السوالف

[عشتروت]

((( السوالف)))
ارد اسولف حتى لو بس انه اسمع
الوطن محتاج سيفه.. الوطن خلص حياته يرسم جروح عله كيفه
وكنه بينه النار ونغني برد
وكله صارت لسوالف
الزلم همهه حجيه والاطفال ورود ميته بلايه لون
وياجرح يشبه جرحنه يمسح حروف الدوه من الشفايف
ورسم بكد الالم اسم الملح
والعيون التعبه نامت تريد تترجه الحلم
صدفه هبت ريح ايام السهر
وصدقه طحنه بين جفين الجرف
وصدفه من جفوفنه انباك النهر
وصدفه ماتت..
وصدفه راحت..
وصدفه صاح آذانه بصوت القهر
ارد اسولف بلايه صوت..
الدمع ذب العيون جي لان صارت اليفه
والشمس غطت ظواهه
توهمت بخياله بحضن النهر
والقمر تيهه ايامه بين عاشور وصفر
وكله تتمنه السوالف
والسوالف هي تختار الشفايف
ارد اسولف حتى لو جانت عليه
المصيبه العمر خلص... وسوالف بقت نيه
دجله ماترضه الفرات يمر عليه
دجله صارت طائفيه ...
مني لكم اجمل الامنيات مقرونه بشوقي اليكم والى كلماتكم
الشاعر : زين العابدين محمد
من كليه الاداب _جامعه الكوفه _ قسم اللغه العربييه
من الحظاره التي لم تمت ذكراهها ذي قار _الشطره ..
مازلت ارسم على صفحات جرحي عيناك.... ولا اعف متى يكتمل جرحي؟؟؟

[فتاه تحب الاحلام]

مشكور أخي الكريم قصيدتك حلوه ::32::

بس أذا تسمحلي أنه أكلك ::22::
أن شاء الله دجله ما صارت طائفيه ::ok::
لان الطائفيه ما جانت عدنه بالعراق
أجتنه من بره بغض النظر من أين جائت لكنها شئ دخيل علينا ::10::

http://www.7yati.net/up/uploads/dc09e22cba.gif
أختك

[عشتروت]

شكرا على كل شيء تخرج من شقاه انسانه شفافه وتكتبها انامل الحب والاخلاص شكرا يااختي العزيزه