طالـــــعة روحى من الدنيا [الأرشيف] - دجلة نت ::: ملتقى شباب العراق

بنية عراقية

12-23-2006, 10:31 PM

حمامة العراق

12-24-2006, 12:29 AM

اي خاله شتريدين تسوين كنا نفس الحال تره اني هم مثلج

بس واحد يصبر يتحمل شنسوي

همس الجفون

12-26-2006, 09:16 PM

بنيه تدرين هسه العيشه بالعراق بعد متنراد ابد، كله بس تفجيرات وقتل واختطاف وعايشين برعب وخوف ،تره مو عبالج العراق نفسه ذاك العراق اليزهي صار مثل الورده الذبلانه ماله لاريحه ولا لون ارضي بنصيبج احسن همه العراقيين ديشردون هذا الي يروح لمصر وذاك الي يروح سوريا وغيره وغيره نصيحه مني الج ان ترضين بالواقع وحتى تسلمين على روحج وارواح اهلج
تقبلي مروري

::63::

Civilian

12-27-2006, 02:56 AM

اختي تقبلي نصيحتي
خليج خارج العراق وحذاري من العودة بهذا الوضع الخطير ..
تحياتي

يارا_1983

12-27-2006, 10:25 PM

حبيبتي ابقي برة احسن العراق ادمر اليوم بغداد كلها مسددة

عـ ـ ـراقـ ـيـ ـة مغـ ـ ـتربـ ـ ـة

12-30-2006, 02:36 PM

اختي اني هم نفس الشئ ونصيحتي الج حاولي تكذبين على نفسج وتقنعين نفسج بان الوضع برة احسن
يعني احنة هسة في مدينتي ماكو لا ماء ولا كهرباء ولابنزيزن والمدينة ساقطة بيد المقاومة والشرطة والحرس الوطني كلهم انهزمو والبنزين والنفط المقاومة توزعه للناس شلون متريد وبالاسعار اللي يردوهة يعني الحكومة مالها دخل باي شئ وممنوع احد يشغل مولد البيت وماكو مولد بالمنطقة والكل ميتين برد
حبيت احجيلج هيج عسى ان تحمدي ربك على النعمة التي انت فيها
واكلج نصيحة وحدة لاتصيرين مثلي

تقبلي مروري

BroKeN

12-30-2006, 02:57 PM

اختي نصيحه من مجرب
اطلعوا بره العراق لان البلد ما يسوة
ومايسوه الواحد يموت على ايادي ناس قذره
انتو بعدكم صغار بالعمر فأتجهوا الى الهجره الى ان ينفرج الحال انشالله
وكلشي بالدنيا يتعوض الا الصحه والحياه
لا سامح الله يعني اذا صارب بيج شي هل راح تكون الدراسه اغلى او اهم من سلامتك
امل ان اكون وصلت الفكره الج
مع تحياتي
بروكن

عباس العبيدي

01-01-2007, 11:53 PM

والله يا اختي هسه اهواي عراقيين يتمنون يطلون وميكدرون
ارجوا فقط التذكر بان اكو اشاء تفرظ علينا وليس لنا فيها خيار

Helen

01-02-2007, 01:28 AM

هو صح العيشة خارج الوطن صعبة ومتنراد وهذا حجي كل واحد عايش بالخارج بس الاوضاع بالعراق صايرة متنراد واللي يكدر يطلع احسنله يطلع اليوم كبل باجر هي شكم سنة وتتحسن الاوضاع وارجعوا

عاشق عيون عليا

01-02-2007, 08:37 PM

لا والله تنراد العيشه خارج الوطن
لأن احنا اصلا ماعدنا وطن
وهاي نصيحه الكم
حاولو تروحون الى اوربا او اي دوله اخرى وتاخذون جنسيه وتعيشون هناك

بغـــــداد لا تتألمـــــي

01-04-2007, 07:06 PM

والله يابنية لو تبقين هناك وتتحملين الضوجة والمشاكل اهون من العودة للعراق بهذا الوضع الخطير ...

