عراقية في الغربة (ان كنت عراقي اصيل ادخل واقرا)

[ابن الجادرية 2006]

كالوا شبيج دائما تبجين ومكتئبة
شكلج تحبين واحد وبي متعلقة
منهو هذا اللي تحبي ومخلي نار كلبج مشتعلة
كلت اني صح احب بس حبي مو حبي لبشر
انه احب العراق ابو الخير والطيبات والارض الخصبة
انه مو بس النار بكلبي مشتعلة
انه انذبحت وانجرح كلبي من اليوم اللي عفت العراق وعشت بالغربة
واتمنى ارجع واشم ريحة ترابه الطيبة
كالوا شوفوا هاي المخبلة
ادور على العراق لج يابة العراق مات هوة واهله
كمت ابجي واصيح باعلى صوت
لامايموت العراق لامايموت العراق لامايموت العراق لاما يموت العراق لامايموت العراق
لامايموت العراق ويضل عايش بطيبة اهله
العراق ابو الرافدين الفرات ودجلة بي ممتدة
لاما يموت العراق ويضل عايش بطيبة اهله
سنة وشيعة واكراد حطوا ايدهم بيدين بعض وصلوا صلاة العيد بالكعبة
لاما يموت العراق ويضل عايش بطيبة اهله
هذا العراق اللي شمت ترابه اطفي النار اللي بكلبي مشتعلة
اسمعوا زين
لامايموت العراق ويضل عايش بطيبة اهله
لامايموت العراق ويضل عايش بطيبة اهله

[Gray Wolf]

شاريد اكلك اخوية الغالي على هيجي كلمات روعة و الله صدك قهرتني مع الاسف عالعراق مع الاسف اي و الله الديصير
مشكووووووور يا وردة عالكلمات الروعة يا غالي

[الطيار العراقي]

مشكور ورده ابن الجادرية يعني شكولك بس انت كاتبه كافي هاي مو جديده عليك ورده
عاشت ايدك ياغالي

[جوري_88]

عاشت ايديك ابن الجادرية ... بس نصيحة مني لا تقهر نفسك لهالدرجة لان ترة اهل العراق و خاصة اهل بغداد اكثر من نصهم ماتوا و النص الباقي باقي على اعصابه ميدرون شنو القدر ضاملهم ... صحيح هي الغربه صعبة مليون بالمية بس احنه هنا عايشين ويه وحوش تذبح و تقتل ...والله والله على المآسي اللي شفتها بعيوني ثنيناتهن اتمنى من كل كلبي اطلع خارج العراق ..عالاقل اعيش ويه حيوانات (حشاكم ) ولا اعيش ويه وحوش ...
واعذرني لان طولت عليك بس صدك مايرضيني اشوفك مقهور لهالدرجة ...
مشكور ..

[ابن الجادرية 2006]

شششششششششششكرااااا على مروركم الغالي وانشالله يرجع العراق مثل قبل واحسن ونر جع كلنا

[وردة العشاق]

لامايموت العراق ويضل عايش بطيبة اهله
لامايموت العراق ويضل عايش بطيبة اهله


عاشت ايدك .........

[aliraqi wa bas]

طجع طجع طجع طجع وخر بالك لاتجيك طلقة وخر طجع طجع طجع ........... عاشت ايدك ابن الجادرية الوردة يمكن انت الغربة كلهة مبينة بيك ههههههههة دائما تكتب عن الغربة راح تصير جبران خليل جبران وتصير من شعراء المهجر بعد شتريد ههههههههة لاوالله عاشت ايد ياوردة .............................. العراقي وبس

[red rivier]

أتوكل بالله أبن الجادرية مو لهل درجة ألي تخليك تكتب على شعب بي واحد يعلس جيرانة لو يخطف كرايبة لان عندة فلوس لو جيران يخطف جيرانة

[aliraqi wa bas]

ريد رفر سالمين هي عايزهة بهارات السالفة ميخالف بابا ذولة كلهم زنجار العراقيين معدنهم اصيل ذولة غيمة سودة وتزول يجوز تطول صح بس مصيرهة تزول ونرجع احنة اهلة الصدكَ ونسوي احسن من ماجان .................. العراقي وبس

[red rivier]

والله يالعراقي و بس أحنا شنريد غير الواحد يحجي من حركة كلبة و أنشاء الله يرجع بلدنا مثل قبل و أحسن انشاء الله

[aliraqi wa bas]

ان شاء الله ان شاء الله بابا تفائلوا والله هي كلهة 40 لو 50 سنة ونرجع مثل ماجنة بس انتوا شدوا حيلكم هاي شبيكم متشائمين ؟ ............. والله ريد رفر شكَلج هو اني طفرت روحي للسماء وادري انه العراق انتهى بس مااحجي اكَول بلكي الله بيوم وليلة مثل ما رب العالمين سواها هيجي هو يرجعهة بس ان شاء الله العراق باقي باهلة وناسة الطيبيين ................................ العراقي وبس

[red rivier]

أكو مثل يكول شدتهة أول عشر سنين فاتت 3 و شوف شطد بقى

[aliraqi wa bas]

هههههههههههههههة والله حلوة شدتهة عشر سنين ؟ هو شظل من عمرنة احنة شنو الي شفنا علمود بعد ننتظر فد 6 سنوات لان اربعة الي راحت مو 3 احنة 2007 ومن جماعة غمظ فتح تخلص السنة ايه ايه ايه اكو الله راح نظل نول ول احنة ههههههة عبالك ارامل بس نشكي ونبجي 24 ساعة والله من الوضع يلة ذبيهة على الساطور وهي تصفى ................................... العراقي وبس

[red rivier]

أي والله صدك ذبهة على الساطور و هي تصفى