الاردن وسوريـــــــا ساحة للتعارف واخر اخبار العراقيين (دردشة) [الأرشيف]

نسمة العراق

01-23-2007, 11:15 PM

السلام عليكم :-
أخواني و أخواتي في منتدانا الغالي حتى نخفف من غربة الاهل والاصحاب حبيت ان اقترح عليكم انه نعرف عن نفسنا نشكي غربتنا والعراقييل اللي نواجهها بسورياوبنفس الوقت تقوية اواصر عراقيتنا العريقة ..واتمنـــــــى ان مااثقل عليكم باقتراحي وتشاركوني
بانتظار ردودكم.....

ابو سموسة

01-23-2007, 11:30 PM

أي شكو بيها

بس اكولج انتي بنيه هسه يجون الولد تصير كتل

وانتي تعرفين شبابنا يبدعون بس يشوفون بنيه

فديري بالج يعني من الشباب الطيب هههههه

ومقترح حلو شكو بيها

واحسن مكان يم ابو عبدو ابو الشربت اهناك يم شؤون الطلبه العراقيين اطك مكان مو بله؟ لو باب توما تلكيها كلها عراقيين ههههههههه

بس لو تسويه هذا جات الي بسوريا احسن مو ؟

جات وتعارف الي يريد يتعرف همين

ومشكورة على الموضوع

نسمة العراق

01-24-2007, 12:44 AM

اشكرك أخ Richard Gere على حرصك ..بس حبيت ابين انه طلبي للتعارف مو التعارف المباشر او لقاء بمنطقة ما .. وانما تبادل الاراء خصوصاً بمجال دوام الجامعات لانه واجهتني صعوبات بهالمجال.. واعتقد ان المنتدى مكان يرتاده المثقفين ومو لائق اطلب تعارف بمكان مثل عبدو ابو الشربت او باب توما !!؟ واعضاء المنتدى مو ناس واطيين حتى من يشوفون بنية يصير كتل !.. ان شاء الله تكون وضحت الصورة .. واكرر شكري وتقبل مني ارق التحيات.

ابو سموسة

01-24-2007, 06:13 PM

اشكرك أخ Richard Gere على حرصك ..بس حبيت ابين انه طلبي للتعارف مو التعارف المباشر او لقاء بمنطقة ما .. وانما تبادل الاراء خصوصاً بمجال دوام الجامعات لانه واجهتني صعوبات بهالمجال.. واعتقد ان المنتدى مكان يرتاده المثقفين ومو لائق اطلب تعارف بمكان مثل عبدو ابو الشربت او باب توما !!؟ واعضاء المنتدى مو ناس واطيين حتى من يشوفون بنية يصير كتل !.. ان شاء الله تكون وضحت الصورة .. واكرر شكري وتقبل مني ارق التحيات.

داتشاقة على ابو عبدو وابو الشربت

وانتي الجامعات ترة بسوريا اذا مخلصه سادس اعدادي بسوريا تكدرين تدخلين جامعة حكومية سورية ببلاش

بس اذا انتي مخلصه سادس من بغداد او من غير دولة فلازم ادخلين جامعة اهلية

واقساط اهنا حالها حال اقساط الجامعة الامريكية بعمان فيعني حرامات واحد يدفع فلوس وبعدين الشهادة ممعترف بيها بكل مكان يمكن ببغداد ممعترف بيها

اتخيلي ولد صاحبي اجه لهنا يكمل دراسته بالجامعة الاوربية وهوه صيدلية جامعة بغداد طلع الجامعة الاوربية بجامعة بغداد ممعترف بيها يعني مو فد شي جامعاتهم

وثانيا اكو يم ساحه عرنوص مقر مال شؤون الطلبه العراقيين اعتقد اهناك اكو تسهيلات للطلبة العراقيين وحتى الاسعار مال اقساط الدراسات رخيصه مو كلش غاليه وهيه الحكومة السورية يكولون موصين بيها

فيعني لو تشوفين مناك واذا اكو الها رقم اشوفه لان المنطقة قريبه علينا هسه اشوفها

نمـر اليرموك

01-24-2007, 07:18 PM

نسمــه شكرااا على الموضوع
والله موضوع رائع احنــه بسوريا يرادلنه هيجي شي
بس شلون
ياريت البنات همه يفتكرون شي لان حتى على مقدرتهمــ

.................مشكوره ......................... .....................مشكو ره............
.................مشكوره... ......مشكوره.............. .........مشكوره.........مشكوره.....
..............مشكوره..... ..........مشكوره.......... .....مشكوره............... مشكوره.....
...............مشكوره..... ....................مشكوره ......................... .....مشكوره.....
.................مشكوره... ......................... ......................... .....مشكوره.......
...................مشكوره. ......................... ......................... ...مشكوره....
......................مشك وره....................... ......................... مشكوره.......
......................... مشكوره.................... ....................مشكوره ......
......................... ...مشكوره................. ................مشكوره.... ....
......................... ......مشكوره.............. ............مشكوره........
......................... .........مشكوره........... .......مشكوره...........
......................... ............مشكوره.......مشكوره................
......................... ....................مشكوره .....................

/\/\/\/\/\/\/ نمــر اليرموك \/\/\/\/\/\/\

نسمة العراق

01-24-2007, 10:25 PM

اشكر تواصلك Richard Gere .. والله اني كملت السادس ببغداد وطلعت صيدلة جامعة بغداد بس ياحسرة مداومت..هنا بجامعة البعث بحمص سمعت انه يدرسون الطب او الصيدلة بالعربي يعني حرامات التعب وادفع 5000$ سنوياً بالحكومية او 11000$ بالخاصة وتاليهة هية شهادة مامعترف بيهة باي دولة مثل ماكالولي وانت هم اكدت هالشي مع انه من راجعت كالوا شهاداتهم معترف بيهة عالمياً ( مايفشلون روحهم )..يله نصبر ونشوف تاليهة
طولت عليك.. اشكر اهتمامك ...تقبل ارق تحيـــــــــــــــــــــــاتي::51::

نسمة العراق

01-24-2007, 10:34 PM

هلااااااا وكل الهلااااااا اخ نمــــــــ اليرموك ــــــــــر اتشرفت بمرورك اتمنى التواصل واتمنى اخواتي البنات هم يتواصلون لانه افتقد الصديقات بسوريا::27::
اسعدتني مشاركتك والله نمر وعجبتني زخرفتك مال مشكورة
اكرر امتناني وتقبل تحيــــــــــــــــــاتي::51::

ابو اركان

01-24-2007, 10:36 PM

عندي اخي بسوريا بدمشق بالسيدة زينب (ع) اذا تريدين تتعرفين علية::51::

نسمة العراق

01-24-2007, 11:44 PM

اتشرف بيكم اخوة اعزاء ان شاء الله ابو اركان

ابو سموسة

01-25-2007, 11:58 PM

اشكر تواصلك Richard Gere .. والله اني كملت السادس ببغداد وطلعت صيدلة جامعة بغداد بس ياحسرة مداومت..هنا بجامعة البعث بحمص سمعت انه يدرسون الطب او الصيدلة بالعربي يعني حرامات التعب وادفع 5000$ سنوياً بالحكومية او 11000$ بالخاصة وتاليهة هية شهادة مامعترف بيهة باي دولة مثل ماكالولي وانت هم اكدت هالشي مع انه من راجعت كالوا شهاداتهم معترف بيهة عالمياً ( مايفشلون روحهم )..يله نصبر ونشوف تاليهة
طولت عليك.. اشكر اهتمامك ...تقبل ارق تحيـــــــــــــــــــــــاتي::51::

اي شفتي

القسط غالي

بس اني صاحبي همين صيدليه جامعة بغداد رقن القيد مالتها وهسه اجه اهنا يداوم بالاوربيه الي على طريق درعا بس هيه معترف بيها دوليا بس ببغداد ممعترف بيها اهنا المشكلة هههه واقساطها يمكن 5000 دولار بس ان شاء الله تكلمين دراستج يعني ترجعين لجامعة بغداد همين متدفعين شي وهمين شهادتها عالمية جامعة بغداد يعني حتى لو سنة تروح ميخالف بس ترجعين تكملين ان شاء الله

اشكرج على الرد

وان شاء الله اجيبلج الرقم مال شؤون الطلبه العراقية بس اصبرلي شوية

نسمة العراق

01-26-2007, 09:56 PM

هاي منو ؟... اغيب يوم تتحول من Richard Gere الى John Travolta ماعرفتك هههه ... مبروك النك الجديد::26:: ::14::
هو هم هيج اصبر على السنة الجاية والله كريم ..طبعاً كلش ممنونة منك و اعجز عن شكرك للتواصل .. تقبل ارق تحيــــــــــــــــــاتي::51::

zaid abodd

01-26-2007, 11:49 PM

السلام عليكم شباب شلونكم وشكرا على الموضوع ولو اني مو بسوريه بالنرويج بس قضيت 6 سنين
ونشاالله الله ينجيكم من هاي النكره وخاصة بعد ماصارت الاقامه لازم تندق كل اسبوعيين الله ينطيهم العافيه مثل واحد جاي يطرد الثاني
وشكرا اخواني

نسمة العراق

01-27-2007, 01:37 AM

السلام عليكم شباب شلونكم وشكرا على الموضوع ولو اني مو بسوريه بالنرويج بس قضيت 6 سنين
ونشاالله الله ينجيكم من هاي النكره وخاصة بعد ماصارت الاقامه لازم تندق كل اسبوعيين الله ينطيهم العافيه مثل واحد جاي يطرد الثاني
وشكرا اخواني
اهلا اخ زيد نتشرف بيك ..
امين ياربي ينجي كل العراقيين..
شفت بالله عليك لازم نجدد الاقامة كل اسبوعين هاي يسموهة طردة بادب ::1::
بس اني كيّفت بلكت يملون اهلي ونرجع للعراق::26:: ::14:: ::39::
تقبل ارق تحيــــــــــــــــــــــــاتي::51::

راعي ال Vertu

01-30-2007, 11:23 PM

انييييييييييي ساكن بحلب من 3سنوات
اكو احد بحلب واني ماعرفه؟؟؟
تقبلوا مروري

zaid abodd

01-31-2007, 04:03 PM

اختي نسمه ولله العراق همين مينعاش بي نشالله تكون الك امنيات احسن من هيج
لان العراق كله دمار ولعبان نفس يعني لو الواد يطلع بره مثل اوربا صح ميصتقر الواحد ببلده بس احسن من هاي الدول الطايح حظه

راعي ال Vertu

01-31-2007, 05:47 PM

عيني زيد ممكن تحجيلنا عن النرويج اشو هواية هالايام اسمع انه عراقيين رايحين للنرويج شنو سبب هالتوجه؟؟
وشنو رائيك بيها من الناحية الايجايبة؟
ياريت لو تكون النا فكرة عنها
اني هالسنة خريج كلية الرافدين الجامعة ادارة اعمال
بس ساكن بسورية
تحياتي

