في منطقة السيدية !!!!!

[صقر ااالبياع]

في السيدية :
داهمت قوات الشرطة الوطنية يوم امس منزل المجرم سليمان المجيد احد اقارب المجرم صدام في منطقة السيدية (حي الضباط ) بعد التبليغ عن وجود مختطف في بيته وبحمد الله تم تحرير المخطوف ولكن ما كان في البيت كان مفاجاءة للقوات الشرطة التي عثرت على سيارتين مفخختين واحدة من نوع بي ام دبليو زيتونية اللون والثانية سيارة هيونداي بلاضافة الى العشرات من قذائف الهاون من عيارات مختلفة و 3 حاويات من مادة التي ان تي شديدة الانفجار و 15 نضيدة للتفجير وبلاضافة الى كميات كبيرة من الاسلاك ولوازم التفجير والتفخيخ وصناعة العبوات التي تستخدم في تفخيخ وقتل الشعب العراقي يوميا مع عدد كبير من الاشرطة التي تبث الطائفية بين ابناء الشعب العراقي ...

فاسالهم الا يكفيكم قتل وخطف وذبح وتفجير العراقيين على مدى 35 سنة من حكم الطاغية المقبور ولكن يتبين انهم مدمنين على هذه الافعال كما يدمن البعض على المخدرات واوجه الشكر للقوات الامنية وان شاء الله يعم السلام على منطقة السيدية وجميع مناطق العراق ولكن بعد ان يتم تطيهرهذه المناطق من هؤلاء المجرمين القتلة ...

[سامرائي الى الابد]

ماكو هيجي شي اني من المنطقه السيديه وسمعت هيجي خبرررر

[نـــــــ,ـــــــايـــــــ,ـــــــ]

اللهم انصر العراق على هؤلاء الارهابيين البعثيين القتلة

يا اخي الله موجود مهما شكك انصار الطغاة

بالسيدية وبكل مكان الله راح ينصر الشرطة الوطنية وكل شريف يتعقب هذولة الحشرات
جرذان الصحراء

[attractive me]

الله يخليك ما تكلي ما تعرف منو المخطوف؟ يعني ما كالو؟ لان اكو شخص عزيز انخطف

[سامرائي الى الابد]

يابه الخبر كاااااذب هسه اتصلت ابصديق وكال ماكو هيجي شي

[صقر ااالبياع]

والله ما اعرف منو المخطوف بس أأكد لكم انه الخبر واصل من مصدر موثوق جدا في السيدية واذا عدكم واحد مخطوف اتمنى يكون هو اللي افرج عنة واذا لا فأدعي له بفك اسره ان شاء الله وان يخلصنة من عصابات الاجرام اللي دتخطف بابناء الشعب العراقي امثال سليمان المجيد واتباعة من الصداميين لان مصخوهة ....
::8:: ::8:: ::8:: ::8::
الارهاب













@

[نـــــــ,ـــــــايـــــــ,ـــــــ]

هو بس الارهاب

لو الطابور الخامس مال الارهابيين

المهم ان شاء الله العراق هو المنتصر مهما حاولوا

تحياتي

[tATy_ юЛЯ]

يله الموضوع يخصني

لان اني من منطقة السيديه

اول شي سليمان المجيد

ما موجود ببيته

و بيته فارغ تگدر تروح تشووفه

و كان بيت لهيب و أخذوووا المغاوير و بفضل الله تگدر تروح تشوف بيت لهيب هسه اشصاير بي

و الشرطه الوطنيه الي تحجي عليهم

هم من دمروا السيديه

لا نريد شطرتهم و لا وطنيتهم خلي الوطنيه الهم

و السيديه محميه بأهلها

مو يجون أبناء الحكيم و الصدر يحموها

و الخبر غير صحيـــــــــــــــــــــــــــــــــح

[مالك الأشتر]

انت ابو اني بالسيدية اذا سليمان المجيد لازمينة الشرطة الوطنية وانت بعدك تغطي عليه وتموه له مو عيب عليك لان ترة انت همين تتحمل جزء من ذنب هذولة الناس اللي ديخطفهم ويقتلهم ....

وحبيت اكول للعراقيين كلهم اذا شفت عمل مو زين او يخل بلامن رجاءا تبلغ عليه حتى لو كانوا اهلك لان هؤلاء الناس اللي يلكون منكم دعم يزيدون بقتل العراقيين بس اذا ما اشفو منكم تغطية عليهم راح يبطلون وان شاء الله يعم الامن والامان العراق من جديد...


