ليش الرجال يحبون الطويلة والبيضا [الأرشيف] - دجلة نت ::: ملتقى شباب العراق

sabawi

09-19-2006, 09:35 AM

صباح الخير
http://www.66n.com/forums/images/smilies/11istling.gif
http://www.66n.com/forums/images/smilies/11istling.gif صراحه مستغربه من هالشرط

كل ماسمعت احد يدور زوجه -------------------اول شرط اسمعه,,,,ابيها بيضاء وطويله !!!!!!!!!!!!!!!http://www.66n.com/forums/images/smilies/11ld.gif

حتى المتعددين وكبار السن اذا بغوا يتزوجون اسمع,,,,ابيها بيضاء وطويله !!!!!!!!!!!!!!!http://www.66n.com/forums/images/smilies/11ld.gif

كل ماسمعت وحده تمدح بنت ----------------- او شي اسمعه ,,,ابيها بيضاء وطويله !!!!!!!!!!!!!!!http://www.66n.com/forums/images/smilies/11one.gif

دخلت مواقع الزواج لقيت هالشرط اساسي من الرجال ,,,ابيها بيضاء وطويله !!!!!!!!!!!!!!!http://www.66n.com/forums/images/smilies/11bb.gif

الغريبه في ناس من دول افريقيا وحاطين هالشرط بطلباتهم http://www.66n.com/forums/images/smilies/120103_emTE46_prv.gif

على كذا ماراح يتزوجون البنات الاخريات http://www.66n.com/forums/images/smilies/11mmer3.gif

اتوقع هذا من تأثير الفضائيات على شباب الامه

المعماري النبيل

09-19-2006, 03:47 PM

طبعا اني همين اسمع هذا الكلام هوايه يكولون طويله وبيضا صحيح اكو هيجي حالة بس عندالعراقيين ما تفرق مشكورين على الموضوع

Witness

09-19-2006, 04:54 PM

والله سؤال يطرح نفسة
وتلكين حتى الي يريد بيضة وطويله ميعرف
ليش
وبالتالي يوكع بوحدة عكس الي يريده

بغـــــداد لا تتألمـــــي

09-19-2006, 05:54 PM

كل شخص يريد يحقق الي يتمناه بس بالاخير ياخذ الي ير سمة القدر الة..

Miss. Arch

09-19-2006, 05:57 PM

فهموني شنو الفلم ؟ هالايام هواية اشوف هيج مواضيع ::55::

المعماري النبيل

09-19-2006, 06:09 PM

مس ارك الوضعية كله هيجي

Miss. Arch

09-19-2006, 09:48 PM

مس ارك الوضعية كله هيجي

زين كلتلي ::55:: ::55::

نسمة عراقية

09-19-2006, 11:20 PM

ههههههههههههه .......
شبيج مس ارك .......
ليش دايخة اختي الوردة .....

ما عاش اللي ايدوخج ...

اما بالنسبة للموضوع ....هو المشكلة انه صدك وليش....؟؟؟ متدري ......
بس ترة سالفة اتضحك مو ؟؟
اصلا اكو بنات سمر احلة مليون مرة من البيض اللي يطلعون من بياضهم اصلا بلا لون .......

مو بله ؟؟
بس ترة اني بيضة مو سمرة ( حتى لا تكولون هاي ليش نازلة حدرة عل بيض )
والبيض يعني البيض مو ......... البيض هذا اللي ايطلع كتاكيت ......

candle1979

09-19-2006, 11:43 PM

والله اني بالنسبه الي ما احب تكون نصي الحلو بيضه كلش ولاسمرة زايد ... يعني اتمنى تكون لون خمري .. يعني ابيض مسمر شويه ... بس هوه قبل كل هذا وذاك .. اكو شي اسمه القسمه والنصيب .. واني خايف بس لا تكون اللي من قسمتي اني احلى من عدهه .... هههههه

Unity of iraq above all

09-20-2006, 12:06 AM

ديرة علساس همة شلونهم ههههههههههه::56::

ههههه بس شنوووووو
صحيح كلهم يتطلبون
وبعدين
خوش ركعة ينركعون ::52::

