هذي مو بس مشكلة هذه فضيحة

[عـ ـ ـراقـ ـيـ ـة مغـ ـ ـتربـ ـ ـة]

بصراحة اني مو صاحبة المشكلة بل ان كل العراقيين المفروض يعتبروهة مشكلتهم ولازم يفكرون وياية بحل
هية مشكلة تخص المدرسة العراقية الموجودة في الدولة اللي اني عايشة بيهة ومع العلم ان هذه الدولة ليست عربية المهم في هذه المدرسة العراقية يكون الدوام مختلط شباب وبنات وتكون المدرسة من صف اول ابتدائي الى السادس علمي وهناك مدرسين رجال
هناك مدرس الرياضة عمره 27 سنة هو انسان منحط اخلاقيا بمعنى الكلمة وعار على العراقيين وهناك كثير من العرب معنا وقد شوه صورة الرجال العراقيين
في الاونة الاخير حدث شئ مع صديقتي المقربة هو انها كانت تترك موبايلها عند الادارة واخذ هذا المدرس رقمها وحاليا هم يتحدثون هاتفيا واليوم قالت لي الكلام الذي حدث بينهم هو كلام لا استطيع ذكره لشدة فساده وما يعبره عن تربية واخلاق منحطة ونصحت البنت ولكنها لم تستمع
ولم تفهم انه اذا انتشر الخبر سوف تحدث فضيحة
وتخيلو وصلت به الجراة بان يطلب منها بان تاتي الى شقته وهو استاذها ويكبرها بعشر سنين
وله علاقات عديدة مع الطالبات
مع العلم انه حاول حتى معي ولكني تقززت من الفكرة نفسها واوقفته عند حده لكن هناك بنات جاهلات لا يفهمن ما هن فاعلات
ارجو المساعدة ماذا افعلا لانقذ صديقتي من هذه الورطة

[ابو سموسة]

اول شي تسويه روحي للشرطه

حتى لو عراقي

وثاني شي تروحين ادكولين لاهلج لوالدج او لاخوج الجبير

واني افضل تروحون للشرطه

لان هيجي نماذج مرضه الى درجه

وثانيا المدرسة شنو مختلطه يفصلون البنات على الولد فوكاها يعني مسويها مختلطه والمدرس صغير

لازم تروحين لاحد ترة من تبقين هيجي ضامتها بعدين تصير مشاكل ومتنحل

وانتي تعرفين شنو طبيعة هيجي مشاكل

فاتمني تروحين تكولين لابوج وابوج يخبر الشرطه باسرع وقت لان ما الها غير هيجي حل

وانتي اهناك قانون الي ميمشي على القانون اكو عقاب اله

و همين اريد اكولج خلي ايمانج قوي بالله و مدام انتي ايمانج قوي والله لو مو رجال لو مليون رجال ميكدرون يوصولج

وترة العرب بشكل عام بس يروحون لدول الاجنبيه يفسدون فانتي احذي وديري بالج

وما اوصيج اسرعي وكولي لاهلج يتلاحكون لصديقتج ومو بس لصديقتج فكري بالي راح ياذيهم

و حتى لو اقتضى الامر تروحين ادكولين لاهل البنات الي الاستاذ جان يخابرهم او يسوي شي وياهم

وان شاء الله يا رب محلولة المشكلة بعزم الله وبعزمج وبزعم كل واحد يخاف الله

[عـ ـ ـراقـ ـيـ ـة مغـ ـ ـتربـ ـ ـة]

والله يا اخي ما اعرف شاكلك يمكن كلامك صح بس انا خايفة من الفضيحة اللي راح تصير وسمعة المدرسة والبنات يعني والله حايرة انا ما خايفة على نفسي لان انا مستحيل اهتم بهيج شخص بس البنات صغيرات وميفتهمن بس خليني افكر بردك واشوف
مشكووور اخي على الاهتمام

