البوح بما في الصدور

[brave heart]

السلام عليكم :

إذن جاء دوري في فتح استراحة...
احترت كثيرا ولم يخطر ببالي تماما ماذا سيكون موضوع هذه الاستراحة..

...تذكرت شيئا يسمى "البوح" وكثيرا ما ننساه!!
...البوح عتبة شخصية لا يتسطيع تخطيها الكثيرون..
البوح حاجة أكيدة نكتمها بصدورنا في كثير من الأحيان!!
ماذا فاتكم من البوح يا ترى؟!
ماذا انتظرنا من بوح الآخرين ولم نحصل عليه أو حصلنا عليه في غير وقته؟!

..لا أريد أن أطيل عليكم لأن ولا يسعفني الكلام دوما حين أريد الكلام لذلك لعلي لست ممن ينجحون في "البوح"!!

..بوحوا بما شئتم يا رفاق..
بوحوا بكل ما لم تستطيعوا البوح به يوما ولا زال يؤرق وجدانكم!
وجهوا رسائلكم لمن سيسمعها أو لمن لن يسمعها أبدا..
ومثل ما گال سباركس (خلي نگضي وكت شوية)

[® Sparks Man]

موضوع روعه ويخبل وصدك افضل طريقه للترويح عن النفس هو اخراج مافيها من هموم وتفريغ حمولها ..
يعني اني هسه احس روحي مكتئب من الوضع لان افتقد اصدقائي .. افتقد ايامنه الحلوة الي مرت ..افتقد ضحكاتنه سوى طلعاتنه سوى افتقد كل شي .. شعهد على ايامي وكلشي جان بين ايديه .. لان اغلب اصدقائي سافروا والي اشتغل والي راح لغير محافظه والله كريم

[omnyaa]

اني لازم ابوح اني جرحت انسان واني اعرف انه هذا الانسان راح يقرأ هذا الرد
بس ليروح بالكم بعيد الانسان ممكن يكون ولد او بنيه
وان شاء الله راح تنقري هاي الكلمات واضيف شيء مهم اني اعتذررررررررررررر

[abo sheba]

روعه والله عاشت ايدك حبي
ومثل ماكال علاوي فرقة الاصدقاء
من اكثر مااعاني حاليا
يعني علاوي صار يمكن 4 اشهر واني ماشايفك والحال اسوأ
وين الايام الحلوه ...... ياربي نرجع مثل قبل

[maythem]

والله موضوع حلوووو
جفت اقلامي وانا اكتب جروحا كان بوسعي ان اتلافاها بكلمة او اقل من كلمة اتاسف على ما جرى في الماضي على ما جرى على حرفين كانا سيخففان عبئ الزمان لكن من هنا استطيع ان اقول ما فات قد مات وعليك بالحاضر واي حاضر حاضرنا صحيح كلامي مبهم لكني خففت كثبرا عن ما في صدري ن ضيق وشكرا على الموضوع الجميل وخير ما اختم به الكلام الحمد لله رب العباد وصلاة وسلام على محمد واله ومن اتبعه باحسان ورضي الى يوم الدين

[lulwa]

بصراحة الموضوع كلللش حلو ::51::
بس يمكن صعب للبعض انو يبوحون .............
ياريت لو اكدر ابوح عن الي بداخلي بس هالشي كلش صعب بالنسبة وماادري ليش.؟؟
يمكن اني عكس سباركس حاليا الي مكئبني انو ماكو شي حلو نتذكره من نتخرج عكس المتخرجييين مسبقاً.
شكرا على الموضوع الحلوووو وان شاء الله الكل يكدرون يبوحون بالي زاعجهم

[دلوعه بغداد المحتلة]

اول شي اشكرك عالموضوع

اني اكو بقلبي موضوع واريد احجي بي بس اخاف اجرحة للشخص لهذا راح اضل محتفضة بي حتى لاينجرح

[A M K]

مثل مكال سبارك وابو شيبه
اصدقائي
والايام الكنت افتر بيها في بغداد براحتي
بس شنسوي
قدر مكتوب

[نور الشمس]

والله المشكله اكو ناس تكدر تبوح اللي بداخلهه بس اني مااكدر ابوح مافي داخلي من ضيق او حزن وابقه اكتمه بقلبي الى ان انفجر واكوم ابجي فأخفف عن نفسي بالبجي
تسلم الموضوع كلش حلو