشن ثري ما يجي ذرة من جرافكس حاسوب البي سي جيمر اي الحواسيب الموجهة لمحترفي العاب الحاسوب انا شخصيا استطيع ان اشتري حاسوب بميزانية 2000 دولار ومتفوق على البلي ستيشن 3 والاكس بوكس 360 بالجرافكس يعني ابسط شي الحاسوب يدعم دقة Extream HD يعني 1600-2560
-----------------
وغير هذا الكلام لن اعلق اكثر فالبالتاكيد البلي سيتفوق على الحاسوب اذا كان الحاسوب بمواصفات متوسطة

XX The Sniper XX
02-16-2011, 03:30 PM
اخي من قال ان البلي يتفوق على حاسب بسعر 2000 دولار
اني جاي احجي عن معادلة السعر مقابل اداء
يعني ليش تصرف 2000 دولار على كمبيوتر العاب فهذا غباء بحد ذاته
يعني انت كول واحد يشتري جهاز العاب ب 300 دولار وهو مخصص فقط للالعاب
او يشتري حاسوب بسعر 2000 دولار ويلعب فقط العاب به
اخي الحاسوب ليس فقط العاب فهذا تدمير لقدراتة

فالافضل يشتري جهاز العاب مثل بلي 3 ا اكس بوكس 360 لان جميع الالعاب القادمة سوف تكون على جميع الاجهزة كما حدث مع كرايسيس


وبالنسبة لسؤالك Crysis 2 ليست اقوى جرافيك بالعالم انها Crysis 1 وهي فقط على الحاسب اما كرايسيس 2 فستصدر على الجميع الاجهزة ولذلك تكون اقل تجسيم من كرايسيس 1
الشركة بنفسها قالت سوف تقلل من الجرافيك حتى تناسب جميع الاجهزة
ولكن اللعبة التي صدرت على البلي 3 الحصرية واكيد تعرفها وهي الوحيد التي تفوقت بالجرافيك والفيزيائية على كرايسيس 1-2 وهي Killzone 3
واذا ما تصدك روح اقرى اخبار عنها وانبه عن شي اخر ان حجمها يتجاوز 40 جيجا كما هو الحال مع god of war 3 و هيفي راين فهل هناك لعبة على الحاسب بهذا الحجم هههههه

Code2Free
02-16-2011, 04:20 PM
السلام عليكم

كيف الحال ببالنسبة يا اخي للعبة crysis 2 فالشركة لم تقلل من الجرافكس بالبالعكس قللت الجرافكس على الاكسبوكس والبلاي ستيشن 3 بنظام الملعب الجماعي الاونلاين لتتناسب مع قدرة المعالج اي الجرافكس في الاونلاين يكون اقل بفارق بسيط م السنكل بلير او ما نسميه ستوري مود لان مواصفات البلي ستيشن 3 والاكسبوكس 360 ثابتة اما الحاسوب ففي اعدادات الجرافكس هنالكخيارات جبارة لا تكون مفعلة الا اذا اكنت تملك مواصفات عالية ذات بيرفورمينس عالي وبذلك تكون تفوقت في الجرافكس اصلا الاكس بوكس 360 اجسم من البلي ستيشن 3 بفارق قليل جدا جدا والسبب هو ان بطاقة معالجة الرسومات مال الاكسبوكس 360 تمتلك ذاكرة بحجم 512 ميغابايت اما البلي 3 فطباقة معالجة الرسومات الخاصة به تمتلك ذاكرة بحجم 256 ميغابايت الامر الذي يمنح مطوري الالعاب القدرى على زيادة تجسيم عرض الرسومات لمحرك الالعاب للعبة على الاكس بوكس قبل نشرها على الجهاز هذا من ناحية

اما من نحية اخرى فالاكسبوكس بكارت شاشة من شركة ati اما البلي ستيشن 3 فبكارت شاشة من شركة نيفيديا الامر الذي يجعل الاكس بوكس افضل من ناحية الانتي الايزنك اي منعم الحواف لان ati تفوقت دوما على انفيديا في هذه الخاصية

اما بخصوص حجم اللعبة فهذا لا يعني ان اللعبة ذات جرافكس عالي بسبب الحجم الامر متعلق بقوة الرسوم الاسسية اي المصممة من برنامج مايا او فو دي سينما او ثري دي ماكس ويبقى قوى الجرافكس على التصميم الاساسي وخيارات العرض الخاصة بانجاين اللعبة اي محرك اللعبة وهذه الاعدادات لا يمكن تغييرها بالمحاكيات بعكس الحاسوس يمكنك تغييرها الى حد تجاوز تجسيم العاب المحاكيات الدحديثة::28::

XX The Sniper XX
02-16-2011, 04:36 PM
اخي اخالفك الراي
ان البلي 3 اقوى بالجرافيك من الاكسبوكس ولعبة كرايسس سوف تكون بنفس المستوى وانا متاكد من كلامي
وروح اقرى الرفيوهات من المواقع العالمية قللت الجرافيك حتى على الحاسوب وسوف تكون بمستوى واحد و بالنسبة للسنكل بلير او ستوري مود على قولتك في الحاسبة لك القدرة على تفعيل الخيارت واطفائها حتى تناسب حاسبات اقل قوة اما بالبلي و الاكس بوكس تكون جميع الخيارات مفعلة داخليا يعني لا تستطيع التحكم بها

