السيرة الذاتية للاعضاء المغتربين [الأرشيف] - دجلة نت ::: ملتقى شباب العراق

Mus6afa

09-19-2006, 05:29 AM

السلام عليكــم

اللهم يارب السموات والارضين أحفظ أخواننا العراقيين في كل مكان ....

دمعت عيني ... وذاب قلبي .... وتألم صدري
على موضوعكم المؤلم جداااً
الحقيقة أخواني اني مو مغترب بس من أسمع اخباركم واشوف كتاباتكم أحزب والله والله
لان أني ببلدي وأحس بغربتكم .... بس ماكو غير الواحد الاحد اللي يصبركم
واني اكول الكم عندي معلومة الكم
قال عليه الصلاة والسلام
(الصبـــر مفتاح الفــرج) صدق رسول الله
الصبر الصبر أخواني فالفرج قريب

أخوكمــ

النورس المغترب2006

09-19-2006, 06:23 AM

لو تدري اشلون اريد اريد اشكرك............. ما راح اكول بس شي واحد

الله يوفقك وينجحك بحياتك يا غالي قناص الحب اخوية االغالي

ساسوكي شايل سيفه

09-19-2006, 09:31 AM

مشكور حبي اني اسمي محمد زنكنه مهندس حاسبات ليش لديه بلد اقيم فيه صاير مثل سندباديوميه بلد وحالين في عمان ابقه شهر واسافر الى دبي هوايتي اكو غير الانترنيت ومشكور حبي النورس

ೋ ياقوتـــة دجــلة ೋ

09-19-2006, 10:36 AM

شكرا اخي نورس عالموضوع............

اني تخرجت هالسنة من التكنلوجية هندسة مواد ومقيمة بتركيا للابد......................

الله يصبرني على فراق التكنلوجية

نور الرافدين

09-20-2006, 10:58 AM

هلا النورس وش هالغربة الي ذبحتنة فيها انا بصراحة ما احس بغربة
لان لانولدت بهل بلد وعشت فية واهلي كلهم فية
بس حقك كل الي يغتربون اول مرة جي يقولون
اقووووووووووول انت وين مغترب اذا بالامارات
بسم الله عليك من الغربة نص الشارجة عراقيين يا بعدي
واذا على البلد فهي ضروف وتفرج انشاء الله وترجع

خلك ايزي
تحياتي

البغدادي

09-24-2006, 12:18 PM

اولا شكرا على الموضوع الحلو

اني عمري 16 سنة مقيم بالاردن - عمان طبعا خامس اعدادي ((علمي ))صارلي 6 سنوات خارج العراق وطبيت بالسابعة وطاكة روحي من الغربة ومشتاق لكل شي بالعراق حتة لطفية الكهرباء اتمنى يصير الوضع زين حتى ارجع هواياتي :- طوبة وطوبة وطوبة ونت

نوره رمش العين

09-25-2006, 04:29 PM

مشكووووووووووور على الموضوع يسلموووو

انا نوره رمش العين
عمري20 سنه
كنت::27:: اعيش بكربلاء المقدسه
نجحت من السادس علمي بمعدل 83 السنه ومنتضره القبول
اخر يوم من امتحاني وهو كان الفيزياء بنفس اليوم بالليل سافرت وانا حاليا اقيم بالنرويج وهنانه بدى الصراع
والله لو تدرون شكد قهر وفراك محد يتمنى يسافر عن الجنه
ياناس العراق حنه ومحد حاس بيه رغم كول هذا اللي صار بيه بس جنه والله جنه

وراح اللغي كولشي وارجع
الى العراق امي وترابه ابي

اوختكم دوووم مو يوووووم

bint Dijlh

09-25-2006, 04:57 PM

أختي هلا بيج وحياج الله
وياريت العراق بخير وسالم ونرجع أحلى من العذاب الي عايشيه بفراك الأهل والأحباب
تحياتي لكِ

حنونه

09-26-2006, 12:53 PM

اولا مشكور نورس على الموضوع
اني عمري 16 سنة و صارلي ست سنين بالغربة مقيمة بليبيا و نتمنى و نحلم باليوم اللي يصير بيه العراق على احسن و ضع حتى نرجع لان ملينا من الغربة و مرارتها
تحياتي لكم
شكرا

The Promise

09-26-2006, 03:03 PM

اخر يوم من امتحاني وهو كان الفيزياء بنفس اليوم بالليل سافرت وانا حاليا اقيم بالنرويج وهنانه بدى الصراع
والله لو تدرون شكد قهر وفراك محد يتمنى يسافر عن الجنه
مع احترامي الشديد اختي ليش ماترجعين للجنة ؟؟؟ سؤال مو اكثر

النورس المغترب2006

09-26-2006, 03:35 PM

شكرا لكم على الرد تحياتي لكم جميعا

نوره رمش العين

09-30-2006, 09:11 PM

النورس المغترب2006

09-30-2006, 10:56 PM

شكرا لكم جميعا على الرد

The Promise

10-01-2006, 12:29 AM

اخي ومنو كالك اني ماارجع هسه حاجزه على الطياره وراجعه هههه

مو حسبالك بس حجي؟لالالا متوهم

اي خوش لعد ::14:: ::14:: ::14:: ادري مو بس حجي ................::52::

نوره رمش العين

10-01-2006, 02:52 PM

اخويه صحيح اني بنت بس عند
كلمتي ارجع يعني ارجع
وانشاء الله اول يوم من دوام الكليات

وانتظر مشاركتي من الجنه اوكي

اختكم دووووم مو يوووووم

alanazea2006

10-04-2006, 05:56 PM

انشالله العراق يصير زين من تصفا القلوب والنياة

بســ وطن ــمة

10-04-2006, 06:50 PM

بســ وطن ــمة

22

معماري

الرسم , سماع الميوزك , قراءه الشعر , قراءه الكتب المختصه بالسير الذاتيه

و قراءه القصص العاليمه و الروايات المستوحاه شخوصها من الحضاره اليونانيه ::39:: ::39::

شكرا نورس

جنـون

10-04-2006, 09:42 PM

اي ليش لا..اني عراقيه..عمري 20 سنه..عايشه بهولندا..هواياتي..والله هوايه وكل يوم شغله شكل..!!!
اختصاصي..صيدله..سنه ثانيه.. هع هع..حشاشه يعني؟ لالالالالالالالالالالالالالاع هع هع
مشكور على الموضوع..!
:
:
جنونه

عراقيه مغتربه بالاردن

10-07-2006, 10:02 AM

اولا شكرا على هذا الموضوع الحلووووووووووو
اني عمري 16 سنه يعني صف خامس (علمي)وصارلي 3 سنين بالاردن راح يصير 4 سنين
وكلش ضايجه من وره الغربه لان العراق جننننننننننننننننننننننننه
ومشتاقه الكلشي بالعراق
بس شنسوي الظروف جبرتنه عالغربه وان شاءالله تتحسن الاوضاع ونرجع كلنه للعراق
وهوايتي الرياضه-النت-السباحه (احلى شي بحياتي)

ياسمينه

10-09-2006, 01:21 PM

يسلمووو عالموضوع اني عمري 21 سنه عايشه باستراليا وادرس multimedia والصراحه مو هواي احس بالغربه لان اني من زمان باستراليا بس اكيد ابقى احن للعراق

تحياتي

الغراف

10-09-2006, 11:32 PM

تحياتي لكم من مدينة فرانكفورت الالمانية وارجوا ان تقبلوا بي كعضو في هذا المنتدى المتألق دائما.طبعا سوف اشاركم في جميع اقسام المنتديات الاخرى.

اني صارلي 10 سنين متغرب ولم افقد الامل بالرجوع للعراق منذ سقوط صدام اللعين وداعيا من الله ان يرحم العراق بعطفه وارجع الى شاطئ الغراف باسرع وقت

تحياتي

BroKeN

10-11-2006, 02:22 AM

هاي شنو باربي انتي خطيره اخطر مني
لاتخافون علي اني اخوكم دايح بالسويد عمري 20 سنه
صارلي 10 اشهر افتر بالسويد يله حصلت الاقامه وتالي متالي
قبل اسبوع سحبوها مني لاني تعاركت وياهم تعرفون ليش
اني اكلكم ليش اني صاري شهرين مهجول من مكان لمكان
ما خليت مدينه بالسويد الا وقدمت بيها على سكن ورفضوني كلهم
شهرين اني عايش بالاسود والشباب المغتربين يعرفون شنو يعني عايش بالاسود
طبعا راتب ماكو بحجه اني دا اكمل بالمعاملات واني الحمد لله ما محتاج فلوسهم
عندي خير من الله ومن رزقه المهم من رحت عليهم راجعتهم كالو انته كلشي ما الك
لا سكن و لاراتب ولا مدرسه واحنا بأنتظار تعليمات جديده هذا الكالولي اياه وانتي تخبلت
صيحت وهوست وكلبت الميز مال المسؤله مالتي انتهيت بالمركز وثاني يوم محكمه امرت
بسحب اقامتي واعاده النظر في قضيتي و تغريمي راتبي الشهري لمده ثلاثه اشهر
واني حاليا كاعد اب بيت عمي بالدنمارك هاي التفاصيل احب اكولها حتى لاحد يكول
نياله عايشه بالجنه وحتى لا احد يفكر بترك العراق ويتغرب بالنسبه لهواياتي استخدام الانترنت و الرسم والكتابه و اهم شي لعب كره السله
وللعلم اني اتكلم فرنسي وانكليزي بريفيكت وحاليا دا اتعلم سويدي منا ومنا والله كريم عالباقي
تحياتي الكم كلكم وبالاخص صاحب الموضوع الكريم

adolf hitler

10-12-2006, 04:33 AM

مع العلم اني ما مجرب الغربه بس الله يساعدكم
شكرا جزيلا ....ننتظر المزيد

القلب ودمعته الحمراء

10-12-2006, 12:29 PM

قناص الحب انت ولا اروع والله العضيم هوايه عجبتني
بغداد انتي لمن تبقين في اخر زمانك اهلك يقتلون
بغداد لو كان الحب كلمات لنفذت احباري لكن الحب ارواح توهب فهل تكفيك روحي يا بغداد

