الحب و الاكذوبة

[وحيدة بلا امل]

اني مشكلتي ما اعتقد الهة حل بس راح احجيلكم اياها ويا ربي تساعدوني ولكولي الحلول


تبدي مشكلتي بان اني عمري 20 سنة تعرفت على واحد بالانترنيت بس جانت فكرتي عن النت بان هو مو حقيقي خيالي بس لعي وهاي الاشياء فمجنت اتصور اكو حب على انترنيت وحب صادق لان اني ماخذة عن الولد فكرة بانهم همة دائما يحبون يلعبون بمشاعر البنية فتعاهدت ويا نفسي بان ماسلم قلبي لاحد مهما كان وجنت اتمنى يعني من اتزوج اتزوج واحد زواج تقليدي يعني زواج الاهل ........... المهم تعرفت بالنت على واحد من مو قع طبعا تعرفنة والعمر بس الاسم يعني ورا كومة يلة كتلة على اسمي تعرفت علي تقريبا قبل 9 اشهر وبالبداية جنت رايدة هيج بس اضحك علي يوم يومين::27:: ::27:: وهاهية وحتى كذبت علي بعض المعلومات يعني مثلا عدد افراد العائلة عندج اخوان المصيبة اكتشفت انه هو شخص كلش حباب وعاقل وحساس وماعندة من هاي السوالف المكسرة رجل بكل معنى الكلمة مجنت اتصور بحياتي راح اقابل هيج رجل وبديت احبة فحبيت ابتعد عنة لان جان رايد يتقدملي فكتلة احنة حنسافر وعلساس سافرنة لان ادري ما اكدر اكللهم لاهلي يريد واحد يتقدملي واكيد راح يكولون منين عرفج راح اكللهم انترنيت مستحيل هذا الشي ممقبول عند اهلي ::27:: ::27:: بس مرات افتح انترنيت والكا فاتح ايميلة وصدكوني عمري مدخلت على ايميلة هوة دائما اللي يدخلي ودائما يتمنالي الخير ويكلي انتظرج اني مهما يكون وحتى من كتلة عندي دراستي كلي انتظرج تخلصين لان اريدج تصيرين احسن وحدة بالدنيا

وصدكوني يعني لو اكللكم انه حب جدا برئ تصورو يعني ليحد هسة مسامع صوتي او شايف شكلي بس اني شايفة شكلة ودائما يكلي ميخالف اني اقدر لان انتي بنية ومتكدرين تنطيني رقم تليفون واو اشوف صورة الج اعرف اني ........ يعني كل هاي الاشياء اثبتتلي انه هو رجل بكل ما اوتيت الكلمة من معنى هو مواليد 1982 موظف وهالسنة كلش فرحتلة لان راح للحج ويا والدته جان محرم يعني صار حجي ::27:: ::27:: وجان دائما يدزلي اوف لاينات ويسولفلي شسوة هناك وشصار واني هسة الكذبة ماتي جدا كبيرة لان علساس اني بسوريا بس اني بالعراق وهو دائما يكلي جنت اتمنى اني وياج بنفس البلد جان عالاقل كدرت اشوف جان صار عندي امل عالاقل واني هذا الحجي جدا ياثر بية اريد اكلة اني يمك بس ما اكدر ..... ويكمل ويكول اني راح اصبر وان شالله رب العالمين ميفرقنا لان يكول اني مراح الكة بنية حبابة مودبة مثلج ابدا مهما لفيت كل هذا العالم هو من يكول هالحجي اني اريد اصرخ باعلى صوتي واكلة لا ماخذ فكرة غلط عني اني كاذبة كاذبة كاذبة وما استحقك ما استحق انسان بهالطيبة والحنية ما استحق شي منك ::27:: ::27::


فهسة اريد حل لمشكلتي رجاءا ولو اعرف انه مالهة حل ::27::

لان حتى لو كتلة كذبت عليك وقبل وساممحني فمراح اكدر اواجه اهلي بحبي القوي ا

[pharma]

