اسباب اندلاع المقاومة بالانبار في بداية الاحتلال

[ابو قيصر]

شلون الشباب الكثير من الشباب دائما يجوز يسال اسئلة منها ....
اولا ليش المقاومة بالانبار بدت و لحد الان
زين هم ما انطوا مجال للامريكان يجوز نواياهم حسنة
طيب و ليش الفلوجة خاصة صارت بيها حربين حتى يسيطر عليها الاحتلال
هاي الاسئلو اكدر اجاوبكم عليها باختصار
المقاومة صارت بمراحل من دخلوا الامريكان للفلوجة اخذوا مدرسة وكعدو بيها و طلعوا من اول يوم حقراء و ساقطين لان جانوا يسكرون و يعتدون على العالم الي بيوتهم قريبة ..
بعدين الناس طلعوا مضاهرة الكل يذكرها ضدهم بس هم ضربوهم و قتلة حوالي 10 من بينهم واحد صديقي ..
بعدين تازم الوضع و كل يوم مضاهرة و كل يوم يقتلون كم واحد الى ان زاد الحقد عليهم
بيوم من الايام بالليل صارت اول ضربة للامريكان بالقاذفات على مقرهم بالشارع العام و صارت هوسة و العالم تحجي الامريكان انضربوا و بدت الروح الحماسية تصعد و الناس تاييد الي يضرب الامريكان شوية شوية الى ان زادت العمليات و صارت تشكيلات للمقاومة و كبرت و اشباب انضموا وياهم
صارت الفلوجة ساحة معركة كل يوم ويه الامريكان...
الى ان سيطر المسلحون على الفلوجة و طلعوا منها الامريكان و كطعوا عليهم الطريق الدولي السريع من الضرب و القصف بالهاونات و العبوات
العلوج شافوا السالفة بعد ما تصرف لازم يسيطرون عليها و بدت معركة الفلوجة الاولى بس هم ما حسبوا حسابهم زين لان ما تصورم بهاي الفترة يكبر حجم المسلحين و تزداد قوتهم و سلاحهم
لذلك ما كدروا يسيطرون عليها و لا يدخلون شبر انوب بذاك الوقت اشتعل العراق كله و جيش المهدي هم صار بوجهم و صارت ملحمة فعافوا الفلوجة الى ان يرتبون وضعهم
بقت الفلوجة دولة وحدها لمدة 9 اشهر خلال هاي الفترة الامريكان سيطروا على سامراء و النجف و كربلاء هاي بزمن حكومة علاوي و بقتها بوش كال لازم نسيطر على الفلوجة اهم شي لان الارهاب منها على حد تعبيره
المهم عدوا العدة و جهزوا جيش و الله ضخم عبالك مو فلوجة العراق كلة مو هيج
و صار الانذار و طلعت الناس من بيوتها و صار الهجوم الي دمر الفلوجة و سواها تراب و القتلى هوايا
و ما اريد احجي بعد

هاي مختصر مفيد
و ترقبوا خطة احتلال الفلوجة سياسيا و عسكريا ......
ابو قيصر

[القديس بغدادي]

يا مقاومة هاي؟
مو الاميركان دخلوا للانبار بدون ما يضرب اهل الانبار طلقة وحدة ضد الاميركان...

[controller_22]

لا قديس ترة انت متوهم اكو مقاومة
يعني شتسمي اللي دا ايفجر نفسة على الناس الابرياء غير مقاومة
و لو اكو ناس ايفصلون بين اللي على الامريكان و اللي على الناس
بس همة نفسهم اللي دا ايفجرون بس اذا ماكو شغل يعني ماكو مركز تطوع او فرن صمون او اي تجمع قريب عليهم ايروحون على الامركان غير ايحللون خبزتهم

[عمر ابن العراق]

[QUOTE][يا مقاومة هاي؟
مو الاميركان دخلوا للانبار بدون ما يضرب اهل الانبار طلقة وحدة ضد الاميركان.../QUOTE]
يعني راح أجاوبك على هالشي اللي تكولة..أول شي الهزيمة أتتنا من الجنوب..وألأمريكان دخلوا من الجنوب وغدر من غدر بما تبقى من الجيش العراقي وضربوه من الظهر..ثم ان بغداد التي هي عاصمة العراق سقطت قبل ان يصل لأمريكان للفلوجة وألأنبار..فهل تريد من الناس ان تدافع وترفع السلاح بعد سقوط العاصمة..وكان الناس في وقتها مذهولين ولم يصدقوا ما حدث ولم تكن هناك قطعة سلاح واحدة للمقاومة ولم يكن هناك جيش في مناطقنا.زفأن المر كان منتهي وقتها فأجتمع العلماء وترائوا فيما بينهم ان من غير المصلحة الوقوف بوجه ألأمريكان بدون جيش أو سلاح أو غيره ودخل العلوج ثم حصل ما حصل ولله الحمد..انت عندما تسأل أي مقاومة راجع سجلات خسائرهم وأنظر هل يقتلون في مدينة الصدر أم في ألأنبار؟؟

[iRaQi SoN]

حيالله ابطال الفلوجة النشانة وحيالله الانبار وحيالله المجاهدين الاشاوس..وليخسئ العملاء
موضوع ولا اروع ..وما عليك من حجي الغير..