Anmar m

10-12-2006, 09:04 PM

هلووووووو اني انمار و اني موجود بمصر و اتصور انه مراح اكدر ارجع يعني راح ابقها بيها لانه اني منتظر الاوضاع تستقر بالعراق علمود ارجع
و اني اتخرجت هالسنة من الجامعة التكنولوجية هندسة الحاسبات و تكنولوجيا المعلوومات

النورس المغترب2006

10-12-2006, 11:35 PM

شكرا الك يا جنون وبسمة وللاعضاء كلهم

::27:: ::14::

ياسمينه

10-13-2006, 11:00 AM

asiacellgsm

10-13-2006, 11:14 AM

السلام عليكم ورحمة الله وبركاته

مشكور اخي على الموضوع الجميل

عمري 24 ومقيم حاليا في قطر من سنة تقريبا،،،، ادرس حاليا هندسة طيران
واحس ان الغربة مثل تجرع السم مجبرا..... اتمنى ان يرجع العراق موحد ويسوده الامن والامان من جنوبه لشماله ويرد كل مغترب لاحضان الوطن الجريح ويتوقف نهر الدم في بلدنا الغالي

اسطورة الحب المستحيل

10-15-2006, 06:24 PM

شكرا نورس على الفكرة
انا اسمي تاج الدين
العمر 18
انا هسة بصف للتعلم اللغة النرويجية في النرويج
وانا هوايتي كرة القدم بالدرجة وبالدرجة الثانية البرمجيات يعني الكومبوترات
وانا مقرر مستقبلي مهندس حاسبات

ammar

10-19-2006, 08:00 PM

هلووووووووووووو

اسمي عمار الشمري
25
مهندس مدني
حاليا اعمل بالامارت

ساكن بعجمان

المغترب *العراقي

10-19-2006, 09:58 PM

شكرا على الموضوع
هلو شباب اني اسمي عمرو طه جريج كلية الفنون الجميلة اعمل مع والدي باتجارة كنت بدبي بشارع الشيخ زايد وحالينا بمصر وتحياتي للكل

رماد الذكريات

10-24-2006, 12:46 AM

السلام عليكم
اول شي احب ان القي التحية على كل الاعضاء ، شباب وبنات بدون استثناء
وثاني شي اعرفكم بنفسي وان صغرت
انا اوس الراوي ، عراقي مقيم في مصر ، خريج الجامعة التكنولوجية قسم هندسة المواد ، وتخرجت سنة 2004 ، صارلي هنا سنتين واربع ايام من تاريخ كتابة هذه الرسالة . وعمري 24
وهذا كل شي.

الغربة وصلة بور ما بيها ثمرة تستنة غيم الصيف يمطرلة كطرة
الغربة ساحة خيل ومزامط رجال واليطب بيها بزود كون اصلة خيال

bashory

10-24-2006, 05:39 AM

اني بشار الامين الملقب ببشار الاشقر رغم اني لا اشقر ولا ابدا
مقيم بالسعوديه بالتحديد الطائف
مواليد 10/11/1991/م
بالاول ثانوي مادري شتسموه
هواياتي بلياردو ونت

daneez

10-24-2006, 10:22 AM

شكرا اخي نورس عالموضوع............

اني تخرجت هالسنة من التكنلوجية هندسة مواد ومقيمة بتركيا للابد......................

الله يصبرني على فراق التكنلوجية
شلونج عاشقة النورس
اني هم عراقية تركمانية عايشة في استراليا ممكن نظل على اتصال::26::::51::

lyo

10-24-2006, 11:10 AM

thank you iam laith al-iraqi from E and study in msa university and my hoppies it's football and internet

العراقي مروان

10-26-2006, 10:46 AM

السلام عليكم
اني مروان من كربلاء المقدسة خريج سادس اعدادي بمعدل 80% انقبلت معهد تقني ؟؟ وتخرجت منه والحمد لله ...... والله حاليا اني راح اغترب في اوكرانيا للراسة
والله يكون في العون هي اول مرة اطلع خارج العراق صعبة مو ؟؟
بس شنسوي هذي الله او هذي حكمتو على كولت المصريين

سولانج

10-26-2006, 04:16 PM

اني اسمي شهد وعايشه بل الامارات حاليا وياريت ارجع واشوف العراق وبغداد اني مو كلش جبيرة اني صغيرة وادرس بعدني وهواياتي النت والسباحة
شكرا على الموضوع

الطـ الجريح ـائر

10-26-2006, 07:05 PM

اسمي احمد
بغداد 6/5/1982
حاليا " ســـــــــــوريا "
طالب فنون تشكيلية / قسم الرسم
* اعمل في صيانة الحاسبات
* لدي ممارسة في الفوتوشوب " تصاميم + تصوير"

wamedh alaraqi

10-29-2006, 09:18 AM

شكرا يا نورس اني وميض العراقي ساكن بدبي من سنتين بس وخلصت السادس علمي بدبي وهسه راح اسافر لليمن اكمل دراسه طب جامعه العلوم والتكنلوجيا

زهــــــراء القلـــوب

10-29-2006, 11:44 AM

السلام عـــــليكم

اني اسمي زهراء
طول عمري مغتربة ولا عمري شفت العراق لو زرته ادعولنا بركت الله بلصيف نروح زيارة
مقيمة حاليا بلنرويج مدة 7 سنين ونص وقبلها جنت بلبنان 5
عمري 15 سنة ونص
اصلي بصراوية
هواياتي قــــــــرائة الروايات وكتـــابة الخواطر وقليل الشعر
اكوللكم سر(( اموووووت علطوبة كلش احبها جنت العب هوااااااااااااي قبل بس تحجبت بعد ممنوع صرت جبيرة خخخخ)))
امممممم بعد شنو اكول؟؟؟؟؟

حلو الموضوع ولاحظت هواي اعضاء من النرويج

الفراشه المغتربه

11-02-2006, 07:16 AM

لسلام عليكم شباب انا سجلت لتو وجديده اتمنى ان اكون خفيفه الظل عليكم (انا اول مره اسجل في منتدى ولا اعرف اي شي واتمنى انا تساعدوني بس شون ما اعرف )

بــدر الزمــان

11-02-2006, 10:03 AM

لسلام عليكم شباب انا سجلت لتو وجديده اتمنى ان اكون خفيفه الظل عليكم (انا اول مره اسجل في منتدى ولا اعرف اي شي واتمنى انا تساعدوني بس شون ما اعرف )
اهلا وسهلا اختي
ونرحب فيك بدجلة نت بين اهلك واخوانك
واي شئ تحتاجيه كل الاخوة هنا طيبيين وما يقصرون بالمساعدة

بــدر الزمــان

11-02-2006, 10:21 AM

السلام عليكم

بداية اتشكر من الاخ الكريم على هذه البادرة الطيبة
وبالنسبة لي:

انا مقيم بالسويد
وعمري 21 سنة
وادرس في الجامعة
وقد تركت الدراسة لسنة بسبب المرض عافانا الله واياكم
هواياتي كثيرة الا ان اكثرها ممارسة هي القراة

شكرا لكم مجددا

عُلا دي ميلو

11-08-2006, 07:48 AM

شكرا ع الموضوع!!
اسمي علا
الدولة النرويج 8سنين
الاختصاص اعدادية(17سنة)
الهوايات
enrique iglesias
احبك يا عراق!!!!!

حسن قباني

11-08-2006, 10:25 AM

بالبداية احب اشكر صاحب الموضوع

السيرة الذاتية

الاسم : حسن قباني
محل وتاريخ الولادة : بغداد / الاعظمية 8 / 9 / 1984
المهنة : رجل اعمال
الهواية : كتابة الشعر العربي الفصيح (بل اكثر من هواية )
الاقامة : سوريا / دمشق

اتمنى ارجع لبلدي لكن بخروج الامريكان والصفويين واليهود وكل الطامعين بخيرات بلدي العراق

قصيدة تعبر عن شوقي لبغداد من اخر كتاباتي

بغــ((حبيبتي))ــداد
************************
إليك ِ ياأميرة َ العشــــق ِ والأشـــــواق ِ
أرسم ُ كلماتي من قلبي و أعماقــــــــي

يامـَنْ علمتني أصول الكـــــــــــــــــلام
ألهميني إذاً .. ياقِـبلة العشـــــــــــــاق ِ

بماذا أكتب ُ في دواوين الهـــــــوى ؟؟
فحبك ِ لايكفيه ِ حبري وأوراقــــــــــي

أعشقك ِ عشقا ً تمادى دستورَ الهوى
وتعدى حدود القانون والميثــــــــــاق ِ

بحثت ُ عَمـنْ يشابـه ُ حسنـــــــــــــك ِ
لكني ,, لم أجد بجمالك ِ على الأطلاق ِ

وجئـتك ِ كالطيـر ِ يقصـدُ عشـــــــــه ُ
وتلاقتْ الشفتـان بعدَ فـــــــــــــــراق ِ

نهداك ِ .. (( دجلــة والفــــــرات ))
ينسابان كالدمع ِ في الأحـــــــــــــداق ِ

صباحك ِ.. ليسَ لهُ مثيـــــــــــــــــــل ٌ
وعيناك ِ, كنور الشمس في الأشـراق ِ

لاتعذليني إن تغزلـت ُ بغيــــــــــــرك ِ
فما زالَ بقلبي شيءٌ من الأخــــــلاق ِ

أتوق ُ لعبير صباحـــك ِ , وزقزقـــة
العصافيـر في حارتـي وزقاقـــــــــي

إشتقـت ُ لسحـر ِ سماءك ِ , ولقمرك ِ
يسامــرُ القباب َ والأســـــــــــــواق ِ

شيدت ِ يابغــدادَ مسلــــــة ً لــلأدب ِ
وعاصمة ٌ للعلم ِ , عريقة ُالأفـــــاق ِ

أسسـت ِ وحــــدك ِ مملكــــــــــــــة ً
ترتاح ُ بين الاعنـاب ِ والــــــــدراق ِ

وبقيت ِ أنت ِ قلعة للحضـــــــــارات ِ
وتبقين َ دوماً عظيمة َ الأعـــــــراق ِ

ماذا سنهدي من فدتنا روحهـــــا ؟؟
فأنسابت ْ مثل العطر ِ في الأعنــاق ِ

غدرنـاك ِ ياجوهـرة َ التأريـــــــــخ
ففاضتْ دِماءَنا أنهـر ٌوسواقـــــــي

أنهضــي وعـودي لـِفــــــــــــؤادي
وفـك ِ عن جسدي هذا الوثــــــــاق ِ

هـَلميْ إليَ,وأطفأي جمرة َالمشتـــــاق ِ
هـَلميْ إليَ,وأطفأي جمرة َالمشتـــــاق ِ
***********************
شعر
حسن قباني
بغداد
29/شعبان/1427هـ
22/أيلول/2006 م

fbalnaimi

11-10-2006, 08:59 AM

no place like our homeland

no one love u like our people

i miss my homelnad

i miss my family

i miss all my friends

god save iraq

dr.firas
malaysia

شجــن العراق

11-13-2006, 07:10 AM

شجن العراق .. رســل النعيمي
العمر 24
الدراسة / اداب عربي - سنة رابعة
الاقامة : قطر - الدوحة / منذ اكثر من ست اعوام ..

