شلش البغدادي
09-18-2006, 09:18 PM
كان يوم السبت لدي امتحان للدور الثاني وكان عدد الحاظرين قليل جدا انا فقط و بضعة
طالبات من شعبتنا (شمس وصديقتها) أو كما نحب إن نسميهم الكروب المستوحد . وقبل بداية الامتحان بدقائق
اكتشفت أمر هو أني قد نسيت أقلامي اذا كيف ساجري الامتحان وكان كشك القرطاسية القريب من باب الجامعة مقفل ربما لأنه يوم سبت كيف التصرف وكانت جماعة شمس
الحل الوحيد لدي هل اذهب واطلب منهم قلم ؟. وكنت متردد فبين مجموعتنا نحن الولد وكروب شمس عداء غير معلن . فكل طرف يعتبر الطرف الثاني غير موجود فهم لا يكلمونا ولا ينظرون الينا ونحن بدورنا جعلنا حياتهم في الجامعة هي عبارة عن عن مسطبة يجلسون عليها حيث عزلنهم عن كل النشاطات في الشعبة . هل اتجراء واذهب لهم ونحن من صف الاول لم نتكلم معهم ولا كلمة وكيف سيكون رد فعلهم ينظرون الي ثم يتركونني بدون كلمة طبعا
أنا رجل شرقي وكبريائي غالية جدا مستعد أن ارسب في الامتحان على أن أمر بهذا الموقف
وفي النهاية تقدمت نحو مجموعة شمس وعندما اصبحت على بعد مناسب بسرعة بادرت وبالسلام وطلبت القلم . وقد فاجئني عندما مدت شمس يدها الى الحقيبة وأخرجت قلم وفعلت نفس الشي أحدى صديقتها وبابتسامة ودودة أعطتني القلم . ........... فهل تعتبر هذه بداية جديدة
مع كروب شمس ربما نكون قد أخطأنا في فهمهم او يكون هم من لم يعرفونا جيدا ً
وبقيت حائر طوال الامتحان ولم اجب على أي سؤال .
هلوووو شباب طبعا اني علطول اجيب قلمين ويايا وما فد يوم نسيت ولكن كتبت القصة
لان اكو فد موضوع جدا جدا لفت اهتمامي عن المنعزلين او المنطوين ولد او بنات
ولكن لكون الموضوع اكثر عند البنات راح احجي من هذا المنطلق .
خلال السنة الأولى والثانية سمعت هوايا كلمات مثل (معقدة . متكبرة . شايفة نفسها .
حقنة . محد عاجبها . سجاجة وغيرها الكثير ) كلها تصف حالة وحدة هي انعزال
بنية او مجموعة بنات عن شعبهم انعزال احيناً تام او شبه تام بحيث ماكو لا سلام
ولا كلام ولا هلو . وتبدي التحليلات من قبل مجموعة الولد والدراسات عن سبب هاي
المشكلة واكيد لزم يحطون فد حل وابسط الحلول اذا البنية جميلة يكولون شايفة نفسها
واذا البنية نص نص يكولون حقنة واذا جانت مش حلوة يكولون معقدة .
وتنتهي القضية . ويصدر الحكم بعزل المذنبين عن نشاطات الشعبة انعزال تام
حتى بقية البنات المندمجات مع شعبهم يقاطعون مجموعة المتوحدات كمجاملة لزملائهم
او وجهة نظر خاصة ما اعرف السبب . هاي حقيقة واقعة وكل شعبة بيها مثل هاي المجموعة . ولكن اكو شخص حاول ان يعرف السبب الحقيقي لان حتى اللي يحاول يتقرب او يعرف ثاني يوم جماعته يكلبوها عزا عليه اكلك انت ليش تنزل نفسك وانت شكو تنطيهم قدر ومن هالكلام فيطر الولد يترك الموضوع ولكني قررت ان ابحث بهذا الموضوع يعني شلش ميكعد راحة المهم كثير من الحالات والنفسيات ولكن اكتشفت
عدة مواقف وراح اكولها الكم
1- مجموعة بنات حلوات : طبعا هاي المجموعة اغلبية الاحيان يكون هناك معرفة مسبقة بين بنتها مثل صديقات منطقة لو مدرسة . فكرتهم ان كل ولد في باله نية سيئة فلهذا منذ اول يوم من الدوام ينعزلون ولكونها بنية حلوة وانعزلت وماكو ولد يتقرب راح يصير حقد من الطرفين وتكبر الفجوة بين الطرفين و توصل الازمة الى اعظم سعه لها عندما تتعرف بنات المجموعة على شخص من خارج الشعبة حتى لو بس سلام
