الحب في العراااق رايد رأيكم شباب قصيده شعبيه

[الشاعر مهند حيال]

مهند حيال
علموني شلون ارسم بندقيه
غافيه بحضن الورد
وساتر يحـــــــــب من صدكَ
وجفن ما يهوى الدمـــع
وطلقه توصل يم حبيب وماتكتله
خافت المحبوبه باجر تنفجـع
ليل وانه تصفح اوراق الحرب
شفت امال الشباب ادوسه اجدام الرعب
هناك جثه متانيه المحبوب
دمعتها تصب
دم حلمها يفور شوكً
شوفة المحبوب عيد
جثة العشاكَ وكحه
لون تلمس جف حبيب
والله ترجــــــــــع من جديد !!!!!!
وانته وين انته وين؟؟؟؟
الحزن زارعنه عله وجوه الشوارع
ويدري جدم الموت اخضر
انته وين؟؟؟؟؟؟؟
ليش فوكً شفافنه ذبلت حدايق
ليش كلما ازرع احلامي الزغيره
بكَاعك تخضر مشانق
احجي ....... ساكت ...
جثه تستجدي كَبر!
ياكَبر هذا اليضمك ياعراااااااااااااق!!!!!!!!!!!!!!
بس قصايدنه مقابر
ممكت تغطيك .. بس حروف متغطي المناير!!!
واحنه ولدك ... علمتنه اليل .. للدمعه ملاذ... واجلت بينه النهار
والدمار.... يبوكً لمسات الحبيبه ...الماليه جفوفي بحنان
ومن زمان
انه اطلبك من زمان؟؟؟
انه طلبك .. دمعة امـــــي ... وحيـــل ابوي
وجرح ودموع وكرامــــــــه
كافي تبجي وانته دمعاتك مطر
كًلوبنه شتلت حروب
والحزن بينه علامه
يعني بس أطيح دمعه
كَلوبنه تخضر يتامه!!!!
ومازلت اكتب دموعي على جدران الامك فأفشل في كل مره ولانك العراااااق اقول انك اول قيثاره عزفه عليها الله
مع الحب الشاعر مهند حيال

[الورده الحمراء]

كلش حلو يسلموووووووووووا

[البزونة الوكيحة]

شكرا على الكلمات الحلوة والرائعه ........ بس ياريت تكبر الخط شويه

[CIVILIAN_CAT]

كلمات حلوه مشكوووووووور
تقبل مروري

[جنة بغداد]

عاشت ايدك على الكلمات الحلوة

[فــــوفــــو]

يسلمووووووو كلمات روعه عاشت ايدك
بس عيوني انعمت ..لان الخط كلش جبير هههههه

[الشاعر مهند حيال]

انــــــــــــــــه اسف الخط جبير هههههههههه بس اليكًدر يكبره يكبره تحيــاتي مهند حيال

[عمو هارون]

مشكور على الكلمات الرائعة
وتم تكبير الخط
وتقبل مروري

[الشاعر مهند حيال]

شكرا جزيل يارائع عموووووووو هارون

[wanoo]

عاشت ايدك يا مهند حيال على هذا الشعر يخبل واتمنالك التواصل وكتابه الشعر اكثر واكثر صديقك الجديد ونو العراقي

[الشاعر مهند حيال]

أتشرف حبيبي بمعرفتك يا احلى wanoo