اريد اتزوووووووووووج ومحتاج مساعده

[BroKeN]

شباب والله مو تحشيش

اريد اخذ رايكم

اني هسه بالغربه

وضجت من كوني وحيد

وماعندي سوالف تعبانه::50::

واحب استقر لاني مدا الكه الشخصايه(البنيه)

الي احس اني احبها او مدا الكه وحده على الاطلاق بالاحرى

فاني مفكر بوحده وعاجبني احاجيها كلش

بس مدا اكدر لانها بنيه مؤدبه ملتزمه دينيا وعلى خلق كلش عالي

اني هيج نوع ما اباوع عليها لو على كطع رقبتي

وهيه اقارب اقاربي

يعني عيب اسوي هيج شغله ::10::

ف

الظاهر حبيتها ما اجذب عليكم


شتكولون اتقدم الها للزواج لو لااااااع بعد وكت عليه


الموضوع جدي ومحتاج تصويتكم

ومو تحشيش والله

بس لان ما اعرف ويا منو احجي هسه

والمن اشكي

فحبيت الكل يشاركوني بالحديث

تحياتي


اخوكم
يريد يتزوج
هع

::10:: ::10:: ::10:: ::10:: ::10:: ::10:: ::10::
::10:: ::10:: ::10:: ::10:: ::10:: ::10:: ::10::

[عُلا دي ميلو]

بروكن والله افتهمنا الا موضوعين هههههههه

[BroKeN]

علاوي والله مو تصنيف السالفه صدك ومدوختني كلش كلش
طول اليوم طالع دا افتر بالسياره ودفكر بالسالفه واني ماعندي اجازه
والايدي كارت وجواز السفر ناسيهن اب بيت عمي
ومدري مشيت سرعه ضربت ترفك والله ما ادري
الله اليستر

[عُلا دي ميلو]

انت شكد عمرك؟؟
اذا جوة 23
لا عيني انتظر احسن

[ηιgнтнαωк]

عمي اذا من قسمتك متروح لغيرك وان شاء الله خير
والله يسهلك

تحياتي..

[حــــــورية أيطاليـا]

هاي انت قبل لاتزوج يومية مسويلك حادث ومتفلش
زين من تزوج وبراسك جاهل وتفكر بالبيت وبالمرة والجاهل الوكيح
لان اكيد وكيح يطلع منو ابوه ::50::
جااااااان شسويت ::10::
عمي روح احجي وياها ودربك اخضر
واترك العلم بالحديقة اني احرسه ::101::
...

[BroKeN]

انت شكد عمرك؟؟
اذا جوة 23
لا عيني انتظر احسن


ها هيج تكولين
::10::

شكرا على المساعده

تحياتووووووووووو

[BroKeN]

عمي اذا من قسمتك متروح لغيرك وان شاء الله خير
والله يسهلك

تحياتي..


انشالله تكون من قسمتي
الف شكر الك حبي على المساعد
تحياتووووووووووووو

[BroKeN]

هاي انت قبل لاتزوج يومية مسويلك حادث ومتفلش
زين من تزوج وبراسك جاهل وتفكر بالبيت وبالمرة والجاهل الوكيح
لان اكيد وكيح يطلع منو ابوه ::50::
جااااااان شسويت ::10::
عمي روح احجي وياها ودربك اخضر
واترك العلم بالحديقة اني احرسه ::101::

...


مو كلنا بدون تحشيش ::10::

[عُلا دي ميلو]

بروكن ترة اذا تزوج تنغسل غسلة خخخخخخخخ

http://www.youtube.com/watch?v=1bz-5MPX7VU&eurl=

http://www.youtube.com/watch?v=1bOq4V2SnF8&eurl=

هاك شوف ذني و اضحك بس لا تطلع شايفهن هع
اذا ميطلعن كول

[ماميش دجلة نت]

يامعود محيسن اخاف سويت قبل اسبوعين
عملية مال اكياس
فاذا تتزوج راح تسوي عملية مال زرع
شعر و قلب و دماغ و كل الاعضاء خصوصا الجلاوي
لان كلهن راح ينفجرن::36::

اكو واحد يجيب تمساح يعيش وياه
http://www.freaksiniraq.com/vb/images/smilies/sm.gif
اكعد راحة و لا تتورط::28::::28::::28::

[سعـــد القيســــــي]

::33:: ::33:: ::33::
::50:: اني اكول بعدك صغيرون على الزواج ::101::
بس لتصير عصبي علي وتزعل ::50::

[E-S-C-A-D-A]

اني اكول اذا انت تريد البينه توكل على الله انت عليش بالسويد وتكول انت حباب وماعندك سوالف تعبانه
فروح وشوف رده الفعل واذا تريد تستقر من صدك روح وماكو احلى من هيج

