كافي تفرقه الله يخليكم مو كلبنه خلص

[amar]

اخواني و خواتي يعني ما اعرف شكول عله الي صار والله كلبي محترك عله الطلاب الي راحو الله يساعد اهاليهم ما ادري شكول بس غير الله يجازي الي كان السبب المهم مو هذا الموضوع الي جاي احجي عليه اخوان مو كافي طائفيه يعني انفجار صار ابمكان منكول حمدله عله السلامه لو ابمكان منكول الله يرحم الشهداء لو ابمكان منقرالهم الفاتحه لو ابدال منندعي انو الله يشفي الجرحى لو لو لو اجي اشوف قسم من المشاركات واحد يكول جيش المهدي فجر و الثاني يكول مدري منو الله يخليكم كافي كافي كافي مو والله كلبنه خلص يعني اني والله كلبي محترك ثنين من اخوانه الي بالمنتدى بالمستشفه و مندري شصار بيهم و يوميه نسمع خبر و يجي واحد و الصراحه اكثر من واحد يكتب حجي بي تفرقه طائفيه يابه مو كافي الله يحليكم كافي خلي نشوف وين وصلنه من وره التفرقه والله ضجنه من كلمه شيعه و سنه تره بعد كلبوبنه متتحمل و كمنه نبجي دم اخر مره اكول كافي يمعودين
::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27:: ::27::

[angelbio]

شكرا عمار صدك تعبنة وبعد ما بينة حيل والله يستر من الجاي ومن التفرقة وهاي جمالة فوك الانفجارات انوب تفرقة الله يستر

[viola]

اي والله عمار حجيك كله صحيح واني وياك بكل كلمه كلتها..............
احنا كلنا اخوان والله ينتقم من كل واحد يحاول يفرقنا

[1980]

والله حجيك ذهب اخوية عمار
احنه بيا حال و اريد اسال اللي ديحجي هيجي حجي
اكوله ليش هيه الجامعه هم بيها طائفة وحده ؟
اشو كل الناس هناك من كل الطوائف والاديان واحنه صارلنا شكد
بهذا المنتدى ما عرفنا فلان منين لو طائفته شنو

وحبي عمار اريدك تكون حازم ويه هيجي ناس حذف المواضيع والمشاركات
واعطاء الباند المؤقت او حتى النهائي تحت تصرفك استعملها واحنه نساندك
لان هيجي شي ما بيه تهاون.

[مشتاق السلمان]

ما عاب حلكك وتسلم خيووووووووو تقبل مروري

[سيف الدين المالكي]

والله خيو عمار حجيك صحيح يوميه جايك واحد يفيك براسنه وصار بس هوه وبس وأول شي يتعلمه شلون يقتل وشلون يفجر وكلك هذا جهاد في سبيل الاسلام والاسلام بريء من كل من يقتل مسلم بغير وجه حق وكل من يحرض على قتل المسلم وكل من يرضا بقتل المسلم

[ميكانو مان]

اخوان سنه وشيعه هذا الوطن ما نبيعه

انشاء الله تفرج

[زنوبيا]

الله موجود عمار ..... واذا بقينا ايد وحده مراح يكدر احد يفرقنا ..........

واحنه صبرنا هوايه وان شاء الله الفرج من الله قريب ............

[The god father]

والله يا اخي كلامك على الراس
بس شنو نسوي لهذول الارهابيين الي فلشوا البلد وكلبوا حيات العراقيين الى جحيم بس لو اعرف هذول شنو من بشر الي يذبحون العالم ويفجرون الاسواق والكليات
العفو اني غلطت هذول ابدا مو بشر هذول اتباع الشيطان ...
ما اعرف شكول صرنة علج بالدول العربية ودول العالم تشوهت سمعت العراقيين بالعالم وبعد ماكو احد يحترم العراقي وطبعا هذا صنع ايدينا احنا الي سوينا بنفسنا هيج ..
يعني ياناس ياعالم اكو واحد صاحي يفلش بيته بيده بس جاوبوني ترى والله ماصايرة ... مع الاسف على العراق........

كلمة الحق

[بغـــــداد لا تتألمـــــي]

والله كلامك على راسي ..
كافي تفرقة مو تعبنة ونطينة كومة ضحايا بلا سبب ..
شكرا اخي على هذه المباردة ..

[asoo]

اي و الله تعبنا من هاي السوالف

[Lιση σƒ ιяαq]

حجيك صدك عموري لا عاب حلكك ولا حول ولا قوه الى بالله

[rana_rana]

والله صحيح عموري كلامك ذهب وصدكني بس المتخلف والي ميفتهم اي شي بالدين او غير الدين هو الي يفرق ويكول الطائفة الفلانية او الديانة الفلانية لان كلنة عراقيين واني اكول كافي تخلف وانتبهوا لامور اهم بهواية منها الحب الاحترام مساعدة الناس حتى رب العالمين ينقذة من هاي البلاوي والله يستر واشكرك جددددددا على موضوعك المهم

[amar]

مشكورين اخواني عله مروركم والله واتمنه الكل افتهمو قصدي لان والله تعبنه و يعني دم الشهداء مال حادث المستنصريه لسه ما نشف واحنه نشوف كم واحد يجي ويحجي كم كلمه طائفيه كافي اخوان والله ميصير هيجي
طبها اشكر الكل والاكثريه اعرف انتو شنو و ادري هاي التفرقه مموجوده بين اعضاء المنتدى بس اني من كتبت الموضوع قصدت بي كم واحد بس محبيت اكتب اسماء