ماهوالشي الي كنت مقتنع بيه والان لا ؟؟وبالعكس

[الورده الحمراء]

السلام عليكم ورحمة الله وبركاته


ماهو الشيء الي كنت مقتنع فيه زمان ولم تعد مقتنع فيه الان؟؟ او العكس

او ما هو الشيء الي ما كنت مقتنع فيه زمان و مقتنع فيه الان؟؟

يعني مثل او حكمه او تصرف


نشوف امثالكم ؟؟؟ومشاركاتكم؟؟؟

[دلوعة عراقية]

شكرا اختي الوردة الحمراء موضوع جميل

واني مكنت اقتنع ان الحب عذاب لكن الان اقتنعت

ان الحب اكبر عذاب وخاصة اذا كنت تعطي كل حبك ونفسك للشخص الذي تحبه وهو لا يعطيك الا اقليل

تحياتي

دلوعة

[دلوعة عراقية]

شكرا اختي على مواضيعك الحلوة

[هجرا]

اني مكنت مقتنعه بالحب الي يجي من اول نضره وهسه كلش مقتنعه لكن للاسف حب من طرف واحد وتسلمون على هذا الموضوع

[الورده الحمراء]

شكراا دلوعه لمرورك اني ايضا اتفق معك بالراي
لان صعبه توهبين مشاعرك واحساسك لشخص
وهو مايقدر هذا الشي بس اكيد هو الخسران

[الورده الحمراء]

شكرا هجرا لمرورك اني هم مقتنعه بالحب من اول نضره
واكو هواي حالات حب من اول نضره
بس مااتفق وياج بالحب من طرف واحد لان هذاموحب
هذا عذاب

[امير الساهر]

اضحك يضحك العالمك معاك وابك تبك لوحدك


http://smileys.smileycentral.com/cat/4/4_1_105.gif http://smileys.smileycentral.com/cat/36/36_1_4.gif





امير الساهر



http://iraq4evreas.jeeran.com/امير%20الساهر.jpg

[جنة بغداد]

مشكورة اختي على الموضوع
صدك
اضحك يضحك العالم معاك وابكي تبكي لوحدك

[Princess Ranoosh]

شكرا على الموضوع اني هم وياكم بالراي

[nasir13]

موضوع جميل جداً .. أنا كنت دايمن مقتنع أن ( حب الناس تشوف صورتك بكلوبهم )
(أحب أنجرح وما أجرح )صحيح مرات أفعال بعض الناس (تعصبك ) وتحاول تغير نضرتك للناس لكن أحب أعيش مثل ما أنا موبيدي أحب كل الناس ....
طبعاً يذكرني هذا الموضوع لما كنت صغير قريت حكمه تكول ( النجاة في الصدق ) وكانت هذاه الحكمة له مفعول سحري عندي قربت مني كثيرين و كنت مصدر ثقة كثير من الأصدقاء ووووو عاشت أيدك على الموضوع المميز ::51::

[طائر الحب الجريح]

الحب لا يقتل ولكن يعلق بين الحيات والموت

هذا العباره كنت من اشد مكذبيها والان من اشد مصدقيها
عاشت ايدك على الموضوع وتسلمين



مع كل الحب والاحترام
اخوكم طائر الحب

[CIVILIAN_CAT]

(البعيد عن العين بعيد عن القلب)
لم اكن اصدق بهذه العباره لكن الان انا مقتنعه بها
شكرا على الموضوع

[بغداد دار السلام]

شكرا عالموضوع

[الورده الحمراء]

اني اختلف عبير وياج بهذا الراي
يعني الي بعيد عن عينه ممكن
ننساه طبعا مستحيل بس لان
احنه منشوفه نفكر انو نسيناه
بس بالعكس لو نشوفه مره لخ
اكيد راح ترجع المشاعر من جديد
شكراا لمرورج

[tom crous60]

بصراحه موضوع جداً جميل واول مو1ضوع يستهوني قرائته خارج نطاق الجامعه التكنو
اما بعد
فأنا كنت مقتنع وما مقتنع بكثير اشياء وراح اذكر من كل شي واحد

الي كنت مقتنع بيه هو سوي خير وذب بالشط هسه مقتنع بالمقوله الي تكول لا تسوي خير حته لا يغركك الشط

والي ما كنت مقتنع بيه هو الحب من طرف واحد ربما يتحول بالتضحيه الى حب لكني اقتنعت أن الحب من طرف واحد مو حب وأنما عذاب من طرف واحد ولا مبالاة من طرف ثاني

تحياتي

[..**&\ زورو بغداد /&**..]

