غياب الاعضاء (دمار) [الأرشيف] - دجلة نت ::: ملتقى شباب العراق

مشاهدة النسخة كاملة : غياب الاعضاء (دمار)

hussien_amir

01-14-2007, 12:51 AM

اليوم حبيت ان اتكلم عن موضوع بنظري حيل مهم ومن الممكن أن يحصل لأي واحد منكم وبدون استثناء...الأ وهو مسأله الغياب عن المنتدى..

في بعض الأحيان تكون ظروف الواحد اقوى منه ومن ارادته وتحكم عليه الأبتعاد عن المنتدى وعدم المشاركة بيه...
وأغلب الأعضاء ((مع الأسف)) مو من الجامعة حتى الواحد يكدر يشوفهم ويسأل عنهم ويعرف ظروفهم وسبب غيابهم عن النت بصورة عامة...وعن المنتدى بصورة خاصة..
أحنى في اغلب الأحيان نفتقد هؤلاء الأعضاء ونحن اليهم والى مشاركاتهم وردودهم اللي ياما ضحكتنا أو بكتنا أو نظرنا الها نظرة أعجاب...وكنينا لأصحابها كل الود والمحبة والأحترام...ولكن...

كان ينقصنا مرجع أو صفحة لكتابة اسئلتنا أو استفساراتنا وأمنياتنا لهذا العضو او ذاك...صحيح أحنى نسأل عن سبب غياب اي عضو في اغلب الأحيان ...بس في ردنا على موضوع اخر ليس له علاقة بالعضو الغايب...

عزيزي العضو:
أكيد انته مريت بهيج وضع ..وللأعضاء اللي ما غابوا عن المنتدى في أي يوم ...أسمحولي اكلكم..:
تخيل نفسك مريت بهيج ظروف ..وغبت عن المنتدى ..شكد راح تفرح أذا شفت نفسك((ما غايب على الرغم من غيابك!!!))
لأن انته يمكن غبت عن الردود والمواضيع...ولكن ما غبت عن قلوب اخوانك الأعضاء وكنت دايماً في بالهم وفي دعواتهم الك بالعودة....
هذا الشعور..أكيد راح يزيد من عزيمتك على الأستمرار في المنتدى وراح ينطيك دافع معنوي اكثر من الأول...

وتخيل في نفس الوقت...كون غيابك عن المنتدى مراح يأثر عليه..يعني بأختصار...وجودك وعدم وجود واحد...
هذا الشعور أكيد راح يأثر عليك بصورة سلبيه ويمكن يدفعك الى عدم المشاركة مره ثانية في المنتدى ((لا سامح الله))

ومن هذي الفكرة سويت هذي الصفحة اللي سميتها:

((صفحة الوفاء للأعضاء الغائبين ))
حتى كل عضو غائب من يرجع للمنتدى يزورها ويقراها..ويعرف
منو تذكره؟؟؟ ومنو لا؟؟؟... منو كان صديقة بحق؟؟؟ ومنو كان يجامله بالكلام ؟؟؟.... ومنو كان غيابه بالنسبة اله مؤثر؟؟؟ ومنو كان غيابه بالنسبة اله شي عادي؟؟؟؟!!!!!!

تكدرون تسموها صفحة تسامح...صفحة محبة ...صفحة صداقة...كل هذي الأسماء تنطبق عليها...

والموضوع ليس حكراً على قسم البناء والأنشاءات...يعني يكدر اي عضو من دجلة نت أن يأخذ الموضوع ويضعه في اي قسم اخر اذا شاف انو موضوعي هذا يستاهل النقل ...

فكرة الموضوع: تعتمد على التثبيت..((والله من وراء القصد يا يونتي!!))
السبب:الموضوع اذا تحول الى صفحات اخرى ...عند عودة العضو مراح يشوف شي..!.....وكأنما احنى ما سوينا شي... ((صحيح محبة العضو في القلب ..بس في بعض الأحيان يحتاج الشخص الى دليل ملموس..وهو مشاهدة هذه المحبة بعينه..))

اللي يتفق ويايه على كون الموضوع عظيم بأهدافه ويستاهل الثبيت..يطلب ذلك..وفي نفس الوقت يتمنى شي للعضو الغائب..((وهذا الطلب الثاني اهم من الأول))
أهم شي بالنسبة اليه ..هوه المشاركة حتى يبقى قسمنا عائلة وحده محبة ومتسامحة..