تحياتي الك
بلغنه باخر الاخبار

[BroKeN]

يامعود محيسن اخاف سويت قبل اسبوعين

عملية مال اكياس
فاذا تتزوج راح تسوي عملية مال زرع
شعر و قلب و دماغ و كل الاعضاء خصوصا الجلاوي
لان كلهن راح ينفجرن::36::

اكو واحد يجيب تمساح يعيش وياه
http://www.freaksiniraq.com/vb/images/smilies/sm.gif
اكعد راحة و لا تتورط::28::::28::::28::

::10:: ::10::

اريد استقر مو بزعت روحي

::10::

[BroKeN]

::33:: ::33:: ::33::

::50:: اني اكول بعدك صغيرون على الزواج ::101::

بس لتصير عصبي علي وتزعل ::50::


عمي ما ازعل
بس مو احسن ما اديح واصير مو خوش واحد
::10::

[BroKeN]

اني اكول اذا انت تريد البينه توكل على الله انت عليش بالسويد وتكول انت حباب وماعندك سوالف تعبانه
فروح وشوف رده الفعل واذا تريد تستقر من صدك روح وماكو احلى من هيج

تحياتي الك
بلغنه باخر الاخبار


هيه هاي المصيبه
اليوم كتلها اريد ازووجك
قبل لا اسلم عليها
من شفتها مصدومه
فلتت حتى لبيت قرايبنه ما دخلت
::10::

[عُلا دي ميلو]

لك ابروكن اذا تزوج ابروح ابوي تنغسل غسلة
اتصير حباتك عبارة عن ودي اجياس و جيب اجياس ههههههه
لا لا
انت الضاهر ضايج و مريد انضوجك بعد
بس ترة العمر كدامك طويل
يعني انتظر اشوية
اروح نام وراي دوام باي

[E-S-C-A-D-A]

خيوووووو اللي بقلبك كوله ولا تتردد بشي

[asoo]

و الله يا حبي اذا انت تكدر على مسؤليات الزواج و كدهة فليش لا ...
و اما مسئلة العمر فهو بنظري بعد وكت بس بالنسبة لظروفك و احسن متصير غير اشياء
خصوصا انت بالغربة و تحتاج من يكون يمك بالحلوة و المرة فتوكل على الله ...
و موفق حبي بالحالتين
تحياتي

[حرم سعادة الوزير]

والله يا اخ بروكن
اني اكول توكل على الله
واللي بي خير وصالح الله يقدمه
بس اريد اكولك انت اذا عندك مسؤوليه
فتزوج
اما
اذا ماعندك مسؤوليه ولا صبر وتحمل فلا تزوج
لان الزواج عبارة عن مسؤوليه وصبر وتحمل وتعاون بين الطرفين
وهوايه اشياء
وشويه فكر زين لان احتمال
رأيك بعده متقلب
لان دا اشوفك حاير بالشغله
يلا حتى تجيبلنه بروكنايه كنونايه
::49:: ::49:: ::49::

يلا تحياتي لكَ بالموفقيه

هــبه

[سامرائي الى الابد]

بروجن خويه اتكول على الله

بس اول شي شوف ردت فعل البنيه ايجوز

مخاله فكره زاوج براسه هيه

قبل متفكر بكلشي شوف البنيه

واذا

[عاشق عيون عليا]

بروكن انت عمرك 20 سنه يعني بعدك ليش مستعجل اصبر لأن انت في هذه المرحله تكون غير مستقر
ومرات تربط نفسك بانسانه بعد فتره تلاحظ انه انت ما مرتاح وياها وتبدي المشاكل
زين اذا انت عمرك 20 هيا شكيد 12 لو 14 لو 16 لو 17 لو 18 لو 19 لو ابكدك
تره بعد وكت اوصل اقل شي الى 25 وبذلك الوقت راح تكدر تختار البنيه الي فعلا توالمك مو لأن تريد تستقر
وما اعتقد اكو احد عمره 20 سنه يريد يستقر الي عمره 20 سنه يريد يعيش عمره
كل فتره من العمر الها متطلباتها ....
اني اكول بعد وكت تره الزواج مو شي هين مو مجرد شخص تحبه عايش وياك لو تطلع وياه تتعشى بمطعم وياه او او الزواج اكبر من هذا الشي ولازم تدرك هيج شي

[stranger on love shore]

فعلا اخ بروكن اني رائي من رائ علوي اذا انت تريد الابنيه من صدك احجي ويه اهله احجزه او حتى اخطبه ورتب امورك زين وفد لل23 تزوج
اتمنالك التوفيق والسعاده

بس لا تصير مثل هذا العريس ههههههههههههه
http://www.q6r.com/up/uploads/a40979cbc1.jpg

[.:. مخبله ونص .:.]