السلام عليكم
اولا الموضوع مو معقد مثل ماصورتيه ماطال هو يحبج وناوي يتقدم ومثل ماتكولين مودب ومحترم
ورح اقترح عليج حل واعتقد هو مناسب اولا اذا بيها مجال توضيحله واعتقد ضروري تكوليله اني مو بسوريا لان الصراحة احلى وهو مايستحق منج كذب لذا كولليله بطريقة دبلوماسية وتوضحين موقفج
هاي اولا
ثانيا علمود يتقدملج وموقفج من اهلج فحلها بسيط اما تتعرفين على اخته وتصيرين صديقتها فهو رح يصير اخو صديقتج او هو يتعرف على واحد من اخوانج بالصدفة على اساس ويصير صديقه ويطلب ايدج
او اهله يتعرفون على اهلج بالصدفة ويخطبوج من باب انه علاقات عائلية
وبهذا ان شاء الله يصير كلشي تمام وتنحل المشكلة ويارب التوفيق

[دينـا البغداديـّة]

عزيزتي مااعتقد الموضوع مقعد لهذه الدرجة...
وتكدرين اتكليله انو انتي موجودة بالعراق..
لان صدكيني ماكو احلى من الصراحة..واكيد هوة راح ايسامحج..
واني اكول اذا انسان حباب ومؤدب وحساس..
لاتضيعيه لاسباب تافهه جدا..
واتمنالج الموفقية وانشاء الله نسمع اخبار حلوة عن قريب...
تقبلي تحياتي...

[I.4.E]

أختي تره مشكلتج مو كلش معقدة و سهله كلش ..........

المهم
ـــــــــــ

أختي رح أكللج فد حل و أنشاء الله يكون خوش حل

أول شي:أختي تره ماكو واحد ميجذب ..يعني صار الجذب عادي ....و خاصة بالحب ....

ثاني شي:تكدرين تكوليلها بطريقة حلوة أنه تره يافلان أني كذبت عليك شوية بموضوع صغير و هو أنه تره أني عايشة بالعراق مو بسوريا و أني تره كذبت عليك لأنه بالبداية عبالي أنته مو خوش ولد .....بس وره السوالف مالتنه عرفت بيك أنك خوش ولد ......و أني همينة مكتلك الحقيقة لأنه لو جنت كايلتلك و أنته جاي لبيتنه .....أخاف أهلي يسألوني من وين أتعرفتي بيه و من هذه السوالف.....فأرجو منك أنه متزعل ....و مو تنكطع بعد متحجي .....

و بس.......ها ...و أذا جان خوش ولد مثل متكولين .فبالتأكيد رح يسامحج هذه المرة.....مو لو مومو

.............
تحياتي
أخوج محمد زيدان

[عـ ـ ـراقـ ـيـ ـة مغـ ـ ـتربـ ـ ـة]

اختي مثل ما كالو الاخوان الموضوع مو معقد
وتكدرين تصارحيه
واذا متردين تبينيله انت كذبتي عليه كوليلة رجعنة من سوريا
وخلي يتقدملك
ولاتتقديمن اي خطوة بدون ان يتقدملك
حتى يثبتلك اثبات اخير ان هو يحبك
واتمنالكم السعادة والموفقية اختي

[اسايرها تعاندني]

اني استغرب من شخص يحب بنت بدون ميشوفها ولا حتى يسمع صوتها لو نفرض جدلا حبها وحب روحها وشخصيتها وخلاقها اسالج سؤال اذا شافج راح تعجبيه زين راح تتوالمين وياه ويه طبيعته مو شرط النت ينقل صوره حقيقيه للواقع على كولت اخت ويانه تكول النت لعبه هوه والدردشه


على كلن اذا يحبج كوليله الحقيقه وشوفي تمسكه كوليله اكووو كرايبنه يردون يجون يخطبوني شسووي وشوفيه يتمسك بيج وحاولي تحددين موعد حتى تشوفيه بالحقيقه وتحجون الصراحه وبالتوفيق

[ابو سموسة]

اكولج اول شي هاي الله سبحانه وتعالى ديعاقبج لان كذبتي
وثاني شي اتروحين للولد تفهميه السالفة كاملا وبدون جذب وتكوليله كذا وكذا
وبعدين تعتذريله طبعا والولد مبين مسامح
وشي لخ انتي اتكولين الولد كلهم ملعبين والحب عدهم لعبه وشوفي انتي شكاتبه
وبالبداية جنت رايدة هيج بس اضحك علي يوم يومين
يعني انتي تسوي شي غلط بغلط وفوكاها تذبيها براس الولد
دتشوفين هاي كلها طلعت بيج
واكولج شي انتي ليش ادكولين انتي متستحقين الولد
ليش متفكرين انو انتي خوش بنيه والله دزلج خوش ولد ليش تفكرين بالشي المو زين
وحتى لو حشاج طبعا اذا انتي مو زينه تكدرين تصلحين نفسج وتمشين صح
وشغله لخ الانترنيت مو كله الي بيه مو زينين يعني كولي لاهلج اتعرفت على ولد من النت ويريد يتقدم
اذا هوه يريد يتقدم ويزوج بعد شنو بيها غلط؟
ديمشي صح وانتي امشي وياه صح وبدون كذب اهم شي لان الكذب ينفضح شلون متردين تخفيه
وان شاء الله تتزوجون باقرب وكت
بس الحل انو تكولين لاهلج وتفهمين الولد السالفة ويجي يتقدملج
وكان الله يحب المحسنين

