هذا سني...اوذاك شيعي!!!

[عاشق اربيل]

ذوله الامريكان يمه

منين اجونه؟؟


وفرقونه...



هذا سني وذاك شيعي


وكسروا ضلوع الخريطة........

كافي خل نلحگ على باقي العراق

المانسه مجرى الدمع شبّاچ عينه....

كافي ياغيرة أهلنه

أليمته دباباتهم تسحگ علينه؟؟؟؟؟

نايمين لياوكت ؟ مانصحى كافي

كافي چايمته بعد تلتم ادينه

خاف نخلص دمعه دمعه ...

ونخله نخله.............

ويوم ويوم ....

وانت تدري العمر لوباگوه شيرجع سنينه

يمه گومي ويانه خل نحمي العر اق

وهلهلي...... ولدي النشامى

اليوم اريدن منكم عيون العراق

اليوم اريدن منكم ترجعون ضحكات العراق

اتوحدوا ولدي النشامي .....

شيعي وسني

و

جميع أهل العراق

اتوحدوا ورجعوا العراق..........

ورجعوا ضحكات اليتامى

السحگت عليها سرف ارتالهم

يمه ... مو حتى الورد ذبحوه بسيوف المدافع

يمه صوت الهمرات

يشگ سواجي دموع بخدود الشوارع

يمه ملينه خوذهم

يمه ملينه الصبر

مو شگو گلوب الجوامع

والله عد عينچ ييمه

نرد وطنه ....

نرد ارضنه ......

نرد نخلنه..........

احنه اهلها...

وراح نبني گلوبنه فوگ المواضع

راح نبني گلوبنه فوگ المواضع

[وردة الاحساس]

مشكور عاشق اربيل على هذة القصيدة الجميلة

[اللؤلؤة الفضية]

موضوع في قمة الروعة ......... بارك الله بيك وان شاء الله يرفع هالغمة على هذا البلد الصابر ويرجع ابناءة مثل ماجانو متوحدين امين يارب العالمين

[جروحي الشرير]

حبيب كلبي عاشق اربيك كلمات بمنتهى الروعة وذوق خلاب توووووووب هههههههههه
تحياتي.................. الجريح الراوي

[¦§¤ انين الجراح ¦§¤]

جزاك الله خير على هذا الموضوع واعزك الله

[بنت الرمادي المخلصة]

مشكور عاشق اربيل
كلنة عراقين ان شاء الله

[فــارس العـراق]

تحياتي لك على هذه الكلمات الرائعة
::51::

[المجهول]

غاااااااااااااااااااااايه في الروعه

كلمات اجمل ما قرات في حياتي عن العراق الحبيب

مشكور حبي عاشق اربيل وعاشت ايدك ياورده

[بلال عيد جلال]

عاشت الايادي والله موضوع يستاهل واحد يكول عليه روعه

[Mus6afa]

صح لسانك يا عاشق

[جارح العراقي]

كلاااااااااااااام ولا اروع منه
مشكووووووووووور وما قصرت

[أحساس غريب]

مشكوووووووووووووور
عاشق أربيل
ولك مني أرق تحية
وتقبل مروري
سلطان المهاجر