بروكن والله اني انصحك تخطب
لان انت هسه كل يوم مسوي
حداث بس اذا خطبت تبطل تسوي
حوادث انوب تفكر بالمره::24::
فتوكل على الله واخطب
ها وللعام تره اني همينه انخطبت::50::
يالله اخطب حتى العالم تغار
ويصير زواج جماعي::101::

(زواج دجله نت الجماعي)::36::
اول واحد نزوجه ابن فلود وابن شجن::24::
وراها سولي والمدني::49::
وراها زوريه وعلايه::49::
وراها ليوله وياعوته::49::
وراها ايدي وفنتوري::49::
وراها سباركس وامبريور::49::
وراها اكس مين وذو الفقار::49::
وراها حارقه وهيرو::49::
وراها فلود ::10::
اكول صدك هسه اجه على بالي احد غايب اوفا
اوفا وين وين؟؟؟؟؟

[BroKeN]

لك ابروكن اذا تزوج ابروح ابوي تنغسل غسلة
اتصير حباتك عبارة عن ودي اجياس و جيب اجياس ههههههه
لا لا
انت الضاهر ضايج و مريد انضوجك بعد
بس ترة العمر كدامك طويل
يعني انتظر اشوية
اروح نام وراي دوام باي

::10:: شكرا

خيوووووو اللي بقلبك كوله ولا تتردد بشي


::27:: المن اكوله هسه ماكو احد احجيلها وباجر لازم اروح للمستشفى اسحب جراحه العمليه مالتي
واغيب بعد يومين يعني اني ابقى حاصر السالفه بقلبي 3ايام ::27:: ::27::
واني ما احب احجي الا لناسي الي ارتاحلهم ::27:: ::27:: ::27:: ::27:: ::27:: و ولاواحد بيهم موجود
::10::
مشكوره ع المرور
و الله يا حبي اذا انت تكدر على مسؤليات الزواج و كدهة فليش لا ...
و اما مسئلة العمر فهو بنظري بعد وكت بس بالنسبة لظروفك و احسن متصير غير اشياء
خصوصا انت بالغربة و تحتاج من يكون يمك بالحلوة و المرة فتوكل على الله ...
و موفق حبي بالحالتين
تحياتي

اسو والله المسؤوليه موجوده وميه ميه
وهذا سبب تفكيري بالموضوع واني بهالمرحله
يعني عمري 20 بعد جم يوم اصير 21 المهم
احسن ما اديح ويصير بيا فد شي لاسامح الله اتزوج
ولو اني ما احب مكسرات بس هاي الدنيا والانسان عنده نزواته
واني بشر مو ملاك
والف شكر على النصيحه والمرور




والله يا اخ بروكن

اني اكول توكل على الله
واللي بي خير وصالح الله يقدمه
بس اريد اكولك انت اذا عندك مسؤوليه
فتزوج
اما
اذا ماعندك مسؤوليه ولا صبر وتحمل فلا تزوج
لان الزواج عبارة عن مسؤوليه وصبر وتحمل وتعاون بين الطرفين
وهوايه اشياء
وشويه فكر زين لان احتمال
رأيك بعده متقلب
لان دا اشوفك حاير بالشغله
يلا حتى تجيبلنه بروكنايه كنونايه
::49:: ::49:: ::49::

يلا تحياتي لكَ بالموفقيه


هــبه



والله خيه حاير لان وضعيتي تحسنت والحمد لله
مشاكلي القديمه ويا القانون انحلت
وهسه ضامن نفسي ومأمن على مستقبلي وماشي بطريقي
واني اريد الزواج للستر استر نفسي يعني ....
لان هاي دنيانه هنا تعبانه كلش
الف تحيه



بروجن خويه اتكول على الله

بس اول شي شوف ردت فعل البنيه ايجوز

مخاله فكره زاوج براسه هيه

قبل متفكر بكلشي شوف البنيه

واذا

الله كريم والف مرحبا لمروري ونصيحتك
حياك الله خويه

بروكن انت عمرك 20 سنه يعني بعدك ليش مستعجل اصبر لأن انت في هذه المرحله تكون غير مستقر
ومرات تربط نفسك بانسانه بعد فتره تلاحظ انه انت ما مرتاح وياها وتبدي المشاكل
زين اذا انت عمرك 20 هيا شكيد 12 لو 14 لو 16 لو 17 لو 18 لو 19 لو ابكدك
تره بعد وكت اوصل اقل شي الى 25 وبذلك الوقت راح تكدر تختار البنيه الي فعلا توالمك مو لأن تريد تستقر
وما اعتقد اكو احد عمره 20 سنه يريد يستقر الي عمره 20 سنه يريد يعيش عمره
كل فتره من العمر الها متطلباتها ....
اني اكول بعد وكت تره الزواج مو شي هين مو مجرد شخص تحبه عايش وياك لو تطلع وياه تتعشى بمطعم وياه او او الزواج اكبر من هذا الشي ولازم تدرك هيج شي

