چكليته ..

[العمدة]

ضايج وماكو احد كلت انزل هالقصيده ..
اسمها چكليته ..موتاكلوها ..


يا أول حبيب بدربي لا گيته
ومن گد ما حلو بالگلب خليته
يا أول نفس فزز بقايا الروح
ومن الشهگه الأولى العشگ شميته
وراودني الحلم وبعمر عشر أسنين
وبعمر الواحد وتلاثين گضيته
ولتصدگ أعوفك ما مصدگ بيك
معقوله الگمر بچفوفي خليته
الله اليستر أمن الضامهن عالناس
أذا عالظهر منه أنشوفه چكليته
ما عديت عمري الما گضيته وياك
بعد ما شفتك أنه العمر عديتة
أنربط بيك الگلب والنبض والشريان
وبحبي وحناني وشوگي شديته
الا..شوية ميت انه ذاك اليوم
وگف گلبي لان يومين ما جيته
ومن مسه البرد والرجفه لزمت بيه
حطبت الضلوع وبيها دفيته
ومن أيد لأيد وملاوه انه وياه
غطاني بنفسي وبروحي غطيته
وسولفنه وحچينه أثنينه ويالليل
وگمت حتى الضوه المعلوگ طفيته
وچنت سكران بيك وما أعرفك زين
لكن من عرفتك عقلي شليته
ما أگول الگمر خايف أبالغ بيه
بس نور الشمس مصدرها من بيته
وحاويهن شلع طول وخصر وعيون
سبحانك آلهي شلون سويته
يالشايل خصر مرتبط بيه الكون
والتگعد أبيته ينهجم بيته ..

[sweet_boy]

ههههههههههه
خوش قصيدة عمدة مشكور

[حلاوة التكنلوجية]

قصيدةةةةةةةة كلششش حلوة عمدة اتجنن صدك
بالبداية عبالى دتوزعلنة جكليت
بس كلامك حلاوته مثل حلاوة الكيكة

[motorola]

مشكووووووووور على الأبداع وردة
اني أكلتها للجكليتة نفسي دنيية هههههههههههههه
تحياتي

[harmony party]

الله الجكليته حلوة وهايه قصيدة من الك
مـو حرام..أني أشوفك
في عيوني تذبلين..
وانتي ورده...
وكل ها الناس طين..
لو للحظه..أسمعيني
وقومي يا الله سا عديني
واتركيني أنتشلها...
واو عدك ما تندمين
يا اللي ما جابت سنينك
ألا أنتي تشبهين..
كفي..حطيها فدينك
وللسحايب توصلين..
هـــــــــــــــم..
يشوفونك مجرد..
واحده للعالم..تغرد
وتمضــــــي..
با الوقت السفينه
وما دروا عنك..ضحكتي
ولا بتموتي حزينه..
أسالك با الله..يا نتي
لي متى وانا اشوفك
وسط نظرتهم ..سجينه
للا تروحي ولا تجين
وفيــني لا تستعجلين
ولا تشكي بي وتخافي..
ما طلبتك تعشقين..خافقي
وتروي جفافي...
لو اقول ..أتصدقين
عندي..والله كافي
أني أشوفك تشرقين
وتحتك الكون ..طافي
يا الله لاتتجاهلين
ومني لا تتعجبين
أنتي ورده..
وكل ها الناس
طيــــــــــــــن.....

[SuPeRpLaYeR]

مبدع يا عمدة
تحياتي الك اخوية شو ماكو مختفي خلي اشوفك يمي بالميكانو يا ورد
نورنا هناك
تحياتي الك
ةشكرا على هذه القصيدة الجكليتية

[العمدة]

كل الهلا بيك سويت بوي شكراً على مرورك الطيب يا طيب .

[العمدة]

انتي الي حلاوتك من حلاوتك يا حلاوة التكنلوجيه ..
ولو بيدي والله لاجيبلك كيلو جكليت لكنك بعيده يا عيني ..
شكراً يا احلا من الحلاوة يا اختي ..

[العمدة]

الف عافيه موتريلا ..
وين الكاك حتى اجيبلك جكليته ..
واني همين نفسي دنيه ...
هههههههههههههه ..

[العمدة]

هارموني عيني شنو هالابداع ..
عاشت الايادي يا اختي ..
والله انتي شاعره ..
او شاعوره ..
هههههههههههه ..
كلش حلو يا عيني ..
وشكراً على مرورك ..

[العمدة]

حبيبي سوبر وينك انته مشتاقلك ..
وراح اجيك هسه للميكانو ولو اخاف منكم ..
والله مدا اكعد هوايه بالنت لان مشاغل عندي بالحديقه شويه ..
وانشالله لاجيبلك جكليته وياي ..
شكراً ورده على المرور ..

[حلاوة التكنلوجية]

انتي الي حلاوتك من حلاوتك يا حلاوة التكنلوجيه ..
ولو بيدي والله لاجيبلك كيلو جكليت لكنك بعيده يا عيني ..
شكراً يا احلا من الحلاوة يا اختي ..

مشكور عمدة على ردك الحلو والله اتخجلنى دائما ياوردة
واذا على الكيلو اعتبره واصل
وهاي الك

http://i22i.net/uploads/143df521c6.jpg (http://i22i.net)

[العمدة]

الله كلش طيبه يا عيني تسلميلي يا ورده ..
عاشت الايد الي جابتها ..
وامي اكلت منها وتسلم عليج ..
شكراً حلاوتي الف شكر خجلتيني ...
وهاي الچ يا غاليه ..

[حلاوة التكنلوجية]

الف عافية عمدة لوالدتك والله يسلمها والف عافية الك
ومشكور على الكيكات الطيبة

[tom_hanks]

حلوووووووةةةةةةة عاشت ايدك ياوردة والله الجكليتة طيبة اني هم نفسي دنية مثل motorola واكلتهااا للجكليتاية عاشت ايدك ياورد ومشكككووووووووررررررر

تحياتي
tom_hanks

[العمدة]

حياتي اني الي اشكرك لان اكلتها للجكلتيايه ..
الف عافيه حب .. وانشالله اجيبلك جكليت ..

[SuPeRpLaYeR]

هاي شنو شو محد جابلي شي؟؟؟؟؟؟؟
راح ازعل معلية بعد ما اجيكم
بسيطة اني الكم
الى اكول لبابا عليكم
معلية زعلت

[العمدة]

لا حياتي سوبر ..
شعندي غيرك ..
احنه مو متفقين اجيبلك ورده ..
وراح اجيبلك وياي جكليته ..
والله لا تزعل ولا تكل لبابا ..
تره ايده ثكيله .

[tom_hanks]

الله يخليك ياعمدتنا والله كلك كرم وطيبة وتسلم ياوردة...

تحياتي
tom_hanks