شاطئ الفرات

01-31-2007, 07:37 PM

خوش فكره بس ما اعتقد راح تنجح لان العراقيين هنا امورهم داجه بعد القرار الجديد في تحديد الاقامه بسوريا والمغادره ماأردي ياجماعه الى متى راح نبقه مهجولين ومنرتاح مثل الشعوب الباقيه شنو مكتوب علينه القهر ؟؟؟؟؟؟؟؟ الف آآآآآآآآآآآه والف حسرررررررررررره

::63::

ابو سموسة

01-31-2007, 09:42 PM

هاي منو ؟... اغيب يوم تتحول من Richard Gere الى John Travolta ماعرفتك هههه ... مبروك النك الجديد::26:: ::14::
هو هم هيج اصبر على السنة الجاية والله كريم ..طبعاً كلش ممنونة منك و اعجز عن شكرك للتواصل .. تقبل ارق تحيــــــــــــــــــاتي::51::
::2:: ::2:: ::2:: ::2::

يومية اسم

اكولج لحد هسه مدبرته للرقم

بس ان شاء الله باجر لان رايح لهناك

وان شاء الله يفيدوج لان كلها اهناك مال شؤون الطلبه العراقيين

مشكورة على ردج

MP5_87

02-01-2007, 12:48 PM

هلو نسمة العراق اني هم مثلج طالب كلية الهندسة كهرباء مرحلة ثانية وهم اجيت اداوم بالحكومية يريدون 6000$ وجمالة هم بالعربي . وانشا الله نرجع لبغداد ونخلص من هل الوضعية السخيفة وشكرا على الاخوة العراقية الجميلة (هذولة احنة العراقيين)

MP5_87

02-01-2007, 12:49 PM

يلة مع السلامة شباب

ابو سموسة

02-01-2007, 09:27 PM

اكولج ترة اليوم جان عندي مناك روحه ورحت لكيتهم معزلين مكدرت اجيب ارقام التلفونات

بس رسمت رسم تندلين منه المكان وين

بس الرسم شوية يضحك

يعني المهم تندلين

هذا الرسم

http://i18.tinypic.com/2rfedmc.jpg

هاي بساحة عرنوص اول دخله على اليسره بالسوك اول مدخلين للسوك يجي فرع على اليسره تدخلين بيه توصلين لمحل مال مدافئ اسمه الشمس بصفه لزك اكو عماره بابها اخضر ادخلين بيها اول متصعدين الدرج على ايدج اليسره باب اتحاد شوؤن طلبه العراق

ولتكوليلي مندليت هههههه

عاصم الدليمي

02-02-2007, 04:35 PM

شـــــــــــــلونكم اني اخوكم عاصم الدليمي
جنت قانون بغداد وهسه دا اداوم بجامعه دمشق هم قانون
واني اتشرف بيكم اخوة واعز من الاخوة تقبلو مروري

نسمة العراق

02-02-2007, 06:49 PM

اشكر مروركم وتعليقاتكم اخ عاصم الدليمي وشاطئ الفرات وشرشبيل وزيد وMP5_87....وممنونة من موقفك Nicolas Cage اخ عزيز والله وموقفك يدل على طيب اصلك بس بيني وبينك مااندليت هههه اصلاً مارايحة للشام بس مرتين فما اندل واني احتمال اطلع لغير دولة ادرس بيهة واكرر شكري وتقديري وامتناني

ابو سموسة

02-02-2007, 09:20 PM

اشكر مروركم وتعليقاتكم اخ عاصم الدليمي وشاطئ الفرات وشرشبيل وزيد وMP5_87....وممنونة من موقفك Nicolas Cage اخ عزيز والله وموقفك يدل على طيب اصلك بس بيني وبينك مااندليت هههه اصلاً مارايحة للشام بس مرتين فما اندل واني احتمال اطلع لغير دولة ادرس بيهة واكرر شكري وتقديري وامتناني

ها اهنا الحجي ههههههههه

اني عبالي بالشام زين اسئلي على اتحاد الطلبه بالمكان الي انتي بيه مثلا بحمص لو بحلب لو بالاذقيه لو باي مكان بكل مكان لازم اكو لان عراقيين هواية

وترة مو كل الجامعات الي بره زينه يعني جامعاتنا احسن بهواية

يعني انتي هاي السنة تركتيها لو تنتظرين بلكت الاوضاع تتحسن وان شاء الله ترجعين تكملين ببغداد احسن

وان شاء الله خير

والله شكاتبه الحمد لله والشكر عليه

مشكورة على الرد

راعي ال Vertu

02-02-2007, 10:26 PM

اشكر مروركم وتعليقاتكم اخ عاصم الدليمي وشاطئ الفرات وشرشبيل وزيد وMP5_87....وممنونة من موقفك Nicolas Cage اخ عزيز والله وموقفك يدل على طيب اصلك بس بيني وبينك مااندليت هههه اصلاً مارايحة للشام بس مرتين فما اندل واني احتمال اطلع لغير دولة ادرس بيهة واكرر شكري وتقديري وامتناني
نسمة عيني بما انه احنا برا العراق نتمنى نقدم اي مساعدة نكدر عليها
وانتي ذكرتي انه انتي مو بالشام لعد وين؟
اني بحلب اذا تحتاجين شي عن جامعة المامون سئلي يمكن اكدر اساعدج بشي
وتدللين انتي وكل عراقي
احنا اخوووووة بعنادهم

نسمة العراق

02-03-2007, 12:22 PM

نسمة عيني بما انه احنا برا العراق نتمنى نقدم اي مساعدة نكدر عليها
وانتي ذكرتي انه انتي مو بالشام لعد وين؟
اني بحلب اذا تحتاجين شي عن جامعة المامون سئلي يمكن اكدر اساعدج بشي
وتدللين انتي وكل عراقي
احنا اخوووووة بعنادهم
والله شرشبيل هذا العشم بالعراقيين .. اني بحمص واشكرك ماتقصر.اخوة وبعنـــــــــــــــــــادهم مثل ماكلت::26:: .... تقبل ارق تحيــــــــــــــاتي::51::

نسمة العراق

02-03-2007, 12:30 PM

ها اهنا الحجي ههههههههه

اني عبالي بالشام زين اسئلي على اتحاد الطلبه بالمكان الي انتي بيه مثلا بحمص لو بحلب لو بالاذقيه لو باي مكان بكل مكان لازم اكو لان عراقيين هواية

وترة مو كل الجامعات الي بره زينه يعني جامعاتنا احسن بهواية

يعني انتي هاي السنة تركتيها لو تنتظرين بلكت الاوضاع تتحسن وان شاء الله ترجعين تكملين ببغداد احسن

وان شاء الله خير

والله شكاتبه الحمد لله والشكر عليه

مشكورة على الرد
اعجز عن رد جميلك وحرصك على اختك العراقية Nicolas والله بصراحة اني تايهة مااعرف وين ادرس قدمت على الجامعة الامريكية ببيروت وماشاء الله جبت الخير وصار الاعتصام ولغيت الدراسة هناك بعدين قررت ادرس بكندا وهم صارت عراقيل وانسدت بوجهي نصحوني بجامعة القاهرة بس بالبيت مايقبلون ومااعرف كل يوم براي المهم راحت السنة الله وياها ومااعرف شلون رح تصفى ... اشكرك ان شاء الله كلنا نرجع للعراق ... تقبل ارق تحيــــــــــــــــاتي

شاطئ الفرات

02-03-2007, 02:17 PM

أهواك يا أحلى ما قيل في الحب
أهواك يا أحلى من الزهر
أهواك يا نبع الصدق
أهواك يا أحلى ما أهداني القدر
وان إعجابي بك يزداد من حين إلى حين
فلقد سمعت من الأصوات الكثر وتكلمت الكثير
ولكن صوتك ساحر وجميل
وان شيء فيك يغريني ويجذبني ويجعلني بك أهيم
هتف فؤادي أليك مناديا يشكو من الحزن دهرا طويل
يا مالكآ في الحب أسرار الأمل
أن كنت هويتك فالهوى طبعي
وان طبعي لم يجد لغير هواك بديل
وان قلبي لم يجد عن قلبك بديل
أنتي السعادة وأنتي مفتاح المنى
فرحمي فؤادي متيم بحبك قتيل
لا تقلقي أني احبك يا منيتي
أنا صادق وبحبك لن أرضى بديل
أنتي حبيبتي
أنتي حبيبتي
أنتي حبيبتي
أقولها وأكررها وأعيدها مهما طال البعاد
ولسوف أكون عند حسن ضنك
وأنا بحبك جدير

راعي ال Vertu

02-03-2007, 02:53 PM

امممم حمص اني عندي اصدقاء سوريين بمنطقة الوعر همة معروفين تلللللش بحمص بيت التركاوي
واني كتلج عندي هوااااية اصدقاء بنات وولد مقدمين على جامعة المامون شنو مسامعة بيها مناهجها امريكية ومعروفة واكو القلمون بالشام واكو الوادي كلهم بسورية واكو بعد
اختصري الوقت واتوكلي على الله واختاري نصيحتي الج
ثانيا انتي ياقسم تدورين؟
تقبلي خالص تحياتي

نسمة العراق

02-03-2007, 05:38 PM

امممم حمص اني عندي اصدقاء سوريين بمنطقة الوعر همة معروفين تلللللش بحمص بيت التركاوي
واني كتلج عندي هوااااية اصدقاء بنات وولد مقدمين على جامعة المامون شنو مسامعة بيها مناهجها امريكية ومعروفة واكو القلمون بالشام واكو الوادي كلهم بسورية واكو بعد
اختصري الوقت واتوكلي على الله واختاري نصيحتي الج
ثانيا انتي ياقسم تدورين؟
تقبلي خالص تحياتي
اهلاً شرشبيل ..احنة هم بالوعر بس بصراحة مااعرف عراقيين مامختلطة باحد لحد الان...جامعة القلمون شايفتهة.. بس المأمون سمعت مابيهة مجموعة طبية بس جانت جامعة الاندلس هستوهة مفتوحة علساس اسجل بيهة بس صارت ظروف بالبيت منعتني ...اني صيدلة طلعلي بالعراق وناوية ع الصيدلة والله كريم..ممنونة منك والله... تقبل ارق تحيــــــــــــــاتي::51::

راعي ال Vertu

02-03-2007, 06:29 PM

هلو عيني نسمة مسا الخير

صح المامون مابيها صيدلة بس الاندلس اني مسامع بيها واظيف الج انه جامعة المامون معاونة العميد هية سعاد العزاوي وعراقية هية وزينة ويا الطلاب
بس القلمون اني مشايفها ويكولون حلووووووووة وسكنها حلو
وسعر السكن للطالب بيها 50الف سوري بالسنة
اني ناوي اسجل بفد معهد اسمه برتش كانسل بالسفارة البريطانية اتعلم لغة وهو شي كللللللش توب
اذا سامعة بيه
واذا انتي بحمص اكيد رايحة لشارع الدبلان؟ هو احلى شي بحمص
شلونها معلوماتي يالله انتي تعرفين بحلب مثل ماعرف اني بحمص؟؟؟
شرشبيل