[وحيدة بلا امل]

هلوووووووو اني اسفة لان مدخلت للمنتدى ومتابعت الموضوع اعتذر منكم واشكر كم كلش كلش على مساعدتكم

بس مدا اكدر اصارحة بالحقيقة مدا اكدر مدا تصير عندي جراءةةةةةة ما ادري ليش شكد احاول اريد انطق واسكت راسا عفية شجعوني لان بعد مدا اتحمل

وبالنسبة لك اسايرها تعاندني اخوية انت مسامع بعناق الارواح هو هذا الشي اللي احسة من نتكلم اني ويا احس الزمن يتوقف وبعد كلشي ميهمني بس هو
ذاك اليوم كلي اكيد هسة الوقت ساعة بيني وبينج بس بين ارواحنا ماكو ولا ثانيةةةةة

اما بالنسبة لردك اخ كيفن كوسنر فانت ردك جان كلش قاسي وهو فعلا اعتقد رب العالمين ديعاقبني

[Helen]

تسع اشهر تحجون ومشايف لا صورتج ولا سامع صوتج!!!!!!!!
ثانيا هو حب انسانة هو متخيلهة صادقة بس مع الاسف لح ينصدم ومو أكيد يستمر وياج لين الصدق اهم شي بالعلاقة عالانترنت.

[Helen]

تسع اشهر تحجون ومشايف لا صورتج ولا سامع صوتج!!!!!!!!
ثانيا هو حب انسانة هو متخيلهة صادقة بس مع الاسف لح ينصدم ومو أكيد يستمر وياج لين الصدق اهم شي بالعلاقة عالانترنت وبنظره قد تكونين غير انسانة. بس هذه كلها احتمالات واولا واخيرا ردة الفعل تعتمد عليه وشلون حيتقبل الامر. بعد الله اعلم. بالنسبة الي اني ما اثق بأي عربي عالانترنت لأن كلهم كذابين وهسة تأكدت

[Helen]

تسع اشهر تحجون ومشايف لا صورتج ولا سامع صوتج!!!!!!!!
ثانيا هو حب انسانة هو متخيلهة صادقة بس مع الاسف لح ينصدم ومو أكيد يستمر وياج لين الصدق اهم شي بالعلاقة عالانترنت وبنظره قد تكونين غير انسانة. بس هذه كلها احتمالات واولا واخيرا ردة الفعل تعتمد عليه وشلون حيتقبل الامر. بعد الله اعلم. اني بالنسبة الي ما اثق بأي عربي عالانترنت لأن كلهم كذابين وهسة تأكدت

[Helen]

تسع اشهر تحجون ومشايف لا صورتج ولا سامع صوتج!!!!!!!!
ثانيا هو حب انسانة هو متخيلهة صادقة بس مع الاسف لح ينصدم ومو أكيد يستمر وياج لين الصدق اهم شي بالعلاقة عالانترنت وبنظره قد تكونين غير انسانة. بس هذه كلها احتمالات واولا واخيرا ردة الفعل تعتمد عليه وشلون حيتقبل الامر. بعد الله اعلم. بالنسبة الي اني ما اثق بأي عربي عالانترنت لأن كلهم كذابين وهسة تأكدت

[E-S-C-A-D-A]

هلا بيج اختي
اكلج الموضوع يرالده شجاعه و جراه باعي انتي تحجيله الصدك لان ماكو كدامج حل لاخ وماكو احلى من الصراحه واهلج تكدرين ادبريلهم شغله اذا صعبه يتقبلون النت مثلا بالكليه حجه وياج او عن طريق بنيه شاف صورتج وراد يخطبج وهاي انتي وياه تتفقون عليهااااااااا بس هسه سوي اول خطوه واتوكلي على الله


