أسئلة خاصة بس للبنات (شباب تفضلوا من غير مطرود)

[-T-R-O-Y-]

السلام عليكم

بنات أكو أسئلة في بالي ممكن تجاوبوني عنها بس بدون اي ابتعاد عن الواقع أوكي ؟؟؟



ليش البنات تفشي كل الاسرار الا عمرها تحافظ علي بكل قوتها ؟؟؟؟؟
ليش البنات تريد دائما من الولد يجي يصارحها ؟؟؟
ليش البنت لمن تريد شاب تحصل علي ولما الشاب يريد البنت ينشلع قلب الي خلفوا ولو يحصل عليها لو يشوف غيرها ؟؟؟
ليش البنات يريدون كلشي من الزوج يجيبلهم وهم بس كاعدين ؟؟؟
ليش البنت أكثر الاحيان ماتتصرف على طبيعتها الحقيقة وتحاول تكون (برستيج) في اي مكان تروحله؟؟

وشكرا
::14:: وعذرا اذا كنت تماديت شوية::14::

[miss.tota]

موضوع حلو ارجوا من البنات يجاوبوا سؤال سؤال

[-T-R-O-Y-]

لعد انتي حاسبة نفسج على الزلم متجاوبين هههههههههههههههههههه

على الراس اختي من الفلوجة

[miss.tota]

تتدلل هسة اجاوبلك عليهه كلهة

1.مو كل بنية تحافظ على عمرهه اكو فئة قليلة بس اني مو منهم

2.طبعا لان هية متكدر تصارحة لانهة دائما تكون خجولة بس هم اكو بنات يصارحون بس قليلات مووو

3.مو هية لازم تتعزز شوي بس الولد محد كايللهم ميتعززون

4.والله هاي شغلتة وهمة هم عدهم شغل هوة ميسوي عنهم مو بس كاعدين

5.طبعا هية مو الجنس اللطيف لازم تكون برستيج


ويسلم راسك واشكرك على الموضوع وان شاء الله يكون ردي عجبك

[دلوعه بغداد المحتلة]

ليش البنات تفشي كل الاسرار الا عمرها تحافظ علي بكل قوتها ؟؟؟؟؟

لا ليش مبية هالشي اني

ليش البنات تريد دائما من الولد يجي يصارحها ؟؟؟

لعد شتريد بنات يصارحون ولد ليش وين عايشين بامريكا ؟ انت شايف بعمرك بنية تخطب ولد؟
ليش البنت لمن تريد شاب تحصل علي ولما الشاب يريد البنت ينشلع قلب الي خلفوا ولو يحصل عليها لو يشوف غيرها ؟؟؟

احسسسسسسسسسسسسسسسسسسسسن تستاااهلوون حتى ميتركها بعد


ليش البنات يريدون كلشي من الزوج يجيبلهم وهم بس كاعدين ؟؟؟

هذا دورة بالحياه وشغلة مو بكيفنا

ليش البنت أكثر الاحيان ماتتصرف على طبيعتها الحقيقة وتحاول تكون (برستيج) في اي مكان تروحله؟؟

مو كل اصابعك سووووا

[-T-R-O-Y-]

أولا شكرا على الردود الحلوة

اختي توته ردج كان مقنع بعض الشيء

وأختي حايرة أعتقد ايضا جوابك كان يعني أوكي

بس معرفتوا تجاوبون على السؤال الرابع صحيح أو بصورة مقنعة

[miss.tota]

4.عمي بعد منريد بطلنة

[دلوعه بغداد المحتلة]

لاتوتة منبطل

[دلوعه بغداد المحتلة]

لا توتة منبطل همة مجبورررييييييييييييين

[-T-R-O-Y-]

على شنو مجبورين عيني حايرة

بالنسبة الي الجنتل تبعي يخلي من المستحيلعليا اركض وره بنت أوكــــــــــــــــــــــــــــــي عيني
تحياتي

السنونو

[دلوعه بغداد المحتلة]

مجبورين يوفر كلشي النا هو هذا دورهم بالحياة

[مـــــراد]

سنونو ولو مالي دخل بهاي موضوع بس نزل موضوع اسئلنا عيني واحنا نجاوبك بكل صراحة وبدون خجل وبدون ولف دوران يالة حبي