حارس الارض

09-20-2006, 07:03 AM

اعصابك عيني يونتي ( ما ادري انت ولد لو بنية ) بس اني اكول المهم التوافق بناتهم
اني من الناس جنت اتمنى ان الكي وحدة طويلة بس من حبيت لكيتني احب بنية كصيرة شنو يعني ؟؟؟
المهم اني احبهه مو بالله اخت نسمة لو مو مو ؟؟؟

اسير عينيها

09-20-2006, 07:08 AM

ديرة علساس همة شلونهم ههههههههههه::56::

ههههه بس شنوووووو
صحيح كلهم يتطلبون
وبعدين
خوش ركعة ينركعون ::52::

اي وهسه البنات ماعدهم شروط تخرب من الظحك

اي مو هو بس الولد يركعون البنات متركع

Miss. Arch

09-20-2006, 10:19 AM

ههههههههههههه .......
شبيج مس ارك .......
ليش دايخة اختي الوردة .....
لا دايخة و لا شي على شنووو بس هو استغراب شوية لأن اطلع من هالموضوع اشوف مواضيع تشبهه هنا السبب ::237::

ما عاش اللي ايدوخج ...
تسلمين يا وردة ::51::

اما بالنسبة للموضوع ....هو المشكلة انه صدك وليش....؟؟؟ متدري ......
بس ترة سالفة اتضحك مو ؟؟

اي تضحك والله ::2::
اصلا اكو بنات سمر احلة مليون مرة من البيض اللي يطلعون من بياضهم اصلا بلا لون .......

مو بله ؟؟
طبعا كلامج جدا صحيح

بس ترة اني بيضة مو سمرة ( حتى لا تكولون هاي ليش نازلة حدرة عل بيض )
والبيض يعني البيض مو ......... البيض هذا اللي ايطلع كتاكيت ......

حتى انا نسومة::55::

شكراا نسومة

hany_selama

09-20-2006, 10:54 AM

والله مثل ما كالو الاخوة : عند العراقيين ما تفرق
لان انبل نساء هن العراقيات
وموضوع كللللللللللش حلو وووووو عاشت الايادي

بسمة حزن

09-20-2006, 01:21 PM

واللة صحيح هي قسمه ونصيب والله الي قاسمة هو الي ايصير
واني اعرف ناس جانوا ايريدون وحدة بيضة ولازم شعرها اصفر وعيونها ملونها ولمن حب و ازوج وحدة سمرة وعيونها سود وشعرها اسود

زكي

09-20-2006, 02:45 PM

اني عبالي الموضوع دعاية على الثلاجات ..........

لأن محتاجين ثلاجة للبيت ........

بس بعدين طلعت على البنات ........ بس اني اريدها بيضة و قصيرة

و على كولتكم هية قسمة و نصيب

بغـــــداد لا تتألمـــــي

09-20-2006, 07:39 PM

اني اعرف واحد اهلة جانوا يكولون لازم ياخذ وحدة بيضة وعيونهة ملونة وطويلة وجسمهة حلو..
بعدين اخذ وحدة كصيرة وضعيفة وعينهة عادية وسمرة .. يعني بالعكس تماما..
يابة والله قسمة وطرح قصدي قسمة ونصيب..

sweetysara

09-20-2006, 07:52 PM

هلو مو شرط.. البنية جمالها مو بلونها اكو بيضات محلوات واكو سمرات جذابات وحلوات والعكس موجود احلى شي بالجمال انه مالة حدود كل حلو اكو احلى منه وماعتقد اكو احد يكدر يحكم من ناحية اللون ....... الطول اي ممكن لان البنية الي طولها مناسب تحتاج ولد طولة مناسب ........ المهم احنة البنات هم ندور شباب بيض وطوال ........ ويبقى الجمال جمال الروح والاخلاق ...........اضافة للشكل طبعا ......

وعاش السمار العربي الجذاب (متحيزة اني )........دا شاقة

نسمة عراقية

09-20-2006, 07:53 PM

تسلميلي مس ارك .......
والله انتي الوردة ..........