بالنسبة لرام البلي 256 والاكسبوكس 512 فهذا لا يؤثر يعني مثلا تعرف جهاز PSP بلي المحمول يحمل بطاقة رسوميات 512 فهل يعني انه يتفوق على البلي هههههههه
وانت تقول ati افضل من انفيديا بخاصية انتي الايسنج ولكن نسيت خاصية الفيزكس الحصرية من انفيديا
وليش من اقارن لعبة كيل زون 3 بلعبة كرايسيس تغير الموضوع فهي اقوى تجسيم من اي لعبة على ال اكس بوكس او الحاسوب

Code2Free
02-16-2011, 07:40 PM
السلام عليكم

لا ادري لماذا يا اخي خبصتني بكيل زون 3 انت بكر ما اخثيتني لمن اتقول انها اجسم من كرايسيس بنفس الوقت شوقتني سوف اشتري بلي 3 يوم السبت انشاء الله بسببك وبسبب كيل زون 3 ولكني لن انتنازل بان كرايسيس 2 وليس ون او وارهيد اجسم وافضل من كيل زون 3 وانا متاكد يا اخي لعبة كراسيس تستخدم لاختبار قوة الحواسيب الحديثة من ناحية الفارم بير سكند اي عدد الاطارات بالثانية وانا لن اتنازل عن قولي بان الحاسوب اجسم من البلي 3 وخصوصا كراسيس 2 على الحاسوب اجسم من كرايسيس 2 على البلي3 واجسم من كيلزون 3 ايضا يا حبيبي ولك اثباتات بان كرايسيس 2 على الحاسوب اجسم من على البلي 3

بالمناسبة الpsp مزود ببطاقة رسومات لا تتجاوز ال 64 مب اصلا بطاقة رسومات الpsp اقل قوة من بطاقة رسومات ال ps2

تفضل مقارنة بلعبة fallout 3 على الحاسوب والبلي 3 والاكسبوكس 360
http://www.gamespot.com/features/6202552/index.html


تفضل مقارنة بلعبة DeadSpace على الحاسوب والبلي 3 والاكسبوكس 360
http://www.gamespot.com/features/6202552/p-2.html

تفضل مقارنة بلعبة call of duty world at war على الحاسوب والبلي 3 والاكسبوكس 360
http://www.gamespot.com/features/6202552/p-3.html

تفضل مقارنة بلعبة grand theft auto IV على الحاسوب والبلي 3 والاكسبوكس 360
http://www.gamespot.com/features/6202552/p-4.html

XX The Sniper XX
02-16-2011, 08:24 PM
يا اخي اني جاي اكلك هاي المقارنات بحاسبات ذوات مواصفات خارقة وسعر عالي
يعني ليش الواحد يشتري حاسبة سعر عالي يفوق سعر البلي 5 اضعاف
ولكن يتفوق على البلي بفارق قليل جدا

وبالنسبة لل psp اني جاي احجي على الجديد الي اسمة psp ngp الي يكون لمس وذو كامرتين امامية وخلفية وذاكرة رسومية 512 ولكن تجسيم الالعاب اقل من بلي 3
ويمكن بنسبة قليلة ولن يصل لمستواه

وكلت بردي السابق الكثير من الالعاب سوف تتجه خاصة الى الاجهزة الكونسل مثل ما حدث مع red dead وكرايسيس

Code2Free
02-16-2011, 09:26 PM
يعني اتوكل وشتري ps3

XX The Sniper XX
02-16-2011, 09:51 PM
والله افضلك تشتري بلي او اكسبوكس
لان هم اسعارهن رخيصة وتلعب بدون دوخة ولا مشاكل فرمتة

والبلي اونلاين ببلاش اما الاكس بوكس بفلوس

وبالنهاية انت حر اخذ الي يعجبك

وشكرا

سلام البطل
02-18-2011, 07:05 PM
والله افضلك تشتري بلي او اكسبوكس
لان هم اسعارهن رخيصة وتلعب بدون دوخة ولا مشاكل فرمتة

والبلي اونلاين ببلاش اما الاكس بوكس بفلوس

وبالنهاية انت حر اخذ الي يعجبك

وشكرا

+1
ونعم الراي
والله البلي ممتاز جدا للالعاب
لاحاسبة اقلي شي 1800 $ مثل حاسبتي
ولا غيرها
شاشة 32 " اي نوع
والبلي فدشي تحفة توكل على الله واخذها

تحياتي

jon_iraq
02-19-2011, 11:26 PM
شباب ممكن تفهموني بشغلة البلي3 هو مو يشتغل من دون دنكل على تحديث 3.55 المعدل (زين ليش هذا ابو المكتب مخلي اصدار 3.41 يجوز على نفس الاصدار مالت الجهاز مخليه ؟ممكن يكون ما محدث الجهاز ؟
زين ليش عندي مشتغل ويكول ارر خطأ ؟ابو المكتب من اخذت منه الجهاز كلي تحتاج قرص بوت حتى تعمل كل اللعبات(يعني معظم الي نزلن يشتغلن والباقي لا ) واني اخذت الجهاز من مكتب وحدثت يم يمكتب ثاني (لان ابو المكتب ما يعرف )
ممكن احدث الجهاز اني بتحديث ما يريد لا دنكل و لا قرص بوت من دون مشاكل تحديث 3.55 المعدل او اي تحديث ثاني حتى لو محدث الجهاز ؟ شباب شنو مشاكل التحديث لا سامح الله اذا حدثت ؟ للعلم الجهاز سليم هارد 250 ( الباب الاول ) .
محتاج الاجابة لان امور مو تمام واني كلي ثقة بيكم وبالتوفيق أن شاء الله
الشكر موصول لجميع الاخوان الي نزلوا هذا الموضوع المفيد جداااااااااااااا

