ايامك بالجامعة ؟؟سجل ذكريات ايام الجامعة..حتى ماالمتخرجين يجووون يالله

[لؤلؤة العراق]

http://www.j1jj.com/uploads/357abd9411.gif


ايــ،ـــام الكليـــــــــ،ـــــة

تعالو نرجع لايام الدوام بالجامعة....ماضل شي راح تداومون ههه::16::

رجائا الصغار اللي بعد ماواصلين كليه يصفطون مواعين ويسمعون كلام الكبار هههه::26::

عندي كم سؤال اتمنى تجاوبوني عليه::13:: ياويله ياسواد ليله اللي ميجاوب

http://www.al-wed.com/pic-vb/26.gif



1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::

2_هل تعرفت على اصدقائك بسرعة؟وهل اكتسبت اخ لم تلده امك ؟؟

3_هل اعطيت نصيحة لاحد زملائك؟؟وماكان ردة فعله؟؟

4_هل صدمت من بعض الاصدقاء؟؟وتصرفاتهم؟؟

5_احلى لحضة عشتها ايام دوامك بالجامعة؟؟::14::

6_اكثر لحضة حزنت بها ايام الجامعة؟؟ ::27::

7_لحضة انحرجت فيها؟؟

8_اكثر موقف مضحك مر بك باايام الجامعة؟؟::52::

9_اكثر المواد التي احببتها بالجامعة؟؟::26::

10_اكثر المواد التي كرهتها بالجامعة؟؟::1::

11_استاذ \استاذة تعتز به كل الاعتزاز تفتخر به واحترمته واحببته...؟؟::39::

12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::

13_هل خرجتم سفرة بالجامعة والى اين كيف كانت؟؟::2::

14_هل طردت يوما من المحاضرة؟؟ ولماذا؟

15_موقف ابكاك بالجامعة ...خصوصا مادة رسبت بيه او خفت منه ::56::

16_اي سنة من الجامعة تتمنى عودتها من كل قلبك؟؟ ::37::

17_هل كنت تدرس كثير ا يعني سجاج ام فقط ايام الامتحانات؟؟::51::

18_هل رسبت احد السنين اوهل خرجت من الدور الاول مكمل في احدى السنوات؟؟::56::

19_للخريجين فقط.::2:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::


http://www.al-wed.com/pic-vb/26.gif





يالله جاوبو ماراح اتوسل بيكم..ترى اللي مايجاوب هسة اخليه اوف لاين<<<صايرة اهدد ياخوفي من عقابكم::27::

تمنياتي للجميع دوم الموفقية والنجاح

صدك لاانسى ترى الموضوع مو محوسم..الموضوع اني كاتبته

..ده شغل يدي وحياتي سيدي::14:: ::14::

تقبلو مني راق التحايا

محبتكم

[gardenia]

1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟

اول يوم داومت جنت مستغربة وما اعرف احد والكل يباوعون عليه بعدني صف اول.


2_هل تعرفت على اصدقائك بسرعة؟وهل اكتسبت اخ لم تلده امك ؟؟

الحمد لله تعرفت على كم بنية .


3_هل اعطيت نصيحة لاحد زملائك؟؟وماكان ردة فعله؟؟

اكيد والحمد لله وتقبلوها من عندي .


4_هل صدمت من بعض الاصدقاء؟؟وتصرفاتهم؟؟

لا الحمد لله لانه اعرف ويامن احجي .


5_احلى لحضة عشتها ايام دوامك بالجامعة؟؟


كلها حلوة



6_اكثر لحضة حزنت بها ايام الجامعة؟؟

لحظة ضاع موبايلي.


7_لحضة انحرجت فيها؟؟

من وكعت بالكلية.

8_اكثر موقف مضحك مر بك باايام الجامعة؟؟
ماكو


9_اكثر المواد التي احببتها بالجامعة؟؟

كلها يعني .


10_اكثر المواد التي كرهتها بالجامعة؟؟

مكرهتهن.


11_استاذ \استاذة تعتز به كل الاعتزاز تفتخر به واحترمته واحببته...؟؟

كلهم ورود.


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟

ماكو (رحمة من العزيز الجليل).


13_هل خرجتم سفرة بالجامعة والى اين كيف كانت؟؟

لا والله وين يحيرون بينا .


14_هل طردت يوما من المحاضرة؟؟ ولماذا؟

الحمد لله ولامرة .


15_موقف ابكاك بالجامعة ...خصوصا مادة رسبت بيه او خفت منه ؟؟

اي اخذت درجة موزينة وكعدت ادك والطم.


16_اي سنة من الجامعة تتمنى عودتها من كل قلبك؟؟

هاي السنة اللي راحت.


17_هل كنت تدرس كثير ا يعني سجاج ام فقط ايام الامتحانات؟؟

لا والله اقرة .


18_هل رسبت احد السنين اوهل خرجت من الدور الاول مكمل في احدى السنوات؟؟

لا الحمد لله من اول دور.


19_للخريجين فقط. ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟

ميشملني لهنا وبس


شكرا على الموضوع يجنن

[FluidMan]

اول شي اني هسه صرت مرحله ثالثه ::2::

1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::
اول يوم جنت مسوي روحي ثكيييييييل وما اتحاجة ::2::


2_هل تعرفت على اصدقائك بسرعة؟وهل اكتسبت اخ لم تلده امك ؟؟
اي والله اول يوم تعرفت على ولد وبالصدفه طلع جان ويايه بصف اول ابتدائي وصار جزء من لحمي ودمي وروحي والله البارحة اتذكرته والدمعه بعيني ::27::


3_هل اعطيت نصيحة لاحد زملائك؟؟وماكان ردة فعله؟؟
لاع ::2::


4_هل صدمت من بعض الاصدقاء؟؟وتصرفاتهم؟؟
مو اصدقاء ولكن زملاء .. اي والله هواااااي ::56:: ::1::


5_احلى لحضة عشتها ايام دوامك بالجامعة؟؟::14::
لحظات الي لما كنت ادرس بيها بالمكتبة المركزيه http://www.dijlh.net/forums/images/icons/4.gif


6_اكثر لحضة حزنت بها ايام الجامعة؟؟ ::27::
طلعت رابع على المرحله لمن طلعت من صف ثاني ... كمت ابجي دموع كدام العالم ::2::