نسمة العراق

02-03-2007, 08:30 PM

::51:: هلو عيني نسمة مسا الخير

صح المامون مابيها صيدلة بس الاندلس اني مسامع بيها واظيف الج انه جامعة المامون معاونة العميد هية سعاد العزاوي وعراقية هية وزينة ويا الطلاب
بس القلمون اني مشايفها ويكولون حلووووووووة وسكنها حلو
وسعر السكن للطالب بيها 50الف سوري بالسنة
اني ناوي اسجل بفد معهد اسمه برتش كانسل بالسفارة البريطانية اتعلم لغة وهو شي كللللللش توب
اذا سامعة بيه
واذا انتي بحمص اكيد رايحة لشارع الدبلان؟ هو احلى شي بحمص
شلونها معلوماتي يالله انتي تعرفين بحلب مثل ماعرف اني بحمص؟؟؟
شرشبيل
اهلاً شرشبيل مساء النور..اولا اشكرك ماشاء الله عليك مرشد تعليمي ..جامعة الاندلس هذي اول سنة يفتتحوهة باتفاق مع المانيا وهي فد شي روعة بس للاسف ماصارلي بيهة نصيب ,, لا والله المعهد ماسامعه عنه بس والله تحفة اذا اكو هيج شي واني اتمنى ادخل هيج معاهد بس للاسف ماكو يمنه بس معاهد بسيطة دخلت شهر ومااستفاديت لانه مو على مستوى عالي ..هههههه اي طبعاً رايحة للدبلان وفعلا حلوو وراقي يذكرني بالكرادة ..والعرصات ::27:: ...لا عيني مااوصل لمعلوماتك اني مااعرف شي عن حلب رحتلهة مرة وعلى السريع ماشفت شي منهة...اشكر مرورك ومعلوماتك وتواصلك وتقبل تحياتي

ابو سموسة

02-03-2007, 08:45 PM

اعجز عن رد جميلك وحرصك على اختك العراقية Nicolas والله بصراحة اني تايهة مااعرف وين ادرس قدمت على الجامعة الامريكية ببيروت وماشاء الله جبت الخير وصار الاعتصام ولغيت الدراسة هناك بعدين قررت ادرس بكندا وهم صارت عراقيل وانسدت بوجهي نصحوني بجامعة القاهرة بس بالبيت مايقبلون ومااعرف كل يوم براي المهم راحت السنة الله وياها ومااعرف شلون رح تصفى ... اشكرك ان شاء الله كلنا نرجع للعراق ... تقبل ارق تحيــــــــــــــــاتي

الجامعات هاي كلها ترة مو كلش معترف بيها
وثانيا اكو جامعة بالاردن مفتوحة جديدة امريكية بحته ودراسة كلش زينه وناس بامريكا كالولي روح ادرس بيها لان اتخيلي من امريكا ديجون بيها ويدرسون
واكولج ليش متسجلين بمعاهد تستفادين منها يعني المعاهد الاهلي الي تنطي دبلومات هاي مثلا تروحين دورات تعلميية على الحاسبة او المحاسبة التجارية او غيرها من الدورات
يعني سعرها رخيص وتاخذين شهادة دولية باجر عكبة تفيدج
واذا كلش كلش متريدن ذني استفادي من وقت وادخلي مال Tofel مال انكليزي تاخذين هاي تفيدج باجر عكبة بالقبول مال كليات همين
مشكورة على الرد

هلو عيني نسمة مسا الخير

صح المامون مابيها صيدلة بس الاندلس اني مسامع بيها واظيف الج انه جامعة المامون معاونة العميد هية سعاد العزاوي وعراقية هية وزينة ويا الطلاب
بس القلمون اني مشايفها ويكولون حلووووووووة وسكنها حلو
وسعر السكن للطالب بيها 50الف سوري بالسنة
اني ناوي اسجل بفد معهد اسمه برتش كانسل بالسفارة البريطانية اتعلم لغة وهو شي كللللللش توب
اذا سامعة بيه
واذا انتي بحمص اكيد رايحة لشارع الدبلان؟ هو احلى شي بحمص
شلونها معلوماتي يالله انتي تعرفين بحلب مثل ماعرف اني بحمص؟؟؟
شرشبيل

اكولك بالاول شلونك؟؟
وثانيا ليش متروح المعهد الامريكي البريطاني؟؟
بالشام موجود بشارع الحمرا وينطيك Tofel
يعني الي انتة بيه ينطي Tofel?

راعي ال Vertu

02-03-2007, 10:00 PM

اكولك بالاول شلونك؟؟
وثانيا ليش متروح المعهد الامريكي البريطاني؟؟
بالشام موجود بشارع الحمرا وينطيك Tofel
يعني الي انتة بيه ينطي Tofel?
عيني هلو شكرا على المداخلة
اني بحلب مادري اذا اكو هيجي واني سئلت وبعد مقدمت لان بانتظار اتخرج هالسنة بس عندي معلومات
واكيد ينطي توفل لان هو يقيس مستواك وينطيك الي تريده او الي تكدر تدرس بيه

المشاركة الأصلية كتبت بواسطة نسمة العراق
اهلاً شرشبيل مساء النور..اولا اشكرك ماشاء الله عليك مرشد تعليمي ..جامعة الاندلس هذي اول سنة يفتتحوهة باتفاق مع المانيا وهي فد شي روعة بس للاسف ماصارلي بيهة نصيب ,, لا والله المعهد ماسامعه عنه بس والله تحفة اذا اكو هيج شي واني اتمنى ادخل هيج معاهد بس للاسف ماكو يمنه بس معاهد بسيطة دخلت شهر ومااستفاديت لانه مو على مستوى عالي ..هههههه اي طبعاً رايحة للدبلان وفعلا حلوو وراقي يذكرني بالكرادة ..والعرصات ::27:: ...لا عيني مااوصل لمعلوماتك اني مااعرف شي عن حلب رحتلهة مرة وعلى السريع ماشفت شي منهة...اشكر مرورك ومعلوماتك وتواصلك وتقبل تحياتي

اي مرشششششد لعد شعبالج والجامعة الي حجيتي عليها هية الوادي على ما اظن صححح؟
واكو بالدبلان محل العاب اطفال هذا مال صاحبي سوري ههههه
اخذي منه باربي على حسابي بس باربي لتكثرين هااااا
تحياتي الكم

zaid abodd

02-04-2007, 05:38 PM

ههلو شلونكم نشالله بخير اعرف انكم موزيني بعد هذا القرار الحقير مثلهم

شرشبيل الناس جاي تحجي هواي عن النرويج لان النرويج احسن بلد من هواي نواحي الاقامه اذا كنت بوحدك تاخذها بسرعه يعني احطلك ابعد مدى هاي كلش سنه ونص واذا تكون محضوض وحجيك حلو من تقدم مم 6 اشهر او 9 اشهر او سنه ثانيا من تاخذ الاقامه يامنون هواي شغلات الك خاصه اذا كنت طالب مثل فلوس ومو مبلغ عادي وبيت ويدفعولك الدوله همين فلوس مال اذا عدك ايجار شقه او عدك عائله واكو هواي حجي ماكدر اكفي هنا
وماعدى انهم كلش خوش ناس مو عنصريين
واكو هواي شغلت زينه

راعي ال Vertu

02-04-2007, 05:57 PM

ههلو شلونكم نشالله بخير اعرف انكم موزيني بعد هذا القرار الحقير مثلهم

شرشبيل الناس جاي تحجي هواي عن النرويج لان النرويج احسن بلد من هواي نواحي الاقامه اذا كنت بوحدك تاخذها بسرعه يعني احطلك ابعد مدى هاي كلش سنه ونص واذا تكون محضوض وحجيك حلو من تقدم مم 6 اشهر او 9 اشهر او سنه ثانيا من تاخذ الاقامه يامنون هواي شغلات الك خاصه اذا كنت طالب مثل فلوس ومو مبلغ عادي وبيت ويدفعولك الدوله همين فلوس مال اذا عدك ايجار شقه او عدك عائله واكو هواي حجي ماكدر اكفي هنا
وماعدى انهم كلش خوش ناس مو عنصريين
واكو هواي شغلت زينه
هلو حبيبي اكلك انت رايح او ساكن هناك؟؟
اني والله بقتلي هالكم شهر واتخرج اذا اتخرجت يعني معلوماتك كللللش مفيدة واني هم مستغرب اشوف هواية اكو عراقيين بالنرويج الظاهر مثل مكلت انه زينة بس ياريبت لو تحجيلنا شوية عن الطريقة وشنو النصائح الي ممكن تنطيناياها والفائدة تعود للجميع ولو دنتعبك بس اكيد الي ديجمعنا عراقيتنا وحبنا لبعض وهاي ميزة العراقي
اني حاليا بمفترق طرق مادري وين اتوجه بعد التخرج مرات افكر باوربا مرات بالخليج مرات اكول ابقى بسورية والله حيرة وكلشي قسمة من الله
لك مني خالص تحياتي
واني اشكرك على هالمعلومات
شرشبيل

zaid abodd

02-04-2007, 09:27 PM

ولله اني ماريد انطيك معلومه غلط بس انته تعرف هاي الشغله يعني يرادلها صبر اني اول شي عايش بالنرويج وابويه سنه ووثمن تشهر يله انطو اقامه يعني همه شوي عدهم خلق طويل
الطريق ماعرف اذا مسموح اشرحلك بالتفصي واني احب على قلبي انو اساعدك واني ماجيب شي من عدي اني اسئل ابوي لان عده خبره بهاي الشغله وعده اصدقاء مقدمين على الاقامه واذا تريد هاي الايميل مالتي راسلني akshnzaid@hotmail.com

akshnzaid@yahoo.com

ابو سموسة

02-04-2007, 09:37 PM

عيني هلو شكرا على المداخلة
اني بحلب مادري اذا اكو هيجي واني سئلت وبعد مقدمت لان بانتظار اتخرج هالسنة بس عندي معلومات
واكيد ينطي توفل لان هو يقيس مستواك وينطيك الي تريده او الي تكدر تدرس بيه

اي صح كلامك يقيس مستواك
بس اكو نص مينطون توفل مثلا ينطيك شهادة دولية وبس وبكل مكان معترف بيها
بس انتة اذا داخل للدورة مال لغه فليش تروحها حرامات اخذ توفل كلش تفيدك حتى باجر عكبة تفيدك بشغلك

مشكور على ردك

راعي ال Vertu

02-04-2007, 10:28 PM

ولله اني ماريد انطيك معلومه غلط بس انته تعرف هاي الشغله يعني يرادلها صبر اني اول شي عايش بالنرويج وابويه سنه ووثمن تشهر يله انطو اقامه يعني همه شوي عدهم خلق طويل
الطريق ماعرف اذا مسموح اشرحلك بالتفصي واني احب على قلبي انو اساعدك واني ماجيب شي من عدي اني اسئل ابوي لان عده خبره بهاي الشغله وعده اصدقاء مقدمين على الاقامه واذا تريد هاي الايميل مالتي راسلني akshnzaid@hotmail.com

akshnzaid@yahoo.com
عيني والله اني كلششش اشكرك هسة اظيف ايميلك يمي ونسولف شوية لو ماريد اخذ من وقتك بس انت هالتصرف من ذوقك ونابع عن طيبة قلبك
تحياتي الك