سلام البطل
02-20-2011, 12:26 PM
شباب ممكن تفهموني بشغلة البلي3 هو مو يشتغل من دون دنكل على تحديث 3.55 المعدل (زين ليش هذا ابو المكتب مخلي اصدار 3.41 يجوز على نفس الاصدار مالت الجهاز مخليه ؟ممكن يكون ما محدث الجهاز ؟
زين ليش عندي مشتغل ويكول ارر خطأ ؟ابو المكتب من اخذت منه الجهاز كلي تحتاج قرص بوت حتى تعمل كل اللعبات(يعني معظم الي نزلن يشتغلن والباقي لا ) واني اخذت الجهاز من مكتب وحدثت يم يمكتب ثاني (لان ابو المكتب ما يعرف )
ممكن احدث الجهاز اني بتحديث ما يريد لا دنكل و لا قرص بوت من دون مشاكل تحديث 3.55 المعدل او اي تحديث ثاني حتى لو محدث الجهاز ؟ شباب شنو مشاكل التحديث لا سامح الله اذا حدثت ؟ للعلم الجهاز سليم هارد 250 ( الباب الاول ) .
محتاج الاجابة لان امور مو تمام واني كلي ثقة بيكم وبالتوفيق أن شاء الله
الشكر موصول لجميع الاخوان الي نزلوا هذا الموضوع المفيد جداااااااااااااا


حبيبي الاصدار 3.55 ميحتاج جل بيرك حتى يشغل الالعاب من الهارد
وكلهن انجان جل بريك او التحديث الاخير لازم عندك قرص
اصلي اي لعبة اي شي بس علمود البوت
لان بعض الاعلاب لا تعمل بدون قرص

تحياتي

XX The Sniper XX
02-20-2011, 01:47 PM
+1

كلام صحيح اخي سلام 100%

سلام البطل
02-20-2011, 02:55 PM
+1

كلام صحيح اخي سلام 100%

منكم نستفيد
بفضل الله واعضاء المنتدى العملاق كلشي تعلمنا

اشكرك حبي
متقصر

jon_iraq
02-20-2011, 03:38 PM
حبيبي الاصدار 3.55 ميحتاج جل بيرك حتى يشغل الالعاب من الهارد
وكلهن انجان جل بريك او التحديث الاخير لازم عندك قرص
اصلي اي لعبة اي شي بس علمود البوت
لان بعض الاعلاب لا تعمل بدون قرص

تحياتي




شكرااااااااااااااا ياوردة كلامك سليم جدااااااااااااااا
راح اتوكل على الله واشتري قرص والله كريم
ممنون منك جدااااااااا

jojo_1212
02-20-2011, 05:31 PM
ماهي طريقة تهكير البلي 3 وهل يمكن تشغيل الالعاب علية بالتحديث الجديد

Code2Free
02-20-2011, 09:49 PM
السلام عليكم

كيف الحال يا اخوان لدي سؤال كم سعر البلي ستيشن3 السليم بهارد 120 جيجابايت

اما بالنسبة لاستفسار الاخ jojo_1212 (http://www.dijlh.net/member.php/160166-jojo_1212) عن كيفية تهكير البلي ستيشن 3 فتفضل الاجابة

اول قام فريق جيو هوت وهو نفس الفريق الذي اخترق الايفون باختراق البلي ستيشن 3 وكالاتي

اولا عليك التحديث للفيرشن 3.55 لان التحكير او فك الحماية يعمل على هذا الفيرجن لان احدث الالعاب تعمل على هذا الفيرجن وهذا الفيرجن هو احدث فيرجن عندما اراد فريق جيوهوت اختراق البلي ستيشن3 فقرروا ان يصنعو باتش لتشغيل العاب البلي ستيشن 3 على هذا الفيرجن

ثانيا بعد التحديث يجب عليك ان تقوم بتنصيب الكاستم فيرجن وهو فيرجن معدل نسخة 3.55 والخرض منه تنصيب البرامج المبرمجة لكي تعمل على البلي ستيشن3 فالبلي ستيشن3 لديه نظام تشغيل ايضا لا تنسوا وهو يتقبل البرامج المرخصة فقط من شركة سوني بامج محدودة فالتهيكير عبارة عن برنامج ولكن هذا البرنامج لا يمكن تنصيبه الى بعد فك حماية النظام من خلال تنصيب الكاستم فيرجن كما يحدث مع اجهزة نوكيا عندما تريد تنصيب البرامج المكركة

بعد التحديث للكاستم فيرجن وتنصيبك للبرامج بصورة اعتيادية وهية game mamger و patch lv2 من خلال برنامج game mamger تقوم بتحميل اللعبة التي نسختها على الهارد وتشغيلها ولكن قبل تشغيل هذا البرنامج عليك تشغيل باتش patch lv2 وهذا الباتش سيقوةم برفع قيم معينة يتم تخزينها في الذاكرة العشوائية المؤقتة للبلي ستيشن3 لكي يضن البلي ستيشن 3 باة لا توجد عملية قرصنة او تشغيل لعبة بصورة غير شرعية كما يحدث مع مستخدمي التراينر في العاب الحاسوب او ما يسما بدرع الالعام ومثال على القيم التي يرفعها 000xx000008000xx000 وما ثابه ذلك ولكن يجب العلم بان فريق جيو هوت قد قرئوا ملف الدومب فايل للذاكرة العشوائية للبلي ستيشن3 وعرفوا بعض القيم التي يتم تجميلها الى الذاكرة من خلال لعب لعبة اصلية من القرص وهذه القيم ثابتة ومن خلالها يتعرف نظام تشغيل البلي ستيشن3 على ان الالعاب اصلية فقامة بادخال هذهذ القيم بالباتش patch lv2 لكي يقوم الباتش برفعها عند تشغيلك له من اجل خدع النظام وتبيان بان اللعبة اصلية لكي يتم تشغيلها ومن ثم تستخدم برنامج game manger لتشغيل اللعبة من الهارد