2- بنات انعزلو نتيجة اختيار غلط
في بداية السنة يسعى كل ولد الى ان يكون كروب ويضم احلا البنات اوكي عيني
مجموعة من البنات المسكينات يدخلون هذا الكروب بنيه حسنة ميدرون ان هذا
الشخص مسوي كروب حتى يعاند الشعبة المهم يعزل بنات الكروب عن شعبتهم عزل تام
يعني ياخذهم بحديقة الرئاسة لو السنتر المهم ميلتقون يم القسم وبعد نص السنة ولكونة كروب قائم على المصلحة والي مسوي الكروب نيته مو صافية يتفركش الكروب
بس البنات المسكينات مراح يكدرون يختلطون ويا شعبتم بعد فركشة كروبهم لان الموضوع انحسم من قبل نص السنة وصارت تكتلات ونزاعات فينعزلون
3- محبات الدراسة
وفي اكثر الاحيان تكون طالبة مهارتها الاجتماعية ضعيفة يعني الحياة عدها بس دراسة
لا تعرف تجامل ولا تسولف وممجربة الشقى فلهذا تنعزل واللي يزيد الانعزال انها راح تكون محط سخرية وهاي طب عرب ميفيدها بس خطية والله
واكو حالات اكثر ولكني اكتفي بهذا
المهم الغلط من الطرفين وحد يريد يعترف انو غلطان يعني البنات اكو امور حتى لو انتي بنية لزم تقومين بيها وابسطها السلام سيدنا ومولنا الرسول الكريم يقول ( لن تؤمنو حتى تحابو ادلكم على شيء ان فعلتموه تحاببتم افشو السلام بينكم ) السلام جدا مهم اكثر من مرة تجي البنية وتكون بموقع لزم هي تبادر السلام تغلس حتى احد يسلم عليها والكثير من الامور مثل المجاملة والثقة بالاخرين
وحتى الولد يعني مكبرين الموضوع اكثر من اللزم بنية ترتاح لفلان وفلان ومترتاحلك ادري لزكت وتسوي مشاكل صير طبيعي ومشي الموضوع بسلاسة وكون انت المبادر ولتهتم لحجي البقية
المهم اتنى مطلوت عليكم بس حبيت ان اشاركم بافكاري واذا عدكم تعليق ارحب بيه
طالبات من شعبتنا (شمس وصديقتها) أو كما نحب إن نسميهم الكروب المستوحد . وقبل بداية الامتحان بدقائق
اكتشفت أمر هو أني قد نسيت أقلامي اذا كيف ساجري الامتحان وكان كشك القرطاسية القريب من باب الجامعة مقفل ربما لأنه يوم سبت كيف التصرف وكانت جماعة شمس
الحل الوحيد لدي هل اذهب واطلب منهم قلم ؟. وكنت متردد فبين مجموعتنا نحن الولد وكروب شمس عداء غير معلن . فكل طرف يعتبر الطرف الثاني غير موجود فهم لا يكلمونا ولا ينظرون الينا ونحن بدورنا جعلنا حياتهم في الجامعة هي عبارة عن عن مسطبة يجلسون عليها حيث عزلنهم عن كل النشاطات في الشعبة . هل اتجراء واذهب لهم ونحن من صف الاول لم نتكلم معهم ولا كلمة وكيف سيكون رد فعلهم ينظرون الي ثم يتركونني بدون كلمة طبعا
أنا رجل شرقي وكبريائي غالية جدا مستعد أن ارسب في الامتحان على أن أمر بهذا الموقف
وفي النهاية تقدمت نحو مجموعة شمس وعندما اصبحت على بعد مناسب بسرعة بادرت وبالسلام وطلبت القلم . وقد فاجئني عندما مدت شمس يدها الى الحقيبة وأخرجت قلم وفعلت نفس الشي أحدى صديقتها وبابتسامة ودودة أعطتني القلم . ........... فهل تعتبر هذه بداية جديدة
مع كروب شمس ربما نكون قد أخطأنا في فهمهم او يكون هم من لم يعرفونا جيدا ً
وبقيت حائر طوال الامتحان ولم اجب على أي سؤال .
هلوووو شباب طبعا اني علطول اجيب قلمين ويايا وما فد يوم نسيت ولكن كتبت القصة
لان اكو فد موضوع جدا جدا لفت اهتمامي عن المنعزلين او المنطوين ولد او بنات
ولكن لكون الموضوع اكثر عند البنات راح احجي من هذا المنطلق .
