candle1979
12-21-2006, 06:09 PM
هلو ابناء قبيلتي ... شلونكم .... شكو ماكوش ؟؟؟ خوما عدكم كهرباء .... اي هم زين ماكو .. جان ظل بالي عليكم ... لان راح تكون فد ظاهره كلش غريبه .... ههههههههه ::9::
يابه موضوع اليوم .. انه كثرت في الاونه الاخيره الاشاعات عن عنف الولد اللي بالمنتدى وانه بعيدين عن الرومانسيه ... ::29:: .... (جذب يا محاربين ... تره الحرب خدعه ... هههههه) ...
وتحت شعار انه اليهودي من يفلس يكوم يدور دفاتر عتيكه .... لوانه اني ضايج من فد سالفه على بالي ... كلت خلي اليوم انزللكم فد قصه اني قريتهه بقصص الف ليله وليله من جنت بالاعداديه ... ومن كثر ما عجبني الشعر اللي بيهه حفظتهه .. ولحد هسه بعدني حافظ الشعر (بالله اسالوني تتذكر شي من دروسك ؟؟؟) ...
القصه تكول يا محفوظين البكه والسلامه .. انه في يوم من الايام كان شاب يعيش ببغداد وبالكوه كاضيهه .. يعني هوه مو فقير ... بس يا دوب شغله مكفي حاله ... لان بركبته عائله ... وخطيه هذا الشاب من الصبح يطلع للشغل وما يرجع الا بعد غروب الشمس ... يشتغل كلشي .. في سبيل يوفر لعائلته العيش الكريم .... لحد ما الله وفقه وكدر يلم كم فلس .. راح فتح بيهن محل مال قماش .. يعني كام يشتغل بزاز بسوك الكاظميه (بس مال قبل مو مال هسه ... هههههه) .... اللي يم سوك البالات (سوق النخاسين سابقا اللي كانو يبيعون بيه نسوان .. عفوا الجواري) ... اي .. نرجع للسالفه قبل ما تضيع ...
في يوم من الايام هذا الشاب من الصبح راح فتح المحل مالته ... وكعد ينتظر اللي قاسمه اله رب العالمين من رزق ... بس شويه السوك جان نايم بيومهه ...لذلك كام وكال بمكان ما كاعد خلي شويه ارش مي كدام المحل .... بس همينه ماكو شي .. (هاي شنو راح احجي ف نوب بالتفصيل) .... راح جاب المملحه وذب شويه ملح كدام المحل ... يكولون يجيب رزق ... وكعد ينتظر .... الا شويه وجان اجه ابو البلديه يكول اكصلك وصل مال نظافه ب 10000 درهم من مال ذاك الوكت ... بس همزين طلع الشاب ذكي وفطن وكالاني دفعت لحزب ال (.....) ... ولان هذا فد حزب طاك ابو البلديه خاف يلح عليه بعد ....
المهم ... بقى هذا الشاب لحد الظهر ما مستفتح ... بس يكولون رب العالمين ما يكطع ... ليش ما فاتت للسوك بنيه حلوة كلش هيه وجواري اثنين وياهه ... طبعا ما اسولفلكم السوك كله وكف على تك رجل ... وبس يريدون البنيه تشتري من عدهم ... هيه عافت الكل واجت على دكان الولد .... كالتله .... تبيع قماش مو ؟؟ كال لعد ابيع فلافل ؟؟؟ مو معلك قطعه شكبرهه تسجيلات النجوم ... ههههههههه (لا جذب هاي تحشيش من عندي)
ادري طولتهه للسالفه كلش بس ميخالف اتحملوني .. والله حلوة القصه ...
المهم ... الولد من شاف البنيه هاي كلش انعجب بيهه وحبهه (حبته حيه ان شاء الله)... هوه همينه باع القماش اللي رادته الهه (وما اكوللكم شكد خسر الافندي) ... وبس طلعت راسا عزل المحل مالته ولحكهه .. لحد ما اندل بيتهه ...