ولكن قد ياتي احد ويسئا لماذا يجب ادخال القرص
ان ادخال القرص ضروري لان اللعبة مبرمجة عند تشغيلها سوف تقوم بمطابقة قيم مشفرة موجودة بالذاكرة في البلي ستيشن3 وبالقرص لدي تعمل اللعبة ولالغاء عملية ادخال القرص يتوجب على فريق جيوهوت اختراق اللعبة والغاء ميزة تتبع الشفرات الخاصة بحماية الحقوق وهذه الشغلة ماصخة صراحة لذلك لا باس من امتلاك قراص انا صراحة اشتريت metal gear sold 4 اب 8 الاف دينار يعني بلاش

وهذه هي عملية القرصنة ولكن في السابق كان يوجد دنكل لان الهاكر ما اخترق البلي ستيشن3 لسواد عيونا بل لجني المال من خلال صناعة الدنكل وبيعه ويا عيني على الفلوس الحرام التي جناها..

اسف على الاطالة اتمنا ان تكون اجابتي على سؤالك يا اخ jojo_1212 (http://www.dijlh.net/member.php/160166-jojo_1212) وافية وانا في الخدمة

ملاحظة هذا الباتش الخاص بتشغيل الالعاب لا يسبب اي مشاكل للبلي 3

الظبع
02-23-2011, 01:53 PM
حبي سلوم اليوم افتريت على المحلات قلي من اي محل انت اشتريت بالضبط؟

سلام البطل
02-23-2011, 05:56 PM
حبي سلوم اليوم افتريت على المحلات قلي من اي محل انت اشتريت بالضبط؟

تاج راسي هاي اسعار القرش
والي اقل منة شوية بس بيومها مجان عندة غراض مكتب قائد
يصير على يمنة القرش بالضبط

وشايف خير مقدما


تحياتي

الظبع
02-23-2011, 06:46 PM
تاج راسي هاي اسعار القرش
والي اقل منة شوية بس بيومها مجان عندة غراض مكتب قائد
يصير على يمنة القرش بالضبط

وشايف خير مقدما


تحياتي

يسلم راسك حبي واشكرك
الله يعدي الجمعة على خير حتى يرجع السوق واروح اشوف
::45::

jojo_1212
02-23-2011, 07:02 PM
مشكور يا
Code2Free (http://www.dijlh.net/showthread.php/877751-ظ…ظ…ظƒظ†-ظ…ط¹ظ„ظˆظ…ط§طھ-ظˆط§ط³ط¹ط§ط±-ط¹ظ†-ps3/member.php/172227-Code2Free)

على المعلومات الرائعة

جان اكو قبل قطعة مثل الفلاش وتسوي للعبة باك اب على البلي وتنخزن وتكدر تلعبها بدون سي دي


بس هاي جديدة مال باج تكول عليها
بس لازم واحد يشتري لعبة وهاي الالعاب الي بالسوك كلن ب 8 الف دينار مستنسخة على ديفيدي ؟

بس بهالحالة كل مايطلعون تحديث جديد لازم ننتظر على مايهكرو ::52::

اتصور الاكس بوكس اضبط بشغلة التهكير ولعباتة متوفرة ورخيصة

سلام البطل
02-23-2011, 09:14 PM
مشكور يا
Code2Free (http://www.dijlh.net/showthread.php/877751-ظ…ظ…ظƒظ†-ظ…ط¹ظ„ظˆظ…ط§طھ-ظˆط§ط³ط¹ط§ط±-ط¹ظ†-ps3/member.php/172227-Code2Free)

على المعلومات الرائعة

جان اكو قبل قطعة مثل الفلاش وتسوي للعبة باك اب على البلي وتنخزن وتكدر تلعبها بدون سي دي


بس هاي جديدة مال باج تكول عليها
بس لازم واحد يشتري لعبة وهاي الالعاب الي بالسوك كلن ب 8 الف دينار مستنسخة على ديفيدي ؟

بس بهالحالة كل مايطلعون تحديث جديد لازم ننتظر على مايهكرو ::52::

اتصور الاكس بوكس اضبط بشغلة التهكير ولعباتة متوفرة ورخيصة

ليش حبي
اي قرص نسخة اصلية يشغلها
ومتحتاج الجل بريك
واشوف تهكير البلي اكثر توسع
ومهمتين بي هواي
والدليل وجود اكثر من كاستم مهكر

Waninkoko
Kmeaw
وغيرها

تحياتي

hussein.a.ali
03-01-2011, 12:34 AM
شباب شلونكم
البارحة جنت بمجمع النجاح وشتريت بلي 3
والاسعار جانت كتالي
بلي ستيشن جديد 320 الهارد نوع السلم بسعر 335-345 $
بلي ستيشن رفربشد 40 الهارد نوع فات 210-215 $
بلي ستيشن رفربشد 80الهارد نوع فات 215-225 $
هارد خارجي 500 كيكا يحتوي على اكثر من 50 لعبة بسعر 80-85 $
موف مع كاميرا مع قرص يحتوي على 10 العاب بسعر 110$
موف مع كاميرا بدون قرص 85$
جويستك اصلي رجاج 40-45$
ملحقات خاصة بالكام والموف وهي مثل المسدسات ومظارب التنس تسمى 22 في 1 بسعر 20$