نسمة عراقية

09-20-2006, 08:00 PM

اخوية حارس الارض .......
اشو انداريت عليه ؟؟
اكو شي؟؟

بس هو اكيد كلامك صح ...
لانه مثل ميكولون القلب وميريد ...
ومرات الشغلة لا بالشكل ولا بالطول وانما بالطبيعة الحلوة والعشرة والاخلاق والتوافق ....
ويكفي الواحد انه يلكة شخص يحترمة ويقدرة ساعتها تسوة الدنيا ومابيها ......

وبعدين يا جماعة اذا عل بياض باجر هذا البياض كلة ايروح وتجعد ...
واذا كان عل طول بتجر الظهر ينحني ويتكسر ...
ومتبقى غير الذكرى الحلوة عن العشرة الحلوة ...

دوختكم ادري ... بس ميخالف تتحملوني ؟؟

سلاااااااااااااااام ...
والله ايوفق الجميع ....

حارس الارض

09-20-2006, 10:40 PM

لا عيني اخت نسومة لا انداريت عليج ولا شي بس انتي جنتي اخر وحدة معلقة فرديت عليج
لا اكثر ولا اقل بس بعد لتكولين اني دوختكم لان صدك دوختينة ( دا اتشاقة )
واذا الج ما نتحملج لعد المن نتحمل صدك جذب ؟؟؟؟

نسمة عراقية

09-20-2006, 11:08 PM

تسلملي يا وردة .......

بعدين يا حارس مو اني مرات احجي ( بين قوسين الغي ) هواية ...
واخاف اطول بالحجي ويمكن اتفلسف زايد , لذلك ااخاف انه دا اضوجكم ...

وهاي هية الشغلة لا اكثر ولا اقل ...

ووووووو سلاااااام .......

Witness

09-21-2006, 12:18 AM

اهو اشورطني ودخلت ورة نسمة لالا ميصير
مو حاله هاي مو وضعية ليش هيج ديصير بيه
شلون يعني ما اخلص يمكن راح انتحر اولالا راح يصير شي
يا ستار يارب
استر يلي بتستر
هو شنو الفلم
نسمة ليش كل المواضيع تكلبيها عركات لييييييييش
وثاني شي كلها خلقت الله ليش تحجين على البيض هاااااا
سامحها يا ربي

حارس الارض

09-21-2006, 08:24 AM

هاي شبيك وتنس ترة الي يحجي على اختي نسمة والله والله
ميدري شاسويلة .... اطبك ويا...

نسمة عراقية

09-21-2006, 08:47 AM

هههههههههههههههههههه ..........

هلوووووووووو بيك وتنسسسسسسس ....
شبيك عمي شفت بعبع لو شفت بعبع ... لو جمبوا الجبار طلعلك من القمقم ؟؟
اتريد تتكافش وياية ؟؟ يا اهلا وسهلا ( بس شتكول ادز على ليدي ام الاحمر لو اخليهة بيناتنة بس) ؟؟؟

( لاوالله دا اتشاقة لاتروح تاخذهة جديات ,اصلا ما اكدر عليك حبايبك هواية هنا وبكل مكان مو ؟؟ )

بس ترة اني هم وراية ظهر ؟؟ اولهم الحارس مو عمي الحارس ؟؟
وتسلم يا وردة ...

بعدين وتنسسسسسسسسسس ... مو تدري بيه اشلون سودة فحم , تكول مشتغليني تحبير فعيني عل بيض مو ؟؟

نسمة عراقية

09-21-2006, 08:48 AM

هههههههههه ...

هم اشكد الغي ...

ೋ ياقوتـــة دجــلة ೋ

09-21-2006, 09:50 AM

والله سؤال يطرح نفسة
وتلكين حتى الي يريد بيضة وطويله ميعرف
ليش
وبالتالي يوكع بوحدة عكس الي يريده

والله صحيح

بس برأيي حتى البنات قسم يفضلون الاسمر وقسم يفضلون الابيضاني وتاليها الي تفضل الاسمر تتزوج الابيضاني سبحان الله اله بيها حكمة...........