بعدين ياخت هلين شبيج ردج قوي هيجي
يعني شنو ماكو عربي صريح بالنت
لعد الاجانب صريحين ؟؟
والله مادري

[nono]

والله اني تفاجأت بلموضوع لان انتي غلطانة بحقة والله اتعس شي بلعلاقات الكذب هو الي يخرب كلشي يعني انتي اذا ابسط شي مكانج الي كاعدة بي مكذبة بي زين وبقية الحجي كلة كذب وياه؟؟؟
حب بلنت اني اتصور يصير بس بشرط بعد لقاء وثنين لان مستحيل تحبين او تنحبين بس بلكتابة وانتي بينتي الكتابة الي بينكم جانت كذب من جانبج

بس علمشكلة انتي لازم تصححين خطأج ومهما كانت النتيجة لازم تتحمليها اذا سامحج ابدي صفحة جديدة بلا كذب واذا مسامحج فهذا من ايدج يعني غلطتج
وان شاء الله يصير خير

[صقر الوقاية]

اختي مثل ما كالو الاخوان الموضوع مو معقد
وتكدرين تصارحيه
واذا متردين تبينيله انت كذبتي عليه كوليلة رجعنة من سوريا
وخلي يتقدملك
ولاتتقديمن اي خطوة بدون ان يتقدملك
حتى يثبتلك اثبات اخير ان هو يحبك
واتمنالكم السعادة والموفقية اختي
غلطانة يالمغتربة ما تبرر كذبتها بكذبة اخرى اذا ما سوينا شي صحيح لو اني غلطان

[صقر الوقاية]

ولو جوابي راح يكون قاسي شوية
شوفي اختي اني لو بمكان هذا الشاب وافصحت عن ما بقلبي للبنت وحبيتها
واكيد هوة قدملج تنازلات هواية وضغط على نفسه لان هو تمسك بيج
وبعدين تكذب البنت عليه والله اتركها هيه والزمن لان الزمن لا تصدكين يضل شي مخفي
بي فاني من رايي
تخصميها من هسه ليش بعدين يعرف الحقيقة انو انتي كذبتي عليه
وبعدين ينصدم واحتمال ردة فعلة تكون قوية كلش
فنصيحتي من هسه لو اي لو لا
تقبلي مروري

[صقر الوقاية]

تسع اشهر تحجون ومشايف لا صورتج ولا سامع صوتج!!!!!!!!
ثانيا هو حب انسانة هو متخيلهة صادقة بس مع الاسف لح ينصدم ومو أكيد يستمر وياج لين الصدق اهم شي بالعلاقة عالانترنت وبنظره قد تكونين غير انسانة. بس هذه كلها احتمالات واولا واخيرا ردة الفعل تعتمد عليه وشلون حيتقبل الامر. بعد الله اعلم. بالنسبة الي اني ما اثق بأي عربي عالانترنت لأن كلهم كذابين وهسة تأكدت
والله يا اخت هيلين مو كل اصابعج سوة ليش متقولين معظم البنات يكذبن بالنت

[فتى بلاحبيبه]

بس مو كل اصابعك سسسسسسسسسسسسسسسسسسسوه
على الانترنيت
موايد حلو الموظوع

[زهرة القرنفل]

بعد التحية .طبعا الي يحب اختي ميكذب ابدا لكن معلينا اذا كنت فعلا تحبي وتريدين تعودين فثقي ماكو اقصر طريق من الصراحة اختي عودي واذكريلة معلوماتك الحقيقية لكن لاحاجة للعودة للافكارك بالماضي فهي ان كنتي فعلا احببتيه لم يعد لها وجود بعد الان واعتقد لو كان يحبك فعلا فهو سيسامح ويعذر خاصة وانك بنت والنت بحد ذاته عالم يحوي الشر اكثر بكثير من الخير اكيد سيفهم خوفك على نفسك ويحترم ذلك لكن اختي اعود واقول ثقي به 100% ثم اقعلي فوراء الكيبورد وخاصة الرجال بالف وجه .