زوزو البصراوية

01-05-2007, 08:02 PM

متجين تتبادل اني ووياج ؟؟ والله طكت روحي من العيشة داخل العراق شدتحجين انتي
وحبيبة ترة العراق مينراد بعد وحتة احنه اللي بداخل العراق هم يجينه يوم ونطلع بروحنه العزيزة لان تاليت الصبر يخلص

جنون الحب

01-20-2007, 10:46 AM

السلام عليكم
يااختي وين ترجعين للعراق لج العراق مينعاش بيه الناس تريد تطلع وتخلص من الموت وانتي الله يهديج ترديد ترجعين ولله حالتج هوايه غريبه كلنا متغربين وعايشين حياتنه الحمدلله بعد شكو ترجعين ولله اذا رجعتي تندمين ندم مو طبيعي المهم امج وابوج يمج والحمدلله وشكرا هذا اهم شيء كلنا نريد نرجع للعراق البلدنا مو بس انتي بس هذا مكتوبلنا الحمدللة

اسايرها تعاندني

01-22-2007, 11:12 PM

ازمه وتعدي وصبري والله كريم

وليد الحمداني

02-01-2007, 09:20 PM

http://منضر 8أختي ابقي خارج العراق بل نسبة الي اتمنة هسة اطلع من العراق والله

اسايرها تعاندني

02-02-2007, 08:09 PM

لان بره العراق ضايجه
اني داخل العراق هم ضايج
تدرين ليش ضايج ؟ هههههههههههه
اخاف اكلج وتضوجين بالزايد عمي هوه شكو بالعراق هسه ::33:: ::33:: ::33::

اسايرها تعاندني

02-02-2007, 08:33 PM

نسيت اقول تقبلو مروري::24::

E-S-C-A-D-A

02-03-2007, 03:24 AM

هلاو خيه اني هم مثل حالتج وصارلي 7 اشهر متغربه وجنت اتعارك يوميه على الرجعه بس صار شهر بطلت
تدرين ليش لان الكتل صار بفلس ودوام موزين وحياه واكفه شتسوين تروحين هناك مشتاقه لكرايبج وصديقاتج اكيد بس كلشي اهون من الموت وانتي بنيه اذا رجعتي وطلعتي تعرفين شيسسون بيج
ووراها واحد ينكتل ياريت دفاع عن شي لا ينكتل بيد ناس ماعدها دين وطائفه تكتل طائفه شلج بدوخه الراس ظلي وين مانتي واصبري مثل العالم كلها تره الكل متاذيه بره العراق وجوه بس العراقيين انكتب عليهم الصبر وخلص

تحياتي الج

جنـون

02-03-2007, 03:49 AM

نصيحه...

ابقى خارج العراق احسن..
:
:
جنونه

راعي ال Vertu

02-03-2007, 04:09 AM

عيني بنية اني هم اهلي برا العراق واني كليتي مرحلة اخيرة بالرافدين الجامعة صارلي 3سنوات عايف اهلي اشوفهم بالفرص بس والعطل وبعدها ظاقت الامور كلللللللش سويت استضافة للموصل وبعدها هسة اقصد همين ضااااقت الظروف اكثر اجلت نصف السنة لان مكدرت ابقى واجيت يم اهلي وهسة لازم ارجع ومادري شلون راح ارجع اني متمسك بسسسسسسسس علمود التخرج الي داحسه مستحيل والي صديق بمسقط طالب طب وابوه بالمشفى السلطاني وهو يكول مرتاح بمسقط واني بس اتمنى اتخرج حتى اقطع علاقتي بالعراق لان خسرت اشياء مستحيييييل تتعوض
سمعي كلام الكل وابقي وكولي الحمدلله على كل حال
تقبلي مروري

تفاحة بغداد

02-03-2007, 04:47 AM

والله نصيحه مني لترجعين ابد مهما يكون هناك احسن بهوااااااااااااااايه من بغداد لان بغداد صارت بعد متنراد ابد والله الكل يتمنه يطله خارج العراق بس شنسوي انتي حمدي ربج وشكري بره لان هنانه ماكو لاطلعه ولاشي حتى دوام بالجامعات مدنداوم مثل اوادم بل اسبوع مره لو مرتين واكو اصلا يخافون يجون مناطقهم خطره... هناك على الاقل اطلعين اطبين مرتاحه متخافين من اطلعين هنانه شكو والله ابدددددد لترجعين لتفكرين اترجعين الى ان يتحسسسسن الوضع هاي اذااااااااااااااااا اتحسن الوضع بالاحلام

pinkflower

02-04-2007, 12:44 AM

نصيحة الج ان ما تفكرين حاليا بالرجعه لان الوضع سيء جداا جدا وبعدين كلنا على نفس الحال وشي ثاني حاولي تفكرين زين يعني اذا رجعتي وصار باحد من العائله شي شنو يفيدج تفيدج الضوجه ؟؟ اكيد لا وتتندمين على اليوم الي رجعتي بي وشغلي نفسج باشياء حاولي تصادقين بنات بعمرج لان ماكو دوله مابيها عراقيين هذا راي واتمنى ان يفيدج وتقبلي مروري

