ما هيه نضريتك عن الحريه ؟؟؟؟؟؟؟؟؟؟؟

[MISS SARA]

السلام عليكم

شلون الصحه ؟؟؟

اخواني واخواتي اني اليوم حبيت اغير من المواضيع المنقوله لان صارت اغلب المواضيع الي تنزل بالمنتدى مكتوب جواهه منقووووووووووووول مو لو مومو؟؟؟

وشفت الحريه موضوع حلو للنقاش لان كل واحد من عدنه عنده مفهوم خاص بيه يفتهم بيه الحريه واريد الكل يشارك حتى نستفيد من ارائكم الحلوه واني هم راح انطي رايي واذا معجبكم الكم الحق تنتقدوه بس على شرط يكون سبب الانتقاد مقنع لان اذا مقتنعت يا ويلكم مني


تحياتي الكم
اختكم المخلصه ساره

[MISS SARA]

الحريه فيما اعتقد ان كل انسان في هذا العالم يمتلكهه لكن كل واحد
عليهه ان يؤمن بان الحريه ان نحرر انفسنا من كل المصاعب التي نواجهها وليس بالمعنى الذي نضعهه في عقولنا الحريه في التصرفات وارتداء المحرمات والرذائل ولكن الحمد لله الذي اعطانا العقول ونحكم تصرفاتنا

مع تحياتي

[مونا]

الحرية حلوة بس لازم نتحكم بأنفسنا لان ممكن الحرية تكون ضارة لان اكو ناس تفهم الحرية بمعنى الانحلال والفوضى وعدم الالتزام الحرية هي في المعتقد ,في التعبير عن الرأي ,في المأكل في كل شيء لكن بحدود
مشكوووووووووورة على طرح الموضوع الحلو




http://www.eqla3.com/pic/jollyroger.gif
http://www.asmilies.com/smiliespic/evil/025.gif
عيوننا عليكم
رئاسة لجنة النزاهة
http://fool.exler.ru/sm/ora.gif

[MISS SARA]

العفو حبيبتي وتدللين

مع تحياتي

[amar]

يا هله بساره شلونج عاشت ايدج والله فعلا موضوع حلو ويستاهل النقاش
واني اكول انو الانسان حر في كل شيء اذا لم يكن يضر غيره يعني الحريه موجوده و صحيحه اذا لم تكن على حساب او مصلحه شخص اخر يعني كلمن يبسوي الي يريده هوه حر اذا مياثر عله غيره بس اذا صارت بيهه مضره للناس و لمن حوله فيعتبر الفعل خارجا عن نطاق حريه الفرد يعني سوو الي تريدو بس بشرط غيرك ميتاذه ولا ينضر

شكرا ساره

[حسن.نت]

واللة الموضوع حلو بس شوفوا هذا الرائى ولو يمكن ميعجبكم بس شوفوا
اني اكول انه بالنسبه للعراق لو باقين بلا حريه جان احسن او اني اكول الحوريه يعني الواحد مكاعد ابيتهم من منع التجول
او الحريه يعني كل واحد ابكيفه وين ميريد يشتغل يشتغل او اهم شي المهنه شريفه مو اذا اشتغل ابشغله ينذبح
او شكرا على الحريه الي محرومين منه

[mezo_baghdad]

والله الموضوع كلش حلو ومفيد واني اكول الحريه بيه هوايه جوانب واحنا اصلا اكثر الشعب العراقي مفتهمه غلط الحريه اله حدود اذا اتجاوزنه حدودها تصير فوضى مو حريه وهو الي ديصير البعراق حاليا وثانيا احن الي علمنه العالم الحريه مو همه الي علمونه لانه احنه موجوده عدنه قبل ميطلعون على الارض يعني العراق من اقدم الدول الي يعرف الحريه مو هسه ديجون الامريكان ديحررونه خلي يحررون نفسهم من اسرائيل اول يله يجونه وياريت صدك انطونه حريه اشو لا والله كبل جان احسن بميت قاط صحيح جانت الحريه محدده شويه بس جن نعرف حدوده مو مثل هسه كلشي متكدر تحجي ولا تروح للجامع ولاتشتغل بالدوله واني اتفق ويه اخويه حسن يلو بله حريه صدك احسن نرجع مثل كبل واخيرا شكرا ولو وغفت بس يله تحملوني وشكرا بس تره لو بيدي اضل احجي للصبح من القهر على العراقوشكرا ساره على الموضوع كلش حلو يله باي وسوري مره الخ على الاطاله

[MISS SARA]

والله عاشت ايدكم على الاراء الحلوه والمفيده نفس الوكت مشكورين عمار وحسن وميزو

مع تحياتي

[ينبوع النار]