[نوره الحب]

اذا انت متكدرين تصارحيه بالحقيقه خلي صديقه او صديق الج هوه اللي يصارحه و بالنسبه الاهلج تره الاهل تهمهم مصلحه بنتهم قبل كلشي مو منين عرفته و مو ضروري يعرفون انتي تعرفيه اصلا على اساس شافج و خطبج مابيها شي

[وحيدة بلا امل]

شكرا الكم تحياتي

[شموسة البغدادية]

اختي العزيزه الموضوع كلش سهل كوليله على الحقيقه واكيد هو راح يتفهم الامر اذا يحبك طبعا وخلي يتقدم الى اهلج وكولي الاهلج انو انت تعرفتي عليه عن طريق الكليه او اي شي ثاني

[عاشقة الوطن]

حبيبتي اني براي اول شي اتكليلة الحقيقة انو انت بالعراق

وبالنسبة اشلون يتقدملج فكليلة انو يجي يخطبج بشرط ميجيب سيرة انو هوة اتعرف عليج من النت على اساس اهلة شافوج و اجوي ديخطبوج وبس

[عاشق الغيره العراقيه]

اذا ايحبج صددددددددددددددددك خلي يجي ايخطبج حته لو من النت المهم هوه عرفج انتي شنو اوحبج بس خاف يطلع اكلاوجي ويسويلج بربــــــــــ مو طبيعي وانتي اضلين ادكولين لا ابو علي ولا مسحاته لان مو كل الينكال صدك او بهل الوكت صار الحــــــــــــــــــب كلمه نادره الوجوووووووووووووووووود او خاصه بالنــــــــــــــــت شكرااااااااااااااااا

[Danti]

انت فكري كالاتي
كلما اخذ الموضوع وقت اكبر كلما حيزداد المه وانت لازم تضعين حد لالمه لانه ماناسيك
تصارحيه بالحقيقه اول شي وقولي له اعتبرنا اصدقاء شي ومن حقك تعرف كل شي وبعدها شوفي الوضع بيناتكم اذا الولد يحبك ومتمسك بك هو راح يقول الك وافضل تتعرفين على اخته اذا الامور تطورت لموضوع زواج وغيره بقه انا ماانصح بموضوع اللقاء ابدا خاصه بهل الظروف لكن من حقه ان يشوف صورتك وان يسمع صوتك وتسمعين صوته الزواج مو سهل بس مو تعملوها محطه استراحه يوميه يعني مرتين ثلاثه وبعدها خلي اخته تتعرف عليك بالواقع باي حجه وتزوركم ووراها يخطبوك وكوللوش
وننتظر اخبار طيبه ولاتصيري جبانه ترا اذا ماواجهتيه راح تندمين اكثر وراح يبقه هو يتاذى
نعم كلنا نخطاء ومرات والله اخطاء مميته لكن لازم تجي لاحظه نواجه انفسنا ونصلح اخطائنا
لازم
الشوكه الي تبقه بالنفس مايخف المها ابدا فالقيها اختي

[ღ..جـ’ــلَــنـَـ ــآآر..ღ]

عزيزتي انتِ ترين به انسان صادق جدا وبلا اي اخطاء
كل هذا جدا اوكي ونقول لله الحمد عليه
تبقى نقطه هناك لاثبات مصداقيته الكامله وانه اهلا لثقتك حتى يراك ويسمعك ويعرفك اكثر
اخطاءك من حقك فانت بنت وتهمك نفسك ويهمك اهلك تغير معلومات سوف يتفهمها هو حتما ويغفرها لك
لم تخفي عنه مشكله كبيره او واقع ممكن يؤثر عليه .. عدد افراد اسره السفر
فلو اخبرته الان كونك بنفس البلد معه يفترض ان يطير فرحا بك وبقربك فهذا القرب سبب لقربكم
ولتجدوا حلولا معا تنفعكم لمواجهة الاهل ..
لكن الخطوه الاهم اخبريه بانك الان بالعراق وبانك قربه وبعدها لنرى رد فعله وما سيكون عليه قراره
ليثبت لك مصداقيته الكامله وبطلبه خطبتك رسميا ..
ما اكثر ما يقال واقل الافعال .. لنرى افعاله اولا ثم نحكم على مصداقيته فالكلام وحده بالعاده ليس بالدليل الكامل ..

امنياتي بالتوفيق غاليتي

ربي معك ..

:


جلنار

[LARAH]

الموضوع مدته أكثر من سنة (قديم ) والمشكلة منتهية وصاحبة الموضوع ردت وشُكرت ردودكم الجميلة..

لذلك يغلق الموضوع ..

خالص مودتي وإحترامي للجميع مع جزيل الإمتنان من تواجد آرائكم ..

تحياتي.