امنيتي ان ارجع بأي حال من الاحوال ..

الهوايات : اي شي يتعلق بالفن والاحساس ..

الطـ الجريح ـائر

11-13-2006, 05:18 PM

يسلمو اخينا " قناص " على الموضوع الجميل ... شيئ جميل ان نمر على السيرة الذاتية للاخوة والاخوات ونطلع عليها ... عسى ان ننسى بعضا من همومنا .. وتتآلف قلوبنا ..

احمد عبد الجبار
1982 بغداد
* طالب " فنون تشكيلية " في بغداد واضطريت لترك الدراسة بسبب الظروف الامنية التي اضطرتني للسفر ..
* الرسم ... هي اغلى هواياتي .........................
* التصوير الديجيتال .. اذ عملت كمصور ... وفي برنامج الفوتوشوب لفترة مما اكسبني بعض الخبرة في التصميم ...
* لدي خبرة " ميدانية " في الحاسبات وعملت على برنامج الوورد لفترة ...

مقيم في "الجمهورية العراقية السورية " بجرمانا ... منذ فترة ليست ببعيدة بسبب الظروف الامنية ..
وليس لي الامل في الرجوع الى العراق " رغم شوقي وحنيني " الى بلدي وناسي واهلي وخاصة امي العزيزة ... الا بعد ما تتصافى القلوب وتتكاتف الايادي ونصير ايد وحدة ويرجع العراق وبغداد الى احلى وافضل مما كانوا عليه ... ياااااااااااااااااااااا رب ... كولوا آمين .. آميييييييييييييييييييييين ..

اتراني في حمى ارض اهلي غريبة .. وهم اغراب ٌ مثلي على ارض ٍ سليبة

تحياتي للجميع ... ويارب كل طيور الحب ترجع الى اعشاشها ...

queen_of_shadow

11-14-2006, 10:04 PM

و الله اني هنا ببغداد بس كلش احس بيكم لان مجربه اللي حولي كلهم سافروا و هاجروا

و ما اكول غير ان شاء الله رب العالمين يفرجهة على العراق و العراقيين و يرجعون لبلدهم

كولوا اميييييييييييييييييييييييييين

الافعى السامة

11-15-2006, 11:17 PM

والله اني ما صارلي غير شهرين بسوريا واتمنة ارجع واكمل دراستي بالتكنلوجيا اني عمري 20 علوم حاسبات قسم برامجات واسمي نادية والله ما صدكت هستوني ناتجحة للثاني وتالي اسافر وما اعرف اشوكت ارجع
اريد اكمل دراسة واصير معيدة بالجامعة بس شكول

جنـون

11-18-2006, 09:32 AM

اخوان هوايه عراقيين مغتربين بمصر ..شنو الفلم ؟؟؟؟؟؟؟؟؟؟
:
:
جنونه

فراس صالح

11-19-2006, 07:36 PM

اسمي فراس صالح القيسي
مهندس زراعي من جامعه الانبار
عمري 26 سنه "شيبت"
مقيم بسوريا وصارلي 65 يوم ثلاث ساعات و 15 دقيقه بالغربه

::38:: ::38:: ::38:: ::38:: ::38:: ::38:: ::38:: ::38:: ::38:: ::38:: ::38:: ::38::

وطكت روحي وراح انتحر

الجبوري

11-20-2006, 02:12 PM

انا عراقي ساكن امريكااا صار12 سنه واشوف اليصير بالعراق وانشاء الله يارب ينفرج عن العراق همومه وهاي المعاناة الي هوه بيه واتمنى ياربي الموفقيه ياربي للكل الموجودين والعرراق

نوننا المغتربة

11-20-2006, 03:51 PM

اول شي تسلم على الموضوع
اني اسمي هويدا عمري 20 سنة واني حاليا بلبنان واني ادرس طب اسنان سنة الثانية صارلي ثلاث سنين لمن طلعت من بغداد الحبيبة بالضبط وهوايتي الوحيدة الي ضليت محافظة عليها هي النت وامنيتي الوحيدة هي العراق راح يرجع امان وترجع ايام زمان ويرجع حب وحنان ان شاء الله منريد غير بس هاي وكل مغترب يرجع لبلده

العراقي مروان

11-20-2006, 04:36 PM

اخوان اشكركم على هذا الموضوع الحلو وووووو ؟
حبيت اشارك وياك بالموضوع ؟؟ اذا سمحتولي طبعاً
الغربة الغربة الغربة ........ مو متنه من هذي الكلمة والله عاد انتو عايشين في بلدان او بعيدين عن اهلكم او بلدكم هي هذي تسموه غربة ؟؟؟؟؟؟؟؟؟؟
لان اني اكلكم احن العايشين بالعراق احن عايشين بالغربة لان النفوس كله تغيرت والناس مو هم الناس الاخو يكتل اخو والجار يكتل جاره والله اني اشوف هذي الغربة مو الي انتو عايشين بيه غربة ؟؟؟؟؟
وارجو انت تبدون رايكم او ما اعرف اني صح لو غلط بس هذه الي كاعد اشوفه بالعراق ؟؟؟؟؟؟

العراقي مروان

11-20-2006, 04:38 PM

العفو اني نسيت ان اعرف عن نفسي
اسمي مروان العراقي من محافظة كربلاء المقدسة مواليد 1985 خريج معهد تقني قسم انظمة حاسبات وحاليا اعمل في مقهى انترنت وانشاء الله راح اسافر واترك ارض العراق عن قريب ان شاء الله ؟؟
مع فائق شكري واحترامي للجميع

لينا البغداديه

11-21-2006, 09:56 PM

اني لينا مقيمه ابمصر
عمري 17 سنه
طالبه صف سادس علمي
هواياتي الشعر الشعبي كتابتا وقرأه

ويسلمووووو عل الموضوع الحلووووووو

fbalnaimi

11-22-2006, 09:18 AM

اخوك فراس من ماليزيا طالب دكتوراة كنت ادرس بالجامعة التكنولوجية بس اكلك انشاء الله ترجعين وكلنا نرجع وازمة وتعدي والعمر طويل انشاء الله وتاخذين الشهادة العالية

سلامي الى كل العراقيين

yazin alrawi

11-24-2006, 12:57 PM

شلونكم اني يزن الراوي وعمري20 سنة مقيم صارلي سنتين ونص بمصر وساكن بالمهندسين وادرس بالجامعه العربيه المفتوحه قسم ادارة اعمال واتمنى تقبلوني صديق جديد الكم

مع تحياتي

دينـا البغداديـّة

12-02-2006, 09:49 PM

اني عمري 19
ومقيمة بين عمان وكندا
ادرس طب اسنان مرحلة ثانية
هواياتي الرياضة وخصوصا المشي
وانشاء الله كلنا نرجع لبغداد من ترجع كلها حب مثل ايام زمان...

زيـــ الحمداني ـــاد

12-03-2006, 10:23 AM

تحياتي اختي العزيزة على الموضوع والله يجمع شمل الاحباب
الاسم: زياد الحمداني
العمر: 24 سنة
البلد: قطر-الدوحة
المهنة: مهندس سيطرة ونظم

وتحياتي للجميع

E-S-C-A-D-A

12-10-2006, 03:07 PM

اني سجى الحياني جنت ادرس بكليه اللغات جامعه بغداد سنتين والظروف جبرتني احول للاردن وهسه مادري واني مواليد 1986 هوايتي اقره مواضيع بدجله واسمع اغاني والله يعنين الكل على الغربه وشكرا يانورس على الموضوع المميز

fbalnaimi

12-11-2006, 03:35 PM

قمر عراقية

12-12-2006, 09:19 AM

حلو الموضوع وشي جديد

اسمي ملكة ههههههههه وعمري 20 وطالبة هندسة واعيش بالامارات واموت وارجع العراق لان كلش اشتاقيت لكل اهلي وصديقاتي وصدق جاي اعاني من الغربة وخصوصا هاي السنة مااعرف ليش؟؟؟

هواياتي ركوب الخيل واحب الخيل اهواية واقرب شي لي واحب القراءة والكتابة

واتمنى اكون معاكم اخت وصديقة ؟؟؟؟

ملكة

عاشق عيون عليا

12-16-2006, 09:59 PM

شنو القصة
الجماعه لو مصر لو النرويج ؟
اني علي مقيم في ليبيا عمري 23 طالب كلية الهندسة سنة اخيره

ابن رومانيا

12-17-2006, 12:12 AM

طبعا عمري 25 سنه مقيم في رومانيا
راح اطلع للسويد بعد فتره امخلص كلية قانون.
هواياتي مينعدن طبعا السباحه وكرة القدم و الصيدو البلياردو
وبناء الاجسام و الموسيقى والكونفو والبولينغ والانترنيت طبعا
حبيبي.::51::