واني اخذت الفات ابو ال80 كيكا مع هارد خارجي وموف ومكام بدون قرص مع قرص اصلي واح
فقط بمبلغ اجمالي 415$ لان شلعت كلبهم بالعملة

واي استفسار عن الاسعار اني حاضر

تحياتي


طبعا احيي في البداية كل اخواني اعضاء المنتدى ولكل من ساهم في هاذا الموضوع من معلومات مفيدة للجميع
اخواني الاعزاء واخوية سلام فد كم سؤال بلازحمة
اني ان شاء الله وبتسهيل من رب العالمين ناوي اشتري بلي3 وعندي كم استفسار
حبي هوه الفات هم متوفر لوقليل وصحيح سامع يكولون السلم هم جاي بالة اي قصدي ريفيربش وشلون واحد يعرف الريفيربش من الجديد..
وطيب اخ سلام واخوان من اقتنيتوا الموف والكامرة شلونه بصراحه مشوق بالالعاب لا اريد رايكم بصراحه.
وزين حبي بلازحمه الهارد اللي اشتريته بي 50 لعبه هوه جاهز بي العاب لو همه ينزلولك الالعاب من تشتري
طيب ومن قريت اكو بأخر تحديث كايل لازم اكو قرص يبوت علمود تشتغل اللعبة يعني مثل مجان شغلة الاكس بوكس 360 اكو قرص يبوت علمود تشتغل اللعبة..
وبصراحه محتار بين الفات والسلم صح السلم اغلى بس شوية بالصيف الغرفة مالتي حاره ولوا اكدر اخلي مروحة للبلي ذاك الوكت اذا اخذت فات بس شتكولون السلم لو الفات هم نريد رايكم ومن خبرتكم..
اخوان واكو احد هم امعامل اخر شي على اسعر البلي 3 وملحقاته والهارد يعني اخر شي ..
اعذروني على الاطالة وارجو ما اثقل عليكم ..
شكرا الكم وبار الله بيكم ابصراحه كلش تواق للبلي 3 بتسهيل من الله ابيع ال360 مالتي واخذ البلي3
شكرا الى كافة الاخوان ومشاركتهم القيمة في هاذا الموضوع
تحياتي للجميع

hussein.a.ali
03-01-2011, 02:34 PM
وينكم اخوان خو منسيتوني

سلام البطل
03-01-2011, 02:57 PM
طبعا احيي في البداية كل اخواني اعضاء المنتدى ولكل من ساهم في هاذا الموضوع من معلومات مفيدة للجميع

اخواني الاعزاء واخوية سلام فد كم سؤال بلازحمة
اني ان شاء الله وبتسهيل من رب العالمين ناوي اشتري بلي3 وعندي كم استفسار



مبروك عليك مقدما حبي
وصدك اعتبرها خصوة متميزة
لان البلاي ستشين قمة الروعة




حبي هوه الفات هم متوفر لوقليل وصحيح سامع يكولون السلم هم جاي بالة اي قصدي ريفيربش وشلون واحد يعرف الريفيربش من الجديد..



نعم تاج راسي متوفر وبكثرة بس اكو هواي فروقات بالاسعار
بين مكتب ومكتب
تعب رجليك شوية تحصل اسعار حلوة
وبالنسبة للسلم من رحت لمجمع النجاح مجان متوفر (غير موجود)

وكل الفات رفيبش لان انتاجه متوقف من سنة ونصف تقريبا
وطريقة التمييز ما عرف تعذرني




وطيب اخ سلام واخوان من اقتنيتوا الموف والكامرة شلونه بصراحه مشوق بالالعاب لا اريد رايكم بصراحه.


راح اجاوبكم بس الله عليك لا تضحك
تدري من اشغل الموف واني والجهال والمدام
نبقة نلعب وندري بروحتانة لا ساعة ولا ثنين
والله مرات ست ساعات جرة وحدة
والمصيبة هسة لتموا علينا جهال الجيران

من هاي وقيس انت





وزين حبي بلازحمه الهارد اللي اشتريته بي 50 لعبه هوه جاهز بي العاب لو همه ينزلولك الالعاب من تشتري



تلكاه جاهز منقول بي الالعاب
يعني مثل ميكول المثل سلم بلم
هههههههههههههههههههههه

نعم حبي جاهز ومنقولة اله 50-57 لعبة




طيب ومن قريت اكو بأخر تحديث كايل لازم اكو قرص يبوت علمود تشتغل اللعبة يعني مثل مجان شغلة الاكس بوكس 360 اكو قرص يبوت علمود تشتغل اللعبة..



نعم حبي
اي قرص بلي اصلي خلي بداخل البلو راي
بس يبوت اللعبة منة وانتهى الموضوع





وبصراحه محتار بين الفات والسلم صح السلم اغلى بس شوية بالصيف الغرفة مالتي حاره ولوا اكدر اخلي مروحة للبلي ذاك الوكت اذا اخذت فات بس شتكولون السلم لو الفات هم نريد رايكم ومن خبرتكم..



والله حبي اني اشوف ماكو كل فرق بالعمل
بس اذا جانت الميزانية تسمح اخذ السلم لان جديد
والفرق شوفة اعتقد بين (150-175) $ اعتقد هواي
اني عن نفسي
اخذت الفات وصديقي اخذ السلم بعدي ب3 ايام
صدكني نفس الشي
انت شوف وضعك المادي وقرر
هنا انت صاحب القرار
وبالنسبة لدرجة الحرارة اني جديد على الشغالة
الاخوان القدم مني يفيدوك





اخوان واكو احد هم امعامل اخر شي على اسعر البلي 3 وملحقاته والهارد يعني اخر شي ..