7_لحضة انحرجت فيها؟؟
بنية كلتلي اني معجبه بيك http://www.dijlh.net/forums/images/icons/4.gif
ومره وكالعاده داامشي مثل المطفي ::2:: احسب واحرك بأيدي جان بنيه تصيحني كلتلي لو بس ادري اربعه وعشرين ساعة تمشي وتحسب .. متكلي شدتحسب ::2:: ضليت صافن بوجهها ماعرف شحجي وياها ::38:: ::237::



8_اكثر موقف مضحك مر بك باايام الجامعة؟؟::52::
مرة اسير الدموع جان يمنه بالكلية وطكلي صورة http://www.dijlh.net/forums/images/icons/9.gif بس شلون صورة ماكمل اذا هوه شاف الموضوع خل يحجيلكم ::56::



9_اكثر المواد التي احببتها بالجامعة؟؟::26::
الفلود والثرمو دينامك والفجول بيسك والرياضيات ::55::




10_اكثر المواد التي كرهتها بالجامعة؟؟::1::
الرسم الهندسي والوقود وحقوق الانسان ::38::



11_استاذ \استاذة تعتز به كل الاعتزاز تفتخر به واحترمته واحببته...؟؟::39::
دكتور ثامر المشهداني ابو الفلود http://www.dijlh.net/forums/images/icons/4.gif وست سميرة ام مختبر الفلود ::2::



12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::
والله هواي الصراحه ::56::



13_هل خرجتم سفرة بالجامعة والى اين كيف كانت؟؟::2::
اي بالاول راحو سفرة بس اني مرحت طبيت محاضرة وحركت على الشعبه http://www.dijlh.net/forums/images/icons/4.gif




14_هل طردت يوما من المحاضرة؟؟ ولماذا؟
ايييي هواااااااي http://www.dijlh.net/forums/images/icons/4.gif وانفصلت سبوع من الجامعه هم ::26::



15_موقف ابكاك بالجامعة ...خصوصا مادة رسبت بيه او خفت منه ::56::
والله من اخذت النتيجه وطلعت رابع ::27:: كمت ابجي كدام البنات http://www.dijlh.net/forums/images/icons/102.gif




16_اي سنة من الجامعة تتمنى عودتها من كل قلبك؟؟ ::37::
صف ثاني كلش حلو جان ألي ::38::




17_هل كنت تدرس كثير ا يعني سجاج ام فقط ايام الامتحانات؟؟::51::
اي والله http://www.dijlh.net/forums/images/icons/4.gif هواي حته جانو يضوجون مني ::27::



18_هل رسبت احد السنين اوهل خرجت من الدور الاول مكمل في احدى السنوات؟؟::56::
لالالالالالالالالالالالالالالاع ::1::



19_للخريجين فقط.::2:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::
http://www.dijlh.net/forums/images/icons/4.gifبعدني زغيرhttp://www.dijlh.net/forums/images/icons/4.gif



اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::



والله اتمنة يجي هذا اليوم بسرعة ::38::

[FluidMan]

لؤلؤة العراق موضوعك جميل جدا واعجبني
شكرا لك

[-T-R-O-Y-]

موضوع كلش حلو

بس تريد الصدك اريد اليوم قبل بكرة اخلص من الكلية لانها ماسببتلي بس دوخة الراس

أما المعهد (معهد نفط بغداد) كنت اداوم بي قبل السقوط كان رهيب وقضيت بي احلى ايام عمري

وبالتأكيد المرحلة الثانية كانت احلى من الاولى

بس العميد كان مكروه شوية لكن المدرسين كانوا عسل والله

شكرا على الموضوع الحلو

[حــــــورية أيطاليـا]

ايــ،ـــام الكليـــــــــ،ـــــة
أحلة ايام ::27:: ::27::

تعالو نرجع لايام الدوام بالجامعة....ماضل شي راح تداومون ههه::16::
لاماداوم تخرجت ::38:: ::38::


رجائا الصغار اللي بعد ماواصلين كليه يصفطون مواعين ويسمعون كلام الكبار هههه::26::
::52:: ::52:: اي كروزي لاتجي هناا ::52:: ::52::


عندي كم سؤال اتمنى تجاوبوني عليه::13:: ياويله ياسواد ليله اللي ميجاوب
يمة شوتهديدات صارت ::27:: ::27::

1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::
والله اول مداومت الي خفف علية وياي اختي وياي
وسوينه روحنة مسيطرات بس احنة الخوف جان كاتلنه كتل ::2::


2_هل تعرفت على اصدقائك بسرعة؟وهل اكتسبت اخ لم تلده امك ؟؟
والله الحقيقة اول سبوع تعرفنة على بنية ولحد متخرجنة واحنة سوة


3_هل اعطيت نصيحة لاحد زملائك؟؟وماكان ردة فعله؟؟
جنت انطي كومة نصايح ::16:: والله جانوا يتقبلون مني لان جانوا يحبوني ::24::


4_هل صدمت من بعض الاصدقاء؟؟وتصرفاتهم؟؟
اي اكيد كومة ::56:: ::56::


5_احلى لحضة عشتها ايام دوامك بالجامعة؟؟::14::
من جنة نظرب المحاظرات ونغلس على الامتحانات احلى الايام ::55::


6_اكثر لحضة حزنت بها ايام الجامعة؟؟ ::27::
أخر يوم بالجامعه ::27::


7_لحضة انحرجت فيها؟؟
يووو كومة وحدة منهن من جلبت السابو مالتي بالكاع ونزعت مني ومشيت حافية والله تلترباع الكلية شافتني وضحكت علية ::38::


8_اكثر موقف مضحك مر بك باايام الجامعة؟؟::52::
مرة كعدت اني واختي وولد على مصطبة ناصية وكعدنة نجدي ::237:: بيومهة ضحكنة ضحك لان خلينة بالكاع جفية وعليهة كلادة وسوار ذهب وسويج سيارة وورقة ام 100$ ونريد نجدي والطلاب يضحكوون يكولون ذولة مجادية طاكين http://www.dijlh.net/forums/images/icons/4.gif

9_اكثر المواد التي احببتها بالجامعة؟؟::26::
Compailr .. معالجة صور ..ذكاء متقدم(حبيت المادة وكرهت الاستاذ::1::)..security


10_اكثر المواد التي كرهتها بالجامعة؟؟::1::
OS.. رسوووووووووم ::56::


11_استاذ \استاذة تعتز به كل الاعتزاز تفتخر به واحترمته واحببته...؟؟
د.رائد,,د.طالب,,د.أسيل