حنـــين

12-17-2006, 05:09 PM

الله يسعدكم و الله ما اعراف شنو اقول ما شا الله كلكم امكملين دراسة و صلين باس كلهة عدهة ضروف خلتة تطلع
اني درستي كلهة بال نرويج العراق عيشة بي باس 6 سنين باس اذكر كل شي يا الله يجي اليوم النرجع بي البلدنة ملينة من الغربة لعد دوم غربة

Samer Alamiri Dk

12-19-2006, 09:56 PM

السلام عليكم
سامر العامري
من العراق\ بغداد\حي الخظراء
الى الدنمارك\ كوبنهاكن
مغترب من 8 سنوات
العمر 27 سنة
طالب طب في جامعة كوبنهاكن في السنة الخامسة
اصبح حلمي ان ارئ بلدي العزيز من جديد ولكن خيبة الامل والهروب من الواقع و الصور الجميلة في ذاكرتي تتوسل ان لا امحيها بعودتي لاجد الشوارع ملطخة بدماء الابرياء والازهار ذابلة علئ ا رواح الشهداء
ولكني سوف اعود عندما يصدر العراق حكمه بحق الخونة وكل باع ارضه وعرضه للغرباء
سوف اعود واحتضن بلدي واقبله رغم المحتلين والاعداء
اشعر معكم في دجله نت في العراق للحظات
اهلا وسهلا بكم هنا في الدنمارك و في كل مكان
اذا كنتم عراقيون ذو اصلا وشرفاء
http://museum.wckrspgt.com/patrios/iraq/post_war_iraq-islam_online_net.jpg

باندا العاني

12-20-2006, 05:58 PM

السلام عليكم..............
اشكرك اخويه نورس والله اني صارلي 5اشهر بلامارات والله طكت
عموما عمري 15 سنة رابع اعدادي اريد ارجع للعراق ان شاء الله تفرج الكربة اريد العب طوبة طوبة وبس هيه الاصل / وعله كولت اختي نوره رمش العين العراق جنه هوه منو يكدر يعوف المولدة والمي .......... الخ
اني هسه بلامارات واكول لو باقي على المولدة احله.... وشكرا

توقيعي:-
العراق هو الاصل والباقي كله ضلوع ول مايحب العراق جربوع ابن جربوع

ابو تراب اللامي

12-25-2006, 12:56 PM

اني اسمي رامي اللامي ومقيم بعمان بس اروح واجي للعراق بين فترة وفترة وكانت الي اخر روحة هي بشهر 9 الماضي وشكرا علئ موضوع الجميل

ابن رومانيا

12-25-2006, 11:44 PM

مشكورين على الموضوع الحلو اني بالسويد عمري 23 سنه اتخرجت من القانون ماحسيت نفسي الى واني .ابرومانيا ومن رومانيا للسويد الله ايعينكم ويعينه على الغربه يارب .

بغداد دار السلام

12-26-2006, 11:15 PM

السلام عليكم اني عراقية عايشة بمصر صارلي سنة وشهرين ويومين::27:: بالاسكندرية تحديدا وخلال هاي السنة رحت سورية وعمان ولبنان مع اهلي وهسة بمصر وطلبعا تركت الدراسة::38:: اني عمري عشرين بس ان شاء الله يتحسن الوضع ونرجع لان الغربة كلششششششششششش صعبة وخاصة اسكندرية مابيها عراقيين كلش قليل...

الذئب الوفي

12-27-2006, 12:20 AM

سلامن عليكه على رافديك عراق القيم فانته مزارن وحبن ودارن لكل المم والله راح اموت من الشتياق لتراب بغداد

الذئب الوفي

12-27-2006, 12:52 AM

مرحبا والله اني كرهت النرويج والعالم ونفسي راح اموت ممكن واحد يساعدني اريد ارجع

alhussam1980

12-27-2006, 06:21 AM

هاي شباب اني اسمي الحسام عمري 26 سنة وعايشة بدبي قبل 4 سنوات واعمل مصمم جرافيك والله اتمنى يستقر الوضع بالعراق وكلنا نرجع لبلدنا الغالي ولو اهنا الوضع زين والعراقيين اهوايه بس مهما يكون بلدنا يبقى الاغلى والاحسن

واحنا دائما نذكره ونذكر بغداد الغالية

مع الشكر

حشاش فل اوبشن

12-27-2006, 03:22 PM

هذا ياعراق اللي بي تريدون ترجعون مو انتوا حقكم ما كاعدين بالعراق وشايفين شديصير عمي العراقيين كولهة دتهج من القتل اللي ديصير عالهوية ومن الخطف ومن ومن ومن ... الخ .. اني من الناس راح اهج واروح لسوريا واهج من العراق اللي بصراحة من الاوضاع اللي دنعيشها ماعندي اي امل انو يرجع الامان للعراق .... وشكــــــرا

^بنت الرافدين^

12-28-2006, 03:30 PM

اني عمري 18 سنة ومقيمة بالامارات من 9سنوات
وادرس computer scienceسنة اولى

ومشكور اخوية ع الموضوع

بنية عراقية

12-28-2006, 07:15 PM

انى عمرى 16 سنو وصف خامس (علمى) وصارلى 6 اشهر طالعة من العراق بس واللةعباللك صارلى 20 سنة واللة الغربة صعبة وانى عايشة هسة بسلطنة عمان واتمنى اليوم اللى يصير العراق زين وارجع للعراق يا ربى اجعل هذا اليوم قريبا وارجع جميع العراقيين الى بلدهم ساالمين غانمين

الذئب الوفي

12-29-2006, 02:15 AM

إذا ضاقت بك الدنيا فلا تقل: يا رب عندي هم كبير .... ولكن قل: يا هم لي رب كبيــــــــــر قل اللهم صلي على محمد وعلى آل محمد كما صليت على ابراهيم وعلى آل ابراهيم إنك حميد مجيد وبارك على محمد وعلى ال محمد كما باركت على ابراهيم وعلى آل ابراهيم انك حميد مجيد وارسل هذه الرسالة لـ 10 أشخاص

الذئب الوفي

12-29-2006, 06:27 PM

أطيب التحيات وأحلى الاماني نتمناها لكم بمناسبة حلول عيد الأضحى المبارك أعاده الله على العراق والعراقيين بالخير واليمن والبركة والأمن والأمان وبوحدة الصف وتآلف القلوب إن شاء الله كل عام وأنت إلى الله أقرب ، ومنه أخوف وبه أعرف ، وإلى دار كرامته أسبق واسأل الله أن يكتب لك بكل خطوة سعادة ، وأن يجعل كل نظرة عبادة وكل بسمة شهادة ،وفي كل رزق زيادة اللهم اجعلنا ممن يورثون الجنان ويبشرون بروح وريحان ورب غير غضبان آمين اللهم آمين ....
::51:: ::51:: ::51:: ::51:: ::51:: ::51:: ::51:: ::51:: ::51:: ::14:: ::51:: ::51:: ::51:: ::51:: ::51:: ::51:: ::51:: ::51:: ::51::

اسطورة الحب المستحيل

12-29-2006, 07:59 PM

الاسم :تاج الدين
البلد:العراق...كربلاء..
العمر:17
المهنة:طالب
الهواية:كرة القدم+النت
البلد المتغرب:النرويج
المثل المفضل:يطلب من الحافي نعال ههههههه
البيت الشعري:لاينبض قلبي الا سواكي حبيبتي المجهولة

تحياتي.....::55:: ::55::

zaid abodd

12-31-2006, 01:26 AM

اسمي زيد

اعيش الصين

العمر كله

الهوايه لاشيء حاليا

ادرس على موسيقى هادئه

الجنسيه ضاعت

اسم العائله نسيته

وشكرا على الموضوع::55:: ::55:: ::55::

Classicman

01-12-2007, 09:37 PM

شكرا اخي على موضوعك

اني احمد عمري 24 سنه مقم ب سوريا وتخرجت من كليه الرافدين قسم اداره الاعمال
واتمنا ارجع لبلدي

((((لورين العراقيه))))

01-12-2007, 11:45 PM

شكرا على الموضوع المميز

اني لورين العراقيه عمري 17 سنه مغتربه بلبنان صارلي 4 اشهر ماعدا بسوريا وشمال العراق

وهسه داخله معهد تعليم فرنسي وانكليزي بلبنان واريد ارجع للعراق كافي غربه والله يفرجها علينه

وهواياتي الانترنيت طبعا

وردة الحارثيه

01-14-2007, 02:42 PM

مساء الخير اني هاجر وحاليا مقيمه بمصر وطبعا تركت دراستي منتظره الوضع يتعدل حته ارجع لبغداد عمري 20 سنه ادرس هندسه برامجيات بغداد

Guevara17

01-20-2007, 12:01 PM

مساء الخير

اني مورينو ... عمري 26 سنة مهندس كيمياوي ..

مقيم حاليا بمصر ...