علوكي هي المسأله مو بالاعمار ....ولو اني مو عشرون اكبر وهيه هم
بس العمر المخلي بملفي فيييييييكه
.......
البنيه موظفه هالسنه وسنه اللخ تدرس
وهيه مستقله بذاته و بداخل اسرتها يعني ست بيت اصيله
واني بالنسبه الي كد المسؤوليه لان حياتي السابقه
حكمت علي ان اكون صاحب مسؤوليه من عمري 12سنه
واني الحمد لله ما مخلي شي بنفسي والاعضاء الي يعرفوني
معرفه شخصيه يعرفون هذا الشي كلش زين
ومليت من التمتع بالحياه الى درجه ما تطاق
بحيث كلشي اني مسويه قبل كمت اكرها واعتبره للمراهقين وصغار العمر
حبي الخمسه وعشرين سنه يعني بعد خمس سنين
حيلللللللللللللل ::27::
يمعود البنيه تطير من ايدي والله::27:: واني ما اريدها لغيري لانها الماااااااسه ::51::
و والله اعرف الزواج مو لعبه واني جاد بالموضوع كلش
والف شكر على النصيحه حبي




فعلا اخ بروكن اني رائي من رائ علوي اذا انت تريد الابنيه من صدك احجي ويه اهله احجزه او حتى اخطبه ورتب امورك زين وفد لل23 تزوج
اتمنالك التوفيق والسعاده

بس لا تصير مثل هذا العريس ههههههههههههه
http://www.q6r.com/up/uploads/a40979cbc1.jpg


هو الي مفكر بيه هيج
اخطب والسنه القادمه او البعدها اتزوج انشالله
مشكوره على الصوره

[BroKeN]

بروكن والله اني انصحك تخطب

لان انت هسه كل يوم مسوي
حداث بس اذا خطبت تبطل تسوي
حوادث انوب تفكر بالمره::24::
فتوكل على الله واخطب
ها وللعام تره اني همينه انخطبت::50::
يالله اخطب حتى العالم تغار
ويصير زواج جماعي::101::

(زواج دجله نت الجماعي)::36::
اول واحد نزوجه ابن فلود وابن شجن::24::
وراها سولي والمدني::49::
وراها زوريه وعلايه::49::
وراها ليوله وياعوته::49::
وراها ايدي وفنتوري::49::
وراها سباركس وامبريور::49::
وراها اكس مين وذو الفقار::49::
وراها حارقه وهيرو::49::
وراها فلود ::10::
اكول صدك هسه اجه على بالي احد غايب اوفا

اوفا وين وين؟؟؟؟؟


::50:: ::51:: ::51:: ::51::

هيج تشوفين يعني
اتوكل على الله


واني هم مفكر بيها
يعني اذا اتزوج اعقل ؟؟؟؟ لو ابقى مخبل ؟؟؟؟؟

::10:: ::10:: ::10:: ::10::

[ياسمينه]

اني اكول بعدك زغير على الزواج يعني بعد وكت والعمر كدامك
يعني هسه تشتغل تسافر تشوف حياتك ولاحك هالزواج
واذا انت تحب البنيه ورايدها احجي وياها من غير تردد
عادي شكو بيها اذا انت خوش ولد ورايدها بس لاتحجي ويا اهلها
اول شي احجي وياهاا لازم تعرف رائيها اول شي واذا هيه وافقت
بعدين روح احجي ويا اهلها وابقو مخطوبين سنه لو سنتين
على حسب
يعني صحيح بعد وكت بس اذا انت حابه البنيه
انصحك اول شي تحجي وياها وتعرف رائيها
لاان ميصير تروح راسا لاهلها بلكي هيه مقبلت
تصير صعبه شويه
على الاقل اذا سالتها ومقبلت تبقى الشغله بينك وبينها ومحد يعرف بيها
واذا قبلت اتوكل على الله واخطب وبعد سنه لو اكثر تزوجو

وبالتوفيق

[BroKeN]

اني اكول بعدك زغير على الزواج يعني بعد وكت والعمر كدامك

يعني هسه تشتغل تسافر تشوف حياتك ولاحك هالزواج
واذا انت تحب البنيه ورايدها احجي وياها من غير تردد
عادي شكو بيها اذا انت خوش ولد ورايدها بس لاتحجي ويا اهلها
اول شي احجي وياهاا لازم تعرف رائيها اول شي واذا هيه وافقت
بعدين روح احجي ويا اهلها وابقو مخطوبين سنه لو سنتين
على حسب
يعني صحيح بعد وكت بس اذا انت حابه البنيه
انصحك اول شي تحجي وياها وتعرف رائيها
لاان ميصير تروح راسا لاهلها بلكي هيه مقبلت
تصير صعبه شويه
على الاقل اذا سالتها ومقبلت تبقى الشغله بينك وبينها ومحد يعرف بيها
واذا قبلت اتوكل على الله واخطب وبعد سنه لو اكثر تزوجو