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::
د.حسين كيطان ,, د.عفاف ::38:: ::38::


13_هل خرجتم سفرة بالجامعة والى اين كيف كانت؟؟::2::
صف رابع رحنة للشمال من أجمل السفرات بحياتي وتونسنة ونسة موطبيعية ::39:: ::39::


14_هل طردت يوما من المحاضرة؟؟ ولماذا؟
أي ::41:: لان الاستاذة عبالهة اني حجيت ::27:: واني جنت ساكتة ::1::


15_موقف ابكاك بالجامعة ...خصوصا مادة رسبت بيه او خفت منه ::56::
الحمد لله جنت انجح دور اول ::2:: بس بجيت من مادة المشروع لان بقة يومين لازم نقدمة ومجنت مكملته ::27::


16_اي سنة من الجامعة تتمنى عودتها من كل قلبك؟؟ ::37::
المرحلة الرابعةhttp://www.dijlh.net/forums/images/icons/13.gif


17_هل كنت تدرس كثير ا يعني سجاج ام فقط ايام الامتحانات؟؟::51::
والله العضيم سنة كاملة ما الزم ملزمة بس بيوم الامتحان النهائي وجنت انجح ::52:: ::52::


18_هل رسبت احد السنين اوهل خرجت من الدور الاول مكمل في احدى السنوات؟؟::56::
لاع نجاح دور اول ::14::


19_للخريجين فقط.::2:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::
أجمل يوم بحياتي حسيت روحي ملكة او اميرة وكلش جنت سعيدة الحمد لله http://smilies.sofrayt.com/^/9971/encore.gif


اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::



اني ممحسوبة يعني ::52::



يالله جاوبو ماراح اتوسل بيكم..ترى اللي مايجاوب هسة اخليه اوف لاين<<<صايرة اهدد ياخوفي من عقابكم::27::
جاوبت بعد شتردين http://us.i1.yimg.com/us.yimg.com/i/mesg/emoticons7/45.gif


تمنياتي للجميع دوم الموفقية والنجاح

صدك لاانسى ترى الموضوع مو محوسم..الموضوع اني كاتبته

..ده شغل يدي وحياتي سيدي::14:: ::14::
ايوة يحبيبتي الدنية لسة بخير وفيها ناس بتكتب بأديها (فلم مسري::237:: )

************
**
مشكورة لؤلؤة لهذا الموضوع الحلو والله ذكرتيني بهاي الايام
واني انقهر من اذكرهة لان كلش حلوة::27::
تحياتي
::51::
...

[Dream]

1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::

اول يوم كان كلش حلووووو


2_هل تعرفت على اصدقائك بسرعة؟وهل اكتسبت اخ لم تلده امك ؟؟

تعرفت على اصدقاء بسرعة والحمد للة اكتسبت الاخت


3_هل اعطيت نصيحة لاحد زملائك؟؟وماكان ردة فعله؟؟

اووووووووو هواية يتقبلون نصائحي لان كانت تناسبهم ::39::


4_هل صدمت من بعض الاصدقاء؟؟وتصرفاتهم؟؟


مرة وحدة والحمد لله نسيتها بس هسة ذكرتيني بيها ::1::


5_احلى لحضة عشتها ايام دوامك بالجامعة؟؟::14::

والله كل اللحظات حلوووة بس احلى لحظة من اعاند وية امتحان وما ادخلة ::39::


6_اكثر لحضة حزنت بها ايام الجامعة؟؟ ::27::

آخر يوم دوام ::27::


7_لحضة انحرجت فيها؟؟

هههههههههه ضحكنا هواية على بنية وكعت وهي ظلت تباوع علينا بعين الغضب::1::


8_اكثر موقف مضحك مر بك باايام الجامعة؟؟::52::

والله حاليا ما اذكر ::52::


9_اكثر المواد التي احببتها بالجامعة؟؟::26::
Data base .... security, communcation
10_اكثر المواد التي كرهتها بالجامعة؟؟::1::
هوووواااااااااااااااية


11_استاذ \استاذة تعتز به كل الاعتزاز تفتخر به واحترمته واحببته...؟؟::43::

ست ررواء واستاذ سرمد


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::

كلش هواااااااااااااية بحيث كنت اعاند وما ادخل محاضراتهم::1::


13_هل خرجتم سفرة بالجامعة والى اين كيف كانت؟؟::50::

كم مرة طلعنا لان على حظنا الظروف صارت مو زينة من جنا بالاول::27::
14_هل طردت يوما من المحاضرة؟؟ ولماذا؟

مرة وكان طرد جماعي مو بس اني ::237::


15_موقف ابكاك بالجامعة ...خصوصا مادة رسبت بيه او خفت منه ::56::

ولامرة بكيت بالجامعة ... احم قوية متبجي كدام احد ::13::


16_اي سنة من الجامعة تتمنى عودتها من كل قلبك؟؟ ::37::

الرابع


17_هل كنت تدرس كثير ا يعني سجاج ام فقط ايام الامتحانات؟؟::51::

وجبتنا كانت سجاجين مو طبيعي شكد نركض اني وصديقتي ومنلحك بيهم لو نموت لذلك جنا نقرة بأيام الامتحانات بس


18_هل رسبت احد السنين اوهل خرجت من الدور الاول مكمل في احدى السنوات؟؟::56::

الحمد لله كلة دوور اول ::39::


19_للخريجين فقط.::50:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

كللللللللللللللللللش حلوووووووووووووة خصوصا يوم اخذنا الصورة كان كلش حلووو

احساس جديد 100/ 100




مشكوررررة (( لؤلؤة العراق))

موضوع كلش حلووووووووو عاشت ايدج

[SoLeDaD]

عندي كم سؤال اتمنى تجاوبوني عليه::13:: ياويله ياسواد ليله اللي ميجاوب
عبالي تكولين يا سوليداد اويلك اذا ما تجاوب هع هع هع ::237::

http://www.al-wed.com/pic-vb/26.gif



1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::
والله حسيت نفسي غريب وكرهت روحي اول يوم

2_هل تعرفت على اصدقائك بسرعة؟وهل اكتسبت اخ لم تلده امك ؟؟
نعم تعرفت على اصدقائي بسرعه كبيرة جداً ومنذ اليوم الاول .. ولم اكسب اخ لم تلده لي امي (شلون صاير هذا ::2:: ) كلهم اصدقاء ولحد الان والحمد لله كل واحد داك بيه الناقصه وداك بيه الناقصه ههههههههه

