اعتذار لمن احب

[حارس الارض]

اعتذار لمن احب
كتبت هاي القصيدة كاعتذار عن غلطة سويتهه بحق ( من احب)
فحبت ان انشرهه بالمنتدى عل وعسى ان تعجبكم
ــــــــــــــــــــــــــــــــــــــــــــــــــ ــــــــــــــــــ
روحي معكود ة بكصيبة والكلب حار بدلالج
و انتي رحتي وما اجيتي وهو طار من عندي واجالج
كل دقيقة تمر علية تذوب نص روحي ابحارج
ارد اسالج شي القضية ؟؟؟ موكتلتيني بعنادج
انت حبي وجفة عني كولي شنهو الاجة ابالج
****
شوكي لج شوك الكطاية
اني سنبل وانت ماية
اني ليل بزمن تايه
وانتي ياحلوة ضواية
زغرت الدنية الجبيرة
واحنة من حبنة كبرنة
وما سالتي اشصار بينة
واحنة يا حلوة سالنة
شوكي لج شوك الكطاية
****
انشد عليج ... اشكد سهرت اوية النجم انشد عليج
اشكد تحملت وصبرت .. اشكد بجيت ابين اديج
اشكد حلمت احلام ترفة ...
اشكد حملت اجروح كلفة ...
او يامة حار الشامت ايفرك كلبنة
ويامة حاكو للفراك
اشباح ديصيدون حبنة
وما كدر واحد علينة
ولا كدر يكطع املنة
جنت اريدج تملى روحي
بضحكة حلوة ...
بلمسة ايد .
جنت اريدج ضوة بليلي
جنت اريدج ...
جنت اريد .....

الزمن 17/9/2007
اعتذار لمن احب
التوقيع حارس الارض الطاهرة ::27:: ::27::

[حارس الارض]

ها شباب ان شاء الله عجبتكم

[بسمة حزن]

عاشت ايدك الكلمات حلوة ...........
واعتذارك عن غلطتك هو الاحلى
شكد احترم هيج ناس

[نسمة عراقية]

حلووووو ....
حلووووووو ...
حلووووووووووو...

عاشت ايدك عمي ....
كل هذا ومتريد تعجبنة ؟؟
خاصة البداية كلش حلوة ...

سلام ...

[معماري وبس]

كلش حلوة القصيدة بس العفو اخوية انت كبرتنة سنة2006 مو2007

[Miss. Arch]

كلش حلوة عاشت ايدك
صارت سنة 2007 و انا ما ادري !!!

[بزونة المعماري]

كلشششششششششش حلووووووو عاشت ايدك

[حارس الارض]

لا شباب بس جنت مركز على القصيدة اكثر من الحجي الي بصفهه وتسلمون على المرور وهاي الغلطة مال السنة راح تتصلح ان شاء الله

[مستقيل]

حبيبي تسلم على هايه كلمات الحلوه و اتمنى يوصل اعتذارك بس يكون بعلمك احنه كلنه نحبك
مشكور

[حارس الارض]

تسلم على ( احنة كلنة نحبك ) - اشو صادقتني - ها ها ها
تسلم عيني مستقيل

[بغـــــداد لا تتألمـــــي]

حلوة حـــــــــــــارس عاشت ايدك..

[حارس الارض]

تسلم عيني بغدودي

[GARDEN]

عاااااااشت ايدك . . عل اقصيدة الرائعة . .
بس كلي (هي قبلت اعتذارك لو لا احجي الصدك لا تخبي على اخوك؟؟؟؟؟؟؟؟؟ تره صار اكثر من سنتين تدري لو لا )

[ليدي الحلوه الحبابه]

بس رجاءا بالاول نفضولى التراب من الموضوع
زين هسه اوكى
زين بس انى مشفت اعتذار بالقصيده
مو بله

الله ليجيب الزعل بينك وبينى...وان زعلت ارضيك انا يانور عينى

[$$M3mArEaH 4 eVeR$$]

رووووعه والله قصده حلوه وطريقة اعتذار احلى انشالله يوصل الاعتذار وينقبل وتحياتي الك....

[بغـــــداد لا تتألمـــــي]

رجاءاً عدم ارجاع المواضيع القديمة لانها تؤثر بشكل كبير على المواضيع الجديدة .
مغلق .