وشكرا عيني صقر البياع على الخبر وأن شاء الله دائما ترفد المنتدى بمشاركاتك الحلوة.....

[tATy_ юЛЯ]

انت ابو اني بالسيدية اذا سليمان المجيد لازمينة الشرطة الوطنية وانت بعدك تغطي عليه وتموه له مو عيب عليك لان ترة انت همين تتحمل جزء من ذنب هذولة الناس اللي ديخطفهم ويقتلهم ....

لا مو الأخ صقر ما ذاكر ان سليمان المجيد مختطف و انما لقوا المختطف ببيت سليمان المهجور

هو القصد خيي

ان ياخذون هذا الي كان ساكن ببيت سليمان على أنه مخطف

و يحولونه مثل بيت لهيب و يسوون مقر لهم

لان صاير بنص البيوت و ما يتعرضون لهجوم هذا كل ما هنالكـ

هم أذا صدكـ يريدون يقضون ع المجرمين

خلي يداهمون الحسينيه الي جنب جامع شاكر العبود

الي مسويها مسلخ للشباب

[kimo_nemo]

وليس كونك من انصار الحق او من جيش الامام المهدي فذلك علامة على انك ذا تسلط بل يجب ان تتواضع وتتحلى باخلاق الحسن والحسين سيدي شباب اهل الجنة (سلام الله عليهما) والا كنت عدوا لهما

ياريت كل شباب المليشيات يقتدون بهذا الكلام
كان ماوصلنا لهذا الحد
وبخصوص الخبر فلا علم لوسائل الاعلام عن هذا الخبر
والله اعلم

[tATy_ юЛЯ]

اذا شفت عمل مو زين او يخل بلامن رجاءا تبلغ عليه

طيب اذا كانت الشرطه هي الي تقتلكـ ؟؟؟

خلينه من هذا

مره من المرات بالسيديه

طلعت بالشارع الساعه 9 بالليل فشفت مجموعه من الكلاب السائبه ملتفه حول شخص

طبعاً اني شفت مجموعه كلاب فشمرت حصوايه من بعد ما شمرتها انهزمت الكلاب فشفت اكو واحد نايم

رحت و لكيت شاب مقتول بطريقه شنيعه و ايديه مربوطه

خابرت هاي الــ 130 و گلتلهم اني من لاسيديه و هذا واحد مگتول بالشارع

تعرف أشجاوبوا عليه

گالوا انت مخبل نفوت السيديه هسه

طبعاً بقى الشاب مرمي بالشارع الى ثاني يوم الساعه 8 الصبح يلا شالوه

و الله يشهد على كلامي

[صقر ااالبياع]

اخوان ترة والله راح اتخبل ::12:: ::12:: ::12:: ::12:: ::12:: ::12:: مرة تكولون منريد ميليشيات ونريد السلاح بيد الدولة وهسة من الشرطة تلزم المجرمين تكولون لا هذولة الشرطة همة اللي يقتلونة بس فهموني شتريدون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

وشكرا على مروركم

[مالك الأشتر]

صقر البياع اني اكولك شيريدون اكو ناس متريد اي احد يسيطر على العراق يعني وية الجو لمن يصير الجو وية المسلحين يصيرون وياهم ولمن تتغير الرياح ويصير الحجي على ؟؟؟؟؟ لا يصيرون وية الدولة ولازم تسليم السلاح بيد الدولة يعني لا تتعب نفسك

وشكرا على الموضوع

[فلاح بالمنطقة الخضراء]

خبر غير صحيح و اني اتاكدت من اكثر من صديق بالسيدية و بمناطق مختلفة و نفو هذا الخبر و مع هذا هم لو يدورون من صدك راح يلكون معتقلات مثل الجادرية تلعب بيها الميليشيات لعب بشرفاء العراق

[مقاوم من العراق]

هههههههههههههههههههههههههههههههههههههههههههههههههه هههههههههههه
خبر كاذب اخر من كاتب موضوع اما مواضيعه طائفية او اخبار كاذبة الله يصلحك ويهديك

[سيناتور]

اني بس اريد اسال سؤال اذا همة البعثيين والصداميين همة اللي ديفجرون ويقتلون لعد من سقط النظام لحد هسة شيدسون الاحزاب الشيعية وفيلق بدر ليش ملزموهم من البداية لكن شنو همة التهو بالحواسم والبوك لمؤسسات الدولةاللي هسة صايرين يحكموهة وبس اريد اسال هو اللي كان عضو عامل بالحزب مهزوم بسورية شلون واحد يصير ابن عم صدام وباقي بالعراقي واسمةالمجيد هذا تلكي عنده ملايين من الدو لارات شيسوي يكعد هنا يعني بالعقل الواحد يحجي واذا هو هنا المفروض هيجي واحد ما تغفل عنه الشرطة لحد متلكي في بيته هاونات ومفخخات وقذايف المفروض بس يوصل بغداد ينلزم مو تمام؟؟؟