[العاشق الارهابي]

ممكن تخبرين اداره المدرسه عن هذا الاستاذ وتحاولين تقضين وقت اكثر ويه صديقتج بحيث تنسينها هذا الاستاذ واذا ماوضعتله الاداره حد تقدرين تخبرين اهل صديقتج او الشرطه هذا رايي

[ابو سموسة]

والله يا اخي ما اعرف شاكلك يمكن كلامك صح بس انا خايفة من الفضيحة اللي راح تصير وسمعة المدرسة والبنات يعني والله حايرة انا ما خايفة على نفسي لان انا مستحيل اهتم بهيج شخص بس البنات صغيرات وميفتهمن بس خليني افكر بردك واشوف
مشكووور اخي على الاهتمام


ليش خايفة؟ ترة هيجي اشياء لازم تتلاحكيها قبل ميفوت الوكت

يعني هيجي اشياء والله اهم شي بيها السرعه

و ترة رد العاشق كلش صح

والله خبري الادارة هسه وباسرع وقت او اهل البنيه او الشرطه يعني المهم باسرع وقت
ممكن تخبرين اداره المدرسه عن هذا الاستاذ وتحاولين تقضين وقت اكثر ويه صديقتج بحيث تنسينها هذا الاستاذ واذا ماوضعتله الاداره حد تقدرين تخبرين اهل صديقتج او الشرطه هذا رايي

[اسايرها تعاندني]

الساكت عن الحق شيطان اخرس
انتي اا تشوفين في ضرر كبير على البنت في حاله استمرارها بهاي الحاله الي متعجب حاولي تسووين شي والحلول كثيره يا اختي تقبلي مروري

[فتى بلاحبيبه]

والله اكو مثل عراقي يكون
اذا كان رب البت طبالان
فشيمتي اهل البيت
الرقصو والعاقل يفتهم والله يا العراقيه المغتربه
تقبلي تحياتي اخوكي فتى

[حورية البراءة]

والله اختي احسن حل للمشكلة هو حل الاخ كيفن كوسنر
واني رايي من راية سوي مثل مكال خبري احد جبير اخوج او ابوج وهمة يتصرفون بعديروحون للشرطة لادارة المدرسة المهم تحاولين تمنعين هالشي لان هذا الشي بي خطر ودير بالج على نفسج وقوي ايمانج والله كريم

[lyo]

اتوقع انا مداوم بهيجي مدرسة وكانت بدولة اوربية بس مكنا نعاني من هيك مشاكل بس نصيحة اختي انه تبلغين ادار المدرسة باسرع وقت او حتى تكدرين تبلغين السفارة العراقية بهيجي شئ لانه المدرسة تابعة للسفارة والسفير العراقي المقيم بتلك الدولة وماتوقع هم راح يرضون على هيك شئ ....

[رشا العراقيه]

اولا الاخ الي قال روحي للشرطه ما اتصور الشرطه يسون شي لان هذا يعتبرونه تدخل بحياة الناس او همه عدهم طبيعيه هيج علاقات لان اني هم عايشه بدوله اجنبيه او اعرف اشلون افكارهم بس انتي روحي الادارة المدرسه او كوليلهم عليه بس من غير ما تنطين اسماء البنات او همه يتصرفون

[الكيمياوي]

انا برأيي يجب ايقاع هذا الشخص بفخ لكي يعرف قدر نفسه ....
يجب استدراجه واخبار احد الاهل او الاصدقاء او حتى الشرطة بانه يحاول الاعتداء

دمتم بحفظ الله ورعايته ... وان شاء الله يبتعد عنكم كل سوء

شكرا للعراقية المغتربة


مع تحيات الكيمياوي

[عـ ـ ـراقـ ـيـ ـة مغـ ـ ـتربـ ـ ـة]