محارب العراقي

02-05-2007, 11:53 PM

بسم الله الرحمان الرحيم

ممكن لكل المشاكل حل م خاصة مع البنات

ولكن مشكلتي لتختلف عن باقي المشاكل

وقعت انا في حب فتاه وقد اخذت تبعث لي

السلام عن طريق احد الاصدقاء والمشكلة

ان صديقي لايقبل ان يعرفني عليها؟؟؟؟؟

وانا محتار في هذا الحب المخفي ولااعلم

الى متى ينتهي هذا الاخفاءالعاطفي

وشكرا ,,املعوسة مو..::48::

محارب العراقي

02-05-2007, 11:56 PM

الله ايصبر العراقين ........على كل هذا يا تفاحة بغداد

صقر الوقاية

02-12-2007, 02:33 AM

والله اختي اني اهلي صارلي 7 اشهر ما شايفهم واني بالغربة وحيدا فريدا شكول والوطن اعز ما نملك وان شاء الله نرجعلة معززين مكرمين

ارق احساس

02-13-2007, 12:31 PM

السلام عليكم ورحمة الله و بركاته
اختي انا انصحك بالصبر
وباذن الله تتاقلمي مع حياتك الجديده
هذه مشيئة ربنا الذي يعلم اين الخير لنا

شاشو

02-16-2007, 02:05 PM

اختي كلنا نفس الحالة شكرا على الموضوع

بنية عراقية

02-22-2007, 04:21 PM

مشكوووووووووورين على المرور نورتوا الموضوع بوجودكم

maher_2000

02-22-2007, 11:55 PM

::27:: السلام عليكم شلونكم اخواني اخواتي بالنسبه لموضوع الانسه فموضوع كالمعتاد كليتنا على هذا الطريق لانه اوضاع العراق ما تسمح النا بأن نكدر نعيش فيه والله كريم احنا علينا انه ندعي من العزيز الجبار ان ينصر العراقين وجميع المسلمين وان نرجع لبلدنا آمنين اللهم امين فيا انسه خليج طبيعيه هي كلها كم مراح انكول سنه خلينا نكول كم شهر لانه تفاؤلوا بالخير تجدوه وان شاء الله احنا متفائليين بالخير ويرجع العراق العظيم ابو الحظارات عونك يا وطن يا ابو الحظارات احضنك لو صرت كلك سجاجين .

ابن الانبار ابن الاحرار ماهر المهاجر

Wolf Of Ma'Moon

02-24-2007, 05:06 AM

aseel_naseh79

02-24-2007, 11:30 AM

حبيبتي ابقي برة احس لج شوفي اوادم احنا هنا كلهه خلقهه مكلوبه::51::

فتى بلاحبيبه

02-24-2007, 07:46 PM

بعد الشر عليج
هعهعهع
نشالله تمر الايام معاكي
على كولت
المصرين ززززززززززززززي العسل
وااااااااااااااااااااااااااااااووووووووووو

ღܓܨأحـزان لا تنتهــيܓܨღ

02-26-2007, 05:15 PM

والله اختي لو تبقين بالخارج احسنلج لان العراق مو مثل قبل والوضعية دتصير اسوء يوم بعد يوم
لان احنه بالعراق ومتعذبين والله من ورة هاي الاوضاع المتردية واني هسة اتمنى يطلع جوازي اليوم قبل باچر حتى اسافر واخلص من هاي الحياة
تحياتي لكي وانتي فكري بالموضوع راح تشوفين برة العراق احسن

mis iraq

02-26-2007, 06:58 PM

بالبداية
بسم اللة الرحمن الرحيم
شلونكم شباب وشلونكم بنات
الصراحة انى طالعة روحى من الدنيا وزهقانة وما اتحمل العيشة برا العراق والاهل الكرام اللة يخليهم ما يقبلون يرجعون للعراق وكل يوم انى نازلة مشاكل وياهم خلى نرجع خلى نرجع وماكو فايدة اللة يخليكم اللكولى حل واللة ما متحملة العيشة ابــــــــــــــــــــدا