أسف اذا طولت عليكم بفكرة الموضوع وشرحه وحاولت ان اكون دقيق في نقل تفاصيله.. بس ردتكم تحسون بهذا الشي اللي مره عليه في يوم من الأيام...

hussien_amir

01-14-2007, 12:56 AM

تره الموضوع نكر هههههههههههه
بس اني بالي عل الاعضاء المفقودين اشو ماكو نورونه من جديد الله يخليكم....

ميكانو مان

01-14-2007, 01:05 AM

شكراً حسين على هذا الموضوع الرائع
والله ياخي مادري شكلك المنتدى مالتنه صاره
كم يوم وهو يعاني من عدم وجود الاعضاء الي جانو
منورين المنتدى بمواضيعهم المميزة
وردودهم الحلو والي اتمناه ان يكونون بحال جيد
وماكو عدهم اي مشكله تمنعهم من المشاركه
وانشاء يرررررجعون ويفرحونه

وتحياتي الك ولكل الاعضاء الغايبين والحاضرين

hussien_amir

01-14-2007, 02:15 AM

والله اتمنى يا اخويه ميكانو مان ان يرجعون الاعضاء لان المنتدى محلو بلياهم .....
وينك يا سوبر بلير ويا حيدوري الورد والباش مهندس وكولدن كات وغيرهم هوايه
اكلهم المنتدى محتاجلكم ومحلو بلياكم رجعوا واني حغني اغنية (بس تعالوا )تذكروه اكيد ههههههه

SuPeRpLaYeR

01-15-2007, 12:04 PM

اولا احب اشكرك اخويه على هذا الموضوع الحلو
وان شاء الله نبقى متواجدين بوجودكم يا ورود
وشكرااااااااااااااااااااااااااااا مليون مرة على سوالك عليه يا ورد
بالنسبه اليه اني موجود بس اكو ضروف تقنيه
خلتني ما اتواجد هذه الايام
بس ان شا ء الله ارجع هل اليومين
ان شاء الله
وبسيطة اله احرك لجو من جديد
شكرااااااااا يا ميكانومان على سؤالك يا وردة
تحياااااااااااااااااااتي
واعذروني عن اي تاخير
تحياااااااااااتي

® Sparks Man

01-15-2007, 06:36 PM

كلامك صحيح اخي الكريم ليستمر التواصل بين الاعضاء
فنحن في دجله نت عائلة واحده دائماً وابداً

hayderghost

01-15-2007, 09:10 PM

الف مليون مليار تحية لحسين

ونشالله محد يغيب علمنتدىىىىىىىىى

تحياتي لشباب الميكانو

اميرة بين النساء

01-15-2007, 10:01 PM

::38:: ::38:: ::38:: ::38:: ::38:: ::38:: ::38:: ::38::
هلو ميكانوووو شلوونكم مشتاقتلكم والله ::38:: ::38:: ::38::
فد لحظه خلي امسح دموعي ::27:: ::27:: ::27::
اني اسفه لان انقطعت فتره عن المنتدى غصبن عني
لان جنت دا اقره و استعد للامتحانات وصاعده الكابه
للسكف ::237:: ::237:: ::237:: ::237:: ::237::
بس والله بالي يمكم
وشكرا حسين لان تذكرتني تحياتي اله
وهمزين رجع رئيسنا حيدر تحياتي اله
ولجميع اعضاء الميكانو
تحياتي الهم وربي لا يحرمني منكم
اميييييييييييييييييييييييييييييين

hussien_amir

01-16-2007, 01:47 AM

نورتونه يمعودين اشكو ماكو نريد مشاركات تره القسم محتاجلكم يمعود سوبر بلير حركه للجو عاد ولو هو محترك من صدك ههههههههههههه
حيدوري الورد وينك لازم السج مديخليك تفتح نت
سباركس مان اشكرك واحنه بالفعل عائله واحده وماكو احد يفرق بيناتنه .
كولدن كات مسحي دموعج وكعدي اقري هههههههههههه حتى تنجحين الميكانيك مو سهل هههههههههههه ميكانيك مو هههههههههه الله كريم
شكرا عل مروركم الحلو منورين