بالنسبة الى اخر روحة هي الي نشرت الاسعار
اذا الله ساتر علينا اروح بالاسبوع القادم واني بخدمتك
شلكي جديد انشره هنا





اعذروني على الاطالة وارجو ما اثقل عليكم ..
شكرا الكم وبار الله بيكم ابصراحه كلش تواق للبلي 3 بتسهيل من الله ابيع ال360 مالتي واخذ البلي3
شكرا الى كافة الاخوان ومشاركتهم القيمة في هاذا الموضوع
تحياتي للجميع



تاج راسي اني خادم ممون لكل اعضاء المنتدى العملاق
بدون ان اذكر اسماء
وخصوصا من الاخوان الي اغنوا الموضوع بمعلوماتهم القيمة
تحياتي الك والهم
وانشاء الله الكل بخير وسلامة

jon_iraq
03-01-2011, 07:38 PM
تحية لجميع الاخوان الي ساهموا بهذا الموضوع والصراحة خلوني اكثر شوق لشراء البلي واشتريت البلي والحمد لله شي خيالي و0(بفلوسه) بالنسبة لقرص البوت اي قرص اصلي لاي لعبة ممكن يشغل الالعاب وايضاً اكو تحديثات ممكن تغنيك عن قرص البوت ( لان هوااااااااااااي العاب ممكن تعمل من دون قرص بوت )
بالنسبة لهارد اني وصيت صاحبي يحصلي على هارد العاب كامل بمجموعة من الالعاب وبسعر مناسب جدااااااا مع قرص هدية .حاليا عندي جهاز السليم يعتبر ممتاز بالعمل وايضاً ( اضمن ) 250 هارد داخلي اوربي .
عندي سؤال اذا ممكن الاجابة اذا ربطت على النت اكو مشكلة ؟ اخ سلام مجرب اخر تحديث كاستم الي من خلاله ممكن تعلب اون لاين ؟
وبالاخير احب ان احيي اخ سلام والاخوان البقية وايضاً اسلم على صديقي وحبيبي ابو علي (hussein.a.ali ) مشتاقين يمعود

hussein.a.ali
03-01-2011, 09:46 PM
شكرا اخوية العزيز سلام وبارك الله بيك ومقصرت شكرا جزيلا

hussein.a.ali
03-01-2011, 09:52 PM
تحية لجميع الاخوان الي ساهموا بهذا الموضوع والصراحة خلوني اكثر شوق لشراء البلي واشتريت البلي والحمد لله شي خيالي و0(بفلوسه) بالنسبة لقرص البوت اي قرص اصلي لاي لعبة ممكن يشغل الالعاب وايضاً اكو تحديثات ممكن تغنيك عن قرص البوت ( لان هوااااااااااااي العاب ممكن تعمل من دون قرص بوت )
بالنسبة لهارد اني وصيت صاحبي يحصلي على هارد العاب كامل بمجموعة من الالعاب وبسعر مناسب جدااااااا مع قرص هدية .حاليا عندي جهاز السليم يعتبر ممتاز بالعمل وايضاً ( اضمن ) 250 هارد داخلي اوربي .
عندي سؤال اذا ممكن الاجابة اذا ربطت على النت اكو مشكلة ؟ اخ سلام مجرب اخر تحديث كاستم الي من خلاله ممكن تعلب اون لاين ؟
وبالاخير احب ان احيي اخ سلام والاخوان البقية وايضاً اسلم على صديقي وحبيبي ابو علي (hussein.a.ali ) مشتاقين يمعود


اخوية العزيز الله يسلمك ومشتاقيلك ياورد والله يحفظك ويحفظ الجميع من كل مكروه...
اكلك اخوية العزيز انته من اخذت السلم ابو 250 غيغا هارد بيش بله سعره من عاملت لأنه اريد اجيك الشغلات علمود ان شاء الله اتوكل يمكن الاسبوع اللخ لو الوراه بتسهيل من رب العالمين...

سلام البطل
03-01-2011, 11:16 PM
شكرا اخوية العزيز سلام وبارك الله بيك ومقصرت شكرا جزيلا


بخدمتك حبي
ومن تروح لا تنسى اسئل على كلشي وانشر الاسعار هنا
حتى يستفاد كل اخوانا

تحياتي

kataloni91
03-03-2011, 11:24 AM
حبي سلام البطل ممكن ايميلك على الياهو

سلام البطل
03-03-2011, 01:51 PM
حبي سلام البطل ممكن ايميلك على الياهو

دزيتة الك على الخاص
بس افتحة بوقت متاخر شوية

واني بالخدمة

hussein.a.ali
03-05-2011, 10:37 PM
السلام عليكم ورحمة الله وبركاته


طبعا اليوم رحت الباب الشرجي واشتريت جهاز بلي3 بس اليوم ما اعرف شنو الاسعار معلكه مال الاجهزة..
اشتريت جهاز فات 40غيغا محدث وجاهز اب 235 دولار من القرش ومكتب قائد نفس السعر والفات 80 غيغا اب265 دولار على كل اخذت الفات 40 غيغا وهارد خارجي 500 غيغا اب 75 دولار وبي العابوقرص مستعمل علمود تشتغل الالعاب....
وعاملت على السليم من مكتب قائد كلي365 دولار هاذا ابو ال160 غيغا غالية الاسعار بس ماشاء الله اليوم حركة موطبيعية بالشراء الله يرزق الجميع..
بس نسيت اعامل على الموفي لأنه خبصة اليوم ولو لأنه ممحسبله حساب كلت خلي ان شاء الله ابيع ال360 مالتي واشتر موفي كامل ويدة احتياطية..

