تمدد الدوام الرسمي

[yasoo]

هلو شباب
طبعا صارت لعبه كل يوم حجايه شكل
هاي المعلومات هل مره صحيحه وبعد ما اتصور يغيروها

الدوام الرسمي يوم 1-10
النتائج مو يوم 25 رح تتمدد بعد يعني فد29 -10 او هم 1-10
ها وديربالكم تروحون يوم 1-10 يكلك اكو مفخخين بالكليه خخخخخخخخ
تحياتي الكم

[عاشق الغيرة العراقية]

اي أخويه ياسر صح اليوم دكتور جابر كلي الخبر بس يوم 25 بالشهر نتائج الدور الثاني

[SniperMan.4ever]

يبوووووووووووو مو خوش سالفة والله
شباب لحد يدواوم ولو انتوا طلا بالزراعة طريقكم يخبل ما شاء الله .. الله يساعدكم وحرامات والله الدوام بهالوكت
والله لو ياجلوه هوااااااااااااية احسن
شكرا حبيبي ياسر على المعلومات ... وشكرا عاشق الغيرة العراقية للتاكيد
تقبلوا تحياتي

Sniper Man 4 Ever

[فلاح بالمنطقة الخضراء]

مشكور ياسر على التوضيح بس هو يمكن محد يداوم منا للعيد ( بس المكبلين و المخبلين ) على هالوضع الشكاكي

[I R A Q I 4 E V E R]

ورة كما قال اخوية الفلاح ورة العيد نداوم ويمكن نضرب وراه اسبوعين مشكور حبي ياسر

[القديس بغدادي]

يمكن الدوام يوم 25

[عاشق الغيرة العراقية]

لا اخوية القديس اليوم كلي دكتور جابر تم تأجيل الدوام الى 1 بشهر 10 ونتائج الدور الثاني يوم 25 بالشهر

[yasoo]

مشكورين شباب على مروركم ومثل مكلتوا محد يداوم يوم 1-10 لو تنكلب الدنيه

[Iraqy]

اخوان اكو فد شى اسمة غياب جماعى

داوموا ورة شهر ا11

[ملكة اور]

مشكور ياسر على التوضيح بس هو يمكن محد يداوم منا للعيد ( بس المكبلين و المخبلين ) على هالوضع الشكاكي

والله عاشت ايدك اخويه صحيح كلامك...بس اني اضيف بعد هم وياهم اللي طاكَه روحهم من الدنيا وبزعانين من كَعدة البيت
مشكور اخويه ياسر على المعلومه::13::

[انشودة المطر]

ابد مو خوش سالفه هاي
وملكتنه شلونج شخبارج مية هلا برجعتج والله مشتاقين

[yasoo]

نورتوا الموضوع ( عبدو وملكه اور ووردوه)

[Hidden Dragon]

يلة ميخالف بس انداوم

[الرافدين2006]

كلش حلوة فكرتك اخوية عبدو العراق
بس الاحلى لمن تسويها وحدك ومحد يوكف وياك وتصير براسك
وبعدين الدكاترة يبدون ياخذوك محاضرات اخلاقية وقصائد في حب الوطن
وتطلع انت سبب تدهور الاوضاع بالعراق
وانت سبب تدني مستوى التعليم بالعراق
وانت السبب الرئيسي لما يحصل في دارفور
فانصحك تعوف سالفة الغياب الجماعي واحجي عن نفسك بس
لان ترى محد يوكف وياك حتى اللي يكلك اني وياك
(مجربيها قبلك هواية)