اميرة بين النساء

01-16-2007, 08:55 PM

حسيييييييييييييييييييييييييييييييييييييييين
يعني شلوووون مو كلتلك اني مو ميكانيك اني حاسبات ههههههههههه
ان شاء الله كل الاعضاء يرجعون للمنتدى ويصير احلى منتدى
تحياتي للجميع

hussien_amir

01-17-2007, 03:10 AM

اعرف انتي حاسبات مو ميكانيك بس دا اصنف عود ههههههههههههههههههههه
وبغير جامعه هم خوش هههههههههههههه
شكرا عل مرورج منورتنه

اميرة بين النساء

01-17-2007, 07:56 PM

ههههههههههههههههههههههههه
بغير جامعه هم تصنيف مووووووووووووووووو
بسيييييييييييطه

hussien_amir

01-18-2007, 12:39 AM

لتزعلين لا مو تصنيف هههههههههه..... هاي لخاطرج بس
لو تعرفين الميكانيك شكد يحبون قسم البرامجيات الي بالجامعه اكيد تعرفين ليش ههههههههههههههه
بالنسبه للسيطرات الي عل هويه الي ذكرتيه فهاي شويه قلت هسه والبنات كامو يفوتون من يم القسم ومرتاحين انكول خطيه نخليهم يفرون فره طويله يله يوصلون لاقسامهم وبارده النيا تعرفين .........................
وقلت السيطرات مالتنه لان السيطرات الي بالشارع تكفي هل مره نسوي بالجامعه هم هههههههههههه مترهم
شكرا عل مرورج يا كولدن كات الي منورنه.

strongman

01-18-2007, 01:59 AM

اول شي تحياتي اللك و على هذا الموضوع الرائع حتة لو منكور بس المهم انت اللي نزلته و صحيح انه الكل ب الكروب اصدقاء و لازم محد ايغيب عن الاخر بس بقت انه المشكلة ب الظروف اللي تسمح للشخص ب انه يحظر و يتابع ..و دعائنا للكل ب المتابعة و الابداع و انشاء الله الكل ظروفهة سلامات و تسمحلهة ب الاستمرار
و تحياتي للكللللللللللللللللللل

hussien_amir

01-18-2007, 02:18 AM

تحياتي اللك ياورده سترونك مان وان شاء الله الظروف تتحسن وترجع للمنتدى وتنورنه بمواضيعك الحلوه هههههههههه بس تره اني اريد درجه عل هذي الاسئله الي انته منزله خوش
تحياتي الك ياورد

strongman

01-18-2007, 03:41 AM

الله ايخليك حسين الوردة بس د خلي ارجع للكلية اول هههههههههههههههه
و تحياتي الككككككككككككك و روح شوف درجتك بس جمعت اللجنة اني دا افكر اغيرهة لا اتخاف احسنهة .......لا اتغارين كولدن هههههههههههه حسين ترة جاوب كل الاسئلة
ههههههههه مو اتكولين تحيززززززززززززز هههههههههههههههه

SuPeRpLaYeR

01-18-2007, 11:21 PM

هاي شنو
راح ابجي من وراكم
هاي شنو هذه الموضوع وين واصلين
بس رجعتلكم من جديد
الا اخليكم تملون من عندي
وتكولون اهو اجه سوبر بلير
تحياتي سترونج وحسين الوردة
وان شاء الله دوم متواصلين وياكم بس جانت اكو ضروف منعتني
بس هسة راحت هذه الضروف وعدنا من جديد
والله مشتاقلج كولدن الج وحشة يمعودة شو لاسؤال ولا سلام بسيطة
تحياااااااااتي

اميرة بين النساء

01-19-2007, 07:39 PM

هلووووووووووووو سووووووووووووووووبر الورده
شلونك صحتك احوالك ان شاء الله زين
والله دا اقره وشاده حيلي بحبل هههههههه تعرف نص السنه جايه
اعذرني وكل الاعضاء خلي يعذروني واني كلش مقصره وياكم
بس اكيييييييييييد اتواصل ان شاء الله
تحياتي للجميع

SuPeRpLaYeR

01-19-2007, 10:22 PM

بخير لانه شفناج كولدن
لا اذا هيجي ديري بالج لاتنكطعين من الحبل
رخيه شوية صحتج يمعودة
ويا ربي تتوفقين يا وردة قسمنا
هلا بيج باي وقت

