دارمـــي للــعـــشــاق

[اســير الحــب]

دارمـــي للــعـــشــاق
*كون الله هسه اليوم ياخذهه روحي ... وانسى اذى المحبوب وتخلص جروحي

*كون الله هسه اليوم ياخذني وياك ... ظلمه يا ضي العين العيشه بلياك

*اتمنى قلبج يوم يوگع بديه ... وأقفل عليه الباب واشبعه اذيه

*گلبي تشبعه بضيم أنا اللي ممنون ... بس لا تجافي الروح لو ولفك تخون

*مو بالقلب بالروح رايد اخليك ** واكتب خطر ممنوع محد يمر بيك

*ملبوس الأسود دوم مو كلش يلوك...من تلبس الأسود يوم جا عزل السوك

*ياما شفت حلوات بس انتي الاحلة ... يالعينج خضار دهوك ومن غير كحلة

*احمر شعر هواي والخصلة سودة ... يمشي بدلع من يفوت واللبس مودة

*اسود لبسلي اليوم وحياني الاشكر ... والشعر نهر النيل والركبة مرمر

*سب واشتم شمتريد يا ولفي اقبل ... ولا تظلم اني اهواك ومااريد تزعل

*يا خويا يا كرار ظم دمعك ارتاح ... ولاتشمت انتة عداك وتصفك على الراح

*هاك ابرتك والخيط كوم امشي عني ... لو بية اشل الجروح جا شل هذني

*كلبي ارد اكصة بموس واكوي بمكانة ... علمني اعلى دروب كلهن مهانة

*نيالك تشوف هواك لو حتى بالطيف ... وك شوفة الحلوين صارت مطر صيف

*نيالك تشوفه هواك وبالحلم ساعة ... ما نمت لحظة بليل من يوم وداعة

*شحجي شكل للناس من همي شحجي ... مليان بالحسرات بس احجي ابجي

*كلبي ارد اكصه ابموس وبفاس اكطعة ... خلصها بالسختات مالحك ربعه

*وحقك يداح الباب ما ننسى امنا ... ولاخر نفس والله نفديها بعمرنا

*خوي استر على الحال خوي استراستر ... السكف البنيتةاوياك بس غيمت خر

*كل واحـد نخــاويـه لازم نفحـصه ... در ابد ما مغشوش و صافي فصه

*اگعد بنص الليل واذكر وليفي ... وبحجة الحلمان ابچي على كيفي

*حبك يا بعد الروح بگليبي شمعة ... تتحول من تذوب بعيوني دمعة

*برنو عيون هواي والمشط بيهه ... والعده سبع ارواح ما يصد ليهه

*اطلك لي سبع سنين شفت العجايب ... تالي أطرحت ياناس ذبيته شايب

*جيت اسئل المحتل وين النفط صار ... جاوبني هالعصفور مثل الهوه طار

*شجره وحدرهه الناس تتفيه وتنام ... خلتني بالعاكول اتفيه الايام

*راح البلد ياصاح ،راحت اغانييه ... حرامي واحد راح ، أجوا حراميــــه

*ارد انشد العقال واهل العداله ... لو نشف ملح الزاد شنحط بداله؟

*لو نشف ملح الزاد حط ماي العيون ... فانهم ترى يا فلان ماسخ يكولون

*اسمر واخاف عليك من ممشى الغروب ... جاهل وبعده صغير ما يندل دروب

*ليل الشتة يهواي مكدر انامة ... حط بالكلب نيشان هاي العلامة

[Mus6afa]

شكــــراً أخويه ........

[الكون لهُ اسْرار]

روعة ياورد عاشت ايدك

[malak baghdad 87]

مشكوررررر دارميات حلوة

[~&~THE GHOST~&~]

عاشت ايدك يا بطل دارميات جميلة جداً

[ೋ ياقوتـــة دجــلة ೋ]

*اتمنى قلبج يوم يوگع بديه ... وأقفل عليه الباب واشبعه اذيه

الله والله هالدارمي يجنن
عاشت الايادي

[عروسة البحر]

شنو هاي عيني على كيفك علينه
بكل شي مبدع
تحياتي لك

[أبو سفيان العراقي]

تسلم أخوي الله يحفظك ...

