مشكلتي عويصه لو تساعدوني لو اسوي هيصه؟؟؟؟

[عباس العبيدي]

سلام عليكم أخوان وبعد
اخوكم عباس مشكله مشكلته واقع بين خيارين يحدد المستقل حياته ارجوكم المشاركه
انا طالب جامعي مرحله أخيره واريد أكمل
ولاكن اهلي::38:: ::38::
يقولون شهاده الاعداديه كافي عليك لا نريد شهاده الكليه ويريدون اطلع وأسافر والله حرت شلون هاي تنحل؟
مع العلم ان الاسبوع السابق حصل انفجار امام الكليه::38:: ::38::

[عباس العبيدي]

ارجوكم أخوااااااااان ساعدوني

[عـ ـ ـراقـ ـيـ ـة مغـ ـ ـتربـ ـ ـة]

لالالالالالالا لايا معود اكثر شئ راح تندم عليه بحياتك اذا مكملت جامعة لا مستحيل طبعا تكمل اخوية لازم تكمل ابد لاتوكف وشكد متكدر كمل
واتمنالك الموفقية وان تختار الاختيار الصح
اختك العراقية

[عباس العبيدي]

اشكرك يا أختي المغتربه
على المشاركه ولاكن كيف
والوضع غير مستبد
عباس
http://forums.dijlh.net/http://uae4up.com/uploads/9c380a81b5.jpg (http://uae4up.com)

[دينـا البغداديـّة]

اني اكول انك اتاجل هذي السنة وتسافر...
والله كريم السنة الجاية...
ساعة عن ساعة فرج..
وانشاء الله تفرج على عراقنا الحبيب...
تقبل مروري..

[محمد ربيعه]

حبي حالي من حالك اني هم نفس الشي ونفس اللغوه بس اني اول سنه وعندي اخويه سنه اخيره وثنيهنه عفناها للكليه و طلعنه بره العراق لانو كليتنه وضعيتهه مو زينه حبي تعال اشتغل باي مكنا وحجالو انو تكون نفسك وترحع لمن الوضع يكون زين

[شهريار]

والله ياخويه اني حالي حالك اخر سنه بقت لي وجنت رافض اطلع من بغداد اله اكمل بس بعد مشفت الموت بعيني هاي هي طلعت واجلت والله كريم الدراسه مطايره اهم شي حياتك
اني جنت ممقتنع بهذا الشي بس هسه اقتنعت ورضخت للامر الواقع
ورح اكمل حياتي بصوره طبيعيه واشتغل والدراسه الله كريم

[بنية عراقية]

واللة يا اخوى انى اكول انك تأجل السنة واللة كريم السنة الجاية بس اهم شى ما تعوف الدراسة لانة الشهادة اهم شى وهذا الزمان الانسان بدون شهادة ما يسوى شى وخصوصا انت ولد يعنى اهم شى الشهادة اللك واللة يوفقك

[huthaifa]

والله اخوية عندي الك حل
هو تصلي صلاة استخارة..
وتتطلب من الله سبحانه وتعالى انه يختارلك الاصلح
وهو سوف يختار لك الاصلح
وانت فقط كل اللي عليك انه تصلي وتقول مشكلتك
واللي الله يهديك اله اكيد بيه الخير
تحياتي الك
وهذا ما ينقص من ردود الاخوان
تحياتي الهم

[BroKeN]

والله اخي اذا الدراسه اهم من سلامتك وحياتك
لو سلامه اهلك وحياتهم ابقى وكمل اخر سنه

وخير الكلام ما قل ودل

اتمنى ان اكون وصلت الفكره

مع تحياتي
بروكن

[عباس العبيدي]

مشكورين اخوان والله هيه حيره
الله كريم اني راح اكمل وعلى الله
شسوي لعد

[ابو سموسة]

اكولك

هسه شكيد شفت طلعو بره بغداد والعراق

حتى مو بره العراق بره بغداد مثلا للشمال او غير محافظه

كلها اتورطت لان ما عدها شهادات وراحو يكملون دراسات بره بغداد

فانتة اخر سنة

لو مثلا بعدلك سنتين لو تلاثه لا اكولك روح سافر

بس اخر سنة حرامات تعوفها

خلصها حتى لو الامريكان واكفين بباب الكلية

روح بفالك ولتخاف

واذا صارلك شي فدوة ::237::

لا اتشاقة وياك ميصيرلك شي

كول يا الله وادعي من الله يفرجها عليك ويخلص السنة

ومبقه شي كم شهر وتخلص

[A.IQ]

والله مشكلتك نفس اني 11 سنه بره العراق...وكله ما اريد رجع...بس لروحتي بسوريا اولاد عمي غيروني وهسه بس اريد ارجع للعراق...وعلى مشكلتك نفس مشكلتي بس همين الوضع هسه مو زيييييين...وانتظر الى ان تستقر الامووووووور