3_هل اعطيت نصيحة لاحد زملائك؟؟وماكان ردة فعله؟؟
اي مرة كتله لولد صديقي البس قميص ازرك مخطط ثاني يوم اجه لابس قميص مخطط هو صح كان احمر بس المهم الفكرة ::237:: ::237::

4_هل صدمت من بعض الاصدقاء؟؟وتصرفاتهم؟؟
ايييييييي حيييييييييييييييييييييييل شككككككككككككد

5_احلى لحضة عشتها ايام دوامك بالجامعة؟؟::14::
والله ماكو لحظات حلوة كلها نفس الشي .. بس مرة عيد ميلاد ولد صديقنا كلبناها حفله مو طبيعيه جانت حلوة ::52::

6_اكثر لحضة حزنت بها ايام الجامعة؟؟ ::27::

والله اللحظة الي حسيت بيها انه صديقي رح يعوفنا وينقل بس الحمد لله مصار هذا الشي


7_لحضة انحرجت فيها؟؟
حيييييييل كلش هوايه .. مرة دا اصيح على ولد صديقي جان اندار لكيتها بنيه وما اعرفها ::16::

8_اكثر موقف مضحك مر بك باايام الجامعة؟؟::52::
هههههههههه

والله مرة بالمرسم مال القسم اخذ ولد صديقي معطر مال جسم وكام يرش على الولد والبنات لزمناه ورشينا عليه 3 معطرات بحيث رجع للبيت منتهي ::237:: ::237:: ::237::


9_اكثر المواد التي احببتها بالجامعة؟؟::26::

مادة البرمجه لان جنت قوي بيها كلش وما جنت ادخل بيها محاضرات ::26::


10_اكثر المواد التي كرهتها بالجامعة؟؟::1::

والله الرياضيات ::1:: ::1:: ::1:: ::1::
الا اخذت بيها خصوصي يله دبرتها ::38:: ::38::


11_استاذ \استاذة تعتز به كل الاعتزاز تفتخر به واحترمته واحببته...؟؟::43::

استاذ صلاح مدرس الميكانيك الهندسي واستاذ عباس مدرس الجيو خوش اوادم واستاذ عدي المعيد بمختبر المواد الانشائيه دخيل الله ما لكيتي غير لون لؤلؤة ::1:: ::1::


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::

استاذ قصي ... ست ليلى ... رح انعلس ::14:: ::14::


13_هل خرجتم سفرة بالجامعة والى اين كيف كانت؟؟::50::
اي مرتين

مرة شعبتنا رحنا للبحيره وتونسنا والله بوقتها وكانت حفله مال قسم البايو

ومرة احنا سوينا سفرة بحديقه البرج مال الجامعه وهم جانت كلش حلوة وتونسنا حيل




14_هل طردت يوما من المحاضرة؟؟ ولماذا؟
لاااااااااااا شحده الي يطردني ::2::

15_موقف ابكاك بالجامعة ...خصوصا مادة رسبت بيه او خفت منه ::56::

والله خفت من الرياضيات بس مو بجيت ::52:: ::52::


16_اي سنة من الجامعة تتمنى عودتها من كل قلبك؟؟ ::37::
هو اني بس سنه وحدة صارلي بيها ..::16::

17_هل كنت تدرس كثير ا يعني سجاج ام فقط ايام الامتحانات؟؟::51::

والله ولا اطخ المادة الا يجي العوعو الي هو الامتحان ::13:: ::13::


18_هل رسبت احد السنين اوهل خرجت من الدور الاول مكمل في احدى السنوات؟؟::56::

صارلي سنه وحدة وطلعت دور اول والحمد لله


19_للخريجين فقط.::50:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::

سويتيني صغيرررر ::1:: ::1::


اتخيله مو حلو كلش والله

ما اعرف ليييييييييش ::27::

http://www.al-wed.com/pic-vb/26.gif





يالله جاوبو ماراح اتوسل بيكم..ترى اللي مايجاوب هسة اخليه اوف لاين<<<صايرة اهدد ياخوفي من عقابكم::27::

صدك شو كله تهديد عمي جاوبنا بدون توصيه منج لؤلؤة ::16::


تمنياتي للجميع دوم الموفقية والنجاح
اي وانتي همين ولو متخرجه بس ان شالله تتوفقين في قيادة المخدة وكش الذبان::237::

صدك لاانسى ترى الموضوع مو محوسم..الموضوع اني كاتبته
اي ندري ::26:: ::26::

..ده شغل يدي وحياتي سيدي::14:: ::14::

سيدي رايتر لو سيدي ديفي دي لو شنو بالضبط ::52::


تقبلو مني راق التحايا
هله وميه هله

محبتكم

الله وياج

::14:: ::14:: ::14::

شكراً لؤلؤة عاشت ايدج خوش دولمه شبعت ::52:: ::52::

[SoLeDaD]

زين لؤلؤة هذوله كروزي وكنفوشه وامبراطور شرح يسوون يتفرجون علينا وعلى بطولاتنا دسويلهم بالجذب ماعون دولمه بينما يدخلون الكليه

::2:: ::2::

[جنـون]

\\
\
1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::

اكيد..لكن اني اجيت من وكت كلش..علمود اخذ عجود..وعلى فرفرتي..لكيت كم شخص احجي وياه وصادقهم....لكن شعووووووووور حلوو ومخيف !


2_هل تعرفت على اصدقائك بسرعة؟وهل اكتسبت اخ لم تلده امك ؟؟
اي بسرعه هوى اني بسرعه اصادق..لا سغله الاخ هاي هوايه هع هع..

3_هل اعطيت نصيحة لاحد زملائك؟؟وماكان ردة فعله؟؟
نصيحه..لا والله..هوا اني وين والنصايح وين !


4_هل صدمت من بعض الاصدقاء؟؟وتصرفاتهم؟؟
لالالالالالالالالالالالالاع..شعليه بيهم !


5_احلى لحضة عشتها ايام دوامك بالجامعة؟؟::14::
لحد الان الكروبااااااااااااات ويا الاستاذه


6_اكثر لحضة حزنت بها ايام الجامعة؟؟ ::27::
هوى دخلي اتخرج بعدين احزن !


7_لحضة انحرجت فيها؟؟
ههههههههه يامكثرها.... بس احلى شي يم انكلبت الكهوه مادري الجاي على بلوز الاستاذه هع هع اتخبلطلعت كاكاااااااااااااو هع هع


8_اكثر موقف مضحك مر بك باايام الجامعة؟؟::52::
هوايه هسا اني سنه ثانيه وهيجي !


