سؤال للمغتربين [الأرشيف] - دجلة نت ::: ملتقى شباب العراق

السفاح

09-16-2006, 03:51 PM

مرحبا اخواني انشاله تنتهي غربتكم ونشاله العراق يرجع الاهله احب اسأل شنو اكثر شي عجب المغترب بالبلد اللي هوه متغرب بي وما هو اكثر مكان يحن لرؤيته في العرق

ساسوكي شايل سيفه

09-16-2006, 05:11 PM

عجبني احترامهم الى شخص واكثر مكان مشتاق اشوفه هو الاعظميه

السفاح

09-17-2006, 05:00 PM

انشاله يا اخي تشوف الاعظميه والله يوفقك شكرا الك

ساسوكي شايل سيفه

09-17-2006, 07:29 PM

انشاله يا اخي تشوف الاعظميه والله يوفقك شكرا الك
مشكور حبي وانشاء الله الجميع يرجعون الى العراق ويشوفون بغداد الحبيبه::27::

النورس المغترب2006

09-18-2006, 11:25 AM

مثل ما كال اخوية ساسوكي احترامهم للشخص وما يحسسوك بان غريب عنهم هذا اكثر شي عجبني بيهم

شكرا على موضوعك الغالي::39::

السفاح

09-18-2006, 02:13 PM

شكرا الكم اخواني والله يوفقكم وترجعون للعراق بالسلامه

ورد جوووري

09-18-2006, 02:14 PM

والله احنه هنا بالامارات كلشي حلوووووووو وخاصة الامان

السفاح

09-18-2006, 02:42 PM

شكرا ورد جوري وتحياتي

بســ وطن ــمة

09-20-2006, 08:16 AM

متشددين هوايه بالمعاملات و هذا الي ما يعجبني بيهم

ೋ ياقوتـــة دجــلة ೋ

09-20-2006, 09:47 AM

بصراحة الامان بس عجبنا غير شي لاء

Sun of October

10-12-2006, 03:13 PM

على كد ما عشت بالغربة بس تبقى بغداد اللي تعجبني وبس .

asiacellgsm

10-13-2006, 11:25 AM

السلام عليكم ورحمة الله بركاته

الشي الي عجبني بالقطريين انهم طيبين وكرماء وما يحسسون العربي وبالاخص العراقي بانه غريب عن وطنه

واتمنى اشوف جامعة بغداد - الجادرية

عاشقة تراب العراق

10-13-2006, 06:12 PM

اي والله كثل ما تكولون اني عجبني بيهم احترامهم للشخص والامان

المغترب *العراقي

10-16-2006, 01:54 AM

اكثر شي هوة الامان بس الي احنلة هوة بيتنا واهلي
لان صارت رجعتنا بعيدة كلش ::27:: ::27:: ::27::

ا

The Promise

10-19-2006, 09:44 AM

كلشيء في اوربا يعجبني
شكرا لك

عـ ـ ـراقـ ـيـ ـة مغـ ـ ـتربـ ـ ـة

10-20-2006, 10:24 AM

انا بصراحة ماعجبني شئ ولو ان البلد اللي ساكنة بيه يكولون كلش حلو بس اني ماعجبني شئ بس السينما لو اروح الها لو ما اروح اما عن معاملة الناس فمجرد ان يعرفون ان انت عراقي يحذرون منك وما اعرف الاخوان ليش عاجبتهم امعاملة حتى بسوريا من كنت هناك كنا ندور شقة من يعرفون احنة عراقيين ماينطونياها بس ماكو احلى من العراق ومشتاقة الى الكرادة والمنصور باليل وكعدة الاهل برمضان ومشتاقة الى كل شبر بالعراق

dodo_1990

10-20-2006, 11:53 AM

والله اني لحد الان معاجبني شي بس شسوي غصبا علي ما اكدر ارجع بدون اهلي

واكتر مكان مشتاقة اله البصرة يالله يمتة نرجع::30::

زينة مطر

10-20-2006, 05:28 PM

اكثر شي احبه بهالبلد
ان الكهرباء والماي ما تنقطع
واكثر شي اشتاقله في بلدي
بيتنااااااااااااااااااااااا

Arch. Marwa

10-26-2006, 03:20 PM

اكثر شي يعجبني النضافة والامان والنضام ................ومشتاقة لكل شي بالعراق

سولانج

10-26-2006, 04:10 PM

معجبني ولا شي
واكثر شي احنه اشوفه هي بغداد دار السلام
شكرا على الموضوع الحلو
تحياتي

zoro

10-26-2006, 04:33 PM

::55:: شلونكوم شباب . اشكرك يا اخي على هذا السؤال الجميل ولكن مانلك مثل بغداد ام واحن الها ولاد وانشاء الله يرجع العراق عزيزا شامخا منتصرا ويرجع العراقيين الى بلدهم::55::

اميرة البصرة

10-26-2006, 05:02 PM

السلام عليكم ...