[عباس العبيدي]

والله يا اخي صح الدعاء من الله يهدء النفوس ويطمن القلوب ولاكن الحذر واجب
والله كريم هيه كم شهر

[زوزو البصراوية]

بس يا اخي انت مثل متكول سنه اخيرة يعني ما بقالك بس كم شهر وتتخرج وحرامات اتضيع شهادتك على مساله وقت .صحيح الظروف خطرة بس انت دتشوف نص ايام الدراسة عطل وجاية عطله نص السنه همين ووراهة بعد كومه عطل

[اسايرها تعاندني]

داوم بس مو شرط كليوميه على كد امتحاناتك وهيه كلهم ناجحين مدام رابع بس متعوف السنه ولا تاجل وثاني شي وين تطلع تشتغل الطرق كلها مسدوده بالوجه حاولت قبلك ههههههههههه

[General_MCH]

مال تبقى على شهاده الاعداديه و انت باقيلك سنه وحده لا هاي ابد مراح تستفاد منها..بس اذا تاجل السنه و ان شاء الله عالسنه الجايه اكيــــد احسن اذا انت و العائله مقررين تسافرون..

[عباس العبيدي]

مشكورين على الاجابه واني راح اكمل ومثل ما نصحوني الاخوه لا اداوم باستمرار

[باربي***]

والله اني اكول لو اتأجل لو تنقا وين رح اتسافر تنقل هناك بس اهم شي متعوف الكليه

[زين الدين زيدان]

مشكوررررررررررررررررررر

[القيسية]

الشهادة هية سلاحك بالمستقبل وبدونها متكدر اتسوي شياتخيل نفسك كاعد وية ناس كلهم دكاترة وخريجين وانت عندك اعدادية اصلا راح يستصغرون بيكبس انت اجل هاي السنة وبعدين كمل دراسة واذا تريد اطلع بالخارج ادرسعلى فكرة اني المشاكسة الحزينه عبوسي

[- Red Rose -]

يمعود هو اشقد باقيلك على نهاية السنة يعني انت استحملت الي استحملته كله بقت على هذي الكم شهر لو الكم يوم خليه على الله كمل واطلع الشهادة ماكو احسن منه وبعدين انت طلعت برة بيمن راح اتعيش بشهادة الاعدادية .. اخوية نصيحة الك اني اعرف الظروف الله ايساعد الناس عليه بس همينة من غير شهادتك ما تقدر اتعيش برة وشهادة الاعدادية متوكل خبز برة
وتحياتي الك والله ايساعدك

[سماره الليل]

لا والله كمل بس كل واحد وظروفه وشقاسملك الله تشوفة

[- Red Rose -]

لا يمعود غيرت رئي الي دى ايصير شي مو طبيعي اطلع وكمل دراستك برة احسلك والي الله كاتبة راح اتشوفة
واتمنالك التوفيق بكل الاحوال
تحياتي
روز

[جنه جنه يا عراق]

شوف اخويه روح اتفق ويا الكليه ان تجي تمتحن بنهايه السنه وتسافر وبس يصير وكت امتحانات السنه تعاي ومتحن احسلك وعليمن تخصر حياك وتخسر حيات اهلك هم هذه حل وسط

[ماريا]

والله تريد نصيه اطلع احسلك الدراسه مو مو طايره وعلى الله العوض وحسبي الله ونعم الوكيل على الاحتلال

[( زياد طارق )]

السلام عليكم عيني اخوية العزيز اذا تكدر تأجل سنة وتطلع وبين ما يهدة الوضع وربك من ساعة لساعة فرج اما مالت تعوف الكلية فهاي انساه تعب 4 سنين تجي هسة تعوفها واذا ما تكدر تطلع وترجع فكمل اسنة احسلك وهذا عمومن رأي وانتة اعرف بطروفك وشكر

[ابتسامة]

والله اني مع راي الاخت دينا اجل هاي السنة وبعدين الله كريم

[حرامي نت]

هي سنه بقت ليش اتضيعه من ايدك على الاقل تطلع برا عندك شهاده تكدر تشتغل بيه اذا اكو شغل

[حيدر لنك]

اخوية اطلع من العراق يا دراسة يا روح ما بعدج رووح
اول وتالي دراستنا ما معترف بيه
ترة الوضعية خطيرة خطيرة

[stranger on love shore]

اخ عباس كمل دراستك لان الشهاده سلاحك وين ماتروح لايمكن انه تلكا شغله وانت بشهادة السادس اعدادي
ارضاءا لاهلك ممكن تاجل هل سنه وسنه الجايه اتداوم
اتمنالك التوفيق