اي صح كلامك يقيس مستواك
بس اكو نص مينطون توفل مثلا ينطيك شهادة دولية وبس وبكل مكان معترف بيها
بس انتة اذا داخل للدورة مال لغه فليش تروحها حرامات اخذ توفل كلش تفيدك حتى باجر عكبة تفيدك بشغلك

مشكور على ردك
عيني اني منتظر بس اخلص الكلية السنة وهية تبدي الدورات حسب مكالوا بشهر الثالث وكلللللش توووب
ومفيدة دنشوف شكلنا راح نكظيها معاهد وكليات لمن يفرجها الله تقبل تحياتي حبيبي
شرشبيل

نسمة العراق

02-04-2007, 10:36 PM

[quote=Kevin Kosner;1307211]الجامعات هاي كلها ترة مو كلش معترف بيها
وثانيا اكو جامعة بالاردن مفتوحة جديدة امريكية بحته ودراسة كلش زينه وناس بامريكا كالولي روح ادرس بيها لان اتخيلي من امريكا ديجون بيها ويدرسون
واكولج ليش متسجلين بمعاهد تستفادين منها يعني المعاهد الاهلي الي تنطي دبلومات هاي مثلا تروحين دورات تعلميية على الحاسبة او المحاسبة التجارية او غيرها من الدورات
يعني سعرها رخيص وتاخذين شهادة دولية باجر عكبة تفيدج
واذا كلش كلش متريدن ذني استفادي من وقت وادخلي مال Tofel مال انكليزي تاخذين هاي تفيدج باجر عكبة بالقبول مال كليات همين
مشكورة على الرد
اهلا Kevin Kosner.. بصراحة الاردن لو تبقى اخر الاحتمالات مااختارهة بسبب احتقارهم للعراقيين ..والله ياريت لو اكو يمنة معاهد على مستوى عالي بس ماكو.. والله التوفل حلمي بس كسروا واهسي من كثر مافشلوا بيه مع العلم اللي اعرفهم مترجمين ومادبروهة بسبب ضيق الوقت ..اشكر تواصلك تقبل تحياتي::51::

نسمة العراق

02-04-2007, 10:46 PM

اي مرشششششد لعد شعبالج والجامعة الي حجيتي عليها هية الوادي على ما اظن صححح؟
واكو بالدبلان محل العاب اطفال هذا مال صاحبي سوري ههههه
اخذي منه باربي على حسابي بس باربي لتكثرين هااااا
تحياتي الكم[/quote]
اهلا شرشبيل ..لا مااعرف جامعة الوادي قصدت الاندلس للعلوم الطبية...والله مااعرف يامرشد اذا اكو محل العاب لانه ماعدنة اطفال::50:: ..مشكور على الباربي لا ما نطّلع صاحبك كسر مالهة داعي::237:: ... مشكور على التواصل ...تحياتي::51::

راعي ال Vertu

02-05-2007, 01:30 PM

احب اسئل الموجودين هنا ماكو احد منكم من كلية الرافدين الجامعة؟؟

تره الحجي بيني وبينكم طلعت روحي من الكأبة هنا كل يوم اطلع امشششششششششي وحدي
من الضوجة وارجع ينرادلنا سفرة كللللللللللللللللللللللللللنا سووووووووى وننسى الهموم الي احنا بيها
يالله
سعر التكت 1000000000000000الف دولار منو يسجل؟
للعلم السفرة هية حول العالم
هههههه
تره من الكــــــــــــــــــــــأبة داكتب اووووووووف
تحياتي للــــــــــــــــــــــــــــــــــكل
شرشبيل

نسمة العراق

02-05-2007, 04:35 PM

مساء الخير اخ شرشبيل.. اخوية بكلية الرافدين صف رابع اصيحه تحجي وياه هههههههه...سلامي

راعي ال Vertu

02-05-2007, 05:17 PM

هلوووووو نسمة اني همين رافدين مرحلة رابعة ادارة اعــــــــــــمال
لو تدرين شكددددددددددد موحش الكلية صاااااااااارلي كووووومة مشايف الكروب مالتي بس مرة اجتي بنية ويايا للشام رحت شفتها والباقي بس عالتلفونات
اخوج ديداوم؟؟
اكيد لالالالا مو
اووووووووووف اريد اتخرج طلعت روحي
تحياتي ن ن ن ن ن نسمة
شرشبيل

نسمة العراق

02-05-2007, 07:51 PM

هلوووووو نسمة اني همين رافدين مرحلة رابعة ادارة اعــــــــــــمال
لو تدرين شكددددددددددد موحش الكلية صاااااااااارلي كووووومة مشايف الكروب مالتي بس مرة اجتي بنية ويايا للشام رحت شفتها والباقي بس عالتلفونات
اخوج ديداوم؟؟
اكيد لالالالا مو
اووووووووووف اريد اتخرج طلعت روحي
تحياتي ن ن ن ن ن نسمة
شرشبيل
اهلاً شرشبيل ,,,اخوية اخذ المحاضرات وديحضر المشروع ويمتحن اخر السنة من 100 هو هندسة برامجيات ..هو هم يشتاق للدوام بس همزين اغلبية الكروب هنا يمنة...تحياتي ش ش ش شرشبيل::101::

زهرة الرافدين

02-05-2007, 10:38 PM

اشكرك اخت نسمة العراق على هذا الاقتراح الجميل

زهرة الرافدين

02-05-2007, 10:40 PM

اشكرك اخت نسمة العراق على هذا الاقتراح الجميل::57::

زهرة الرافدين

02-05-2007, 10:43 PM

اشكرك اخت نسمة العراق على هذا الاقتراح الجميل::57::لان يتحيح النا المجال لنفضفض لبعض عن احزان الغربةhttp://www.dijlh.net/forums/images/icons/Iraqimap.gif

راعي ال Vertu

02-05-2007, 11:50 PM

اهلاً شرشبيل ,,,اخوية اخذ المحاضرات وديحضر المشروع ويمتحن اخر السنة من 100 هو هندسة برامجيات ..هو هم يشتاق للدوام بس همزين اغلبية الكروب هنا يمنة...تحياتي ش ش ش شرشبيل::101::
ا ا ا ا الله يخليج فدوة اريد اعرف شلون سوى الامتحان من 100
بليييييييز سئليه عن الطريقة وسهلة لو لا؟؟
اني سويت استضافة للموصل وياريت مسويت لان مديقبلون اسويها من 100 ولا من خمسين
موتوني وهسة لازم ارجع امتحن نص السنة لان اجلت كل الامتحانات ولا ادري شي عن المشروع
اووووف متت من التفكير
شكرا الج على تواصلج
راح يصير موضوعج اكبر موضوع بوجود الطيبين انشالله
تقبلي مروري
نس س س س س س س مة
::17::

نسمة العراق

02-06-2007, 04:19 PM

اشكرك اخت نسمة العراق على هذا الاقتراح الجميل::57::لان يتحيح النا المجال لنفضفض لبعض عن احزان الغربةhttp://www.dijlh.net/forums/images/icons/Iraqimap.gif
هلوووووووووووو زهورة اني اللي لازم تشكر مرورج الاجمل اتمنى يصير عندي صديقات عراقيات هنا بسوريا ...ماكلتي بيا منطقة انتِ..تقبلي ارق ارق تحيـــــــــــــاتي::51::

نسمة العراق

02-06-2007, 04:36 PM

ا ا ا ا الله يخليج فدوة اريد اعرف شلون سوى الامتحان من 100
بليييييييز سئليه عن الطريقة وسهلة لو لا؟؟
اني سويت استضافة للموصل وياريت مسويت لان مديقبلون اسويها من 100 ولا من خمسين
موتوني وهسة لازم ارجع امتحن نص السنة لان اجلت كل الامتحانات ولا ادري شي عن المشروع
اووووف متت من التفكير
شكرا الج على تواصلج
راح يصير موضوعج اكبر موضوع بوجود الطيبين انشالله
تقبلي مروري
نس س س س س س س مة
::17::
مساء الخير شرشبيل..سألت اخوية وكال تروح للعميد او لرئيس القسم تدفع القسط وتوقع على تعهد انه تمتحن نهاية السنة من مية بسبب الظروف الامنية (وتبجيلك شوية هههههه)..والمشروع والملازم تحصلهة من احد اصدقاءك...اتمنالك التوفيق ياربي وتتخرج هالسنة ونفرح بيك...طبعاً يصير موضوعي كبير بمرورك وبمرور الطيبين مثل ماكلت ...تحياتي شر ش ش ش ش شرشبيل

راعي ال Vertu

02-06-2007, 08:12 PM

مساء الخير شرشبيل..سألت اخوية وكال تروح للعميد او لرئيس القسم تدفع القسط وتوقع على تعهد انه تمتحن نهاية السنة من مية بسبب الظروف الامنية (وتبجيلك شوية هههههه)..والمشروع والملازم تحصلهة من احد اصدقاءك...اتمنالك التوفيق ياربي وتتخرج هالسنة ونفرح بيك...طبعاً يصير موضوعي كبير بمرورك وبمرور الطيبين مثل ماكلت ...تحياتي شر ش ش ش ش شرشبيل
هووووو نسمة مسا الخير شلونج؟ شكرا على تواصلج الرائع
انتي هسة خليتيني اتندم انه لو مسويها مثل اخوج جان احسن الي وبقيت بسورية بس شوفي بس لمن اتورطت بالاستضافة ورحت للموصل وانطيت نص القسط بالموصل ونص الثاني ابغداد
حرامات والله اني مظيع الطريقين اووووووف
هسة اني لازم ارجع امتحن نص السنة بعد ايام بالموصل لان اجلتها
وفوك كل هالشي حملوني مادتين ابغداد يعني رايح رايح لبغداد
الله كريم
عن جد بتشكرك انـــــسة نسمة وكلك زوء من تحــــــــــــــــت لفوووووووووووووء
هيك بالسوري احلى ؟؟هههههههه
تحياتي
شــــــــــــــــــــــــــــــــــــــــــــــــر شبيل

