تدرون شنوة اصعب احساس ممكن يحسة اي انسان؟؟؟

[بنوسة]

اصعب احساس يمر بي انسان هوة انه يحس بالغربة ويحس بنفسة اسير وهوة بحضن بلدة ومدينتة وهوة هذا اللي ديصير عدنا بالعراق وين متروح باي منطقة او باي شارع راح تلكة كدامك رتل امريكي او مو كب مسؤؤل مهم بالحكومة الموقرة ناهيك عن اساليبهم السخيفة اللي يتبعوها ويانا احنة اصحاب الارض ونظراتهم النا التهجمية وكانه احنة الدخلاء عليهم مو همة اللي اجونا بليلة سودة وسودوا حياتنا كلها وراها وكلما تدير وجهك بمكان تلكة سلاح موجه عليك بدون سبب مجرد ابراز عضلاتهم علينا وتخويفنا يمكن علمود احنة عراقيين؟اذا علمود هذا السبب فمعناتة راح يبقى هذا الاحساس ويانا ويانا لكن يجي اليوم اللي نتحرر بي من كل قيد وترجع حياتنا مثل مكانت قبل ويرجع عزنا اللي سلبوا مننا ونرجع نلتم كلنا سوة على ارضنا الحلوة.

[اسطورة الحب المستحيل]

مشكورة اختي على الموضوع الحلو

بس شنسوي ياهو الاجة وصار فهيم براسنة بالسياسة

مع الاسف صار العراق مهزلة الى كل بلد

بالحدود مشبوه مثل الحدود الاردنية انتم لو تدرون شصار وياي بالحدود
انا رحت من سورية الى الاردن بالحدود اخرونا 3 ساعات
بعدين اجة الضابط(الزعطوط) كال اتصلت على الى عمان بالمكتب مال الكمارك ماادري شنو هو خبطها علينا
وكال انتم عراقين ممنوع تدخلون كالهة بلسانة كال الى واحد عدة عقد يعني استثمار حتى يستفادون منة هذا العراقي
بعدين رحت بالطيارة هم بالكوة خلونة نتدخل شوفو هاي العراق شكد محترم


بالشارع التمشي بية مشبوه

وتلفت الانضار ادري شنو توم كروز


المهم هذا العرقي شفتو شكد محتروم من قبل السفارات

[iraqiman_22]

اصعب شي بالغربة وصدكودي هي الذلة وبالاغص العراقي يحاولون دائما يحتقرو لان يغارون من عدنة لان احنة اهل الغير واني هسة داامر بحالة ال home sick ويومي باليل من اذكر ليل بغداد عيوني متوكف دمع ومن يوم الي طلعت الدمعة مفاركت عيني ......... وشكرا على الموضوع البديع

[bint Dijlh]

اصعب شي بالغربة وصدكودي هي الذلة وبالاغص العراقي يحاولون دائما يحتقرو لان يغارون من عدنة لان احنة اهل الغير واني هسة داامر بحالة ال home sick ويومي باليل من اذكر ليل بغداد عيوني متوكف دمع ومن يوم الي طلعت الدمعة مفاركت عيني ......... وشكرا على الموضوع البديع
الله يعينك ويصبرك يا خوية
النا الله تولانـا برحمته الواسعة
بغداد عزيزة والأعز هو العراق
الغربة ذلة والعراق إنذل بسبب الأمريكان
تُفـرج يــــا عِـراق

[صقر البيدا]

اي والله عاشت ايدج والله

[بغداد دار السلام]

شكرا على هالموضوع كلش حلو وفعلا هذا اللي كنا حاسيه لما كنا بالعراق وحتى لما طلعنة من العراق وين منروح هنا بمصر نسمع كلام جارح على انه انتو اللي بعتوا ارضكم وانتو وانتو وكأنما احنة الحكومة ويفتحون مواضيع تقهر وشكد منحاول ندافع على اللي صار ميقتنعون وبالذات اللي بكدنة مو الكبار الكبار يحبون العراقيين بس هاي شنسوي احنة نبقى ندافع عن العراقيين مهما صار ومنسمحلهم يحجون علينة لان هم هم لو صار بيهم اللي صار بينا كان سواا اكثر
وماكو عراقي مرتاح لا اللي برة ولا اللي جوة

[بنوسة]

اشكر الجميع عالمرور وعالتعليق اللطيف وادعو من ربي ان يريح كلوبكم كلكم وكلوب كل العراقيين المتاذين من هالوضع مال بلدنا.

[حنـــين]

الله كلش حلو اختي العزيزة
موضوع متميز الله يسمع منكم و نرجع ملينة من الغربة و المذلة
هاي هية الله على كل ضالم

[الذئب الوفي]

أطيب التحيات وأحلى الاماني نتمناها لكم بمناسبة حلول عيد الأضحى المبارك أعاده الله على العراق والعراقيين بالخير واليمن والبركة والأمن والأمان وبوحدة الصف وتآلف القلوب إن شاء الله كل عام وأنت إلى الله أقرب ، ومنه أخوف وبه أعرف ، وإلى دار كرامته أسبق واسأل الله أن يكتب لك بكل خطوة سعادة ، وأن يجعل كل نظرة عبادة وكل بسمة شهادة ،وفي كل رزق زيادة اللهم اجعلنا ممن يورثون الجنان ويبشرون بروح وريحان ورب غير غضبان آمين اللهم آمين ....
::51:: ::51:: ::51:: ::51:: ::14:: ::51:: ::51:: ::51:: ::51:: ::14:: ::51:: ::51:: ::51:: ::51:: ::14:: ::51:: ::51:: ::51:: ::51::

[larsa]

عاشت ايدج حبيبتي بنوسة والله صدك
واللي اكثر منها طلقات الحرس الوثني (اعذروني مو اني اثاثئ (الغث بالحجي)) علينا هاي تاذي اكتر بالله الاميركان اسمهم احتلال بس هذوله منا وبينه وهمة اللي ياذونا اكتر من المحتل مع الاسف واي اسف
وتقبلي مروري ومشاركتي

[عاشق تراب العراق]

): تعرف الظلم؟؟؟؟؟ عندك وطن وما تقدر تسكن بيه .......... تعرف الصعب؟؟؟؟؟ عندك وطن و تريد تبنيه .......... تعرف القهر؟؟؟؟؟ عندك وطن مجروح و تزيد الألم بيه .......... تعرف اكبر جرم؟؟؟؟؟ عندك وطن و ما تعتني بيه .......... عشقتك يا عراق مو بس علمود بيك ميزة -- بس علمود بيك ارواح على قلبي عزيزة


مشكور اخوي العزيز

[zaid abodd]

م_____________________________شكورين عيني

[بنوسة]

اشكر جميع اللي مروا عالموضوع واللي حسوا بالشي اللي كتبتة بس مع الاسف هوة هذا واقعنا المرير بالعراق .

[ابن رومانيا]

شكرا موضوع حلو .