وبالتوفيق



شوكران ياسمينه

::10::

[aboalsoof]

حبي اتوكل واتزوج
قابل اللي تزوجوا احسن منك
واكو ناس اتزوجوا وهم صغار
يعني الولد عمره 19 سنة والبنية 14 سنة ( مثلا مثلا )
ماكو هيج زواجات ؟؟ لا .. اكو هيج ( بس مايعوعي نيااااااااااااااااااااااااااا )
تزوج حبي
واعزمنا
لان اريد اكل لحم
مو تجيب فاصوليا
والتمن مامحروك
واللبن من هذا الشايط

[gadfather]

اخوية العزيز لتستعجل شغلة الزواج مو لعبة وانتضر بلكت تشوف بنت الحلال الي تحبة و خلية على الله
وتقبل مشاركتي

[شجــن العراق]

شوف .. من الاخر ..

انت يابروكن انتة نفسك بعدك مامستقر بسالفة السفر والدنيا ..

بس انتظر تستقر امورك ... " وكافي مستشفيات "

وروح توكّل على ربّك ...

على الاقل بس استقر واخطب وحضر روحك

بس اذا من هسة ... بعد وكت ....



وصلت الفكرة ؟!!

ربي يوفقك .. عود دزلي بطاقة ها ....................

[زينة مطر]

والله يا اخوي يا بروووووكن...

اذا كنت مستعد نفسيااو ماااااادياااا ...روح اتزوج...

تعرف اني اول ما قرأت العنوان قلت بقوله لا لاتتزوج ..لان بعد بكير

بس من ردودك حسيت ان انت اتريد تتزوج....فخلااص اتوكل على الله

بس مو ترجعلنا بعد سنتين وتقووول اريد اطلق ومحتاج ساعدة..::6::

[sweetysara]

هلو بروكن شلونك ؟؟؟؟؟

طبعا شغلة الزواج مو بسيطة لانه التزام ومسؤولية قبل اي شي ... قبل الحب .........

ف

اذا انت كنت كد المسؤولية هسة ... ومرتب امورك ومضبطها ....... وعمرك مناسب للزواج .. وهي خوش بنية وحبابة مثل ما انت كلت ........ ومستعد تّكون بيت وتتحمل مسؤولية ...

ف

الله يوفقك ........


لكـــــــــــــــــــــــــــــــــــــــــن


اذا لم تتوفر الشروط السابقة

ف


اكعد راحــــــــــــــــــة


تحياتـــــــــــــــــــــــــــــــــي


الله يوفقك في جميع الحالات ,,, العزوبية والزواجية .......

[layal]

http://72.52.154.197/~dijlhnet/forums/images/icons/19.gif http://72.52.154.197/~dijlhnet/forums/images/icons/19.gif http://72.52.154.197/~dijlhnet/forums/images/icons/19.gif http://72.52.154.197/~dijlhnet/forums/images/icons/19.gif
طبعا والله عمو محيسن عبالي تحشيش
شو دا اقرة الردود
السالفة طلعت صدك ::2::

والله عمو اذا انت مستعد نفسيا لهذا الموضوع (حتفلسف)
و واثق من اختيارك
والبنية صدك عجبتك وحبيتهة وحبيت اخلاقهة
وكرايبك بعد شكو

روح واتوكل على الله واتقدملهة واخطبهة
ورة عود فد سنة سنتين ازوجو
من انت تستقر وتشوف امورك

بس من تروح تخطب تكلي الي اول وحدة
حتى اني اسويلك الحفلة ::37::
واهلهلك هم بعد شتريد ::14::
كافي عاد حوداث ومستشفيات::1:: وعمليات
وانشاء الله موفق يا ربي
وتنول الي تتمناه ::51::
..

[EmPeRoR]

هسة الا تتزوج

اكو طرق هواية غير الزواج تقتل الوحدة مثلا الحصول على شهادة دراسية لأختصاص غير اختصاصك

حتى تصير عندك شهادتين

واتصور عمرك بعدة صغير على الزواج

ومن يصير عمرك بنهاية العشرين روح تزوج

هاي وجهة نظري

[Sadeer Al-Nu3imie]

والله بروكن كسرت قلبي لح اسوي الك جمعية بنص منتدى كلية الرافدين لان ذولة كلية اهلية والواحد يقدر يقفص عليهم ونشوف شكد نطلع الك منهم والله يسهل الك وانت بس انموي هو ربك يسهل ولو اني صوتت لان تعيد التفكير بس همين منكسر بخاطرك

