The Silent Man
12-28-2006, 01:28 AM
تعليم الطبيخ حتى لو في المريخ !! للرجال المضطهدين !!!
السلام عليكم !
و اخيرا !!! اجا عصر التحرير و الفيدراليه المطلقه ! لا تخافون ! مو سياسه لانه السياسه تنتل !!! اني من المدافعين عن حقوق الرجال المهضومه و اللي محد يسأل عليها لانه احنا الرياجيل فد حبااااااابين ::2:: و طيبين (ويا الزلاطه نصير اطيب::14:: !!) ! , فاذا مثلا كنت متزوج و الله يسا....::32:: اقصد الله يبارك بزواجك و طبعا و اكيد راح يجي يوم من الايام تجي و تلكي مرتك ((مطنكره::47:: !!)) و تقولك ما بيا حيل اسوي اكل ::45:: !! شراح تسوي::19:: ؟ همينه تروح لاقرب ابو فالح ابو عمبه و فلافل تطيح حظك ::10:: !!!
هسه !! حان وقت توديع ايام الفلافل و العمبه ::23:: !!! اهلا و سهلا بالطبخ الرجالي الرفيع ::23:: !!
من اليوم راح نبتدي سلسله تعليم الطبخ ولو بالمريخ !!! فاليوم راح نتعلم الطبق الاساس لكل العراقيين و اليابانيين::52:: !!! اكو غير التمن ! يلا نبتدي بأسم الله :
المقادير :
تمن (لكل شخص كوب ! بس اذا كنت مصارع سومو ف( 10 )اكوابه ::6:: !!!!!)
ماي!!(لانه اكيد الماي مكطوع فلازم تكعد من الفجريه و تحاول تجمع فد دبه (دبه مال موصل ::17:: !!!) ماي !
كرصه ملح!!(ما نلتزم بالرسميات الطيخ السخيفه مال النسوان ::12:: !!مال ضعي 50 ملغرام ملح !!! شعدنا ؟ رياضيات و تعال قسم شكد يطلع !!!!!)
زيت (فد خاشوكتبن اكل ! ثلاثه !!! بكيفك بعد ! بس لا تخلي البطل كله ! مو يصير بأبوك سكته قلبيه ! اني يصير بيا سكته جيبيه ::33:: !!!)
شلون تسوي التمن ؟ :
روح للكونيه مال التمن و اخذلك كوب أو كوبين (حسب جوعتك أو يجوز تعزم واحد مسكين مثلك ::29:: !!)
و جيبلك فد جدريه و تعال اغسلها ! لانه اكيد بسبب طنكره الهانم اكيد الجداري كلها وسخه ::28:: !!! فهنانا تطلع فائده دبه الماي ! روح افتح جيس تايت مال حصه اذا كانت اكو بالحصه تايت أو اذا ماكو فأنت دبرها لانه الموضوع مال طبخ مو مال ست البيت ::28:: !!
وبعدين خلي التمن بالجدريه (لعد وين تخليه ؟ ببيت الجيران ::8:: ؟) و اذا حالفك الحظ و اكو وطنيه شغل الموطور و اغسل التمن فد مرتين أو ثلاثه الى تشوف لمن تغسل التمن انه لونه شويه يصفى و تكدر تباوع التمن اذا غمرته بالماي ! (اذا ماكو وطنيه و كالعاده وابو المولد ما راح يشغل الا فوق 5 ! فاستغل دبه الماي :20:: !)
بعدين اغمر التمن بمقدار انج(اذا جنت مطفي بالرياضيات فالمقدار هو تقريبا شويه فوق اضفر ايدك )
بعدين خلي كرصه الملح (شويه كرصه محترمه لابسه قاط !! )
وراها (حسب رغبتك!!) اذا تريد تسوي التمن اصفر فخلي كركم (مو تخليلي عمبه ::31:: !!!) فد خاشوكه مال اكل زينه , و اذا تريد تسويه احمر فطبعا تخلي معجون اسنان ! اقصد معجون طماطه ! (اذا تريد ازرق اخضر فياريت تجرب و تقوللنا !!!) يعني فد خاشوكتين (بصراحه ما مجرب لون الاحمر للتمن !! ليش ؟ بكيفي !)
وراها روح جيك الدبه مال الغاز لانه يمكن خلصانه (الله الستار!!الدبه صايره 25000 الف دينار ::33:: !) , اذا مو خلصانه فكلش زين ::49:: ! , فخلي التمن على النار و جيب الشخاطه بس راح تلكيها خلصانه(طبعا اذا جنت من جماعه حب جكاير علج ::26:: !!) ! المهم اشعل الطباخ بأي طريقه , بعدين قلب التمن بين فتره و فتره , و لمن يجف الماي مال التمن خفض النار اللي جوه تمن (خفضها مو تطفيها!)
