asiacellgsm
01-15-2007, 07:49 PM
شوكت يا عراقيين نصحى وشوكت نتحد وشوكت تصير مصلحتنا وحدة وشوكت يصير ترابنا واحد،، ليش كل هذا الانقسام وليش كل هذا التجاوز
يكولون امريكا فشلت بالعراق،،، لا ابد،، اصلا امريكا نجحت نجاح منقطع النظير وكدرت تقسمنا وكدرت تخدرنا تحت مسميات متضادة فرضتها علينا (تحرير واحتلال،، مقاومة ومليشيا،، حكومة وفساد اداراي،، فدرالية وتهجير،، وامن وتفجير)
وانتوا الي تفوتون ما يسمى (قهوة عزاوي) والله لو عزاوي موجود بالوقت الحاضر جان عزل من زمان، لان الموجودين بيها مو عراقيين، الموجودين اهنا هم ناس تفرقت بين التسميات وللاسف الشديد
يا اخوان احنا كاعدين نفقد الصبغة العراقية والريح العراقي واصبحنا لا ننتمي للعراق، واضحينا ننتمي لمسميات زرعتها امريكا وتسقيه دول الجوار والكل يدري انه احنا حصادها.
يكون بعلمكم،، منتداكم هذا منتدى طائفي وعرقي حتى العظم ودخولكم له ومشاركتكم فيه ما يجيب الا ابتعادكم عن بعضكم بحيث ما تخلون فرصة حتى لبناء جسور
كافي نكول صدام (شهيد او مقبور)
كافي نكول (مجاهد او انتحاري)
كافي نكول (سني او شيعي)
وتاليتها وياكم يا عراقيين، شفادتكم هذه المسميات، ما جابت غير قتل اكثر ودمار اكثر ورعب اكثر وهجرة اكثر
ليش ما نحاول ان نبني جسر يقربنا ببعضنا ونحاول ننسى انفسنا ونفكر شوية بالعراق علمود نطلع من هذه الازمة ونخلص، ترة العراق ينتظر مدة يد للخير مو لخراب اكثر مما هو عليه هسة
يا جماعة آسف اذا طولت عليكم، بس اتمنى هذا الحجي يجيب نتيجة ونحاول نفكر ولو مرة وحدة (اني شقدمت لهذا البلد المسكين) وحاولوا ولو مرة ان تكولون (اني عراقي،،،، او اني عراقية)
اخوكم عراقي محروك دمه
يكولون امريكا فشلت بالعراق،،، لا ابد،، اصلا امريكا نجحت نجاح منقطع النظير وكدرت تقسمنا وكدرت تخدرنا تحت مسميات متضادة فرضتها علينا (تحرير واحتلال،، مقاومة ومليشيا،، حكومة وفساد اداراي،، فدرالية وتهجير،، وامن وتفجير)
وانتوا الي تفوتون ما يسمى (قهوة عزاوي) والله لو عزاوي موجود بالوقت الحاضر جان عزل من زمان، لان الموجودين بيها مو عراقيين، الموجودين اهنا هم ناس تفرقت بين التسميات وللاسف الشديد
يا اخوان احنا كاعدين نفقد الصبغة العراقية والريح العراقي واصبحنا لا ننتمي للعراق، واضحينا ننتمي لمسميات زرعتها امريكا وتسقيه دول الجوار والكل يدري انه احنا حصادها.
يكون بعلمكم،، منتداكم هذا منتدى طائفي وعرقي حتى العظم ودخولكم له ومشاركتكم فيه ما يجيب الا ابتعادكم عن بعضكم بحيث ما تخلون فرصة حتى لبناء جسور
كافي نكول صدام (شهيد او مقبور)
كافي نكول (مجاهد او انتحاري)
كافي نكول (سني او شيعي)
وتاليتها وياكم يا عراقيين، شفادتكم هذه المسميات، ما جابت غير قتل اكثر ودمار اكثر ورعب اكثر وهجرة اكثر
ليش ما نحاول ان نبني جسر يقربنا ببعضنا ونحاول ننسى انفسنا ونفكر شوية بالعراق علمود نطلع من هذه الازمة ونخلص، ترة العراق ينتظر مدة يد للخير مو لخراب اكثر مما هو عليه هسة
يا جماعة آسف اذا طولت عليكم، بس اتمنى هذا الحجي يجيب نتيجة ونحاول نفكر ولو مرة وحدة (اني شقدمت لهذا البلد المسكين) وحاولوا ولو مرة ان تكولون (اني عراقي،،،، او اني عراقية)
اخوكم عراقي محروك دمه