[huthaifa]

يعني انتوا لا تقاومون ولا تعترفون بالمقاومة
قللكم الولد انه قاموا يعتدون عليهم
يعني شلون يبوسون ايدهم ويقولولهم لا وما ادري شنو
ما من وراهم الامريكان الا المشاكل
ولازم الواحد يقاومهم
والامريكان ما فاتوا للانبار بسهولة

[l_u_a_y]

يا مقاومة هاي؟
مو الاميركان دخلوا للانبار بدون ما يضرب اهل الانبار طلقة وحدة ضد الاميركان...

تشكلت المقاومه .. بعد أحتلال العراق .. .. .. وعلى كلامك ... أن أنت ترضى جندي أمريكي وسخ ... ينظر من منظاره العفن ... على عائلتك وعرضك ...

[سماء البصرة]

المقاومة صارت بمراحل من دخلوا الامريكان للفلوجة اخذوا مدرسة وكعدو بيها و طلعوا من اول يوم حقراء و ساقطين لان جانوا يسكرون و يعتدون على العالم الي بيوتهم قريبة ..
بعدين الناس طلعوا مضاهرة الكل يذكرها ضدهم بس هم ضربوهم و قتلة حوالي 10 من بينهم واحد صديقي ..
بعدين تازم الوضع و كل يوم مضاهرة و كل يوم يقتلون كم واحد الى ان زاد الحقد عليهم
ابو قيصر

مع احترامي لاهالي الفلوجة وتقديري لمعاناتهم ..بس مقاومتهم بدأت مو لانهم امريكا احتلت العراق بس غيرتهم علي بيوتهم ونسوانهم كانت اكثر اهمية وهاي طبيعي باعتبار العراقي صاحب غيرة ..وهاي اتذكرها حادثة الامريكان من جانوا يطلون علي البيوت والنسوان بالبيوت

وبعدين العرب اللي دخلوا العراق بزمن صدام علمود يجاهدون لكوا في الفلوجة احسن فرصة وظلوا بيها وصارت الحماسة والهوسة وكالوا مقاومة من اجل العراق كله

انا هسه وياك من حقهم والف حقهم يطردون الامريكان من مدينتهم ومن بلدهم ..بس مو من حقهم يأوون ارهابيين يقتلون بقية العراقيين ..ومثل ما الهم الحق بحماية انفسهم احنا هم النا الحق بحماية انفسنا

[سماء البصرة]

[quote][يا مقاومة هاي؟
مو الاميركان دخلوا للانبار بدون ما يضرب اهل الانبار طلقة وحدة ضد الاميركان.../QUOTE]
يعني راح أجاوبك على هالشي اللي تكولة..أول شي الهزيمة أتتنا من الجنوب..وألأمريكان دخلوا من الجنوب وغدر من غدر بما تبقى من الجيش العراقي وضربوه من الظهر..


العفو ..بس حسب ما اذكر ..انه ام قصر والبصرة صمدوا اكثر من غيرهم تقريبا اسبوعين ..فاي هزيمة اجت من الجنوب ؟ اشقد تريدها تصمد بعد ؟ اجوها من البحر والجو والبر

بغداد سقطت بيوم ونص ..منو سملها الهم ؟ منو جان قائد الجيش في بغداد ؟؟ انت كلي ..وليش العاصمة سقطت بهاي السرعة ؟ القيادات العليا في الجيش حسب معلوماتي المتواضعة كانت كلها لآل التكريتي والحرس الجمهوري ..وين راحوا كلهم ؟؟ جم الف واحد منهم ؟ وين اختفوا بيوم وليلة ؟

[القديس بغدادي]