عاشق العراق المجنون

01-23-2007, 03:30 PM

والله شباب الله يصبركم على الفراق لان اني هم سافرت واعرف الغربة شلون موت وارجعت لبيتي اموت بالعراق لو مو تعلك لو لاسمح الله تخرب الشغلة
كلش مااعوفة العراق ابوي وامي العراق جذب اخاف اطلع منة
لو مو علاسة لو تنطبك السما على الكاع مااعوف بيتي وعراقي المن نعوفه
ونشوف مذلة الغربة للي يسوى واللي ميسوى

الله كريم لابد تخلص وكل العراقيين يرجعون لبيتهم الكبير العراق ابو الخير

عاشق العراق المجنون

01-23-2007, 03:32 PM

ها بعد شيصير و شيجره و العراق لا ضل بي مي و لا شجره ها بعد شيصير و شيجره و الخير شوكت ينولد فجره ها بعد شيصير و شيجره و بغداد الحبيبه صارت للدم مجره ها بعد شيصير و يجره و شوكت يلمنه حجره ................... و والله ماكو أطيب من بغداد و الوطن ما ينحمل هجره

عاشق العراق المجنون

01-23-2007, 03:39 PM

عطره يفوح حسبالي قداح ... يگولون العراق الم وعذاب وجراح .. اگوللهم الفرح موجود وبيدنا المفتاح ... يگولون شلون والعبوات والمفخخات وكل واحد شايل سلاح ... اگوللهم إذا صرنا گلب على گلب وأيد وحدة نبني بلدنا وننشد موطني بعالي الصوت وصياح... ونگول للعالم إلي تراهنوا على نهايتنا.. المستقبل إلنا وكل همنا زاح ..........العراقي ذهب

اسيا العراق

01-25-2007, 05:07 AM

السلام عليكم اغاتي
الله يصبر قلوبكم ويعينكم على فراق العراق
انا انولدت خارج العراق
لكن اذوب عشقا بترابه وانهاره وعتباته المقدسه
كل الخرائط عاديه الا خارطة العراق حتى الملائكه تعرفها
يا عراق يا مهد الحضاره
الله ينصر العراق ويجمع الشمل
اختكم التي تفتقد العراق مع انه بقلبها ساكن

عاصم الدليمي

01-31-2007, 05:40 PM

هلا أخوتي شلونكم اني عاصم الدليمي جنت كليه التراث الجامعه قسم قانون تندلوهه مو بالمنصور قيبه من بيتنه بس هاي الاوضاع خلتني اترك بيتنه وكليتي واصدقائي وهسه اني بسوريا في جامعه دمشق كليه الحقوق مرحله رابعه وان شاء الله نرجع لعراقنا الحبيب

flamarz

02-03-2007, 01:41 PM

مشكور نورس على هذا الموضوع الرائع
انا اخوكم محمد الزهاوي ومقيم في الامارات - دبي وصالي 5 سنوات
خريج كلية الرافدين الجامعة - قسم بحوث العمليات سنة 2000-20001
ومن مواليد 76 وتحياتي لكم
ولا استطيع بان اعبر عن الغربة وخاصتا بعدنا عن العراق الحبيب

ذئب القوافي

02-06-2007, 08:40 PM

السلام عليكم اني اخوك فراس المرعب خريج الجامعه التكنولوجيه سنة 2004 قسم هندسة الانتاج والمعادن وحاليا اني بالامارات في امارة الشارقه قريب من البحيرة هواياتي قراءة وكتابة الشعر وسماع الاغاني الهادئة والحزينه والاشتياق للوطن وخاصة بغداد وخصوصا بعد اليرموك والمنصور

عمر التركماني

02-07-2007, 12:22 PM

هلو شباب وبنات والله احنا هواي المغتربين برا والله ملينا الغربة يعني كعدة السنتر بالجامعة يم اصدقائك تسوا الدنيا ومابيها وبالنسبة الي اني اسمي عمر عمر عمري 22 سنة تركت للجامعة وسافرت بالبداية لسوريا وبقيت فترة وبعدين طلعت على اهلي بالشارقة وصدك الغربة متراد وشباب احنا نكدر بهاي المة مالتنا نسوي شي احنا لازم نتكاتف سني وشعي وكردي ومسيحي وكلنا انكون كلمة وحدة حتى نكدر انسوي شي واول شي انسويه كلنا انكول لا لطائفية كلكم وياي شباب وان شاء الله نجتمع بغداد وصير هاي سوالف (بس ماضن راح نجتمع::2:: )على العموم احنا نتمنى خير واكو شي ثاني حتى مانحس بالغربة ليش ماكل واحد يتعرف على العضو الي بالدولة نفسها ونلتقي كلنا يوم بالا سبوع حتى شويا ننسى الهم الي احنا بيه ويارب وفق الجميع

al3iraqi

02-11-2007, 03:41 PM

اولا اريد اشكرك اخي على الموضوع الجميل
عمري 19 سنة تغربت بعدة مدن مخليت دولة
ممشيتلها عمري 10 سنين طلعت من العراق
مع العائلة اول شي رحنا لاردن بعدين رومانيا
بعدين بولندا رجعنا للعراق هذا الحجي رجعنا
من عمري 14 سنة ورا سنتين تقريبا طلعت وحدي
لسوريا وراها رحت لتركيا وبعدين جيت على اليونان
واني هسه باليونا والله اعلم وين راح اكون السنة الجاية
صرت انسان من غير وطن من غير جنسية كل يوم اشيل
اقامة غير بلد عراقي بس كلمة صرت مع انو بلدي صارلي
3 سنين مشايفه واهلي كذالك ومراح اشوفه بعد اريد اكلك
شنو الغربة الغربة هوا من تمرض ملتكه واحد يمك من تكون مجروح
ماكو احد يداوي جرحك تكون تبكي وماكو احد يمسح دمعتك من تكون
محتاج لحضن ام او صديق ومتلكاه يمك هذه هيه الغربة اخي
وان شاء لله متضوكه لان صدق صعبة مو سهله الغربة

Classicman

02-12-2007, 12:14 PM

اني اسمي احمد صارلي 3 سنوات ب سوريا عمري 23 سنه وحاليا دا ادرس ادب انكليزي جامعه دمشق هواياتي النت والسباحه وكره السله ::9::

ishtar

02-12-2007, 03:08 PM

انا عشتار
مقيمة في لندن الباردة
اخر يوم كنت احس فيه بالحياة هو يوم 20-4-2002 يوم غادرت العراق
احلم ان يمنحني الله الحياة مرة ثانية وذلك بالعودة الى العراق

حلوة كربلاء

02-15-2007, 02:03 AM

هلوووو حبيبتي نورة شلونج شخبارج شسويتي بس لا صدك تردين ترجعين اي بس مو هسة انتضري خلي تصفة الامور بلكي...تحياتي الج

علي انكليزي

02-15-2007, 03:47 AM

السلام عليكم اتمنى من الله كل غريب يرجع الى بلده والى اهله وناسه ويرجع الخير والامن والامان الى العراق الغالي ابو الناس الطيبين ,لان ماكو ماشفت مثل العراق وطن وبلد ولا مثل العراقيين شعب كريم وطيب ودافي المشاعر .ووطن احله وطن

عراقية و افتخر

02-16-2007, 08:24 AM

شكرا على الموضوع الحلو اني عراقية و افتخر مقيمة في لبنان و ماكو امل ارجع للعراق و دا اتوسل يرجعوني حتى لو اسبوع لانه اريد اهلي و اصدقائي و جواريني طكت روحي من الوحدة ماكو احد يحجي لهجتنا و لا حتى مثل تقاليدنا و عاداتنا
ادعولي ارجع اسبوع لبغداد الحبيبة اسوي رفرش

Civilian

02-19-2007, 11:03 PM

يا مرحبة بيك نورس وشكرا على موضوعك

اني محمد CIVILIAN
عمري 20 سنة مقيم في الاردن ادرس بجامعة العلوم التطبيقية قسم الهندسة المدنية-مرحلة ثانية
هواياتي Video Games والسياقة والانترنت

امنيتي الاقامة والعيش في امريكا

تحياتي لك

اسامه عماد الدين

03-01-2007, 10:08 AM

السلام عليكم اشلونكم شباب اخوكم اسامه عماد الدين القيسي من بغداد ساكن بزيونه وحاليا في سوريا منطقه ضاحيه الاسد بالشام مهندس كومبيوتر بغداد وبسوريا عندي مخبز والله وكت من مواليد
19\2\1986 واليحب مراسلتي على العنوان الاتي
os_emad2006@yahoo.com او
osama_emad_1986@yahoo.com
وتقبلو مروري وشكرا

اخوكم اسامه القيسي ::51::

اسامه عماد الدين

03-01-2007, 10:15 AM

السلام عليكم اشلونكم شباب مرتحاحين بالغربه اخوكم اسامه القيسي من بغداد ساكن بسوريا ضاحيه الاسد اسمي اسامه عماد الدين من موليد 19\2\1986
واليحب مراسلتي على العنوان التالي
os_emad2006@yahoo.com او
osama_emad_1986@yahoo.com
وشكرا وتقبلو مروري

اخوكم اسامه القيسي ::51::

عمــرو ديــاب

03-02-2007, 11:05 AM

الله يصبركم اخواني وان شاء الله ترجعون ويتحسن الوضع ببلدنا الغالي

نورا

03-03-2007, 11:08 AM

شكراً نورس على موضوعك
اني نورا خريجة من كلية المنصور مقيمة بسوريا صارلي سنة والغربة مرة وعلوا نرجع لبغداد .

Mostzz

03-03-2007, 08:18 PM

مشكوووووووووووووووووووووووررررررررررررررررررر ورد

حشاش

03-07-2007, 04:39 PM

مرحبا شباب و شابات
شلونكم
اني ليث ساكن بالاردن صارلي 6 سنوات
ادرس هندسة طائرات
اناشدكم تراسلوني على mrlv_mrlv@yahoo.com

DEAR MY LOVE

03-07-2007, 05:52 PM

الكل غريب الي بنص بغداد والي بنص القطب الشمالي دامه اسمه عراقي بهالدنيا تحياتي للكل

§][©][§الامبــراطور §][©][§

03-07-2007, 06:14 PM

صلاح 2248يا مسلمون يا مسلمون رايتم جرحي وجرح ا يباي رايتم القصف يعلو منازل ابريائي يا ليتكم ما رايتم اذن لهانا بلاي اطباقكم علمتكم ثقافه اغبيائي رايتموني في موجز انباي وبعده حفلات ورقص وعريو نسائي يا ليتكم ما رايتم اذا لهان بلاي بغداد يا ساميعها اسيره الدخلاي ليس تفتك بقرصي خبز وكسائ هيهات هيهات تمتد كفي لغير رب السمائ ساجعل امريكان يدون لي بل ولاي ان عشتو رويتو ارضي والنصر ري الضمائ تاليف حسن الراوي

§][©][§الامبــراطور §][©][§

03-07-2007, 06:17 PM

الا ليتَ العــراقٌ يعودٌ يومـاً ¤¤¤ فأخبره بما فعل الغريــــــب؟؟؟؟؟؟؟؟؟؟ ليس عراقنا ما صرنا نراه ¤¤¤ ايران باطنه ويحكمه الصليب