9_اكثر المواد التي احببتها بالجامعة؟؟::26::
الفارماكوثيرابي


10_اكثر المواد التي كرهتها بالجامعة؟؟::1::
والله كلهن مكروهاااااااااااااااااااااااااااااااااااااااات


11_استاذ \استاذة تعتز به كل الاعتزاز تفتخر به واحترمته واحببته...؟؟::39::
اي اي ..عدي..استاذه الفارماكوثيرابي

12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::
لالا ماعدي هيجي مواصفات !


13_هل خرجتم سفرة بالجامعة والى اين كيف كانت؟؟
اي سافرنا لليونان لمده 4 ايااااااااااام..وجانت قمه بالروعه والونسه وسهر الوج الصبح !::2::


14_هل طردت يوما من المحاضرة؟؟ ولماذا؟
الله ليجذبني..اول سنه من كليتي الاولى..حوالي..يعني فد 15 مره ؟ يمكن قليل اخرشي طفح الكييييييييييل وصوفتي احمرت بعد مابيها مجال هههههههههه


15_موقف ابكاك بالجامعة ...خصوصا مادة رسبت بيه او خفت منه ::56::
افاااااااااااااااا ليش يمه خلي ارسب..وليش ابجي ماعاش من ايبجيني !


16_اي سنة من الجامعة تتمنى عودتها من كل قلبك؟؟ ::37::
!!! موكنل بعدنا سنه ثانيه !

17_هل كنت تدرس كثير ا يعني سجاج ام فقط ايام الامتحانات؟؟::51::
قبل الامحان فد بسبوع ابدي اقري !


18_هل رسبت احد السنين اوهل خرجت من الدور الاول مكمل في احدى السنوات؟؟::56::
لحد الان لا..ابد

19_للخريجين فقط.::2:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::
اوزع جكليت غير !!!!!!!!!!!!!!!!!




:
:
جنونه

[حــــــورية أيطاليـا]

عندي كم سؤال اتمنى تجاوبوني عليه::13:: ياويله ياسواد ليله اللي ميجاوب
عبالي تكولين يا سوليداد اويلك اذا ما تجاوب هع هع هع ::237::







::237:: ::237:: ::237:: ::237:: ::237:: ::237::
http://www.dijlh.net/forums/images/icons/19.gifhttp://www.dijlh.net/forums/images/icons/19.gifhttp://www.dijlh.net/forums/images/icons/19.gif
والله العضيم اول مقريتهة اني هم عبالي تكول سوليداد
::2:: ::2::
...

[EmPeRoR]

ههههههههه
تدرون اني شنو اسوي اول يوم

اول محاظرة اجيب الطباشير واشخبط بي على الكرسي مال استاذ::237::
اما اذا استاذة اروح اشوفهة جبيرة لو صغيرة
طبعا اذا صغيرة خير على خير اما اذا جبيرة ابهذلهة
نجي على الصغيرة
اشوفها مخطوبة لو لا
اذا لا خير على خير واذا اي
اتأكد لساها مخطوبة لو اتزوجت
اذا لساها هم خير على خير واذا اتزوجت يعني مصيبة
المهم تدرون شنو اسوي
هم اجيب الطباشير واشخبط على الكرسي مالتهة::39:: ::237::

نجي على الطلاب اني اول يوم اجيب من هذي الالعاب النارية ام 25 دينار

واحطة يم رجل كل طالبة دستة كاملة رح تكلفني 250

ويم الولد اخليهم يصفنون على الاستاذ او الاستاذة تدري اول يوم يعني عود هو يريد يدرس شاد حيلة
بس للاسف انكطع

وبعدين ابدي افجر بس شلون شوية صعبة افكر واكلكم
بعد لؤلؤة حسبي حسابج اكو مواليد 88 بالمنتدى زين::1::

[SoLeDaD]

::237:: ::237:: ::237:: ::237:: ::237:: ::237::
http://www.dijlh.net/forums/images/icons/19.gifhttp://www.dijlh.net/forums/images/icons/19.gifhttp://www.dijlh.net/forums/images/icons/19.gif
والله العضيم اول مقريتهة اني هم عبالي تكول سوليداد
::2:: ::2::
...




ادري زوريه هسه ليش تقلديني ::52:: ::52:: ::52::

هي البنيه تره جان قصدها سوليداد بس بعدين بدلت رايها لان تدري بيه علاس احتمال اسلط عليها مرتي شوشه اخليها لؤلؤة بعد ما تعرف دربها ::52:: ::52::

[AlTaJeR]

هلاووووووووووووو
ر
_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::
اول يوم جان حلو وجانت الكليه فراغه لانه احنه ثاني دوره بيه

2_هل تعرفت على اصدقائك بسرعة؟وهل اكتسبت اخ لم تلده امك ؟؟
اصدقاء هواي دخلوا وياي نفس الكليه وكسبت اصدقاء جدد بالاكيد

3_هل اعطيت نصيحة لاحد زملائك؟؟وماكان ردة فعله؟؟
اكيد من صديق يجي يشكيلي انطيه نصيحه

4_هل صدمت من بعض الاصدقاء؟؟وتصرفاتهم؟؟

لا الحمدلله بس اكيد اكو تصرفات متعجب
5_احلى لحضة عشتها ايام دوامك بالجامعة؟؟::14::
والله كل اللحظات حلوه بس اكيد من نجتمع الكروب ونخطط للنصبه

6_اكثر لحضة حزنت بها ايام الجامعة؟؟ ::27::
الحمدلله الدوام كله ضحك ( كليه مال فطر )

7_لحضة انحرجت فيها؟؟
ههههه مره اجتنه مدرسه كلش قصيره فا هيه بالقاعه بعدهي واني تكعد بالاخير مشفته عبالي طلعت جنت اشيل محاضراتي واطلع هيه عبالي راحت وصلت يم الباب شفته

8_اكثر موقف مضحك مر بك باايام الجامعة؟؟::52::
اهووووووو كلش هواي

9_اكثر المواد التي احببتها بالجامعة؟؟::26::
ماكو والحمدلله

10_اكثر المواد التي كرهتها بالجامعة؟؟::1::
كلهن

11_استاذ \استاذة تعتز به كل الاعتزاز تفتخر به واحترمته واحببته...؟؟

ولا واحد ::43::