نسمة العراق

02-06-2007, 08:48 PM

هووووو نسمة مسا الخير شلونج؟ شكرا على تواصلج الرائع
انتي هسة خليتيني اتندم انه لو مسويها مثل اخوج جان احسن الي وبقيت بسورية بس شوفي بس لمن اتورطت بالاستضافة ورحت للموصل وانطيت نص القسط بالموصل ونص الثاني ابغداد
حرامات والله اني مظيع الطريقين اووووووف
هسة اني لازم ارجع امتحن نص السنة بعد ايام بالموصل لان اجلتها
وفوك كل هالشي حملوني مادتين ابغداد يعني رايح رايح لبغداد
الله كريم
عن جد بتشكرك انـــــسة نسمة وكلك زوء من تحــــــــــــــــت لفوووووووووووووء
هيك بالسوري احلى ؟؟هههههههه
تحياتي
شــــــــــــــــــــــــــــــــــــــــــــــــر شبيل
مساء النور شرشبيل ..الحمد لله تمام..لا تتندم ماكو شي يقدمه الله الا وبيه صالح ..الله يعينك ومايضيع تعبك ..هههههههههه احب هاي العبارة مال كلك زوووء....::22:: .لا بالعراقي احلى كلك ذوووق من جوة ليفوك ههههههههههه::101:: .....ممـنـــــــــــــــــونة من تواصلك..سلام

راعي ال Vertu

02-06-2007, 10:01 PM

.لا بالعراقي احلى كلك ذوووق من جوة ليفوك هههههه

هلو نسمة مسا الخير حلوة هاي العبارة ههههه
اني الي اشكر تواصلج بس اشو الباقين مديشاركون شنو عافوا سورية؟؟
انتو شسويتو على الاقامة؟؟
انشالله خيرررررررررر يارب
شرشبيل

نسمة العراق

02-06-2007, 10:16 PM

هلو نسمة مسا الخير حلوة هاي العبارة ههههه
اني الي اشكر تواصلج بس اشو الباقين مديشاركون شنو عافوا سورية؟؟
انتو شسويتو على الاقامة؟؟
انشالله خيرررررررررر يارب
شرشبيل
هلو شرشبيل ..والله انقهرت انه ماكو تواصل بس من حضرتك::30:: ..فرحت كلش من شفت مشاركة زهرة الرافدين كلت ايه فرجت صارتلي صديقة..والاخ المميزاللي يغير اسمه على طول Nicolas هم افتقدت تواصله بس الغايب عذره وياه..الاقامة الحمد لله جددناهة قبل القرار ب اسبوع ولو يقال والعهدة على القائل انه مرح يستمرون بهذا القرار وكل يوم كلام شكل...اعجز عن شكر مرورك وتواصلك..تحيــــــــــ::57:: ـــــــــــاتي

راعي ال Vertu

02-07-2007, 01:13 AM

...اعجز عن شكر مرورك وتواصلك..
تحيــــــــــ::57:: ـــــــــــاتي
صباح الخير نـــــــــــــسمة
شنو هاي لتصير رسميات وتعال منين اجيب عبارات توزاي ذوقج بالكلام تره اني انسان بسيط وها يالله داكدر اجيب هالكلمتين ههههههه
(اووووووي شكد فقير على اساس اني) هههه
والله احنا اقامتنا خلصت طبعا اني ممشمول لاني رايح جاي على طول
بس اهلي جددوها على دوام اخوية الصغير بالمدرسة وقدموا اقامة سنوية همين
واني راجع هاليومين والله يستر ولو اني في صدد اتخاذ قرار ترك الجامعة صدك نسمة ماظلي واهس وهنا همين كابة
انتي شلون مكضية وقتج رغم انه حمص صغيرة اكو مطعم خارج حمص اسمه سيزر مرحتيله؟؟
والله العراقي صاير حاير بروحه
واخير احب ابدي اعجابي بموضوعج اللطيف( الى من انتابه اليأس).

لكي مني ارق تحياتي
شرشبيل::57::

ياسين برنس

02-07-2007, 08:28 AM

ااي شكو بيها بالعكس احنه لازم بالغربه واحد يتعرف عالاخر ونتمنى واحد يحل مشاكل الاخر

ياسين برنس

02-07-2007, 08:29 AM

ممكن اتعرف

ياسين برنس

02-07-2007, 08:33 AM

اكلكم هلو ممكن اتعرف عليكم واشاركم عراقي مجروح

راعي ال Vertu

02-07-2007, 04:09 PM

اكلكم هلو ممكن اتعرف عليكم واشاركم عراقي مجروح

هلا بيك ويانا نتشرف بكل من يشاركنا والموضوع لكل عراقي بسورية ممكن يشارك بيه
ونتبادل الاراء
تقبل تحياتي

نسمة العراق

02-07-2007, 09:07 PM

صباح الخير نـــــــــــــسمة
شنو هاي لتصير رسميات وتعال منين اجيب عبارات توزاي ذوقج بالكلام تره اني انسان بسيط وها يالله داكدر اجيب هالكلمتين ههههههه
(اووووووي شكد فقير على اساس اني) هههه
والله احنا اقامتنا خلصت طبعا اني ممشمول لاني رايح جاي على طول
بس اهلي جددوها على دوام اخوية الصغير بالمدرسة وقدموا اقامة سنوية همين
واني راجع هاليومين والله يستر ولو اني في صدد اتخاذ قرار ترك الجامعة صدك نسمة ماظلي واهس وهنا همين كابة
انتي شلون مكضية وقتج رغم انه حمص صغيرة اكو مطعم خارج حمص اسمه سيزر مرحتيله؟؟
والله العراقي صاير حاير بروحه
واخير احب ابدي اعجابي بموضوعج اللطيف( الى من انتابه اليأس).

لكي مني ارق تحياتي
شرشبيل::57::
اهلا أحمد(( شرشبيل سابقاً))..لا ان شاء الله ماكو رسميات بين الاخوة..بالعكس انت كلك ذووق والدليل تواصلك المميز..الوالد هم ديقدم على الاقامة السنوية بنفس طريقتكم هم اخوية الصغير بالمدرسة..شلون مكظية وكتي؟ ..بصراحة الوالدة مسوية عملية دسك فمسؤولية البيت علية.بالاضافة لشغل البيت اطلع اتمشى وحدي طبعاً من بعد مارجعوا صديقاتي للعراق::27:: ..بصراحة مارايحة للمطعم اللي ذكرته ..باول مااجينه لسوريا كنت اطلع وية صديقاتي لمطاعم بس هسة لا.. اني دا احاول استثمر الفراغ اللي عندي بس دتتعرقل اليوم مثلاً طلعت من الصبح وية الوالد رحنة للدبلان وبعدين للحمرا والغوطة كلهة ندور على معاهد تنطي دروس التوفل ومالكيت::10:: ومازال البحث جاريا::50:: ..ليش حرامات تضيع السنة منك وهي اخر التعب فكر زين قبل لا تتخذ هالقرار ومايفيد الندم بعدين..ان شاء الله ماتكون من اللي انتابهم اليأس بصراحة هالموضوع ضفته بعز اليأس بس الحمد لله على كل حال واعتيادي يعجبك الموضوع لانك ذووواق.
.تحيــــــــــ::51:: ــــــــاتي

راعي ال Vertu

02-08-2007, 12:08 AM

صباح الخير نسمة
طبعا هسة تكولين اشو كل يوم بس صباح الخير شنو ديفتح الصبح؟؟
الجواب اكيد لا اني ارجع للبيت اقل شي 12 بالليل عندي صديق او 2 طبعا المعارف هوااااية بس الاصدقاء اقصد نطلع نفتر بالسيارة ونكعد بكافــــيه لو مطعم ونتعشى ونسولف شوية على همومنا المعتادة وبعدها نرجع للبيت وافتح نت يمكن 4الى 5ساعات اني وبالفراش والابتوب بحضني للمن انعس لو يخلص الكارت واناااااااام بمكاني هههههه و اني مثل مكتلج تلللللش اندل بحلب ولهذا بحيث احتار وين اروح صار عندي ملل وهسة وانتي بس لواكو يمج المعهد البريطاني جان كلللللش توب لان شي مفيد اجيبلج السفارة البريطانية اذا تحبين لحمص::41::
بس تدرين الموضوع صار كللللللللش ممتع وخصوصا بتواصلج الرائع واليوم طبعا اني لو تزورين منتدى الاطباء والصيادلة انتو يعني::24:: سئلتهم انه صدك ميصير اخلي الابتوب بحضني للاسف جاوبوني انه خطر على الجسم من الاشعاعات والحرارة وضوء الشاشة يعني احتمال اذا استمر على هاي الوضعية امووووت::10::
طبعا خلي اكمل انام بالستة الفجر يمكن لان ميجيني نوم واكعد بال3من اكعد احب اطلع اتمشى وحدي حتى لو مطر المهم اشم هوا نقي واعيد نشاطي ومتشوفين الى ان اجى الليل وانعاد الروتين
طولت عليج بس السوالف ممتعة وياج وحلو التواصل موووووو لو مووووووووو مو؟؟
لكي ارق تحياتي

نسمة العراق

02-08-2007, 12:57 AM

صباح الخير نسمة
طبعا هسة تكولين اشو كل يوم بس صباح الخير شنو ديفتح الصبح؟؟
الجواب اكيد لا اني ارجع للبيت اقل شي 12 بالليل عندي صديق او 2 طبعا المعارف هوااااية بس الاصدقاء اقصد نطلع نفتر بالسيارة ونكعد بكافــــيه لو مطعم ونتعشى ونسولف شوية على همومنا المعتادة وبعدها نرجع للبيت وافتح نت يمكن 4الى 5ساعات اني وبالفراش والابتوب بحضني للمن انعس لو يخلص الكارت واناااااااام بمكاني هههههه و اني مثل مكتلج تلللللش اندل بحلب ولهذا بحيث احتار وين اروح صار عندي ملل وهسة وانتي بس لواكو يمج المعهد البريطاني جان كلللللش توب لان شي مفيد اجيبلج السفارة البريطانية اذا تحبين لحمص::41::
بس تدرين الموضوع صار كللللللللش ممتع وخصوصا بتواصلج الرائع واليوم طبعا اني لو تزورين منتدى الاطباء والصيادلة انتو يعني::24:: سئلتهم انه صدك ميصير اخلي الابتوب بحضني للاسف جاوبوني انه خطر على الجسم من الاشعاعات والحرارة وضوء الشاشة يعني احتمال اذا استمر على هاي الوضعية امووووت::10::
طبعا خلي اكمل انام بالستة الفجر يمكن لان ميجيني نوم واكعد بال3من اكعد احب اطلع اتمشى وحدي حتى لو مطر المهم اشم هوا نقي واعيد نشاطي ومتشوفين الى ان اجى الليل وانعاد الروتين
طولت عليج بس السوالف ممتعة وياج وحلو التواصل موووووو لو مووووووووو مو؟؟
لكي ارق تحياتي
صباح النور..اليوم اني هم سهرانه من الضوجة..روتينك حلووو بس يمكن كثرته ممله (من اسمه روتين )...هههههههه اني هم ماارتاح الا واللاب توب بحضني واللي يريد يصير خلي يصير..ههههههه ليش تكلف حالك وتجيب السفارة اني اجي لحلب..وياك السوالف احلى ومووووووووووووو ونص وثلاث ارباع..
تحيــــــ::51:: ـــــاتي