§][©][§الامبــراطور §][©][§

03-07-2007, 06:20 PM

بغداد ما اجمل الرجوع اليك والعيش با حياءك ما اجمل راوه لحظه الشروق وما اجمل الانباري عند الغروب ما اطيب ماء الرافدين وما اح لى ضفافك سنعود يوما لك يا بغدادفنحن على احر من الجمر للنوم با ::27::حظانك تحيات صلاح الراوي::39::

الافعى السامة

03-09-2007, 07:28 PM

السلام عليكم
اني اختكم الافعى السامة (افيعو) عمري 21 سنة واني هسة بسوريا صارلي 6 اشهر بس عسبالك 6 سنوات اول مرة بحياتي اجرب الغربة واتمنة تكون اخر مرة وارجع بسرعة لان ضجت جنت علوم حاسبات بالتكنلوجيا مرحلة ثانية بس تركت الدراسة وسافرت وهسة اني حديقة.............. هوايتي النت والتلفزيون(مو اكللكم حديقة)

احلى بصراويه

03-12-2007, 12:40 AM

مشكور عيني عالموضوع الرائع

واني اسمي احلى بصراويه بس مواسمي الحقيقي طبعا
عمري 19 وراح افوت بالعشرين
اني حاليا بالامارات ادرس هندسه تصميم داخلي
وهنا اكو هواي عراقيين خاصة بالشارجه وتقبلو مشاركتي

ابـــ شارع فلسطين ــــن

03-12-2007, 08:16 AM

والله راح اموت بل الغربة والله مشتاق الى العراق اتمنه ارجع الى بغداد الحبيبه بس هاذا صار فتشي مستحيل بس بلكي ربك يفرجه (افـــــراج يــــا عـــــراق)

جميل123

03-12-2007, 11:18 AM

مرحبا اخوانى واخواتى زين صارلج ست شهور اختى اني صارلى 15 سنه وعبالك 1000 سنه وتمنى اليوم ارجع كبل باجر ملييت من الغربه وراح اموت من الفراق وشتاقيت للعراق الحبيب الجريح ول امي الغاليه والكل العراق من الجنوب ال الشمال

< < A x x X > >

03-14-2007, 11:51 PM

السلام عليكم
اني امير

20 سنه

من بغداد مولد و نشأه

حاليا بمصر
كنت عايش بالدوره :]

عيش اللحظه و فكر لباجر -- صعب الواحد يحققها --

اسيرة بغداد الغالية

03-16-2007, 11:45 PM

اني اسيرة بغداد الغالية
مقيمة بالامارات الشارجة صارلي سنتين
وهسه ادرس جامعة سنة ثانية ...
واتمنى ارجع للعراق .. والله يفرجها علينا ويتحقق حلمنا

samiy

03-19-2007, 02:40 PM

لوسمحتي اختي الفاضله
كم هي اسعار البيوت شراء بالشارجه ولك شكر وتحياتي
سامي

ali al_sharara

03-29-2007, 05:33 PM

مشكووووووووووووووووووووووووووووووووووووووووووووووو وووووووووووووووور

عسل العراق

04-01-2007, 09:48 PM

اسمي ريا وعمري 15
ومقيمه بالسوويد صارلي خمس سنوووات
مشتاااقه ارجع للعراااااااااااااااااااااااق

!!اسير الروح!!

04-03-2007, 04:31 AM

مشكوررررررررررررررر

عمري21 سنه وصارلي 8 سنوات بسوريا المهجومه

يارب احمي العراق والعراقين وسترك عليهم يارب

عصفووورة عاصمة الخير

04-05-2007, 10:56 PM

والله الغربة تعسية ومتنراد مع العلم اني مصار هواية من طلعت من بغداد بس والله مشتاقة ارجع لبيتنا ومنطقتي
اني حاليا بمصر

عراقيه واموت على العراق

04-07-2007, 03:25 AM

مشكور اخ نورس على الموضوع الحلو
اني اسمي ساره
عمري 23
ساكنه بمصر ب6 اكتوبر
هواياتي سماع كـــــــــــــــــــــــاظــــــــــــــــــــم الســــــــاهــــــــــــــر
وكتابه الخواطر والسباحه والانترنت اكيد وشويه القرائه
ها صدك اتذكرت شغله لخ احب رياضه المشي هم
وصارلي بالغربه سنه كل لحضه عشتها بعيده عن بغداد تعادل مليون سنه وحسبو صارلي اشكد متغربه
يارب يارب يارب رجع العراق للعراقيين واحمي الموجودين لسه بي ياربي متطول هاي الغربه ونرجع كلنه للعراق مرفوع راسنه ::27::
مشكور مره لخ على الموضوع ::51::

جريح الشوق

04-11-2007, 03:57 PM

السلام عليكم

مشكورين على الموضوع الرائع
بس يمكن انا غربتي مو مثل غربتكم
انا تختلف عنكم
لاني في بلد قليل اشوف بيه عراقيين
واذا شفت عراقيين فما اتصور يعرفون شي عن العراق لانهم نولدوا هنا وعاشو اوما يعرفون شي عن العراق
يعني بس بالاسم عراقي
اني اعيش بالسعودية
اسمي بارق
عمري 21 سنة
طالب بجامعة بغداد أداب لغة عربية
صارلي سنة وثمانية اشهر وعشرة ايام وساعة وخمسة واربعين دقيقة والله العظيم
والله حافظه بالدقيقة
وسافرت العراق من بغداد حي المنصور يوم 29 تموز ساعة 7 الصبح
ما اعرف بس يمكن اني احس بالغربة اكثر منكم
لان ماكو عراقيين يمي
يمكن اخواني وخواتي الاعضاء اللي منهم بدبي واللي بالاردن واللي بمصر واللي ( بالصين ) كل البلدان هاي اكو بيها عراقيين
بس السعودية نادر ما تحصل عراقي
تعرفون من اضوج وتنزل الدمعة على خدي شنو اسوي
والله اقرب حجز طيارة ولمكه على طوووول اكعد هناك يوم لو يومين وارجع
ادعوا ان تفرج على العراق ونرجع لاحضانة ونشم ترابة
اخوكم جريح الشوق

pero_dodi

04-13-2007, 09:18 PM

يا يابه الله يساعدكم هذا الي متغرب 5 او 6 سنين شلون مستحملين اني صارلي سنتين ولعبت نفسي ومع العلم كل صيف ارجع لأن اني طالب بأوكرانيا دا ادرس هندسه عمري 20 سنه
الهوايه:طوبه وأركيله

shosha80

04-18-2007, 02:19 PM

هلوووووووووووووو
اولا شكرا عل موضوع الروعه
اني اسمي شوشه اسم الدلع طبعا
مواليد ا980 خريجه علوم حاسبات كليه المنصور
ومقيمه بعمان صار سنتين

eng.sarmad

04-19-2007, 09:50 AM

اني تخرجت هالسنة من التكنولوجية هندسة انتاج ومقيم بسوريا التعبانه......................

الله يصبرني على فراق التكنولوجية
__________________

ღწღعــراقــ وأفـتخـرــيღწღ

04-24-2007, 03:39 PM

يابة السلام عليكم ... الف شكررر على هذا الموضوع الجميل والحلوووو....

اني معرووف الاسم.@@@عراقي (الاسم.@@@عراقي) وافتخر@@@

العمرر. 19 سنة

الهواية .. كرة القدم والكمبيوتر بصورة رئيسية واحب اتمشى وية اصدقائي

. البلد المغترب به.. السويد

التحصيل الدراسي.. خريج خامس علمي بس تارك سنة وهسة دا ادرس اخر سنة يارب انجح ..

اتمنا ارجع للعراق واتمشى بشوارع العراق شارع شارع وطبعا ما انسة اهلى با الاعظمية .. بس وين هسة محد يكدر يدخل للعظمية الة بدفرات يعني اذا اروح ميعرفوني اني من الاعظمية ...

والله كرييم تفرج مضل هيج .. واخر دعواتنة للعراق يارب تفرجهة على العراق ونرجع كلنة للعراق وتصفة الامور وميبقة اي محتل ونتوحد ياارررررررررب امييييييييييييييين ....

مع جزيل الشكر اخوكم ... @@@عراقي وافتخر@@@

P!NK MOON

04-30-2007, 01:00 AM

هلو
اني اسمي داليا
هواياتي نت وشعر وتعارف
جنت بالعراق بزيونه وادرس جنت بكليه المنصور
وهسه بين سوريا وبين الاردن
شكرا على الموضوع

Ammarko

05-05-2007, 05:35 PM

السلام عليكم شلونكم شباب بنات ؟؟؟
اشكرك حبي على الموضوع الحلو

أني أسكن الدنمارك ، طالب جامعي، هواياتي :
الانترنت ، دخول المنتديات والمشاركه بها ، السباحه ، سماع الاغاني و صياغة الاشعار الغزلية الشعبيه خاصصصصصصصصصصصصصصصة على البنت .
للمراسله او التعارف هذا ايميلي
alfaisaley@yahoo.com

علي ابن المستنصرية

05-05-2007, 05:58 PM

اللة يفرج عندكم يامغتربي العرااااااااااااااااااااااااق

عراقي انااا

05-06-2007, 11:31 AM

سلام عليكم بالبداية اريد اكول الشباب ما خلولي شي اكولة بس راح انطي معلومات عني..
انا حسام جواد الموسوي .... العمر 17 سنة ... الدولة المقيم بيهة مصر ... الهواية كتابة الشعر الغنائي ... والتلحين ... والغناء ... وان شاء الله اتعلم اعزف عود ... واتمنى ارفع اسم بلدي بهاذي الهوايات الي دا امارسهة وان شاء الله دووووووم اسم العراق مرفوع عالي ... اتمنى ارجع لبلدي باقرب وقت ...