وره كم يوم اجت وحده من الجواري اللي كانت ويه البنيه للمحل مال الولد واشتروا بعد قماش .. (ماكو هيجي ناس طاكين كل يومين يشترون قماش) ... المهم الولد انطه للجاريه هديه (مو بوسه .... قطعه قماش ) وكدر انه يكسب تعاطفه وياه ... وقبلت انه تكون مرسال بين الاثنين .... (لان كالت ماكدر انطيك رقم الموبايل مال سيدتي لان اذا تدري بييه يصير الي مو خير ) .... الولد اخذ قلم وورقه وكتب هذا البيت الشعري :
ألا ايها العشاق اخبروا ..... أذا أشتد عشق بالفتى كيف يصنع ؟
الجاريه ودت هاي الرساله للخاتونه مالتهه وحجت الهه حال الشاب ::29:: ... وانطته بيت الشعر .... البنيه رفضت رفض قاطع .. كالت اني ما أؤمن ابدا بمعرفه شخص عن طريق رساله ... واخذت قلم وورقه وكتبت هذا البيت الشعري للولد:
يداري هواه ثم يكتم سره ........ ويصبر في كل الامور ويخشع
الولد طبعا من قره البيت الشعري ... رأسا اغمى عليه ساعه زمانيه (مادري ليش بالضبط ساعه كامله) ... وراهه رشوا عليه سطله مي علمود يكعد .. كالوله لك اكعد هاي انت وين ... هوه من تذكر البيت الشعري اجهش بالبكاء (والله همه بالف ليله وليله هيجي يكتبون .. اني شعلييه) ::29:: ::29:: ::29:: ::29:: .... هوه همينه اخذ قلم وورقه (وكتب تقرير كسر رقبه ) لا جذب كتب البيت الشعري التالي للبنيه :
لقد طال الصبر الجميل ولم يجد .......... له غير قلب في الصبابه يجزع
ورجاءا لحد يسالني شنو يعني صبابه ::9::
البنيه كالعاده .... ظالمه ... وقلبهه حجر ... ما تحس بحال هذا المسكين شنو هيه همينه تناوشت القلم والورقه وكتبت اله :
فأن لم يجد صبرا لكتمان أمره ............ فليس له عندي سوى الموت انفع
الولد من قره هذا البيت الشعري .... همينه اغمي عليه ساعه زمانيه .. وهاي المره سطلتين مي وكم دفره يله كعد .... عادي من كعد ظل يبجي ويكول . شنو ذنبي اني هيجي تسوي بييه ؟؟؟ لان حبيتهه ؟؟ ::29:: ::29:: ::29:: ... هوه همينه اخذ قلم وورقه وكتب البيت الشعري التالي للبنيه :
سمعنا .. اطعنا .. ثم متنا فبلغوا ......... سلامي لكل من كان للوصل يمنع
الجاريه همينه ودت الرساله للسيده مالتهه .... هاي اول ما قرت الرساله رأسا حست بالذنب اللي سوته ... راسا حافيه تركض بالشارع راحت على المحل مال الشاب ... والجاريه تركض وراهه وتصيح لج فضحتينا .... وصلت البنيه للمحل مال الولد وما لكته .... سالت ؟؟ كالولهه الشاب قتل نفسه وهسه ودوه يدفنوه .... ركض ركض راحت على قبر الولد .... وكامت تدك وتلطم .... ::29:: ::29:: ::29:: ::29:: ::29:: ::29:: ::29:: وانشدت ابيات الشعر هذي :
مررت بقبر دارس وسط روضه ........... عليه من النعمان سبع شقائق
فقلت لمن هذا القبر ؟؟ جاوبني الثرى ............ تأدب فهذا القبر برزخ عاشق
رعاك الله يا ميت الهوى ............ وأسكنك الفردوس اعلى الشواهق
مساكين اهل العشق حتى قبورهم ........... عليها تراب الذل بيم الخلائق
فأن استطع زرعا زرعتك روضه ........... واسقيتها من دمعي المتدافق
طبعا وره ما كملت هاي الابيات هيه همينه ماتت على القبر مال الشاب ... ودفنوهه بصفه ... ووره كم مئه سنه ..... اجت البلديه وحدلت المكان مال اقبر لان صاير بطريق الخط السريع اللي راح ينبني وماكو مكان الا يفوت على راس هذوله الفكر ....