بعدين تكدر اهنانا شويه تروح تقلب الستلايت , بس لا تشوف لا جماعه الروتانا و لا الميلودي ::237:: ! لانه يمكن ريحه الشعواط توصل للصين و انت داتشوف حضره جناب اليسا و نانسي ((جعرم )) ! (هسه دشووف سبيس تون و ام بي ثري مثلي ! شوف توم & جيري ! والله احلى شيء بالستلايت ::39:: !) و روح جيك التمن بين فتره و فتره و قلبه !
لمن يوصل التمن لمرحله انه تلكي حبايه التمن ما تنكسر و انما شبه تذوب , ابشر و هلل و مبروووووك ! شايف خير و مستاهله ! صار التمن و روح اغسل فد ماعون لانه اكيد ما منظفه من ليل البارحه !
صبلك ماعون بس بقى شتخلي على التمن أو شتاكل وياه !! بسييييطه ! روح اشتريلك علبه سمك لو سردين (ميلو) اللي سعرها من (650 – 750) أو تونه (زهور , سيبلو , امريكانا(حاره بارده بكيفك) اللي سعرها يتراوح من (1000 – 1500) و لو تاكلها بارده أو تكليها و بعد بكيفك !
بالاخير , بعد هالدوخه ! يا اخويا عندي طريقه اخرى احسن لتسويه التمن و بسيييطه للغايه ! روح لمرتك العزيزه و قوللها (((اني متأسف ! انتي كل اللي عندي و ما عندي غيرج ! انتي كل روحي و مالكه قلبي ))) ! هسه الا يظل خشمك يابس و تقول اني انزل روحي لحرمه ؟ لك هذي تعبت روحها علمودك و تركت اهلها و بيت ابوها اللي جانت بيه معززه مكرمه كله علمودك لانها ما حبت غيرك ! و انت لا تنسى انه كل بنيه هيا مرهفه الاحساس ورقيقه الطباع فشويه دير بالك عليها!!! , مو حتى نبيك افضل الصلوات و التسليم عليه قال ((رفقا بالقوارير)) و القاروره الشيء الرقيق النازك ! يعني حتى ما قال (صلى الله عليه و سلم) بالنساء ! قال قوارير , المهم صالحها هسه تلكيها مسويتلك ارقى صينيه و بالهنا و الشفا !
سلامي الحار للجميع و اعتذر انه تعبتكم بالقرايه ويايا بس هذي صدك طريقه طبخ التمن و قريبا راح انزل طريقه طبخ الدجاج و بعده انواع فصبرولي !
السلام عليكم !
و اخيرا !!! اجا عصر التحرير و الفيدراليه المطلقه ! لا تخافون ! مو سياسه لانه السياسه تنتل !!! اني من المدافعين عن حقوق الرجال المهضومه و اللي محد يسأل عليها لانه احنا الرياجيل فد حبااااااابين ::2:: و طيبين (ويا الزلاطه نصير اطيب::14:: !!) ! , فاذا مثلا كنت متزوج و الله يسا....::32:: اقصد الله يبارك بزواجك و طبعا و اكيد راح يجي يوم من الايام تجي و تلكي مرتك ((مطنكره::47:: !!)) و تقولك ما بيا حيل اسوي اكل ::45:: !! شراح تسوي::19:: ؟ همينه تروح لاقرب ابو فالح ابو عمبه و فلافل تطيح حظك ::10:: !!!
هسه !! حان وقت توديع ايام الفلافل و العمبه ::23:: !!! اهلا و سهلا بالطبخ الرجالي الرفيع ::23:: !!
من اليوم راح نبتدي سلسله تعليم الطبخ ولو بالمريخ !!! فاليوم راح نتعلم الطبق الاساس لكل العراقيين و اليابانيين::52:: !!! اكو غير التمن ! يلا نبتدي بأسم الله :
المقادير :
تمن (لكل شخص كوب ! بس اذا كنت مصارع سومو ف( 10 )اكوابه ::6:: !!!!!)
ماي!!(لانه اكيد الماي مكطوع فلازم تكعد من الفجريه و تحاول تجمع فد دبه (دبه مال موصل ::17:: !!!) ماي !
كرصه ملح!!(ما نلتزم بالرسميات الطيخ السخيفه مال النسوان ::12:: !!مال ضعي 50 ملغرام ملح !!! شعدنا ؟ رياضيات و تعال قسم شكد يطلع !!!!!)
زيت (فد خاشوكتبن اكل ! ثلاثه !!! بكيفك بعد ! بس لا تخلي البطل كله ! مو يصير بأبوك سكته قلبيه ! اني يصير بيا سكته جيبيه ::33:: !!!)
شلون تسوي التمن ؟ :
روح للكونيه مال التمن و اخذلك كوب أو كوبين (حسب جوعتك أو يجوز تعزم واحد مسكين مثلك ::29:: !!)