خلال السنة الأولى والثانية سمعت هوايا كلمات مثل (معقدة . متكبرة . شايفة نفسها .
حقنة . محد عاجبها . سجاجة وغيرها الكثير ) كلها تصف حالة وحدة هي انعزال
بنية او مجموعة بنات عن شعبهم انعزال احيناً تام او شبه تام بحيث ماكو لا سلام
ولا كلام ولا هلو . وتبدي التحليلات من قبل مجموعة الولد والدراسات عن سبب هاي
المشكلة واكيد لزم يحطون فد حل وابسط الحلول اذا البنية جميلة يكولون شايفة نفسها
واذا البنية نص نص يكولون حقنة واذا جانت مش حلوة يكولون معقدة .
وتنتهي القضية . ويصدر الحكم بعزل المذنبين عن نشاطات الشعبة انعزال تام
حتى بقية البنات المندمجات مع شعبهم يقاطعون مجموعة المتوحدات كمجاملة لزملائهم
او وجهة نظر خاصة ما اعرف السبب . هاي حقيقة واقعة وكل شعبة بيها مثل هاي المجموعة . ولكن اكو شخص حاول ان يعرف السبب الحقيقي لان حتى اللي يحاول يتقرب او يعرف ثاني يوم جماعته يكلبوها عزا عليه اكلك انت ليش تنزل نفسك وانت شكو تنطيهم قدر ومن هالكلام فيطر الولد يترك الموضوع ولكني قررت ان ابحث بهذا الموضوع يعني شلش ميكعد راحة المهم كثير من الحالات والنفسيات ولكن اكتشفت
عدة مواقف وراح اكولها الكم
1- مجموعة بنات حلوات : طبعا هاي المجموعة اغلبية الاحيان يكون هناك معرفة مسبقة بين بنتها مثل صديقات منطقة لو مدرسة . فكرتهم ان كل ولد في باله نية سيئة فلهذا منذ اول يوم من الدوام ينعزلون ولكونها بنية حلوة وانعزلت وماكو ولد يتقرب راح يصير حقد من الطرفين وتكبر الفجوة بين الطرفين و توصل الازمة الى اعظم سعه لها عندما تتعرف بنات المجموعة على شخص من خارج الشعبة حتى لو بس سلام
2- بنات انعزلو نتيجة اختيار غلط
في بداية السنة يسعى كل ولد الى ان يكون كروب ويضم احلا البنات اوكي عيني
مجموعة من البنات المسكينات يدخلون هذا الكروب بنيه حسنة ميدرون ان هذا
الشخص مسوي كروب حتى يعاند الشعبة المهم يعزل بنات الكروب عن شعبتهم عزل تام
يعني ياخذهم بحديقة الرئاسة لو السنتر المهم ميلتقون يم القسم وبعد نص السنة ولكونة كروب قائم على المصلحة والي مسوي الكروب نيته مو صافية يتفركش الكروب
بس البنات المسكينات مراح يكدرون يختلطون ويا شعبتم بعد فركشة كروبهم لان الموضوع انحسم من قبل نص السنة وصارت تكتلات ونزاعات فينعزلون
3- محبات الدراسة
وفي اكثر الاحيان تكون طالبة مهارتها الاجتماعية ضعيفة يعني الحياة عدها بس دراسة
لا تعرف تجامل ولا تسولف وممجربة الشقى فلهذا تنعزل واللي يزيد الانعزال انها راح تكون محط سخرية وهاي طب عرب ميفيدها بس خطية والله
واكو حالات اكثر ولكني اكتفي بهذا
المهم الغلط من الطرفين وحد يريد يعترف انو غلطان يعني البنات اكو امور حتى لو انتي بنية لزم تقومين بيها وابسطها السلام سيدنا ومولنا الرسول الكريم يقول ( لن تؤمنو حتى تحابو ادلكم على شيء ان فعلتموه تحاببتم افشو السلام بينكم ) السلام جدا مهم اكثر من مرة تجي البنية وتكون بموقع لزم هي تبادر السلام تغلس حتى احد يسلم عليها والكثير من الامور مثل المجاملة والثقة بالاخرين
وحتى الولد يعني مكبرين الموضوع اكثر من اللزم بنية ترتاح لفلان وفلان ومترتاحلك ادري لزكت وتسوي مشاكل صير طبيعي ومشي الموضوع بسلاسة وكون انت المبادر ولتهتم لحجي البقية
المهم اتنى مطلوت عليكم بس حبيت ان اشاركم بافكاري واذا عدكم تعليق ارحب بيه