ان شاء الله تكون عجبتكم القصه ولو شويه طويله .... بس يله على الاقل كضيتو بيهه فد ربع ساعه من هذا الليل الطويل ... وبالمناسبه اني ناسي بالضبط شنو القصه وبس اتذكر الابيات الشعريه ... لذلك تاليف القصه بالكامل من عندي .... وياويله اللي يخمطهه وينشرهه بغير مكان
تحياتي الكم ... ::30:: ::30:: ::30::
يابه موضوع اليوم .. انه كثرت في الاونه الاخيره الاشاعات عن عنف الولد اللي بالمنتدى وانه بعيدين عن الرومانسيه ... ::29:: .... (جذب يا محاربين ... تره الحرب خدعه ... هههههه) ...
وتحت شعار انه اليهودي من يفلس يكوم يدور دفاتر عتيكه .... لوانه اني ضايج من فد سالفه على بالي ... كلت خلي اليوم انزللكم فد قصه اني قريتهه بقصص الف ليله وليله من جنت بالاعداديه ... ومن كثر ما عجبني الشعر اللي بيهه حفظتهه .. ولحد هسه بعدني حافظ الشعر (بالله اسالوني تتذكر شي من دروسك ؟؟؟) ...
القصه تكول يا محفوظين البكه والسلامه .. انه في يوم من الايام كان شاب يعيش ببغداد وبالكوه كاضيهه .. يعني هوه مو فقير ... بس يا دوب شغله مكفي حاله ... لان بركبته عائله ... وخطيه هذا الشاب من الصبح يطلع للشغل وما يرجع الا بعد غروب الشمس ... يشتغل كلشي .. في سبيل يوفر لعائلته العيش الكريم .... لحد ما الله وفقه وكدر يلم كم فلس .. راح فتح بيهن محل مال قماش .. يعني كام يشتغل بزاز بسوك الكاظميه (بس مال قبل مو مال هسه ... هههههه) .... اللي يم سوك البالات (سوق النخاسين سابقا اللي كانو يبيعون بيه نسوان .. عفوا الجواري) ... اي .. نرجع للسالفه قبل ما تضيع ...
في يوم من الايام هذا الشاب من الصبح راح فتح المحل مالته ... وكعد ينتظر اللي قاسمه اله رب العالمين من رزق ... بس شويه السوك جان نايم بيومهه ...لذلك كام وكال بمكان ما كاعد خلي شويه ارش مي كدام المحل .... بس همينه ماكو شي .. (هاي شنو راح احجي ف نوب بالتفصيل) .... راح جاب المملحه وذب شويه ملح كدام المحل ... يكولون يجيب رزق ... وكعد ينتظر .... الا شويه وجان اجه ابو البلديه يكول اكصلك وصل مال نظافه ب 10000 درهم من مال ذاك الوكت ... بس همزين طلع الشاب ذكي وفطن وكالاني دفعت لحزب ال (.....) ... ولان هذا فد حزب طاك ابو البلديه خاف يلح عليه بعد ....
المهم ... بقى هذا الشاب لحد الظهر ما مستفتح ... بس يكولون رب العالمين ما يكطع ... ليش ما فاتت للسوك بنيه حلوة كلش هيه وجواري اثنين وياهه ... طبعا ما اسولفلكم السوك كله وكف على تك رجل ... وبس يريدون البنيه تشتري من عدهم ... هيه عافت الكل واجت على دكان الولد .... كالتله .... تبيع قماش مو ؟؟ كال لعد ابيع فلافل ؟؟؟ مو معلك قطعه شكبرهه تسجيلات النجوم ... ههههههههه (لا جذب هاي تحشيش من عندي)
ادري طولتهه للسالفه كلش بس ميخالف اتحملوني .. والله حلوة القصه ...
المهم ... الولد من شاف البنيه هاي كلش انعجب بيهه وحبهه (حبته حيه ان شاء الله)... هوه همينه باع القماش اللي رادته الهه (وما اكوللكم شكد خسر الافندي) ... وبس طلعت راسا عزل المحل مالته ولحكهه .. لحد ما اندل بيتهه ...