مشكورين كلكم على الحلول
بس اني محبيت ان اخبر احد لانه هي صديقتي وماحبيت افضحهة وجربت طريقة ثانية
ان ضليت انصحهة واحاول افهمهة شنو ممكن يصير اذا تستمر بهذه العلاقة والحمد لله عقلت البنية وتراجعت عن الموقف وتركت السالفة وتركت هذا الشخص الخسيس


مشكورين كلكم على مساعدتكم

[انا عراقي فقط]

اعتقد العيب ليس بالمدرس العيب والتقصير من صديقتج وارجو ان تبتعدين عنهه

[فتى بلاحبيبه]

بس الله يحله مشكله والله خلوه على الله
تقبلو تحياتي

[!!__Henry__!!]

والله عراقيه هسه لو تشوفين بالاردن
يمكن ولا شي بالنسبه الى الدوله الي عايشه بيها

يعني ....... والله ما اريد احجي اخاف انضرب باند

وخاصه بالجامعه الاردنيه الي هي بؤرة الفساد بين الشباب والبنات



بالنسبه لمشكتلج

حاولي تنصحيها بستى الطرق
واذا مأخذت منج ....عوفيها ...لان اخاف تنجرين وياها همنيه







وهاهيه
هههههههههه

[عـ ـ ـراقـ ـيـ ـة مغـ ـ ـتربـ ـ ـة]

هاي شنو هنراوي شجابك هنا ههههههههههههه
والله اني بالنسبة الي ما متعودة اشوف هيج لان جنت ساكنة بمنطقة محافظة جدا
المهم انحلت المشكلة وابتعدت عنه
ولاتخاف علية اني مينخاف علية من هاي الناحية

[رمح الندى]

احسن شي
هوه اتخبرين اداره المدرسه

[حرامي نت]

والله بدون شقه دليني عليه والا اصكه الج وتتدللين عيوني واحنه برسم الخمده هيجي نماذج نحتاجهم في عمليات الصك على الاقل ندرب بيهم الصكاكه الجدد الي عدنه

[stranger on love shore]

مع الاسف اكو هيج اشخاص منحطين

اختي احسن شي تسوي اما تروحين لمدير المدرسه وتحجين ويا باسلوب وتفهمي الشي الغلط الديصير واهم شي انه هو يبعدج عن الموضوع خلي يتصرف بطريقته الخاصه مثلا يخلي احد يراقب تصرفات هل استاذ ويتخذ الاجراءات الازمه بحقه
واذا ماصار هل شي احجي ويه ام صديقتج وفهميه انه الاستاذ ديستغل بنته وخلي هي تروح تشتكي بل مدرسه

[Lavender]

لاتعليق بصراحة ؟؟؟؟؟؟؟؟؟

[جنـون]

والله لو اني بدالها افضحه ..!
من شنو خايفه .تروح تحجي..
وره متصير مصيبه ترجع تبجي ومدري شنو !
الا وره خراب البصره
خلي تنهي كل شي من هسه..وتفضحه..
اداره المدرسه موجوده..وهيه تعرف تتصرف..
:
:
جنونه

[مهندس راقي]

ميصير متسوين شي وصديقتج دتروح بيا
التبليغ عند الشرطة يجوز صعب لان انتو بدولة اوربيا
بس اذا اتروحين لادارة المدرسة كثير زين وخاصة اذا جان وياج شخص جبير حتى اتصير السالفة رسمية بعد اكثر
ويتخذ بحق الاستاذ الاجرائات القانونية

تقبلي تحياتي

[PErMeReND]

والله اختي العزيزة اني عايش هذي الحاله قبل بضعه سنوات في المدرسه العراقيه في باريس وايضا كان بيهه اساتذة غير لائقين لكن بوقتها لمن نشتكي على الاستاذ للادارة مباشرا يعاقب ويرجع للعراق لكن حاليا حكومه بالعراق ماكو فكيف يسطرون على اللي بالخارج الحل الوحيد ان تبلغون ادارة المدرسه لان الشرطه مراح تدخل لان يقوانينهم تعتبرهذة المدرسه تابعه للسفارة العراقيه والحل يكون بالسفارة ان كانت الادارة عاجزة عن ايقافه عند حدة
واشكرج لان طرحتي هذا الموضوع المهم
وتحياتي الج