راح البلد ياصاح ،راحت اغانييه ... حرامي واحد راح ، أجوا حراميــــه

صدقت والله كلامك صحيح

[abc2005cba]

يعني روعه قليله والله بحق هالكلمات حيل عجبتني

[اســير الحــب]

مشكورين مروركم الجميل والرائع ,,, تقبلوا مني خالص حبي واحترامي وتقديري ,,, اخوكم حسنين

[ABO ALTOF]

كلبي ارد اكصه ابموس وبفاس اكطعة ... خلصهابالسختات مالحك ربعه
هذا يخبل

شكرا اسير على هاي الدارميات

[الورده السامه]

يسلموووووووووووووووو

عاشت الايادي

تحياتي

[ೋ ياقوتـــة دجــلة ೋ]

مشاركة كلش حلوة اخي وتستحق الرد الحلو

صفن واعد انجوم ويدي على خدي
هم غربه هم فراق هم ولفي ضدي
::38::


انه شكثر شبان شفت على دربي


وغيرك ياحلو الطول ما حبه قلبي

[almohandes2007]

اسمر واخاف عليك من ممشى الغروب ... جاهل وبعده صغير ما يندل دروب

الله الله حلووو

[ابو عبد الرحمن الانباري]

ارد انشد العقال واهل العداله ... لو نشف ملح الزاد شنحط بداله؟

روعه هذا البيت بالذات تحياتي ابن الانبار

[علي عبود الكاظمي]

يتشابهم بالذوق ملحك وملحي-بس انه اللكبالزاد وانته اعله جرحي






الكاظمي

[علي عبود الكاظمي]

يتشابهن بالذوق ملحك وملحي-بس انه الك بالزاد وانته اعله جرحي
اسف لانني سريع الكتابه





الكاظمي

[علی الصائغ]

تسلم وعاشت ایدک عله

هل الدارمیات الروعه

تقبل مروری

[nono]

عاشت الايادي روعة

[CIA ALBAGHDADY]

*گلبي تشبعه بضيم أنا اللي ممنون ... بس لاتجافي الروح لو ولفك تخون*مو بالقلب بالروح رايد اخليك ** واكتب خطرممنوع محد يمر بيك*ملبوس الأسود دوم مو كلش يلوك...من تلبس الأسوديوم جا عزل السوك*ياما شفت حلوات بس انتي الاحلة ... يالعينج خضار دهوكومن غير كحلة*احمر شعر هواي والخصلة سودة ... يمشي بدلع من يفوت واللبسمودة*اسود لبسلي اليوم وحياني الاشكر ... والشعر نهر النيل والركبة مرمر*سب واشتم شمتريد يا ولفي اقبل ... ولا تظلم اني اهواك ومااريد تزعل
عاااااااااااااااشو لو هيج دارميات لو لا ............ تحــــياتي .

[عاشق كرة القدم]

هذا الجواب
العلامه يخوي صارت امامك
وخل الينام الليل يصبح هجامك

[عاشق كرة القدم]

حراميه يخوي همه الوزاره
وخل اليروح يروح ماضل مطاره

[اســير الحــب]

مشكورين على المرور العطر والجميل تحياتي للجميع

[مسك]

كُـــــــــــــــلهه حلوة... يسلم الذوق الي اختارهه.

[بغــ الحب ــداد]

روعة يا اسير الحب اليوم خليتنة نصير اسرى لكلماتك الجميلة
والله دارميات روعة مثل صاحبها
امنياتي لك بدوام الموفقية والابداع
مع خالص حبي واحترامي

[اســير الحــب]

الاخت مسك تحياتي لمرورك العطر والجميل ..... اســير الحــب

[اســير الحــب]

اخي العزيز بغــ الحب ـــداد تحياتي الك ولمرورك الي نور صفحتي واشكر على الكلماتك الجميله

[علي سلام البغدادي]

روعه حبي عاشت الايادي
كلمات ولا احلى

[علي سلام البغدادي]

عاشت الايادي
يسلمو