[~*¤ مشتاقـــة لحبيبـــي ¤*~]

بروكن اني عرفت عمرك 20 طبعا هذا بعد دخولي للملف الشخصي

وال 20 يعني بعدك طالب

اني اكول لاتستعجل

بس اذا مكون روحك وجاهز توكل على الله

وان شاء الله موفق

اختك

[Sadeer Al-Nu3imie]

كلش حلووووووووووووووووووو واليوم النور نورين لان ابو ليلى ويانا بالسوالف يمعود موشتاقونبروكن حبيبي معليك بكلام مشتاقة لتتورط هيجي ورطة اذا ميصير عمرك 30 سنه وخطيتك يمي اني ابيعها الك بالاقساط

[~*¤ مشتاقـــة لحبيبـــي ¤*~]

بروكن حبيبي معليك بكلام مشتاقة لتتورط هيجي ورطة اذا ميصير عمرك 30 سنه وخطيتك يمي اني ابيعها الك بالاقساط



سدير ليش اني شكلت ::1::
اني كتلة بعدك طالب ولا تسعجل
بس سألتة اذا مكون روحة خلي يتوكل على الله

[تــــღ تم تم ღــموره]

و الله يا بروكن
اذا انت مستقر هناك و مكون نفسك
اتوكل على الله
و اهم شي اهم شي اهم شي تكون تحبها
بس انت فكر اكثر لان الزواج مصير
و الله يوفقك

[احــــــمــــــد النـــــــجـــــــار]

والله حبي بروكن انت اخونا العزيز واله شاهد.............واحبك كاخ............ اخوية اخطبهااااا وفد سنة او ثنين ازوج.......... وخاصة ترة الزوااااااج ايرتب حياتك..........زويخليك اتعيش بفرحة لن اتعيش من اجل شي معين..........ززاسمع مني اخوية واخطبهااااااااااااااااااا.............بس حبي هاي اذا انت اتحبهااااااااااا مثل مدكول...........لأن حبي محيسن اني اخاف انت اتعاني من فراغ عاطفي.......وتريد واحد ايوخر ضوجتك فقررت ترتبط.........فهمتني حبي............اذا تحبها اخطبها........ززبس اذا اتريد اسد فراغ عاطفي بدون حب فلتضلم البنية حبي..........


اخوك احمد مرينز

[القديس بغدادي]

اخوية اذا تحس نفسك تكدر تتزوج، اتزوج لانه استقرار...
هذه نصيحتي و انت اللي تقرر...

[The Promise]

بنيه مؤدبه ملتزمه دينيا وعلى خلق كلش عالي
ليش انت قابل شدتسوي هذا اولا
اذا كان عمرك اقل من 30 لاتتزوج اخذها نصيحة
رتب وضعك اهنا بالغرب مو مثل بالعراق الزواج يعني اخر طابوقة بالحياة فرتب وضعك حتى ماتواجة مشاكل
اني صار لي 23 سنة باوربا قبل 5 اسنين يللة اتزوجت !! الوحدة الها معناها اذا عرفت تستغلها لفائدتك المادية والاجتماعية
ارجو الا يكون كلامي ثقيل عليك

[SoLeDaD]

والله يا بروكن اني اكول نفس حجي الاخ برومس

بعد هو اكبر واكيد يعرف اكثر منا


يعني ابني حياتك وكون نفسك وبعدين اتزوج لان الزواج عبء ما يتحمله كل واحد


اكو ناس تتزوج ويصير زواجها فاشل فانت ليش تعيش نفسك حياه غير سعيدة وغير مريحه


........


تحياتي لك

[Hero]

رأيي من رأي الاغلبيه

حسب كلامك انت كد المسؤوليه وماكو واحد يعرف نفسه الا هو

اتوكل على الله

ولاتنسى تعزمنه

هع

تحياتي
هيرووووووووو

[Hero]

اكول

هم فكر شويه بالموضوع لاتستعجل

[نوره رمش العين]

هلووووووووووووو بروووووكن
صوتتلك حسب رأي وحسب اللي اشوفه هنانه واللمجتمع صوتت اتوكل على الله

[جنـون]

هلو بروكن...!

بابا تحجي من كل عقلك ؟؟؟؟؟؟؟؟؟؟؟؟

تريد تزوج هسا ؟

هي وكتها... !

الواحد لازم اول شي يستقل..

يعني شغل..وبيت..واهم شي واصل المرحله عمريه واعيه..يعني اقل شي فد 25 او 26..

وانتا بعدك 20...لا تستعجل نصيحه هي اذا اتحبك مارح اطير..ولا انتا..

احجي وياها..كولها اذا انتي ترديني مثل ما اني..لازم تصبرين علمن اكون نفسي..