اميرة بين النساء

01-19-2007, 10:30 PM

هلو سوبر انت هم اقره زين وصير شاطر
هيه كلها شهرين وتخلص من الدراسه بخخخخخخخخخخخخخخخخخخخخخت
ههههههههههههههههههههه

hussien_amir

01-19-2007, 10:41 PM

يابه شنو السالفه ........اشو الكل ديسجون بس اني كاعد بدون قرايه هههههه
عيني كولدن صدك رخي الحبل ليروح يصيرلج شي ..
سوبر بلير يا ورد منورنه وان شاء الله تبقى متواصل ويانه وتروح كل الظروف التعيسه عنك وعن اخويه الورد حيدر...
سترونك مان شنو لازم درجتي زينه مو ؟؟؟؟؟؟؟؟؟؟؟؟؟؟ لان بعد مشفته وخايف اشوفههه بس اكيد احسن من كولدن كات هههههه يله لتزعلين
شكرا شباب المكائن عل مروركم الحلو

اميرة بين النساء

01-19-2007, 10:52 PM

سترونك ليغرك حسين وعبالك هوه مجاوب
شفته قبل الامتحان جان ديحضر البراشيم مالته
ثم اني مغشيت ولا سويت براشيم ههههههههههههههههههه
يعني اخذتها بتعبي ههههههههههههههه
حسين بعد لتغش و تباوع على ورقتي ههههههههههههههه

hussien_amir

01-19-2007, 11:18 PM

كولدن كات انتي صوجج بس الله طلعه بيج لان كتلج لطلعين قبلي اريد السؤال الاخير بس انتي راسا طلعتي
فاللله طلعه بيج خوش وبعد ما اكعد يمج بأي امتحان ....بس بهاي الدرجه الي اني ما خذه حخليج انتي تتوسلين وتكعدين يمي وما اغششج خوش

اميرة بين النساء

01-19-2007, 11:26 PM

هههههههههههههههههههههههههههههه
لعلمك اني ما اغش لان بابا ميقبل زين
وانت مشفت الاستاذ شلون محمض شلون تريد انطيك السؤال الاخير هااااااااااااا
بسييييييييييييييييييطه

hussien_amir

01-20-2007, 12:01 AM

كولدن هاي المره سامحتج بس لتسويه بعد
لان هل المره ووكف ويايه الجنص وجاوبت السؤال الاخير عليك يا الله وطلع صح......
بس مو كل مره تسلم هههههههههههههههههه
اقري زين بأمتحان الجاي حتى تكعدين يمي ههههههههه

hussien_amir

01-20-2007, 12:02 AM

SuPeRpLaYeR

01-20-2007, 01:04 AM

هاي شنو الغش هنا واصلا لابو موزة
يمعودين ما يصير تغشون بلامتحانات عيب
اريدك شطار وتسجون زين
وكل شي بوقته حلو يا حبابين
حبي حسوني راح تشوفوني 24 ساعه وياكم بالمنتدى
الا ان تملون من عندي
وكولدن ليش بخت
صدكيني على شكد ما اني فرحان اني حزنان على فراق جماعتي والاصدقاء الي في الكليه
ما اكدر بلياهم والله
سترونج حبي وينك مشتاقين اخوية فاتتك مصايب بالكليه مو طبيعيه ههههههههههه

hayderghost

01-20-2007, 03:06 PM

حسيــــــــــــــــــــــــــــــــــــــــــن

يمعوددددددددددددد ياسجججججججججججج

لك هوة اني مال سججججججججججج

اسال ميكانو مان عليه شوف شحيكولك

حسين تعال للكلية خل اتعرف عليك .