و جيبلك فد جدريه و تعال اغسلها ! لانه اكيد بسبب طنكره الهانم اكيد الجداري كلها وسخه ::28:: !!! فهنانا تطلع فائده دبه الماي ! روح افتح جيس تايت مال حصه اذا كانت اكو بالحصه تايت أو اذا ماكو فأنت دبرها لانه الموضوع مال طبخ مو مال ست البيت ::28:: !!
وبعدين خلي التمن بالجدريه (لعد وين تخليه ؟ ببيت الجيران ::8:: ؟) و اذا حالفك الحظ و اكو وطنيه شغل الموطور و اغسل التمن فد مرتين أو ثلاثه الى تشوف لمن تغسل التمن انه لونه شويه يصفى و تكدر تباوع التمن اذا غمرته بالماي ! (اذا ماكو وطنيه و كالعاده وابو المولد ما راح يشغل الا فوق 5 ! فاستغل دبه الماي :20:: !)
بعدين اغمر التمن بمقدار انج(اذا جنت مطفي بالرياضيات فالمقدار هو تقريبا شويه فوق اضفر ايدك )
بعدين خلي كرصه الملح (شويه كرصه محترمه لابسه قاط !! )
وراها (حسب رغبتك!!) اذا تريد تسوي التمن اصفر فخلي كركم (مو تخليلي عمبه ::31:: !!!) فد خاشوكه مال اكل زينه , و اذا تريد تسويه احمر فطبعا تخلي معجون اسنان ! اقصد معجون طماطه ! (اذا تريد ازرق اخضر فياريت تجرب و تقوللنا !!!) يعني فد خاشوكتين (بصراحه ما مجرب لون الاحمر للتمن !! ليش ؟ بكيفي !)
وراها روح جيك الدبه مال الغاز لانه يمكن خلصانه (الله الستار!!الدبه صايره 25000 الف دينار ::33:: !) , اذا مو خلصانه فكلش زين ::49:: ! , فخلي التمن على النار و جيب الشخاطه بس راح تلكيها خلصانه(طبعا اذا جنت من جماعه حب جكاير علج ::26:: !!) ! المهم اشعل الطباخ بأي طريقه , بعدين قلب التمن بين فتره و فتره , و لمن يجف الماي مال التمن خفض النار اللي جوه تمن (خفضها مو تطفيها!)
بعدين تكدر اهنانا شويه تروح تقلب الستلايت , بس لا تشوف لا جماعه الروتانا و لا الميلودي ::237:: ! لانه يمكن ريحه الشعواط توصل للصين و انت داتشوف حضره جناب اليسا و نانسي ((جعرم )) ! (هسه دشووف سبيس تون و ام بي ثري مثلي ! شوف توم & جيري ! والله احلى شيء بالستلايت ::39:: !) و روح جيك التمن بين فتره و فتره و قلبه !
لمن يوصل التمن لمرحله انه تلكي حبايه التمن ما تنكسر و انما شبه تذوب , ابشر و هلل و مبروووووك ! شايف خير و مستاهله ! صار التمن و روح اغسل فد ماعون لانه اكيد ما منظفه من ليل البارحه !
صبلك ماعون بس بقى شتخلي على التمن أو شتاكل وياه !! بسييييطه ! روح اشتريلك علبه سمك لو سردين (ميلو) اللي سعرها من (650 – 750) أو تونه (زهور , سيبلو , امريكانا(حاره بارده بكيفك) اللي سعرها يتراوح من (1000 – 1500) و لو تاكلها بارده أو تكليها و بعد بكيفك !
بالاخير , بعد هالدوخه ! يا اخويا عندي طريقه اخرى احسن لتسويه التمن و بسيييطه للغايه ! روح لمرتك العزيزه و قوللها (((اني متأسف ! انتي كل اللي عندي و ما عندي غيرج ! انتي كل روحي و مالكه قلبي ))) ! هسه الا يظل خشمك يابس و تقول اني انزل روحي لحرمه ؟ لك هذي تعبت روحها علمودك و تركت اهلها و بيت ابوها اللي جانت بيه معززه مكرمه كله علمودك لانها ما حبت غيرك ! و انت لا تنسى انه كل بنيه هيا مرهفه الاحساس ورقيقه الطباع فشويه دير بالك عليها!!! , مو حتى نبيك افضل الصلوات و التسليم عليه قال ((رفقا بالقوارير)) و القاروره الشيء الرقيق النازك ! يعني حتى ما قال (صلى الله عليه و سلم) بالنساء ! قال قوارير , المهم صالحها هسه تلكيها مسويتلك ارقى صينيه و بالهنا و الشفا !
سلامي الحار للجميع و اعتذر انه تعبتكم بالقرايه ويايا بس هذي صدك طريقه طبخ التمن و قريبا راح انزل طريقه طبخ الدجاج و بعده انواع فصبرولي !