12_استاذ\استاذة كرهت شوفته بالجامعة...كان الاستاذ مثل الكابوس
على قلبك والكل كرهه؟؟::55::
كلهم

13_هل خرجتم سفرة بالجامعة والى اين كيف كانت؟؟::50::
اصلا احنه انداوم علمود السفرات كل خميس نطلع للشمال

14_هل طردت يوما من المحاضرة؟؟ ولماذا؟
كلش هواي بس اكثر شي اول محاضؤه دائما مطرود لانه اجي متاخر بس بعدين تعودوا عليه

15_موقف ابكاك بالجامعة ...خصوصا مادة رسبت بيه او خفت منه ::56::
اذا كل ماده ارسب ابجي لازم انصب لطميه

16_اي سنة من الجامعة تتمنى عودتها من كل قلبك؟؟ ::37::
المرحله الثانيه جانت كلش حلوه

17_هل كنت تدرس كثير ا يعني سجاج ام فقط ايام الامتحانات؟؟::51::
والله ابد ما ادرس حتى ايام الامنحانات

18_هل رسبت احد السنين اوهل خرجت من الدور الاول مكمل في احدى السنوات؟؟::56::

لا وين اكو رسوب بس ولا سنه نجحت دور اول كله دور ثاني ( والله شاطر )
19_للخريجين فقط.::50:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::
الحمدلله بعدني

اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::
هالسنه انشالله اتخرج واكيد راح اضوخ لانه ونسه الكليه
وشكرا

[SniperMan.4ever]

((بسم الله الرحمن الرحيم))



1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::

والله اول يوم جنت مستغرب شوية وخصوصا محد يعرف الثاني بس الحمد لله ثاني يوم صار حجي وكدرت شوية انسجم وية طلاب المرحلة


2_هل تعرفت على اصدقائك بسرعة؟وهل اكتسبت اخ لم تلده امك ؟؟

والله تعرفت على اصدقاء بسرعة فائقة يعني اصدقاء دراسة بس مو صديق بكل معنى الكلمة ومكدرت الكة صديق واخ لم تلده امي ::27:: ::27::


3_هل اعطيت نصيحة لاحد زملائك؟؟وماكان ردة فعله؟؟

اي مرتين .. الاول استقبلها بكل رووح رياضية .. والثاني لا اصر ومقبل يستمع لكلامي .. وكان رد فعلة الرفض


4_هل صدمت من بعض الاصدقاء؟؟وتصرفاتهم؟؟

اي والله للاسف الشديد يعني موقف مو حلو يصير من زميل عزيز عليه



5_احلى لحضة عشتها ايام دوامك بالجامعة؟؟::14::

احلى لحظة عندما وجدت من يفهمني وافهمة


6_اكثر لحضة حزنت بها ايام الجامعة؟؟ ::27::

لحظة وداع الزملاء باليوم الاخير بالدوااام ::27:: ::27:: ::27::


7_لحضة انحرجت فيها؟؟

بحفلة التخرج .. سؤلةني سؤال محرج .. كالولي ما هية مواصفات فتاة احلامك ؟؟؟


8_اكثر موقف مضحك مر بك باايام الجامعة؟؟::52::

ههههههههه صديقي اتزلق كدام بنات وولد المرحلة مالتنة وانجبح خطية هههههههههه ::237:: ::237:: ::237:: ::237:: ::237::


9_اكثر المواد التي احببتها بالجامعة؟؟::26::

حبيت المادة الاختصاص biology بالرغم من صعوبتها لكن حسيتها حلوة وتفيدني لان هية الاساس باختصاصي


10_اكثر المواد التي كرهتها بالجامعة؟؟::1::

كرهت الفيزياء كللللللللللش بالمرحلة الاولى


11_استاذ \استاذة تعتز به كل الاعتزاز تفتخر به واحترمته واحببته...؟؟::43::

الاستاذ الشهيد الراحل ((رعد محسن المولى)) خير اب واستاذ


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::

مدرسة الفيزياء هههههههه والله مرات من افكر بيها شوية احلم بكوابيس ههههههههههه


13_هل خرجتم سفرة بالجامعة والى اين كيف كانت؟؟::50::

اي ... للبحيرة ::26:: ::26:: ::26::


14_هل طردت يوما من المحاضرة؟؟ ولماذا؟

ههههههههه مرااااااات .. لو متاخر لو احجي بالدرس ::38:: ::38:: ::38::


15_موقف ابكاك بالجامعة ...خصوصا مادة رسبت بيه او خفت منه ::56::

ههههههههههه للاسف مااااااااكو


16_اي سنة من الجامعة تتمنى عودتها من كل قلبك؟؟ ::37::


الاولى ::14:: ::14:: ::14::

17_هل كنت تدرس كثير ا يعني سجاج ام فقط ايام الامتحانات؟؟::51::

لا والله بس ايام الامتحانات ::2:: ::2:: ::2:: ::2::


18_هل رسبت احد السنين اوهل خرجت من الدور الاول مكمل في احدى السنوات؟؟::56::

لا يوجد


19_للخريجين فقط.::50:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::


والله اتخيلة يوم كلش حلو وانجاز اعتز بيه وافتخر بيه


شكرا للموضوع الحلو وعاشت ايدج لؤلؤة





Sniper Man 4 Ever

[أوتــــ الحنـان ـــار]

ايــ،ـــام الكليـــــــــ،ـــــة

تعالو نرجع لايام الدوام بالجامعة....ماضل شي راح تداومون ههه::16::

لاتذكريني لان اموت من القهر علوا اني اداوم ::38:: ::38::

رجائا الصغار اللي بعد ماواصلين كليه يصفطون مواعين ويسمعون كلام الكبار هههه::26::
اي سمعوا زين

عندي كم سؤال اتمنى تجاوبوني عليه::13:: ياويله ياسواد ليله اللي ميجاوب
صدك عبالي تكولي ياويله سوليداد





1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::
اول يوم تاخرت على اول محاضره::2:: وجانت المحاضره اسمها هياكل
كلشي مافتهمت منها بس اخذت المصادر مالت الماده
واذكر اني جنت خايفه كلش كلش
بس بعدين كملت يومي عادي

2_هل تعرفت على اصدقائك بسرعة؟وهل اكتسبت اخ لم تلده امك ؟؟

اي تعرفت بوحده ما انساها طول حياتي


3_هل اعطيت نصيحة لاحد زملائك؟؟وماكان ردة فعله؟؟
اي وجانت تاخذ مني واني هم اتقبل نصائحها