راعي ال Vertu

02-08-2007, 03:18 AM

صباح النور..اليوم اني هم سهرانه من الضوجة..روتينك حلووو بس يمكن كثرته ممله (من اسمه روتين )...هههههههه اني هم ماارتاح الا واللاب توب بحضني واللي يريد يصير خلي يصير..ههههههه ليش تكلف حالك وتجيب السفارة اني اجي لحلب..وياك السوالف احلى ومووووووووووووو ونص وثلاث ارباع..
تحيــــــ::51:: ـــــاتي
هلوووووووو نسمة واحب اكلج
صباح الخير والاحساس والطيبة صباح مايليك الا باحبابي::41:: ::41::
اشو لعد سهرانة وماكووووووووو؟
اني فاتح من كتبت الرد لحد الان وهسة الساعة 5وربع بتوقيت حلب بس شنو جنت غاااااااااارق دادور تحديث للموبايل مالتي لان نازل سوفت وير جديد اسمه ميوزك ايدشن للان 73واني كللللش احب الموبايلات والتهي بيها والي واهس بيها شسوي احسن من التدخين هههههههههههه
شوفي هسة انتي شجعتيني اخلي الابتوب بحضني بس جماعتج الاطباء يكولون يسوي عقم والله حلوة هاي واما عن موضوع السفارة لا جديات لاتتكلفين اجيبلج حلب والسفارة كلها ههههههههههه
خجلتج موووووو؟؟
متكدريلي لتحاوليــــــــــــــــــــــــــــــن تخسرين هههه بس شسوي وين اروح غير هالبرنامج ماكو
والله ماظل اغنية ماسمعتها وينج جان سولفنا شوية شكو نايمة من وكت
اليوم جربت كارت جديد غير الاية والسوا هو اكسترا داشوف بلكي افظل انتي شتستعملين؟؟
واخيرا وليس اخرا نسيت اكلج الحمدلله على سلامة مامتج وماعدها دوام الصحة والعافيـــــــــــــــــــــــــــــــــــة
تحياتي

::57::

زهرة الرافدين

02-08-2007, 11:34 AM

السلام عليكم
فكرتك جميلة جدا يانسمة العراقواني احب اتعرف عليكيhttp://www.dijlh.net/forums/images/icons/234.gif

http://www.dijlh.net/forums/images/icons/Iraqimap.gif

نسمة العراق

02-08-2007, 12:31 PM

هلاااااااااااااااااااااا زهرة انتظرت ردج بفارغ الصبر..وجودج احلى ...اني هم اتمنى اتعرف عليج ونصير صديقات خصوصاً احنة نفتقد للصديقات هنا ..بيا منطقة انتِ وشكد صارلج بسوريا. وشتدرسين..اني بحمص.وصارلي 7 اشهر هنا,, صيدلة جامعة بغداد بس على الورق لانه مداومت هالسنة...اشكر تواجدج... تقبلي تحياتي زهورة::51::

نسمة العراق

02-08-2007, 03:03 PM

هلوووووووو نسمة واحب اكلج
صباح الخير والاحساس والطيبة صباح مايليك الا باحبابي::41:: ::41::
اشو لعد سهرانة وماكووووووووو؟
اني فاتح من كتبت الرد لحد الان وهسة الساعة 5وربع بتوقيت حلب بس شنو جنت غاااااااااارق دادور تحديث للموبايل مالتي لان نازل سوفت وير جديد اسمه ميوزك ايدشن للان 73واني كللللش احب الموبايلات والتهي بيها والي واهس بيها شسوي احسن من التدخين هههههههههههه
شوفي هسة انتي شجعتيني اخلي الابتوب بحضني بس جماعتج الاطباء يكولون يسوي عقم والله حلوة هاي واما عن موضوع السفارة لا جديات لاتتكلفين اجيبلج حلب والسفارة كلها ههههههههههه
خجلتج موووووو؟؟
متكدريلي لتحاوليــــــــــــــــــــــــــــــن تخسرين هههه بس شسوي وين اروح غير هالبرنامج ماكو
والله ماظل اغنية ماسمعتها وينج جان سولفنا شوية شكو نايمة من وكت
اليوم جربت كارت جديد غير الاية والسوا هو اكسترا داشوف بلكي افظل انتي شتستعملين؟؟
واخيرا وليس اخرا نسيت اكلج الحمدلله على سلامة مامتج وماعدها دوام الصحة والعافيـــــــــــــــــــــــــــــــــــة
تحياتي

::57::
صباح النور احمد اشكرك على هالتصبيحة خيوووو,,,كملت السهرة ع الياهو وطلعت من المنتدى , طبعاً الشباب تهتمون بفيكات الموبايل احنة لا على كد النغمات والله ينطي اخوية اللي ينزّلي كم فيكة,, لالا مااشجعك على طريقتي اسمع كلام الاطباء احنة الصيادلة ماننصحك نريد نستزرق ((منين ياحسرة ))::237:: ..اني استعمل كارت سوا اسرع من اية...اشكرك ياابن الاصول الله يسلمك ويخليلك الوالدة بخير وسلامة ..طبعاًً ممنونة من ردودك وروحك المرحة اللي حولت الموضوع من ابيض واسود الى ملون ,يعني اذا غبت خلال الفترة الجاية اطمئن انه رح يستمر الموضوع وتتعارف بمكاني على الجدد ونبقى احلى شدة ورد رغم البعد::14:: ...تحياتي

راعي ال Vertu

02-08-2007, 05:51 PM

,يعني اذا غبت خلال الفترة الجاية اطمئن انه رح يستمر الموضوع وتتعارف بمكاني على الجدد ونبقى احلى شدة ورد رغم البعد::14:: ...تحياتي
هلو نسمة انتي موجودة صح؟
شنو هالكلاااااااام::22:: ::22:: ::32:: ::27:: ::27:: ::27::
ماكو متروحين باي مكان وكل يوم تشاركين والله زين اني يالله اتعلمت احد من المنتدى هالمرة تعوفيه انتي تره اقدم طلب للادارة ينغلق الموضوع اذا تروحين تصدكين بالله البارحة منمت الى ساعة وحدة الظهر اليوم وكعدت هسة بالستة صار عندي ارق موطبيعي

العبيدي الحزين

02-08-2007, 08:41 PM

شكرا للخت على هذه المبادره اللطيفه واني انظم الكم طبعا لاني عراقي في سوريا الان

العبيدي الحزين

02-08-2007, 08:48 PM

والله صح لسانك اي والله ظاهره ايران وباطنه الصليب يحكم والله زمن والله دنيا والله دنيا والله دنيا

راعي ال Vertu

02-08-2007, 11:21 PM

والله صح لسانك اي والله ظاهره ايران وباطنه الصليب يحكم والله زمن والله دنيا والله دنيا والله دنيا

عيني هلا بيك ويانا بس عرفنا انت وين بسورية وشدتسوي وين تدرس يعني شوية معلومات
::64::

نسمة العراق

02-09-2007, 07:25 PM

هلو نسمة انتي موجودة صح؟
شنو هالكلاااااااام::22:: ::22:: ::32:: ::27:: ::27:: ::27::
ماكو متروحين باي مكان وكل يوم تشاركين والله زين اني يالله اتعلمت احد من المنتدى هالمرة تعوفيه انتي تره اقدم طلب للادارة ينغلق الموضوع اذا تروحين تصدكين بالله البارحة منمت الى ساعة وحدة الظهر اليوم وكعدت هسة بالستة صار عندي ارق موطبيعي
مساء الخير صح جنت كاعدة بوكتهة بس ماكدرت ارد لانه النت جان بطيء ووراهة الحاسبة انضربت فايروس والحمد لله..لا ان شاء الله اتواصل بعد كم يوم تبين لانه احتمال احتاج عملية لعيني (من ورة السج ) وبعدهة اكيد لازم امتنع عن الحاسبة والله كريم...واشكر اهتمامك ::21:: ...
تحيــ::57:: ــــاتي

نسمة العراق

02-09-2007, 07:54 PM

شكرا للخت على هذه المبادره اللطيفه واني انظم الكم طبعا لاني عراقي في سوريا الان
اهلاً اخ العبيدي اني اللي المفروض تشكر انضمامك لمجموعتنة...نتمنى تتواصل ويانة وتعرفنة اكثر عنك..تحياتي

راعي ال Vertu

02-09-2007, 10:34 PM

مساء الخير صح جنت كاعدة بوكتهة بس ماكدرت ارد لانه النت جان بطيء ووراهة الحاسبة انضربت فايروس والحمد لله..لا ان شاء الله اتواصل بعد كم يوم تبين لانه احتمال احتاج عملية لعيني (من ورة السج ) وبعدهة اكيد لازم امتنع عن الحاسبة والله كريم...واشكر اهتمامك ::21:: ...
تحيــ::57:: ــــاتي
هلو عيني شنو السالفة تره عيني ولا عينج شنو هالحجي والله خليتي بالي انشالله سلامات وطمنينا عليج اول باول وانشالله ماتشوفين مكروه يارب احنا هنا قلبنا على بعضنا
تقبلي خالص تمنياتي لكي بالشفاء

عمر البياتي

02-10-2007, 10:28 AM

يا اختى العزيزه يعني كلامج على راسي اخلي
انمى سافرت دول عده لكن ايفادات عل دوله وبيها على حسابي
لكن انتي تكولين انى بسويا
انتي مطلعه على سوريا زين
سوك مريدي وحاطته الله يخليج بقيت شهرين نفسي ملت ورجعت هنا
لو بلسويد نيوجرسي امستردام نكول كلامج صحيح بس اختى نسمههيه كلها على بعظها سوريا
هذا رايي طبعا
اما رايج اخلى على راسي وراي اخوانى اخواتى الاعزاء تقبلي مروري

نسمة العراق

02-10-2007, 08:17 PM

يا اختى العزيزه يعني كلامج على راسي اخلي
انمى سافرت دول عده لكن ايفادات عل دوله وبيها على حسابي
لكن انتي تكولين انى بسويا
انتي مطلعه على سوريا زين
سوك مريدي وحاطته الله يخليج بقيت شهرين نفسي ملت ورجعت هنا
لو بلسويد نيوجرسي امستردام نكول كلامج صحيح بس اختى نسمههيه كلها على بعظها سوريا
هذا رايي طبعا
اما رايج اخلى على راسي وراي اخوانى اخواتى الاعزاء تقبلي مروري
اهلا اخ عمر راسك سالم ..اشكر مرورك وابداءك رأيك اللي احترمه.. دمت سالماً

نسمة العراق

02-10-2007, 08:21 PM

هلو عيني شنو السالفة تره عيني ولا عينج شنو هالحجي والله خليتي بالي انشالله سلامات وطمنينا عليج اول باول وانشالله ماتشوفين مكروه يارب احنا هنا قلبنا على بعضنا
تقبلي خالص تمنياتي لكي بالشفاء

تسلم احمد على مشاعرك الطيبة اللي تعكس طيب اصلك..ان شاء الله خير ولايظل بالك.
ممنونة منك تحيـــــــــــ::51:: ـــــــاتي