[عباس العبيدي]

شكرا اختي الحمد لله اتخرجنا والاوضاع احسن مشكورين على المشاركه

[عباس العبيدي]

الشهادة هية سلاحك بالمستقبل وبدونها متكدر اتسوي شياتخيل نفسك كاعد وية ناس كلهم دكاترة وخريجين وانت عندك اعدادية اصلا راح يستصغرون بيكبس انت اجل هاي السنة وبعدين كمل دراسة واذا تريد اطلع بالخارج ادرسعلى فكرة اني المشاكسة الحزينه عبوسي


شكرا مشاكسه والحمد لله خلصنا

[ابن جامعة المؤمون]

لازم اتكمل هذا مستقبلك اهم من اي شي بالدنيا
تقبل نصيحتي

[عباس العبيدي]

مشكور ابن الجامعه على النصيحه

[شموسة البغدادية]

زين ليش متكمل جلمعه برا

[عاشقة الوطن]

شوف اخوية براي ماطول سنة اخيرة كملهة واخلص
لانو مشكلة العراق بس الله الي يدري اشوكت تنحل

[عباس العبيدي]

شكرا على اللنصيحه
عاشقه

[ηιgнтнαωк]

يا اخي انته وصلت مرحلة متقدمة بالكليه حرام عليك تترك وهذا مستقبلك...

اتمنى انه متترك الكليه ان شاء الله تتخرج ولا يهمك اي كلام

تحياتي...

[bnt al_aloom]

لالا طبعا اتكمل او حالك من حال الاف الطلاب الي موجودين بالعراق
او صدكني تره تتندم اذا عفت شهادتك
او بعدين تره الله الحارس او اذا لاسامح الله راد ايصير مكروه ايصير ابكل مكان
اتمنى ان تتقبل رايي

[توتة في المريخ]

اخي عباس
السنه هاي تره مضل بيها شي
انت اذا اكو خطر معين عليك انت بالتحديد فسافر لان العمر واحد بس اذا حالك حال الكل يعني ماعليك شي يهددك بشكل خاص او مستهدفك فلا تضيع السنه وماكو واحد يموت قبل يومه اسم الله عليك وعليه وعله كل الناس
انت مو اله اتداوم يوميا وانطي خبر للاساتذه والمعنيين اذا كولش خايفين اهلك وضاغطين عليك وتابع دراستك بالبيت ودام ايام قليله بالاسبوع حسب الحاجه واحصل عله المواد الدراسيه من اصدقاء وناس ثقه
حرامات تضيع السنه عليك وانشاء الله العراق تتحسن احواله وبدل مترجع تكمل السنه العفتها راح تكون بيدك شهادتك وتجي تتعين بيها وتكمل حياتك الطبيعيه مو ترجعه ويا الاصغر منك لان هاي الشغله شويه تضوج

تقبل مروري ونصيحتي المتواضعه وشكرا

[لؤلؤة الجنة]

والله من رايي يا اخوية تكمل السنة لان الكلية مريودة واذا تركت هذي السنة راح يخرب واهس بالدراسة اكيد اذا ماكو تهديد عليك خصوصي يعني وكلنا نفس الشي والله وكل الطلاب نفس المعاناة
ومن رأيي تتوكل على الله والله وحده يعرف وين الخير ووين الشر واحنة البشر ما نقدر نحدد اي شي
وهذا دعاء الاستخارة وصلاة الاستخارة مليون بالمية راح تساعدك في اتخاذ القرار الصحيح
وهذي صلاة الاستخارة
واذا تحتاج اي شي اخوية احنا بالخدمة ان شاء الله
صلاة الاستخارة :
عن جابر – رضي الله عنه – قال : كان النبي صلى الله عليه وسلم يعلمنا الاستخارة في الأمور كلها كالسورة من القرآن : (( إذا همّ أحدكم بالأمر فليركع ركعتين من غير الفريضة ، ثم يقول : اللهم إني أستخيرك بعلمك ، أستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علاّم الغيوب ، اللهم إن كنت تعلم أن هذا الأمر خير لي في ديني ومعاشي وعاقبة أمري – أو قال : في عاجل أمري وآجله – فاقدره لي ، وإن كنت تعلم أن هذا الأمر شرٌّ لي في ديني ومعاشي وعاقبة أمري – أو قال : في عاجل أمري وآجله – فاصرفه عني واصرفني عنه ، واقدُر لي الخير حيث كان ، ثم رَضِّني به ، ويسمي حاجته )) رواه البخاري .

[LARAH]

الموضوع جداً قديم وحُلت المشكلة لذلك يغلق الموضوع

إحترامي ومودتي للجميع..

تحياتي لكم..