اني اكثر شي عجبني التقدم والتطور بس اعتقد بغداد جان بيها هذا الشي قبل الحرب

واللي معجبني انهم متشددين كلش هوايه (مثل ما كالت بسمة وطن) ...

واتمنى بأقرب وقت ارجع للعراق

القيسي/ ابن المنصور

10-26-2006, 05:19 PM

صحيح الدول الغربيه حلوه و تخبل بس احنه المغتربين محاسين هذا الشي يعني ماكو اي شي حلو بعيوني اني!!!

اريد اشتم ريحة ترام العراق الحبيب فقط!!1

تحياتي و الف شكرا على الفكره

norlasal

10-29-2006, 03:58 PM

بس الامان ولو يصير بالعراق العراق يصير جنة

رماد الذكريات

10-29-2006, 04:55 PM

والله يابة بغداد وبس والحمد لله على كل حال .مع العلم الحمد لله احنا هنا تعاملهم حلو ويحبونا بس بيت الشعر اللي كالة الشاعر هوة يفسر كلشي.
بلدي وان جارت علية عزيزة
واهلي وان شحوا عليّ كرام

زيد العزاوي

11-01-2006, 02:24 PM

سؤال حلو ومهم..مهم لان لازم نعرف شنو الاسباب اللي خلتنا نختلف عن البلدان اللي متغربين بيها..اني مقيم بالامارات..وبصراحة..اكثر شي عجبني..انه رجعت احس اني اعيش مع بشر..اني تركت العراق بعد الغزو باشهر..وكانت الناس تحولت الى وحوش..وانفقد النظام..وصار البلد مثل الغابة..تصوروا..اول ما طلعت رحت للاردن..وضحكت من شفت الناس تلزم طوابير حتى تصعد (السيرفيس) مثل الكوستر ببغداد..ورحت وكفت بس في سبيل احس بالنظام اللي نفتقده بالعراق..وماكو داعي احجي عن النظام هنا بالامارات..لان اتصور كلاميمرح يضيف شي للحقيقة..المهم..خلي كلنا ندعي لبلدنا يصير منارة وقدوة للكل..

بــدر الزمــان

11-01-2006, 04:53 PM

مرحبا اخواني انشاله تنتهي غربتكم ونشاله العراق يرجع الاهله احب اسأل شنو اكثر شي عجب المغترب بالبلد اللي هوه متغرب بي وما هو اكثر مكان يحن لرؤيته في العرق
السلام عليكم
نأمل ان تأتي اللحظة التي نعود فيها الى ارض الوطن فقد قتلتنا الغربة واحرقتنا نار الشوق الى اهلنا وبلادنا.
انا عشت في بعض دول العالم وزرت دول اخرى.
لكن بالنسبة للبلد الذي اعيش فيه حاليا فهناك الكثير من الامور التي اعجبتني واهم شئ احترامهم للانسان بما هو انسان..الى درجة انا كمغترب لم اشعر يوما بينهم اني مغترب..
وكذلك اعجبني فيهم اخلاقهم الجميلة فيما يخص التعامل مع الاخر
وقاعدة " ان لم تؤذ الاخرين فلن يؤذيك الاخرون"
لكن مع هذا فان هذه الامور وغيرها لم تبرد حرارة الشوق الى بلدي وما زلت انتظر هذه اللحظة بفارغ الصبر
فادعوا لي فان الدعاء من افواهكم جواهر

تحياتي لكم

mshmshon

11-01-2006, 05:09 PM

هلو شباب وبنات المغتربين اتمنى من قلبي ان تستمتعون بحياتكم برة وتعيشون مرتاحين مو مثلنا اهنا عيشوا حياتكم بكل لحظة بيها حتى لو كانت مرة بسبب الغربة الله يصبركم والعراق من تتحسن ظروفة ينتظركم تقبلوا تحياتي الكم (اختكم مشمشون)

my love for ever_enrique

11-05-2006, 02:00 AM

احترامهم و تطورهم

my love for ever_enrique

11-05-2006, 02:00 AM

::55:: احترامهم و تطورهم

مياسين

11-07-2006, 12:31 AM

والله هنانه اكثر شي عجبني رمضان لان هنا الناس برمضان تبقه للصبح كاعده والمحلات مفتحه وتحس كلشي حلو برمضان يعني صراحة جو رمضان بليبيا يخبل واتمنى ارجع لبغداد واروح العصر اتمشى ب14 رمضان