وذا انتا يا محيسن يا اخويا اتحبها فعلا..ومتاكد من نفسك وشعورك..مو شغله لعب..فروح اخطبها بس..يعني حلقات..وبقو سنه او اثنين شعليكم ..خو مرح اتصيرون اكسباير.. !

ورجع وكولك اتاكد من شعورط..هذا اهم شي..لانهو الزواج مو لعب ..لو هدوم تلبسها وذا معجبك تنزعها..هاي عشره عمر..
وغلطتها كلش جبيره..

موفق يا رب..
:
:
جنونه

[الكـون لهُ اسـْرار]

عاااااااااااااااااا ::43:: ::43:: ::43::


مبروك حبي بس اوكف دقيقة ::32::


انصحك نصيحة اخوييه لتتزوج لان اخوك صار سبعة يتزوج ::5::

والثامنة شلعت قلبه كالبقية ::8::

شيل هاي الفكرة من بالك

وراح اذكرك بشي ::29::

اتخيل نفسك تكعد من الصبح بوجههة وتشوف كفشتهة كبالك :20::

وتكلك اريد مصرف وتكلك طلعني وهواية شغلات

احسن شي اللك

اسمع سعدي الحلي واتخيل انتة فارس احلام جوليا روبرت ::32::

[حب مع الايام]

اني ما راح اصوت على اي شئ بس اكلك انطي لنفسك فتره اكثر وفكر واذا بقت الفكره براسك وشفت انوا انته تريد البنيه .. بوكتها تزوج او تخطب بس وخلي فتره الخطوبه شويه طويله مو هواي يعني مو مال سنتين خطوبه خليها سنه وحده احسن الك وانشاله تحقق الي ابالك ..............
بس نصيحه من اختك لتشيل الفكره من راسك ولتكول اني بعدني صغير احسنلك ::57::

شكرااااا

[Miss ALBasrah]

والله اخي انا اكول تزوج واستقر حتى لو عمرك اقل من 23 يمعود همه الي مواليدهم بالتسعين جاي يزوجون
ازوج حتى بلكت تعقل هههههههههههههههههههه
لا اخي ترى اتشاقه بس اذا البنيه على دين وخلق ليش لا وان شاء الله تصير من نصيبك

[عُلا دي ميلو]

اكولك بروكن احنة حيرناك بالزايد هع

[شجــن العراق]

http://www.arabsline.net/vb/images/smilies/queen.gif

[مـلاك الشـوق]

فـكـر اكـثـر بالـموضوع و لا تسـتعجل

و لا تيأس وتكول اني مدا الكى وحدة




واحب استقر لاني مدا الكه الشخصايه(البنيه)
الي احس اني احبها او مدا الكه وحده على الاطلاق بالاحرى


انت بعدك مدخلت سن اليأس مثل ميكولون ::50::

وبالتوفيق بروكن وان شاء الله تلكى

تحياتي الدلـوعة

[TaMaRa]

اذا تحبها ومتأكد من مشاعرك فرأيي تكلها وانت بعد تفنن بالطريقة ::50:: وان شاء الله يصير خير

[TaMaRa]

اذا تحبها ومتأكد من مشاعرك فرأيي تكلها وانت بعد تفنن بالطريقة ::50:: وان شاء الله يصير خير

[TaMaRa]

اذا تحبها ومتأكد من مشاعرك فرأيي تكلها وانت بعد تفنن بالطريقة ::50:: وان شاء الله يصير خير

[AL-DOCTORH R]

والله يا بروكن اني اكول اتوكل على الله بس تدري اني خايفة عليه من الخمط
دير بالك هاي متعرف بهاي السوالف مال الخمط والطابوك

دكتورررررررررة المنتدى

[The Promise]

والله يا بروكن اني اكول اتوكل على الله بس تدري اني خايفة عليه من الخمط
دير بالك هاي متعرف بهاي السوالف مال الخمط والطابوك

دكتورررررررررة المنتدى
اعتذر بدءا
لكني لم افهم هذة المصطلحات حبذا يادكتورة لو شرحتها بنوع من التقريب عّلي افهمها !!مع الاحترام
والقران مااعرفها مو افيك لان المصطلحات الجديدة تحيرني ::12::
بروكن
اذا بعدك على رايك فلاتنسى كلامي وابو المثل يگول اسال مجرب واذا عل البنات ترة الكيلو بربع صار ابشرك ::2::
لاتگللي مو كل بنية بنية اكو ملايين العراقيات باوربا يردن بس زواج فلا تستعجل وتخلي روحك سايق من سوبر ماركت الى غيرة ::29::
اهدء وابني نفسك ترة الحياة شوط واحد والايام الها ثمنها اني لو بعمرك اخلي اول شيء وظيفة اتعب عليها وشقة اثثها وسيارة احبها وحياة اعشقها واذا بقى وكت افكر بابنية يجوز اتزوجها فيما بعد ::41:: http://forums.dijlh.net/images/icons/106.gif