رابع تكييف شعبه الف صباحي واي شي تحتاجة اني بلخدمة

واذا ملكيتني خلي سوبر يجيبك لان هذا ستة وعشرين ساعه بليوم اشوفه

ههههههههههههههههه

حبيي سوبر القائد العام للقوات المتحاربة

اميرة بين النساء

01-20-2007, 04:20 PM

هههههههههههههههههههههههههههه
ادري والله انت حزين سوبر لان حتفارك اصدقائك
ودا اشوف المرحله الرابعه عدنه بالجامعه 24 يبجون ومسويها مناحهhttp://iraq-eng.org/vb/images_pb/smilies2/107.gif ههههههههههه
بس والله حتخلصون من القرايه والتقارير والمصادر وهاي السوالف http://iraq-eng.org/vb/images_pb/smilies2/mf_bookread.gifhttp://iraq-eng.org/vb/images_pb/smilies2/mf_bookread.gif
بخخخخخخخخخخخخخخخخخخخخخخخخخخخت هههههههههه

hayderghost

01-20-2007, 06:03 PM

هسة احنة بعدنة خلصنة؟؟؟؟؟؟؟؟؟؟؟؟؟؟؟؟؟

منو كال منعيدهه للسنة؟؟؟؟؟؟؟؟؟؟

ههههههههههههههههه

نشالله نتخرج ونخلص ولو حرامات لان الكلية هساا صارت كلششششششششش حلوة

ميكانو مان

01-20-2007, 10:11 PM

هااااااااااااااي شنو كالبيه مدرسه الجماعه
شبيك يمعودين حته اهنا السج
والله قديمه الدراسه ,,,,,,,,,,,,ههههههههههه

hussien_amir

01-20-2007, 11:29 PM

حبيبي حيدر كوست الورد.............تره اني ما اندل الشعب وين لان اني حيدر يعرف مكاني وين لان ما اوصل للقسم وحدايق ههههههههههههههههههه.
وسمعت بظروفك من سوبر الله يساعدك وتخلص من هاي الظروف بسرعه يارب.
واني متشوق ان اشوفك واتعرف عليك اكثر يا ورده .....................تره هنا نحجي عل سج بس صدك كلشي مدا افتهم من كل ماده وميعجبني اقر هههههههههههههههه .

SuPeRpLaYeR

01-21-2007, 01:42 AM

هلو اخوية حيدر الورد
هاي شنو منور الموضوع والله
اي كولدن اني راح اخلص من التقارير والمشروع
بس من يكول تخلص هذه السنه على خير
يمعودة اني ما عندي شي غير الكلية والمنتدى والنادي
ولو ماكو اديح والله

ميكانو مان

01-21-2007, 01:45 AM

ابو علاوي اذا تحتاج شي روح على الولد بالقسم مالتنه يدرسوك

اميرة بين النساء

01-21-2007, 05:09 PM

هههههههههههههههههههههههه
اي ادري كلشي اعرف هههههههههه

hussien_amir

01-25-2007, 12:28 AM

اميرة بين النساء

01-25-2007, 06:32 PM

هههههههههههههههههههههههه
حسين اني هسه كاعده اقره لان كومه ملازم عندي مفاتحتهه من بدايه السنه
ويحتاجلي معجزه يله انجح بنص السنه http://www.bnataliraq.com/vb/images/smilies/New%20Folder%20(2)/z06.gifhttp://www.bnataliraq.com/vb/images/smilies/New%20Folder%20(2)/z06.gifhttp://www.bnataliraq.com/vb/images/smilies/New%20Folder%20(2)/z06.gif
اندعوليييييييييييييييييييييي عفيه حبجي http://www.bnataliraq.com/vb/images/smilies/New%20Folder%20(2)/z09.gifhttp://www.bnataliraq.com/vb/images/smilies/New%20Folder%20(2)/z09.gifhttp://www.bnataliraq.com/vb/images/smilies/New%20Folder%20(2)/z09.gif

ميكانو مان

02-01-2007, 12:52 AM

يابه ميكانو مان تره هيه مو مال سج لو انته شتكول ههههههههههههههههه
القرايه صدك صار شي قديم بس ان شاء الله نصحه عن قريب ونلتفت للدراسه لان الامتحانات جتي وكلشي ومقارين ....................ولو اني مو مثل بعض الجماعات اكتب تقارير لو شتكول سوبر هههههههههههههههههه
بس كولدن كات عل راسي كاعده تسج ومعليه بكلشي يعني ممهتمه للظروف هههههههههههه
شكرا عل مروركم المنور

اي والله حسين حجيك صحيح
يمعود اني اقرا بس بالامتحانات وكل سنه جنت اطلع جيد
ويصيحولي سجاج بس يله الله كريم وهاك هذا الشعر