عاشق المحبة
03-06-2011, 03:11 PM
بكل صراحة توفق البلي واضح على جميع الاجهزة الاخرى الموجودة و السبب هو ان الشكرة تدعم اجهزتها لمدة طويلة جدا

يعني لحد الان مع وجود البلي 3 لا يزال ينتجون العاب للبلي 2 و حتى البلي 1 رغما عن ان العاب بلي وان قليلة

على عكس شركة مايكروسوفت فانها مع تقديم جهاز جديد تنسى القديم كما حصل في الاكس بوكس الاول

ولكن هناك مشكلة الي جعلتني حاليا اتوقف عن شراء البلي 3 وهي ان سعر العاب البلي 3 مرتفع جدا

فاحب اسال الاخ سلام و الاخوة الي اشتروا الهارد الخارجي على الالعاب الي يحتويه هل هي العاب قوية و جديدة ام العاب قديمة و ضعيفة

و كيف اذا ردت اضيف لعبة معينة للهارد يعني شنو لازم اسوي؟؟؟

وهل ممكن ان اختار اني 50 لعبة الي رح ينزلوهن للهارد لو الالعاب موجدات بالهارد؟؟؟

سلام البطل
03-06-2011, 03:58 PM
السلام عليكم ورحمة الله وبركاته


طبعا اليوم رحت الباب الشرجي واشتريت جهاز بلي3 بس اليوم ما اعرف شنو الاسعار معلكه مال الاجهزة..
اشتريت جهاز فات 40غيغا محدث وجاهز اب 235 دولار من القرش ومكتب قائد نفس السعر والفات 80 غيغا اب265 دولار على كل اخذت الفات 40 غيغا وهارد خارجي 500 غيغا اب 75 دولار وبي العابوقرص مستعمل علمود تشتغل الالعاب....
وعاملت على السليم من مكتب قائد كلي365 دولار هاذا ابو ال160 غيغا غالية الاسعار بس ماشاء الله اليوم حركة موطبيعية بالشراء الله يرزق الجميع..
بس نسيت اعامل على الموفي لأنه خبصة اليوم ولو لأنه ممحسبله حساب كلت خلي ان شاء الله ابيع ال360 مالتي واشتر موفي كامل ويدة احتياطية..




شايف كل الخير حبي
بس الاسعار كلش صاعدة
اليوم راح اسحب الوصل اسكنر
حتى اذا واحد راد يشتري يتحاجج وية اصحاب المحلات بي

تحياتي

سلام البطل
03-06-2011, 04:00 PM
بكل صراحة توفق البلي واضح على جميع الاجهزة الاخرى الموجودة و السبب هو ان الشكرة تدعم اجهزتها لمدة طويلة جدا

يعني لحد الان مع وجود البلي 3 لا يزال ينتجون العاب للبلي 2 و حتى البلي 1 رغما عن ان العاب بلي وان قليلة

على عكس شركة مايكروسوفت فانها مع تقديم جهاز جديد تنسى القديم كما حصل في الاكس بوكس الاول

ولكن هناك مشكلة الي جعلتني حاليا اتوقف عن شراء البلي 3 وهي ان سعر العاب البلي 3 مرتفع جدا

فاحب اسال الاخ سلام و الاخوة الي اشتروا الهارد الخارجي على الالعاب الي يحتويه هل هي العاب قوية و جديدة ام العاب قديمة و ضعيفة

و كيف اذا ردت اضيف لعبة معينة للهارد يعني شنو لازم اسوي؟؟؟

وهل ممكن ان اختار اني 50 لعبة الي رح ينزلوهن للهارد لو الالعاب موجدات بالهارد؟؟؟



تاج راسي

ارقى واحدث لعبة للبلي 3
هي killzone 3
نزلت قبل ايام وحجمها 40 كيكا
وحاليا جاي نزلوها من الانترنيت ويلعبوها من الهارد الخارجي
منها وقيس شنو بقية الالعاب


تحياتي

عاشق المحبة
03-06-2011, 07:57 PM
تسلم اخ سلام على المعلومة بس كسؤال ما جاوبتني عليه اكدر اني احدد 50 لعبة الي اريدهن حتى ينزلوهن على الهارد؟؟؟

سلام البطل
03-06-2011, 08:38 PM
تسلم اخ سلام على المعلومة بس كسؤال ما جاوبتني عليه اكدر اني احدد 50 لعبة الي اريدهن حتى ينزلوهن على الهارد؟؟؟


نعم تكدر
بس راح ياخذ وقت اكثر
مبلغ اكبر
فقط سلمهم القائمة الي بيها الالعاب الي تريدهة
وثاني يوم تجهز

بس مراح اعتقد يحسبو 75-80 $
راح يكون اغلى
وما عرف شكد

تحياتي

kataloni91
03-06-2011, 09:13 PM
حبي سلام عندك رقم موبايل ابو محل بالعمارة؟

hussein.a.ali
03-06-2011, 10:19 PM
السلام عليكم اخوان
بالنسبة للأخ العزيز عاشق المحبة اني مثل مكلت اخذت الهارد اب 75 دولار وبي العاب بال50 لعبة والعاب حلوة وكيل زون 3 واله الحرب وميتل غير سولد واينجارتد ولو اني اكو لعبا ت مسحت لأنه لاعبه سابقا..
فد سؤال اخواني واخ سلام اذا ردت انزل لعبة على الهارد من اروح اخذ بس الهارد لو هم يحتاج الجهاز !!!!!!!
وشكرا