والله الحرية شيء جميل جدا تعرفون ليش
لانه
جمال الشيء نادر وجودة
وشكرا

[MISS SARA]

اشكرك على الرد

مع تحياتي

[mezo_baghdad]

اني اشكرك عيني ساره على الموضوع المهم وخصوصا بالوقت الحاضر

[asoo]

مو هسه ديجون الامريكان ديحررونه خلي يحررون نفسهم من اسرائيل اول يله يجونه وياريت صدك انطونه حريه اشو لا والله كبل جان احسن بميت قاط صحيح جانت الحريه محدده شويه بس جن نعرف حدوده مو مثل هسه كلشي متكدر تحجي ولا تروح للجامع ولاتشتغل بالدوله واني اتفق ويه اخويه حسن يلو بله حريه صدك احسن نرجع مثل كبل
السلام عليكم
اني بس عندي ملاحظات على ردك اتمنى انه تترك مسائل السياسة لان راح ندخل بمتاهات منطلع منهة و نحن في غنى عنهة لان كل عضو عنده معتقده الخاص و تفكيره يختلف عن العضو الثاني و اعتقد كلنا نعرف هذا الشي ... و يجوز انت تشوف كبل احسن هذا رأييك و اكو غيرك يشوف هسة و اللي راح يجي احسن و اني واحد منهم .. بس اعتقد انه مهما يكون الوضع هسة فهو احسن من قبل لان شريحة كبيرة من الشعب عانت في تلك الفترة و اعتقد كلامي واضح وما اعتقد كبل جان الواحد يكدر يحجي لان معروف مصيره كبل و انت معترض على هسة ؟؟؟ ..صح هسة الوضع مو زين بس انشاء الله بمرور الوقت يصير احسن هو هذا ثمن الحرية و الحرية متجي بثمن رخيص ... و احنا اكبر من هاي الاشياء فياريت الواحد يبتعد عن الردود اللي تسبب حزازية بين الاعضاء و اتمنى انه ننتبه لهذا الشي و محد يتوسع بهذا المجال .
هذا الشي اللي حبيت اوضحه
تحياتي

[amar]

والله ابصراحه اني ويه اسو بكل الي كاله و اني احب اكول عوفونه من السياسه لان هاي باب اذا انفتح بعد مينسد و الوضع هسه صحيح مو زين بس على كل حال احسن من قبل على الرغم من الضروف الي هسه دنمر بيهه و كلنه نعرف ليش مينرادلهه شرح و ان شاء الله يصير احسن واحسن و هذا كله ميصير غير بجهودنه احنه وان شاء الله العراق يصير احسن و احسن و الله كريم وان شاء الله كلنه ايد وحده

[mezo_baghdad]

اسو وعموري انت مثل اخوتي اتمنه محد يزعل من الثاني لان حته لو اختلف وياكم مو معناته انو اني ما احبكم او اضوج منكم بس بالعكس هو الموضوع عن الحريه يعني هسه لمن احد يجي ويكول غير رأي مو معناته انهُ ازعل منه افكر بكلامه لانه يجوز ديجي صحيح ورح يقنعني بكلامه بس هو اني راي كلمن وجهة نضره وشميصير احنه انشاء الله كلنه نبقه اخوان واصدقاء والله يسمع من منك انشاء الله ويصير الوضع احسن وترجع الناس الى اهلهم واتوقع هذه امنية كل عراقي ولو اني كان ودي انه اتناقش وياكم بس مثل متريدون نترك السياسه وانتُ تأمرون امر وتحياتي للجمع واسف للاطله

[amar]

حبيبي ميزو الورده احنه مو قصدنه شي و اكيد اخوه و اكثر و اني احترم رايك ورائ غيرك و ماكو داعي للاسف لان احنه اخوان و انت مكلت شي غلط انت كتبت رايك مثل ما الكل سوه و مابيهه شي اذا صار تعليق عله كلامك مو يعني انو احنه نضوج منك بالعكس تره اي واحد نرد عله كلامه دلليل على احترامنه اله و شكرا
اخوك عمار

[asoo]

و الله يا ميزو اني بس حبيت انبهك و مو عبالك انه ما احترمك بالعكس كل انسان عنده رأيه الخاص بيه بس الواحد يبتعد عن هاي المواضيع احسن ...
تقبل تحياتي
أســو

[mezo_baghdad]

لا اخوي عادي ليش ازعل مثل مكتلكم انت مثل اخوتي
وعاد انشاء الله مصار شي

[MISS SARA]

اي طبعا احنه كلنه اخوه ولازم من احد ينتقد شي منزعل لان لازم نتحد ونكول موحدين لان تعرفون اوضاعنه بالوقت الحاضر بس الله يسهل

مع تحياتي