[lady_bio]

اني بس اريد اسال سؤال اذا همة البعثيين والصداميين همة اللي ديفجرون ويقتلون لعد من سقط النظام لحد هسة شيدسون الاحزاب الشيعية وفيلق بدر ليش ملزموهم من البداية لكن شنو همة التهو بالحواسم والبوك لمؤسسات الدولةاللي هسة صايرين يحكموهة وبس اريد اسال هو اللي كان عضو عامل بالحزب مهزوم بسورية شلون واحد يصير ابن عم صدام وباقي بالعراقي واسمةالمجيد هذا تلكي عنده ملايين من الدو لارات شيسوي يكعد هنا يعني بالعقل الواحد يحجي واذا هو هنا المفروض هيجي واحد ما تغفل عنه الشرطة لحد متلكي في بيته هاونات ومفخخات وقذايف المفروض بس يوصل بغداد ينلزم مو تمام؟؟؟


اي واللهي صحيح .....(عاشت ايدك ).

[ابو نؤاس]

اويلي هاي صايره السيديه دمار اللي اسمع بي اكثر من اللي انشوفه

[سامرائي الى الابد]

ياااااااااخوان والله جذب اليوم سألت اكثر من ولد واني من منطقه السيديه

ياابه الخبر كااااااااااذب والخبر مبين كاذب

[ابو تراب اللامي]

لا تعليــــــــــــــــــــــــــــــٌق

[I R A Q I 4 E V E R]

هم أذا صدكـ يريدون يقضون ع المجرمين

خلي يداهمون الحسينيه الي جنب جامع شاكر العبود

الي مسويها مسلخ للشباب
اخوان الخبر كاذب
بس البارحة السيدية مطوقة جانت والقوات الامريكية داهمت الحسينية الي بجانب جامع شاكر العبود ومحد يدري شصار هناك
المصدر وكالة انباء العراق

[سامرائي الى الابد]

اخوان الخبر كاذب
بس البارحة السيدية مطوقة جانت والقوات الامريكية داهمت الحسينية الي بجانب جامع شاكر العبود ومحد يدري شصار هناك
المصدر وكالة انباء العراق


اني اكلك ليش داهمت الحسينيه لان كاعد يعتلقون شباب ويروحون اهل الشباب للحسينيه يقولون لهم بالحرف الواحد ابنائكم عند المغاوير وهذه الكلمه موثوقه لان ولد صديقي اخذو وراحو اهله وكالولهم هذه الكلمه

بس الحسينيه يم جامع الفتيان الي اقصد عليه انا

[سامرائي الى الابد]

اخوان الخبر كاذب
بس البارحة السيدية مطوقة جانت والقوات الامريكية داهمت الحسينية الي بجانب جامع شاكر العبود ومحد يدري شصار هناك
المصدر وكالة انباء العراق


اني اكلك ليش داهمت الحسينيه لان كاعد يعتلقون شباب ويروحون اهل الشباب للحسينيه يقولون لهم بالحرف الواحد ابنائكم عند المغاوير وهذه الكلمه موثوقه لان ولد صديقي اخذو وراحو اهله وكالولهم هذه الكلمه

بس الحسينيه يم جامع الفتيان الي اقصد عليه انا

[I R A Q I 4 E V E R]

اني اكلك ليش داهمت الحسينيه لان كاعد يعتلقون شباب ويروحون اهل الشباب للحسينيه يقولون لهم بالحرف الواحد ابنائكم عند المغاوير وهذه الكلمه موثوقه لان ولد صديقي اخذو وراحو اهله وكالولهم هذه الكلمه

بس الحسينيه يم جامع الفتيان الي اقصد عليه انا


بعد انت ادرة بهاي السوالف وشكرا للتوضيح اخوية سامرائي بس اني مجرد خبر نقلته من وكاله انباء شكرا للتوضيح ياورد

[شبعاد العراقية]

سامرائي شلون انتة من السيدية

اني الك على المقلب ههههههههههههههه

[سامرائي الى الابد]

للعفو اخي لاشكر على واجب واجبي اوضح الحقيقه للعالم

حتى يعرفون شنو الي ديصير في بعض الحسينيات