[حــــــورية أيطاليـا]

لا .. اكو هيج ( بس مايعوعي نيااااااااااااااااااااااااااا )
http://www.dijlh.net/forums/images/icons/19.gifhttp://www.dijlh.net/forums/images/icons/19.gifhttp://www.dijlh.net/forums/images/icons/19.gifhttp://www.dijlh.net/forums/images/icons/19.gif
والله بالجامعه عدنة جان ولد يقدم طلبيات ويروح ويجي عمره 15 سنة
جان يجي لابس حلقة كناله خير كال ازوجت
والله بقيت صافنه بالشغلة سبوع هو شعرف من الدنية ورأسا تحمل هالمسؤالية
وشكد عمرهة الي اخذهة ::50::
عود دزلي بطاقة ها ....................
اني همين ::23:: اذا فيزا بعد احسن ::101::

اذا كان عمرك اقل من 30 لاتتزوج اخذها نصيحة
خذ الحكمة من المجرب والله تربح ::ok:: ولاتستعجل ::32::
اكو ناس تتزوج ويصير زواجها فاشل فانت ليش تعيش نفسك حياه غير سعيدة وغير مريحه
كام يحجي فُصحى ::6::


عمي بروووووكن والله لاتتورط بعدة العمر كدامك
وانت بعدك صغير
انسب عمر للزواج من 27 وفوك http://www.dijlh.net/forums/images/icons/322.gif
ع الاقل تكون طابت الخياطات البيك::101::
...

[The Promise]

والله بالجامعه عدنة جان ولد يقدم طلبيات ويروح ويجي عمره 15 سنة
معقولة !!!!!؟؟ شلون رهمت بالجامعة وعمرة 15
اكيد هذا سوبر كليفر !!!

[حــــــورية أيطاليـا]

والله بالجامعه عدنة جان ولد يقدم طلبيات ويروح ويجي عمره 15 سنة
معقولة !!!!!؟؟ شلون رهمت بالجامعة وعمرة 15
اكيد هذا سوبر كليفر !!!
مســـــــتر برومس
مو اني كاتبه يقدم طلبات ويروح ويجي ::50::
يعني مثل النادل
...

[The Promise]

مســـــــتر برومس
مو اني كاتبه يقدم طلبات ويروح ويجي ::50::
يعني مثل النادل

...

اني عبالي يقدم طلبات للزواج !!::34::
يعني كلنر يشتغل او گرسون !! ::27:: خطية طفل ليش هيج يشتغل !!::27::
اي غير تگوليها بالعربي نادل او بالفرنسي گرسون او كلنر بالالماني ::50::

[حــــــورية أيطاليـا]

اي غير تگوليها بالعربي نادل او بالفرنسي گرسون او كلنر بالالماني ::50::
بالالمانـي Kellner
بالايطالـي Cameriere
بالفرنسـي Carecone
بعــد لو اعرف بالياباني جان كتبت ::50::
...

[لؤلؤة العراق]

السلام عليكم

بروكن جا هازا شمسوي؟؟

اخي بعدك صعير عالزواج

بس اذا فعلا رايدها ونت بالغربه

اسأل اهلها واخطبها هسه

واتمنالك الموفقيه والنجاح ديما

وراها فلود ::10::
اكول صدك هسه اجه على بالي احد غايب اوفا
اوفا وين وين؟؟؟؟؟



هاي شنو دجله(لبانه) شو زوجتي الكل ماعداي ليش؟؟

هههههههههههه

اتشاقى داده

اوفا من يوم وقف دجله اول مره مارجع لان يكوولون يجوز سافر

محد يعرف اخباره

دمتم بخير

[((((لورين العراقيه))))]

اتزوج والله يوفقك ومبروك مقدما بالرفاه والبنين

[aus73]

بالاسود هم ::50::

[تانيا]

احسن شي افتح الموضوع وسالهه اذا تقبل وبعدين اتقدم وتفوز بيهه اذا هي مؤدبه::37::

[BroKeN]

بالاسود هم ::50::


::8:: ::8:: ::8:: ::8:: ::8:: ::8:: ::8::

::21:: ::21:: ::21::

[FluidMan]

ايبااااااه لك انت مال زواج؟ ::101::

بالأول فوز علية بلبليارد وبعدين فكر بالزواج ::36::

انت وهذا ابنك اسنونة طالعة ميت متر ليكدام ::6::

[LELO]

هلو وياك ليلو من العراق بغداد .اريد اكولك شغلة وحدة واتمنى تصير !
اذا لكيتلك حل للحالة العايش بيها ارجو ان اعرف شسويت لان اني رح الحكك بهالسالفة وشكرا........