سلام البطل
03-06-2011, 11:04 PM
السلام عليكم اخوان
بالنسبة للأخ العزيز عاشق المحبة اني مثل مكلت اخذت الهارد اب 75 دولار وبي العاب بال50 لعبة والعاب حلوة وكيل زون 3 واله الحرب وميتل غير سولد واينجارتد ولو اني اكو لعبا ت مسحت لأنه لاعبه سابقا..
فد سؤال اخواني واخ سلام اذا ردت انزل لعبة على الهارد من اروح اخذ بس الهارد لو هم يحتاج الجهاز !!!!!!!
وشكرا


بس الهارد حبي
واذا 3-5 لعبات يتاخرن فد ساعتين
بس مو تروح لهاي المكاتب الزدحام ما البيع
مثل القرش والقائد والملك وغيرهم
روح للمحلات الي بالقيصرية خطية هذولة الي يصفنون وانت بعد دلل عليهم
ههههههههههههههههههههههه
تحياتي

سلام البطل
03-06-2011, 11:09 PM
حبي سلام عندك رقم موبايل ابو محل بالعمارة؟

اذا تقصد بمدينة العمارة
لا والله ماكو احد اعرفة هناك
واذا تريد محلات بغداد اني حاضر

تحياتي

hussein.a.ali
03-06-2011, 11:30 PM
بس الهارد حبي
واذا 3-5 لعبات يتاخرن فد ساعتين
بس مو تروح لهاي المكاتب الزدحام ما البيع
مثل القرش والقائد والملك وغيرهم
روح للمحلات الي بالقيصرية خطية هذولة الي يصفنون وانت بعد دلل عليهم
ههههههههههههههههههههههه
تحياتي
ههههههههههههههههه اشكرك حبي ومقصرت مشكور

عاشق المحبة
03-07-2011, 02:41 PM
تسلمون شباب و ما قصرتوا والف الف شكر الكم

kataloni91
03-07-2011, 08:36 PM
ههههه حبي مو مدينة العمارة
اقصد على عمارة النجاح في باب الشرقي

عاشق المحبة
03-07-2011, 10:20 PM
سؤال من الاخوة شباب اني لكيت جهاز بلي ثري بسعر 530 دولار مع الموف و الكامرة و مع لعبة كول اوف ديوتي الاصلية

بس المشكلة اني في اوكرانيا فهل هذا السعر جيد و هل تنصحوني بشراء الجهاز من هنا ام لا؟؟؟ و الكم كل الشكر و التقدير

hussein.a.ali
03-07-2011, 10:27 PM
سؤال من الاخوة شباب اني لكيت جهاز بلي ثري بسعر 530 دولار مع الموف و الكامرة و مع لعبة كول اوف ديوتي الاصلية

بس المشكلة اني في اوكرانيا فهل هذا السعر جيد و هل تنصحوني بشراء الجهاز من هنا ام لا؟؟؟ و الكم كل الشكر و التقدير

ابصراحه اخوية ما اكذب عليك اني من رحت قبل كم ذكرت الاسعار كانت مرتفعه بله كول خلي احسبها حسب معاملت
اني عاملت السلم 160 غيغا اب 365 دولار وحسب مكال سلام الموفي والكامرة اب 110 دولار صارن 475 دولار تبقى اللعبة 55دولار اعتقد زين بس هاي حسبته المجموع من رحت وعاملت قبل كم يوم
زين الحتاخذه سلم اعتيادي والهارد شكد
تحياتي ياورد

عاشق المحبة
03-07-2011, 10:35 PM
اولا اخوي العزيز الجهاز نسيت اذكر السلم ابو هارد 320 مو 160 و هذا بدون هارد لان بعدني ما قررت الهارد

hussein.a.ali
03-07-2011, 10:39 PM
اولا اخوي العزيز الجهاز نسيت اذكر السلم ابو هارد 320 مو 160 و هذا بدون هارد لان بعدني ما قررت الهارد
ابصراحه اخوية اوكي جهازك سليم هارده 320 غيغا والله اشوفه زين سعره هوه والموفي والكامرة واللعبة الاصلية من ناحيتي اكول اتوكل على الله واخذه بس هم شوف باقي الاخوان يجوز اكو فد اختلاف بالسعر فد شي فايت علينا مذاكري
تحياتي ياورد وتدلل

عاشق المحبة
03-07-2011, 10:43 PM
ابصراحه اخوية اوكي جهازك سليم هارده 320 غيغا والله اشوفه زين سعره هوه والموفي والكامرة واللعبة الاصلية من ناحيتي اكول اتوكل على الله واخذه بس هم شوف باقي الاخوان يجوز اكو فد اختلاف بالسعر فد شي فايت علينا مذاكري
تحياتي ياورد وتدلل

تسلم يا اخوية العزيز و ما قصرت بس المشكلة اني طالب و رح ارجع ان شاء الله بشهر السادس فاحب اعرف

اذا رجعت عادي اكدر اشتريله هارد ابو الالعاب و اشغله عليه و اسف لان طولت و ازعجتكم بكثرة الاسئلة و تحياتي

hussein.a.ali
03-07-2011, 10:58 PM
تسلم يا اخوية العزيز و ما قصرت بس المشكلة اني طالب و رح ارجع ان شاء الله بشهر السادس فاحب اعرف

اذا رجعت عادي اكدر اشتريله هارد ابو الالعاب و اشغله عليه و اسف لان طولت و ازعجتكم بكثرة الاسئلة و تحياتي
اباب الشرجي يحورون الجهاز ينزلوله تحديث ب 15 الف وتشتري هارد خارجي بي 50 لعبة جاهزة بي اب 75 دولار
وشتحاتاج اللي اعرفه ما اقصر عن الجميع تحياتي ياورد