انتضر حلولكم ومتأكدة ما راح تبخلون برأيكم على بنت بلدكم

عزيزتي اقله انتي عايشه ابلد عربي لعد اني شكول عايشه باخر الدنيا ::27:: غير ناس غير لغه صحيح امان موجود
بس مهمه يكون غريبه

الافضل تنتظريين وتصبرين واحد ماله غير يصلي ويدعي بلكت الله يزيل هل الغمه عن العراق وتتحسن الاوضااع وان شاء الله كل الاحبه ترجع
اتمنالكِ الموفقيه
دمتِ بحفظ الرحمن

ميثم جيالوروسو

03-02-2007, 10:19 PM

والله اختي مو بس انت انا بمرحلة من المراحل مريت بيها ، هذا هو الواقع المؤلم اتفهم شعورج كلش زين
لكن كل ما تتالمين تذكري انو اكو مليون شاب مذلج بنفس الوضعية ، تعرفين شلون هسه العراقيين بالملايين يخرجون من العراق ، هذا هو الواقع تقبليه ، اني عن نفسي تخطيت هذه المشكلة ما اعرف شلون وما كنت اظن اني راح اتخطيها ، لحيت على اهلي ان يرجعوني الى العراق قبل سنتين وفعلا رجعوني ، فرحت كلش لكن انصدمت بمقتل احد اصدقاءي ، صدمني الواقع العراقي المؤلم ، رجعت الى الغربة مع اهلي وعفت العراق صارلي سنة ونص تقريبا ، وفكرت انو اكو مليون شاب مثلي بالغربة يحسون بنفس شعوري ، النصيحة الج هي : انج متمارسين اي شي خلال اشهر طويلة ، تقعدين بالبيت مطلعين قعدي ويا عائلتج سولفي شوفي الاخبار المؤلمة عن العراق بالتلفزيون ، ولا تفكرين بالرجعة وحاولي انج تتلتهين دائما عمود تنسين ، عيشي حياتج اختي لا تسمحين ان هذا الموضوع يدمر مستقبلج وحياتج

بالتوفيق اختي واي سؤال تريدين تسئلين اسألي ( اخوج تجربة )

بنية عراقية

03-03-2007, 10:24 PM

مشكورين على ردوكم والله انى فكرت بكلامكم وكلكم كلامكم صح بس اللة يعين

اختكم
بنية عراقية

مشتاقه لبغداد

03-03-2007, 10:59 PM

والله يا حبي اني نفس المشكله عندي بس شنسوي بس اتمنه امووووووووووووووت

"مدموزيل لافوشيا "

03-04-2007, 04:46 AM

طالـــــعة روحى من الدنيا

ههههههههههه ليش طالعه لوحدها اطلعي وياها....

بس تردين صحيح الغربه متنحمل وقهر وتضعف الواحد وخاصة الاشتيااق لوطني .. بس مو وطني كلها مولدات هسه اذا اكو بانزين طبعا ,,, لان البانزين خانه يمها تصير عركات عركات بالبطااله قبل بس هسه برصااص مو قلم رصااص لا طلق مو طالق لا اطلاقات نارية حادة .. مو سجينة حادة هههههههههههههه

المهم والله تردين صح اشو محاسة بالغربة اني بس يلا المال في الغربة وطن والوطن بلا مال غربة ..

احسن شي تخمطين فلوس وتعيشين حياتج متحسين بالغربة

انا عراقي فقط

03-05-2007, 01:59 PM

اوف الله يساعدج عيني خليج هناك احسن تره هنا كلشي ماكو لاكهرباء ولاغاز ولانفط تخيلي تعيشين
بدون امان وهذا اهم شي ابقي هناك احسن والله كريم

ابو الحب(متعذب)

03-06-2007, 02:58 AM

والله يا اختي لو تدرين شنو معنى الغربة
اني فقدت اصدقائي وبيتي وحتى (حبيبتي الغالية ) من ورة الغربة و اني بسوريا
ومع العلم عمري 21
وطالب
ومقهورررررررر
اختي حلج الوحيد هو الصلاة والدعاء الى الله تعالى حتى تنفرج حتى كليتنا نروح فد روحة لبلدنا