وعليكم السلام ورحمة الله وبركاته
والله اني جنت مقتنع العراق يرجع شون مجان واحسن بس هسه ممقتنع
شكرررررررا على الموضوع ....
تقبلي مروري ..............

[حــ،،،ــور الــ،،،ــعين]

تسلمين على الموضوع الحلو
طبعا اني بالبدايه ما جنت مقتنعه باختصاصي لان شفته كلش صعب
بس هسه كلشش مقتنعه بيه والحمد الله
تحياتي لك
حور العين

[امير الساهر]

وعليكم السلام ورحمة الله وبركاته
والله اني جنت مقتنع العراق يرجع شون مجان واحسن بس هسه ممقتنع
شكرررررررا على الموضوع ....
تقبلي مروري ..............


ليش هاي زوزو العراق يرجع بزود اهلة مو بكيفة يرجع زين اذا اهلى كلهم بالخارج شلون
بس الوطنيين الي باقين ديكافحون لبناء العراق علمود يرجع مثل الاول واحسن رغم الي ديصير كلة بقينا نشتغل ونطور والحال حال كل العراققين في بلدهم العزيز

زوزو يجوز انتي بالعراق ومحاسة بالغربة مثل باقي اخوانا وما عندج بصيص امل للحياة
اما اذا كنتي بالخارج هذا بحث اخر يجوز الغربة علمتج تنسين بلدج الي رباج وكبرج

تدرين اني جم مرة اجتني فرصة اسافر لمصر بس اني ما اريد اسافر ما اكدر على الغربة ويجون العرب تالي الوكت يصنفون علينة وهمة اهل الراهي علينة وما اريد اكمل طولت هواية

بس انكول الحمد لله لحد الان العراقيين كلبهم واحد على الخ
وانشاء الله يرجع العراق مثل الاول

[ღწღعــراقــ وأفـتخـرــيღწღ]

لا تعليق على مواضيع الحب

....وتقبلو مروري... @@@عراقي وافتخر@@@

[العراقي المعذب]

مرحبا ******وردة::39::
هاي انت وين********البشر الي اتعايش معة**الان

البشر هسة بس مصلحتة معك********قبل ***لاhttp://www.tl3b.com/uploads/02-10-07~qssqww.jpg

[الورده الحمراء]

شكرا لمروركم ولاارائكم
وشباب اكو ايه دكول (عسى ان تكرهوا شيئ وهو خيرا لكم)
يعني التجارب هي الي تصنع شخصية الانسان
والي تكشف معادن الناس امامنه

[فــــوفــــو]

او ما هو الشيء الي ما كنت مقتنع فيه زمان و مقتنع فيه الان؟؟ ان اقول سر لاختي

ماهو الشيء الي كنت مقتنع فيه زمان ولم تعد مقتنع فيه الان؟؟ او العكس......امشي ورة الي يبجيك ولا تمشي ورة الي يضحكك

[فــــوفــــو]

او ما هو الشيء الي ما كنت مقتنع فيه زمان و مقتنع فيه الان؟؟ ان اقول سر لاختي

ماهو الشيء الي كنت مقتنع فيه زمان ولم تعد مقتنع فيه الان؟؟ او العكس......امشي ورة الي يبجيك ولا تمشي ورة الي يضحكك

شكرا ع الموضوع الرااقي

[الورده الحمراء]

شكرا فوفو لمرورج
بس نصيحه الك ماكو اقرب من الاخت هي الي تصون سرك

[متيم دجله]

والله اني كنت مقتنع على ان العراقي ما يحجي وجهين
بس الان عرفت الحقيقه وطلع اله اكثر من عشر وجوه

مشكوره عزيزتي الورده الحمراء على الموضوع ا لجميل

[الورده الحمراء]

شكرا متيم لمرورك
لاعيني متيم مو بس العراقي اي انسان منافق راح يحجي
بميت وجه والعراقي انسان يعني لاتخلي القوميه هي الي تحكمنه