وره كم يوم اجت وحده من الجواري اللي كانت ويه البنيه للمحل مال الولد واشتروا بعد قماش .. (ماكو هيجي ناس طاكين كل يومين يشترون قماش) ... المهم الولد انطه للجاريه هديه (مو بوسه .... قطعه قماش ) وكدر انه يكسب تعاطفه وياه ... وقبلت انه تكون مرسال بين الاثنين .... (لان كالت ماكدر انطيك رقم الموبايل مال سيدتي لان اذا تدري بييه يصير الي مو خير ) .... الولد اخذ قلم وورقه وكتب هذا البيت الشعري :
ألا ايها العشاق اخبروا ..... أذا أشتد عشق بالفتى كيف يصنع ؟
الجاريه ودت هاي الرساله للخاتونه مالتهه وحجت الهه حال الشاب ::29:: ... وانطته بيت الشعر .... البنيه رفضت رفض قاطع .. كالت اني ما أؤمن ابدا بمعرفه شخص عن طريق رساله ... واخذت قلم وورقه وكتبت هذا البيت الشعري للولد:
يداري هواه ثم يكتم سره ........ ويصبر في كل الامور ويخشع
الولد طبعا من قره البيت الشعري ... رأسا اغمى عليه ساعه زمانيه (مادري ليش بالضبط ساعه كامله) ... وراهه رشوا عليه سطله مي علمود يكعد .. كالوله لك اكعد هاي انت وين ... هوه من تذكر البيت الشعري اجهش بالبكاء (والله همه بالف ليله وليله هيجي يكتبون .. اني شعلييه) ::29:: ::29:: ::29:: ::29:: .... هوه همينه اخذ قلم وورقه (وكتب تقرير كسر رقبه ) لا جذب كتب البيت الشعري التالي للبنيه :
لقد طال الصبر الجميل ولم يجد .......... له غير قلب في الصبابه يجزع
ورجاءا لحد يسالني شنو يعني صبابه ::9::
البنيه كالعاده .... ظالمه ... وقلبهه حجر ... ما تحس بحال هذا المسكين شنو هيه همينه تناوشت القلم والورقه وكتبت اله :
فأن لم يجد صبرا لكتمان أمره ............ فليس له عندي سوى الموت انفع
الولد من قره هذا البيت الشعري .... همينه اغمي عليه ساعه زمانيه .. وهاي المره سطلتين مي وكم دفره يله كعد .... عادي من كعد ظل يبجي ويكول . شنو ذنبي اني هيجي تسوي بييه ؟؟؟ لان حبيتهه ؟؟ ::29:: ::29:: ::29:: ... هوه همينه اخذ قلم وورقه وكتب البيت الشعري التالي للبنيه :
سمعنا .. اطعنا .. ثم متنا فبلغوا ......... سلامي لكل من كان للوصل يمنع
الجاريه همينه ودت الرساله للسيده مالتهه .... هاي اول ما قرت الرساله رأسا حست بالذنب اللي سوته ... راسا حافيه تركض بالشارع راحت على المحل مال الشاب ... والجاريه تركض وراهه وتصيح لج فضحتينا .... وصلت البنيه للمحل مال الولد وما لكته .... سالت ؟؟ كالولهه الشاب قتل نفسه وهسه ودوه يدفنوه .... ركض ركض راحت على قبر الولد .... وكامت تدك وتلطم .... ::29:: ::29:: ::29:: ::29:: ::29:: ::29:: ::29:: وانشدت ابيات الشعر هذي :
مررت بقبر دارس وسط روضه ........... عليه من النعمان سبع شقائق
فقلت لمن هذا القبر ؟؟ جاوبني الثرى ............ تأدب فهذا القبر برزخ عاشق
رعاك الله يا ميت الهوى ............ وأسكنك الفردوس اعلى الشواهق
مساكين اهل العشق حتى قبورهم ........... عليها تراب الذل بيم الخلائق
فأن استطع زرعا زرعتك روضه ........... واسقيتها من دمعي المتدافق
طبعا وره ما كملت هاي الابيات هيه همينه ماتت على القبر مال الشاب ... ودفنوهه بصفه ... ووره كم مئه سنه ..... اجت البلديه وحدلت المكان مال اقبر لان صاير بطريق الخط السريع اللي راح ينبني وماكو مكان الا يفوت على راس هذوله الفكر ....
ان شاء الله تكون عجبتكم القصه ولو شويه طويله .... بس يله على الاقل كضيتو بيهه فد ربع ساعه من هذا الليل الطويل ... وبالمناسبه اني ناسي بالضبط شنو القصه وبس اتذكر الابيات الشعريه ... لذلك تاليف القصه بالكامل من عندي .... وياويله اللي يخمطهه وينشرهه بغير مكان
تحياتي الكم ... ::30:: ::30:: ::30::