EMinem_civil_eng

03-13-2007, 06:47 PM

حالنا حالج اختي العزيزة ...وترة العايشين داخل العراق هم بغربة ...اسالي اي عراقي

رصاصه الرحمه

03-27-2007, 02:36 AM

لاااااا عيوني اني لو مكانج ما الح على اهلي لان متدرين شراح يصير لا سمح الله وتكعدين تلومين بنفسج وين ما اهلج موجودين ابقي وياهم والله كريم ان شاء الله كلكم ترجعونا بالسلامه

فلاح بالمنطقة الخضراء

03-27-2007, 06:22 PM

عيوني الج ضلي برة و كولي الحمد لله و الشكر

صحفي عراقي

04-01-2007, 06:40 PM

اذا كولش تعالي سياحه للعراق ورجعي هههههههههههههه

محمد اسبرو

04-02-2007, 04:48 PM

الله كريم والله يحفض العراقين الشرفاء

نوره الحب

04-08-2007, 12:48 AM

حبيبتي الرجعه مااضن انها خوش قرار حاليا خلي تستقر الوضعيه والله كريم

باربي***

04-11-2007, 08:22 PM

والله اني هسة بالعراق والله العظيم يمكن صارلي شهر مطالعة من البيت وظوجة ولعبان نفس ولو هية مو بس الونسة وهاهية وكاعدين بالهبطات
فانصحج تظلين برة العراق وتسمعين كلام اهلج لان همة اكيد يخافون عليج وميريدون يرجعون علمود الاوضاع

الخياااال

04-22-2007, 08:31 AM

اختي العزيزة نصيحة الج لتفكرين بالعودة للعراق لان الحياة شبه معدومة بي

واحمدي ربج على مكانج لان انتي بنعمة هواية ناس داخل العراق تتمناهة

والله يصبرج ويصبرنا وياج ويجي يوم ونرجع كلنا وتصير سوالف

تحياتي

غصن البان

04-22-2007, 03:24 PM

بالبداية
بسم اللة الرحمن الرحيم
شلونكم شباب وشلونكم بنات
الصراحة انى طالعة روحى من الدنيا وزهقانة وما اتحمل العيشة برا العراق والاهل الكرام اللة يخليهم ما يقبلون يرجعون للعراق وكل يوم انى نازلة مشاكل وياهم خلى نرجع خلى نرجع وماكو فايدة اللة يخليكم اللكولى حل واللة ما متحملة العيشة ابــــــــــــــــــــدا

انتضر حلولكم ومتأكدة ما راح تبخلون برأيكم على بنت بلدكم

نصيحتي الج ....

حاولي ان تتأقلمين وي الجو الجديد ...

حاولي ان ترضين ب الامر الواقع .....

خل في بالج نقطة مهمة ....وهي ...

انه اذا رجعتي الى العراق ....وبالتحديد الى بغداد .... فراح تحكمين على نفسج بالسجن الاجباري في البيت ...

ماكو طلعة ولا سوق ولا شارع ولا اي شيء انسي ...

واغلب العوائل هسه هيج ابغداد ...

بعدين ؟؟؟ لازم برايي اكو سبب بداخلج يدفعج انه تريدين ترجعين للعراق ويمكن سبب شخصي ...

ومهما يكن هذا السبب الشخصي فهو ما يسوا ان تضحين بنفسج وباهلج ...

تحياتي الج والله يكون بعونج ...

الزعفراني البغدادي

04-26-2007, 07:45 PM

اختي سلام الله عليك
اول شي مادام اهلك هناك لازم تبقين وياهم اما انا اطلع علمود الموت فما اعتقد الشجرة اذا طلعت من تربها راح تعيش صحيح اكو موت وقتل بس اهم شي اموت بين ناسي
واذا اجة الموت ما يفرق اذا كنتي برة العراق او لا
اما قول الاخ البلد ما يسوى شوية اشوقها صعبة اموت وما اطلع والله
وثاني شي اكو اماكن زينة بل العراق على الاقل احس بروحي يم اهلي العراقيين
___ الخوف مو من الموت الخوف من تترك داركم يا عراقي ____