ظلمنـــــــــــــــــــــــاك يــــــــــــــا عــــــــــــــراق؟؟؟

[عاصم الدليمي]

ظلمناك يا عراق
============
أسكتوا..أسكتوا ولكم بسكم عاد..بسكم طائفية.....
هذا يصيح اني سني وهذي تصيح اني شيعيه
من ياوكت صارت الناس تحجي بالمذهبية.....
گول اني عراقي وانتِ..أنتِ گولي انه عراقيه
بيا شرع بيا دين بيا دنيا صار البشر ينكتل عالهوية....
لا والله ما صار ولادار هالظلم وهالهمجية
بالشوارع..بشوارع بغدادنه الحبيبة الجثث مرميه....
من اسأل واگول ليش انكتلوا هالناس يگلك ماندري هذوله مجهولي الهويه
ولكم غابة..خوما بغابة صرنه..لا والله حتى الغابة ما بيها هالوحشية....
ناس تكتل بناس..ليش ما يدرون..بحجة گال السيد وگال الشيخ وهاي هيه
ناس تتفرجلي الجزيرة وناس تتفرجلي العراقية....
وناس تكره ناس عالخالي بلاش بعد ما جانوا عايشين ابيت واحد سويه
اذا انتوا هيجي زلم وسباع وماخذتكم الحميه....
هذاك وينه الامريكي يصول ويجول بأرضنه ومحد يوگف بوجه وگفة قويه
العالم تسأل..يگلك العراق كله زلم وسلاح واليقاتل الامريكي بس (1) بالميه؟...
لعد وين راحت الزلم الخشنة وين راحت الغيره العربيه
شگللهم... اگللهم ناس تذبح ناس بالشوارع؟ أگللهم هم ذوله البقيه !!!.....
شريد اجاوب؟..اگللهم خلف الله على التخلف وخلف الله على الطائفيه؟
صار ياهو اليجي يگول اني للجنة وانت للنار مو صارت هيته هي....
ما فكرت بيوم القيامة شتگول لربك؟..تگله ربي سامحني اني معليه؟
ما ادري اضحك ما ادري ابجي ما ادري اسكت واگول اني سويت العليه...
احجي والحجي شيفيد دام اكو ناس مصرة ترجع لعصر الجاهلية

[asoo]

شريد اجاوب؟..اگللهم خلف الله على التخلف وخلف الله على الطائفيه؟
صار ياهو اليجي يگول اني للجنة وانت للنار مو صارت هيته هي....
ما فكرت بيوم القيامة شتگول لربك؟..تگله ربي سامحني اني معليه؟
ما ادري اضحك ما ادري ابجي ما ادري اسكت واگول اني سويت العليه...

تسلم على الكلمات و الله ما اعرف شأكتب ,,,,
تحياتي

[مشتاق السلمان]

روعه عاشت الايادي

[amar]

شريد اجاوب؟..اگللهم خلف الله على التخلف وخلف الله على الطائفيه؟
صار ياهو اليجي يگول اني للجنة وانت للنار مو صارت هيته هي....
ما فكرت بيوم القيامة شتگول لربك؟..تگله ربي سامحني اني معليه؟
ما ادري اضحك ما ادري ابجي ما ادري اسكت واگول اني سويت العليه...
احجي والحجي شيفيد دام اكو ناس مصرة ترجع لعصر الجاهلية


روعه يا مبدع والله كلام صحيح بس تعال فهم الناس الي ماتفتهم و اكو ناس همهم بس انو يخربون العراق

[Lιση σƒ ιяαq]

عاشت الايادي حبي عاصم على الكلمات الحلو ويستاهل التثبيت

[العراق الاسير]

مشكور ابو مفيد على هاي الاشعار الحلوة وانشاء الله ما نظلم العراق والله على الظالم

يا وطني يسعد صباحك***لم الشمل لملم جراحك
ودي اشوفك يوم تضحك ***يمته الحزن يطلق سراحك
سنه وشيعه وعرب واكراد*** ضمهم تحت رفه جناحك
انته ابوهم انته امهم *** اثبت شما عصفت رياحك

[غاندي]

عاشت ايدك خيو عاصم على المشاعر العراقية الجميلة

[سيف الدين المالكي]

أشكرك خيو عاصم على هالروح الوطنيه
وتقبل مروري المتواضع

[مونا]

روعة والله عاشت ايدك

[ღدلع_‗ـ−¯ Candy G!rl]

ما ادري اضحك ما ادري ابجي ما ادري اسكت واگول اني سويت العليه...احجي والحجي شيفيد دام اكو ناس مصرة ترجع لعصر الجاهلية
هذا الحجي التمام وعين العقل بس منو اللي يسمعة ومن االلي يفكر بيه اني وانت بس غيرنا ؟؟؟
عاشت ايدك والف شكراااااااااااا

[viola]

قصيده روووووووووووووووووووعه والله اتمثل الوضع هسه يسلمووووووووو عاصم الف شكر