omar1975

05-15-2007, 10:16 PM

السلام عليكم
اني عمرالعاني شايب مواليد 1975 صارلي خمستشهر بمصر الكشره محامي جنت ببلدي العزيز وجنت ساكن بالغزاليه وهسه بالقاهره بالمعادي وهوايتي الرياضه بس هسه عفتها وراوستها بالانترنت
بس والله تسلم ع هاي المشاركه::13:: حتى نتعرف ع كل الاعضاء
وانشاء الله نرجع كلنا للعراق وتصير هاي كلها ذكريات حزينه ومنريد نتذكرهاونلعن هاي الايام

ente_b8lbi_s_

05-16-2007, 12:30 AM

يابة السلام عليكم

الاسم : فاروق

العمر : مكتوب يمكم :(

الاقامة : بسوريا بالكعبة صارلي سنة ونص

الوظيفة : عفت كلشي من طلعت من بغداد طالب سادس صارلي سنتين ما ادري شكد

وكافي ظوجة ترى والله ينتقم الي كان السبب كولو امين

السفينة التائهة

05-17-2007, 08:43 PM

الله يساعدكم على فراااااااااااااااااااك اهلكم اني في بغداد واشبع قهر من كثر الفراك

eng.sarmad

05-19-2007, 12:31 PM

الله يساعدهم السلام عليكم

الاسم : مهندس سرمد

العمر : 24

الاقامة : بسوريا صارلي سنة وكم شهر

الوظيفة : عفت كلشي من طلعت من بغداد وخلصت كلية هندسة انتاج ومعادن

الله ينتقم الي كان السبب الي خلانا نهاجر كولو امين
__________________

سوسة الدلوعة

05-20-2007, 08:09 AM

صباح الخيييييييير

الأسم : سوسة

العمر : 11/12/1983

البلد الموجودة بي حاليا: الأمارات - أبوظبي

الإختصاص: خريجة علوم حاسبات - جامعة النهرين

وخلص اني بوحدي هنانة بأبوظبي
العراقيين هنانة نادرين مثل الجواهر لأنو كولهم بالشارجة ::27::

و مشكورين على هاللمة الحلوة
وأن شالله نرجع لحض وطننا

::51::

عذاب_الحب

05-22-2007, 04:43 PM

صباح الخير
يا صبح الساعة ستة ونص بتوقيت فنلندا المحلي
اني مريومة عمري 20 سنة مواليد 1987
من جنت بالمتوسطة طلعت من العراق بقيت 5 سنوات ابتركيا بعدين طلعت الفنلندا
واخخخ.....
المهم حاليا بفنلندا ادا اكمل دراستي تدرون لغتنة كلش صعبة فاني اذا اريد اكمل الاعدادية اخذهه اب خمس سنوات بدل 3 سنة لانه
ان شاء الله بقتلي 3 سنة واكمل مو هواية
هههههههههههههههههههههه
وادخل كلية واشوف يا كلية اني اب بالي كلية طيران بس اهلي يريدون طب
واني ما يعجبني الطب المهم
ان شاء الله
هواياتي انترنيت .. اسمع اغاني ... رياضة
تحياتي الكم كافي حجيت هواية

المعري11

05-25-2007, 12:40 PM

ياقوتة دجله شلونك ممكن اعرف عليك اي طالب اداره واقتصاد رابع ومخضرم

المعري11

05-25-2007, 12:48 PM

مريومه شلونك والله يساعدج هذا ابن عمي ذبح روحه عليج ويريد يتعرف
هو طالب صيدله مرحله اولى وينصحج لا تروحين طب وروحي فنون جميله ههههههههههههههههههههههههههههههههههههههههههههه هههه

المعري11

05-25-2007, 12:58 PM

ياقوتة دجله اني اسمي علاء مواليد 1978طالب اداره واقتصاد مولود برومانيا بخارست
واريد اكمل دراستي العليا هناك والسلامه الج ولاهلج واعتبريني صديق وانتظر ردج

المعري11

05-25-2007, 01:06 PM

ياقوته دجله اني اسمي علاء مواليد1978مولود برومانيا بخارست وراح اتخرج هالسنه من الاداره واقتصاد اداره الاعمال

المعري11

05-25-2007, 03:57 PM

ياقوته ممكن اتعرف عليج اني اسمي علاء مرحله رابعه اداره واقتصاد ادارة اعمال مواليد 1978 تولد رومانيا بخارست

حبيب البايو وبس

05-25-2007, 04:58 PM

مساء الخير اخوية العزيز اتمنى انتو بخير وكل العراقين بخير ادعو من اللة ايصبرنة على هاية الغربة صدكني اتمنة اتنفس هواء العراق وبوس اترابة لين اني طلعت من العراق قبل 5 اشهر و كل عائلتي بلعراق ابغداد اواني هسة بانكلترا بمدينة مانشستر ادعو من اللة يحمي كل العراقيين ويستر عليهم

حبيب البايو وبس

05-25-2007, 05:01 PM

قمر العلوم

05-26-2007, 02:01 AM

قمر العلوم
20 سنه كنت طالبه بالجامعه التكنولوجيه قسم العلوم التطبيقيه فرع التقنيات الاحيائيه الكيميائيه مقيمه حاليا بسوريا وصارلي 8 اشهر بعيده عن بغداد والله كريم
تحياتي لكل الاعضاء

نونة العراقية

05-26-2007, 06:03 PM

هلو شباب والسلام عليكم اني عايشة بالاردن ودرس موسيقة شرقية في احد المعاهد الاردنية او صالي سنتين واريد اشكر نورس على الموضوع الجميل تحياتي نونة العراقية

المعري11

05-28-2007, 05:35 PM

حي الله كل المغتربين اخوتنه واخواتنه الف سلام والعراق بخير انشاء الله

zzoooooooooozz

06-01-2007, 09:48 PM

هلووووووووووووووووو طبعا اني اول مرة افوت اهنابس الحمد الله لكيت هيج موقع حلو ويرجعني لاحلى ايام اني مواليد88 يعني اول سنه بالجامعه وجنت بجامعه بغداد هندسة معماري بس من ورة الضروف عفت السن ورحت لماليزيا اكمل دراسه بس هسه رجعت زيارة لاهلي بسوريا وراح ارجع لماليزيا بس اتمنى ترجع الوضعيه وارجع لجامعتي وبلدي ولكل شي واتمنى تقبلوني صديقه الكم

زوووووووووووووووز

(عراقيه*وافتخر)

06-06-2007, 11:10 AM

هلووو اني عراقيه وافتخر متواجده دائما بمنتدى دردشه هاي عراق حبيت اغير شوي

اني عمري 17 سنه مقيمه بدوله الامارات صارلي 8 سنوات مرحله ثانويه

مع تحياتي
::51:: ::51:: ::51:: ::51:: ::51:: ::51::
عراقيه*وافتخر

IGI 4 EVER

06-09-2007, 01:33 AM

مرحبااا انا AwSy عراقي ساكن بالامارات عمري 17 سنة طلعت بعد التحرير مثل مايكولون عليها , بصراحة هذا الموقع فنان صار لي اكثر من اربعة شهور مكابلة وكاعد بي ما كنت عضو كنت اقرة كل شي وانزل كل شي منو واخذ اللي يعجبني بس هسة ولله الحمد انا عضو واشارك في منتدى همسات الحب وكنت اكتب شعر بس بطلت واذا اكتب ابيات صغيرة او خواطر لكن اللي اكتبه الحين و من اللي كتبتة زمان..........والذي يريد ان يتعرف علية او يعرف عني اي شي او اي استفسار فانا حاضر وبرسم الخدمة( اطلب واتمنى ) .......................... نسيت اكوووووووووووول انا هسة ثانوية عامة ( سادس علمي) وحبيب البي القيصر الساحر , وأمير الحب ::13:: ::13:: ::13::

::16:: حـــــــــــــــــ::55:: ــــــــــــــ::39:: ــــــــــــــول::16::

تحياتي
AwSy 4 EvEr

عمر زيونة

08-07-2007, 06:30 PM

اسمي صكر العمر 22 سنة من زيونة شارع الربيعي طالب هندسة حاسبات مقيم بالصين هوايتي المراسلة وقيادة الدراجة النارية وعندي وحدة يومية مدعوم بيها هههههههههههه

غـــرور عـــراقيه

08-08-2007, 12:07 AM

غرور عراقيه
19 سنه
مقيمه بالامارات
طالبه طبيه

تيار الفرات

08-08-2007, 02:14 AM

هلووو غرور

sahar

08-08-2007, 06:52 AM

هلوووووووووووو

اسمي سحـــــــــــــر
مغتربه عن العراق الحبيب
عمري 20 سنه

احب كتابه الشعر والمراسله

اني سعيده انه اكون وياكم هنا

احبــــــــــــــكم كلـــــــــــــــكم

اسيرة بغداد

08-09-2007, 07:51 AM

هلو... شكرا على الموضوع الروووووووعة
اني اسيرة بغداد عمري 19سنة(جبيرة مو صغيرة)::237::
متغربة من فترة ليست بطويلة جنت ساكنة في بغداد والان انا في بريطانيا تحديدا في لندن دا ادرس و طموحي اكمل دراسة واصير دكتورة لو صيدلانية(ان شاء الله).....العراق ابي وبغداد امي اتمنى ارجع ابحضنهم واعيش بحنانهم لان فراقهم والله كلش تعبني ... اتمنى ارجع للعراق لبغداد... ما جنت اريد اطلع من العراق بس الظروف جبرتني والقدر كال كلمتة الاخيرة...
امنيتي ارجع هسة لبغداد::29:: (ولو خيروني بين حياتي او دقيقة في بغداد جان اختارين دقيقة ابغداد)...(يعني مو بس دقيقة بس انتوا تعرفون::2::)
خوفي من الموت خارج ارض الوطن::30::...ما اخاف من الموت بس ما اريد اندفن بتراب ارض غير تراب العراق

الحياة هنا جامدة شوارعهم و مدنهم.... روتين ممل بشكل مو طبيعي...
هواياتي..اعشق امير الحب هيثم يوسف بجنون فاسمع اغاني واسمع كل اغاني الوطن والغربة
و اعشق لعب كرة السلة و الانترنت

امنيتي تطفى نار العراق و يهمد جرح بغداد و تصفى قلوب العراقيين ....العراقيين والله قلبهم طيب بس هاي الفتنة اجتي من برة
والعراقيين بلندن مو شوية عددا و مركزا ..واني كلش افرح من اشوف عراقيين::9::....والي يسالني عن جنسيتي فاني عراقية وافتخر بغض النظر عن ما يقوله الورق..
اسفة اذا طولت عليكم
تقبلوا مروري
عراق::9:: عراق::9:: عراق::9:: عراق ::9::عراق