[عـ ـ ـراقـ ـيـ ـة مغـ ـ ـتربـ ـ ـة]

اخوان هاي المشكلة صارت قبل ستة اشهر
هسة اني طلعت من هاي الدولة ورحت لغير دولة
وخلصت هذيج السنة وبدينة سنة جديدة
واصلا بوكتها حليت السالفة وية البنية
بدون ما اشتكي ولا ابد لان هية البنية قابلة وبراضتها جانت السالفة وهوة مغاصبها
هسة هية حست على نفسها ونهت كلشئ والحمد لله


وعلى العموم شكرا لكل اللي ردو بهذا الموضوع واعرضو علية حلول
تحياتي

[mamado]

والله يا عزيزتي انتي ما سامعة بالمثل اللي يكول : ( العين بصيرة والايد كصيرة)؟ يعني امنيتي ان اكون موجود اهناك بس على مود اعرف اشوفه شنو الرجل العراقي وبس ..., بمعنى اخر : الا اخليه طول عمره يزحف..., يعني الا اكطع ايديه ورجليه هذا الكلب الجبان . مع الاسف هذا حال العراقيين بالخارج ومع الاسف محد من الكبار مال دولتنا الموقرين يتشرف ويزرو الدول اللي بيها مهجرين عراقيين على مود يشوف معاناتهم ..., بالعكس هم يريدوها هيج , بس اني اكولج يالعراقية يالاصيلة : لاتأيسين ابدا" واي شي يستفزج فتذكري انه انتي عراقية وتكدرين ان ترين اي صعوبات لان الزمن اللي فات ثبت هذا الشي ..., وبالنسبة لصديقتج فلا تخليها وحدها وهدديها اذا حاولت ان تسلك سلوك تعبان ويا ناس تعبانين ..., وتمنى لج التوفيق وسماع الاخبار الطيبة منج

[mamado]

والله يا عزيزتي انتي ما سامعة بالمثل اللي يكول : ( العين بصيرة والايد كصيرة)؟ يعني امنيتي ان اكون موجود اهناك بس على مود اعرف اشوفه شنو الرجل العراقي وبس ..., بمعنى اخر : الا اخليه طول عمره يزحف..., يعني الا اكطع ايديه ورجليه هذا الكلب الجبان . مع الاسف هذا حال العراقيين بالخارج ومع الاسف محد من الكبار مال دولتنا الموقرين يتشرف ويزرو الدول اللي بيها مهجرين عراقيين على مود يشوف معاناتهم ..., بالعكس هم يريدوها هيج , بس اني اكولج يالعراقية يالاصيلة : لاتأيسين ابدا" واي شي يستفزج فتذكري انه انتي عراقية وتكدرين ان تردين اي صعوبات لان الزمن اللي فات ثبت هذا الشي ..., وبالنسبة لصديقتج فلا تخليها وحدها وهدديها اذا حاولت ان تسلك سلوك تعبان ويا ناس تعبانين ..., واتمنى لج التوفيق وسماع الاخبار الطيبة منج

[شموسة البغدادية]

صدقيني شكد ماراح تحجين وياها مراح تسمع انصحج تحجين ويه اختها اذاكانت عدعها اخت اكبر منها
او ويه امها اذا كانت مقربة وحاولي بكل الوسائل واذا منجحت روحي للادارة يس لتكولين منو البنية بس كولي على المدرس

[the love for ever 1987]

الحل كلولي الى اهل البنيه احسن شي


وهذا مرس اخ لو يمي جان احركه المهم هذا عاررر

والله كريم
باي