//" مشكلة اسمها كلام الناس "//

[الورده الحمراء]

مشكلة اسمها كلام الناس

النــاس .. وكلامهــم ..
عقدة تدور في أغلب المجـالس .. والمجتمعــات ..
من هم الناس الذين نخاف من كلامهم ..؟!
ولمـاذا وصل بنـا الحال إلى الخوف منهم إلى هذهـ الدرجــه ..؟!
هل من المعقول أن نضطر لفعل أشيــاء لا نرغبهـا .. من أجل إرضـاء النـاس ..؟!
العاطل عن العمل يخشى من كلام الناس ..
المطلقه تخشى كلام الناس ..
الفقير يخشى الناس وكلامهـم ..
تتعدد الأسباب التي من أجلهــا نخشى من النـاس وكلامهـم ..!!
ألم نسأل أنفسنــا لماذا هذا الخوف ...؟!
هل هو فعلا ً خوف من كلام النـــاس ..
أو إنه خوف من المظهر الذي سنظهـر به أمام هؤلاء النـاس .. !
فالكثير منــا يود الظهور بالشكل الذي يحبه ويرغبه ..
لكنه يخشى من ردة فعل النـاس ومن كلامهـم ..
ماذا سيقول النــاس عنه .. ؟؟
وماذا سينظرون إليه مستقبلا ً ..؟؟
وبذلك يخسر طموحـه .. ورغبته في الظهور بالشكل الذي أرادهـ ...
وذلك كلـه بسبب خوفه من نظرة النــاس وكلامهـم .. .!
الحديث يتشعب .. !!
وأعلم أن لكل شخص منكـم رأي .. ووجهـة نظر حيال هذا الموضوع ..
لن أطيل عليكــم .. وسأترك لكــم المجال .. للحديث .. ولمنـاقشة هذهـ المســأله ؟؟؟

[CIVILIAN_CAT]

شكرا ورده على الموضوع الرائع
بالفعل كلام الناس هاي مشكله نعاني منها
بالمجتمع العربي وخاصه العراقي
واني اكول لازم مانهتم لكلام الناس لانه اذا اهتمينه
ماراح نكدر نسوي اي شي بحياتنه وبكل الاحوال الناس راح تحجي
تقبلي مروري

[حورية البراءة]

والله كلام الناس مشكلة واحيانا يؤدي الى كوارث وطبعا مو بكل الاحوال يعني نهتم لكلام الناس ومثل ميكول جورج وسوف كلام الناس لا بيقدم ولا ياخر كلام الناس ملامة وغيرة مش اكثر

بس احيانا هم نحتاج للناس ونعرف راييهم بينة لان حتى نكدر نتعايش وياهم واكو مثل يكول اكل مثل ميعجبك والبس مثل ميعجب الناس

[the queen of eng]

مشكوره ورده ع الموضوع
بس الشخص لازم يسوي الشي اللي يريحه ومعليه بكلام الناس

[وسيم المدني]

مشكورة يا وردة
والله بالنسبة لكلام الناس مشكلة
وخاصة اذا كان بدافع الغيرة والحسد
لان طبيعة الانسان المبالغة بالكلام وهاي موجودة عد اهواي ناس
فأذا واحد حجة حجاية على شخص تكبر وتتناقل بين الناس
ويجوز تصير مشاكل من وراهة
لذلك انشوف الاسلام حذر من الغيبة وكال الغيبة اشد من القتل
ومشكورة مرة ثانية

[E-S-C-A-D-A]

مجتمعاتنه العربيه تعاني من هالموضوع الكل ادير بال لكلام الناس اكثر من خوفها من الله ليش مادري يعني اللي يشرب من وره اهله او الناس يخاف منهم بس ميخاف من االله اللي ديشوفه ومادري الى متى رح نظل اهتمامنه الاول والاخير بالناس

عاشت الايادي

[صقر الجادرية]

اهم شي هو رضا الله سبحانه وتعالى
واذا كان الشخص متاكد من شي يريد يسوي على حق
لازم يسعى بي ويكمله ومعليه بحجي الناس مهما يكون
لان مرات ينبع هذا الكلام عن حقد او حسد

وممنون عالموضوع
تحياتي

[الورده الحمراء]

شكرا لمروركم شباب وبنات
ولاردودكم الرائعه