عـ ـ ـراقـ ـيـ ـة مغـ ـ ـتربـ ـ ـة

08-14-2007, 10:36 PM

اول شئ هلو لجميع المتغربين
ثاني شئ اني عراقية مغتربة 16 سنة مغتربة من سنة وتنقلت بعدة دول وتالي صفيت في كندا
وكلبت الموضوع كله لكيت بس دينا همينة عايشة بكندا راح اموت من الغربة هنانة ماكو عراقيين مشتاقة الى لهجتي وطبع العراقيين يمكن بالدول العربية متشعورن بغربة بس اني حمووت هنا
هواياتي عشق هيثم يوسف وبيكهام واحب الكتابة والاغاني واكتب خواطر واقرة روايات واحب بلدي الى درجة تفوق الوصف
اعشق حتى حروف العراق من اباوع عليها
وتحياتي للجميع وفي انتظر تحسن الاوضاع دوما حتى نرجع مرة ثانية

شكرا للموضوع

فوفو العاشق

08-15-2007, 09:44 AM

مساء الصبح
اشنونكم شباب وصبايا علمود لا يزعلن خواتي
اني فراس عراقي متغرب بسوريا
وارد اصدقاء بسوريا ترة صالي سنة عايش غريب

هواياتي كل شيء جميل وجديد.نت تعارف .كتابات
عمري 22

فراس

وليد1978

08-16-2007, 04:52 AM

الله ايصبركم على لغربة اني هسة بالعراق بس اول شي براسي الهرب من واقع الحال هذا كل واحد عندة غيرة والله ميكدر اشوف بغداد هيجي تحترك والعراق يدمر اكول هيجي لان لسة محاس بطعم الغربة بس هي اكيد افضل من طعم الحسرة على بلد يتجه نح الهاوية المهندس وليد البغدادي

وليد1978

08-16-2007, 04:57 AM

الاخت اسيرة بغداد كلماتج خلت عيوني تجري صدك منريد انموت بغير بغداد بس شتكولين اذا بغداد ماتت قبلنة اتمنالج تحقيق الطموح والعودة الى بغداد حبيبتنة

وليد1978

08-16-2007, 05:14 AM

تحياتي فراشة جامعة بغداد ان شاء الله اتكونين بالف خير الله ايصبرج عالغربة واتمنى اعرفج اكثر وليد البغداداي iraqi_engineer20072000@yaoo.com

princess of iraq

08-21-2007, 01:32 AM

::57::يسلمووووو نورس على الموضوع الرائع ...
اني princess of iraq
عمري 20 سنة
جامعة المستنصرية تربية جغرافية
مقيمة بمصر بعد اسبوع ويصيرلي سنة::27::
هواياتي النت والسباحة
تحياتي

rose of iraq

08-22-2007, 12:55 PM

مشكوووووور اخ نورس على الموضوع
اني روز
عمري 19 سنة
جامعه النهرين علوم سياسية (سنة اولى )
مقيمة بمصـــــــــــر لح تصير لي سنة هنا ::38::::38::

ابو نؤاس

08-25-2007, 02:34 PM

اني اسو عمري 22 سنه مقيم بعمان - الاردن خريج هندسه كيمياويه الجامعه التكنلوجيه لهاي السنه وكاعد الان تقريبا حديقه بس نت ونوم ونركيله
تحياتي للجميع

هدى العاني

08-26-2007, 11:23 PM

واللة اني ميليت من الغربة والضوجة صارلنا سنتين بسوريا
اللة كريم اللة يفرجها على العراقيين
مشكووووووور اخوية على الموضوع

the_patriot

09-01-2007, 02:07 AM

مرحبا اسمي عمار عمري 27 سنه مواطن اميركي عراقي الاصل,خريج كليه الهندسة تبريد وتكييف,مقيم في ولاية تكساس مدينة el paso.شكرا عالموضوع.

نعيمية للابد

09-03-2007, 12:44 AM

يسلموووووووووو

ليث القيسي

09-07-2007, 05:08 AM

يسلمووووو نورس عل الموضوع الحلو::57::

اني ليث عمري 20 سنه::41::
طالب هندسه اتصالات صارررررررررررررلي سنه بمصر الكشره::12::
حاليا داكمل مرحله ثانيه بس شفت فرق ابد مو طبيعي::29::
يعني الحياه الجامعيه بلعراق تختلف مو شون مجان عن الحياه الجامعيه لي بمصر ::29::....
بس نكول الله كريـــــــم وياربي ترجع ايامنا الحلوه وتلتم كلوبنا بغداد.
يسلموووووووو عل الموضوع::57::

&& جنية بغداد &&

09-11-2007, 02:24 PM

مشكور على فكره الحلوة واحب اقول اني مغتربه في بلاد الغربه اني مقيمه بغداد الحزينه واريد اقول مو بس اللي امسافر مغترب احنى هم مغتربين اكثر منكم لان فقدنه اعز احبابنه وفقدنه احلى ايامنه و فقدنه الناس اللي انحبهم ,,, تعالو شوفو الغربه الوضع الاعضميه مفصوله عن كاظميه والمنصور مفصوله عن الكراده والدوره مفصوله عن اليرموك كل هذا التقسيم يحسس الانسان بانو مغترب عن بلاده وعن منطقته اللي ساكن بيه عن بقية المناطق اني اتمنى من كل قلبي بانو يتحسن الوضع والناس كله ترجع لبيوته ,,, واني طالبه كليه قسم علوم مصارف , وماعندي مهنه محدده يعجبني اسمع شعر واغاني واكعد على الانترنت واحب الرياضه

fofoalzoghby

10-28-2007, 10:51 AM

اني فوفو 22 سنة اخر سنة ادارة اعمال وتركتهة حرامات
عفتهة اني حاليا خارج العراق انتظر فيزة ايطاليا وبعدين اجي لاوربا بس بعدني ممقرر وين اورح ممكن احد ينصحني وين اروح fofo my emeail fofo_alzoghby@yahoo

نابليون

11-06-2007, 03:58 PM

اني مهندس اتخرجت من الجامعة التكنولوجية قبل سنة ومقيم حاليا بسوريا والله يصبرنة على فراك الاهل والوطن

دكيت باب الوطن وابوابه مسدودة
ومن فتح بابه انزلن دمعات بخدودة
صب الدمع واشتكى من غير مايحجي
وصعبة علي من شفت عين الوطن تبجي

مشكوووووووووور اخوية نورس على هذا الموضوع الرائع

saif lion

11-12-2007, 12:11 PM

اني سيف عمري 19 سنة طالب في الجامعة التكنولوجية انتاج ومعادن بس عفتها بسبب الظروف
حاليا في السويد

saif lion

11-12-2007, 12:12 PM

اني سيف عمري 19 سنة طالب في الجامعة التكنولوجية انتاج ومعادن بس عفتها بسبب الظروف
حاليا في السويد

master_romania

11-24-2007, 11:58 AM

خوش موضوع و اني عراقي عايش في رومانيا حاليا او بالاحرى للابد و اسمي فلاح و طالب صيدله سنة اولى و عمري 18 و ليحب مراسلتي هذا اميلي master_love_angel@yahoo.com و اذا اكو عراقيين برومانيا خلي نتعرف عليهم بعد احسن

kaesarzaid

11-30-2007, 02:12 PM

اني قيصر
عمري 21 سنه طالب مرحله ثالثه علوم حاسبات سابقا جنت بالجامعه التكنلوجيه عايش بعمان تحياتي للكل واتمنى اتعرف على اهل العراقيين الي بعمان تحياتي

لاعبة

12-05-2007, 10:21 PM

هلا نورا انا لاعبة كيفك انا قررت انشالله اهاجر للنرويج
لان لازم اسافر انا لاعبة متميزة جدااااااااااااااااااا وانا في العراق مضمورة خاصة الرياضة النسوية وااننا اجد نفسي مستوايه اوربا لنا انا قبل فترة حصدت لقب ذهبية في مصر ارجوج احكيلي بصرراحة عن النرويج انتضر الجواب

انس الفنان

12-06-2007, 03:35 PM

مشكوووووووووورين

*نوره*

12-13-2007, 08:00 AM

هلووووووووووو

شلونكم

طبعا
اني اسمي نوره

اعيش في الامارات / الشارقه من 7 سنوات تقريبا

خلصت الثانويه با العراق
و المفروض هسه اني بمكمله جامعه بس الله مراد لانه كل اوراقي با العراق بس يلا شنوسي هسه قدمت ادارة اعمال انش الله عن طريق الننت لانه ماعني و قت اشتغل

با التنفيذ الاداري لشركة تقنية معلومات في دبي

جنت بالاول اشتغل في ابراج الامارات با الطابق 51 منسقة تدريب لمدة سنتين و نص وهسه انتقلت من 9 شاهر لشغلي الجديد

و اني با الشارقه و بس

اي نسيت اكللكم عمري 23 سنه

بعد تريدون شغل ابويه بعد هههههههههه

يلا فرصه حلوه نتعرف على العراقين بنفس البلد الله يرجعنا لبلدنا

Mohammed Germany

12-13-2007, 12:13 PM

هلو نورة شلونج اني جنت ثلاث اشهر في الشارقة في عمارة الوزير قرب مجمع فردان
وحالياً في المانيا
واتنمى الموفقية في حياتج
عمري 26 سنة سعيدة نيااااااااا

*نوره*

12-15-2007, 07:26 AM

هلو نورة شلونج اني جنت ثلاث اشهر في الشارقة في عمارة الوزير قرب مجمع فردان
وحالياً في المانيا
واتنمى الموفقية في حياتج
عمري 26 سنة سعيدة نيااااااااا

هلو عيني احمد شلونك

و الله زين رحت الى المانيا

اي زين يعني المفروض جنت تكون جيرانه

اني ماما عندها شركة با الفردان نفسه بلوك B

اني و بعد شكلي رح اصير جيرانك باللمانيا

رح اجي بشهر الثاني بس ابقى اسبوعين و ارجع

انت و ين موجود