راعي ال Vertu

02-10-2007, 08:42 PM

تسلم احمد على مشاعرك الطيبة اللي تعكس طيب اصلك..ان شاء الله خير ولايظل بالك.
ممنونة منك تحيـــــــــــ::51:: ـــــــاتي
هلو نسمة سلامات مرة ثانية
زين طمنيتيني اني هسة رجعت للبيت الملل موتني انتي اخبارج شكو ماكو جديد؟
ماكو مشاريع جديدة؟
تحياتي ولاتفطعين خلي نسمع اخبارج الحلوة
ممكن توصفيلي دوا لليأس والاكتأب
تره وصلت مراحل من الياس
تحياتي القلبية

نسمة العراق

02-10-2007, 09:34 PM

هلو نسمة سلامات مرة ثانية
زين طمنيتيني اني هسة رجعت للبيت الملل موتني انتي اخبارج شكو ماكو جديد؟
ماكو مشاريع جديدة؟
تحياتي ولاتفطعين خلي نسمع اخبارج الحلوة
ممكن توصفيلي دوا لليأس والاكتأب
تره وصلت مراحل من الياس
تحياتي القلبية
مساء الخير.. والله نفس الروتين لاجديد والمشاريع ان شاء الله بعد العملية(مو الانتحارية )..اعتقد دواء اليأس اني احق بيه منك بس نحمد الله على كل حال احنة احسن من هواية ناس وهذا يمكن يخفف..نظل نتأمل لباجر ومثل مايكول الشاعر
اعلل النفس بالامال ارقبها مااضيق العيش لولا فسحة الامل
اشكر تواصلك وتقبل ارق تحيـــ::57:: ــــاتي

راعي ال Vertu

02-10-2007, 09:41 PM

مساء الخير.. والله نفس الروتين لاجديد والمشاريع ان شاء الله بعد العملية(مو الانتحارية )..اعتقد دواء اليأس اني احق بيه منك بس نحمد الله على كل حال احنة احسن من هواية ناس وهذا يمكن يخفف..نظل نتأمل لباجر ومثل مايكول الشاعر
اعلل النفس بالامال ارقبها مااضيق العيش لولا فسحة الامل
اشكر تواصلك وتقبل ارق تحيـــ::57:: ــــاتي
ماعندج غير العافية انشالله فدوة اروحلج على بيت الشعر بس
وين شيفيد الحجي نسمة مادري وين راح اوصل باليأس الي بداخلي منين ماريد انهض ارجع للصفر
ومادري شنو الحل؟؟
ولايوجد بديل للحالة الي احنا بيها داحس داخسر عمري ووقتي ومستقبلي تدريجيا
الله كريم
ياراقـــــــــــــــــــــــــــــية

zaid abodd

02-11-2007, 02:44 AM

هلو هي شنو صاير ه عدكم عركه بالمشاركات شلونكم

بس هحمد ليش سهران لهيج قت لو علموك السوريين السهر والقهوه اربع عشرين ساعه

والله مو زين عليك هسه عدكم الساعه 5 روح نام وارتاح

راعي ال Vertu

02-11-2007, 02:41 PM

هلو هي شنو صاير ه عدكم عركه بالمشاركات شلونكم

بس هحمد ليش سهران لهيج قت لو علموك السوريين السهر والقهوه اربع عشرين ساعه

والله مو زين عليك هسه عدكم الساعه 5 روح نام وارتاح

هلو عيني اخبارك لا وين العركات بالعكس الموضوع كلللللش حلو ديصير بوجود نسمة العراق والاعضاء الباقين والوضع الي احنا وعدم الاستقرار والاظطراب الفكري هو سبب السهر صدكني لو السوريين علموني جان هسة السهر برى مو عالنت تحياتي الك نورت الموضوع

zaid abodd

02-11-2007, 08:09 PM

شكرا حبيبي احمد هذا من ذوقك

شبح الهندسه

02-12-2007, 02:55 AM

اهلا والله وعاشت الايادي على هل الموضوع الحلو خصوصا احنه بعيدين عن الوطن الغالي وان شاء نرجع لاهلنا ولاصدقائنا ونكمل كلشي بالعراق
واحب اكلج يا اختي العزيزه اذا انت مرحله اولى جامعة بغداد فاني مرحله اخيره كلية الهندسه الجامعه التكنلوجيه وعفتها واني هسه بسوريا بس ما اكول غير راجعلك يا وطن ثاني واخذ ناسي باحضاني على كولة هيثم يوسف وان شاء السنه الجايه انت تداومين واني اكمل يارب
اتمنى ان تتقبلو مروري
اخوكم شبح الهندسه

zaid abodd

02-12-2007, 02:38 PM

اهلا وسهلا يك شبح الهندسه

البغدادي86

02-12-2007, 08:08 PM

::57:: اهلا بيكم شباب العراق وشكرا نسمه على هاى الفكره

العيون الذهبيه

02-13-2007, 02:10 PM

هلو شلونج الاخت نسمه عل هذه الموضوع وان شالله نكون كلنه اصدقاء واخوان واخوات لان احنه كلنه شاربين من مي دجله والفرات وان شالله كلنا نرجع البلدنه وهناك نلتقي ونسوي كلنا كعده جبيره ونجمع بيه بلدنا ان شالله ونكمل الكليات والمدارس ونبني البلد ونرجعه احسن ان شالله

راعي ال Vertu

02-13-2007, 02:23 PM

هلو شلونج الاخت نسمه عل هذه الموضوع وان شالله نكون كلنه اصدقاء واخوان واخوات لان احنه كلنه شاربين من مي دجله والفرات وان شالله كلنا نرجع البلدنه وهناك نلتقي ونسوي كلنا كعده جبيره ونجمع بيه بلدنا ان شالله ونكمل الكليات والمدارس ونبني البلد ونرجعه احسن ان شالله
اهلا وسهلا بصاحبة العيون الذهبية نورتي الموضوع طبعا نسمة العراق صارلها ايام ماكو يمكن انشالله المانع خير وترجع وتنور الموضوع
نتمى التواصل

::57:: اهلا بيكم شباب العراق وشكرا نسمه على هاى الفكره
البغدادي نورت الموضوع ونتمى منك التواصل
ونتمى منكم انه تكتبون وين ساكنين وين تدروسون حتى نتبادل الاراء

العيون الذهبيه

02-13-2007, 02:29 PM

شكرا الك على رد الاخ احمد يله ماطول احنه كلنه قلب على قلب يبقى الوطن ونرجع اله ان شالله

راعي ال Vertu

02-13-2007, 02:37 PM

شكرا الك على رد الاخ احمد يله ماطول احنه كلنه قلب على قلب يبقى الوطن ونرجع اله ان شالله

تحياتي الج بس معرفت وين بيا محافظة ساكنة؟
اني بحلب ووين تداومين؟
تقبلي مروري
لكي ارق تحياتي

العيون الذهبيه

02-13-2007, 03:32 PM

شكرا الك احمد بس اني والله كاعدين بل بدمشق بل مزه الجبل واني مكمله معهد معلمات وقدمت جامعه بغداد بس مداومت من وراى الاوضاع وبعدين جيت وهاهيه

راعي ال Vertu

02-13-2007, 03:50 PM

شكرا الك احمد بس اني والله كاعدين بل بدمشق بل مزه الجبل واني مكمله معهد معلمات وقدمت جامعه بغداد بس مداومت من وراى الاوضاع وبعدين جيت وهاهيه

هلا بيج اني البارحة رجعت من الشام اني طالب مرحلة رابعة ادارة اعمال كلية الرافدين الجامعة وهسة مادري شلون راح اكمل يمكن اعوفها محتار وطالعة روحي انتي شلون مكضية وكتج؟ متونسة؟
اني هنا صارلي تقريبا 3سنوات وضايج بس اروح وارجع مو دائما باقي هنا
تحياتي الج

zaid abodd

02-13-2007, 11:43 PM

هاي شنو ياجماعه نسمه سوت الموضوع ونهزمت

وينججججججججج نسمه

وين رحتي مشتاقيلك

بس ميصير هيج تره تسوين الموضوع وتعوفينه بوحدنه

راعي ال Vertu

02-14-2007, 02:46 AM

نسمة ابدعت لمن طرحت الموضوع بس المشكلة انه عافته انشالله خير سئلت عليها وهية صدك ماكو انشالله خير يارب ونريدج صدك مثل مكال زيد انهزمتي؟؟؟ انت همين زيد ماكو صاير وحدي اني بالموضوع وارجو ان متضوج نسمة وهمين العيون الذهبية مختفية مادري ليش؟
ينراد واحد واحد نذكره بالاسماء يالله يجي؟؟
تحياتي لكم جميعا وانشالله نشوف مشاركاتكم كلللللللللللكم

الكـــــروان

02-15-2007, 11:18 AM

مرحبا شباب وبنات هلو بسمه خوش فكره
اني عايش في السيده زينب من 3 سنوات (حديقه)والحمد لله

zaid abodd

02-16-2007, 02:18 PM

هلو شلونكم شلون سوريه شنو الصاير عدكم وشلون قاعدي

شلون قاعدين ماعرف الله يعينكم والله

هاي شغلةالاقامه لون ماشيه ماعرف

بس الله نشالله من عنده يحميكم ويسلمكم والله قلبي يدعيلكم

سر الدنيـــــــــــــا

02-16-2007, 03:14 PM

..بس حبيت ابين انه طلبي للتعارف مو التعارف المباشر او لقاء بمنطقة ما

سر الدنيـــــــــــــا

02-16-2007, 03:38 PM

: هلا وغلا بهاذا المقترح الذي عسى ان يزيل هم العراقيين والله كل عراقي به من الهموم لو نزلت على جبل لاصبح رمادا و يزيل الدموع النازله من العين لو نزلت لاصبح نهرا فا يارب ان يكون هاذا المقترح بادرت خير على رسم البسمه والفرحه على وجوه العراقيين والله هاذه البسمه لا تحلى الى في وجوه العراقيين فشكرا شكرا لمن يفكر في هموم العراقيين حتى ولو بدمعه http://www.angeleyes2.com/platinum/images/sno/

LENA

02-16-2007, 09:12 PM

هلو نسمة العراق الفكرة كلش حلوة واني وياج عيوني

!!اسير الروح!!