عمر العراقي:اني هسة اكولك الجنوب شنو سوة...ام قصر تقاوم بنفس الوقت الذي تم اسقاط الصنم به في بغداد...الناصرية تقاوم بالوقت اللي يدخل الاميركانالانبار بدون اطلاق اي طلقة...اهالي الجنوب يقاومون بالوقت اللي الموصل لا تطلق اية طلقة بعد تعهدات مشعان الجبوري ببقاء الوضع على ما هو عليه...راجع خطق العراق العسكرية قبل الحرب و شوف الجيش وين متمركز؟ الجيش متمركز على الاماكن الشرقية لانه كان يخاف من ايران...الجنوب قاوم برغم عدم وجود اي سرح لديه...ذولي مو صدك مقاومة بس همة جكانوا بالحكم وطلعوا منه و هذا السبب الحقيقي يعني لا وطنيين و لا مقاومة

[ابو تراب اللامي]

يمعود يا مقاومة كلة حرااااااااااااااااامية وسكارة ويدعون اللاسلام والاسلام منهم براء

[j.u.b.a]

عاش بناء الانبار الابطال
الله ينصرهم

[tATy_ юЛЯ]

العفو ..بس حسب ما اذكر ..انه ام قصر والبصرة صمدوا اكثر من غيرهم تقريبا اسبوعين

تعرفين ليش صمدت ؟؟

لان كان ماسك الجيش

علي حسن المجيد

قائد المنطقه الجنوبيه

بحسب تقسيمات الرئيس السابق صدام حسين

مو بقوة اهلها صمدت أم قصر

بقوة الجيش العراقي الباسل و قادته خيتي

راجعي الملف زين

بعد تعهدات مشعان الجبوري ببقاء الوضع على ما هو عليه

هههههههههههههه

أهل الموصل أشاوس لا مشعان و لا غير مشعان يتحكم بيهم

الجنوب قاوم برغم عدم وجود اي سرح لديه

هههههههههه

أول مشهد شفته عن الجنوب

لما هذا الرجال البدوي ... ( يستضيف الجنود المحرريين )

بخيمته و بوسط نسوانه

بس همة جكانوا بالحكم وطلعوا منه و هذا السبب الحقيقي يعني لا وطنيين و لا مقاومة


يا حكم أخي

35 من مجموع 55 المطلوبين لدى القوات الأمريكيه المحتله من الحكومه العراقيه هم شيعه

يا حكومه

هو الشخص يقاتل الا للحكومه

أخي أصحووووووووووووووا

مو حتى اليهود أقروووا بوجود المقاومه

أصحى يا ضمير أصحى .............

الله و أكبر على كل خائن

الناس تقتل بالمئات يوميا

و الأخ يقووول حكم يا حكم أبووويه

روووح شوف خيرات اليهود و الفرس علينه رووووووووح

رووووووووح شوف


( حسبنا الله و نعم الوكيل )

[j.u.b.a]

مع احترامي لاهالي الفلوجة وتقديري لمعاناتهم ..بس مقاومتهم بدأت مو لانهم امريكا احتلت العراق بس غيرتهم علي بيوتهم ونسوانهم كانت اكثر اهمية وهاي طبيعي باعتبار العراقي صاحب غيرة ..وهاي اتذكرها حادثة الامريكان من جانوا يطلون علي البيوت والنسوان بالبيوت

من قتل دون ماله فهو شهيد من قتل دون دمه فهو شهيد من قتل دون اهله فهو شهيد

[سامرائي الى الابد]

من قتل دون ماله فهو شهيد من قتل دون دمه فهو شهيد من قتل دون اهله فهو شهيد


اخي انتا مع احترامي الاخوه مادري ليش دينكرون اكو مقاومه ::27:: ::27::

ولكن نقول لاحول ولاقوه الا بالله العلي العظيم

[tATy_ юЛЯ]

اخي انتا مع احترامي الاخوه مادري ليش دينكرون اكو مقاومه ::27:: ::27::

ينكرون شنوووو ...... المقاومه بعملياتهم و بتضحيتهم و بصبرهم و بعدد القتلى الأمريكان يعترفوون

و هم الممنونيين

ما ألك شغل بكلام العملاء

العميل الي يحتمي بالمحتل

يرفض قتله

لانه يحمي من نيران الشرفاء

http://forums.dijlh.net/images/icons/999.gif

لا تنسى هذا الدعاء

اللهم ثبت أقدام المجاهدين

الله ثبت أقدام المرابطين

اللهم سدد رميهم و قوي عزيمتهم

و أنصرهم على أعدائهم

اللهم أميـــــــن

[سامرائي الى الابد]

حياتي رامي اني مكلت ماكو بس ليش ديغالطون انفسهم

ثاني كلشي ديصير موضوع بااسم المقاومه اكو بعض الاعظاء يكولون هاي مقاومه بعثيه وصداميه وو الى اخره يعني شنو معناه اريد افتهم