4_هل صدمت من بعض الاصدقاء؟؟وتصرفاتهم؟؟
اي وهذا اذاني كلش


5_احلى لحضة عشتها ايام دوامك بالجامعة؟؟::14::
لحظة

6_اكثر لحضة حزنت بها ايام الجامعة؟؟ ::27::
هي يومين انقهرت بيها يوم الي اخذنا بي صور التخرج
و واخر يوم بالكليه

7_لحضة انحرجت فيها؟؟
هي لحظه ماانساها بيومها كتبت رزاله وشون رزاله لصديقتي
بدفترها هو على اساس جان دفترها بس بعدين طلع دفتر
ولد ويانا::2::
وتدرين شنو كالي كالي عود رسالتج وصلتhttp://www.dijlh.net/forums/images/icons/9.gif


8_اكثر موقف مضحك مر بك باايام الجامعة؟؟::52::
اكثر موقف مضحك جنا دناخذ صوره اني وبنات الشعبه مالتي
فسدينا باب الشعبه وكمنا دنتحضر للصوره
فاتفقنا ناس توكف على الستولات والبقيه يكفون عاديويا مدناخذ الصوره اجه الاستاذ وشافنا على هالوضعيه جان خطيه انصدم وسد الباب وطلع
وبعدين من اجه مره ثانيه كالنا يعني مالكيتو الا هالوقت تاخذون بي صوره


9_اكثر المواد التي احببتها بالجامعة؟؟::26::
معماريه و معالجه صوريه وفجوال بيسك ووحبيت مشروع التخرج كلش وcompailer

10_اكثر المواد التي كرهتها بالجامعة؟؟::1::
os ربتلي عله ومادة تحليل نظم

11_استاذ \استاذة تعتز به كل الاعتزاز تفتخر به واحترمته واحببته...؟؟::39::
أستاذ هيثم الله يذكره بالخير اكن له كل الاحترام والمحبه


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::
والله هو اكو واحد بس ما اكدر اكول اسمه احتراما اله


13_هل خرجتم سفرة بالجامعة والى اين كيف كانت؟؟::2::
هي دتصير للموصل بس بوكتها انكسرت ايدي وماخلوني اهلي اروح::38::


14_هل طردت يوما من المحاضرة؟؟ ولماذا؟
لا

15_موقف ابكاك بالجامعة ...خصوصا مادة رسبت بيه او خفت منه ::56::
موقف ابكاني يوم الي اخذنا صور التخرج
وماده خفت من الرسوب بيها هي مادة البرمجه المهيكله


16_اي سنة من الجامعة تتمنى عودتها من كل قلبك؟؟ ::37::
السنه الرابعه


17_هل كنت تدرس كثير ا يعني سجاج ام فقط ايام الامتحانات؟؟
لا بس يوم الامتحانات مو عيب ندرس كبلها

18_هل رسبت احد السنين اوهل خرجت من الدور الاول مكمل في احدى السنوات؟؟::56::
اي طلعت اكمال بالسنه الاولى


19_للخريجين فقط.::2:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::
يوم تخرجي كان اسعد ايام حياتي لان حسيت بي اني وصلت للشي الي ردته وهو النجاح بدراستي يوم ما انساه ابد


اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::
هاي مو الي لسولي ولربعه








يالله جاوبو ماراح اتوسل بيكم..ترى اللي مايجاوب هسة اخليه اوف لاين<<<صايرة اهدد ياخوفي من عقابكم::27::
يومه بس على كيفج

تمنياتي للجميع دوم الموفقية والنجاح

صدك لاانسى ترى الموضوع مو محوسم..الموضوع اني كاتبته

..ده شغل يدي وحياتي سيدي::14:: ::14::

تقبلو مني راق التحايا

محبتكم


مشكوره حبيبتي لؤلؤه موضوع رجعتينا بي لاحلى سنين العمر والي اتمنى ترجع
تحياتي لكي عزيزتي الغاليه

[ID]

1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::

أكيد هو غريب خاصة والواحد صف أول بس رعان مايتعرف الواحد على اصدقاء جدد



2_هل تعرفت على اصدقائك بسرعة؟وهل اكتسبت اخ لم تلده امك ؟؟

الله هو تعرفت على هواية بس اكو ولد جان تؤام روحي


3_هل اعطيت نصيحة لاحد زملائك؟؟وماكان ردة فعله؟؟

اي والله نصحت ولد والحمد لله اخذ بالنصيحة وخلصنه من هواية مشاكل

4_هل صدمت من بعض الاصدقاء؟؟وتصرفاتهم؟؟

يعني نوبات ونوبات

5_احلى لحضة عشتها ايام دوامك بالجامعة؟؟::14::

من صرت الاب الروحي بالقسم كاموا كل شيء ميسوون اذا ميسألوني

6_اكثر لحضة حزنت بها ايام الجامعة؟؟ ::27::

يوم صورة التخرج

7_لحضة انحرجت فيها؟؟

من طبيت للدكتور ساعة بـ 9:45 كلي هاة حجي مغبش صرت بنص هدومي

8_اكثر موقف مضحك مر بك باايام الجامعة؟؟::52::

هواية هو اني حياتي جانت بس ضحك فقرة المحاضرات شايله

9_اكثر المواد التي احببتها بالجامعة؟؟::26::

ولا وحدة

10_اكثر المواد التي كرهتها بالجامعة؟؟::1::

كلهن

11_استاذ \استاذة تعتز به كل الاعتزاز تفتخر به واحترمته واحببته...؟؟::43::

اكو استاذين كلش احترمتهم

12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::

اي اكو واحد بس قريته التوبة حتى مفرقعات خليت اله بالقاعة

13_هل خرجتم سفرة بالجامعة والى اين كيف كانت؟؟::50::

اي طلعت للسليمانية لمدة خمسة ايام كانت خنفشارية

14_هل طردت يوما من المحاضرة؟؟ ولماذا؟

اي هواية مطرود

15_موقف ابكاك بالجامعة ...خصوصا مادة رسبت بيه او خفت منه ::56::

عيب اني ابو الهكاكير

16_اي سنة من الجامعة تتمنى عودتها من كل قلبك؟؟ ::37::

الاخيرة

17_هل كنت تدرس كثير ا يعني سجاج ام فقط ايام الامتحانات؟؟::51::

بس امتحانات ونوبات حتى بالامتحان نوبات ماكو

18_هل رسبت احد السنين اوهل خرجت من الدور الاول مكمل في احدى السنوات؟؟::56::