02-16-2007, 09:40 PM

يابه اني هم بسوريا يلا شنو السالفه خلي نتعرف هههههههههههههههههههههه
شلونكم حبايب بخير انشاء الله

احب اعرفكم عن نفسي

عمار ابن الاعظميه مقيم بسوريا حاليا بالشام

MAMO

02-17-2007, 01:05 PM

حلب اسم المنطقة الهندسه لقربها من كلية الهندسه جامعة حلب تحياتي على الموضوع الحلو

راعي ال Vertu

02-17-2007, 03:13 PM

اهلا بالاعضاء الجدد يالله نريدكم انشط بس تدرون الغريب بالموضوع انه صاحبة الموضوع صارلها مدة مختفية وانشالله تكون بخير وترجع تنور الموضوع
بالنسبة الي
اكرر مثل ماذكرت سابقا
ساكن من زمااااااااان بحلب
طالب بالعراق اروح وارجع حسب الظروف لاكن الاهل مستقرييييين
تحياتي للجميع
اتمنى التواصل بصورة اوسع

نسمة العراق

02-17-2007, 11:30 PM

اهلااااااااااااااا احباب قلبي العيون الذهبية ولينا وmamo وسر الدنيا واسير الروح وشبح الهندسةوالكروان والبغدادي وزيـــــــــد و احمـــــــــــــــــــد اشكر ردودكم واتشرف بالتعرف الكم وفرحتوني والله انه صارلي اخوة واخوات بهالكم واني ماانهزمت بس والله سويت عملية لعيني وممنوعة من الحاسبة وهسة والله كمت بلا حس اهلي لانه مااتحمل ابعد هالمدة اشتاااااااااااااااقيت للمنتدى وممنونة من سؤالكم عني خصوصاً اخ احمد وزيد واني ماانهزم ابد ::26:: و ان شاء الله بس تعدي فترة النقاهة ارجع واتواصل ومااكدر اطول اكثر بالكتابة::27:: بس اتمنى نظل على تواصل وصدكوني رح اشتاقلكم وان شاء الله بقى اسبوع وراجعتلكم ....تحياتي ياغاليييييييييين::51::

theking81

02-18-2007, 09:55 AM

هاي نسمة شلونج طبعا مقترحج كلش حلو ويخبل .
اني من سكنه القدسيا اذا تعرفيهه مكمل ماجستير هندسة مدني بس حسافة على الشهادة لان هنا لا شغل ولا عمل واحب ان اعرف مقترحاتكم حول الدراسة او الهجرة الى الدول الاوربية وكيف تتم والاسعار اذا امكن لتكملة دراسة الدكتوراه
واشكركم على قراءة الرسالة

zaid abodd

02-18-2007, 06:58 PM

هلو نسومه

نسمتي علينه والله

والحمد لله على السلامه

ونشالله تتحسنين وتقومين بالسلامه وترجعينه

والله طلتك ترد الروح وعيونك مثل اشراقت الشمس

يلله وينكم حروك الصفحه شوي وينك احمد وينكم كروان بغدادي سر الدنيا شبح الهندسه اسير الروح لينا مامو

والله راح اعاقبكم كلكم هسه اسويلكم باند هههههههه

راعي ال Vertu

02-18-2007, 11:59 PM

هلااااااااااا نسمة الف مرة الحمدلله على سلامتج انشالله عيون عدوينج
طبعا نورتي الموضوع وانشالله ترجعين بالسلامة وعندج العافية
اما بالنسبة للباقين عيني شوية سوولنا واهس شوية وكتبو الي عدكم عن وضعكم واهم شي دراستكم
بالنسبة للاخ زيد طبعا اني اشكر سؤالك والظيوف يمنا رايحة جاية وشوية ملتهي بس ماقطع اني ابد انشالله
ياريت لو يستمر الموضوع بالتالق الي سره هو وجودكم هنا
تقبلوا ارق تحياتي
احمـــــــد اللهيبي

othman

02-20-2007, 04:28 PM

اولا الحمد على السلامه نسمه
ثانيا كلكم بالكليات يعني اكبار وتحجون على الجامعات
بس اني بعدني بالاعداديه يعني شغله تعبانه هههههههه
السنه الجايه ان شاء الله ااجي على الموضوع واسولف وياكم هههههههه

othman

02-20-2007, 04:29 PM

صدك احمد
انت من اقربائي

نسمة العراق

02-20-2007, 09:08 PM

هلو نسومه

نسمتي علينه والله

والحمد لله على السلامه

ونشالله تتحسنين وتقومين بالسلامه وترجعينه

والله طلتك ترد الروح وعيونك مثل اشراقت الشمس

يلله وينكم حروك الصفحه شوي وينك احمد وينكم كروان بغدادي سر الدنيا شبح الهندسه اسير الروح لينا مامو

والله راح اعاقبكم كلكم هسه اسويلكم باند هههههههه
الله يسلمك زيد خجلتني بلطفك والله واشكر كلامك الذووق والله لايحرمني من اخوّتك ممنونة
تحيـــــــــــ::51:: ـــــــاتي

نسمة العراق

02-20-2007, 09:12 PM

هلااااااااااا نسمة الف مرة الحمدلله على سلامتج انشالله عيون عدوينج
طبعا نورتي الموضوع وانشالله ترجعين بالسلامة وعندج العافية
اما بالنسبة للباقين عيني شوية سوولنا واهس شوية وكتبو الي عدكم عن وضعكم واهم شي دراستكم
بالنسبة للاخ زيد طبعا اني اشكر سؤالك والظيوف يمنا رايحة جاية وشوية ملتهي بس ماقطع اني ابد انشالله
ياريت لو يستمر الموضوع بالتالق الي سره هو وجودكم هنا
تقبلوا ارق تحياتي
احمـــــــد اللهيبي
اهلااااا احمد الله يسلمك الف مرة ولاتشوف شر..والله الموضوع منور بوجودك ووجود الاخوة اللي شاركوا ممنونة من سؤالك واحياء الموضوع
تحيـــ::51:: ـــــاتي

نسمة العراق

02-20-2007, 09:15 PM

اولا الحمد على السلامه نسمه
ثانيا كلكم بالكليات يعني اكبار وتحجون على الجامعات
بس اني بعدني بالاعداديه يعني شغله تعبانه هههههههه
السنه الجايه ان شاء الله ااجي على الموضوع واسولف وياكم هههههههه
الله يسلمك الحب الاصيل زدت موضوعنا شرف بمرورك .. واتمنى منك التواصل حتى لو انت مو بالجامعة و تعرّفنة عن حالك اكثر
تحياتي

نسمة العراق

02-20-2007, 09:27 PM

هاي نسمة شلونج طبعا مقترحج كلش حلو ويخبل .
اني من سكنه القدسيا اذا تعرفيهه مكمل ماجستير هندسة مدني بس حسافة على الشهادة لان هنا لا شغل ولا عمل واحب ان اعرف مقترحاتكم حول الدراسة او الهجرة الى الدول الاوربية وكيف تتم والاسعار اذا امكن لتكملة دراسة الدكتوراه
واشكركم على قراءة الرسالة
اهلاً thiking ... اشكرك مرورك اروع .. اعرف قدسيا وهي اكثر منطقة عجبتني مقارنة ببقية مناطق دمشق هناك اقاربي .. حسافة انه ماكو قيمة للشهادة هنا بس نتصبر بالله وان شاء الله يعوضك خير .. اني ماعندي معلومات عن الهجرة والدراسة بالدول الاوربية بس الله يمكنّي واجمع معلومات .. اشكر مرورك واتمنى منك التواصل
تحياتي

zaid abodd

02-20-2007, 10:36 PM

هلو نسمه شلونك نشالله تحسنت عيونك وطبتي

والله اني كلش ضايج ومال من الثلج والون الابيض

والدنيه بارده بس هاي نفتر بالسناتر وضوجه بالله

zaid abodd

02-20-2007, 10:37 PM

هلو نسمه شلونك نشالله تحسنت عيونك وطبتي

والله اني كلش ضايج ومال من الثلج والون الابيض

والدنيه بارده بس هاي نفتر بالسناتر وضوجه بالله

راعي ال Vertu

02-20-2007, 11:59 PM

صدك احمد
انت من اقربائي
هلووو عيني وتقصدني اني احمد؟؟
ياريت لو تشرحلي ههههههه
اهلااااا احمد الله يسلمك الف مرة ولاتشوف شر..والله الموضوع منور بوجودك ووجود الاخوة اللي شاركوا ممنونة من سؤالك واحياء الموضوع
تحيـــ::51:: ـــــاتي
جديات نسمة احنا نفتقدج هنا لمن تغيبين ولازم انتي تقومين عالموضوع لان انتي اساسه وكذلك باقي الاعضاء وانشالله ماتحرمينا من طلتج اللطيفة.

شلونكم اعضائنا كلكم وزيد
اني بعناد الي بسورية بعد باجر رايح لحفلة ياس خضر الي جنت اتمنى احضرله حفلة وهسة حجزت وراح اروح الللللللللللللللللله ممصدك يعني راح يشتغل البجي باجر ههههههههههههه
متجون؟؟
يالله اتمنى الكل يجي ويايا ونحتفل بشفاء نسمة همين

وشكو مشاريع جديد بسورية ؟؟ هل من جديد؟؟
تقبلوا تحياتي

احمد اللهيبي

مهندالوطني

02-20-2007, 11:59 PM

السلام عليكم ..
بصراحة دعوة محترمة ومؤكد لاتأتي الا من انسانة لها ثقة بنفسها وثقة مقتدره . أشد على يدكِ نسمة العراق ومنياي بأن نكون فعلا ً أصدقاء ومتحملين لزنة وحجم معنى الصداقة الحقيقي . ومنياي أيضا ً أن تكوني نسمة من العراق تطيب لنا خواطرنا في بُعدنا عن بغدادنا الجريحه وأهلنا الطيبين
مهندالوطني
دمشق / صحنايا

zaid abodd

02-21-2007, 02:28 AM

هلو حبيبي احمد شلونك نشالله زين هسه انته راح تروح على حفلة ياس خضر بله تقدر تقلي اسم

الكزينو لان هناك كله يغنون بالكزينو بس اريد اعرف اسمه اكيد الغوطه لو انته مو بالشام

اذا بالشام فاني حاضر لعلي العيساوي وسعدون جابر

بس اقلك شغله دربالك ليقصوكم ذوله السوريين اكبر جلاب بشرفي بس زيودي يعرف شلون يقص راسهم

MAMO

02-21-2007, 07:18 AM

هلو احمد اللهيبي انت مو بحلب يعني شنو متريد تشوفني اني هم بحلب
زين هسه وين اتريد نلتقي شنو رأيك بساحة سعد الله الجابري
او لا يم الشوبنك ستي
او لا ساعه باب الفرج او يم الجامعه هم اقربلي والله
ها شنو رأيك حتى احضر حالي لان راح التقي بعراقي
http://www.asmilies.com/smiliespic/kids/034.gif

وتحياتي لنسمة العراق على هذا الموضوع وعاشت ايدج
ولكافة الاعضاء اللي شاركوا بالموضوع
mamo

نسمة العراق

02-21-2007, 01:06 PM

هلو نسمه شلونك نشالله تحسنت عيونك وطبتي

والله اني كلش ضايج ومال من الثلج والون الابيض

والدنيه بارده بس هاي نفتر بالسناتر وضوجه بالله
هلو زيد الحمد لله صرت احسن اشكر سؤالك..والله اني هم ضايجة بس مو من اللون الابيض وانما من الاسود لانه طيلة اسبوعين محبوسة بالظلمة خلف الله على المسجل شوية يهون.. بس باجر انزل للشام شوية اغير جو عند اقاربي .. شكراً ل