طالـــــعة روحى من الدنيا

[بنية عراقية]

السلام عليكم بنات وشباب شلونكم و شنو اخباركم ؟؟؟

انى اريد منكم مساعدة وعرفت انتوا متردون اختكم
بالبداية انى مسافرة من العراق الى سلطنة عمان وما مرتاحة ابد ابد وروحى طالعة من الدنيا وانى اريد ارجع للعراق على الرغم من ضروفة واهلى ميقبلون نرجع وكل يوم حجى وياهم ومشاكل خلى نرجع وخلى نرجع وماكو فايدة شنو الحل انى ما متحملة العيشة ؟؟

[شمس78]

صباح الخير عيوني

اول شي ما المفروض اتضوجين صدقيني الوضع اللي دا يعيشوه اهالينا بالعراق لا يحتمل واعتبري الموضوع فترة مؤقتة وان شاءالله تفرج وترجعين وحاولي تلكين هواية معينة تقضين على الضوجة وانت عمرك صغير يعني اكيد الدراسة مهمة بهالمرحلة من حياتك حاولي تثبتين نفسك بالدراسة وحاولي تتمزين بالمدرسة وتكون عندك صديقات تتسلين معهم والحمدلله على كل حال

احنا كلنا يمكن متغربين بس مو معناها الأنسان يعيش بكابة دائمة لا بالعكس المفروض الواحد يتاقلم مع اي جو واي ناس ويحاول يثبت وجودة

والحمدلله على انه اهلك معاكي ومطمئنة عليهم يعني تخيلي لو كل واحد منكم بمكان يعني شي اهون من شي

تحياتي الك

[huthaifa]

والله اختي صحيح الغربة مرة
بس السلطنة بيها مكانات حلوة
اني عشت بسلطنة عمان سنتين
وبيها صراحة مكانات حلوة جدا جدا
ممكن تقضين بعض الوكت بيها
واذا تقعدين بدجلة نت راح تحسين
انه انتي بالعراق
تحياتي الج
واتمنى انه كلنا نرجع للعراق

[حــــــورية أيطاليـا]

الســــلام عليكم اختي
اكلج بالبداية الله يساعدج ويصبرج يارب
اختي
الغربة متنراد لكن الوضع الي انتي بيه اعتبريه مؤقت ولاتفكرين بيه
صح متكدرين ,,, لكنه اسهل طريقه
الوضع بالعراق مع الاسف ديصير يوم عن يوم اسوء
اتمنى ان تتحملين وتحاولين اتقضين اوقاتج بنفسج
صدكيني حاولي اتابعين دجلة راح تنسين الوقت كله
وحتحسين انتي بنص اهلج وبالعراق
او حاولي تشتغلين بعمل معين مو شرط خارج البيت
لكن حاولي اجيبين اي شغل ومارسيه ,,, حتى وان كان تطريز
والله اختي انتي حقج ,,, بس هية هاي الدنية
انتي وضعج هين
العراق ديعاني اكثر من هالشي يومية قتل ودمار الله يساعد هاي العوائل لعد شتكول
تقبلي مني اختي
وحاولي اتفكرين بالكلام
::51:: ::51::
...

[دينـا البغداديـّة]

اختي العزيزة..
اكيد الغربة صعبة...
بس الظروف بالعراق اصعب..
حاولي انو تصبرين نفسج...
وهذا موضوع الغربة موضوع مؤقت..
لان انشاء الله كلنا في يوم من الايام راح نرجع للبغداد الحب والسلام...
واكيد هذا اليوم قريب..
تحياتي الج..وتقبلي مروري..

[bint Dijlh]

هلا بنوته
تدرين رح احجي وياج باللهجة العراقية احسن
المهم
حبيبتي اني مبين بعدج صغير وما متعودة على الغربه
بس صدكيني هذه الحالة مارين بيها بس مجرد تتحملين شويه
صبر صبر فترة سنه أو اكثر او حتى سنتين يلا تبدين تتعودين وتصيرين عُمـانية::51::http://www.lakii.com/vb/smile/2_111.gif (http://www.dijlh.net/forums/showthread.php?p=996895&posted=1#post996895)
حبيبتي صدكيني لو بالعراق وببغداد بالتحديد وصار عليج شي لو على واحد من أهلج مو تتندمين بعدين؟
وتحسين نفسج انتي السبب بأذيتهم
صدكيني الأهل أدرى بمصلحتكم وبأموركم المستقبليه
الله يهدي سرج وتقتنعين وتتحملين
مع السلامه