اتمنى للطلاب كلهم ينجحون
لين حبيب الروح من اليدرسون

hussien_amir

02-01-2007, 01:28 AM

كولدن كات احنه بالنسبه النه امتحانات ماكو وكعدنه بالبيت .....................ولو اني كل الملازم مفاتحهن ويعرف بيه سوبر بلير ...................................بس امتمنالج نا شاء اللله تخلصين كومة الملازم الي مفاتحتهن وتنجحين ان شاء الله يله شباب خلي ندعي لكولدن كات حته تنجح
الللهم نجح كولدن كات...................اللهم امين
وخليه تغش وتفوت براشيم.............اللهم امين
وتبعد عيون المراقبين عنه..............اللهم امين
وتحرق دفتر الدرجات وتحول كل الاصفار الى مئات .........اللهم امين
بلكت تنجحين وتفضينه عاد

hussien_amir

02-01-2007, 01:49 AM

حبيبي ميكانو مان انته مثل سالفتي من جنت بصف اول هم ما اقره وملتهي يعرف طالع من اعداديه هههههههههههههههههه بس شنو نجحت دور اول فلكل بصف ثاني اجه حسين السجاج وراح حسين السجاج علما طلعوني بأربع دروس اكمال ههههههههههههه والحمد لله نجحت فديربالك انته ههههههههههههه

ميكانو مان

02-01-2007, 02:11 AM

hussien_amir

02-01-2007, 02:18 AM

ها متخرج والله احسلك ولو المتخرجين كلهم سواق مال مخاديد يكلك حتى كمتوا تطبكوه عل بك ههههههههههههههههههه
اتمنالك الموفقيه

ميكانو مان

02-01-2007, 02:39 AM

ها متخرج والله احسلك ولو المتخرجين كلهم سواق مال مخاديد يكلك حتى كمتوا تطبكوه عل بك ههههههههههههههههههه
اتمنالك الموفقيه

اي صحيح احنه سواق مال مخاديد
وشلون جوايه تريله ( العفو دوشك)
يخبل كله 180 على السريع

SuPeRpLaYeR

02-01-2007, 02:45 AM

هههههههههههههههه
لا حسوني
شد حيلك مثل ما كتل يا ورد
لانه حرامات تضيع السنه منك
بالضحك بس
اني شكد اضحك واطب واطلع واتشاقه بالجامعه وما ادخل محاضرات
بس بوقت الامتحانات ما اعرف نفسي غير شي اصير
ما احب الفشل بحياتي احب اكون مميز بلكل شي حتى الدراسه

ويارب تتوفقين كولدن
وانت هماتين ادعيلنا يا وردة

يله ميكانو على عنادك اكو طيارة عدنا بالمطار راح اكابلها اني وجماعتي المهندسين والمهندسات
24 ساعه نصلح بيها
هههههههههههههههه

هتلر المكائن

02-01-2007, 07:01 PM

والله ياخويه صدك مرات الضروف تحكم الواحد لان احنه بلد مو طبيعي اني غبت اكثر من 3 اشهر ورجعت لان حنيت للمنتدى

وشكرا اللك يا وفي

ميكانو مان

02-04-2007, 02:01 AM

الله كريم تهون يااعضاء دجله الحلوين

ميكانو مان

02-04-2007, 02:09 AM

الله كريم تهون يااعضاء دجله الحلوين

اميرة بين النساء

02-04-2007, 06:11 PM

ههههههههههههههههههههههههه
شبيك ميكانو

ميكانو مان

02-04-2007, 10:20 PM

كلش مابيه والله

SuPeRpLaYeR

02-05-2007, 03:16 AM

هاي شنو شبيكم ميكانو وكولدن
شو البسامير للسكف واصله
سولفولي شكو

hayderghost

02-05-2007, 04:10 AM

ميكانووووووووووووووو الجسرررررررررررررررررر

شبيك؟؟؟؟؟؟؟؟؟؟؟؟ خما حتتهجر مثلي؟؟؟ اني هم بديتهه بالله كريم ههههههههههههه

SuPeRpLaYeR

02-05-2007, 06:11 AM

ههههههههههه
هاي شنو
شنو هاي الكابة
ضوجتوني
يمعودين سهلوها

ميكانو مان

02-05-2007, 04:25 PM

شلونك ولدي اخباركم
ليش هيج حيدر اتريدني اتهجر
هلاوووووووووو سوبر تره ماكو شي
اني كلشي مابيه