((((لورين العراقيه))))

11-15-2006, 09:34 PM

والله اني حبيت ال لبنانيين لان يحبون مريم العذراء

و اكثر مكان مشتاقتلة شارعنا واهلي وناسي

حب اشوري

11-16-2006, 07:33 AM

كتكوتة طافرة روحي

11-16-2006, 01:16 PM

اكثر شي عجبا بالبلد المتغربين بيه هوالامان اكثر مكان مشتاقتلة ببغداد هية البلديات والمشتل

كتكوتة طافرة روحي

11-16-2006, 01:23 PM

احنا بتركيا اجة رمضان وخلص محسينا بيه يعني كل الف
واحد بيهم لو خمسة لوستة صايمين مواكثر
ان شاء الله رمضان اليجيى كلنا ببغداد والله كريم

ೋ ياقوتـــة دجــلة ೋ

11-16-2006, 01:49 PM

اكثر شي عجبا بالبلد المتغربين بيه هوالامان اكثر مكان مشتاقتلة ببغداد هية البلديات والمشتل
::1:: ::1:: ::1:: ::1:: ::1:: ::1:: ::1:: ::1:: ::1:: ليش متسكتين::2:: كتكوتة

رج اجي اموتجhttp://smileys.smileycentral.com/cat/F/1/423p.gif

لينا البغداديه

11-16-2006, 02:30 PM

اني اكثر شي عجبني هو كثرة العراقيين الي ببيه واكثر شي احن اله هو الاعظميه

The Promise

11-16-2006, 03:07 PM

اني اكثر شي عجبني هو كثرة العراقيين الي ببيه واكثر شي احن اله هو الاعظميه
تصدقين باخر زيارة الي لمصر سنة99 وقبلها رحت مرة سنة 97 كانوا يتعجبون من اقللهم اني عراقي لان نادر العراقي اهناك رغم اني كنت سائح وبجواز اوربي !!!! الشعب المصري طيب وحبابين اغلبهم
شكرا

FluidMan

11-16-2006, 04:04 PM

بسم الله الرحمن الرحيم ..
هاي اول مشاركه الي بهذا المنتدى الحلو ..
بالنسبه الي انا مقيم بليبيا صارلي 11 سنه تقريبا .. و اكثر شي عجبني بهذا البلد هو التعامل بين الناس بثقه ...و الأمان و الخير الموجود بهذا البلد ..
و برود اعصاب اهله و عدم اهتماهم العجيب اللي يخليهم يعمرون سنوات طويله بدون ما تتعب اعصابه ..

يمعود صدك تحجي
اني اجيت قبل 3 سنين

اشو كل الي حجيتة شفتة بالعكس الناس عصبيين والليبيين ابد ماعندي ثقة بيهم بالعكس نصابين وحيالين

والأمان مو بالشكل المضبوط يعني مو مثل الأمارات هسه اني اذا انام وبابي مفتوح لصبح ماكو شي

بس ليبيا ما كنت احس بيها امان

دينـا البغداديـّة

12-02-2006, 10:04 PM

بصراحة اني مقيمة بين كندا وعمان...
من اروح لكندا مااحس بأي غربة
لان بلدي الاول الي انولدت بيه وبلد امي لان امي كندية..
بس من ارجع على عمان احس بغربة صدك بالرغم من انو هية
بلد عربي وقريبة على بغداد بس متعجبني بس شسوي لان شغل بابا في عمان
بس ماكو احلى من بغداد بلدي الثاني بعد كندا
وانشاء الله نرجع كلنا ...
شكرا على الموضوع...

بغداد وحشتيني

12-03-2006, 06:36 PM

والله كلشي مو بعينة احنة العراقيين
عجبني بس الامان مثل مكالوا اخوتي

واحشتني بغداد كلها

فـارس العـراق

12-03-2006, 10:28 PM

الي عجبني هو الامان والتنظيم بالسير يعني المرور يعني على ادنى شغله مخالفة ورادارات السرعة وشتريد اكو
واكثر شي احن له بالعراق بـغـــــــــــــــــــــــــــــــــــــــــــــــ ــــــداد

مثنى الصيدلاني

12-07-2006, 09:10 PM

كلشي عجبني بالغربة المشكله يذكرني بالعراق واتنغص كلش كلش لكلمن عرفته بالعراق فما ارتاح ابد.....المهم الحجي بها الموضوع طويل اكثر مكان مشتاقله بس اشوف الكاظمية بعيني حتى لو بالحلم!!!