[Atasgul_cCc]

لا تعليق (لاني مو بنت)

مشكور اخوية سنونو على الموضوع

[ريم العراقية]

السلام عليكم اخي سنونو

بنات أكو أسئلة في بالي ممكن تجاوبوني عنها بس بدون اي ابتعاد عن الواقع أوكي ؟؟؟
راح اكون واقعية



ليش البنات تفشي كل الاسرار الا عمرها تحافظ علي بكل قوتها ؟؟؟؟؟
ليش البنات تريد دائما من الولد يجي يصارحها ؟؟؟
ليش البنت لمن تريد شاب تحصل علي ولما الشاب يريد البنت ينشلع قلب الي خلفوا ولو يحصل عليها لو يشوف غيرها ؟؟؟
ليش البنات يريدون كلشي من الزوج يجيبلهم وهم بس كاعدين ؟؟؟
ليش البنت أكثر الاحيان ماتتصرف على طبيعتها الحقيقة وتحاول تكون (برستيج) في اي مكان تروحله؟؟
اولا\البنت تعتقد انه هي اذا فشت سر من اسرارها عند احد معناها انه هي تقربت منه وهذا اكبر غلط وبهذا الوكت العمر بالنسبة للبنت صار عادي انه تكولة
ثانيا\اني اردلك السؤال بسؤال انت تقبل تجي بنت عليك تصارحك؟؟؟والله ارد بدالك راسا تروح قيمتها عندك
هي هذي سنة الحياة انه الرجل هو الي يصارح ولو بنت ظلت طول عمرها تحب احد وما حاس بيها ما تروح تكلة وهذا الي يميز البنت عن الولد
ثالثا\اعتقد اني جاوبت عليه بالنقطة 2 بس اكول شي ثاني الولد البنية بس تنطي شويه مجال يستغل بس البنات لا يعرفون يختارون او يتاكدون اول
رابعا\والله هو هذا الي لازم يصير اذا الرجال كاعد والزوجة هي الي تلبي كل الطلبات هذا ما يصير رجل
الرجال قوامون على النساء
خامسا\صحيح كلامك بس مو بكل الاحيان بس هم السبب يرجع للمجتمع لان لو البنت بدون قصد ضحكت بصوت عالي الف حجاية وحجاية تطلع عليها فة دائما تحاول تكون بحاسن صورة

اشكرك اخي سنونو على هذي الاسئلة واعذروني على الاطالة

[المهندسة]

اني طبعا جديدة على المنتدى
وهم اجاوبك على اسئلتك الوجيه
احم احم
طبعا هيج اسئلة يرادلها حجي طووووويل
اخي : اذا علعمر صارت سهلة
يكولوه هسه ما بيها شي مثلا اني عمري تقريبا 20
بس اكيد من اصير 50 اكول اني بال35 هههههههههههه
لان انته وكل باقي البشر ينقهرون من الكبر وهذي فرصة طبعا الواحد يحافظ على شبابه
اي
والسؤال الثاني اذا على المصارحة ترة الولد اذا صارح يعني جذاي يكذب
والبنية اذا صارحت يعني اكيد اكيد تسقط من نظر الكل واكيد فاهم القصد
والثالث:لا مو شرط ماكو هيج قانون لان لو صار الاول يعني لازم يصير الثاني ههههههه اذا افتهمت زين
والرابع:ها صدك البنات كاعدين لعد منو اليطبخ وينظف ها؟؟ لا وفوكاها يكون هدوم مو بالله؟؟
والاخير:اذا على البرستيج ترة اكو هواية بنات اصلا من طبعهم هذا البرستيج يعني مو يصطنعون
ههههههههههه واذا البنات ما صاروا (برستيج) ترة يصيرون زلم ههههههههههه مو بالله

[~PeTeK YK~]

شكرا عالموضووووووووووع

[-T-R-O-Y-]

هلو شباب شكرا على الردود الحلوة وارحب بيكم بنات

(المهندسة شرفتينا بمنتدانه المتواضع)

(ريم انتي من اهل البيت (قابل كاعدة ايجار خخخ)

ريم ردودج مقنعة جداجداجداجداجدا

والمهندسة ردودج نابعة عن حس فكاهي وانشالله مننحرم منه


مرة ثانية نورتونه