كله در اول شوفوا الحظ يخبل

19_للخريجين فقط.::50:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

نهاية مرحلة وبداية مرحلة اخرى مثل قطع الصلة

دمتم بخير

[نوره رمش العين]

هلو لؤلؤه تردين الصراحه
انا بعد محسيت بهذه المشاعر لان السنه نجحت من السادس ع
ووقدمت ومنتضره القبول
ادعولي


شكرا موضوعج حلو ومميز

تقيلي مروري::51:: ::51:: ::51::

[عراق يا رحلة عمري]

هلو الموضوع كلللللللش حلو انا بعدني ما دخلت كليه السنه سادس ادبي وانشاء الله انجح واعيش الايام الحلوه الي عشتوها

[بســ وطن ــمة]

1_اول يوم داومت بالكلية شلون كان؟اوصفها؟؟طيبة لولا؟؟حسيت نفسك غريب؟؟::27::

و الله كان يوم حللووو .. اول ما دخلت للقسم رحت على البورد الي بيه الجدول .. سويت روحي مشغوله بكتابه الجدوول http://www.dijlh.net/forums/images/icons/19.gif
فجااءه ... سمعت احد يصيح اسمي جان اشوف بنيه ويايه جانت بالاعداديه ساعه تسلم عليه و اني اريد اذكر اسمها ما دذكره http://www.dijlh.net/forums/images/icons/19.gif

المهم هيه اخذتني على بنيه بشعبتي و بقيت اليوم وياهم و كان هذا اليوم يصادف 14-10-2001

الاحد ::39::::39::


2_هل تعرفت على اصدقائك بسرعة؟وهل اكتسبت اخ لم تلده امك ؟؟

من اول يوم تعرفت على صديقاتي الي بقوا ويايه لاخر يوم بالجامعه و لحد الان و هم بمثابه الاخوات فعلا ::51::


3_هل اعطيت نصيحة لاحد زملائك؟؟وماكان ردة فعله؟؟

اي و الي عجبني بيها انو هي اخذت النصيحه و طبقتها بدون تردد


4_هل صدمت من بعض الاصدقاء؟؟وتصرفاتهم؟؟

لا لا الحمد لله صداقتنه كانت حلووة جدا و لا يوم تصادمنه او اختلفنه


5_احلى لحضة عشتها ايام دوامك بالجامعة؟؟::14::

و الله الثاني كله جان حلووو بس اكيد جان اكو ايام مميزه متنسى


6_اكثر لحضة حزنت بها ايام الجامعة؟؟ ::27::

الايام الي قبل الحرب من توادعنا و كأنوا هاي اخر مره نشاوف بيها ::27:: ::27::


7_لحضة انحرجت فيها؟؟

قبل يومين جان عدنه محاظره عن تاريخ المباني

فكانت المحاضره عن الحضاره البابليه

فالدكتور مصري طلع صورة سرجون الاكدي و جان يشرح عنه بس ميعرف اسمه

فاني رديت عليه و كتله سرجوون

عبالك كتله فد اسم غريب ساعه و ميعرف يلفظه

المهم كالي ممكن تتهجيه بالعربي

فجاوبه

اس ..... أر .... جي .... ووو ... أن ::237:: ::237:: ::237::

فكالي هو هذا العربي الي تعرفيه ::16:: ::16::




8_اكثر موقف مضحك مر بك باايام الجامعة؟؟::52::

امممممممممممم و الله هوايه جنه بس نضحك احنه العصابه ::16:: ::16::


9_اكثر المواد التي احببتها بالجامعة؟؟::26::

و لا


10_اكثر المواد التي كرهتها بالجامعة؟؟::1::

ولا


11_استاذ \استاذة تعتز به كل الاعتزاز تفتخر به واحترمته واحببته...؟؟::43::

بالعراق كان الدكتور احمد الي درسني مواد

انسان محترم جدا ...مثقف جدا ... طريقه تعامله ويانه حلوه

اما هنا فالدكتور جزائري كريم الي درسني تصميم

أعتز بيهم كأساتذه تعلمت منهم الكثير الكثير


12_استاذ\استاذة كرهت شوفته بالجامعة...كان الاستاذ مثل الكابوس على قلبك والكل كرهه؟؟::55::

الدكتور الي يدرسني تخطيط مدني::1:: ::1:: ::1:: ::1:: عصبي و يخووف ::38::

13_هل خرجتم سفرة بالجامعة والى اين كيف كانت؟؟::50::

لا لا السفرات جنت ما سحتها من قاموس كلماتي ::55:: ::55::


14_هل طردت يوما من المحاضرة؟؟ ولماذا؟

لا


15_موقف ابكاك بالجامعة ...خصوصا مادة رسبت بيه او خفت منه ::56::

و لا مره


16_اي سنة من الجامعة تتمنى عودتها من كل قلبك؟؟ ::37::

الثاني


17_هل كنت تدرس كثير ا يعني سجاج ام فقط ايام الامتحانات؟؟::51::

و الله بالعراق ما جنت ادرس شي و اطلع الاولى

هنا ::27:: ::27:: ::27:: ::27:: دمار شامل ::27:: ::27:: ::27::


18_هل رسبت احد السنين اوهل خرجت من الدور الاول مكمل في احدى السنوات؟؟::56::

لا لا


19_للخريجين فقط.::50:: ..اوصف يوم تخرجك؟ ما الذي يعنيه لك يوم تخرجك اوصف ذاك اليوم؟::51::

انتظريني سنتين و اجي ارد على هذا السؤال ::14:: ::14::


اما الصغار ::52:: ...اوصفلي مشاعرك لو تخرجت؟؟؟شلون تتخيل يوم تخرجك؟؟::52::

و الله ما اعرف شراح اسوي

راح ابجي::27:: ::27:: من الفرح ::39:: ::39:: ::39::

[لؤلؤة العراق]

هلا بيكم هلا وبجيتكم هلا ههههه

نورتو الموضوع بردودكم

انتضروني اجي بالليل ارد على رد رد من ردودكم...ردود حيل حلوة والله رجعتوني لايام الكلية

اسفة تاخرت عليكم 3 ايام ....ابو الشركة قفل النت عنا مادفعنا الاشتراك اليوم دفعناه

[dorgahm]

اشو كله ملون ههههههههههههههههههه

[ρяіисє Of sаdиеѕѕеѕ]

يُغلــــــــــــق